14● 挑 戰 山 ● 組

[IamO]

蜜 瓜 斬 半 連 槍 寄 日 本 傳 媒 　 揭 黑 吃 黑
14K 挑 戰 山 口 組

【 本 報 訊 】 惡 名 昭 彰 的 日 本 最 大 幫 會 「 山 口 組 」 ， 與 本 港 老 牌 黑 幫 「 14K 」 ， 疑 因 一 宗 涉 及 31 億 日 圓 （ 約 2 億 港 元 ） 的 毒 品 案 爆 發 「 港 日 衝 突 」 。 日 前 ， 有 人 向 日 本 《 讀 賣 新 聞 》 寄 出 一 個 內 附 手 槍 、 子 彈 和 毒 品 的 包 裹 ， 並 將 一 封 告 密 信 聯 同 一 個 被 斬 開 一 半 的 蜜 瓜 放 在 包 裹 ， 信 中 聲 稱 山 口 組 搶 去 香 港 黑 幫 價 值 數 十 億 日 圓 的 毒 品 ， 並 踢 爆 山 口 組 位 於 東 京 新 宿 一 帶 的 多 個 藏 毒 地 點 。

上 月 底 日 本 警 方 在 東 京 起 獲 14K 販 毒 集 團 的 31 億 日 圓 毒 品 ， 據 本 報 所 獲 消 息 稱 ， 14K 成 員 懷 疑 是 山 口 組 向 港 、 日 警 方 告 密 ， 故 日 前 以 手 槍 、 子 彈 及 告 密 信 向 日 本 傳 媒 爆 料 ， 讓 日 本 警 方 掃 蕩 山 口 組 在 東 京 控 制 的 一 系 列 販 毒 活 動 。 14K 今 次 的 報 復 行 動 ， 特 意 選 用 日 本 商 人 的 傳 統 禮 品 — — 蜜 瓜 ， 惟 斬 開 一 半 相 贈 ， 意 味 雙 方 已 經 決 裂 ， 挑 戰 味 道 甚 濃 。 日 本 《 讀 賣 新 聞 》 昨 日 報 道 ， 一 名 匿 名 男 子 上 周 二 （ 即 本 月 15 日 ） 致 電 該 報 社 東 京 總 部 ， 自 稱 「 有 日 本 黑 幫 的 黑 市 交 易 情 報 」 ， 同 日 下 午 ， 東 京 總 部 就 收 到 告 密 包 裹 。 包 裹 以 速 遞 方 式 寄 送 ， 是 一 個 用 黃 綠 色 紙 張 包 裝 的 木 箱 ， 包 裹 寄 件 人 一 欄 寫 漢 字 「 本 人 」 。

包 裹 內 有 兩 中 國 護 照

據 悉 ， 木 箱 內 藏 一 支 0.38 口 徑 手 槍 、 13 發 子 彈 ， 用 膠 紙 固 定 貼 箱 底 ； 還 有 兩 包 白 色 粉 末 ， 一 包 寫 「 覺 」 ， 另 一 包 寫 「 K 」 ； 更 有 一 個 啡 色 信 封 ， 內 有 兩 本 中 國 護 照 ， 及 一 封 以 中 文 寫 成 的 告 密 信 和 半 個 蜜 瓜 。 《 讀 賣 》 立 即 報 警 ， 警 方 經 鑑 定 後 ， 證 實 包 裹 藏 真 槍 真 彈 ， 而 兩 包 白 粉 末 ， 寫 「 覺 」 字 的 一 包 有 1 克 份 量 的 冰 毒 （ 日 語 稱 冰 毒 等 興 奮 劑 為 覺 醒 劑 ） ， 寫 「 K 」 字 的 一 包 有 兩 克 俗 稱 「 K 仔 」 的 迷 姦 藥 氯 胺 酮 。

中 文 告 密 信 共 有 兩 頁

至 於 告 密 信 共 有 兩 頁 ， 用 中 文 打 字 ， 信 中 說 ， 有 日 本 黑 幫 前 頭 目 在 兩 、 三 年 前 ， 從 香 港 的 黑 幫 奪 去 了 價 值 數 十 億 日 圓 的 毒 品 ， 現 於 日 本 秘 密 發 賣 ， 並 把 「 販 毒 所 得 的 黑 錢 和 槍 枝 ， 藏 於 新 宿 一 個 黑 幫 組 織 內 」 。 新 宿 有 著 名 紅 燈 區 歌 舞 伎 町 ， 龍 蛇 混 雜 ， 有 各 幫 會 地 盤 。 告 密 信 又 提 及 一 些 黑 幫 高 層 的 名 字 ， 日 本 警 方 已 確 認 真 有 其 人 。 日 本 電 視 台 （ NTV ） 在 當 地 時 間 昨 晚 8 時 半 左 右 報 道 ， 日 本 警 方 正 就 事 件 搜 查 山 口 組 旗 下 多 個 分 會 。 日 本 警 方 相 信 此 案 涉 及 龐 大 販 毒 集 團 之 間 的 利 益 糾 紛 ， 他 們 會 追 查 寄 件 人 ， 寄 件 人 將 面 臨 非 法 擁 有 槍 械 及 毒 品 罪 名 的 起 訴 。 本 港 消 息 稱 ， 日 本 山 口 組 與 本 港 14K 兩 大 黑 幫 ， 今 年 初 曾 在 香 港 會 面 ， 合 作 偷 運 一 批 冰 毒 往 日 本 。 上 月 20 日 ， 貨 輪 將 大 批 冰 毒 運 抵 橫 濱 後 ， 14K 指 日 方 突 然 壓 價 而 拒 絕 交 易 ， 並 立 即 動 員 人 手 將 毒 品 送 往 東 京 ， 找 中 東 及 亞 洲 毒 販 交 易 。

日 警 上 月 拘 14K 成 員

此 時 ， 本 港 及 日 本 警 方 先 後 收 到 情 報 ， 日 本 警 視 廳 搜 查 課 人 員 由 上 月 24 至 28 日 ， 在 東 京 各 處 展 開 掃 毒 行 動 ， 破 獲 當 地 歷 來 第 二 大 毒 品 案 ， 拘 捕 四 名 本 港 男 子 及 一 名 內 地 女 子 。 被 捕 的 本 港 男 子 由 23 至 42 歲 ， 均 有 14K 背 景 。 本 港 14K 黑 幫 懷 疑 是 山 口 組 告 密 而 掀 起 今 次 寄 包 裹 告 密 事 件 。 本 港 警 方 發 言 人 昨 表 示 ， 不 會 評 論 個 別 事 件 。

山 口 組 與 14K 結 怨 經 過

1 〉 今 年 初 ， 日 本 最 大 幫 會 山 口 組 成 員 來 港 ， 與 14K 成 員 傾 談 一 宗 31 億 日 圓 的 冰 毒 交 易 2 〉 上 月 20 日 左 右 ， 一 艘 大 型 貨 輪 將 大 批 冰 毒 運 往 日 本 橫 濱 ， 但 14K 不 滿 山 口 組 臨 時 壓 價 ， 雙 方 取 消 交 易 3 〉 上 月 24 至 28 日 ， 14K 成 員 攜 毒 品 在 東 京 一 帶 與 中 東 人 及 亞 洲 毒 販 交 易 ， 但 每 到 一 處 ， 即 被 日 本 警 方 圍 捕 4 〉 本 月 15 日 ， 14K 向 《 讀 賣 新 聞 》 寄 出 挑 戰 山 口 組 的 包 裹 勁~~~~

[小光]

可以做新一集GTA的劇情

[Sgodkyo]

好正的題材
遲d會唔會比人拍埋電影

[紅蓮]

香港係一個國際城市，黑社會當然都要國際化

[雪舟等楊]

作者: 神京

好正的題材
遲d會唔會比人拍埋電影

鄭伊健當年拍過啦
個集仲有邱淑貞

[【麥斯】]

龍か如く３

[豆腐]

作者: 紅蓮

香港係一個國際城市，黑社會當然都要國際化

咁封信應該要用日文or英文寫先可以

各國黑社會一直都有交流架啦XD

[赤兵尉SETH]

密瓜半個...

[小昭Teddy]

作者: 赤兵尉SETH

密瓜半個...

蜜瓜俾人分屍

[sgouki]

作者: 豆腐

咁封信應該要用日文or英文寫先可以

各國黑社會一直都有交流架啦XD

咁簡單到爆啦, 你睇少香港黑社會?
你吾明佢地點解用中文寫?

[>>>>>劉伯<<<<<]

作者: sgouki

咁簡單到爆啦, 你睇少香港黑社會?
你吾明佢地點解用中文寫?

正如中共領導人出訪都唔講英文講普通話?

[湯馬 c 盤旋]

作者: 雪舟等楊

鄭伊健當年拍過啦
個集仲有邱淑貞

當年係山田組, 依家係山口組~~

[oogami]

香港d社團真係犀利... 夠膽挑戰世界上數一數二既社團.

[奇妙Go1]

維基有講, 論人數還是本港的多, 但論滲透各階層就日本那方來的大, 雙方財力&後台或許不相伯仲吧...(有錯勿插)
日本當地居然會容許暴力組織合法註冊, 難怪有些遊戲中的黑道人物會那麼張揚.

[西野村中一條河]

作者: oogami

香港d社團真係犀利... 夠膽挑戰世界上數一數二既社團.

你都太睇少1XK
荷蘭英國美國歐洲都有佢地

入唔到日本只係日本太排外

[信長]

半個蜜瓜
好有心思

[GUSTAV]

做到咁揚....

遲下香港人去日本會唔會比人.....

[大情大性武大帝]

作者: 西野川一河

你都太睇少1XK
荷蘭英國美國歐洲都有佢地

入唔到日本只係日本太排外

但都係唐人街果Ｄ搞搞震姐！

[JoeII]

作者: 奇妙的藍鬚子

維基有講, 論人數還是本港的多, 但論滲透各階層就日本那方來的大, 雙方財力&後台或許不相伯仲吧...(有錯勿插)
日本當地居然會容許暴力組織合法註冊, 難怪有些遊戲中的黑道人物會那麼張揚.

計埋"村童"一定好多，不過香港果d好多都難免令人覺得係污合之眾…
日本合法註冊…咁會唔會受政府監管？

[信長]

作者: 西野川一河

你都太睇少1XK
荷蘭英國美國歐洲都有佢地

入唔到日本只係日本太排外

作者: A HoManTin Work

但都係唐人街果Ｄ搞搞震姐！

睇discovery 講
有美國黑幫排行榜

第一係 MS-13
仲有一個ms-13 的女會員向傳媒大爆ms-13 真面目
該女會員事後被殺,
殺佢的兇手最後捉到,該兇手仲要係女死者在ms-13的朋友

兇手最後終生監禁,仲話係組織落命令要殺女死者
又話一日入會,到死都唔可以脫離ms-13 (想脫離,會被殺)

仲有有d 黑幫十幾歲入會,入會儀式係開槍殺人(3唔識7,可以殺路人,睇邊個唔好彩 )

[光熱斗]

...寄到去個蜜瓜咪好臭??

[大情大性武大帝]

作者: 光熱斗

...寄到去個蜜瓜咪好臭??

速 遞 方 式 寄 送

你唔會諗住佢會食下？

[HAKAIDER]

作者: 奇妙的藍鬚子

維基有講, 論人數還是本港的多, 但論滲透各階層就日本那方來的大, 雙方財力&後台或許不相伯仲吧...(有錯勿插)
日本當地居然會容許暴力組織合法註冊, 難怪有些遊戲中的黑道人物會那麼張揚.

正因為日本黑道滲透力太高實在好難根治

而且有大部份打着"合作社"的旗号幫助勢力範圍内的市民

當年神戸大地震甚至有黑道人物以社團名義出錢出力振災

所以日本政府才以"合法註冊"形式整治日本黑道

但近年日本政府有心取締日本黑道,2005年將山口組六代目組長收監服刑6年

[大情大性武大帝]

作者: HAKAIDER

正因為日本黑道滲透力太高實在好難根治

而且有大部份打着"合作社"的旗号幫助勢力範圍内的市民

當年神戸大地震甚至有黑道人物以社團名義出錢出力振災

所以日本政府才以"合法註冊"形式整治日本黑道

但近年日本政府有心取締日本黑道,2005年將山口組六代目組長收監服刑6年

最好笑（或者講最勁）係，連佢地黑社會開會都比電視去影的…

[大山椒魚]

好想知日本警方會點處理封告密信,
會唔會睇完就算?

成份報導都冇講過d毒品據點情報係真係假,
到底有冇做野真係未知之數