知道可以重疊裝在一起，但不知道有乜嘢要留意
試過一次裝CPL裝到UV上，一拆時連UV也拆出來……

邊個教你玩d咁無謂既野,你殺左佢都得呀,其實宜家d數碼相機真係無必要用uv鏡,因為感應器前都會有UV/IR Cut濾鏡,你宜家咁做只係重複左,我唔知你玩左幾耐攝影,到最後你會連cpl都唔會用,原因到時你會知道

開始影兩個月都冇好多都唔識，睇網又唔明
見過有人提ND+ND嘛
部機EOS 600D都好耐之前，有冇包過濾UV/IR要查下
咁結果都試過將CPL加咗上去UV上，但唔係好覺有問題，除咗拆果下，睇黎要再玩下先

nd加nd,我都唔知點講好,可以話好多餘,又可以話無問題,係我自己立場就好多餘,加上有幾何既拍攝主題係要減得咁利害,另外係要留意cpl要旋轉改變光線進入角度,緊記一樣野,所有Filter只係拍攝時先用到,大多數情況下用完就可以除返落嚟,另一樣最重要既事情,唔好諗住追器材,真心話,係無用既,部部相機都係大同小異,技術先係主要,同時唔好同人比例(包括技術及器材),攝影係好個人既興趣,有時間就學後期,後期係重要好多,可以由無變有,由雨天變晴天,香腸變人類,乜都得,最後要講既係,攝影不是遊戲,"升級"與經驗值之間絕不是線性關系,升級器材最後都達不到所謂"攝影師"的標準,升級的關鍵其實就在於每一次都要突破樽頸,有時候停一停可能對你有突破

落濾鏡已經係為左保護支鏡多
好認同攝影係好個人，自己享受過程啦

謝樓上兩位

依家先覺得iphone果啲影相原來很利害，乜都唔識都可以玩到好靚
相反依家用下MODE就覺得好鬼難用又多要求同顧慮
用濾鏡又R頭，又唔知乜時候用
用天涯鏡原來又唔zoom得太盡縮光圈太細又矇又郁
真係好多嘢玩(煩)

另一位先高手我呢D萬年新手
睇你要求啦，要聞相咁IPHONE放到大一大咪唔OK
我自己就用光圈先決多。
天涯鏡就係咁，會唔會zoom盡果時會唔會過左安全快門

要學先學左變做人肉測光機先,睇下個天氣既光線,就知道用幾多光圈幾多快門幾多ISO,唔好下下用相機AUTO去決定,仲有要學多樣野,拍攝完唔洗睇返張照片出嚟既效果係點樣,因為係你按快門制之前已經知道出嚟效果係點,同時係構圖時已經知道加後期既效果係點,宜家對你嚟講可能係天方夜譚,但只要有恆心就可以,唔好話無時間去影相,係屋企都可以玩到好多主題出嚟,基礎加上後期學習3年左右(嚟3年比自己一個目標,唔好只拍死一樣野,要乜都學識)

唔關事,你識攝影既話,用菲林一樣可以好靚,玩手機攝影之前最好要完全學曬攝影先好玩,因為會有太多壞手勢,加上真正既手機攝影可以煩個單反好多倍,手機攝影一樣要鐵三角,計ISO,快門,光圈(只不過係變左電子光圈),曝光等等等

PS:真心想學攝影一定要用時間去學習,因為攝影係按快門前有太多學問係到,包括數學,光學,天文,地理(當你去影星軌就明白我講乜),物件既變化太多野係入面,慢慢學,作品失敗無問題,試多幾次就知道點做

天涯鏡一樣可以好利好靚,只係技術問題,利到嚇死你都得,要張相利真係可以有太多方法及太簡單,緊記唔關鏡頭事

一樣可以放大去聞相,關鍵係用乜攝影APP,原裝APP出嚟2MB左右,我用既攝影APP放大到去45MB一張,宜家用P20 PRO原裝APP,無壓縮70MB一張

Ps: 我講緊係ip6,宜家新apple影出嚟既相片可能仲大好多

上網學習係好事,只要把關鍵字(錢,換機,換鏡)刪除,你會學到好多野

人肉測光機只係比你可以正確攞到ISO,快門,光圈既正確數字,要作品千變萬化,就要係基礎上既改變,宜家你嚟一刻只要人肉到正確數字就可以,日後先去改變所有事

搭單問,玩縮時你地敢唔敢連埋太陽影?如想影日落o個段...好怕會燒cmos?

https://www.mobile01.com/topicdetail...=257&t=3828653

雷射會，日光應該不會吧

其實好少會重疊用, 多一塊鏡畫質又再跌又可能再多啲無預期嘅耀光

----------------

日光安全嘅, 而且太陽會郁, 問題不太
除非你600mm對準個太陽幾個鐘就唔知喇

問題如果用action cam之類o既縮時會長時間開住個cmos,射住個幾兩個鐘唔會冇事吧,,,

action cam想買啦
如果是無人機就試過連線射足20分鐘都唔覺有問題...

放心影，塊cmos無咁雞，如果傳聞係真，我十幾部單反一早燒曬