Games Animation Forum

返回   Games Animation Forum > 娛樂興趣區 > 體育版 > 球會討論區

回覆
 
主題工具 顯示模式
舊 11-21-19, 09:59 AM   #651
蛋撻王子
God of Gamer
功德完滿
 
註冊日期: Mar 2007
文章: 11,659
巴舒亞伊:我會一直留在我的家,車路士/足球快訊 #細路仔看足球

車路士嘅前鋒巴舒亞伊,並冇計劃諗住離開車路士。呢位比利時嘅前鋒喺2016年上「車」,但係佢其中兩季係被外借到多蒙特、華倫西亞以及水晶宮。



「我好少正選上陣,多數都係後備嘅。但係我感覺到車路士就係我嘅屋企,我深愛著呢架「車」!」,他說。佢亦都講關於佢年輕時代嘅嘢:「後生嘅時候,我係有啲紀律嘅問題,但係你諗下邊個後生仔唔會有問題?但係到咗今日,我知我已經到咗26歲,我應該控制到我自己。我亦都要畀心機去訓練,咁樣我先可以出場,為車路士上陣。」

巴舒亞伊呢位前鋒佢嘅獨特之處,就係佢射門嘅觸覺。佢已經為車路士上陣個64場,但係正選上陣嘅呢只係得20場,唔夠一半。但係佢已經入咗24球同埋貢獻咗六個助攻,其中喺今季嘅表現更加係好嘅。佢上陣咗十一場,入咗五球加一個嘅助攻,佢平均每42分鐘就會直接或者間接創造一個入球。佢最近入嘅波已經要數到喺足總盃對住曼聯輸二比一個場,雖然唔該場波係輸咗,但係佢依然入咗一個好靚嘅波。



但係佢最大競爭者,就係另外一位前鋒譚美阿巴謙。佢今季就好似林柏特嘅契仔咁。佢已經入咗11球,喺射手榜嘅前列位置佔一席位,隨著阿巴謙嘅波一路keep住咁嚟,可以見到巴舒亞伊真正落到場嘅機會並唔係太多。但係我本人認為車路士應該係要keep住巴舒亞爾作第二前鋒嘅選擇,佢堪稱係當代車路士嘅後備殺手,亦都可以射入一啲好靚嘅波,而基佬真係可以考慮喺一月落「車」啦!

Fanpiece - 細路仔看足球: https://football.fanpiece.com/wethes...-c1362430.html

巴舒亞伊:〈對於效力車路士〉我從來都不是球會的絕對主力人選,但車路士是我的主隊,這裏是我的主場。我深愛着車路士的一切

〈對於離隊傳聞〉我不會理會這些傳聞。我留在球會,好好看比賽,繼續努力工作,我只是希望自己的努力付出可以有回報。我希望可以繼續幫助球隊入球,並且繼續享受自己的足球比賽

Facebook: 車路士是最勁


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 11-28-19, 09:50 AM   #652
蛋撻王子
God of Gamer
功德完滿
 
註冊日期: Mar 2007
文章: 11,659
華倫西亞 2-2 車路士
基柏差點成為英雄,最終卻成為失分罪人



高華錫取得他加盟以來首個入球

早前曾傳出林柏特對門將基柏的狀態不穩感到憂慮而希望另覓門將教練。今仗果然顯示該名西班牙門將由英雄變成罪人的過程。結果林柏特求仁得仁,果然不敗,卻要到最後一個回合主場出戰里爾才可決定能否出綫。

雙方開賽起便快上快落。車路士雖然作客但仍十分積極。10 分鐘佐真奴 40 碼長傳,普利錫入楔禁區可否只差一步未能接應單刀。四分鐘後正選的列斯·占士也作出長傳,譚美·阿伯拉罕被對方力壓只能射門高出。

但主隊逐漸重奪球賽主導權,並且對車路士後防造成壓力。洛哲高右路傳中,門前已無人看管,麥斯·高美斯竟然漏踢,車路士大難不死。30 分鐘麥斯·高美斯同樣門前無人看管,但他竟然無壓力下射門斜出,實在令人感到不可思議。

不過幸運不會無止境地出現。39 分鐘譚美·阿伯拉罕近門施射被對方門將施里遜飛盡撲出,一分鐘後車路士即告失守。華倫西亞一次簡單反擊,蘇拉推入禁區一射入網。主隊領先一球。

但車路士也不示弱,一分鐘後已火速扳平。高華錫接應阿斯比列葛達長傳離門 20 碼勁射,取得他為穿上車路士球衣的首個入球!雙方各入一球返回更衣室;譚美·阿伯拉罕卻據悉因跌傷而需送院。暫時傷勢未明。



普利錫令車迷以為已可出綫

換邊後普利錫更令車迷產生百般想象,因 50 分鐘後備入替的百舒亞爾搏得角球,干堤傳中,蘇馬爭頂後皮球落在門前由美國隊長近門射入,經 VAR 驗證有效!車路士反先 2-1!

但在首回合曾作客小勝車路士一球的蝙蝠兵團回到主場當然不會就此罷休。57 分鐘復任正選的基斯甸遜解圍混亂,洛哲高衝前一射卻近門高出。車路士再次大難不死。

這還不止。65 分鐘佐真奴在己方禁區內與對方加耶爭持,球證判處十二碼。對方主將柏利祖主射,卻被基柏飛身撲出!華倫西今仗第四次錯失入球良機。

反勝後林柏特以艾馬遜取代有黃牌在身的佐真奴,改打五人後防希望守住勝局。豈料日防夜防家賊難防。82 分鐘基柏竟然大意失位,被對方中場華斯冷不提防輕易笠射入網追成 2-2。



基柏撲出十二碼,卻大意失球令球隊痛失兩分

90 分鐘百舒亞爾差點再成後備英雄。比利時射手左路切入再起左腳勁射,門將施里遜不敢怠慢飛身擋出。相反補時階段乘車路士力求三分全力進攻而後防空虛,洛哲高禁區內無人看管下竟然再次射失。結果雙方各得一分完場。

球隊錯失出綫良機。較遲開賽的阿積士作客里爾一般估計前者必全取三分而以兩分優勢穩佔榜首。因此車路士需待兩星期後主場出戰里爾全取三分才可出綫。雖說對手較弱,但球賽這回事從來充滿驚喜因素,始終令人難以安枕。

今仗面對鬥志與實力俱備的華倫西亞,後防漏洞再次崩盤。若非對方五次錯失「叉燒」車路士已全失三分。這個問題實在不容再次出現。

今仗最佳球員:高華錫
入球十分精彩,在中場也充滿力量而展示其級數。

正選陣容:
華倫西亞:施里遜|哥斯達|加雷|加比奧|加耶|托里斯|柏利祖|華斯|蘇拉|洛哲高|高美斯
車路士:基柏|占士|基斯甸遜|蘇馬|阿斯比列葛達|干堤|佐真奴|高華錫|韋利安|普利錫|譚美·阿伯拉罕

車路士新聞網: https://www.macchelsea.com/?p=11499

下場對里爾一定要贏啊

呢排精神好差同工作較忙
無更新幾日


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 11-29-19, 01:07 PM   #653
蛋撻王子
God of Gamer
功德完滿
 
註冊日期: Mar 2007
文章: 11,659
有傳油王放盤?車路士主席巴克澄清:無意出售球會

車路士班主艾巴莫域治近年因為他的英國簽證問題,今季至今都未有現身史丹福橋球場觀看賽事。早前有英國媒體透露,艾巴莫域治已經對此感到厭倦,有意出售車路士,不過,車路士主席布魯士巴克日前澄清,油王無意出售球會,不會答覆早前收到的報價。

近年油王在車路士管理層面上作風轉趨低調,除了久久未有現身史丹福橋球場,上年又因為投資前景不明來問題,宣佈放棄球場的擴建工程,令不少英國媒體認為他有意將車路士放盤,不過球會主席巴克指,油王不會考慮出售車路士:「我從未聽過艾巴莫域治叫我們準備出售球會,由於政治局勢,有些人認為他們可以較便宜的價格收購車路士,我們確實曾經收過報價,但對這些報價都一一無話可說。」

車路士季初面臨轉會禁令,但一班年輕的青訓產品在新帥林柏特的帶領下,球隊現時仍然在聯賽排名第四,表現令人驚喜,巴克又指油王對此表現感到興奮:「轉會禁令給年輕球員更多機會,這令艾巴莫域治非常高興,因為他非常關心球會的青訓,他在世界球壇上少數看過無數青訓賽事的班主。」巴克又強調,油王仍然熱衷參與球會內部每一個動作,心繫藍軍:「就參與而言,無論是尋找新球員,還是談論和一些球員續約,他從第一天起就一直密切參與其中,到現在仍然不變。」

2014年克里米亞半島危機後,俄羅斯和西方國家交惡,由於油王艾巴莫域治和俄羅斯總理普京關係密切,他亦首當其衝愛到西方國家包括英國監察。去年5月,油王的英國簽證失效,令他錯過2018年足總盃決賽,後來他決定以猶太人的身份入藉以色列作為折衷,以重新申請英國簽證,不過至今仍然未有在史丹福橋現身。

Fanpiece - 球旗新聞: https://football.fanpiece.com/corner...feature=scroll


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 11-29-19, 01:08 PM   #654
蛋撻王子
God of Gamer
功德完滿
 
註冊日期: Mar 2007
文章: 11,659
蘇馬:摩連奴是我的永遠良師

現效力車路士的蘇馬,稱對現執教熱刺的摩連奴只有感謝,是這名葡萄牙人把他帶來英超球壇,並教會他討厭失敗。

這名剛年滿25歲的法國中堅在2014年被摩連奴相中,由法甲聖伊天帶來車路士,在2014-15球季,蘇馬一直是摩連奴的愛將之一,他亦獲得了許多的上陣機會。蘇馬說:「他是那個為我開了英格蘭大門的人,我來到車路士的時候,只有19歲,我仍很年輕。他給予我很多上陣機會,令我相信自己的能力。他帶領我見識英格蘭的足球是怎樣的一回事,他是一名討厭落敗的教練,也教會我討厭失敗。」他續道:「我很感謝他,因為他我才能享受在車路士的時間,我對他只有感謝。」

蘇馬在摩連奴離隊後經歷嚴重傷患,休養了接近一年,在過去兩年外借至史篤城和愛華頓,並在去季找回不俗的比賽狀態。今季受制於轉會禁令,車路士未能簽下任何新守將,蘇馬亦在林柏特麾下得到重用,至今已為球隊在各項賽事上陣19場,表現亦是漸入佳境。

Fanpiece - 小球僮新聞報道: https://football.fanpiece.com/caddyn...feature=scroll


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 11-29-19, 01:13 PM   #655
蛋撻王子
God of Gamer
功德完滿
 
註冊日期: Mar 2007
文章: 11,659
《車迷們有一種福氣 叫簡迪》



唔經唔覺,簡迪加盟車路士都已經三季有多,而原來一直都無寫過關於佢既文章,自「小毒毒」加盟後一直都係藍軍不可或缺既球員,重要性甚至不下於夏薩特,而經歷過三任領隊既洗禮過後,簡迪喺隊中既角色同場上既職責一直在演變,可以話係一種能上既進化。

簡迪比起當季領隊干地喺更早時間加盟史丹福橋,策動是次轉會交易既係前任體育總監艾文拿路,相信好大原因係取決於哩位法國中場喺李斯特城期間驚人既表現,協助球隊以「奇蹟性」獲得應屆英超冠軍,而簡迪既加盟亦令當時唔少車迷回憶起馬基列尼及艾辛兩位前球員,同為黑人既簡迪同樣地以防中位置成名,而史丹福橋過往對於擔任防中既球員都有著一定「標誌性」,令車迷憧憬簡迪會得到名宿們既成就。

同時簡迪既加盟令當時仲喺隊中既馬迪有唔少束縛,當時干地利用343陣式為車路士及英超創造一道光境,但喺雙中場當中簡地被安排一個偏向防守性既角色,反而將馬迪推向較為前既位置,但後者個人黎講對於新角色既轉變似乎有點不滿,即使當季能夠成功爭取得到英超冠軍,但佢亦隨即接受摩連奴既邀請轉投曼聯,亦埋下干地被炒既伏線。

對於簡迪取代馬迪,無疑係一種提升,不過中場上既組合,始終難以依靠簡迪一人去承擔,要睇其他中場球員既組合性,而干地所收購既巴卡約高就未能乎合有關條件,雖然後場依然有簡迪去保護,但球隊喺中場既推動力方面實在有太大不足,球隊成績未如理想,而干地最終亦與管理層不歡而散,而車路士就搵黎同樣係意大利藉既沙利作新領隊。

沙利喺拿玻里年代其實都已經証明自己係一個偏向主動進攻既領隊,而同時佢亦帶黎左舊部佐真奴,後者主要負責喺中後場位置派波策動攻勢,亦都姐係同簡迪係完完全全唔同風格既防中,而沙利帶得佐真奴過黎,當然係會比番最擅長既位置佢打,而將過往專注於中後場負責掃蕩既簡迪,改變成為需要投入更多進攻工作、負責球隊中場推動既攻擊球員,亦組係由防中改成為類近Box to Box中場。

當然,外界對於沙利既改造意見聲不斷,但不容置疑既係簡迪喺場上既發展的確更加全面,所覆蓋既範圍已經唔係單單局防喺中後場,而係喺前鋒身後既區域經已作出第一步攔截,即使被對手略過亦可以跑動到後場參與防務,而同時簡迪亦會適時走入禁區作出接應,雖然未必算係話好好,不過佢的確比起以往入得更多波,而亦有為球隊搶到唔少關鍵分數。

即使林伯特上任後亦未有改變簡迪現有既踢法,繼續以前領隊沙利既安排作基礎藍本,不過法國人今年都二十有八,踢法上經常要喺場上奔跑走動無疑令身體會出現較多傷患,再加上改造後既簡迪負擔就更大,季初至今都一直斷斷續續咁上場,真係有必要鍚住用。球員上季經已成功續約,近日簡迪開腔指希望能夠於史丹福橋退役,此舉令唔少潛在買家好似巴黎聖日門等豪門球員心傷,老實說,以簡迪既個人能力絕對能夠再獲得進一步成就,不過佢選擇繼續留喺藍軍...

對於車路士同所有球迷黎講,係一種福氣...


Fanpiece - 藍獅: https://football.fanpiece.com/bluexl...feature=scroll

我成日都係到講
唔明點解佢會留低
太多謝佢


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 11-29-19, 01:19 PM   #656
蛋撻王子
God of Gamer
功德完滿
 
註冊日期: Mar 2007
文章: 11,659
巴克利 完了吧 如無意外

近期在車路士已淪為大後備的巴克利又再次捲入醜聞之中,這名英格蘭國腳因傷退出了國家隊,亦被車路士准許休假養傷,但卻被拍到在休假期間,出現在杜拜,還要醉酒忘形地脫下衣服,在舞池中狂歡狂舞。此舉令著重軍紀的林伯震怒,這亦是今季巴克利第二宗因醉酒鬧事的事件,球場內外難交出令人說服的表現,看來巴克利在車路士的路,已到了尾聲。



在2018年冬天,巴克利以1500萬鎊加盟車路士,這名「新加斯居利」在愛華頓時展現不俗的天賦,遠射、展傳、推進力俱佳的他受到球迷一定程度的期待。在干地麾下,巴克利機會廖廖,但繼任的沙利卻對此子很是重用,巴克利全季亦得到了48場的上陣時間,季初一度曾交出亮眼的演出,接連交出入球和助攻。但高光過後,這名英格蘭中場全季的表現只屬中規中矩,在進攻中場位置的爭奪上,亦先後敗予後輩路菲斯捷克和克羅地亞人高華錫。


在今季,林柏特上任,對於踢球風格和自己有點相似的巴克利,林伯亦不吝惜給予此子出場的機會,在熱身賽中,巴克利可說是球隊的主力之一,他亦在熱身賽中交出表現。但回到了正式賽場,巴克利似乎又打回原形,此子太喜歡控球在腳之餘,護球能力亦不足;而且跑動非常散慢,未能配合林柏特的迫搶陣式。雖然在盃賽中偶有佳作,但整體表現和新人馬臣蒙特有著明顯的差距,因此只能退居後備,上陣機會越來越少。



但在場外,巴克利卻不知檢點,繼上次醉酒鬧出的士風波後,今次又再因醉酒問題引來麻煩。林柏特一向著重球員的紀律,巴克利如此不知自愛,實難以在林伯的麾下立足。隨著車路士另一青訓才俊路菲斯捷克將於年尾復出,意味著巴克利的上陣機會將會再減少。態度決定高度,也許巴克利的豪門夢,也將發完了。

Fanpiece - 評球品足小球僮: https://football.fanpiece.com/little...feature=scroll
Playasia - Buy Games & Codes for PS4, PS3, Xbox 360, Xbox One, Wii U and PC / Mac.

__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-02-19, 10:59 AM   #657
lwl
God of Gamer
 
註冊日期: Feb 2006
文章: 6,016
PSN  IDlwlworld
XBox Live GamertagLWLWORLD
前鋒一無艾巴咸, 威力真係大減...............


__________________
Chelsea
lwl 目前線上   回覆時引用此篇文章
舊 12-02-19, 01:39 PM   #658
蛋撻王子
God of Gamer
功德完滿
 
註冊日期: Mar 2007
文章: 11,659
車路士 0-1 韋斯咸
球隊連續第三仗不勝,是否陷入低潮期?



謝勞難得正選,表現卻乏善足陳

連續兩仗不勝的車路士返回史丹福橋球場迎戰林柏特的母會韋斯咸。由於周中勇戰的虛耗和主將受傷令車路士實力大減,前綫也一時未能適應新組合的踢法;加上客軍以十分純熟的聯防輔以體力化的踢法面對藍軍的疲兵,結果頗有說服力地成功瓦解車路士一波接一波的攻勢,並以一次反擊得手

譚美·阿伯拉罕周中受傷,傳媒紛紛估計正選中鋒位置花落誰家。結果是盛傳有意一月離隊的老將謝勞擔任;此外柏度也難得獲任正選,可能是周中作客華倫西亞一役體力虛耗,必須讓部分正選球員休息所致。

即使如此,球隊也未有怠慢。僅四分鐘美臣·蒙特禁區頂交橫左路艾馬遜再傳中,後上的柏度連隨一射,可惜欠缺角度被對方門將擋出;七分鐘列斯·占士右路快放後傳中,謝勞僅遲半步;一分鐘後再次中路突破,美臣·蒙特遠射但結果相同。藍軍決心一勝以洗近期頽風的用意十分明顯;尤其兩閘用上速度較高的艾馬遜和列斯·占士,經常轉換方向令對方難以捉摸而疲於奔命。

17 分鐘普利錫禁區左方與美臣·蒙特撞牆後推入禁區射近柱但被擋出。22 分鐘占士右路傳中,豈料省中對方球員中近柱彈出。球隊至此尚未領先可說不幸。

不過韋斯咸只是伺機反擊,24 分鐘的攻勢差點打開紀錄。右中場史諾加斯大腳吊入禁區 12 碼點位置,擔任正選中鋒的安東尼奧竟從後方盲眼位殺上頭鎚攻門,幸好基柏未有怠慢一抱入懷。上半場中段起雙方均愈見謹慎,結果以 0-0 返回更衣室。




普利錫已很努力,但貢獻有限

賽事重開,豈料車路士落筆打三更先落後一球。48 分鐘客軍基士維左路進襲,在禁區頂一扣騙過看守的列斯·占士再連隨右腳一熨,皮球中遠柱入網。

車路士急於扳平差點讓客軍拓大比數。60 分鐘左路角球攻勢,奧邦拿近門頭鎚幸好基柏飛身撲出;接下來的角球則有安東尼奧門前起腳,但他未能踢中皮球也讓基柏牢接。這時林柏特以干堤及韋利安換入佐真奴和柏度。

67 分鐘客軍史諾加斯右路大腳傳至遠柱,蘇馬似把皮球撞入己隊網窩。幸好經 VAR 驗證在他身後的安東尼奧犯手球因而入球無效。這是雙方再作調動。客軍菲臘·安達臣退下火綫,由也莫蘭高入替;車路士則以赫臣·奧多爾入替謝勞實行無鋒陣式。後者進場立刻嘗試左路熨遠柱施射但未中目標。這時安東尼奧似勇戰受傷,由新加盟的中鋒賀拿入替。

尾段皮球基本上九成時間都在韋斯咸那半場,策動則以韋利安的右路為重心,甚至連蘇馬和湯武利也紛紛上前進攻。但這時韋斯咸已把禁區塞得滿滿,實在難有寸進。89 分鐘難得一次由干堤中路策動交橫予普利錫後上施射,但卻未中目標。球證雖然表示補時五分鐘之多,但主隊仍未能造出具威脅的攻勢,結果全失三分而回。其中尾段經常由邊綫傳中,卻換走頭鎚了得的謝勞,令人費解。

坦白說今仗落敗很難責怪球員,因可見他們已盡全力。但無奈印證一點,就是球隊在轉會禁令之下雖然令一眾小將大放異彩而令人驚喜,但實力實在無法兼顧歐冠盃及英超兩條戰綫。對方的經驗領隊彼列基尼正是看準這一點作出針對性的部署而得手。這可能是車迷今季必須接受的現實。

今仗最佳球員:蘇馬
在後防頗為穩健,落後情況下也適當地上前助攻,失球亦非他的責任。列斯·占士原來表現亮麗,右路助攻助守十分活躍,但失球因他被基士維扣過而導致,防守的沉着仍需學習。


車路士新聞網: https://www.macchelsea.com/?p=11507
正選陣容:
車路士:基柏|列斯·占士|蘇馬|湯武利|艾馬遜|佐真奴|高華錫|柏度|美臣·蒙特|普利錫|謝勞
韋斯咸:大衞·馬田|基士維|奧邦拿|巴保拿|費特歷士|科拿斯|奴保|迪根·懷斯|史諾加斯|菲臘·安達臣|安東尼奧


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-02-19, 02:00 PM   #659
蛋撻王子
God of Gamer
功德完滿
 
註冊日期: Mar 2007
文章: 11,659
如韋利安明夏離隊 藍軍鎖定兩大接班人

根據英國《每日郵報》報道,如果陣中翼鋒韋利安決定不和球會續約的話,車路士將會在明夏追逐兩大翼鋒韋費特沙夏和查頓辛祖,以補充失去韋利安後的戰鬥力。



現年31歲的韋利安和球隊的合約只剩下不足一年,兩者的合約談判正陷入僵局。車路士亦有兩手準備,如果韋利安決定離開,球隊將會求購沙夏以及辛祖兩名當紅炸子雞。沙夏在今個夏天曾被阿仙奴和愛華頓追求,但由於兩家球會的出價都不達水晶宮的要求,令沙夏未能離隊。不過這名英藉翼鋒一向嚮往在歐洲賽場中表現自己,來季很大機會獲得歐戰資格的車路士,或能夠吸引這名魔翼加盟。



現年19歲的辛祖在這兩年間表現出眾,是德甲最炙手可熱的年輕球員,在剛剛頒獎的金童獎中只僅次於祖奧菲歷斯名列第二名,成為英超列強爭相追逐的球員。不過兩人的身價都不菲,前者的估價不下於8000萬鎊;要帶走辛祖相信亦要花費過億英鎊。但對於彈藥充足,兼在夏天未花分文車路士,金錢應不是主要問題。

Fanpiece - 小球僮新聞報道: https://football.fanpiece.com/caddyn...feature=scroll


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-02-19, 02:05 PM   #660
蛋撻王子
God of Gamer
功德完滿
 
註冊日期: Mar 2007
文章: 11,659
《協助槌仔幫終止頹勢 車路士對韋斯咸賽後分析》




繼週中歐聯作客西班牙戰和左華倫西亞後,球隊事隔唔夠三日就馬上返到黎主場迎戰韋斯咸,而林伯特亦大膽地作出多個輪換調動,有人話問題正正出自於此,亦有人認為係因為球員疲態所致,但無可否認既係,今場波全失三分,無論林伯特定係球員雙方都需要承擔責任。

老實講,唔少列強都係踢完歐聯就返黎踢英超,疲態並唔係輸波既借口,而喺林伯特既角度,不足三日休息就要再比賽,喺佢角度輪換係正路選擇,錯並唔係錯左選用基奧特同柏度,而係錯左林伯特之前從來無點用過佢兩個咁制,基奧特都還好,喺球會無得出都仲有法國國家隊踢下,但柏度呢?對上一次上場經已要數到十月尾聯賽盃對曼聯既賽事後備上陣,足足一個月無踢過波,試問競技狀態又點會好呢。當然,唔知道奧岱狀態係咪比佢更差,只係想表達錯不在輪換,而係錯在奢求一上場就要有狀態。

再補充多一點,基奧特同柏度兩個今場喺場上既表現,唔少球迷都覺得佢兩個一樣打得唔好,但我個人認為兩者之間係有分野,基奧特已經証明左佢唔適合生存喺林伯特既戰術體系入面,係傷心,但係事實,至於柏度就唔係賽前諗到無狀態之下咁差,無錯,柏度開賽後的確唔係好夾到班後生,而且年紀大跑得無佢地咁快,但係西班牙人既走位依然喺隊中數一數二,無論有球定無球既跑動,哩一點要比較同為老將既韋利安真係比唔上,而柏度亦隨著進程而開始配合班後生,有球普利錫喺左路傳入禁區比柏度插入都係差一步,而哩個配合亦都係柏度既個人最寶貴既地方。

好似講左好多野咁,其實依加先正式開始講番場波,林伯特今場波排番個4231陣式,變動上除左輪換頭先上面講果兩位老將之外都無乜太大變動,唯一就係仲有收起左簡迪,之前都有講過依加既簡迪係要錫住用,再下下比佢場場走足九十分鐘真係又會再傷過,所以以佐真奴同高華錫做正選都算正路。其實成個上半場黎講車路士整體都係襟住槌仔幫黎攻,但喺過程入面分成兩部份,頭廿幾三十分鐘果部份係正常攻勢,而後半果部份係「急躁」既攻勢,球員好似因為攻極都攻唔入而開始唔理組織,個個都跑盡chur盡自己去咁,而林伯特亦無喺場面試圖令場上班球員冷靜少少,後生血氣方剛係明,但下下咁去盡下半場無哂力好易出事。

而韋斯咸既零星反擊亦都相當「到肉」,基柏喺今場波都做到唔少出色既撲救,而美國隊長完半場前果下半空間射失亦可以話埋下左輸波既伏線喺度。下半場一出返黎無耐就比對手喺右路推大位射入,一個好典型既失波,而個人認為哩球最大責任並唔係著重於右閘既占士,而喺蘇馬,無錯佢係有封到近柱位,亦都有手放後以防禁區內犯手球,但最重要既係佢既企位同動作,遮線完全不足以阻止人地起腳,反而係漏左一大個空間話比基士維知要射去邊,而射果下蘇馬亦無試圖用左腳嘗試封擋,可能你會話會唔會有啲雞蛋裏挑骨頭,但哩下其實理應係後衛既自然反應,當知道自己企位有偏差失誤就要務求用任何形式去封阻對手射門路線,而起腳就係當中最簡單易做,但佢選擇左手放後之後望波乜都無做到。

至於差啲輸0-2果球VAR,老實講,果刻喺電視不斷睇個VAR重播真係想死,想死在唔係睇安東尼奧有無真係手球,而係想死在見到蘇馬果下漏頂,係要一次再一次咁播出黎比全世界睇,係啊,佢係漏頂,係啊,佢係漏頂咁樣樣,真心想死,本身以為佢係高波先會咁樣犯錯,真係估唔到會連哩啲機乎實食硬既波都會有甩漏。

林伯特喺六十分鐘早以落後一球既情況下連續換入簡迪同韋利安換走佐真奴同柏度,將陣式由4231變番做433,高華錫取代佐真奴為墜後中場位置,而蒙特拉番後少少偏向番中場,換入被段其實都有啲效果,不過係睇到無左佐真奴既車路士係無乜創造性,尤其係再加上韋利安喺場上就更加著重於邊路出波,之後換走埋基奧特換入奧岱就更加明顯,唔明白點解無左個柱躉式中鋒就出得更多波,究竟係咩玩法?至於韋利安既出波,兩個字黎形容,「X斬」,係連佢開角球見到近柱得對手都照斬埋去,真係唔知想點。

仲有一無左艾巴咸,好似無左人試走近柱位咁,唔肯定果個位係咪艾巴咸走開,亦唔肯定今場究竟有冇人負責走哩個位,但肯定既係今場波無左艾巴咸,亦肯定既係見唔到有人走近柱位,只係見到十球有九球斬完近柱之後都係比對手閂番,就係咁多。

早啲知自己錯係好事,總結番依加球隊所面對既問題
1) 球員控制體能流放依然存在不確定性,令上下半場形勢分野明顯。
2) 長期出現上半場咬唔入而下半場初段即失波既情況,集中力不足加後防個人失誤。
3) 隊中老將狀態不足,其實早排係機會可以用下,但反而過份著重班後生,跟住依加話番班老將無表現,無出過無狀態又何來表現
4) 戰術套路缺少多變性,太多時拖得太長無波入之下就無第二招後手,Plan B係難諗,但其實隊中最簡單就係搵基奧特出黎,無論收唔收起本身既艾巴咸都好,斬波入去比基奧特頂,但依加好多時係佢不在場,而不斷無目標性地斬入去。
5) 缺少佐真奴喺場上後球隊就缺乏進攻方向性,簡迪同高華錫都係中場推進器,但要講到創造真係唯一得佐真奴,換走佢後會唔會有另一套比起依加更有成效既新戰術套路?係困難,但可以研究
6) 艾巴咸同樣重要,巴舒亞伊過份飄忽不定,基奧特與球隊已有戰術體系格格不入,有必要作出解決
.
主要問題如上,大家諗到既歡迎留言一齊討論,慶幸球隊未再有嚴重傷兵問題,希望去到魯迪加、路夫斯捷克佢地復出都唔會再出現哩個問題。

Fanpiece - 藍獅: https://football.fanpiece.com/bluexl...feature=scroll

藍獅炆到打左咁大篇幅.....


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-05-19, 09:28 AM   #661
蛋撻王子
God of Gamer
功德完滿
 
註冊日期: Mar 2007
文章: 11,659
車路士 2-1 阿士東維拉
譚美·阿伯拉罕一入球一助攻成功傷癒復出



譚美·阿伯拉罕又有進帳為球隊先拔頭籌

球隊已連續三仗不勝,亟需一場勝仗以振軍心。面對升班馬阿士東維拉當然是好機會;但過程絕不輕鬆。主場的藍軍需全場搏盡射門 25 次才可僅以一球力克對手,即使泰利回來史丹福橋也沒太多時間跟他聚舊。

上半場自開賽起即張力十足,雙方踢起來十分謹慎。車路士稍為主動,五分鐘韋利安試射被對方門將希頓擋出;及後美臣·蒙特、干堤等均有射門嘗試,但軟弱無力無法破關。

突破終於在 24 分鐘出現。列斯·占士右路傳中,客軍後防難得一次疏忽,被譚美·阿伯拉罕輕易一頂入網領先一球。

然而 41 分鐘艾模哈馬迪大腳傳中,皮球射中前鋒卓斯基的面部再反彈其胸部入網,雖說入球方式有點奇怪,但以客軍的努力而言也算值得。上半場各入一球完結。



美臣·蒙特妙射取得致勝入球

下半場車路士的表現比上半場大有改善,賽事重開三分鐘便再次領先。韋利安交入禁區,阿伯拉罕胸口一控轉交入楔的美臣·蒙特十二碼點車身窩利抽射入網!

下半場中段譚美·阿伯拉罕兩度差不多增添紀錄。73 分鐘韋利安交直綫入禁區,阿巴拉罕入楔右路窄角度挑射遠柱,可惜貼柱斜出;接着普利錫左路盤扭推入禁區交至門前惹來一場混戰,阿伯拉罕近門施射,卻被密麻麻的敵衞擋出,他自己也在爭持中受傷,稍後需由百舒亞爾代替。

80 分鐘車路士又錯失良機。譚美·阿伯拉罕離門 20 碼搏得罰球,韋利安主射笠過人牆似會貼柱入網,門將竟能飛身一撲,皮球中內柱彈出;兩分鐘後阿伯拉罕的 20 碼遠射自然也難以不到客軍門將。

尾段客軍大舉反攻,更加以體力化踢法對付藍軍,令韋利安、高華錫等均一度十分痛楚。89 分鐘後備入替的艾模哈馬迪禁區內施射,需基柏飛身才勉強撲出。不過車路士仍奮力捱至補時四分鐘完場,終於重踏勝軌全取三分。

早前球隊後防表現一度有改善跡象,進攻亦流暢因而可寓守於攻;然而近期防守組織鬆散的情況再現。今仗幸能守至完場並得勝而回,但表現仍難令人安枕,特別聖誕快車的頻密賽期將至,到球員體力又是一大考驗。

今仗最佳球員:譚美·阿伯拉罕
若非對方門將希頓表現神勇已可取得多於一個入球;而他 180º 轉身的胸口妙傳助攻也非常機靈。

正選陣容:
車路士:基柏|列斯·占士|蘇馬|基斯甸遜|阿斯比列葛達|干堤|高華錫|韋利安|美臣·蒙特|普利錫|譚美·阿伯拉罕
阿士東維拉:希頓|明斯|干沙|泰加特|莫模哈馬迪|拿金巴|賀利漢|麥堅|韋士利|基利殊|卓斯基

車路士新聞網: https://www.macchelsea.com/?p=11515


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-05-19, 09:32 AM   #662
蛋撻王子
God of Gamer
功德完滿
 
註冊日期: Mar 2007
文章: 11,659
「北京電視機」十年後 杜奧巴終須還債

說起車路士傳奇前鋒杜奧巴,不得不提「北京電視機」事件,想不到事隔十年後有人舊事重提,勾起杜奧巴的憤慨。不過如今已經退役的杜奧巴早已釋懷,在昨日金球獎頒獎禮上重逢故人,更一還十年前欠下的「債」。

事緣在2009年5月6日,車路士對巴塞隆拿的歐聯4強次回合一戰中,挪威球證奧維保作出多次爭議判決,除了錯判艾比度紅牌出場外,多次漏判車路士十二碼,最終巴塞憑恩尼斯達93分鐘入球絕殺,以作客入球優惠晉級決賽。賽後杜奧巴和多位車路士球員圍住奧維保抗議,又阻止他離開球場,杜奧巴其後對著鏡頭怒喊:「這是該死的恥辱!(This is a fxxking disgrace!)」,被球迷以諧音戲稱「北京電視機」。

昨日杜奧巴以司儀身份出席金球獎頒獎禮,主動提起十年前的這件往事,更加在台上和故人重逢:「十年前車路士對巴塞一戰賽後,有位小朋友到來想跟我拍照,我當時拒絕了他,因為球證的裁決太大恥辱。現在我知道當天的小朋友就是麥巴比,我希望現在還清這十年的債。」其後他以手機和麥巴比、司儀和眾嘉賓合照,將全場氣氛推到頂點。

麥巴比童年生涯一直在父親當教練的邦迪足球會(AS Bondy)學習,其間得到不少國內外球會注意,車路士亦在其中之一。2009年,當麥巴比還是11歲的時候,他就曾經到倫敦試腳,就在這個時候和杜奧巴相遇,希望索取合照。當時在車路士試腳的他更曾穿起車路士球衣,在青年隊對查爾頓一戰之中上陣,但未得到車路士垂青。最終他回國加入摩納哥青訓系統,多年後升上一隊,處子球季一嗚驚人,成為世界最出色的年青球員,到2018年更帶領法國奪得大力神盃。雖然麥巴比昨日和金球獎無緣,但他眾多球員中名列第六位。因此,十年前除了有杜奧巴錯過和麥巴比的合照,更加有車路士錯過這位足球界的明日巨人。

Fanpiece - 球旗新聞: https://football.fanpiece.com/corner...feature=scroll

咁就十年


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-05-19, 09:59 AM   #663
蛋撻王子
God of Gamer
功德完滿
 
註冊日期: Mar 2007
文章: 11,659
《也許有一種時不與我 叫基奧特 》



老實講,對於唔少車路士同阿仙奴球迷,基奧特絕對可以話係一位不可多得既好球員,尤其係你見到佢離開兵工廠後轉投另一支倫敦宿敵,阿仙奴球迷對佢既係祝福而唔係咒罵,可惜既係基奧特喺史丹福橋經歷左差唔多兩年時間亦似乎響起左離開既信號,也許有一種時不與我,叫基奧特。

基奧特、文素基治、迪斯高,三位都可以話係當今球壇瑰寶,各自擁有優厚既身體條件,場上工作看似簡單,但實際上要做得出色係一啲都唔容易,可惜既係三位之中就今季只有迪斯高依然能夠立足羅馬,文素基治戰術輸出大而且多面性高,但都不入前車路士主帥沙利法眼之中,至今於祖雲達斯一場都未上過陣,只好同基奧特一樣喺球會之中被投閒置散,幾位老將都可以話打一年少一年,對球迷黎講其實係相當可惜。

自基奧特加盟車路士以黎,其實都可以話有功有勞,初加盟果半季協助干地嘗試解決前線乏力既問題,雖然得出既效果唔算話係好理想,但基奧特喺意大利人手上既戰術效益絕對比起當時仲喺陣中既另一前鋒莫拉達為好,圍繞住「銀河唯一」身邊既翼鋒就好似夏薩特、柏度等人亦明顯地打得較為輕鬆,法國人作為前場第一點為隊友開路,亦可以配合隊友二傳作one two彈波,令進攻戰術上更加立體同有層次。

而自沙利上任後,一改常態主打進攻足球,而喺上半季時段球隊中就只有莫拉達同基奧特兩位正中鋒,雖然前者季初為沙利首選,但隨著賽季一直咁過都發現基奧特所做既野比起莫拉達更好,最終後者以外借方式離開英超回歸西班牙球壇加盟馬體會,而取而代之既就係沙利心腹希古恩,雖然基奧特喺英超上陣既時間進一步委縮,不過幸好既係依然無動到佢喺歐霸盃神射手既地位,最終喺決賽面對住舊主阿仙奴亦獲得正選機會上陣,更擊敗對手一攬歐霸盃殊榮,短短個半季就獲得兩項錦標。

而言喺林伯特上任後,基奧特喺史丹福橋既處境比起上季更加嚴峻,開季以今只為車路士喺各項賽事上陣七場,當中就只有兩場正選,而喺岩岩主場對韋斯咸敗北既賽事中,頂替受傷既艾巴咸第二次獲得英超正選上陣,但比起季初時段「銀河唯一」喺林伯特依加場上既戰術體系下明顯格格不入,缺少速度始終難以生存於現有版圖之中。

近日有傳多間球會都對基奧特作出注視,除左一部份法國本土球會外,米蘭雙雄亦加入戰團當中,而法國人既合約將於季尾到期,意味住如果唔喺一月轉會窗賣走的話就要到季尾免費走人,而其實早在上季季尾時段基奧特都經已有意離開,只係因為球會啟動當時合約當中既延期一年條款,可以話令基奧特迫於無奈地留下,而就算比佢依加免費離開都絕對非壞事,始終球員仍要為下年既歐國盃保持競技狀態,相信球迷們亦唔希望見到佢只能夠喺後備席上浪費時間。

基奧特經已三十有三,真係睇一年少一年,雖然依加未必再適合留喺車路士,不過以「銀河唯一」既能力絕對能夠喺其他地方搵到佢職業生涯尾期既一片天空。

Fanpiece - 藍獅: https://football.fanpiece.com/bluexl...feature=scroll


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-06-19, 07:28 PM   #664
蛋撻王子
God of Gamer
功德完滿
 
註冊日期: Mar 2007
文章: 11,659
車仔轉會禁令期限減半,即1月可轉會買人!車迷好消息!
#爸神 #足球快報

若車路士轉會禁令解除,車路士首要收購目標是李斯特城左閘捷維爾。曼聯同樣對捷維爾感興趣,捷維爾合約有一條8950萬鎊的買斷條款

車路士隨隊記者Nizaar Kinsella表示,車路士對簽入辛祖充滿信心,競爭對手包括曼聯及利物浦。雖然車路士仍處於轉會禁令,但車路士仍在推進轉會。 據悉辛祖與很多車路士球員有著密切的關係,包括艾巴咸,赫臣奧度爾。辛祖轉會費預計超過1億歐元

個個都貴到飛天
Playasia - Buy Games & Codes for PS4, PS3, Xbox 360, Xbox One, Wii U and PC / Mac.

__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-07-19, 10:26 PM   #665
蛋撻王子
God of Gamer
功德完滿
 
註冊日期: Mar 2007
文章: 11,659
GG
成日入到禁區
但係到駁腳
就比愛華頓防住晒同CUT晒


好頹


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-10-19, 12:57 PM   #666
lwl
God of Gamer
 
註冊日期: Feb 2006
文章: 6,016
PSN  IDlwlworld
XBox Live GamertagLWLWORLD
要買中堅lead 條後防線


__________________
Chelsea
lwl 目前線上   回覆時引用此篇文章
舊 12-18-19, 09:15 AM   #667
蛋撻王子
God of Gamer
功德完滿
 
註冊日期: Mar 2007
文章: 11,659
歐冠盃 16 強抽籤結果
當年奪冠也是由經驗尚淺的少帥達成



球隊 2012 年歷史性奪得歐冠盃冠軍
歐冠盃 16 強抽籤完成。車路士將重演 2012 年奪冠的決賽戲碼再遇德國班霸拜仁慕尼黑。

主客兩回合的賽事將分別於明年 2 月 25 日及 3 月 18 日 (英國時間) 進行,車路士將先於主場迎戰對手。

全部 16 強抽籤結果如下 (前者先主場後作客):

車路士 – 拜仁慕尼黑
多蒙特 – 巴黎聖日耳門
皇家馬德里 – 曼城
阿特蘭大 – 華倫西亞
馬體會 – 利物浦
熱刺 – 萊比錫
拿玻里 – 巴塞羅拿
里昂 – 祖雲達斯

車路士新聞網: https://www.macchelsea.com/?p=11565

拜仁真係唔知係好定唔好...
希望去到2月既時候狀態會好番


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-18-19, 09:21 AM   #668
蛋撻王子
God of Gamer
功德完滿
 
註冊日期: Mar 2007
文章: 11,659
《尋回夏薩特遺留的入球數字 轉會窗解禁正是契機?》




車路士轉會禁令解禁,外界即時傳出唔少潛在目標,當中回響最大定必為後防球員,而回購青訓小將艾基就成為焦點,反觀喺魯迪加復出後,其實如果德國人能夠繼續保持健康避開傷患的話,再加上另一小將湯姆利經已同球會續長約,中堅位置未必係最首要解決既問題,而前線乏力先至會係車路士依加哩一刻所面對最嚴峻既難題。

過往車路士既防守體系都係以循序漸進方式接班,由傳奇隊長泰利開始,之後到加利卡希爾、大衛雷斯,再到依加既魯迪加,再加上基斯甸臣等小將,其實一直都維持唔錯既步驟進行,但雷斯於季前轉會窗最後時刻離開,加上魯迪加斷斷續續既傷患,令林伯特上半季不得不起用一班年輕球員,不過喺無老大哥既帶領底下,無論如何組合,基斯甸臣、蘇馬再加上湯姆利哩三位球員喺防線上既表現亦絕對不能稱得上合格。

無可奈何下林伯特並唔能夠先執後防作根基,唯有先喺中前場入手,起用艾巴咸加蒙特作攻堅核心,前者作第一支點角色在前場開路,嘗試搶第一點為球隊在前場爭取優勢,而後者除左為艾巴咸提供身後支援外,亦會經常到邊線協助韋利安及佩利錫,配合兩者進行小組式推進,同時亦需要連接中後場串聯,林伯特既戰術體系基本上係為佢兩個度身訂造。

但年輕球員難免會有狀態飄忽既時候,艾巴咸開季至今依然長時間保持穩定發揮,相反蒙特就好受體能流放而影響,每當進入比賽後半段體能開始下降後,佢就會進入半隱形狀態,再加上賽事接二連三,喺缺乏輪換下球員日接日咁比賽對自身既負荷可以話非常之大,但無奈地以依加哩一刻既車路士黎講,蒙特喺場上所做既工作隊中就只有佢一個人能夠勝任,路夫斯捷克仍然處於養傷階段,而巴克利除左場外醜聞外亦時不時受到傷患困擾,職責功能上後兩者一日未復出,都只有繼續由蒙特一個獨力承擔。

前線乏力,過往都有夏薩特一人作入球數字保証,自比利時人離隊再加上轉會禁令底下,林伯特要運用隊中所有資源去建立一套全新既戰術體系其實都已經唔係一件容易既事,而依加已遭解禁,對於球隊黎講絕對係一個好好既契機作補充,距離轉會窗重開仲有大約半個月,而黎緊藍軍仲有好幾場波要踢先至正式完結今年所有賽事,個人認為可以先睇埋哩幾場波防線既表現,至定斷球隊需唔需要回購番艾基返黎,但無論點都好,中前場至少都要一名球員作補充。

其實係早排大約十至十一月既時間,林伯特都經已講過喺夏薩特離隊後隊中的確要一啲新球員去補充比利時人遺留落黎既入球數字,當然,喺現金球壇要搵到一個「即插即用」能夠即時取代夏薩特之位既球員並無可能,就算真有其人都價值不菲,麥巴比更加係天馬行空,但隊中缺乏前場創造入球機會既球員係無可爭議既事實,無論係以最後一傳而創造入球機會,還是以技術速度以一敵幾而創造入球機會既球員,依加哩一刻既車路士都係好有需要。

如果買得岩人,賽季下半段會好行好多,而「保前四」既機會亦會大增,雖然以林伯特依加既成績黎講,已經合格有餘,至於某小部份車迷喺近日陷於失分潮後就覺得需要換帥解決,就只好一笑置之了。

Fanpiece - 藍獅: https://football.fanpiece.com/bluexl...-c1364762.html


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-19-19, 01:20 PM   #669
蛋撻王子
God of Gamer
功德完滿
 
註冊日期: Mar 2007
文章: 11,659
《六日內三次手術 那些年林伯特的接班人 - 雲真高》



雲真高(又名雲堅基爾),相信唔少車路士球迷比起堅尼地更會記得哩個名,是因今時今刻佢仍然係留左喺史丹福橋之中,只係唔喺正選名單,亦唔喺後備名單,而係長期留左喺傷病名單之中。當日二十出頭曾經被評為自林伯特離開藍橋後最合適嘅接班人,今日都已經就二十有七,而喺足球生涯之中仍舊停滯不前,始終都逃唔出傷患哩雙魔掌。

時間回到2013年,雲真高貴為荷甲嘅年度最佳年青球員,絕對係當時球壇最具有潛力嘅中場新星之一,吸引到時任車路士領隊摩連奴嘅目光,一手將佢由衛星球會維迪斯帶到倫敦,希望為傳奇中場林伯特既離開做準備。荷蘭人無疑喺中場控制節奏方面、長短傳質素以及後上射門都具一定實力,的確見到係具備一個全能中場既潛質,但好可惜既係球員非常容易受傷,引致競技狀態起伏不定,因而為藍軍上陣次數寥寥可數,即使有機會比賽都係表現平平。

正所謂時間係唔等人,但雲真高只是輪流在冷板凳以及病床上渡過,乏善足陳嘅上陣時間,縱使不甘心亦無力交出令人信服嘅表現去爭取更多機會,而唯一可以做既就係轉一轉環境,希望自己能夠重拾較好狀態準備好自己再返黎競爭,雲真高先後外借到意甲AC米蘭同英超史篤城,但係喺兩支球隊亦未有亮眼表現,發揮都相當一般,唯有決意選擇回到自己熟悉嘅荷甲,再一次以借將身份離開加盟PSV燕豪芬,經過短短半季既時間就交出7個入球以及4個助攻,同之前既狀態比較之下可以話有顯著提升。

可惜即使難得交出較為理想嘅成績表,但時任主帥干地仍然對荷蘭人投下不信任一票,同時間PSV燕豪芬再次向荷蘭人抛出橄欖枝,希望得到雲真高再次回國協助,而球員亦願意再度加盟,令人意外嘅係車路士喺交易前先向雲真高續約至2020年,雖然唔敢貿然定斷當時藍軍嘅最終目的,但總算係對球員給予肯定。PSV燕豪芬同時送上十號球衣及隊長臂章,雲真高亦不付所望在各項賽事上陣達25場,攻入12球並交出4個助攻,正當能夠回復甦醒之時,傷患再一次不合時宜地出現,球員亦再一次回到史丹福橋既醫療室一直養傷至今。

而雲真高既球員合約亦會到黎緊下年2020年到期,當時合約中擁有球會可單方面啟動延長兩年條款,意味著荷蘭人仍然可以留在史丹福橋到2022年,不過一切都要取決於球會以及林伯特對球員既安排,而舊會PSV燕豪芬亦會一直留意球員取態,據知哩支荷甲球會希望以免簽方式再一次將荷蘭人帶回祖國。

萬劫不復既傷患可以話摧毀左雲真高既職業生涯,曾經試過六日內進行三次手術既佢並無放棄自己既足球生涯,對於荷蘭人黎講依加只希望可以喺足球場上繼續表現自己,球迷亦唔希望見到雲真高以退役作結。

Fanpiece - 藍獅: https://football.fanpiece.com/bluexl...-c1364935.html


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-22-19, 11:37 PM   #670
蛋撻王子
God of Gamer
功德完滿
 
註冊日期: Mar 2007
文章: 11,659
熱刺教練摩連奴:〈對於與車路士教練林柏特的關係〉我認為我們的感覺會永遠的,我總是感激他做球員時所給我的。沒有甚麼會改變這些。我喜歡這個人,但我希望他週日輸波

〈無論賽果如何都會和林柏特擁抱〉在我們新球場中,我們的辦公室設立在我們私人總部內,到現在為止,我還未有邀請任何教練去這裡,我並不認為我會邀請林柏特。但正如我過去所說的,比賽前後,都會有一個大大的擁抱,這是肯定的,與比賽結果和誰更開心無關

FACEBOOK車路士是最勁

仲有 魯迪加今場正選!


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-23-19, 12:56 AM   #671
蛋撻王子
God of Gamer
功德完滿
 
註冊日期: Mar 2007
文章: 11,659
金章安個球真係嗌出黎

打BIG 6都係金章安呢種老球員比較有經驗


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-23-19, 09:01 AM   #672
蛋撻王子
God of Gamer
功德完滿
 
註冊日期: Mar 2007
文章: 11,659
熱刺 0-2 車路士
危機?甚麼危機?



韋利安梅開二度擊敗同市宿敵熱刺

危機?甚麼危機?作客面對近五仗四勝的上季歐冠盃亞軍熱刺,清脆地射入兩球,更逼得對方粗暴攔截打少一人。全隊表現出充沛的體力以及戰術執行的精準度令對方全場只錄得五次射門而只於補時階段唯一一次命中目標。徒弟林柏特無疑技術擊倒師父摩連奴了。

今仗的重要性不言而喻。林柏特乘湯武利(我諗佢指魯迪加吧)傷癒復出,特地變陣改打三中堅,前綫則收起普利錫,亦以久違的馬高斯·阿朗素與阿斯比列葛達分列左右,以 3-4-2-1 加強中路防守;摩連奴則排出 4-2-3-1,中鋒簡尼身後的阿里、孫興民及摩拉均近況甚勇,相信是林柏特排陣的考慮要點。

開賽以佔主場之利的熱刺較為主動,大部分時間在車路士後半場活動。然而較具威脅的攻勢卻由車路士快速反擊而來。7 分鐘美臣·蒙特禁區頂斜綫交入禁區,譚美·阿伯拉罕被艾特維特緊纏勉強施射斜出;一分鐘後他接應干堤的傳中頭鎚攻門又被對方擋出底綫。10 分鐘連魯迪加也推至三閘綫遠射但高出。難得有整整一個星期休息的藍軍早段表現對辦。

他們的努力沒有白費。12 分鐘韋利安開出左路角球,與高華錫簡單撞牆後在禁區頂推至中路以往哈薩特的「食糊位」再假身推過熱刺右閘奧利亞後起腳,皮球彎向遠柱入網!

24 分鐘蒙特中圈位置發動反擊,交至右路阿伯拉罕傳中至十二碼點他後上接應,原本已呈單刀,卻可惜他控球不穩被對方及時回防擋出。

但當然以熱刺的近況及球員的質素,一次大意已可致命。28 分鐘梅沙·施素高右路與隊友撞牆後傳中,哈利·簡尼面對基柏一人撞射竟然高出!一分鐘後簡尼轉為策動,同樣右路大腳斬至遠柱位置,孫興民突破防綫近門左腳一熨同樣未中目標。車路士倖免於難。31 分鐘蘇馬因阻止對手快開罰球被出示黃牌。球賽鐘擺似回到主隊那邊。

40 分鐘阿伯拉罕前場不必要地失去控球權令主隊發動反擊。皮球輾轉直綫鍡入禁區,施素高單刀闖入禁區,幸好基柏快速出迎。雖與對方撞個正着而雙雙倒地,但二人均無大礙。

42 分鐘戴利·阿里腳下球被魯迪加清脆地搶截,他卻似老羞成怒整個身體壓在高華錫上,二人產生衝突而需雙方隊長分開,最終二人齊領黃牌。

46 分鐘車路士後場大腳交前,馬高斯·阿朗素單刀衝入禁區,主隊門將加辛尼加出迎竟飛腳攔跌對方!球證原本判罰車路士,幸好 VAR 推翻裁決判十二碼及黃牌予該門將。韋利安主射滿有信心,皮球直插龍門右下角入網!以前射入無數十二碼的林柏特也必定感到滿意。上半場巴西翼鋒梅開二度為球隊兩球領先。



孫興民領紅牌令主隊返魂乏術

下半場摩連奴以進攻中場艾歷臣入替防守性較強的戴亞,並開始往前場壓逼。然而賽事重開後首個具威脅的射門仍為車路士作出。55 分鐘湯武利後場解圍大腳交前,美臣·蒙特推至禁區頂回傳,韋利安一撞交入禁區,阿伯拉罕衝前一射入網,可惜越位在先。

熱刺球員愈踢愈燥因而愈見粗暴。58 分鐘韋利安再右路發難,逼得施素高出腳而領黃牌。一分鐘後熱刺反擊,孫興民推進時被魯迪加準確攔截倒地,南韓國腳竟順勢雙腳向上伸向魯迪加的腹部!VAR 驗證動入屬於「粗暴行為」,直接出示紅牌!

踢少一人但落後兩球,主隊球員更加心急。67 分鐘車路士再次右路反擊。阿伯拉罕成功推過艾達維特,該熱刺守將竟然出手,又領一記黃牌。更有主場球迷向魯迪加呼喊種族歧視語句及向基柏投擲雜物。

這時林柏特作出調動,以佐真奴入替今場以其雄厚體能力拼對手一小時有多的高華錫,以求增加控球及長傳突擊。72 分鐘熱刺難得右路找到一記缺口,奧利亞傳中,但旋即被蘇馬大腳解圍。至此熱刺竟未有一次中目標射門。

反而車路士反客為主,蒙特與馬高斯·阿朗素一次撞牆後殺入禁區窄角度施射被撞出;接下來角球攻勢干堤也試試遠射但高出。摩連奴一連作出兩項調動作最後搏殺,以左閘丹尼·路斯和中場尼當比利入替禾唐根與摩拉;阿伯拉罕也有抽筋跡象,林柏特因而於 81 分鐘以百舒亞爾和列斯·占士入替他和阿斯比列葛達。

86 分鐘艾歷臣後上在禁區角被蘇馬勾跌,VAR 證實並非十二碼,車路士更憑對方這個罰球大打反擊,百舒亞爾殺入禁區可惜臨門一腳被解圍;三分鐘後列斯·占士也切入禁區施射不果。

球證表示補時 8 分鐘,主隊最後反撲。92 分鐘馬高斯·阿朗素涉嫌禁區內拉跌但球證及 VAR 均無表示。反而 94 分鐘韋利安巧妙在邊綫控下長傳隨即大腳轉方向,百舒亞爾推至禁區頂無人看管熨射遠柱但僅僅斜出。

97 分鐘哈利·簡尼作出主隊全場唯一中目標射門,但也被湯武利阻擋而減慢球迷。基柏輕易一抱入懷。車路士順利全取三分保住聯賽榜第四位置,並與第五位的錫菲聯保有四分距離,對於迎接聖誕頻密賽期極為重要。球員可以先慶祝一下了。

今仗最佳球員:韋利安
半場已可選出巴西翼鋒為最佳球員。若他的狀態能維持穩定,聯賽前四哪會是問題?此外,干堤在中場跑足全場並作出多次攔截,湯武利的速度和攔截準繩度也是後防穩如泰山的關鍵。

正選陣容:
熱刺:加辛尼加|艾達維特|山齊士|禾唐根|奧利亞|阿里|戴亞|施素高|孫興民|路卡斯·摩拉|簡尼
車路士:基柏|魯迪加|湯武利|蘇馬|干堤|高華錫|馬高斯·阿朗素|阿斯比列葛達|蒙特|韋利安|譚美·阿伯拉罕

車路士新聞網: https://www.macchelsea.com/?p=11573

我硬係覺得車仔D攻勢最近帶到入禁區都往往變成唔到射門....
有D卡住卡住咁


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-23-19, 10:12 AM   #673
lwl
God of Gamer
 
註冊日期: Feb 2006
文章: 6,016
PSN  IDlwlworld
XBox Live GamertagLWLWORLD
好少見韋利安踢得咁出色


__________________
Chelsea
lwl 目前線上   回覆時引用此篇文章
舊 12-24-19, 12:40 AM   #674
蛋撻王子
God of Gamer
功德完滿
 
註冊日期: Mar 2007
文章: 11,659
引用:
作者: lwl 查看文章
好少見韋利安踢得咁出色

「韋利安2-0熱刺數據」
•獲英超官方選為全場比賽最佳球員
•射入對熱刺的第1個英超入球(今場係第12場)
•2016年12月以來的首個英超梅開二度
•創造機會5次,全場最高
•在對手禁區內傳球8次,全場最高
•15次衝刺,全隊僅次於艾巴咸
•觸球77次
•準確傳球49次(傳球成功率高達90%)
•2次射中目標,射入2球
•1次攔截,1次鏟波
•215場英超第二次梅開二度,同時也是2016年12月來的首次
•今場射入第2個入球的十二碼,是車路士英超對熱刺射入的第100球


FB車路士是最勁


睇D網民話佢打熱刺特別勁


「金章安」由來XDDDDDDD


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 12-24-19, 12:51 AM   #675
蛋撻王子
God of Gamer
功德完滿
 
註冊日期: Mar 2007
文章: 11,659
簡迪:〈對於蒙特〉在所有車路士球員中,我認為潛力最大的球員是蒙特。 他的串聯技術,射門技術,及傳球技術,還有他對比賽的閱讀等等.....蒙特可以成為一個非常優秀的球員

FB車路士是最勁

我都好希望睇到佢既成功


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
回覆

主題工具
顯示模式

論壇跳轉

相似的主題
主題 主題作者 版面 回覆 最後發表
車路士球迷會Vol.33 ﹝~ 請移至Vol.34 繼續討論 ~﹞ 柴崎幸 球會討論區 1000 01-04-16 08:08 AM
車路士球迷會Vol.32﹝~ 請移至Vol.33 討論~﹞ 柴崎幸 球會討論區 1007 03-12-15 03:37 PM
車路士球迷會Vol.26 ﹝~ 請移至 Vol.27 繼續討論!~﹞ 柴崎幸 球會討論區 1000 11-03-12 10:54 AM
車路士球迷會Vol.23 ﹝~ 請移至Vol.24 討論~﹞ 柴崎幸 球會討論區 999 04-12-12 01:48 PM
車路士球迷會Vol.24 ﹝~ 備用 ~﹞ 柴崎幸 球會討論區 2 04-11-12 07:08 AM


現在的時間是 11:55 PM


手機版 | APP版
Powered by vBulletin® 版本 3.8.3
版權所有 ©2000 - 2020,Jelsoft Enterprises Ltd. map
Games Animation Forum