[敘國變天] 敘利亞反對派成功奪取大馬士革，巴沙爾出走到俄羅斯

[flpchoho]

作者: 肉羊哩咖

幾英雄吖？！爭啲做埋第二個澤潺添，真冇陰功囉。

巴沙爾強調離開敘利亞非計劃之內　繼續與恐怖主義鬥爭

在敘利亞被推翻政權後受到俄羅斯庇護的巴沙爾，透過社交媒體發表他離開敘利亞、抵達俄羅斯後的首份聲明。巴沙爾強調，離開敘利亞並非計劃之內，亦非所謂在戰鬥的最後時刻發生。

巴沙爾表示，在本月8日凌晨之前，他一直留在敘利亞首都大馬士革履行職責，並在沙姆解放組織滲透進大馬士革後，與俄羅斯盟友協調前往拉塔基亞的俄羅斯軍事基地督戰。但在當日早上抵達基地後，發現敘利亞政府軍已經完全撤出所有戰線，並失去最後陣地。同時基地亦遭受無人機猛烈攻擊，因此俄方決定將他撤離到莫斯科。

巴沙爾強調，在這些事件期間，從未考慮過辭職或尋求庇護，亦沒有任何個人或政黨向他提出這樣的建議。他本人的唯一行動方針是繼續與恐怖主義鬥爭，並後重申堅信敘利亞人民有意願並有能力保護國家、捍衛國家機構。

https://news.rthk.hk/rthk/ch/compone...6-20241217.htm

巴生：我唔係「走佬」，就算舊政府得返我一個人都要「戰鬥」

（雖然我人在俄羅斯「安享晚年」）

[flpchoho]

美國外交代表團訪大馬士革與敘利亞新當局領導層討論政治過渡

到訪大馬士革的美國外交官代表團，與沙姆解放組織領導的敘利亞新當局領導層會面，討論敘利亞政治過渡問題，是自敘利亞2011年爆發內戰、美國其後關閉駐敘利亞大使館以來，美國外交官相隔超過十年再次對敘利亞進行正式訪問。

代表團成員包括美國國務院分管近東事務的助理國務卿利夫、美國政府敘利亞問題前特使魯賓斯坦，以及處理人質事務的總統特使卡斯滕斯。

國務院發言人表示，代表團與沙姆解放組織的代表會面，討論美國認可的過渡原則，亦討論到地區事件及打擊極端組織「伊斯蘭國」的必要性。代表團又與敘利亞民間團體及不同社區的成員接觸，了解他們對國家未來的願景，以及美國如何支持他們，官員亦有打探失蹤美國公民的信息。

沙姆解放武裝被美國認定為恐怖組織，但組織領導人沙拉在奪取政權後展現和解姿態。美國國務卿布林肯早前表示，現在評估沙拉的誠意為時尚早。

https://news.rthk.hk/rthk/ch/compone...abChangeable=0

[flpchoho]

沙姆解放組織領導人談敘利亞政治進程　指或需4年才舉行選舉

在敘利亞推翻巴沙爾政權的沙姆解放組織，領導人沙拉談及未來政治進程時表示，制定新憲法可能需要3年，舉行選舉可能需要4年，又表示將於全國對話會議上，宣布解散沙姆解放組織，會議將匯集社會各個階層，組建一些專門委員會。

沙拉接受沙特的電視台訪問時表示，在選舉總統之前，敘利亞需經歷多個政治階段，當前正處於重建法律階段，期待能有一部盡可能長久存在的憲法，強調這是一項艱巨工作，需要很長時間。

沙拉說不允許以任何形式分裂敘利亞，亦不接受聯邦制，又指庫爾德人是敘利亞社會不可分割的組成部分，國防部將把庫爾德武裝納入序列。

卡塔爾半島電視台日前報道，敘利亞新領導層擬於未來幾日在首都大馬士革召開擴大、全面的全國對話會議，目的是組建一個協商委員會，委員會將擁有立法地位並監督政府工作。

https://news.rthk.hk/rthk/ch/compone...abChangeable=0

[flpchoho]

敘利亞過渡政府外長再次呼籲美國解除制裁

敘利亞過渡政府外長希巴尼訪問卡塔爾，再次呼籲美國解除對敘利亞的制裁。

希巴尼表示，他和卡塔爾首相兼外交大臣穆罕默德討論戰略性問題，卡塔爾在支持敘利亞人民方面發揮突出作用，將成為敘利亞的合作伙伴。

另據卡塔爾外交部聲明，穆罕默德重申，卡塔爾始終支持敘利亞的統一、主權和獨立。雙方在會談中回顧雙邊合作情況，探討加強合作的途徑。

https://news.rthk.hk/rthk/ch/compone...abChangeable=0

[肉羊哩咖]

烏克蘭空戰沿革未有時間找數，同敍利亞「埋單」先～

太咸豐年嘅嘢唔講，敍利亞嚮 1918 年鄂圖曼帝國戰敗被解體之後，同黎巴嫩交咗畀法國接管；二戰初期跟法國戰敗轉咗親納粹，好快 41 年畀盟軍反攻搶返，法國期間亦行高壓政策，二戰結束，好多前納粹份子走佬去到敍利亞，間接影響到打完仗，敍利亞獨立脫殖化嘅政治，加埋投向由埃及領導嘅反以色列嘅阿拉伯陣營，對內繼續走高壓獨裁路線，對外就傾向蘇聯。六十年代由巴沙爾（小阿薩得）阿爺有份嘅社會主義政黨開始把持政局，之後1970年由小阿薩得阿爸老阿薩得政變後坐正。老阿薩得一心一意栽培佢大仔，啫係小阿薩得個阿哥，成為繼任人，而阿哥亦非常爭氣，有人甚至話，每個獨裁者都想佢個繼任人，好似小阿薩得個大佬咁；無奈天意弄人，阿哥 94 年因為車禍，被真主急 call 走先，老阿薩得惟有召回當年嚮倫敦做眼科醫生嘅小阿薩繼承政權。2000 年老阿薩得走咗，由小阿接手。

講返對外，以色列立國後兩場大仗都輸得好甘，連南部嘅戈蘭高地都無咗。73 年「贖罪日戰爭」開頭係拎到啲甜頭，但最後都係「打個和」，折咗兵燒咗啲銀紙之外乜都攞唔到～ 一輪勞民傷財之後，好快大靠山蘇聯自己都唔掂，十幾年之後仲解咗體，之後嘅波斯灣戰爭，去到阿富汗反恐戰爭，到伊拉克變天，除咗零聲同以色列有衝突，被指支持恐怖主義之後，對外都相當之「靜」。

小阿薩得接手之後，除咗行「傳統」嘅高壓統治，其貪污腐敗墮落就更進一步，除咗近日公開嘅恐怖監獄之外，內戰（之後會提到）對反對者施放化學武器，培植毒品，甚至成為國際毒品嘅大拆家。中東好多國都受其禍害。

「靜」到 2011 年「阿拉伯之春」吹到去敍利亞，當地都有人示威要求改善生活，西方各國當年仲係金融海嘯中復原，同伊拉克仲係搞到一頭煙，都希望小阿薩得會稍為順應下民意，唔好搞大令人「添煩添亂」，而小阿亦無令人意外，當然係重手陣壓，各地反抗者亦連合，而小阿因應內亂而做咗件舉世震驚嘅事 -- 唔係出化武，呢樣同佢同宗嘅侯賽因一樣，對外無能對內出手誇張到暈 -- 就係釋放啲伊斯蘭原教旨主義者，想借用佢哋打擊啲反抗軍。

呢舖全世界真係多得佢唔少。

重見天日班原教旨當然老實唔客氣，趁住伊拉克同敍利亞亂到九彩嘅黃金機會，攻城掠地成立政權 -- 伊斯蘭國。

呢個時候，唔知點解，布丁同伊朗一齊發覺小阿相當有用，就財政軍事上支持敍利亞，俄佬換嚟一個空軍基地同地中海有個軍港，同埋畀「華格納」多條財路；另一方面伊朗可以發圍，安插佢個大馬仔大碌棍入去，堂堂皇皇「進入」斜利亞，一方面連接黎巴嫩，一面可以夾住伊拉克，有效支援當地嘅新伊朗民兵。

2013 年，伊斯蘭國派 Abu Mohammad al-Jolani （Abu）進入敍利亞為佢打江山，創立而家叫 Hayat Tahrir al-Sham （簡稱沙解）嘅組織，作為反抗軍一個派系。有指 Abu 眼見佢前老細阿蓋達，再見伊斯蘭國被英美俄同中東諸國圍揪（幾乎打錯粗口字）之後，覺今時而昨非，呢啲「理想化」嘅伊斯蘭政教合一根本唔 work，就靜靜哋同原教旨割蓆。

「沙解」管治下，位於敍利亞西北一角嘅 Idlib 區，據報唔係以伊斯蘭教教義執政，反而更似現代行政手段管治，強調公共行政設施，婦女唔會規定要戴頭巾，疫情期間，似大部份政府一樣要求市民執行隔離。伊斯蘭國曾經不時會派人入去「協助」沙解，但唔知點解，呢啲聖戰份子，唔係被沙解拘捕，就係「唔知點解」畀美帝捕殺咗。時間一跳去到舊年 11 月，佢唔知點樣，發現小阿非常之唔掂，係反攻嘅絕佳機會。

跟住咩事，無謂嘥各位老細時間。

[肉羊哩咖]

補充：唔係話沙解治下就係人間天堂，安樂淨土，有啲壞「習慣」始終改唔到，不過總算畀之前嘅阿薩得王朝好啲。暫時見前朝主事官員，尤其負責處刑陣壓嘅，都得到「應得嘅報應」，而一般被（迫）徵召嘅軍人似乎無事。

沙解對其他少數宗教民族嘅態度，同埋 Abu 有冇能力控制到佢下面各個山頭成為焦點。雖然一般國民對俄佬同伊朗都係恨之入骨，因為佢哋「好事多為」，暫時西方都未敢公開承認新政權，似乎怕重蹈伊拉克嘅覆轍。不過俄佬唔會等你，佢好想繼續持有境內嘅軍事基地。

[flpchoho]

敘利亞沙姆解放武裝領導人與卡塔爾要求以色列撤出戈蘭高地緩衝區

敘利亞沙姆解放武裝領導人沙拉，與到訪的卡塔爾首相兼外交大臣穆罕默德會面，雙方在會後的記者會上，要求以色列撤出戈蘭高地軍事緩衝區。

沙拉說，以色列以存在伊朗民兵為藉口向緩衝區推進，但現在這個藉口不再適用，敘利亞已經向國際各方通報，敘利亞遵守1974年與以色列簽訂的《部隊脫離接觸協議》，已準備好接受聯合國部隊進駐緩衝區，令局勢恢復到以色列推進前的狀態。

穆罕默德說，以軍佔領戈蘭高地軍事緩衝區受到譴責，必須立即撤出。

https://news.rthk.hk/rthk/ch/compone...abChangeable=0

[肉羊哩咖]

而敍利亞有電台指，現政府終止同俄佬嘅海空軍基地合約，踢咗俄佬出去，俄佬地中海上海軍兵力，可能要移師去利比亞等親俄國家。鬼咩，臨尾仲幫緊上手政權炸自己，唔反枱都幾難。