[美劇] Disney+ 消息討論區（請守劇透手則）— Iron Heart 一季全六話

[肉羊哩咖]

DDBA#08 某人再現預咗爆大鑊，中間佢某個位未免太畫蛇添足以致犯駁；但係最後咁扭法完會玩觀眾期望。繼續雙線發展，鏡影裡外嘅玩法，去到呢個位完全熟晒。

DDBA#09 季度結局，好嘅係連場動作極之精彩，同時又超暴力，故唔到滴住嚟咁到批。問題係，完全唔似季度結局，似中場休息多啲。覺得某 cross over 過嚟嘅角式，「兩手空空」咁「搵交打」，一唔似佢嘅個性，亦擺明搵戲嚟做～

DDBA S1 總結，好明顯成季唔完整，頭一話同最尾兩話，無論調子到角式嘅推展，同中間啲話數都有好大分野 -- 後者，除咗第五話，幾乎全部係市長做主角；另一個大問題，係大部份配角，包括 Muse，都唔夠時間突顯佢哋出嚟，新嘅女主角又唔討好（雖然 Karen 本人都唔係咁喜歡）；有好多 Netflix 嘅重要配角呢度又無喇喇無咗，好似 15 環頭嗰位探員。有論以為，中間嘅話數係「斬掉重煉」之前留落嚟嘅「歷史」，嘅然拍咗又用得著，就無謂嘥（錢），用頭尾都修正返個故仔，結果新舊片嘅落差都幾現吓。另一樣欠缺嘅係 Matt 同宗教嘅連繫，即使元第二季都好少，但寫身為天主教徒嘅 Matt，佢嘅信仰同行為嘅衝突，令到部戲更有味道，呢度得十零廿秒提到。雖然係咁，兩位主角完全担到成季劇，而某 cross over 角式繼續搶搶到無朋友～

整體上好過元 Netflix 系列第二季少少，但仲未及其餘季度咁經典。

[wing]

作者: 肉羊哩咖

整體上好過元 Netflix 系列第二季少少，但仲未及其餘季度咁經典。

我覺得netflix版S2都好過呢套好多。
呢套中間完全唔知想點，尤其是#5。
整體算合格啦。

[肉羊哩咖]

元系列 S2 有罰叔係好正，雖然有熟書嘅指呢個版本個出發點太過個人，漫畫嗰個真係嫉惡如仇，但 Jon Bernthal 嘅演出實在太耀眼，寫到佢未登場已經嚇死人，衰在「隻手」條線實在太不知所謂而影響評價。

另：Andor S2 星期三上，一次過出三話，共 12 話。

[肉羊哩咖]

Star Wars Andor S2 頭三話上咗，捌開頭頭尾尾每話都有成卅分鐘以上，製作繼續認真，大量（分唔到係唔係 CG 嘅）實在特效，開頭一幕都幾緊張刺激，但係之後就慢晒落嚟～～～故仔分三條半主線，除咗開頭同嗰條帝國高層有關（有某 Rogue One 角式客串）半條線幾好之外，男主角 Andor 條線好快跌落去無無謂謂嘅境地，仲拖足兩話，另一個問題係，開頭點解 Andor 要做嗰件事，除咗帶出動作場面之外，全無交待；其餘兩條線都似係替之後嘅劇情做基礎，非常多對白亦去得非常之慢，仲有某開季前備受爭議嘅情節出現；最後雖然有啲埋到尾，但無嗰種完滿感覺，唔似上一季每段落都收穫兼推展下一節。比上一季爭啲，加上預告左每三話都跳一年發生，最後連接電影，作為第二季咁安排好奇怪，基本上無需要用呢個速度。

早前有部份視評已經睇晒全 12 話，個個都讚 -- 有甚至講會黑到你意想唔到，但係經過 DDBA，同埋頭三之後，本人有少少保留。

[肉羊哩咖]

雖然本人似乎彈 Andor 頭三話得幾嚴重，但亦有唔少亮點。

場婚禮似乎拖得好長，但呢條線主角係正傳無乜描寫嘅 Mom Motha，一嚟因為佢被迫應承搞，同時因為對婚禮嘅意見咁同家人有磨擦，又要應付咁大型嘅應酬，掩飾佢複雜嘅心情，好蝦演技，更衰多幾錢重嘅係有意料之外嘅變化，仲有側寫 Luthen 嘅高明手段，戲外，原來演嘅 Stellan Skarsgård 中過風，講嘢有啲唔流利，佢呢三話嘅演出都令人激賞。加上有大量實景，唔止極之華麗，有靚人靚杉，拍得又非常之靚。

呢外好好睇嘅半條線係小反派 Dedra，呢 part 居然見到有意想不到嘅另一面⋯⋯第三話有場戲既有戲味又極之惹笑，而呢條線有某個極可 meme 嘅鏡頭，演員嘅訪談中提到，原來係演員執生，劇本入面係無嘅～

啲獨白仍然精彩，好夾到個劇情同加強人物嘅描述，即使係嘅小配角。

本人對呢一節嘅問題，係大部份時間嘅剪接認真混亂，嚮每條線跳嚟跳去，唔只好影響啲氣氛同節奏，風格唔統一，情願佢一話一條線好過。

有睇晒全十二話嘅再補充，頭三話係最弱嘅部份，之後嘅會逐漸緊湊。睇下點。

[肉羊哩咖]

Andor S2 4-6 話：又係話話差多唔成粒鐘咁長，繼續大量實境同灰暗嘅故仔調子。

故仔變返期待中嘅政治驚慄間諜路線，三條主線都同某星球有關，以乎係今季個爆鑊位，主角 Andor 唔再無乜事做，好多發揮機會同見到佢嘅成長，另一方面，個幕後大佬壇嘢開始見有裂痕，帝國側某弱氣角式，變得好有趣，反而上三話未提，由上季再返嚟嘅某條線唔知佢想係直去電影，定係同主線有某程度嘅關係。

總體好過上三話太多，唔會大散太慢，反而第六話有啲位嚟得太快，亦太過突然 -- 雖然既然知道係直接同 Rogue One 接軌，大部份角式嘅下場可以預料～

[肉羊哩咖]

爭啲唔記得講，第一話開頭單嘢，真係無咗下文，完全係為動作而動作，唉。

[肉羊哩咖]

5 月 4 係每年一度嘅星戰日 May the Forth (Force) be with you。今年一口氣出咗六段短篇動畫 Tales from the Underworld，全部都係 Dave Filloni 主理編劇；亦全部都係 Clone Wars 前後嘅時期發生。頭三部係 The Clone Wars 動畫版入面嘅反派 Asajj Ventress，佢嘅故仔唔算 Underworld，反而係帝國初期嘅事，但呢類故仔睇咗唔知幾多次，好悶。另一半可以話係 Clone Wars 登場，一直去到 Mandalorian 入面一個反派 Cad Bane 嘅前傳，講佢個出身同埋點發跡，故仔大路咗啲，但係貼題，有西部片味同比較有趣。

[肉羊哩咖]

Andor S2 7-9: 舖排咗 7 話終於爆鑊，極之精彩，第七話預期佢會好似前兩個星期，跟進返一年間發生咗咩事，呢度只有少少，反而畀你見到 6 話以嚟精心怖局嘅成果，所有棋子都各就各位，第八話就嚟料。成個發展令人置身其中，有過類似經驗嘅，好多人都會好有 feel 都未定～ 後面有度直情係 Terminator，又令人聯想到 Rogue One 嘅情節。某角式退場，令人唏噓，即使係個大悲劇嘅背景，睇完更加有感觸。

第 9 話，正如睇咗嘅講，主要係大爆鑊嘅後續同埋連去電影，但唔係靜同淡，仲保持到嗰陣驚慄片嘅緊張感。

下個禮拜應該重點係各配角嘅結局。

[肉羊哩咖]

Andor 聽日播埋收檔。上個星期嗰 part 咁高質，希望佢好頭好尾。

[肉羊哩咖]

Andor 最後三話，又變慢返，第 10， 11 唔係無動作同埋悶，某 9 話登場角色極之搶鏡，但最後一話掛住埋尾同連埋 Rogue One，有唔少戲中角式再客串，另一個下場生不如死；另一個大問題係，由 S1 帶落嚟有個大謎仲未解，唉～

總結遲吓再補。

[肉羊哩咖]

Predators: Killer of Killers 6 月 6 號上：


超暴力動畫，講三個時期，有趣，預咗除咗個機師全部領當～～～

[亍 ◣]

....ON D+...

[肉羊哩咖]

Predator: Killer of Killers 係 Predator （同？）宇宙，横誇三個時代嘅故事串埋，有維京人，十七世紀嘅日本同二戰嘅美國人。對白好少，尤其第二章；第三章無論設定同表達都係唔現實同亂咁嚟（尤其對呢方面有啲認識嘅觀眾），其實，開得嚟睇都唔係去睇紀錄片，都係為咗啲動作場面；呢方面設計幾唔錯，打鬥算幾精彩，尤其第一章突如其來，快來快去，同最後總其成嘅一章因為嘅環境，整出個幾有趣嘅場景；因為係 Star/Hulu，啲暴力同紅色染料絕對無就住。不過動畫就認真麻麻，啲 frame rate 低到好唔慣，但據聞係特登咁做，咁多 part 以第二章做得最細緻，但啲分鏡同構圖可以好啲，喂，塔倫天奴抄都抄得叻過你 -- 噢，個導演係拍前兩三年 Prey 嗰位，留晒位做續集，最後亦有提 Prey 結局後發生咗咩事。

片唔算長，粒半鐘度。總結，唔算上乘，但「免費」睇算係咁，上戲院唔好喇。

[亍 ◣]

梁榮忠講IRON HEART

[肉羊哩咖]

本應當佢無發生過算，噏多少少，佢上個禮拜一次過放咗頭三，呢個星期放出埋餘三，可見「孖否」對呢套雪咗兩年嘅劇幾有信心～

都係煲埋 The Bear 最後一季算～

[肉羊哩咖]

睇咗微透劇評，套 IH 最終回真係出現傳聞已久嘅某角～～～ 有啲興趣齋睇最終回 -- 梗係最終回，個勢唔洗旨意有下一季。