[西片] A24 總合

[肉羊哩咖]

A24 呢個製作兼發行公司，做小眾電影同其他娛樂產品都有。舊年有幾套評價唔錯嘅片上咗，好似 The Green Knight，Lamb，C'mon C'mon 同 The Tragedy of Macbeth，利申全部未睇，不過嚟緊有幾套好有趣嘅，因為多數都係得本人一個睇過，所以夾夾埋埋開定個楝樓先。

[肉羊哩咖]

睇咗 X，故仔係．．．．．．都係睇下面條予告，基本上講咗係乜。故仔好識玩懷舊好鬼秘好氣氛，仲特發配合時代，玩『低清』，想『睇肉』嘅其實無乜，一半未到就嚟茄汁大平賣，本人唔好呢挺，所以套戲唔長，都幾難頂吓～ 各位鍾意 Texas Chainsaw Massacre 嘅應該幾啱胃口。





睇返嘅資料原來前傳後期中，好似出年上．

[肉羊哩咖]

之前提過，呢套北美上先過 Dr Strange 2，呢邊反而月中先上，不過論成本，論創意，似乎更勝一籌噃：


有老細提過：呢套 C9 戲似多元宇宙多啲～ 極期待！

[肉羊哩咖]

Everything Everywhere All At Once -- 天馬行空？！睇咗，去開嗰間無上，搞去要去遠啲嗰間先有。

總結：快啲去睇啦，快啲去睇啦

詳細：去睇返套戲楝樓啦～

[肉羊哩咖]

另一套驚慄片 MEN 呢邊就嚟想，個導演專拍女性電影，呢套似乎玩心理問題：

[肉羊哩咖]

Marcel The Shell with Shoes On 係套 stop-motion 動畫，原本係一系列 YouTube 小影片，今次上大銀幕，啱啱美國有限上咗畫，予告：

[肉羊哩咖]

上面講過套 X 有前傳，叫做 Pearl ，啫係個阿婆後生嘅故事；有予告：

[肉羊哩咖]

呢套玩「誰是兇手」，上個禮拜北美廣泛公映；呢邊下個月先上，評價麻麻：

[肉羊哩咖]

The Whale《盗墓迷城》系列男主角 Brandon Faiser 復出之作，影評人大讚，絕對係搏攞獎片：



唔係化妝，佢本人而家變咗咁漲。

[肉羊哩咖]

連續睇咗兩套「室內片」，The Whale，唔好意思，又搞鬼錯，Brandon Faiser 係著咗套肥杉花個肥妝，不過，演出極有感染力，圍住佢啲角色，一隻手數得晒，但係個都得，尤其係 Stranger Things 入面做 Max 嘅 Sadie Sink，未到捧獎級，但唔認唔得嘅係，咁多個 ST 出身嘅，最演得係佢。

呢套劇極度抑鬱，睇得好辛苦，同時極之雲吞，可能去睇 Hanks 爺套 AMCO 好過。

[肉羊哩咖]

作者: 肉羊哩咖

Marcel The Shell with Shoes On 係套 stop-motion 動畫，原本係一系列 YouTube 小影片，今次上大銀幕，啱啱美國有限上咗畫

終於睇咗，係一套好淡口嘅電影，扮紀錄片形式，用啲好 cute 好萌嘅方式去表達親情，友情，生死呢啲幾文藝嘅主題，連啲冒險嘅情節都無，所以睇得幾舒服，不過唔啱口味就會悶死～

以佢做主題嘅幾套短片，可以呢度睇到：
https://www.youtube.com/@MARCELTHESHELL/videos

[肉羊哩咖]

Past Lives 係套好淡口嘅愛情片，男女主角係對青梅竹馬，女嘅十二歲成家移咗民，只可以講佢哋廿四年之後再見面。

由新晉導演宋席琳執導，雖然韓語對白為主，由拍攝到表達手法，似西片多過一般嘅韓劇，寫女主角嘅亦比較多，對白亦表達到主角啲心境，成熟，去到第三幕，嗰種「佢哋會唔會吖」玩得含蓄但吸引，又唔流於 C9 劇搧情催淚；雖然係咁成套戲有種淡淡嘅無奈哀愁，但係睇得幾舒服。演員除咗個「奸夫」John Magaro (The Big Short，Umbrella Academy) 之外，全部都唔識，人物唔多，有時間寫得夠深入，有好多主角嘅動機可以討論嘅，不過一支公講無乜癮。

總括嚟講算中上。

[王小虎]

Stephen Curry Underrated幾好睇，喺Apple TV+，開頭剪接有佢寫論文，又講返佢讀大學時的比賽，最尾原來講佢最近終於完成課程攞畢業證書，幾感動。

[肉羊哩咖]

舊年做咗《貓王》，今年做埋「貓后」-- 唔係，係貓王個元配 -- 嗰邊嘅故事：



由蘇菲亞．哥普拉執導，本尊監住嚟製，十一月三號上

[C.Ryo]

睇咗Nicholas Cage主演套Dream Sceneario, 故事小小怪雞, 講突然好多人夢中見到Nic Cage個角色Paul, Paul突然由一個不成功嘅老professor 變成如kol嘅存在, 佢嘅家庭生活亦開始有所變化

整體有啲似2000年期啲人生雞湯類電影，不過呢套喜劇頭小sad尾，Nic Cage叫做終於做到個正常人角色有得爆發下情感（?) 而睇番IMDb原來本身Ari Aster 做導演揾咗 Adam Sandler做Paul，後來Kristoffer Borgli 套 Sick Of Myself (2022) 好評，A24同Ari就比番佢自己導自己個劇本，而佢亦換咗Nic Cage做主角，Ari同Nic都有份做Producer；又同期同樓上套Priscilla喺多倫多拍。

[HON HON]

作者: C.Ryo

睇咗Nicholas Cage主演套Dream Sceneario, 故事小小怪雞, 講突然好多人夢中見到Nic Cage個角色Paul, Paul突然由一個不成功嘅老professor 變成如kol嘅存在, 佢嘅家庭生活亦開始有所變化

整體有啲似2000年期啲人生雞湯類電影，不過呢套喜劇頭小sad尾，Nic Cage叫做終於做到個正常人角色有得爆發下情感（?) 而睇番IMDb原來本身Ari Aster 做導演揾咗 Adam Sandler做Paul，後來Kristoffer Borgli 套 Sick Of Myself (2022) 好評，A24同Ari就比番佢自己導自己個劇本，而佢亦換咗Nic Cage做主角，Ari同Nic都有份做Producer；又同期同樓上套Priscilla喺多倫多拍。

呢套戲反思既恴義上幾好, 好多野可以諗下.

[肉羊哩咖]

即將成為現實？Civil War 講 2024 年（！）美國再度發生內戰，加州同德州脫離聯邦，仲向華盛頓市進軍，主角係戰地記者，向住首都進發，報導真相～ 4 月 12 上




預映同映評解禁咗，幾乎一致好評，仲話一定要睇 IMAX，睇嚟又要破費～

[C.Ryo]

睇咗IMAX Civil War, 只要你明白呢套係用記者視角去睇件事係好好睇，導演亦用公路電影套路帶出主角群穿州過省嘅經歷，黎表現美國實質係如何分裂； 有啲意外最後大場口拍得幾有大片格，IMAX全畫幅之下自己就如身在現場，不停中彈又感覺到近距離爆炸咁，正

spolier

紅眼鏡失控軍佬（？）果段睇到心寒，題問What kind of American?幾有思考空間：長髮仔話自己香港人佢立刻講完國籍即殺都好心碎

[C.Ryo]

睇咗IMAX Civil War, 只要你明白呢套係用記者視角去睇件事係好好睇，導演亦用公路電影套路帶出主角群穿州過省嘅經歷，黎表現美國實質係如何分裂； 有啲意外最後大場口拍得幾有大片格，IMAX全畫幅同環廻聲之下自己就如身在現場，不停中彈又感覺到近距離爆炸咁，正

spolier

影評人說係大選年就會有同類戲上

呢套50M budget, A24洗最多一套，但比大廠片依然係平，拍出黎質素都幾高，比較側面視角咁去睇如果件事咁發生，可能啲人會點，模擬下眾生相

紅眼鏡失控軍佬（？）果段睇到心寒，題問What kind of American?幾有思考空間；長髮仔話自己香港人佢立刻反應射殺都好心碎

又呢套都幾用到“攝影師之眼”做主線，呀妹子呢個能力天性比女主高，主線就係寫妹子呢個新手一路啲相越打越勇甚至已經能力超越女主初代MJ，甚至去到忘我境界而出現那個結果

不過呀妺架古董菲林相機有無限彈藥幾神奇

做乜edit完生多個post

[Rv250]

出面開多個主題

作者: C.Ryo

spoiler

呢套50M budget, A24洗最多一套，但比大廠片依然係平，拍出黎質素都幾高，比較側面視角咁去睇如果件事咁發生，可能啲人會點，模擬下眾生相

紅眼鏡失控軍佬（？）果段睇到心寒，題問What kind of American?幾有思考空間；長髮仔話自己香港人佢立刻反應謝殺都好心碎

又呢套都幾用到“攝影師之眼”做主線，呀妹子呢個能力天性比女主高，主線就係寫妹子呢個新手一路啲相越打越勇甚至已經能力超越女主初代MJ，甚至去到忘我境界而出現那個結果

不過呀妺架古董飛林相機有無限彈藥幾神奇

做乜edit完生多個post

紅眼鏡

劇情冇講, 可能進行緊種族滅絕?

現實美國好難做中間派, 保守啲極左就嫌你唔夠左, 反之亦然
所以白宮如何令到極左同極右聯合唔太需要講, 總之唔能夠做理性選擇, 兩個勢力最後會毀滅美國
對白亦講明殺入白宮之後就繼續內戰

MJ做戰地記者出發點係想警惕自己國家, 結果要親身見證住點樣步其他國家後塵
新人記者表現繼承到MJ, 但係加埋最後"訪問"又好似鞭緊而家嘅記者