GAF會員移民打算及心得討論區

[Kinny Riddle]

因為近呢幾個月形勢急劇變化，好多人都萌生移民念頭

利申：海外護照持有人，我係隨時走得。純粹好奇呢度會有幾多人考慮移民逃離嗎？或者你已經一早離開咗，有咩心得可以分享俾想搬去你哋居住嘅國家呢？

另外，GAF啲伺服器而家係咪仲喺香港？會唔會驚比人查水錶，令呢度留言被河蟹甚至危害到會員嘅安全？

[Rance]

我驚gaf唔知幾時收檔多過比人冚檔

[肉羊哩咖]

去過少少其他地方，唔係太深入，叫做可以噏吓。

食：如果你唔食港式嘢會唔得掂嘅，最好都係去啲好大嘅城市，嗰度有得食有得賣嘅機會會大啲，但個味道點都係爭啲。

行：揀揸右軚車嘅，好似日本英國呢啲國家嘅會好啲，唔洗學過適應過，加拿大呢幾年都畀右軚車行，但佢啲設施全部預設畀左軚車嘅，揸右軚真係搵自己笨；日本叫做可以無車都生活到，其他國家唔敢包；真係要揸歐美多數賣棍波，只識自動波嘅又要學過，雖然棍波車會平啲，但個大勢係新車多數有自動波，甚至無棍波版出尤其混燃電動嘅，點可能有得畀你用棍波啫。

住：真係度度唔同無得一本通書講晒，你一心想住大啲嘅，外國好多時係大好多，但係你係都要住東京紐約倫敦呢啲大都市嘅，其實可能衰過香港～

語言：台灣新加坡會易啲適應，你英文日文法文德文意大利文西班牙文掂嘅選擇更多啦，不過打死本人都唔會住唐人街囉，講住先～

[大覺屋師真]

作者: Rance

我驚gaf唔知幾時收檔多過比人冚檔

gaf admin同server移民咗先 (定已經移咗)

我廢人一個,同屋企人賣樓移民得嘅.
食嘅我無咩所謂,依網絡發達都唔愁悶
有自然風光多嘅都好,影相影到飽
打工我去邊都可接hk嘅freelance做嘅

[clanyuen1]

我自問英文唔係好，普通話完全唔掂（已放棄），去旅行仲可以，
但工作就不可能，我呢行好多專業用語 同技術，如果溝通唔到好難工作。
不過聽聞係外國 人工高幾倍（係台灣人工係Double)

[izumo]

作者: Rance

我驚gaf唔知幾時收檔多過比人冚檔

+1.... forum 成日都覺得就快末日

[Rance]

我想住大D,有個Basement放收藏

[肉羊哩咖]

有啲屋有地牢，有啲屋有車房，有啲屋兩樣都有，有地方嘅搭多間屋仔都得；擺嘢一流。

溫提：近呢幾年，要愛強國必先要有外國護照；睇啲外國華人群組，足以令人「大開眼界」，啲肉麻程度仲衰過畀冰水淋；你嚮嗰度，萬一有咩依郁，好容易成為當地被針對嘅對象，二戰時日裔美國人嘅遭遇有可能再現，各位老細執生。

[iu fu pig]

作者: izumo

+1.... forum 成日都覺得就快末日

早排雲爺返生過都救唔到呢個forum⋯⋯
由手機版發出

[GUSTAV]

呢個林D版友都有返咁上下年紀啦去外國做野比想像中難 邊似後生咁隨時轉到行丫

想移民最少5球 仲要應該唔見2球之後重新出發 我就退休先有得諗啦講真

[歌絲˙暮斯]

成個亞洲其實得日本台灣可以考慮

日本衰起上黎衰過香港，好起黎又可以好嘆，呢度好多人都熟悉日本，唔洗講太多

台灣接近日本咁，不過收入又低過香港好多，而且始終都係有中共既威脅

南韓又名地獄朝鮮，不了

東南亞全部都差過香港，即使係最好既新加坡，其實都係差過香港，我諗中國之後下個出事既會新加坡，不了
由手機版發出

[歌絲˙暮斯]

呢個 post 我估應該係講英國帶頭放寛英美澳加(無紐，用華為5G跪左) BNO 居留？

澳洲其實都賣晒家當俾中國咁滯，Darwin 仲割埋個港俾中國，八大之一既一間大學最近踢走左個對中國不滿既學生。你去到安樂幾年，十年八年後都唔知乜世界

加拿大我去過但唔太熟，爆左幾個官有中國資產又左膠總理，但我覺得佢始終係美國最重要既盟友，應該會好得返既，不過要 d 時間...

美國 e+ 咁都內戰咁滯，去到先算....

英國係現時美國以外企得最硬既一個，其實英國一直都係依靠前前殖民供養，就算真係俾你去到，最多都係夠食夠住夠揸車，唔好望大富大貴

英語以外既地方，普遍香港人去到都唔好會有幾好，除非你帶住幾球

簡單結論，世界因為中國搞成咁，度度都唔易過.... 同埋香港原本真係福地黎

BNO 果度最多係有個救生水泡俾你，到時感到自己受政治逼害時有條生路
由手機版發出

[真!DC]

新加坡咪上位版中国
佢人民生活好唔好建基於有冇“明君”
就算哩一代好過一兩代咪又會腐化
從來唔睇好新加坡，除非有政制改革
由手機版發出

[肉羊哩咖]

呢個世界無樂土，可能已經係共識。本人諗呢度講走嘅，唔係話要去到搏殺搵大錢，生唔生存到各師各法，無客觀嘅，走，都係想去個地方有自由，煩少樣；有細路嘅更加。

民主有樣好， 要糾正比較易，而本人傾向信歷史不斷重複，好似上世紀卅同八十年代嘅日本咁，來勢係猛，但最後嘔突；每個國家權力者都係自私，趁你病攞你命，反枱搲著數係常態，呢味無十年卅年未見真章；唔好意思，又扯遠咗。

[Sar8]

雖然話台灣應該係最易
唔計台灣都有少少排外,加埋你如果諗住做野基本上係新地方重新出發都好難...(仲要台灣隨時血肉工廠仲難頂過香港)

[歌絲˙暮斯]

作者: 真!DC

新加坡咪上位版中国
佢人民生活好唔好建基於有冇“明君”
就算哩一代好過一兩代咪又會腐化
從來唔睇好新加坡，除非有政制改革
由手機版發出

聽以前 d fd 講，兵役時睇睇下戲或收到電台廣播，有自己名或 no. 就要兩個鐘內 full gear 返軍營報到，服役完當你 condom

呢樣唔食得果樣唔做得就預左，最搞笑係審查，戲裡面一有野覺得唔好，會自動 cut 左，永遠唔會睇到完整既一部戲
由手機版發出

[Heaven]

去台灣接受到6,7千人工都ok 既
D野又平D既姐 人又熱情

[cat722]

日本...玩就得, 長住唔駛諗
由手機版發出

[Heaven]

馬拉都多人講得唔得

[肉羊哩咖]

要移民對好多人嚟講，最難唔係錢，而係要預乜都要砍掉重鍊過晒。話就咁話，香港人梗係搵食行先，除非有銀両到可以「坐完監」返番嚟搵過錢，唔係都幾斃；每個地方都仲有好多細節嘢，唔住落唔知，你睇幾多當地人嘅舖都唔及你去住一年半載；樓上老細有道理，去玩同住落係完全兩味嘢嚟。啱唔啱住好睇你嘅適應能力，同埋你有幾心理上準備去變，好似歐美好多城市都無乜夜生活，入夜條街分分鐘仲靜過旺角後巷。講排外，你見啲大陸人走落嚟搶飯碗，你都唔老嚟，掉轉頭你去人哋度人哋一樣會咁諗，邊度多多少少都排外；講起走去台灣，就諗到杜文澤套嘢，係有好多好處，不過要預咗嗰個係中轉站，幾年後又要走多次～

[歌絲˙暮斯]

作者: Heaven

馬拉都多人講得唔得

你馬拉西得既話

泰國菲律賓一樣得
由手機版發出

[IDGAF]

理想mode:

移民至發達富裕國>成為富裕國公民>在當地加入跨國企業>爭取派注海外工作(鎖定東南亞,包括香港)。

公司出糧會以發達富裕國貨幣出糧,
係東南亞地區好好洗~!

如果年資夠長,職位夠高的話,
房屋津貼都夠租住港島南、西貢區獨立屋。

最快成為富裕國公民的其中一個方法,
是與當地人真結婚。

雖然似夢話,但身邊真係有成功例子,
真係睇自己夠唔夠本事~!

呢個可能係唔駛長時間逃離香港的移民方案。

[肉羊哩咖]

退休梗係去泰國呢啲紙水低嘅國家，啲錢好洗吖嘛。大馬華人多，但唔多清楚生活係咩情況，要留意嘅係畢竟係伊斯蘭國家，好可能無豬肉食（又係食）～前幾年碧X完有個大 project 嚮嗰度，睇近日報導好似爛鬼咗尾。

好多人話日本壓力大唔好住難入藉，但又有港人移咗去創業，亦見到好多 Youtuber （歐美人仕居多）又好似嚮當地生存到，真係唔知好唔好㨂～

[歌絲˙暮斯]

>>紙水低嘅國家，啲錢好洗吖嘛。

起果度食，乖乖地起返果度痾啦

呢個世界好公平，搵民主自由世界既錢，去落後地方洗賺差價，邊有咁著數？

俾你走得到晒 d 法律隙，逃晒 d 稅，老婆仔女仲保唔保到國籍同 d 教育福利丫拿？又要洗幾多起落後地方保護你自己呢？

泰國已經係新世界工廠，中國做血汗工廠咁多年有乜問題，泰國好快都會有，不過點都無中國咁差情況既。
由手機版發出

[肉羊哩咖]

老細，講緊第時退咗休唔洗做嘛，有水又捨得走，去泰國呢啲地方長住，啲錢可以慢慢捌，日日坐沙灘咬住個椰青，都唔好話唔自在～ 你講得啱，要搵錢養妻活兒，泰國未必得。