Games Animation Forum

返回   Games Animation Forum > 娛樂興趣區 > 體育版 > 球會討論區

回覆
 
主題工具 顯示模式
舊 01-16-20, 10:14 AM   #251
Busconcamp
The One
紅魔鬼閃耀GAF
 
註冊日期: Jan 2003
文章: 75,709
福仔傷出 曼聯慘勝狼隊



英格蘭足總盃第3圈重賽大戰,曼聯主場1比0險勝狼隊,晉級下一圈,桑馬達下半場為紅魔一箭定江山,成為曼聯近兩季首次擊敗狼隊嘅贏波功臣,不過射手拉舒福特末段僅亮相短時間又傷出,傷勢未明,令曼聯今場勝仗蒙上陰影。

曼聯近年對狼隊都冇甜頭,今仗亦唔例外,開賽僅10分鐘便遭柏度尼圖攻破大門,不過翻看VAR發現魯爾占美尼斯犯手球,球證推翻入球判詐胡,曼聯避過一劫。

事實上曼聯今仗未見優勢,雖佔主場之利,但控球比率僅得57%,全場11射6中,反觀狼隊亦有7射2中,曼聯能取勝全靠一次突擊機會。

下半場67分鐘,曼聯半場一次快攻,安東尼馬迪爾送交走靚位嘅桑馬迪,然後單刀直搗黃龍挑射建功,為曼聯領先1比0。

拉舒福特於64分鐘後備入替丹尼爾占士,在場上僅比賽16分鐘,就因傷退下火線,福仔躺在場上,手按住左腰,傷勢未明,賽後福仔在社交網站留言:「永遠別讓隊友及球迷失望,我已盡力,但被擊倒了,憑隊友們頂級表現,晉級下一輪。」

有賽後評論稱,曼聯鋒線兵源太單薄,無論拉舒福特傷勢如何,冬窗盡快簽入前鋒已是刻不容緩。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-16-20, 10:20 AM   #252
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【賽後解碼】桑馬達證明曼聯最需要乜嘢



曼聯喺足總盃第3圈重賽1比0小勝狼隊,整體表現未見突出,不過老將桑馬達嘅關鍵一擊就帶領球隊晉級。繼上場聯賽交出2次助攻,桑馬達自上年10月以來首次連續擔任正選繼續有好表現,用行動話畀曼聯知,一個好嘅創造型中場可以帶嚟乜嘢改變,今個月內收購波基斯費南迪斯唔可以再猶豫。

蘇斯克查讚賞連格嘅跑動能力同無球走位,桑馬達就有廣闊球場視野同交波能力,但作為一個攻擊型中場,入球數字明顯偏低,今場入波只係桑馬達今季各項賽事第2球,連格嘅「入球零貢獻」更加係深入民心。

波基斯費南迪斯上季葡超狂入20球,今季15場聯賽亦入8球,無論射門、助攻、扭波都係「強化版桑馬達」,近2場比賽睇到桑馬達在陣對曼聯進攻嘅重要性,如果換成波基斯費南迪斯,效果肯定會更加理想。冬季轉會窗仲有唔夠半個月,曼聯應該識得點做。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-16-20, 10:24 AM   #253
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【東體爭議】超強數據!曼聯正選左閘要用佢



曼聯今季提拔唔少年輕球員,前鋒美臣格連活特可能最多人談論,不過講到表現成熟度同即時擔正能力,左閘班頓威廉斯似乎更勝一籌!

勞基梳爾今季係蘇斯克查心目中正選左閘,但19歲新星班頓威廉斯近期開始上位,每次上陣都令球迷留低深刻印象,今場足總盃重賽對狼隊,班頓威廉斯同丹尼爾占士可以話係攻勢泉源,呢位英格蘭小將防守穩陣,而且非常勇躍參與助攻,今場67次觸球有86%傳球成功率,7次爭奪有6次贏出,仲有3次解圍、2次攔截同1次關鍵傳球,絕對係攻守兼備。

仲有一項數據非常得球迷歡心,原來班頓威廉斯最近7次上陣,有6場曼聯係保持不失球,呢位小將嘅攻、守表現比起勞基梳爾有過之而無不及,如果佢可以成功喺下半季搶贏正選,夏天代表英格蘭踢歐洲國家盃決賽周都唔係冇可能。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 08:52 AM   #254
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【阿King】蘇斯克查犯下最愚蠢錯誤



曼聯喺英足盃第3圈重賽,雖然以1:0淘汰狼隊,但付出沉重代價,拉舒福特後備上陣受傷,好可能缺陣周日(19日)深夜英超「雙紅會」作客利物浦。呢個次打擊其實可以避免,但因為領隊蘇斯克查犯下「腦筋錯誤」而造成。

拉舒福特本身有傷在身,加上嚟緊要鬥利物浦,佢今場先任後備,本來冇錯。不過,蘇斯克查偏偏「屎忽痕」,曼聯同狼隊仲係0:0時,就派佢上陣搏殺,根本係一次「高風險、低回報」嘅賭博。

其實英足盃重要性已經大不如前,就算出局亦唔可惜,但為咗晉級,而要冒險派1位有傷嘅主將上陣,實際十分唔值得。

特別係曼聯今季攻力欠佳情況下,再損失埋拉舒福特,令問題雪上加霜,真係十萬個唔應該。

老實講,如果要喺英足盃同拉舒福特之間,作出選擇,相信大部分紅魔鬼球迷都會揀拉舒福特冇傷冇痛,出戰「雙紅會」,因為對曼聯Fans而言,擊敗利物浦,興奮度一定高過英足盃晉級。而且仲計拉舒福特唔知要養傷幾耐,隨時缺陣更多賽事。

惟獨蘇斯克查唔識諗,隨時搞到因小失大,如果佢將來被炒,今次「愚蠢錯誤」絕對係主因之一。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 08:53 AM   #255
Busconcamp
The One
紅魔鬼閃耀GAF
 
註冊日期: Jan 2003
文章: 75,709
皇馬簽荷蘭天才 保羅普巴得番1條出路



據西班牙傳媒報道,皇家馬德里已經同阿積士達成協議,今個夏天會用4,700萬鎊收購荷蘭22歲中場雲迪碧克,呢單交易同時意味皇家馬德里對保羅普巴嘅追求正式結束。意大利《都靈體育報》報道,隨住皇家馬德里退出,祖雲達斯已經成為唯一一支斟介保羅普巴嘅球隊,如果呢位法國國腳仍然堅持離隊,祖記就係佢嘅唯一出路。

《都靈體育報》指出,祖雲達斯主席阿涅尼一直對保羅普巴情有獨鍾,認為佢嘅回巢可以好似C朗拿度咁大大增加球會號召力,事實上保羅普巴之前踢祖雲達斯就係佢最好表現嘅時間,難怪祖記一直咁都帶佢返去。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 08:54 AM   #256
Busconcamp
The One
紅魔鬼閃耀GAF
 
註冊日期: Jan 2003
文章: 75,709
楊格罷操逼曼聯放人 



據英國傳媒報道,曼聯老將艾舒利楊格周五(17號)將會去意大利進行體測,如無意外會同國際米蘭簽約。呢位34歲後防同曼聯合約到季尾就屆滿,而且已經拒絕球會開出1年新約,雖然領隊蘇斯克查原本唔想今個月放人,但英國《太陽報》指艾舒利楊格上星期曾經罷操,喺一課練習入面嬲爆走人,自己一個去更衣室做Gym,用行動表明離隊決心。

報道指曼聯同國際米蘭已就轉會達成協議,曼聯只會收取150萬鎊轉會費,如果國米成功奪得意甲冠軍,轉會費會加至180萬鎊。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 08:56 AM   #257
Busconcamp
The One
紅魔鬼閃耀GAF
 
註冊日期: Jan 2003
文章: 75,709
英媒爆大鑊:福仔傷勢好嚴重



曼聯在拉舒福特缺陣下,作客淨吞利物浦2蛋,期間英國傳媒揭發,原來拉舒福特傷勢非常嚴重,至少休息3個月,並非蘇斯克查對外公布只係輕傷咁簡單。

英國《泰晤士報》報道,拉舒福特之前一直有背部應力性骨折傷勢,足踝亦有一塊骨頭碎塊,但蘇斯克查唔畀時間佢休息,今季為曼聯上陣31場,幾乎係全勤,而福仔嘅傷勢亦不斷加重。

上仗英足盃對狼隊,福仔上陣16分鐘傷出,令佢背部傷勢惡化為雙重應力性骨折,此傷勢至少要休息3個月。報道指,拉舒福特長期帶傷比賽,已被蘇斯克查用殘,變成半個廢人,如果再唔畀佢好好養傷,福仔嘅前途將會係咁先。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 08:58 AM   #258
Busconcamp
The One
紅魔鬼閃耀GAF
 
註冊日期: Jan 2003
文章: 75,709
雲迪積克沙拿建功 利物浦破曼聯領先16分



英超周日雙紅會,利物浦主場憑華基爾雲迪積克開賽初段頭槌破網,以2比0擊敗曼聯,以22戰得64分排榜首,領先次席曼城16分並少踢1場。

開賽14分鐘,阿歷山大阿諾特右路開角球,華基爾雲迪積克力壓曼聯全球最高價後衞哈利馬古利,頭槌一頂破網,為利物浦打開紀錄。

紅軍入波後氣勢如虹,攻勢一面倒,25分鐘羅拔圖法明奴殺入禁區左路妙射死角入網,不過翻看VAR判定該次攻勢之前,華基爾雲迪積克爭頂頭槌時侵犯門將迪基亞,因此判決入球無效。

兩分鐘後,韋拿杜姆接應阿歷士張伯倫直線傳送,殺入禁區射入,但又因越位在先再食詐胡,曼聯連續兩次逃過大難,半場落後0比1。

下半場曼聯搶回不少攻勢,費特洛迪古斯、安東尼馬迪爾都有埋門,但都唔中目標,戰至完場補時90+3紅軍終於攞到燕梳球,由穆罕默德沙拿單刀破網,最終利物浦贏2比0完場,全取3分。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 09:01 AM   #259
Busconcamp
The One
紅魔鬼閃耀GAF
 
註冊日期: Jan 2003
文章: 75,709
輸利物浦30分 加利佬:呢件毒瘤堅要炒!



曼聯兵敗「雙紅會」,於晏菲路淨吞2蛋,加利尼維利同加歷查為《天空體育》作現場評述,兩軍名宿當然對戰果勁緊張,其中下半場曼聯前鋒安東尼馬迪爾,殺到入禁區睇到定空晒起腳,竟然射到連龍都唔中,加利佬即刻嬲到一槌打落張檯度,堅係肉緊。

賽後加利佬當然滿腹牢騷,雖然有點名同自己一樣踢右後衞嘅雲比沙卡,今仗踢到好似跳緊華爾滋咁左搖右擺、方寸大亂,但都有讚利物浦邊線攻勢犀利,雲比沙卡都唔算係死罪,不過講到一個「戰犯」,佢就不可原諒,並要求球會手起刀落炒咗佢,嗰個就係執行副主席伍德沃德。

自費格遜退休之後,伍德沃德全權負責球會買人及聘用領隊,2013年起曼聯使咗9.5億鎊收購球員、蘇斯克查已係第4個全職領隊,但曼聯現時於英超競爭力低落,加利佬認為佢應問責下台:「我唔明點解曼聯領導層,依然信任由伍德沃德領導嘅管理團隊。自費格遜退休後,曼聯到今時今日依然做唔到爭標隊伍。如果伍德沃德咁都唔需要負責、繼而被炒下台,紅魔鬼就真係錯。你只要睇近5、6、7年,曼聯使咗幾多錢,再對照番現時球隊嘅競爭力,你就知件事有幾錯。曼聯為咗依家呢個陣容,竟然要成為全球第2人工使費最多球隊,伍德沃德簡直係不可原諒!」


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 09:02 AM   #260
Busconcamp
The One
紅魔鬼閃耀GAF
 
註冊日期: Jan 2003
文章: 75,709
蘇斯克查:我哋下半場打得好



曼聯喺雙紅會淨吞利物浦2蛋,今次衰喺死敵手上都冇得好賴,不過領隊蘇斯克查都仲死撐,佢嘅精神勝利法都好厲害,賽後集中講賽事最後30分鐘:「就算輸波都有積極一面。」

蘇斯克查完全唔提上半場被利物浦攻到失魂嘅慘狀,集中講下半場:「最後25至30分鐘,呢段時間我哋全力壓迫對手,將對手擊退,對於末段因角球反擊失守,我感到遺憾。」

佢仲話:「我覺得下半場喺劣勢下,對面一支咁勁嘅球隊,我哋踢得非常出色,當中只係埋門一腳處理得唔好,但整體都唔錯,表現得好團結。」


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 10:55 AM   #261
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼城1億歐打劫!曼聯難買「林伯」



曼聯於今個冬季轉會窗,極欲買入士砵亭國腳中場、「葡萄牙林伯」波基斯費南迪斯,但雙方始終傾極唔成,轉會交易陷於僵局,愈搞得耐就愈凍過水。葡萄牙傳媒報道,曼城雖然唔會於冬窗出手,但就告知士砵亭會喺今夏,斥資1億歐元收購呢名入波能力超高嘅中場球星,曼聯今次買人極可能食白果。

因為保羅普巴同麥湯米尼長抖,紅魔鬼正式提購費南迪斯,早前雙方代表見面,但因為價錢分歧太大,大家始終傾唔成,有傳士砵亭希望得到約6500萬鎊轉會費,曼聯左度右度,再提供現金+球員交換及浮動條款希望打動對方,但都不得要領。

葡萄牙傳媒《Correio da Manha》報道,因為大衞施華已34歲,所以希望購得接班人;陣中另一位葡萄牙球星貝拿度施華好使好用,而費南迪斯就係貝拿度施華國家隊隊友,二人默契一流,故對費南迪斯產生興趣。曼城於1月唔會有動作,但已向士砵亭表明會於夏天出手,更唔介意斥資1億歐元。士砵亭當然希望5個月後賣畀曼城,而費南迪斯相信亦希望同貝拿度施華同隊,曼聯於今次交易勢處下風。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 10:57 AM   #262
Busconcamp
The One
紅魔鬼閃耀GAF
 
註冊日期: Jan 2003
文章: 75,709
搵人頂替福仔 5大神鋒揀邊個?



曼聯前鋒拉舒福特至少休戰6星期,部份傳媒更指福仔要休息3個月,雙紅會輸波後,蘇斯克查對搵前鋒更加迫切,冬窗期間,現時轉會市場仲有邊幾位前鋒選擇?英國傳媒《鏡報》點出5位潛在人選,佢哋都可解曼聯燃眉之急。

最完美頂替福仔嘅人選,肯定係巴黎聖日耳門嘅烏拉圭射手卡雲尼,該32歲前鋒已向PSG表達離隊意願,隨時走得,佢最有機會去馬體會,但對方出價唔高有阻滯,曼聯如果依家出手,絕對可以即簽即用。

車路士嘅基奧特亦係唔錯選擇,佢無論喺阿仙奴或車路士都係最佳後備殺手,隨時用得,而且基奧特為準備今夏歐國盃都希望爭取上陣,加盟曼聯就啱晒。

AC米蘭嘅比亞迪克一度係意甲人氣王,但佢今季入球量入降,伊巴謙莫域加盟A米後,比亞迪克更加冇碇企,曼聯想簽呢位波蘭前鋒都唔係冇機會。

洛蘭迪擁有豐富英超經驗,上季更協助熱刺打入歐聯決賽,近期有報道指拿玻里可以隨時放人,熱刺曾經諗過搵佢回巢,但曼聯開口嘅話,話唔定洛蘭迪肯制。

盧卡祖域今季加盟皇馬後好失敗,完全發揮唔到,如果有球會收留,皇馬肯定會放人,曼聯簽佢就有賭博成份,如果佢踢番上季法蘭克福嘅表現,曼聯就大賺啦。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-21-20, 10:59 AM   #263
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯提早回收阿歷斯山齊士 有冇可能?



曼聯前鋒拉舒福特重傷要抖3個月,引入前鋒突然成為「紅魔鬼」嚟緊1個幾星期嘅最大任務,領隊蘇斯克查透露可能要靠「短炒」作為應急方案,有傳聞話曼聯考慮提早回收外借國際米蘭嘅阿歷斯山齊士,希望呢位智利國腳可以救急。

阿歷斯山齊士借去國際米蘭冇耐就重傷,直到最近2場波先至後備姿態復出,如果返曼聯救亡係「時間啱啱好」。不過球迷嘅希望好快就幻滅,事關《曼徹斯特晚報》證實,阿歷斯山齊士嘅外借合約入面並冇「提前終止」條款,國米唔可以「退貨」,曼聯亦唔能夠提早回收,意味蘇斯克查要繼續向外物色前鋒人選。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-29-20, 03:24 PM   #264
Busconcamp
The One
紅魔鬼閃耀GAF
 
註冊日期: Jan 2003
文章: 75,709
羅馬將簽比利時「天才」 曼聯等住分錢!



據比利時媒體《HLN》報道,意甲勁旅羅馬將會借用皇家蘇斯達翼鋒贊奴沙半年,季尾有權用1,500萬鎊將呢位24歲球星買斷。消息指羅馬今個月一直物色新翼鋒,原本目標係利物浦嘅梳頓沙基利,但「紅軍」就拒絕呢個時候放人,所以就轉打贊奴沙主意。

贊奴沙係曼聯青訓出身,係莫耶斯時代少數「亮點」之一,2017年轉會皇家蘇斯達後表現唔錯,依家更得到羅馬垂青。報道指出,原來曼聯當年賣贊奴沙嗰陣有「轉售條款」,皇蘇賣佢要分番3成轉會費畀曼聯,如果羅馬真係用1,500萬鎊買斷,曼聯就可以袋走450萬鎊。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-29-20, 03:26 PM   #265
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【東體爭議】曼聯唯一出路!請施蒙尼打防反



喺英超2連敗之後,打入前4位希望受到嚴重挫折,輿論都認為領隊蘇斯克查最多執埋今季就要執包袱。

咁啱西甲馬體會因為成績下滑,亦好可能炒教練施蒙尼,呢位阿根廷少帥屬於「防反大師」,以穩守突擊戰術聞名於世,呢種踢法正好適合現時已淪為「弱隊」嘅曼聯,請佢執教,可望成為絕配。

曼聯今季經常「劫富濟貧」,可以喺強隊身上搶到分,甚至贏波,但又頻頻失分畀弱隊,皆因曼聯對強隊,會專心踢「防反」穩守突擊,隊內中前球員速度快,可以發揮出呢種踢法最大威力。

相反,曼聯對弱隊,有空間組織攻勢,但由於缺乏創造型中場,結果攻力大減,因此,以紅魔鬼現時人腳最應該就係踢防守反擊。

施蒙尼9年前接手執教當時積弱多年嘅馬體會,就係用「防反」令球隊重生,更加打破巴塞皇馬壟斷局面,奪得西甲冠軍,亦有2次打入歐聯決賽。

最重要係施蒙尼嘅「防反」,並非以往摩連奴嘅「泊大巴」,而係由前場開始逼搶,屬於積極踢法。曼聯現時境況同當年馬體會相似,施蒙尼成「魔」之後,可以照版煮碗做過一次,或者佢就係曼聯尋覓已久嘅「魔鬼醫生」。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-29-20, 03:41 PM   #266
Busconcamp
The One
紅魔鬼閃耀GAF
 
註冊日期: Jan 2003
文章: 75,709
魔迷震怒!曼聯罪人重召高薪廢柴再成魔



唔係卦?玩嘢咩?英國《每日鏡報》爆料,話備受爭議嘅曼聯罪人高層伍德沃德已經決定再次畀機會「打工皇帝」阿歷斯山齊士,等佢今年夏天重返曼聯省招牌,唔會再將佢外借或出售。想當日A山由阿仙奴入魔,收取50萬鎊周薪但高薪低能,今季外借國米一樣翻唔到身,偏偏依家曼聯高層逆民意要將佢再次重用,係咪真係想「紅魔鬼」推落萬丈深淵,永不翻身呀?

A山喺2018年1月「入魔」,可惜係之後18個月一直表現低迷,完全無法融入球隊,合共45次出戰只入7球。直到舊年夏天,失望到極點嘅「紅魔鬼」終於將佢外借畀意甲國際米蘭,為期一年,「魔迷」終於都有種甩難感覺。

明明之前已經想將A山賣走,不過《每日鏡報》透露,以伍德沃德為首嘅曼聯高層近排疑似食錯藥,態度突然180度轉變,計劃喺季尾歡迎A山回歸。報道仲話,伍德沃德已經同過A山經理人溝通,承諾唔會喺夏天將A山賣斷畀國米或者其他球會,仲會再畀A山機會證明自己。

據知,A山將會被安排參加曼聯今夏嘅季前賽,等佢同現在曼聯大軍進行磨合迎接下季,高層係想佢可以融入主帥蘇斯克查戰術體系之中。事實上,曼聯今季鋒線缺乏經驗,加上近排拉舒福特受傷長抖,搞到前線人腳不足,只係由於A山同國米份借用合約係未有召回條款,「紅魔鬼」先焗住等到暑期先可以重新起用呢位智利名將。

報道仲話,查實連「蘇B」本人都未有徹底放棄A山,相信佢可以喺曼聯搵番自己位置。只係曼聯高層似乎唔知,將會喺2022年夏天同曼聯約滿嘅A山,唔似得被賣斷去「藍黑兵團」嘅盧卡古可以喺意甲重生,相反,A山今季喺國米只係出場7次,射入1球同助攻1次,仲曾經因為足踝受傷休戰2個月添!依家曼聯咁都仲要堅持再畀機會佢,想話「魔迷」唔失望忿怒都幾難,仲想睇到曼聯重返爭標行列?發夢冇咁早啦!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-29-20, 03:43 PM   #267
Busconcamp
The One
紅魔鬼閃耀GAF
 
註冊日期: Jan 2003
文章: 75,709
半場入5球 曼聯6蛋大炒燦美爾



雖然燦美爾球場質素欠佳,但紅魔開賽僅10分鐘便由中堅馬古尼離門廿多碼遠射死角破網,領先1︰0。僅3分鐘後翼衛達洛治扭入禁區後腳一扣再施射入網,拉開到2︰0。

16分鐘連格禁區頂燙射入網成3︰0,完半場前菲爾鍾斯接應角球頂入,加上馬迪爾燙射再入一球,曼聯半場已領先至5︰0。

換邊後的56分鐘,後備入替的曼聯小將鍾達希禁區內被對方門將剷跌,博得12碼,由前鋒格連活特主射入網,湊成6︰0的最終比數。(Goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 01-29-20 04:48 PM 被 Busconcamp 編輯。
Busconcamp 目前離線   回覆時引用此篇文章
舊 01-29-20, 03:45 PM   #268
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯有救?PSG轉會大師接近加盟



英超曼聯近年喺轉會市場頻頻失手,一係簽錯水貨好似買入費特洛迪古斯,一係就險簽失機好似艾寧夏蘭特,不過,嚟緊呢個慘況可能會得到改善,事關根據英國《每日鏡報》所講,佢哋正同前巴黎聖日耳門體育總監安達路軒歷基傾到關鍵階段,有望正式來投。要知道安達路軒歷基之前幫PSG簽過尼馬同基利安麥巴比等巨星,絕對係轉會專家,如果「紅魔鬼」有佢加盟,前途一片光明呀!

現年51歲嘅安達路軒歷基,之前係喺葡萄牙班霸波圖由傳媒助理做起,到2005年升咗做波圖體育總監。喺佢為波圖工作期間,班波拎咗7次葡超冠軍,堅有料呀!到2017年佢加入PSG又係做體育總監,包括尼馬、麥巴比同丹尼爾都係由佢傾返嚟,直到舊年6月佢先唔撈,而期間PSG又係法甲連續兩季,證明佢做到邊贏到邊啦!

根據法國媒體《Foot Mercato》報道,安達路軒歷基自從舊年年中離職之後,就決定抖抖先再定去向,但近排就曾得到國際米蘭邀請加盟。至於曼聯,佢哋個行政總監伍德沃德其實由上季開始就想搵個新體育總監去專門處理海外買人事務,尤其係當「紅魔鬼」近年買入包括迪馬利亞、法卡奧同舒韋恩史迪加等,都未達預期效果。

至於喺安達路軒歷基之外,包括里爾嘅足球總監路爾斯甘波斯、紅牛集團體育總監蘭歷克,以至前曼聯球員雲達沙同里奧費迪南都係佢哋考慮聘用對象,不過講到最合適人選,必定係安達路軒歷基。相信「魔迷」都想有朝一日見到,好似麥巴比呢類高質超新星加盟,曼聯先有復興希望囉!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-29-20, 03:47 PM   #269
Busconcamp
The One
紅魔鬼閃耀GAF
 
註冊日期: Jan 2003
文章: 75,709
蘇斯克查:個個都想曼聯死



曼聯日前喺英足盃大勝燦美爾6比0晉級,總算係威番鋪,一吐雙紅會同對般尼2連敗嘅污氣,但賽後講起近期面對嘅壓力問題,蘇斯克查就大爆金句,佢竟然話:「你哋個個都想見到曼聯失敗!」似乎真係好大壓力喎。

蘇斯克查對在場記者講:「我唔知你哋想講乜,又或者想寫啲乜,你見到,個個都想曼聯失敗,不過我唔會畀壓力困擾。」

講到球迷不滿曼聯高層,蘇斯克查就話:「我哋要團結,並繼續努力,爭取贏波,然後等待受傷球員復出。」曼聯周三凌晨在英聯盃4強次回合對曼城,首回合落後1比3嘅曼聯,想晉級真係非常困難。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-29-20, 03:50 PM   #270
Busconcamp
The One
紅魔鬼閃耀GAF
 
註冊日期: Jan 2003
文章: 75,709
夏格維斯:曼聯唔買人 攞第5已偷笑



曼聯上個夏天豪使了超過1.5億鎊,買入哈利馬古尼、雲比沙卡及丹尼爾占士,但夏格維斯認為管理層,仍可更充分地支援蘇帥:「他真的需要幫助。你想想看,安達靴里拉、費蘭尼先後離開,中場人腳實在不足。」

「之後盧卡古離開、阿歷斯山齊士離隊,於鋒線上亦沒有補人。現時拉舒福特受傷,保羅普巴未能落場,而本季其中一個最佳球員麥湯米尼,同樣因傷缺陣,今個轉會窗蘇帥沒有得到協助,如果曼聯最後得到第5名,已是最佳成就。現時第5同第14名之間只有4分之差,現階段似乎曼聯會跌下去,多過維持第5。」(goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-29-20, 03:52 PM   #271
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯斟掂葡超林柏特 48小時內官宣



外號「葡超林柏特」嘅波基斯費南迪斯,即將加盟曼聯。經過多輪談判拉鋸,曼聯同意簽入士砵亭中場球星波基斯費南迪斯,將於冬窗關閉前、48小時內完成交易,轉會費各項細節都傾妥,最高可達6800萬鎊(約6.8億港元),成為曼聯冬窗第一簽。

歐洲各大著名記者已經收到風,得悉這宗交易,包括《BBC》嘅Simon Stone等傳媒爭相爆料,由於曼聯已經同意高昂轉會費,最大障礙已消除,曼聯與士砵亭現就細節最後敲定,「波費」經理人亦在兩隊開會期間放出風聲,表示對交易「有信心」。

報道指,轉會費6800萬鎊是最高金額,必須符合多個條件,「波費」轉會費基本金額為4700萬鎊,如奪得冠軍另加850萬鎊,另外再加1250萬鎊有條件轉會費,例如「波費」當選金球獎,曼聯就要向士砵亭支付相關轉會費。

曼聯早於2018年夏天已對該位25歲中場有興趣,但多次斟介都冇下文,今次講到咁實,相信可以成事。「波費」司職中場,上季為士砵亭上陣53場入33球18次助攻,入球數字比許多前鋒還要高,被譽為「葡超林柏特」,今季「波費」保持表現,上陣28場入15球,咁靚嘅數據,應該幫到曼聯。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-29-20, 03:53 PM   #272
Busconcamp
The One
紅魔鬼閃耀GAF
 
註冊日期: Jan 2003
文章: 75,709
蘇斯克查:普巴麥湯米尼康復情況良好



本季保羅普巴除經歷離隊風波外,他還傷患纏身簡直傷多過踢,今季只為曼聯上陣8次。另外麥湯米尼已成為球隊首席防中,但早前不幸受到重創,曼聯中場人腳可謂捉襟見肘。

不過蘇帥表示2人復康進度理想:「2人都有好進展,目前可以落草地做簡單操練。雖然如此,但好難講他們何時可以復出,因為操起狀態都要一定時間。」(goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-30-20, 07:35 AM   #273
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯士砵亭齊官宣 波基斯費南迪斯入魔



曼聯與士砵亭周四(30日)凌晨齊齊官方宣布,25歲葡萄牙中場波基斯費南迪斯正式由士砵亭轉投曼聯,簽約4年半,士砵亭公布轉會費最高可達8000萬歐元(約6.8億港元),曼聯官網亦以「波費」加盟作頭條,一切順利嘅話,波費可於下場聯賽鬥狼隊亮相。

士砵亭公開「波費」轉會細節,基本轉會費為5500萬歐元,達到指定上陣次數再加500萬歐元,曼聯獲得歐聯資格再加500萬歐元,「波費」獲得特定個人獎例如金球獎,再加1500萬歐元;此外,曼聯將來出售「波費」,士砵亭可分帳10%。

士砵亭過往有唔少巨星轉投曼聯,「波費」是第4位,之前3人計有C朗拿度、拿尼及馬高斯盧祖,C朗及拿尼離隊多時,至於馬高斯盧祖於「波費」宣布加盟曼聯之前數小時,已宣布外借到阿根廷學生隊。

波基斯費南迪斯外號「葡超林柏特」,主要係話佢身為中場球員,但入球量驚人,上季為士砵亭上陣53場入33球18助攻,今季上陣28場入15球,肯定有助強化曼聯中場實力。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-30-20, 07:37 AM   #274
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯攞尾彩 曼城輸波入決賽



英聯盃4強次回合曼市打吡戰,曼聯成功復仇,憑尼曼查馬迪一箭定江山,以1比0小勝,總算攞番個尾彩,不過兩回合合計曼城仍以3比2晉級決賽,將與阿士東維拉爭冠軍。

首回合領先3比1嘅曼城回師主場,今仗繼續強陣出擊,至於剛簽入波基斯費南迪斯嘅曼聯似乎受利好消息沖喜,打吡戰將士用命,並於開賽35分鐘領先,費特洛迪古斯左路開罰球,曼城貝拿度施華頭槌解圍變批橫,尼曼查馬迪伏兵遠柱窩利狂抽破網,曼聯領先1比0。

其後曼城撳住曼聯狂攻,包括奇雲迪布尼助攻史達寧破網,但越位在先食詐胡,之後阿古路單刀又被迪基亞擋出,下半場史達寧、大衛施華先後錯失門前機會,哥迪奧拿發晒火,76分鐘尼曼查馬迪技術犯規領第2面黃牌,被罰紅牌出場。

曼聯餘下時間力守,曼城再有阿古路破網但越位在先再食詐胡,最終曼聯贏1比0完場。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-30-20, 07:41 AM   #275
Busconcamp
The One
紅魔鬼閃耀GAF
 
註冊日期: Jan 2003
文章: 75,709
鹹魚翻生!呢位曼聯「廢老」有得續約



仲傳緊曼聯將放棄近年狀態走下坡嘅中場尼曼查馬迪,估唔到依家情況出現180度轉變,會方計劃同呢位31歲塞爾維亞國腳續約。

尼曼查馬迪3年前由車仔加盟曼聯,屬於前主帥摩連奴愛將,但「寸王」被炒之後,蘇斯克查唔多鍾意佢,兩人甚至曾經發生不和,加上尼曼查馬迪季初受傷患困擾,以為紅魔生涯就快玩完。

不過,由於保羅普巴、麥湯米尼養傷,令尼曼查馬迪上陣機會大增,近9場比賽有8場擔任正選,而且交到功課。

曼聯簽人頻頻失敗情況下,加上尼曼查馬迪今夏就約滿,會方寧願先同佢續約1年,以免出現兵荒。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
回覆

主題工具
顯示模式

論壇跳轉

相似的主題
主題 主題作者 版面 回覆 最後發表
曼聯躉紅魔鬼地帶[VOL.94]~Closed~ Busconcamp 球會討論區 1001 10-24-19 11:56 AM
曼聯躉紅魔鬼地帶 [VOL.85]~CLOSED~ Busconcamp 球會討論區 1020 04-10-14 09:28 AM
曼聯躉紅魔鬼地帶 [VOL.83] ~~~CLOSED~~~ Busconcamp 球會討論區 1000 11-25-13 01:33 AM
曼聯躉紅魔鬼地帶 VOL.81 ~~~CLOSED~~~ Busconcamp 球會討論區 1001 07-12-13 03:15 AM
曼聯躉紅魔鬼地帶 VOL.73 ~~~CLOSED~~~ Busconcamp 球會討論區 1040 03-05-12 02:03 AM


現在的時間是 07:09 AM


手機版 | APP版
Powered by vBulletin® 版本 3.8.3
版權所有 ©2000 - 2024,Jelsoft Enterprises Ltd. map
Games Animation Forum