曼聯躉紅魔鬼地帶[VOL.95]各項賽事三連勝,入球眾數,重上正軌？

[Busconcamp]

【COVID-19】英超最快4月30日重開 英足總同意球季無限期延長

2019新型冠狀病（COVID-19）又稱「武漢肺炎」疫情蔓延歐洲多國， 英超賽會周四（19日）召開會議，商討餘下92場比賽如何完成。

在會議後，英超賽會聲明表示，各隊職員和球員健康放在首位，故在各支球隊同意下，決定把各級聯賽、盃賽及女子聯賽，重開日期由原定的4月4日，延遲至4月30日。

又指出早前因為遷就6月中舉行的歐洲國家盃，故聯賽必須在6月1日前完成球季，不過，由於歐國盃已延至明年舉行，所以英格蘭足總同意今季「無限期延長」，令賽程安排可彈性處理，聯賽有機會踢到暑假。

據英國傳媒早前報道，餘下賽事將改在中立場閉門舉行，在英格蘭中部挑選兩至三個球場為中立場，在同一日舉行多場比賽，會設電視直播。

[Busconcamp]

[噠達出品] - 曼聯是否應該簽下基列殊?



曼聯在般奴的加盟後士氣高昂，改頭換面，一連接取得勝利。然而好景不常，由於疫情的影響聯賽可能會賽季中止，在大好狀態的情況下賽季可能被逼腰斬實屬可惜。不過雖然現在處於停賽的狀態，我們還是必須為下季做好準備。

眼看蘇斯克查帶領的曼聯表現越來越出色，新加盟的般奴和恩哈路也用出色的表現證明自己的價值。雖然如此，還是不能掉以輕心，蘇帥持續進步，一步步帶領曼聯向前走，慢慢的改良和重建曼聯，他的能力已經慢慢的展現出來，尤其是其買人的眼光真的一流。而最近有傳言曼聯對效力阿士東維拉的隊長「英超周柏豪」基列殊有興趣，如果是真的，筆者將會對此感到非常興奮。

1995年9月10日出生的基列殊6歲就已經加入維拉青訓營，至今已經差不多已經有了19年的時間，如今更當上維拉的隊長，可以說是維拉的忠臣。

雖然阿士東維拉的成績並不好，但是基列殊的表現卻是非常的出色，並貢獻7入球6助攻，如果隊友們表現出色點爭氣點那麼筆者相信這數據肯定會刷新且更漂亮，而沒有基列殊那麼我相信維拉的戰績肯定會更糟糕。

基列殊可以打左翼，攻中，甚至輔鋒的位置，筆者則認為左翼和攻中會是基列殊最擅長的位置。基列殊擅於控球，組織，傳球，甚至內切遠射都是他的長項，今季對陣曼聯內切一晃過掉佩利亞射入了一球世界波就是一個很好的證明。如果他順利加盟，那麼他和般奴和拉舒福特的組合肯定是世界上任何一個後衛的噩夢，一人加盟，全隊升天。

可能有些人會認為他和拉舒福特和般奴的位置重疊，但是個人認為並不存在這問題，雖然擅長的位置偏近但是打法卻不一樣。拉舒福特緊密控球能力出色，喜歡靠個人技術或者和隊友配合one two過人，有很快的速度和衝刺力量；般奴跑位出色，跑動覆蓋範圍很大，有出色的遠射能力，且敢於嘗試一些比較冒險和有創意的傳球；基列殊的高空傳球能力比起普巴和般奴有過而無不及，最重要的是其組織能力也相當的強，要知道基列殊是維拉的大腦，很多的進攻都是由他這裡發動組織起來，而且場均85%的傳球成功率也顯示出他出色的傳球能力和視野。

如果在般奴被對方球員緊盯的時候那麼基列殊的重要性和其組織能力就會被放得更大，其65%過人的成功率也顯示出其擁有不錯的個人技術，要知道在英超過掉對手的防守球員並不是什麼易事。三大神如果同時上場將會產生出化學效應，各顯神通。

最重要基列殊是英格蘭藉，而且已經在英超打滾多年，對英超的打法早已摸通熟透，不必擔心其適應問題。在23歲的年齡就已經當上了阿士東維拉的隊長，而且在維拉效力了多年（期間曾經外租過一個賽季），有外表符合市場需求，國藉，有能力及有忠誠度，這幾點就已經完全符合蘇帥和廢木的選將要求。

雖然距離下個賽季還有一段期間，最近全世界又被疫情搞得人心惶惶，但是筆者相信就算再糟糕疫情也一定會離去，雨後肯定會出現彩虹。下個賽季又是充滿希望的賽季，世界的前景還是一片明亮的，也希望英超周柏豪可以順利加盟曼聯，更上一層樓，用出色的表現證明自己的價值！

[Busconcamp]

《評選「後費格遜年代」五大最佳收購》

自費格遜退休後，曼聯頓時群龍無首，一直都未能重返昔日班霸之位。儘管如此，曼聯在過往的賽季仍不時作出個別的精彩收購，立竿見影之效。近日，外國網民投選了「後費格遜年代」五大最佳收購，筆者今集與大家分享及評論一下各個投票結果。

第五位：靴里拉

當年雲高爾以3600萬歐元羅致這位西班牙中場，加盟球隊後一直是球隊的主力份子之一，效力曼聯長達5年，為紅魔於英超上陣132次，足以證明他在場上的重要性。

靴里拉同時亦深受球迷的愛戴，筆者眼中他是其中一位具「魔性」的球員，在場上的打拼精神足以讓不少年輕球員作榜樣，當年對車路士全場盯死夏薩特更成一時佳話。奈何曼聯在蘇斯克查上任後，未能與靴里拉達成續約共識，有傳巴黎聖日耳門以高薪邀請靴里拉加盟，但無論如何那時的曼聯亦不太具什麼吸引力，靴里拉離隊的決定亦算合理不過。

第四位：雲比沙卡　

去季曼聯陣容老化的情況下，今季決定先由後防線重建，年輕新星雲比沙卡以5,000萬鎊加盟曼聯，加盟球隊後亦迅速成為球隊正選右閘，更將隊長楊格於季中送到國際米蘭。

今季新加盟曼聯暫時的表現絕對是合格不過，在邊路助攻助守的表現出色，保持到去季於水晶宮的表現，儘管球隊仍是未能重返聯賽前列位置，但以右閘位置貢獻而言，雲比沙卡亦算是一筆出色及長遠的收購。

第三位：羅美路　

不得不承認，筆者初對這個決定感到意外，因為一名後備門將竟然能成為球迷心目中的第三位最佳收購。但細心一想，其實一名好的後備門將亦是十分難找到，出色的門將自然想成為一號門將，又怎會甘心於球隊之中成為二哥，但後備門將的重要性又不下於任何一位球員，只要他上陣的時候便是門將，沒有什麼一號、二號之分。

大家都知道羅美路加盟曼聯前是阿根廷國家隊首席門將，級數及經驗亦不容置疑，因此作為迪基亞的副手絕對是合適不過，當年協助球隊拿下歐霸盃冠軍亦是功臣之一，總之每次他上陣都能給予各位球迷的信心，不會因為他一直都是後備而感到擔心，這便是最出色的二號門將。

第二位：伊巴謙莫域　

伊巴謙莫域成為第二位的最佳收購絕不感意外，當年與巴黎聖日耳門合約完結後一直受到不少豪門的追逐，但最終伊巴謙莫域仍決定加盟曼聯。首季加盟便上陣46場比賽攻入28球，在低沉的曼聯陣中帶來一點生氣，可惜季尾一次重傷埋下與曼聯分手的伏線。

季尾因傷而不想盲目留隊，一度主動擱置與球隊續約的決定，盡現霸氣，及後再一次重返曼聯但表現卻不復當年勇，終與曼聯再次分手，轉投美職聯的洛杉磯銀河。其級數、職業能度及表現，統統都讓「戰神呂布」成為球迷的寵兒。

第一位：馬達　

當年馬達由車路士被摩連奴賣走到曼聯，連車路士都大感可惜的一宗買賣，對於曼聯而言，當然是一筆絕佳的收購。這位「助攻王」加盟曼聯後迅速成為球隊組織核心，他的視野、傳球功架絕對是典型西班牙中場，同時亦是近季曼聯少有創造力類型的中場。

可惜，在蘇斯克查的帶領下，一直都未能成為球隊的主力，寧願用上麥湯米尼、費特等全能型中場都不用他，儘管長坐於後備席之上，但各位球迷亦十分懷念及喜愛馬達，順理成章成為「後費格遜年代」的最佳收購。

[Busconcamp]

《評選「後費格遜年代」五大最差收購》

繼上集與大家分享過外國網民眼中「後費格遜年代」的五大最佳收購後，今集同樣繼續介紹另外五個最差的收購，當中不乏名聲大、實用少的頂級球星，說到這裡，部份答案已經呼之欲出。

第五位：迪馬利亞

當年在皇家馬德里踢得風山水起，證明自己絕對是世界級球員，但奈何在星光熠熠的銀河艦隊之中亦找不到絕對的正選位置。最終以破當時5970萬鎊的身價轉會到曼聯，穿上七號球衣，可惜加盟球隊後與領隊雲高爾戰術不合，加上兩人在後期惡交的情況，整季在曼聯出場32次，只攻入4球，表現未如理想。最終，僅一季時間便被賣走到PSG。

當然曼聯球迷如此痛恨迪馬利亞的原因不單單是球場上表現的不濟，而是當他離隊前夕的行為及離隊後多次在傳媒面前數曼聯的不是，在去季的歐聯比賽，當「天使」回到曼聯主場時更被球迷投擲啤酒瓶。

第四位：達米安

意大利盛產防守球員，來到英超後的達米安效力曼聯期間有不同主帥帶領，但他一直都不是眾人的首選閘位球員。當初加盟時，右路有華倫西亞及楊格，左路又有梳爾，有時間令他連後備席的位置也找不到。當年加盟球隊時花了近1,300萬鎊，但及後被賣走到意大利時僅得130萬鎊到帕爾馬，令到球隊蝕了一大筆費用。

第三位：舒拉達連

曾幾何時，舒拉達連在修咸頓踢得風山水起，不少英超豪門都希望能夠成功羅致這位法國中場，最終曼聯成功將他收歸旗下。事實上，大家都對這位法國中場抱有極大期望，希望他透過Box-to-Box既踢法，用傳球、走動及視野能重整曼聯中場，可惜最終仍事與願違。

無論在雲高爾及摩連奴的帶領下，舒拉達連都無法取得固定的上陣機會，尤其在摩連奴的旗下，在離開曼聯前的半個賽季，他只為球會上陣三場比賽，合共十一分鐘。可能大家認為他是一筆差的收購，很大原因是基於夢想與現實的落空，他在曼聯的一個半賽季猶如空白一樣。

第二位：亞歷士山齊士

於2018年的冬天來到曼聯，山齊士一直於巴塞隆拿及阿仙奴都證明自己是一名具級數及實力的球星，因此他決定離開阿仙奴時，曼聯及曼城兩大球會爭得你死我活，曼聯最終不惜以天價人工(40萬鎊周薪)來取悅山齊士當時曼聯主力人工：保羅普巴（29萬英鎊周薪）、盧卡古（20萬英鎊周薪）、迪基亞（20萬英鎊周薪）。

錢，曼聯各來都不缺；寧花上千金萬銀都要羅致球星，可惜山齊士可算是近季的最大水貨，在摩連奴的帶領下，他主要踢左翼位置為主，在摩連奴防守為主的戰術中，山齊士變得平庸的一員，往往在左翼的位置大多都是作走位配合或傳中等基本工作，失去了昔日於巴塞隆拿或阿仙奴的光茫。

短短半個賽季，僅於聯賽中射入2入球及交出3個助攻，表現讓人失望。即使在蘇斯克查上任後表現都未有太大改善，近季可能曼聯球迷都對他死心，今季便被外借到國際米蘭，表現仍未見起色。

第一位：法卡奧

早年曼聯經過「莫耶斯」的洗禮後，近來新帥雲高爾，大家都期待著有折然不同的改革，同時在轉會市場上更成功外借到名氣響噹噹的前鋒－法卡奧。當時法卡奧名氣不少，在波圖、馬體會及國家隊賽事都證明自己的入球能力，可惜在加盟曼聯前一季因十字韌帶而受傷，因此在新賽季希望外借到曼聯重新出發，當時28歲的他卻賭上了自己最後的青春，同時曼聯亦為改革迎來了第一步。

[Busconcamp]

恩哈路 — 正正符合球隊所需的非洲射手

今季表現令人失望的曼聯，於冬季轉會窗終於成功簽入垂涎已久的葡萄牙中場般奴·費南迪斯，而該前士砵亭中場的加盟隨即改善了球隊近季中前場組織串連的能力，更成為球迷心目中的寵兒；不過，其實於冬季轉會窗中還有另一名球員空降奧脫福，其加盟之初飽受各界對其能力的質疑，但為球隊上陣後卻以場上表現令當初懷疑其能力的人閉咀，更於最近兩場盃賽為球隊正選上陣之餘亦合共取得3個入球，加上其專業的比賽態度，已逐漸為球迷所擁戴，甚至令領隊蘇斯克查公開表示會慎重考慮正式羅致；沒錯，所說的正是恩哈路。

於尼日利亞最大城市拉高斯出生的恩哈路，於國內聯賽冒起後，18歲獲挪威球隊利恩羅致，一季後轉投意甲的烏甸尼斯，但絕大多數時間都過著不斷被外借的「人球」生涯，先後被外借到格蘭納達、切塞納等球隊，於2014年被外借到子母球隊屈福特，不消3個月便正式加盟這支當時身處英冠的球隊，更為球隊於聯賽上陣了34場入20球，助球隊成為英冠亞軍，並取得直接升上英超的席位。

升上英超後，恩哈路保持射手本色，並有著令人眼前一亮的演出，於37場聯賽中取得15個入球，助球隊中游位置完成球季，並打殺入該季足總盃4強；不過，恩哈路於之後一季大為失準，除於第3週賽事攻入一球外，於之後的連續15場聯賽中都顆粒無收，表現令人失望。

2017年1月，恩哈路離開英超甚至歐洲球壇，宣佈以2000萬鎊轉投中超球隊長春亞泰，於水準偏低的中超賽場上，恩哈路當然應付得綽綽有餘，並重拾射手的觸覺，兩季內合共為球隊上陣55場入36球，表現出眾，但未能助球隊於之後的球季逃過降班厄運；但恩哈路沒有隨隊降班，並成功轉投另一中超球隊上海申花。

其實當時除了申花，有傳西甲班霸巴塞隆拿有意借用這名尼日利亞射手半季，以加強球隊鋒線上的板凳深度，但恩哈路卻以希望正式轉會而非短期合約為由而作出婉拒；萬料不到一年後這名射手願意以外借身份重返英超。

當曼聯宣佈借得恩哈路加盟時，的確令不少人感到意外，甚至更有很多人認為球會管理層藥石亂投，竟然要淪落到借用一名已30歲且出走中超而絕跡於高水平的歐洲球壇幾年的前鋒。

事實上，筆者倒認為恩哈路的加盟並非想像中不濟，首先其踢法實際，從加盟後上陣的幾場賽事中所見，這名應屆非洲國家盃金靴獎得主雖然技術未至於十分出眾，但踢法勤力，經常於前場毫不吝嗇氣力跑動作迫搶及拉開對手防線，而且除了擅於走位、捕位、搶點外，其背身控球的能力亦正正是球隊今季以來一直所缺乏的，再加上其分邊及二傳能力亦不俗，母團隊意識甚強，故於陣中有十分大的作用。

另一樣更重要的是其忠實曼聯球迷的身份，可能大家會質疑這只是恩哈路於加盟之初為討好球迷而隨口說出的說話，但其實遠於幾年前為屈福特升上英超後，於接受記者曾訪問時曾透露最希望作客奧脫福面對從小就支持的愛隊曼聯，加上其已故親姊亦是一位紅魔迷，故不惜減薪來投，且能為其於場上帶來更大動力及熱血鬥心，願意為球隊付出所有。

要於有限時間內尋得一位具英超經驗及入球能力、符合球隊所需、更不介意擔任後備的國腳級前鋒，兩年多前開始於家鄉出資興建孤兒之家的恩哈路加盟對球隊確是有利無害。

[Busconcamp]

甸恩軒達臣 — 能成為紅魔及英軍一號門將嗎？

英超賽事，愛華頓主場迎戰曼聯，最終雙方踢成1-1平手，賽事焦點除了補時階段的那記極具爭議性「詐糊」外，雙方門將的水準以下演出亦成不少人茶餘飯後的話題，同時亦讓不少人提及一名被認為有力藉此機會於曼聯及英格蘭國家隊爭一個正選席位的年青門將，此人正是現時被曼聯外借到錫菲聯的甸恩·軒達臣。

23歲的軒達臣於8歲便加入家鄉球會卡素爾青訓系統，效力了6個年頭後便獲得曼聯垂青並羅致，逐漸成為紅魔鬼各青年軍梯隊的一員，更於2015年獲球會給予一紙職業球員合約。由於球隊坐擁迪基亞與羅美路兩名世界級門將，故年紀輕輕的軒達臣只曾於2016年初作客梳士貝利的足總盃賽事中擔任後備門將，並未曾為一隊上陣過；之後先後被外借到史托港、甘士比等低組別聯賽球隊。到2017/18年度球季，軒達臣被外借到英甲的梳士貝利，並隨即成為球隊的首席門將，憑著出色及穩健的表現，助這支英甲中下游球隊長期進佔聯賽榜直接升班區域之中，雖然球隊於季尾表現下滑而未能取得首兩名，從而取得直接升上英冠的席位，但總算取得附加賽席位；於升班附加賽中，軒達臣於兩回合賽事中都表現神勇，助球隊以總比數2-0淘汰查爾頓而晉身決賽，只是於決賽中雖然這名曼聯借將有高水準演出，為球隊力挽狂瀾，包括於開賽不久便成功救出對方的12碼，但球隊戰至加時不敵洛達咸，最終還是功虧一簣。不過，軒達臣的表現絕對是有目共睹，場邊更有小球迷舉起向其致謝的橫額；而於季後，軒達臣除以大熱姿態成為球隊季度最佳球員外，更入選該季英甲最佳11人，表現受到各界認同。

去季，軒達臣繼續被曼聯外借，今次目的地為身處英冠的錫菲聯。於英甲贏盡掌聲的軒達臣來到錫菲聯後即成為球隊的正選門將，為球隊於整個球季所有的46場聯賽中均一一正選上陣，表現比之前一季於梳士貝利時更上一層樓，全季只失了41球，且合共有多達21場力保清白之身，並錄得平均每仗作出了接近3次成功撲救，但最重要的是助球隊成功於季尾力壓長居前列位置的列斯聯，成為聯賽亞軍，與諾域治攜手直接升上英超，亦是球隊自2007年後再戰英超賽場；出色的表現為軒達臣帶來不少獎項，當中包括球會最佳球員、最佳年青球員、英冠金手套等殊榮。去年夏天，軒達臣獲曼聯加薪續約至2022年，但由於仍難以動搖迪基亞的正選位置，副選亦已有阿根廷國家隊門將羅美路，故軒達臣只好再次踏上外借之途，隨錫菲聯出戰英超。季前，相信沒有多少人會看好陣中沒有知名球星的錫菲聯於英超的前景，甚至有不少人認為這支來自「鋼鐵之城」的球隊會是「降班膽」，但球隊於開季後踢出一鳴驚人的成績，目前更與曼聯、熱刺、狼隊等球隊分庭抗禮，甚至比阿仙奴、愛華頓等球隊排名更高，大有機會取得來季歐洲賽參賽席位。球隊取得令人眼前一亮的表現，陣中不少球員備受讚賞，當中包括為球隊把守最後一關的軒達臣。

可能長年於低組別聯賽打滾，令軒達臣於出迎及迎接高空攻勢的能力都十分出色，而且往往甚具信心與氣勢，故儘管有1米88的軒達臣雖然不算高大，但仍能表現出頗佳的禁區統治力，加上於封位、上中下3路撲救的能力都不俗，基本上亦紮實，令軒達臣成為備受注目的門將。另一樣令軒達臣為人讚賞的是其心理質素，去季於最後直路階段先作客同市死敵錫週三，之後一週則作客列斯聯的聯賽中，除了因球隊當時正與對手競逐直接升班的席位，加上本身屬對手死敵曼聯借將的身份，故整場賽事都被主隊球迷辱罵，連當時於場內的記者亦表示主隊球迷口中盡是自己所見過對球員最無情甚至侮辱的攻擊批評，但軒達臣仍能專心一致，表現十分集中，於場上力挽狂瀾，最終為球隊擊敗對手，取得升班的關鍵3分，賽後球場上再聽不到辱罵聲，只聽到盡是對這名年青門將的喝采歡呼聲；今季初雖然曾於主場對利物浦的賽事中犯下大錯，因接球「痾蛋」而令球隊敗陣，但於失球後便立即回過神來，再次集中於場上的表現，之後的賽事亦繼續保持穩健的演出，對於一名還未夠23歲的年青球員來說，是十分難得；今季至目前為止更已為球隊於聯賽保持了9仗不失，與利物浦門將艾利臣並列首位，大有機會與這名巴西門將爭奪今季英超金手套殊榮之餘，更有機會藉碧福特的失準而以首席門將身份代表英格蘭出戰歐國盃。

軒達臣希望返回奧脫福之心早已昭然若揭，但同時亦不止一次表示回去並非安坐後備席上，而是要成球隊的首席門將。現時曼聯陣中仍以迪基亞為頭號門將，後備席上亦有助阿根廷殺入2014年世界盃決賽的羅美路，那軒達臣是否難以動搖此兩人的位置呢？迪基亞近季水準不斷下滑是不爭的事實，雖然有時仍有神勇演出，但與昔日那個一個救全家的門神差距已愈來愈遠，穩定度亦不足；羅美路雖平穩，能力上仍達世界級，卻彷似不受重用，故論能力，軒達臣絕不遜於前兩者，只是若下季3人同時身處陣中，軒達臣又能否立即得到正選機會呢？坦白說，除非迪基亞離隊，否則從領隊蘇斯克查的用人所見，軒達臣難以從這名西班牙門將手上搶走首席門將之位，但軒達臣有的是青春，年紀就是其優勢。作為曼聯球迷，迪基亞與羅美路似乎已沒有太多進步空間，甚至能夠維持現有水準已算不錯，故若季尾成功出售迪基亞，讓軒達臣回來擔當重任，對於球隊、球員本人、甚至英格蘭國家隊，都不失為一個好機會。

[Busconcamp]

[多奇出品] - 般奴嘅加盟仲需要連加特同安祖斯彭利拿嗎？

般奴嘅加盟激活咗曼聯攻擊線，同樣都係打攻中嘅連加特同安祖斯彭利拿對屈福特正選連後備都冇，咁係咪即係可以放棄佢哋呢？我嘅答案就話唔係，球隊仲有足總杯、歐霸同聯賽前四之爭，相信佢哋仲係蘇B計劃嘅一部份。不過連加特喺般奴加盟之下所發揮嘅即時作用應該比安祖斯彭利拿為高，而般奴對安祖斯彭利拿嘅作用係全面提升佢技術。

首先簡略地講翻般奴踢法上一啲特點。佢係一個攻擊意識好強同有創造性嘅球員，只要佢一有波到腳就會作出令對方守衛難以防備嘅傳送，無論係一啲短傳入涉定係過頭波。另外，佢有一股推動力俾隊友，佢會為隊友提供源源不絕嘅機會，就算最後個攻勢係唔成功，佢都會拍手鼓勵番隊友，好似俾隊友一個指示只要你走到靚位就會不斷做波俾你。仲有佢唔單止控球在腳發揮到威力，佢無球走動亦都做得非常出色。佢除咗係中場外，仲會經常企喺邊線接應同俾波隊友帶波上中路，佢係屬於一個可以自己搵食球員員外仲係一個可以提升隊友實力。

就因為般奴嘅靈活多變嘅踢法對於連加特嚟講就非常配合。因為連加特屬於擅長冇球走動嘅球員同埋佢唔會控球在腳太耐，佢有波就會交然後走位。般奴可以交啲隱蔽式嘅短傳首先撕破對方第一道防線，之後連加特就可以有空間組織攻勢。又或者連加特帶波般奴走空位，然後前者做傳送都得。連加特之前嘅缺點係做唔到一啲致命傳送，只係橫傳然後就走位，加上尤其對中下游球隊時對手主要打密集，所以減低咗連加特嘅威脅。當然佢把握力差亦都令球迷對佢不滿。不過一旦球隊破到對方密集防線就會容易製造缺口，令連加特再次有機會入波，所以般奴對連加特要做嘅工作只係引發出佢已經有嘅能力，相對嚟講比較易。

對於安祖斯彭利拿嚟講佢傾向鍾意控球在腳組織攻勢，亦都鍾意作關鍵傳送同埋主理罰球角球，加上佢唔擅長無球走動同埋做有威脅性傳送。佢嘅踢法跟本就同般奴重叠，所以我相信般奴同安祖斯彭利拿嘅合作所產生嘅化學作用會冇咁大。不過換轉角度嚟睇，由於佢哋擅長嘅特點係相近，安祖斯彭利拿可以從暫時放低自己固有一套足球理念，然後從般奴身上學習佢嘅罰球、長短傳、走位配合同射門，再融合到自己身上，建立一套新嘅風格，就好似當年普巴喺祖雲達斯跟派路學嘢咁，不過，重新建立自己係辛苦，所以般奴對安祖斯彭利拿影響係在於技術層次嘅提升，相對嚟講比較難，要用時間都會比較耐。

總括嚟講，我見到連加特同安祖斯彭利拿都有團火去比賽，只不過限於佢哋嘅實力令到佢哋喺球場上貢獻唔大。現在有新兵般奴帶嚟衝擊，睇吓佢哋兩個實力會唔會得到提升。

[Busconcamp]

【恩哈路 - 紅魔的鋒線救世主？】

在足總盃比賽裡，曼聯作客迎來擁有球會傳奇朗尼的英冠球隊打比郡，最終紅魔也不負眾望以3-0的成績輕取主隊。上半場，朗尼就以一記刁鑽的自由球威脅曼聯大門，但羅美路臨危不亂穩穩地把它救出了。直到33分鐘，梳爾利用一個僥倖的射門為客隊先拔頭籌。接下來，恩哈路分別在41分鐘以及70分鐘為球隊鎖定勝局。恩哈路的出色表現也讓他獲得自加盟紅魔以來首個MOTM獎項，紅魔也延續費南迪斯效應在各項賽事裡9場不敗了·。除此之外，這也是恩哈路為曼聯的第二次首發出場，兩次首發都能取得入球正正打臉了一些質疑他的酸民們。

今年已有30歲的恩哈路是在冬季轉會窗最後一日時，從中超上海申花外借至曼聯。紅魔引進他的的這個轉會操作確實讓不少球迷震驚，因為曼聯也從來沒和他傳過一點緋聞反而傳緋聞的都沒有來。再加上，那時的他在中超這種三流聯賽裡打拼，能不能適應英超裡的強度也是一個謎。雖然他在中超裡的數據確實很亮眼，差不多每場比賽都能進球，但畢竟中超以及英超的水準相差得有點遠，在中超稱王的他未必能幾年前在屈福特一樣發揮不俗了。

相信不少球迷對他認識都是他效力屈福特的時候吧！在2014年時，屈福特本來是從烏甸尼斯把他租借一年罷了，可是由於他的表現不俗以及烏甸尼斯也剛好與他解約，所以屈福特就趁機提供他球隊長約。效力屈福特期間，他在15-16賽季發揮出色和進球不斷，成為球隊的當季最多進球者。不只這樣，他的進球狀態也讓他獲選當時12月份的最佳球員。過後，他在隔個賽季卻表現低迷，15場比賽裡都未能取得進球。所以，他就離開英超，流落到中超球隊长春亚泰以及上海申花。

時隔三年再回到來英超的恩哈路主要是來幫助曼聯解決球隊今季裡的中鋒荒問題。自從盧卡古離開紅魔後，曼聯就一直缺乏一名跟他一樣的正統前鋒，這也大大減少了曼聯的進攻火力。所以，曼聯今季的進攻大旗都落在兩位前鋒安東尼馬迪爾和拉舒福特身上，效果一般因為雙方都不是傳統的中鋒，他們屬於現代型前鋒，利用速度突破完成進攻。這種情況使得紅魔禁區裡時常找不到人，從兩側傳來的炮弹也成炮灰，完全缺乏一個門前把握能力很強的中鋒球員。再加上，拉舒福特因受傷需要休息數月，只剩下安東尼馬迪爾以及有潛能可是還不符合中鋒標準的格連活特在進攻線上了。恩哈路的到來正是曼聯現最需要的球員，他符合了傳統中鋒的標準，擁有身體優勢以及不錯的射門能力。其中他在門前的敏覺性也非常出色，相信他在最近出場的比賽裡大家都有目共睹了吧！

對於恩哈路的表現，主帥蘇斯克查也表示：「恩哈路的到來就好像一股新鮮的空氣，利用自己的警覺性尋找機會，他的攻門射正率也非常樂觀，曼聯其他鋒線球員需要向他學習。」而關於曼聯會否買斷他呢？蘇斯克查也表示：「一切皆有可能，現今還言之過早，需要多一點時間觀察他的表現。如果表現出色，球會當然會對此考慮。」

[Busconcamp]

[多奇出品] - 曼聯對曼城賽後檢討



曼聯喺主場打出精彩嘅一仗，以2:0擊敗曼城，我哋睇吓曼聯得勝嘅原因：

一、防守反擊，戰術得宜。今場攻擊線派咗占士同馬斯亞兩隻快馬打反擊，加上般奴喺中場做穿針引線嘅工作，後防就打三中堅，左邊連迪洛夫、中間麥佳亞，右邊梳爾，拍住兩邊翼衛雲拜沙卡同威廉斯。中場就有費特同馬迪。經過首循環嘅成功經驗，因為曼城主要打法都係以攻代守，所以佢哋後防線暴露好多空位俾曼聯攻擊球員去跑動，加上曼城球員尤其係中場踢法比較斯文，造就馬斯亞同占士可以發揮到佢哋速度帶波推進，對方後衛往往要到禁區頂先至犯規而輸罰球，所以雖然曼聯控球率係輸晒，但論攻勢入肉程度曼聯都唔講得笑。例如：馬斯亞有兩球喺左路引球推進，最後起到腳射門，可惜一球俾龍門接住，一球俾後衛擋出。占士都有兩三球喺右邊發難，甚至起腳射門，可惜又係俾龍門救出。

二、般奴穿針引線，靈活處理罰球。佢嘅加盟活化曼聯成條攻擊線，佢除咗控球在腳有威脅外，佢嘅無球走動亦都非常出色。下半場有一次占士帶波推進，般奴走入禁區入面空晒，如果唔係占士選擇自己射門，我相信交俾般奴入波嘅機會更加大。另外，佢處理罰球確係有一手，除咗開長波外，佢亦都可以開短，甚至挑高個波制造單刀波俾隊友。馬斯亞嗰球就係佢哋應該用眼神去示意一下，然後般奴已經做晒預備動作，只要馬斯亞一起跑，般奴就即刻挑高個波兼預計埋佢會即時起腳。般奴依腳完全係佢本能反應，係佢平時經常會做嘅動作，係日積月累嘅成果。當然除咗傳波佢都有射門能力，所以咁先至難估佢係傳定射。

三、防守球員集中，默契慢慢建立。今場無論中場定後衛都落力防守，馬迪同費特主要以體力快速壓迫對手，盡量唔俾對手鬆容咁控住個波組織攻勢。而當對方利用搓傳組織制造到空位，都會即刻塞番個空位，佢哋亦都做埋後防線前嘅一道屏障，負責企位遮線，間唔中亦都會做吓迫搶同幫後衛做協防。當下半場加入咗麥湯文尼後，就變咗費特踢左中，麥湯文尼踢右中，而馬迪就鎮守中路。佢哋面對對方嘅小組入涉保持高度集中同紀律性，往往將對方進攻線推出去外面，令到對方唔容易打入禁區，就算佢哋去到禁區，都會俾己隊球員作出攔截。如果要講攔截就要提雲拜沙卡，佢令到史達寧冇啖好食，之後馬列斯亦都嘗試過佢但都唔成功，成條右邊佢一個打晒。左邊梳爾同威廉斯一個靠經驗，一個就夠拼搏，兩個前後不斷互換位置，令到對方進攻球員無所適從。中堅麥佳亞同連迪洛夫或之後入替嘅拜利亦都做到攔截、封位等基本職責。球迷可以見到佢哋踢自己位置外，做協防嘅時間性都拿捏得好準確，經過多場比賽磨合，大家嘅默契已慢慢建立。

計埋今場2:0贏曼城，曼聯已經十場不敗同八場零封對手，希望曼聯個勢可以繼續保持落去，爭到歐聯資格同埋可以捧番個杯。

[Busconcamp]

曾經貴為全球最高身價既年青球員——梳爾

勞基梳爾，係小編繼小豆之後最愛既球員，原來唔經唔覺就嚟喺曼聯迎嚟第六年。梳爾既稱號可以話係多不勝數，例如艾夫拿接班人、英格蘭未來國腳、最貴年青球員等等。毫無疑問，梳爾當年真係令好多球迷充滿期望，所以先咁多稱號，可惜傷患真係令到佢既足球生涯變得不似如期，今次小編想同大家仔細分析下梳爾呢位球員。

年齡：24歲（1995年7月12號）
身高：185CM
國籍：英格蘭
慣用腳：左腳
位置：左閘、左翼衛、左中堅

2012 - 2014年喺修咸頓打出名堂，之後曼聯以高價收購咗佢。當年既修咸頓可以話係星光熠熠，當年既好多球員依加都幾出名㗎，例如熱刺既加沙尼加、雲耶馬、阿仙奴既張伯斯、利物浦既佳尼、路夫蘭、拉蘭拿、愛華頓既舒拉達連，仲有域奇林拔、奧斯禾度、積洛迪古斯、獲特包斯、吉田麻也等等，領隊都唔少野㗎喎，嗰個就係普捷天奴喇。梳爾可以話係嗰期入面，最早出名同最早入大球會既球員。能夠喺云云球星下，最早被大球會睇中，可想而知當年既梳爾打得幾咁好。

2014 - 2015球季，因為艾夫拿既離隊以及梳爾既能力，令佢成為咗大家眼中既艾夫拿接班人，而波衫都用番艾夫拿用開既3號，好可惜當年既梳爾都唔係打得特別好，唔知係咪因為肩負住太多呢啲稱號同寄望呢？一年之後，梳爾都由3號改著番佢之前著開既23號波衫。

以為改著咗23號波衫，將會迎嚟一個新開始，好可惜踢咗四場正選仲攞到一個入球之後，喺歐聯對燕豪芬既賽事入面，遇到一個嚴重受傷，足足抖咗288日。呢一次意外斷腳，差啲令到佢要截肢。當時唔止要接受休養一年既事實，更因為呢次傷患，需要接受心理輔導。對於一個18歲既小朋友嚟講，遇上咗一個踢得唔好既球季已經好大壓力，仲要面對斷腳既經歷，喺球場上面帶住氧氣罩離場，真係唔容易克服。

足足缺陣咗51場比賽既梳爾，喺新一季踢咗幾個月之後，十月份再一次受傷，好不容易先喺一月好番。接住，又喺同一個球季再一次大傷，又要休息百幾日。可幸地，喺受傷之後仍然得到英格蘭既徵召。以為梳爾可以有機會喺英格蘭入面盡顯自己既身價既時候，梳爾再一次面對受傷。佢喺英格蘭對西班牙既賽場當中，同卡華查炒埋一碟，個頭撞落地下嗰時，好似冇乜知覺咁，最後再一次要用擔架以及氧氣罩送佢離場。

送院之後梳爾都喺社交平台報平安，話冇乜事，好快梳爾都復出。喺冇病冇痛既情況下，梳爾終於踢到喺曼聯真真正正既第二季。但今季季初，梳爾又再次受傷，十月頭傷癒復出之後，十日之後再一次受傷。經歷過林林總總既傷患之後，梳爾到現時為止都終於算係健健康康。

雖然傷患確實擔誤咗梳爾既足球生涯，但係梳爾既生涯又點止因為傷患困擾而差，佢都曾經被摩連奴多次批評態度唔夠好，更因為咁令到好多傳媒傳出梳爾要離隊既消息。亦因為摩連奴既多次批評，令梳爾直頭話摩連奴根本就係針對佢。當時佢地兩個既關係實在唔係太好，但係梳爾繼續默默耕耘，終於愈踢愈好，摩連奴都因為佢既表現令佢公開稱讚佢既態度同埋表現。而梳爾都因為咁，開始明白摩連奴當時點解要針對佢，仲認為當時既摩連奴閙得佢好啱，接住既梳爾可以話係愈踢愈好。

雖然係愈踢愈好，但係經歷過兩次帶住氧氣罩仲要用擔架抬出場，要再踢得好放實在唔係一件易事。或者因為咁，梳爾既打法都開始變咗，以前走上走落，控咗個波敢於向前推進，到今時今日以保守為上，確實令梳爾既表現冇咁Sharp醒。加上班頓威廉斯既出現，某程度上確實係比下去。

小編仲好記得班頓威廉斯啱啱上一隊既時候，因為佢既活力同埋膽識，令好多球迷刮目相看，甚至有球迷話梳爾可以賣走。喺今季冬季既轉會市場入面，都曾經傳出過梳爾去李斯特城既新聞。不過最後梳爾都仲係留喺曼聯，最近蘇斯克查更加搵到一個更加適合佢既位置，就係左中堅。1米85既身高，加上一定既頓位、速度以及多年既英超經驗，打呢個位置確實令到佢搵到佢既第二春。雖然蘇斯克查比咗個新位置梳爾，但係當打番四後衛既時候，梳爾仍然係左閘既第一人選，證明梳爾既實力同埋領隊對佢既期望仍然好高。

但不得不承認，面對足球既發展以及對球員水平既要求，曾經係英格蘭希望既梳爾，到今時今日只不過係一個高價既左閘，進步既速度確實要更加多。小編有時會喺度諗，到底一個閘位球員，要兼備啲乜，而梳爾又差啲乜呢？

以前既閘位球員，叻一樣野就夠，防守可以叻到好似尼斯達、簡拿華路嗰啲咁叻或者可以好似卡路士進攻咁叻，但今時今日閘位球員既要求已經唔同咗好多。首先防守要夠穩，進攻又要夠狠，腳法同埋長傳都要有番咁上下水準，先算係一個好閘位球員。好似阿歷山大阿奴、羅拔臣、列卡度皮里拉、馬些路、卡華查、甘美治等等。以上既球員無論喺防守或者進攻都係非常出眾，咁先算為一等一既閘位球員。佢地喺長傳方面既技術非常好之餘，喺防守搶截都非常準確，可以話攻守兼備。

但對比番梳爾，喺防守上面都尚算合格但喺進攻方面，確實仲有差啲火喉。如果要盤球上前場或者同前場做配合，而梳爾克服到既話，梳爾係咪至少要改善下佢既長傳能力呢？喺現時呢個足球世界入面，快速轉向確實係好重要，而好多進攻好好既球隊喺呢方面都做得好有水準。好多時會利用兩閘做斜角既長傳球打穿防守，但喺曼聯入面確實未有一個閘位球員做到呢一點。如果真係克服唔到上前幫忙既梳爾，又想成為世界級既閘位球員。喺呢一方面，確實要下多啲苦功。仲有幾個月既25歲既梳爾話老唔老，話後生唔後生，如果真係能夠改善既話，絕對仲有能力，攞番個英格蘭正選位置番嚟。

最後，小編想同部分曼聯球迷講，球員總會有低潮期，亦都有好多障礙喺球員生涯上面，點樣去解決同埋改變先係最重要既一環。唔好因為一啲球員比其他球員比下去，就話賣走佢、踢走佢。只要搵到一個方法去解決，嗰位球員永遠都係一個好球員。好似梳爾咁，如果真係克服唔到壓上前既，打個左中堅一樣係個解決方法。如果真係愛曼聯，真係愛每一個球員，唔好當球員係一個安全套，反而多啲支持、多啲鼓勵。足球員都係人，都想有球迷支持，少啲負面說話，多啲正面鼓勵，先可以令球員甚至球隊東山再起。過多幾個月，幾個外借球員，即將會重返曼聯，球迷既支持對佢地真係好重要。希望大家真係支持每一位曼聯既球員。

[Busconcamp]

何需求星味？曼聯應購恩哈路

當曼聯一月轉會窗壓哨借得效力中超的尼日利亞射手恩哈路時，不止球迷恥笑，亦有專業球評家指曼聯已經墮落至要借已遠離歐洲頂級聯賽的中超射手，已不能吸引頂級射手，如已決定不與巴黎聖日耳門續約，季尾成自由身的卡雲尼及最後轉投多蒙特的夏蘭特。雖然恩哈路是曼聯球迷，但由於已遠離英超一段時間，同時因武漢肺炎而未能隨隊到西班牙冬訓，令人質疑此次交易。

不過到了三月，他在場上的表現似乎已堪具說服力，對紅魔帶來成績、入球及戰術上的貢獻-雖然在英超賽場尚未入球，但在歐霸及足總盃共攻入三球，而在英超賽場上，幾乎每次上陣都有入球機會。

Hold up play

曼聯在強強對戰中的反擊屢有斬獲，反觀則常失分予排名較低的對手，皆因不少對手選擇sit deep，在自己三閘線內才以人海戰術防守，令曼聯攻擊手法發揮速度而沒有plan b。「我們要入球手，要多些入球，要有一個球員不惜犧牲爭取入球。」紅魔主帥蘇斯克查如是說。他大抵在指曼聯在面對大巴或陣地戰時的破門乏力，才要在拉斯福特受傷的背景下緊急借入恩哈路。

每當恩哈路上陣，都看到恩哈路在未進入禁區時，都以背身護球為主，他亦往往能夠完成任務，等待中場後上回傳，讓中場如馬達可以更多地在對手禁區前沿製造機會。由於本身的前鋒配置並不具備太強的背身護球能力，往往都喜歡走向防線背後，令中場需要多作冒險傳送，增加失球風險，而對手禁區人多亦難以攻堅，中場在傳送後亦難以銜接及支援，對手就更易瓦解攻勢。

曼市打吡的七分鐘，其實可以說是恩哈路場上角色的縮影：4次對抗全勝，外加6傳5中，每次背身護球都成功保持球權，再有下有連結的背身控高波，打亂曼城壓迫及反擊節奏，更釋放己隊後場壓力，無須被曼城連續進攻，證明除了入球，戰術貢獻才是他令曼聯垂涎之處。而在該場比賽最後階段，恩哈路作為前場支點，先出現在左翼，簡單的控下球便後踭轉予費特，令曼迷想到盧卡古的heavy touch...

肉搏爭入球

除了hold up play看看恩哈路的三個入球，都展示出他的身體質素，而這些質素，之前很難在馬斯亞、拉舒福特及格連活特身上看到，尤其是對打吡的第一個入球，完全是肉搏的成果，此正正符合蘇斯克查的要求，亦為紅魔提供別種的攻門選擇，而非一味求快。

既然滿足到苦力型前鋒的要求，為何不能長期購入呢？不需要高價追求一些明星前鋒吧？當然，那就看看曼聯今夏的組軍方向了，及之後對前鋒的要求了。

[Busconcamp]

[多奇出品] - 般奴費蘭迪斯喺曼聯成功嘅原因



曼聯近十場保持不敗，當中般奴費蘭迪斯嘅加盟非常關鍵，依家睇吓佢點解可以成功帶起隊波？

一、攻勢一針見血。自從般奴嚟咗之後，曼聯成條攻擊線生晒，原因係我哋再睇唔到過去嗰種經常轉邊，由左搓去右，由邊搓去中間。有好多波係向前去，搵中間嘅少少空隙向前俾波，依種隱蔽性嘅傳球係般奴帶動，佢傳咗個波對方守衞都察覺唔到，所以容易撕破到對方第一道防線，開始製造到缺口，亦都令對方有一種威脅感，防守球員一有威脅感就容易出錯。而最攞命係依種傳波係會感染隊友，好明顯嘅例子係費特。費特自從般奴嚟咗之後，喺助攻層面上係升咗一級，可以同般奴打小組滲入，亦都交到一啲有威脅嘅波，甚至射門都準咗，對住布魯日可以入兩球。另外，般奴除咗傳地波外，仲可以挑高個波俾隊友突破對方防線。例如：佢可以俾個短距離嘅過頭波俾占士去邊線，亦都可以整個過頭波俾馬斯亞去突破越位單刀。依種可傳高波同地波兼備嘅打法一嚟俾隊友有選擇，二嚟對方未必咁容易捉到你路，要預測究竟佢係交高波定地波。如果守衛做決定唔夠準同決斷，動作就會慢，對方動作相對嚟講我哋動作咪即係快。

二、技術全面，令後衛防不勝防。之前講過就係如果要做一個出色嘅進攻球員就要令對方守衛估唔到你想點，要做到依樣嘢就要有多過一種技能，如果般奴只係得傳波叻，我相信唔係好多後衛驚佢。但佢除咗傳波外，仲可以帶波引空對手製造空位俾隊友，而當佢冇波喺腳嘅時候，佢嘅走位亦都能夠拉空對方後衛，令到隊友可以自己起腳或者做傳送。仲有一樣最重要嘅嘢係佢可以直接射門得分，依樣係後衞最驚嘅，當佢有波在腳時，後衛會驚佢起腳，上去守佢。佢見你守佢，佢就會交波，究竟交高波定地波，你又要估。當佢冇波在腳，佢又會走啲令你尷尬嘅位，真係令人防不勝防。

三、天生領袖，能帶動隊友。個人認為要做一個帶領嘅角色。首先要俾人覺得你做決定唔需要全部啱晒但要合理，其次就係要有膽識。般奴兩樣嘢都兼備。要做到個決定合唔合理就要以隊友為本，即係佢所做嘅決定都係能夠利用到隊友嘅優點。例如：馬斯亞擅長突破單刀，佢就會交啲致命直接。占士需要空間利用速度去做突破傳中，佢就俾啲恰到好處嘅走位波。費特走位靈活入涉快，就交一啲隱蔽式地面波。當自己有空位就會起腳射門，所以雖然佢做嘅決定有時個效果未到預期，但隊友都會有正面嘅反應。咁除咗本身有實力之外，其次就係要夠膽去做，而膽量最重要係由自己過往成功嘅經驗同埋面對失敗嘅調節度去建立，當然隊友嘅鼓勵亦都重要。技術有部份可以練，但有部份真係天生。而例如：融合團隊嘅合作性。加上當佢或隊友嘅決定未達到預期效果，佢都會拍手鼓勵，好明顯佢雖然對自己同隊友都有要求，但佢亦都有寬容嘅一刻。仲有一點要提，佢好多時當控球權係對方度佢都會第一個主動逼搶，而當對方喺中場發動攻勢佢亦都主動去防守，總之攻又係佢，守又係佢，所以你話做佢隊友點會唔服佢。

總結，雖然好多球迷話般奴嘅加盟係遲咗，但有時啲嘢可遇不可求，最重要係球隊嘅成績繼續進步，球員間嘅默契同整體實力繼續提升。

[Busconcamp]

愛華士專欄：Come On James！

好不容易捱過了一輪又一輪的成績起伏之後，曼聯的成績終於漸漸穩定下來。般奴費南迪斯的加盟，直接激活了整個中前場，同時後防經過半季的磨合之後，默契和穩健程度都有所提升，近幾場比賽的失球數字明顯下降，本以為蘇斯克查帶領的曼聯終於有一段好日子過，可是近來可惡的疫情又要令比賽暫停一段時間。

不過對陣中的丹尼占士來說，他的黑暗日子總算過去。之前雖不至於像他的師兄連加特和佩利亞被投閒置散或者被自己球迷唾罵，但他二零二零年之後，要等到對寧斯的比賽才入了第一球。

追風少年

來自威爾斯的占士，去季在史雲斯打了一季英冠，三十三場比賽交出入四球九個助攻，雖然未能帶領球隊重返英超，但他第二個正式的一隊生活已經要在英超渡過，還要是身處曼聯這種傳統強隊。不少人對曼聯選擇一個只打了英冠一年的年輕球員作為首個收購大惑不解，甚至認為這是曼聯在失去歐聯位置之後沒有大志的表現。或許未必有太多人留意到，占士其實在加盟曼聯之前，史雲斯一度有意將他外借列斯聯幫助他們打升班戰，可是史雲斯的主席贊健士( Huw Jenkins )並不願意加合約加上八百五十萬鎊的買斷費而告吹。現在看來，史雲斯主席的遠見也不錯，因為將占士賣給曼聯，為史雲斯帶來了接近多雙倍的轉會收入。

空有速度

毫無疑問，占士能夠吸引曼聯球探的原因，主要都是離不開速度兩個字。不過以他第一季打英冠，入四球九個助攻並不算是十分亮麗的表現，大家頂多對他的印象就是足總杯曾經為曼城後防帶來一定的威脅。當他初加盟的時候，大家對他都未有太大的了解，以致他在曼聯邊路一度成了一路奇兵，一眾曼聯球迷深以為曼聯經過連年浪費大量轉會費之後，終於以相對低價做了一宗超值的買賣。可是隨著賽季的深入，他的特點已經被對方摸透，不少場次都見他空有速度突破，但能夠過到對方後衛或者能夠突破對方防線的次數並不多。另外，經過季初有驚奇的表現，蘇斯克查亦不時賦予他不同的任務；左翼、右翼、前鋒都有打過，可是離開了他最擅長的左翼位置之後，他極其量只能用「能夠打」， 而不算對球隊有太大貢獻。

迎接轉變

今季丹尼占士第一季加盟就有如此多上陣機會，某程度上要多謝同位置的幾位球員各自在季內都出現不同狀況有關：馬斯亞被轉型成為箭頭人選、連加特佩利亞狀態一直低迷、拉舒福特季中重傷......令今季暫時都沒有太多傷病情況的占士有充足的上陣機會。可是傳聞曼聯中的收購對象─「維拉柏豪」格利殊及多蒙特的辛祖，位置同樣是翼鋒，再加上當拉舒福特傷癒肯定會佔據一個左翼位置，即使還未算上炙手可熱的新星格連活特、剛續約的鍾泰希、仍在續約談判中的前英格蘭 U18 隊長安祖高美斯、還有差點被遺忘，但其實只是被外借的山齊士，丹尼占士來季可以預期不會再像今年般有這麼多上陣機會。若果丹尼占士要在上述球員當中突圍的話，或許他可以參考個人技術同樣不算特出的前輩朴智星。朴智星同樣都是高速的球員，而且勤力走動，他的前場迫搶和對對方主力緊纏往往是費格遜爵士在硬仗中的重要棋子。丹尼占士在不少硬仗中，同樣被指示在前場瘋狂跑動擾亂對方防線，可是對戰術的執行，與對友配合以及把握稍瞬即逝的機會時，依然有頗大的改善空間。另外，占士能否在不減低速度的情況下變得更加硬淨，會是他能否成為一個稱職工兵的關鍵。

[Busconcamp]

[追尋夢想之恩 - 恩哈路]

剛於一月由中超外借到英超曼聯的恩哈路，日前以一記世界波顯示他有能力在曼聯佔一席位及一份長約。其實恩哈路一直以來便是曼聯球迷，早此他接受訪問時曾道出：「我知道很多足球員都會在簽約時說【這就是我夢寐以求的球隊】。我尊重這一點，但我的情況有所不同。」

「從我小時候就認識我的人都知道，我的兄弟姐妹也支持曼聯，我們會花錢去觀看曼聯的比賽，在尼日利亞，你必須擁有收費體育頻道來觀看，但並非所有人都能負擔得起。我的父母負擔不起，因此必須在觀賞中心付費觀看。我們會付費觀看曼聯的比賽。」


「我在Ajegunl長大，那裡就像一個貧民窟，生活很困難。到了周末，每個人都很興奮，因為他們想看曼聯的比賽。為了上學，你會開始儲蓄，你會在家吃飯，家長會給你一些零用錢去學校，也許在那裡吃午餐，但是總會把零用錢一點一點地節省下來為周末看球賽直播做好準備。穿上球衣，在周末之前洗好衣服。繼續去觀賞中心，那裡很瘋狂。其他一些球迷希望曼聯輸掉比賽，作為曼聯球迷想曼聯獲勝，你就會開始爭吵，大喊，尖叫等等。在一些小房間裡，有些房間有200人在觀看。去另一個房間，看到有500個人。但即使那樣，你還是站在遠方觀看那裡大大小小的屏幕。」

「那時，曼聯是英格蘭最好的球隊。他們贏得每一場比賽，每個賽季，當費格遜爵士在這裡時，你都會看到他們贏得了英超聯賽冠軍。每個人都想與一支獲勝的球隊建立聯繫。那時我年紀還很小，一直關注這球會成長至今。他們還與曼聯球迷會聯繫，因此每週都會召開一次會議，討論曼聯，就像一個小型球迷論壇一樣。」

「當我現在記得所有這些時，我笑著說：【嘩，從Ajegunl去到夢劇院。】這對我來說是一個美好的時刻，我享受著每一刻。這是我一生中最快樂的時刻，為我夢寐以求的球隊效力，那是我年輕時支持的球隊。」

有多少人會一直追尋夢想? 年過30的恩哈路由他人生中最有機會加盟曼聯的英超球隊屈福特轉往中超發展後，相信他自己也心知這個兒時夢想變得不可能，不過只要堅持夢想，還是有機會實現的。

[Busconcamp]

踢走普巴　曼聯力斟利物浦剋星



究竟保羅普巴今夏會否離開曼聯，呢件事實在太多變數，實在無法預計，不過曼聯重建工程唔會停步，主帥蘇斯克查同副主席伍德沃德已經有晒計劃，就係準備以天價簽入「利物浦剋星」馬體會中場沙奧尼古斯，等佢同波基斯費南迪斯合組夢幻中場。

25歲嘅沙奧尼古斯在歐聯16強首回合一箭定江山，協助馬體會以1比0擊敗利物浦，最終踢紅軍出局，而佢亦成為利物浦剋星，報道指，沙奧尼古斯與馬體會合約至2026年，違約金為1.35億鎊(約13億港元)。

英國《每日郵報》報道，曼聯視察呢位西班牙防中已經有一段時間，歐聯淘汰利物浦一戰，曼聯特意派球探入場做功課，而且評價甚高，認為佢同最近加盟嘅「葡超林柏特」波基斯費南迪斯合作，將可進一步提升曼聯實力。

傳媒預計，為收購沙奧尼古斯，曼聯今夏肯定會將保羅普巴出售，希望在普巴身上收回1億鎊轉會費，用作購買沙奧尼古斯。

[Busconcamp]

傳英超6月重開　曼聯想恩哈路借到7月



英超能否於4月30日重開仲係未知數，延至6月初重開似乎更有可能，曼聯亦要為重開做準備，就係諗計續借尼日利亞前鋒恩哈路，尼日利亞傳媒報道，紅魔鬼希望同上海申花商量，續借恩哈路到7月，幫助球隊完成今個球季。

尼日利亞《footballlive》報道，曼聯向上海申花借用恩哈路嘅借用期到5月31日，申花希望佢完約後盡快歸隊，以應付中超聯賽，同時又向佢開出肥約，周薪加到40萬鎊，以阻止佢轉投曼聯。

先唔講轉會，曼聯現時想要恩哈路完成今個球季都要花心思，事關今季英超喺5月31日前未必踢得晒，好大可能踢到7月，因此曼聯希望同申花商量延長借用期到7月，否則等到英超重開，曼聯可能冇咗恩哈路。

[Busconcamp]

基亞利殊一鋪清袋　曼聯收購計劃叫停



阿士東維拉首席球星基亞利殊撞車事件持續發酵，球圈名嘴及球迷向佢圍插，英國傳媒更指曼聯對呢位24歲中場嘅7000萬鎊(約6.7億港元)收購計劃亦可能有變，英格蘭國家隊亦重新考慮向佢徵召，基亞利殊一次愚蠢行為，令自己隨時一鋪清袋。

今次原本好小事，由一宗輕微交通意外引發，基亞利殊於周日早上駕駛車輛撞到路邊其他車輛，之後揭發佢原來之前一晚去咗夜蒲，然後再發現佢開派對之前，喺社交網拍片呼籲公眾留家抗疫，呢頭叫人留在家中，但自己出街玩，自己打面。

事件在英國社會成為熱門話題，球圈及球迷向佢猛烈炮轟，鬧佢丟假，對國家毫不尊重，無法成為年輕人榜樣等等，球圈名宿哈利列納表示：「佢一直唔錯，值得入選國家隊，但今次再無藉口，行為愚蠢必須受罰。

阿士東維拉事後發表聲明，對基亞利殊行為深表失望，並重罰10萬鎊，罰款撥捐伯明翰的大學醫院，基亞利殊亦於社交網拍片向公眾道歉。

英國《太陽報》報道，基亞利殊原本為今夏曼聯收購目標，紅魔鬼準備以7000萬鎊收購，但發生今次事件後，重視球員形象嘅曼聯是否再實行收購計劃頓成疑問，報道指由於今次事件涉及政府抗疫指令，最壞結果是曼聯將轉會計劃中止。

[Busconcamp]

被國米退貨　山神今夏重返曼聯



智利前鋒阿歷斯山齊士今季由曼聯外借到國際米蘭，一心諗住大展拳腳重回巔峰，可惜佢先遇上傷患，近期復出後又遇上新冠肺炎疫情令意甲叫停，冇機會發揮之下外借期限就快到，消息指國米唔打算續借或買斷，決定退貨送番山神畀曼聯。

英國《電訊報》報道，山神今季外借到意甲，受傷患及疫情夾擊之下，僅為國米在意甲上陣9場入1球，但係人都知身價勁貴，借用費高達500萬歐元，主帥干地都頂佢唔順，決定退貨。

山神同曼聯尚餘2年合約，周薪50萬鎊，疫情下各隊都減薪，未知山神肯唔肯同球隊共度時艱，不過國米已決定唔再喺山神身上浪費時間，呢個問題留番畀曼聯自己慢慢諗掂佢。

[Busconcamp]

蘇斯克查奇招治軍　曼聯家嫂一齊練波



英超在疫情下停擺，球場封閉無法訓練，如何保持狀態係當前最大課題。曼聯主帥蘇斯克查喺呢方面原來有晒部署，制定好晒家居操練同營養餐單，更鼓勵球員與老婆或女友一齊練波，保持狀態。

為對抗疫情，政府呼籲公眾盡量留在家中，曼聯球員自然要乖乖留喺屋企，蘇斯克查透過WhatsApp群向球員發施號令，保持聯絡，球員嘅屋企人同埋後花園，對球員訓練都好重要。

蘇斯克查表示：「球員只能夠個人訓練，佢哋可以去花園同仔女一齊做運動，佢哋嘅老婆或女朋友，都可以陪球員一齊練習，互相傳送。」佢仲話球員平日好難有太多時間陪伴家人，今次可以更多時間陪另一半。

有消息稱賽會有意於5月初強行重開，全部閉門作賽，曼聯以呢套訓練計劃備戰，未知到時球隊狀態能否保持？

[Busconcamp]

迪歷特唔適應意甲　曼聯用普巴交換佢



祖雲達斯上年夏天擊退多支勁敵，以7500萬歐元收購阿積士中堅馬菲斯迪歷特，但呢位20歲荷蘭國腳未能適應意甲比賽，曾經多次犯錯，表現備受批評，令佢好沮喪。英國《每日郵報》指曼聯打算趁機搶人，希望今夏簽入馬菲斯迪歷特。

馬菲斯迪歷特效力阿積士時期，曼聯曾派球探觀察佢，但最後以佢有「肥基因」而放棄收購。中堅渴市情況下，紅魔鬼依家又改善主意，希望簽入馬菲斯迪歷特拍住哈利馬古尼，令防線更加完整。

馬菲斯迪歷特今季26場意甲只有17場踢正選，祖雲達斯教練沙利原本以基亞連尼同邦路斯合作扼守中路，但基亞連尼受重傷，迪歷特先至可以擔正，但佢卻不時犯錯。

季中沙利頂唔順，改用美列迪美羅取代馬菲斯迪歷特，點知冇幾耐，美列迪美羅都受重傷，令迪歷特重返正選，可見沙利只係逼於無奈之下，先至起用迪歷特，如果曼聯出手收購，祖記或者真係會放人。有傳曼聯可能會用中場保羅普巴，作為收購馬菲斯迪歷特嘅籌碼。

[Busconcamp]

16歲天才拒絕曼聯　想加盟多蒙特



曼聯計劃今夏用3000萬鎊收購英冠伯明翰中場祖迪比寜咸，但英國《太陽報》爆料，指呢位16歲英格蘭新星冇興趣成「魔」，因為佢比較想加盟德甲勁旅多蒙特，估唔到曼聯繼簽挪威神鋒艾寧夏蘭特失敗之後，又可能再次被多蒙特截胡。

由於祖迪比寧咸要到6月先滿17歲，暫時唔可以簽署職業球員合約，曼聯要等到夏天先至可以簽佢，正因為咁，令紅魔鬼收購計劃出現變數。祖迪比寜咸依家更表明心迹，傾向揀多蒙特，曼聯可能又再次失手。

事實上，多蒙特近年重用年輕小將，查頓辛祖、艾寧夏蘭特、奧斯達赫治、基奧雲尼雷拿 拉斯治、馬迪奧摩利都係2000年後出世嘅球員。

特別係見到查頓辛祖離開曼城後，喺多蒙特大發光芒，更加令祖迪比寜咸覺得，加盟多蒙特，發揮機會應該比成「魔」多。

祖迪比寜咸今季為伯明翰上陣35場，入4球及3次助攻，以佢嘅級數，踢德甲應該綽綽有餘。

[Busconcamp]

拉舒福特：期待辛祖加盟曼聯



英國傳媒報道，多蒙特英格蘭新人王查頓辛祖今夏重返英超，隨着多蒙特放人開綠燈，利物浦退出競爭之下，曼聯簽入辛祖機會高唱入雲，紅魔前鋒拉舒福特對此表示期待，希望同呢位國家隊隊友一齊喺奧脫福並肩作戰。

福仔並沒有掩飾同辛祖成為隊友嘅渴求，佢周三(1日)喺社交網直播公開讚到佢上天：「辛祖係新一代球員嘅代表，佢喺場上富創造力同想像力，係我哋需要嘅世界級球員，睇佢踢波令人興奮，我好希望同佢喺奧脫福並肩作戰。」

多蒙特早前表態，即使受疫情影響，會方堅決唔會賤賣辛祖，現時辛祖市價為1.15億鎊。

[Busconcamp]

IG洩密！李城天才真係想加盟曼聯



曼聯計劃今夏收購中場，目標包括皇馬新星盧卡斯華斯基斯、馬體會大將沙奧尼古斯、阿士東維拉隊長基亞利殊、李斯特城新星占士麥迪臣。

其中占士麥迪臣近日喺社交網IG回答球迷問題，列出5位合作過嘅最佳球員，包括2位曼聯球員拉舒福特、哈利馬古尼，呢位23歲英格蘭國腳似乎想趁機表達成「魔」心願。

占士麥迪臣心目中5位合作過嘅最佳球員，包括李斯特城隊友占美華迪、前諾域治隊友荷拉漢，仲有3位英格蘭國家隊隊友拉舒福特、哈利馬古尼、查頓辛祖，其中福仔、馬古尼都係現時紅魔鬼，而查頓辛祖屬於曼聯主要收購目標，麥迪臣呢份名單「魔性澎湃」，難怪被網民話佢係向曼聯發出訊息，希望成「魔」。

曼聯上年夏天以破後衞轉會費紀錄8000萬鎊向李斯特城收購哈利馬古尼，兩間球會有良好交易關係，曼聯再向李斯特城買埋占士麥迪臣，都唔出奇，相信今次轉會費好大機會超越馬古尼。

[Busconcamp]

返1日工就有忠誠金！曼聯為A山嘥咗6.2億



阿歷斯山齊士可以話係曼聯史上最失敗嘅簽人，英國《每日郵報》統計發現，紅魔鬼2018年1月向阿仙奴簽入A山後，已經喺呢位31歲智利國腳身上浪費咗6465萬鎊(約6.2億港元)，當中包括薪酬、出場獎金、簽字費等。

最諷刺係只要佢每年7月仍然留隊，就可以獲得110萬鎊(約1055萬港元)忠誠金，即使佢今季下半季被外借去國際米蘭，都有得收呢筆錢。

據悉，阿歷斯山齊士基本周薪達39萬鎊，當年簽約仲有670萬鎊簽字費，同埋佢每次為曼聯正選上陣，就有7.5萬鎊獎金，如果加埋歐洲賽贏波獎金，A山每周收入可達56萬鎊。

阿歷斯山齊士現時被曼聯外借去國際米蘭，由於國米只願意畀450萬鎊人工，其餘1700萬鎊都由曼聯支付，佢今季為國米上陣15次只入1球，但照樣收取高人工，夠晒爽。

A山嘅借用期將於7月屆滿，國米一定唔會買斷佢，到時A山又會返回曼聯。根據合約，A山2022年夏天約滿前，只要佢每年7月仍然留隊，就有110萬鎊忠誠金，真係躺着也收錢！

[Busconcamp]

英超重開有新搞作　每場換5個

英超正在研究重開方案，究竟何時重開，會否採用1周3賽嘅密集形式進行，亦由此衍生各種問題，由於密集賽程會令球員出現傷疲情況，有英超主帥建議，餘下賽程容許每場更換5名球員。

在疫情影響下，英超餘下賽事或會取消VAR，依家又準備在換人上動腦筋，球例現時規定每場可換3人，依家想換多兩個，主要係為咗完成今季餘下賽事嘅特別措施。

英國《太陽報》報道，有1位英超主帥表示：「密集賽程勢必出現球員傷疲情況，將令賽事出現混亂，多出嘅2個換人名額係為傷疲而設，因此希望賽會調整球例。」