第一
...
22 62 66 67 68 69 70 71 72
73 74 75 76 77 78 82
...
最後
《日本沉沒》玩突然死亡先誇張,而玩到洒狗血同吐便當令人側目~
iu fu pig 07:04 PM 03-12-21
作者: 肉羊哩咖 :
《日本沉沒》玩突然死亡先誇張,而玩到洒狗血同吐便當令人側目~
日本沉沒果啲死法真喺點飲醉都諗唔出⋯⋯
唔喺好接受啲劇本亂派便當
以為睇太平洋機人片無伏,點知又有無厘頭死
由手機版發出
報指而家 Netflix 開始揸緊分享密碼嘅問題,佢發覺有人用嚟睇嘅 IP addresss 唔同之類,會電郵個驗証碼畀個元客戶,未能限時前入到個碼會無得睇落去~
呢套嘢之前睇過啲評論,原來而家先至嚟 Netflix 嘅予告:
VIDEO
4月14,戀愛大過天~
傳有機會播《理大圍城》,留意係咪堅嘅。
Record of Ragnarok,暫時只見日版 PV,唔知日本以外有冇:
VIDEO
Lucifer S5 下半部終於有期 -- 5 月 28 號上!
呢套 The Mitchells vs. The Machines 終於有期 -- 4月 30號
VIDEO
Kim's Convenience(金氏便利店?)係套加拿大電視台嘅處境喜劇,Netflix 有加拿大以外嘅播映權。主要講一家四口嘅韓國移民,經營便利店嘅日常,其實入面乜都有 -- 教會、辦公室、街坊、校園、愛情、親情乜都有,分別係多咗好多「韓國」(東亞?)元素。頭兩季比較多社會/文化嘅議題,之後嘅轉咗去玩其他嘢。情節有時幾老套兼迄突,好在算幽默,而啲笑位東亞人睇得明;演員都唔錯,當中以做大仔同事老死兼同屋嘅 "Kimchee" 非常搶戲。
主角一家四口: 做老豆嘅有份客串過 The Mandalorian S2,做新共和國機師。做大仔嘅會主演 Shang-Chi 。(更正)
總結:中上。
而家只有 4 季,啱啱第 5 季完咗之後,搞出呢套嘢嗰兩個兼監製宣怖唔撈而斷尾,基本上無可能復活,搞到好多人話好可惜。連加國總理都「抽水」感謝呢套劇。
Not A Game 係套紀錄片,同之前套專講電玩歴史嘅唔同,開頭提少少歴史同遊戲界嘅問題,主要講唔少個案係電玩點改變人生,特別係職業 eSports 同遊戲直播嘅冒起。幾雜吓,有啲幾感人,睇完你會明到個大慨,你跟開嘅其實又冇乜新嘢。
【舊片重溫】《同行殺機》Collateral 係湯佬同 Jamie Foxx 合演嘅戲。好黑但係咁嘅片種幾有玩味,尤其佢兩個「亦敵亦友」(?)嘅關係,令人諗起《午夜狂奔》Midnight Run。老老實實湯佬個角式幾變態,可惜無法知道湯佬如果成功會點對 Foxx,最後尾先發覺做 Hulk 嘅 Mark Buffalo 嘅有份演出,可惜佢戲份太少無乜作為。
《極主夫道》動畫版,真人嗰啲,啲老細講過晒,無謂重複。呢套啲「動畫」比例真係少到離譜,似睇漫畫格咁~啲筆蓆去晒邊?
話時話:呢套嘢幾「現實」-- 聽講日本啲黑幫近年被政府打擊得好勁,搞到好唔掂~
出年 Sony 啲戲,會跟手上美國嘅 Netflix, 其他嘅地區未定
作者: 肉羊哩咖 :
Pacific Rim The Black 一邊有少年冒險,一邊有機人大戰怪獸,又係末日世界片。樣樣兼顧到,又要好睇,機人由設定到動作,比得上電影。係爭在個細妹英門配音老咗啲,加上血槳便當隨意派發,其實幾黑。留晒尾有第二季。
總結:好!
岩岩睇左
變左喪屍片咁,人類既敵人始終都係人類
有樣野幾膠既係,起兩兄妹流浪沙漠時,完全唔描寫食物同飲水既問題
由手機版發出
老細提到呢個 bug 又啱,初頭仲嗌晒肚餓,跟住又無咗件事。另一套玩末日片格套套都係咁上下梗。
消息指會開拍真人版高達!只知係由 Jordan Vogt-Roberts 執導 (Kong Skull Island, Metal Gear Solid),其他乜都未知~ 唔會玩 G-Saviour 呀嘛?!
拍返Pacific Rim咁上下質素收貨啦
Zack Snyder 套 Army of the Dead 有正式予告:
VIDEO
本人唔好呢味但作為盗寶片咁去睇,好似唔錯。
RE:IR 有予告(?):
VIDEO
啲動畫手法好 — 「懷舊」噃~~
七月上
Love Death + Robots Vol. 2 五月十四上:
VIDEO
宣告咗 Witcher S2、You 同埋 Cobra Kai S4 今年末季上。
而 Mindhunter S3 會復活?!
Love and Monster 舊年有限度上戲院,而家 Netflix 上。故仔係講人類文明被巨大無脊椎生物毀滅,殘剩嘅人類呢埋地底求生。男主角同女友分隔七年,有日因為得知女嘅仲在生決定長途跋涉,返上地面要見女友一面,問題係,男係個見到怪物會驚到無反應嘅「無用鬼」~雖然幾走唔出「末日片」啲套路,主角同配角寫得好,連條狗都好有戲(比起嗰套雷片事旦一件都有格),劇情扭得令人追,間中有驚險又有溫情又有啲笑位。個結局留咗白,可能白得滯。
總結:中上。