有冇人試過因為同事辭職而好唔開心?

[Hunter]

作者: haruka

我公司隔一兩年就會有人走~
走果D都係下面個docs果D「新仔」﹝因為搵到好OFFER﹞
見到佢哋走我都會好開心﹝其實我就係慫恿佢哋走果個 ﹞
因為知道佢哋係因為搵到好路數而走，而唔係因為公司人事關係而走~

同事辭職而唯一唔開心嘅反而係公司一次又一次話請唔到人返嚟填空缺，各位同事要「拍爛檔」幫手SHARE D嘢做
久而久之工作量一路增加冇減到
上兩個星期幫我做docs嘅同事走咗，而家要我一個人做兩個人嘅嘢，日日返工望唔到收工，OT O到癡線 ！！

你個工作環境好似我舊公司咁
因為新人既人工同年資無掛鈎, 所以新人點努力做人工都會比舊人差一半
(更離譜既係某d 舊人又中意唔做野, 而我d 上司就將佢地唔肯做既豬頭骨塞俾新人做)
有同事走, 一定恭喜佢
因為都諗唔到邊度既前途會比果份工更差

我舊公司又係同事要「拍爛檔」幫手SHARE D嘢做
但唔同係, 我舊老細一次又一次主動同高層話唔需要請人嚟填空缺
負責既野越來越多, 但人工就唔係
唔走真係對唔住自己同屋企人

而且係friend既話, 之後都可以繼續聯絡
我舊公司d 同事返shift都聯絡到
有心做朋友既, 無話唔得既

[豆腐]

有位同事走,我反而開心.....
因為佢根本就唔適合做呢行.....
又懶惰,偷訓覺,時時做錯野....

不過最近我都有個機會轉工.....
本身我係公司入面對邊個關係都好好
不過人工太少....最近細路要去外地讀書
我都要負擔一份.....所以唔轉唔得......
我都驚緊佢地覺得我背叛佢地.....

[Seppie]

下...做野地方我好少識到交心既朋友...
尤其而家間野, 我同同dept既同事只會講公事, 私事一定唔傾架wor
佢地都唔夠爽既...

唔做~~?
最緊要唔好留蘇州x俾我跟tim ar~~
上次走果件人乞我憎都算, 做野都差wor~~
我又要跟佢d野....手尾好差....俾我咒死n世ar

[DevilElvis]

yup, 好唔開心，不過佢反而無乜野.......可能係我太傻....

The world is changed