[港女v港孩v港媽] 疑遭紙飛機篤背脊 港女「李大當家」發惡向細路起飛腳

[david]

一隻紙飛機傷害力有多大？足以令一名港女當眾發難在鬧市向一名男童起飛腳！網上瘋傳一段短片，一名身穿皮褸、打扮新潮的女子不滿被男童的紙飛機「篤背脊」，先爆粗質問男童「你姓乜X嘢㗎？」繼而衝向男童起飛腳，其後再與相信是男童母親的女子爆發罵戰，不斷爆粗質問「你邊X度㗎？」又自稱自己是「李大當家」。
該段短片據稱是在銅鑼灣時代廣場外拍攝，該名皮褸港女怒氣沖沖向男童發炮，連番質問「你姓乜X嘢㗎？你邊間㗎？」繼而失控朝男童起飛腳，一名菲傭則以身護主擋開，男童受驚躲在菲傭背後大哭，有途人見狀上前將皮褸女拉開。

其後男童母親現身，她先聽外傭講述事發經過，繼而以英語向皮褸女稱「他是我兒子，若他做錯事我可以代為道歉，但你不能這樣對他」，但皮褸女怒氣未止，繼續以英語指罵稱男童不應用紙飛機碰到她身體，男童母親就稱即使男童有錯，對方都不能施襲，皮褸女聞言又再失控，手指指稱「又不是我錯」，男童母親於是要求保安代為報警。

二人繼而轉用廣東話繼續對罵，皮褸女不斷質問「你姓咩㗎，我姓李㗎，你邊X度㗎？我李大當家。」男童母親反駁「你打人就係唔啱，況且人哋係小朋友呀！你有無少少耐性同愛心㗎？」皮褸女則反問「我點解要畀耐性佢呀？你都黐線㗎！」之後轉身想走但被阻止，港女不忿怒斥「佢喊一喊你就要我去差館？」男童母親繼而稱已為兒子做錯事道歉，要求對方也要為打人道歉，但皮褸女隨即否認打人，直至短片結束她都沒有道歉。

該段影片在網上不斷被人轉載，更有網民稱要對皮褸女「人肉起底」，有人揶揄她「豆腐身，玻璃心。隔住件皮䄛，飛機可以擲到你有幾大感覺呀？」有人則欣賞男童母親EQ高，又指菲傭盡責以身護少主抵讚。不過，亦有人覺得該名母親是怪獸家長，兩邊都有做錯，「唔睇住個仔，成日講小朋友要人就、要人有愛心，咁事實個靚仔係整到人你自己都認啦！我認為要道歉應該係個小朋友唔係嗰個家長代表道歉。」

全都唔抵幫

[shooter]

打人就一定係犯法，common assault。打 minor 就罪加一等，死硬。
就算打唔到，都可以告佢 "蓄意打人"。



有冇人知道/聽到 "乜野 dropped into the water ??"

[真!DC]

咩係李大當家？
女大當嫁就聽過
由手機版發出

[クラウド]

港女真係好恐怖

[shooter]

可能要問問 反黑組/商業罪案/G4，邊個係 李大當家。

有冇可能佢老豆又係叫李剛......

[野良猫]

咁嘅天氣仲著皮褸，你話係咪有病吖

作者: クラウド

港女真係好恐怖

為捉PM衝入球場
唔理生死上山睇冰

佢哋真係好鐘意見報

[傑斯特]

天氣炎熱
仲著皮褸
好大機會係痴線

[Dyhalt Rushifar]

其實佢可能只係想試下，點知就熱到痴咗

[大情大性武大帝]

李大當家？可能係廿八座大王個阿媽…

[クラウド]

作者: 傑斯特

天氣炎熱
仲著皮褸
好大機會係痴線

呢啲造型黎擺明
你唔明架啦(我都唔明)

[knight-philip]

>有途人見狀上前將皮褸女拉開

有冇搞錯
見有打鬥應該要學地鐵職員咁捉住個被打者唔比佢走同還手嘛

[Tano]

作者: knight-philip

>有途人見狀上前將皮褸女拉開

有冇搞錯
見有打鬥應該要學地鐵職員咁捉住個被打者唔比佢走同還手嘛

港島區嘛

隔個維港九龍半島肯定唔同結局