問一隻80年代街機game的名

[十一月]

主角係個武士，你要向畫面的右邊前進。前進的方式不是用跑的，而是慢慢行。
場景有上下兩層，主角隨時可自由走上層或下層。
沿途當然會遇到敵人，但同一時間出現的敵人不會很多（亦有可能是因為我通常好快game over所以未見過同時出現大量敵人），不論自己及所有敵人，包括boss都係一刀即死。
敵人不會從後方出現（唔肯定，但我沒見過）。
而有些拿著唔記得係薙刀定係長槍的敵人，可直接從上層攻擊下層，或從下層攻擊上層。

隻game是用兩支搖桿操縱的
左邊搖桿主要係控制移動，右邊搖桿主要係控制出劍
左邊搖桿4個方向，配搭右邊搖桿4個方向，會有不同的劍招
左桿回中，右桿推左，是中段斬腰，會把敵人一開二。
左桿推左，右桿推上，是上段擋格。(右桿推其他方向是擋格其他部位)
左桿推上，右桿推右，是向前方跳斬。

敵方都會擋格(唔記得是否只有boss才會)
先出手攻擊，如果被擋格了，攻方會有頗長的硬直時間。
面對出手快的boss時如果被擋格了，基本上係死硬。

印象中沒有任何提升主角能力的道具可拾取
整隻GAME都是在考玩家的「格劍」技巧。
另外，頭兩關BOSS的身形及招式都是同主角一樣的（之後的沒機會見到），但出手比主角快。
而BOSS的臉上都戴著一塊像是面紗的半透明的東西，但只覆蓋著眼部。

暫時我只記得以上咁多，有請高人告知隻game叫咩名。
可能係因為太難玩，所以印象中隻game似乎唔係太受歡迎的。

其實有冇一些途徑，係真的有齊所有街機的資料（最緊要有圖），咁我可以自己慢慢搵。

[雙日]

作者: 十一月

主角係個武士，你要向畫面的右邊前進，場景有上下兩層，主角隨時可自由走上層或下層。
沿途當然會遇到敵人，但同一時間出現的敵人不會很多（亦有可能是因為我通常好快game over所以未見過同時出現大量敵人），不論自己及所有敵人，包括boss都係一刀即死。
敵人不會從後方出現（唔肯定，但我沒見過）。
而有些拿著唔記得係薙刀定係長槍的敵人，可直接從上層攻擊下層，或從下層攻擊上層。

隻game是用兩支搖桿操縱的
左邊搖桿主要係控制移動，右邊搖桿主要係控制出劍
左邊搖桿4個方向，配搭右邊搖桿4個方向，會有不同的劍招
左桿回中，右桿推左，是中段斬腰，會把敵人一開二。
左桿推左，右桿推上，是上段擋格。
左桿推上，右桿推右，是向前方跳斬。

暫時我只記得以上咁多，有請高人告知隻game叫咩名。

最似呢款，不過你話雙控捍，又應該唔係

https://www.youtube.com/watch?v=U1cPwMwJjUo

係咪單人玩?

有無印象個主角造型係點?

[十一月]

唔係以上呢款

係單人玩的
那隻game的節奏沒有呢款咁輕快。
又諗起一D嘢，頭post稍後會修改一下

[十一月]

作者: 雙日

有無印象個主角造型係點?

關於主角造型，印象依稀，可能會有錯。
只記得刀是一直拿著的，而持刀姿勢是有點似劍道的「中段の構え」。
身形肯定不是正常人比例，好像是5頭身咁上下。
衣著方面，唔係像浪客那種有狂野味道的衣服，而係有點貴族感覺的，但不是華麗那種，而是端莊的感覺。