閃軌系列其實如果可以縮到三集我覺得
戰鬥系統其實已經進化到打卒仔可以快速收工節省時間
但係新舊7組其他角色其實對於主線劇情嘅貢獻真係相當有限
F社就係因為擺咗太多心力落去搞到成隻閃軌要4集先收到工

講返故事方面
閃軌系列將空軌到碧軌嘅伏筆都大致回收完畢，故事中大量穿插空零碧大量支線服務老玩家
對於從04年開始接觸空軌嘅老玩家實在係感慨萬千
今集嘅真ENDING應記一功

當然如果只計閃軌嚟講，我會覺得共鳴會比空零碧少
因為要描述嘅嘢實在太多，淨係帝國史都令人覺得難以融入
同埋劇情演出其實好多嘢都係夾硬嚟，某程度係糟蹋咗精心設計嘅世界設定
明明空零碧都冇呢個問題，編劇嘅功力真係有待改進

不過我都覺得軌跡系列都差不多要開始收尾
今集投放咗一堆共和國嘅背景，泰斗流／銀／黑月果堆關係仍然係未有解釋。所以我估下隻十成都係共和國篇。

最後就係盟主／外之理／計劃關連
開始有人懷疑盟主究竟係唔係那由多軌跡嘅某個角色
我就覺得那由多軌跡嘅設定其實又同閃軌有啲位喺可以解釋到嘅，不過始終有待考察
總之下一作嘅時間線應該唔會同閃軌相差太耐，畢竟盟主都講到明三年後成個世界就歸於虛無。

唔知點解整兩個結局，但第1個結局其實打完都唔係俾你開2周，都係要LOAD過打多次真大佬，咁點解唔索性直接打真大佬就算﹖反正之後故事都係會用真結局黎駁落去架啦﹖

復活C君應該係有D野，可能下集又會出黎客串下，不過冇得用魔裝騎神了

下集未必淨係講共和國喎﹖可能打埋出出面喎﹖外之理即係出面世界啦﹖應該而家個世界係俾D野困住出唔到去姐﹖下集可能係打爛佢出去﹖

太子入結社呢個就真係估佢唔到，3年後世界玩完，即係3集後﹖下集又黎3部曲﹖軌跡應該唔會咁快完，完左佢食咩 XD 可能係結社玩完﹖