曼聯躉紅魔鬼地帶[VOL.94]~Closed~

[Busconcamp]

舒米高促曼聯清走瘀血

丹尼爾占士一度替曼聯追平，但補時階段再次失守，令有拉舒福特射失12碼的曼聯以1：2不敵水晶宮，是他們歷來在英超首次敗予對方。

舒米高在個人社交網站上表示：「仍然有希望，國際轉會市場在9月2日前仍可售球員。」雖然英超轉會窗已經完結，現在英超球隊已不能再增添新引援，但仍然可以出售球員。

外界廣泛相信，曼聯的確會賣走部分球員。阿歷斯山齊士在曼聯未能踢身價，蘇斯克查承認現時正與潛在買家談判；普巴未必百份百留隊，皇家馬德里仍然對這個世界盃冠軍人馬保持興趣；馬高斯盧祖及其他未能打入常規主力的人亦有機會被清走。（Goal.com）

[Busconcamp]

國米租借山齊士，既是無風亦無險，也是一家便宜兩家著？

近日，有報導指國際米蘭有意於本季向曼聯借入山齊士，交易有望於日內完成。Football Italian 的首席特派記者Richard Hall便撰文分析此項交易對球會及球員本身之利弊。

「山齊士登陸國米是一場賭局，但亦可能令雙方不費吹灰之力而達致雙贏的局面。」烏甸尼斯傳奇兼山齊士的前隊友迪拿達利(Antonio Di Natale)如此評價是次交易。

迪拿達利的見解可謂一針見血。對國米主帥干地而言，本次交易毫無風險可言，同時，他或可見證山神可重拾狀態於意甲場上發光發熱。

山齊士於效力烏甸尼斯期間已展示出其無縫融入3-5-2的陣式，配搭另一前鋒可令他可作出助攻甚至收獲更多入球。得益他的靈活走動，羅達路馬天尼斯(Lautaro Martinez)將有更多的空間協助回防，同時，他的舊隊友盧卡古亦已在陣中，二人的默契無論在場內以至場外也表露無遺。

或有人對山齊士的體能狀態有所質疑，因此，租借後會否亦是待在後備席亦為眾人議論紛紛。鑒於羅達路馬天尼斯及盧卡古較已年屆30歲的他更年輕，二人成為必然正選乃合理非常。不過，山齊士只需鍛鍊好體能，把自己融入球會，在國米定必會有展示自己能力的機遇。於今夏舉行美洲盃，他代表智利國家隊上陣， 其不遺餘力的表現一吐於球隊的烏氣。

他在國米初期或需於球隊受挫時擔任一些不熟識的位置，但他確實擁有足夠的能力肩負撐起球隊的重任，相信雲加比任何人也更要熟知他能對球隊作出的貢獻。

免費租借，加上只須支付其部分高昂的薪金，同時他獲得上陣的時間以及入球數字，定必不會較其效力曼聯時侯差。他效力紅魔18個月，上陣45次收獲5個入球。縱使，國米租借山齊士未至於百利而無一害，但對球隊肯定不會有任何重大損失。

登陸意甲可視之為山齊士重獲新生的機會，給他使出自己的真本領為自己正名。他並没有被要求如在阿仙奴般要一人撐起整支球隊，亦没有如在曼聯般背負高價來投的壓力，他加入國米陣容當中，猶如錦上添花，球會只望他做好其本份，没有更多。

他於曼聯的旅程未能如意，但並不代表他的能力有所下滑，此次租借正好給予他證明自己仍處於黃金時期。不論是次交易能否令山齊士浴火重生，國米肯定是最後的贏家。

[Busconcamp]

曼聯救星到！蘇B搵新史高斯幫拖



曼聯上場英超竟然近30年以來，首次於聯賽主場輸畀水晶宮，普巴又冇料到，搞到中場毫無組織力可言，睇來今夏買唔到波基斯費南迪斯，實在太失策。

不過，紅魔躉又唔使太擔心，因為球隊仲有1位中場秘密武器，就係18歲新星占士格納，呢位英格蘭小將喺今季U23英超賽事，表現極出色，踢3場已經入3球及3次助攻，上場對紐卡素U23，又以遠射入波，被譽為「新史高斯」，領隊蘇斯克查準備提拔佢做一隊常規球員救亡。

占士格納今年2月對水晶宮，已首次於英超上陣，亦有份參加曼聯今夏集訓，並喺熱身賽對珀斯光輝，後備上陣2分鐘就入波，早前U23英超賽事對西布朗，佢以一招衝力射球破門，技驚四座。

曼聯現時中前場球員配合欠佳，進攻組織力疲弱，占士格納嘅遠射腳頭，隨時係球隊最大殺傷力武器。蘇斯克查早前已經透露，計劃畀小將們更多上陣機會，依家可能要提早實行。

[Busconcamp]

後防搞乜！曼聯輸波2戰犯　



曼聯於新季英超頭威頭勢，首仗大數車路士，但之後就表現麻麻，和完狼隊後，第3輪主場對住水晶宮竟輸1:2，全球魔迷大失所望。今場紅魔輸嘅2球，都同曼聯後衞犯錯有關，先係域陀連迪路夫被對手於空中完爆，直接導致先失1球；於補時階段雲安荷特勁射，門將迪基亞竟被射爆近柱死位。

上仗未能擊敗狼隊，魔迷已經非常不滿，今戰後防雖有哈利馬古尼領軍，不過就到連迪路夫甩轆。呢名上季曼聯最佳後衞，上半場面對一個高空波，畀晒時間佢準備都頂唔贏舒洛比，後者一撐就畀佐敦阿休單刀射入。

曼聯去到完場前由丹尼爾占士扳平，以為有機會於尾段反敗為勝，點知因為空群壓上導致後防空虛，最終雲安荷特入到禁區窄位抽近柱，雖然係急勁，但以迪基亞卡士，被射死位應有力救出，但最後係救咗入網。曼聯意外輸波，堅要怪2個後防大將。

[Busconcamp]

只差一個條件！A山今日加盟國際米蘭



根據英國《每日郵報》爆料，曼聯前鋒阿歷斯山齊士有望於當地時間周一(26日)較後時間，落實以外借身份，轉投國際米蘭。

據悉，兩間球會只差一個問題，就可以達成協議，就係曼聯要求國米明年夏天必須以2000萬鎊買斷呢位即將31歲嘅智利國腳，只要國米答應，就可以拍板成交。

曼聯為咗踢走A山，甚至願意喺外借期間，繼續負擔佢部份人工，但同時要求國米必須於明年夏天最少用2000萬鎊正式收購佢，令紅魔鬼可以收回資金，抵銷呢段時間嘅人工支出。

國際米蘭教練干地認為搵A山夥拍盧卡古，可以擦出火花，但有傳國米就算明夏真係買斷A山，最多亦只會畀佢15萬周薪，同佢現時喺曼聯嘅50萬鎊周薪，相距甚離，恐怕當A山借用期屆滿，就算國米願意買斷佢，佢亦未必肯留隊。

[Busconcamp]

A山外借國米 到米蘭做體測



30歲的「A山」由巴塞隆拿轉投阿仙奴踢出好表現，於166場攻入80球，協助球隊2次贏得足總盃冠軍。

但他於2018月1月轉會紅魔後，表現大為失色，上陣45次只攻入5球，成為紅魔球迷的批評對象。

而「A山」轉戰國米後，將可與同樣失意於曼聯的前鋒拍檔盧卡古故劍重逢。(Goal.com)

山神投國米 離隊前同魔兵合照留念

【Now Sports-體育】曼聯正式宣佈將阿歷斯山齊士外借到意甲國際米蘭至季尾，山神離開前特地與一班隊友道別，並將合照上載到社交媒體。

阿歷斯山齊士（Alexis Sanchez）將會離開曼聯早已是公開的秘密，紅魔會方至周四終於官方作正式公佈，將這名30歲智利前鋒借到國際米蘭，直至2020年6月。 關於「山神」暫時轉會，紅魔官網新聞稿只用短短3句交待，與國際米蘭逾500字的長文形成強烈對比。雖然如此，山神看來對球會亦非毫無留戀——在兩間球會官方公佈消息之前，山神已經在個人Instagram上載穿著便服的自己與一眾隊友的大合照，並為球隊送上祝福。

山神2017年1月由阿仙奴加盟紅魔，惟表現未如理想，至今所有賽事合計只曾上陣45場，取得5個入球。他加盟國米後，將與前隊友盧卡古再度合作。

[Busconcamp]

「普巴就算去皇馬 都會同施丹衝突」

普巴於12歲時曾加盟勒哈弗爾，當時沙利已經知道他非池中物，他的超強個性令他成為陣中領袖。而這個性格一直也沒有變：「如果普巴遇着一個個性強的領隊，他們就會起衝突，由費格遜開始就是如此。所以他早前表示希望離開曼聯，他最後肯定會離開。但如果他明日過檔皇馬，他也會和施丹發生衝突。」

「普巴時刻渴望挑戰，現在他於曼聯實在是過於舒服，故他希望離隊完全不足為奇。所以他最後都會轉投另一支大球會，去展開職業生涯新一頁。」(goal.com)

[Busconcamp]

英聯盃 曼聯鬥洛治杜爾

【Now Sports-體育】衛冕英聯盃的曼城，將於第3圈鬥普雷斯頓，而曼聯及利物浦分別對洛治杜爾與米爾頓凱恩斯。

英聯盃完成周三的次圈比賽後，隨即為第3圈進行抽籤，衛冕的曼城將要作客英冠前列份子普雷斯頓，至於曼聯與利物浦分別鎖定英甲對手，前者主場對洛治杜爾，而利物浦作客米爾頓凱恩斯。 熱刺與車路士鬥更低組別的球隊，前者所作客的高車士打，以及車路士主場所面對的馬爾斯菲或甘士比都同屬乙組隊。第3圈的英超內訌為白禮頓主場對阿士東維拉。

比賽將於下月23日的一個星期內上演，詳細日程待定。

以下為第3圈焦點戲碼：

阿仙奴 VS 諾定咸森林（冠） 車路士 VS 馬爾斯菲/甘士比（乙） 曼聯 VS 洛治杜爾（甲） 米爾頓凱恩斯（甲） VS 利物浦 普雷斯頓（冠） VS 曼城 高車士打（乙） VS 熱刺 白禮頓 VS 阿士東維拉 （）為除英超外的所屬組別

[Busconcamp]

曼聯訓練場路牌被噴Pogba Out

【Now Sports-體育】有曼聯球迷在卡寧頓訓練場外塗鴉一個標誌牌，並噴上Pogba Out字句，表達對普巴的不滿。

普巴（Paul Pogba）希望在今夏離開曼聯投奔皇家馬德里已並不是甚麼秘密，而球迷們似乎已經受夠了，有球迷為表不滿，將Pogba out大字噴在一個標誌牌上；該標誌牌是用作告訴球迷不要聚集在路上嘗試獲得球員簽名。這個標誌最近才豎立起來，旨在阻止愈來愈多的粉絲來到訓練場探望他們的偶像。

雖然表明想離隊，但普巴在季前熱身賽表現落力，而且今季每場賽事都有上場；雖然他對狼隊射失關鍵12碼，不過開季表現仍不錯。曼聯似乎非常渴望留住這名法國球星，隨著歐洲轉會截止日期迫在眉睫，看來他們會實現這個願望。另一邊廂皇家馬德里可能仍在為普巴轉會作籌備，普巴兄長馬菲斯普巴最近接受訪問時，曾指皇馬仍有機會在轉會窗結束前再向曼聯出價。

[Busconcamp]

馬迪爾 勞基梳爾受傷無緣鬥修咸頓

馬迪爾和勞基梳爾上仗對水晶宮同樣正選上陣，但不幸地均受傷而回，加上達洛治及艾歷拜利等原有傷兵，以及將外借離隊的阿歷斯山齊士，令紅魔人腳更加緊拙。

馬迪爾受傷後預計拉舒福特將擔任正箭頭，而拉傷大腿的勞基梳爾的正選位置，將由艾舒利楊格頂上。(Goal.com)

【Now Sports-體育】曼聯證實後衛梳爾和前鋒馬利亞，對修咸頓一戰將會缺陣。

梳爾（Luke Shaw）和馬斯亞（Anthony Martial）均在上周1:2不敵水晶宮的賽事中受傷，前者拉傷腿筋，後者則弄傷大腿，曼聯方面已證實兩者不會在周六作客對修咸頓的比賽中上陣。 盧卡古離隊後，23歲的馬斯亞得到領隊蘇斯克查的重用，3場聯賽均正選上陣，而馬斯亞亦交出表現，頭兩場對車路士和狼隊的比賽均有波入。

馬斯亞的缺陣，英媒估計華舒福將會出任正箭頭，而馬達或美臣格連活有機會本季首度正選披甲。 至於梳爾的位置，估計將會由艾殊利楊格取代，事關隊內另一位閘衛達洛治同樣有傷在身而缺陣。另外修咸頓方面亦肯定中場列文將因傷而未能上陣。

[Busconcamp]

羅馬借路夫蘭不成改借史摩寧？

【Now Sports-體育】由於未能成功向利物浦借用路夫蘭，意甲羅馬轉移目標至曼聯後衛史摩寧，英媒指轉會事宜將於日內拍板。

羅馬今夏將後衛文奴拿斯賣到拿玻里後，一直在尋找補替人選，有指利物浦的路夫蘭是羅馬新帥保羅方辛加心儀的球員之一，羅馬一方早前已正式向紅軍提出借用該名克羅地亞後衛，可惜已被紅軍斷言拒絕。 路夫蘭不能借用後，英媒指羅馬一方已轉而目標，向曼聯提出借用史摩寧（Chris Smalling），報道更指出儘管歐洲轉會窗尚餘4天就要關閉，但羅馬和曼聯在史摩寧的問題上已非常接近達成協議，估計史摩寧上「馬」一事將會在數天內完成。

史摩寧上季才跟曼聯續簽一紙長約，但紅魔今夏從李斯特城簽入了麥佳亞後，紅魔今季踢過的3場聯賽中，史摩寧連列席後備的機會亦欠奉，看來已再不是領隊蘇斯克查重用的一員。

[Busconcamp]

雲比沙卡勢入選英軍

【Now Sports-體育】英國傳媒預測，曼聯新星雲比沙卡將入圍本輪歐國盃外圍賽的大軍名單，有望首次代表英軍上陣。
曼聯右後衛新星雲比沙卡（
Aaron Wan-Bissaka）即將首次代表英格蘭代表隊上陣，英國傳媒披露代表隊領隊修夫基即將公佈本輪歐國盃外圍賽的大軍名單，而這名21歲的新人將首次入選。 雲比沙卡今夏以4500萬英鎊從水晶宮加盟曼聯，開季3場全部踢正選，而且表現十分出色和穩定，若入圍可謂實至名歸。

不過，雲比沙卡未來的競爭將十分激烈，目前英格蘭還擁有卡爾獲加、阿歷山大阿奴、查比亞能擔任右後衛的位置。 英軍在下周歐國盃外圍賽將對保加利亞，緊接周二則對科索沃。預料熱刺的哈利榮斯和車路士的新人曼治也將獲得徵召。

[Busconcamp]

加利佬：曼聯後季才能爭英超

曼聯名宿加利尼維利表示，曼聯正在重建階段，故將不時出現敗予水晶宮這樣的賽果；而球會將於4、5個轉會窗後，在2021/22球季才正式有機會挑戰英超冠軍。

曼聯於新季首仗以4:0大勝車路士，但之後打和狼隊，更於主場不敵水晶宮。加利尼維利表示：「輸給水晶宮表面上難以解釋。但當你是一隊正在重建的球隊，就自然有這樣的賽果。曼聯最需要的就是要保持耐性，以及貫徹目前重建的方針。」

「曼聯要做的是，務必要確保之後的4、5個轉會窗可以買入適合的球員，之後才有足夠強大的陣容去挑戰曼城及利物浦。這或許是講得太遠，但曼聯起碼要到2季之後，先有能力爭聯賽錦標。」(goal.com)

[Squall-Lucifer]

曼聯歐霸要飛9個鐘(直航來算)作客哈薩克

[digiharuka]

DG1
M5
L2
Y18
W29
M8
M39
P6
R10
P15
J21

Substitutes
R22
R16
M31
L14
T38
C44
G26

沒了兩件眼怨正選

[Busconcamp]

11分鐘
J21推横ban入
1：0

上一場波已經可以見到,
唔好將J21放右邊...會廢左武功

[digiharuka]

J21又射死角啦!

10' 1:0

[Busconcamp]

歐霸盃分組出爐　曼聯抽好籤僅遇AZ

歐霸盃分組賽抽籤今晚出爐，其中奪標熱門之一嘅英超勁旅曼聯抽得好籤，喺L組最強對手只係荷甲嘅阿爾克馬爾(AZ)，其餘包括艾斯坦拿同柏迪遜都應該阻唔到佢哋出線。

至於同樣來自英超嘅阿仙奴，抽落F組唔易砌，呢支上屆亞軍要闖過法蘭克福同標準列治兩關。早前喺外圍賽表現神勇嘅狼隊，則被抽去K組，同比錫達斯、布拉加及施洛雲爭出線，應該仲有價講！

48支球隊分成12組，其中2017年冠軍曼聯遇上阻力唔大，不過要出訪哈薩克嘅艾斯坦拿，長征之旅肯定勁辛苦。阿仙奴方面，要硬撼上屆4強份子法蘭克福，仲有比利時實力份子標準列治，同組嘅葡超甘馬雷斯會係最易食一隊。此外，意甲勁旅拉素處身E組，同組有些路迪、雷恩同克盧日，都唔易打。

喺抽籤之前，歐洲足協向上屆帶領車路士封王嘅夏薩特，頒發歐霸年度最佳球員大獎。

[Busconcamp]

曼聯割席停不了　9年忠臣外借羅馬

曼聯喺轉會市場完結前瘋狂大清貨，繼阿歷斯山齊士外借國際米蘭後，意大利各大媒體報道，曼聯已經答應將英格蘭中堅基斯史摩寧外借羅馬1季，借用費為300萬歐元，不過呢次交易就引嚟曼聯球迷批評，認為「紅魔鬼」放錯人！

羅馬今個夏天一直想搵中堅，之前傳過洛夫雲同梅斯達菲，最終就得到曼聯答應外借基斯史摩寧。曼聯簽入哈利馬古尼後，佢同域陀連迪路夫已經坐穩正選位置，基斯史摩寧自知冇碇企，所以要求離隊，原本愛華頓都想收購，不過蘇斯克查唔想放畀英超對手，造就羅馬乘虛而入。

29歲嘅基斯史摩寧喺2010年由富咸加盟曼聯，至今已經踏入第10個球季，係「紅魔鬼」目前陣中年資最長球員。基斯史摩寧離隊後，菲爾鍾斯、馬高斯盧祖、新人杜安薛比同養緊傷嘅艾歷拜利會作為中堅替補。

雖然基斯史摩寧近年受到唔少批評，不過曼迷對於將佢外借有唔少微言，因為佢哋覺得菲爾鍾斯同馬高斯盧祖更加應該被「割席」，盧祖上季只係踢過6場比賽、菲爾鍾斯都係得24場，反而基斯史摩寧上季有34次上陣，作為中堅替補係更加可靠人選。

[Busconcamp]

清得就清　曼聯狂甩貨真係搞得掂？

曼聯大清貨最驚賣突咗！紅魔鬼先將盧卡古賣畀國米，之後再借埋智利國腳阿歷斯山齊士畀「藍黑兵團」，以為再冇曼聯球員離隊啦，點知就連英格蘭中堅基斯史摩寧都被外借羅馬一季。

好多曼迷都頂唔順呢個決定，事關替補中堅得番菲爾鍾斯同馬高斯盧祖，咁就死得喇！曼聯新正選中堅哈利馬古尼，以8000萬鎊「入魔」，身價係全球後衞最高，仲貴過利物浦嘅VVD，值唔值都未知，但上場輸畀水晶宮失嘅第1球就係關佢事。曼聯已經連續兩場都贏唔到，今晚對修咸頓要執生喇。

[Busconcamp]

輪住嚟！曼聯1折賤賣達美安

繼盧卡古、阿歷斯山齊士同基斯史摩寧後，曼聯喺轉會市場完結前繼續「送」人，據意大利《天空體育》報道，帕爾馬將以140萬鎊簽入意大利後防達美安，雙方簽約3年。曼聯4年前以1,300萬鎊簽入達美安，依家以差唔多1折賤價放走，都可算係失敗。

達美安曾經36次為意大利國家隊上陣，而且依家只不過29歲，不過效力曼聯4年只係踢過60場比賽，白白浪費足球生命嘅黃金歲月，今次加盟帕爾馬可望重獲新生。達美安離隊後，曼聯領隊蘇斯克查表示馬高斯盧祖將會留隊。

[Busconcamp]

簽番伊巴謙莫域？蘇斯克查答案嚇親你

曼聯今個月先後放走盧卡古同阿歷斯山齊士兩名貴價前鋒，搞到依家只剩番拉舒福特、安東尼馬迪爾同格連活特3個後生仔。前線鬧兵荒，現效力洛杉磯銀河嘅前曼聯巨星伊巴謙莫域日前突然放風話隨時準備可以回歸奧脫福。對於「呂布」呢個驚人意見，曼聯領隊蘇斯克查今日終於有回應：「係咪堅先？佢知道我電話，我隨時願意同伊巴謙莫域傾吓！」

「呂布」之前喺曼聯效力18個月，其中首季已經為「紅魔鬼」射入28球，可惜之後佢膝部十字韌帶重創，即使傷愈都搶唔番正選位，之後先被逼遠走美職。

對於重簽伊巴謙，「蘇B」雖然有意思，但就認為成事機會唔大：「如果佢下次生日後係28歲，而唔係38歲，我覺得可能得喎！呢個係大分別！伊巴謙莫域喺度有過偉大時光，依家佢都仲好踢過我，只係當日佢唔好彩喺度受傷，所以我唔認為會成事。」「呂布」今年11月就會約滿銀河，相信唔少「魔迷」都仲想佢回歸呀！

[digiharuka]

搵極唔到第2粒就俾對面頂入, L2 今場問題好大

1:1

[Busconcamp]

作者: digiharuka

搵極唔到第2粒就俾對面頂入, L2 今場問題好大

1:1

上半場開波20分鐘之後越踢越頽...

68分鐘
L14,M31入替M8,P15

[digiharuka]

可以整隊青年軍出場踢麼?
=====

但今場比起上場流暢了少少, 至少shoooot on target 不是0