曼聯躉紅魔鬼地帶[VOL.94]~Closed~

[Busconcamp]

麥格夫：曼聯買馬古尼 不如買高列巴尼

曼聯以超高價購入馬古尼，後者壓倒利物浦中堅華基爾雲迪積克，成全球最高身價後衞。麥格夫認為高列巴尼更值這個價錢，但亦表示理解球會做法：「這是否代表了你比VVD更佳？我好希望他可以證明到這一點。但我認為曼聯於2年前，不會用1400萬鎊收購馬古尼。如果讓我選擇，必會收購高列巴尼而非馬古尼。」

「但因為馬古尼較高列巴尼年輕，未來還有7至8年為曼聯效力，另外他是英籍，為配合歐洲足協條例，曼聯買馬古尼亦有好處。以馬古尼的身價，我好希望他可於3年之內，為曼聯取得英超冠軍。」(goal.com)

[Busconcamp]

哥利摩亞笑曼聯做水魚：買馬古尼貴咗1倍

哈利馬古尼2年前加盟李斯特城，於上年俄羅斯世界盃為英格蘭出任正選中堅，表現相當不俗，之後一季亦為「狐狸」有不錯演出。到今夏他成為轉會市場搶手貨，曼聯終於力壓曼城搶得這名26歲中堅，並造就他壓倒VVD，成為全球最高身價後衞。

哥利摩亞表示：「馬古尼是個好球員，但曼聯卻多支付了一倍轉會費。馬古尼絕非是VVD的檔次，作為英格蘭人，他的實力和領導能力可謂不錯，但如果你要問鼎錦標和爭奪歐聯，你需要VVD這個級數的人才。我相信VVD的身價，已去到2億鎊。」(goal.com)

[Busconcamp]

拉舒福特爆紅魔12碼打亂章



【Now Sports-體育】前鋒華舒福透露，曼聯今季沒有選定主射12碼的人選，希望令對方門將防不勝防。

曼聯在周日英超首輪主場大炒車路士4:0，當拉舒福特（Marcus Rashford）在上半場被中堅蘇馬踢跌，球證直指12碼點後，並非由上季劊子手普巴主理，而是拉舒福特親自操刀，結果順利入網。

梅開二度的拉舒福特賽後談到紅魔的12碼策略：「我不會說自己是頭號劊子手。我們有4、5名球員在這個情況是100%願意主射，這樣可以令對方門將更難預備，因為他們不會知道誰人會操刀。」

相信拉舒福特口中的4、5名劊子手，除了他之外，還有普巴、安東尼馬迪爾、馬達或艾殊利楊格，至於擅長罰球的中堅連迪洛夫亦有機會是其中一人。

[Busconcamp]

拒絕低價為曼聯買馬古尼 莫耶斯：佢屁股太大



回想帶領曼聯的日子，莫耶斯透露拒絕買入馬古尼的原因：「我一向都喜歡於低組別球隊提拔新人，我在愛華頓時都有這樣做。當時我有現場去看馬古尼表現。當時他為錫菲聯上陣鬥普雷斯頓，他的表現不俗，但他當時身形較胖，有個大屁股。」

「老實說他到現時還未完全修身。當時曼聯在中堅位置有好多選擇，所以我決定不作收購，因為他當時好年輕，我實在不知道他長大後，身形會有多巨大。」(goal.com)

莫天才：當年我曾睇中馬古尼



曼聯破後衞轉會費世界紀錄嘅8000萬鎊買入嘅哈利馬古尼，首仗表現大獲好評，成為談論焦點，前紅魔領隊「莫天才」莫耶斯都講番兩句，佢話當年喺曼聯時都有關注過哈利馬古尼，但就冇出手買入，因為當年曼聯已經有好中堅。

莫天才表示：「當年馬古尼已經吸引我嘅注意，親身去現場睇波考察，佢當時表現的確幾好，有個大屁股！將來必非池一物。」

至於點解唔出手買佢，莫天才解釋：「我一直保持留意佢嘅表現，但當時曼聯毋須買入後衞，我哋已經有里奧費迪南、尼曼查維迪等出色球員，馬古尼應該行自己嘅成長路，每個年輕球員都有佢需要嘅旅程。」

[Busconcamp]

料福仔今季擔正 沙夏：至少應入20球



「福仔」雖然年僅21歲，但早於2015年已經成為曼聯一隊的成員，至今已累積為球隊於英超上陣112次之多。考慮到「紅魔鬼」今夏放走了盧卡古後並未簽入前線巨星，料蘇斯克查將以福仔為前線重心。作為前輩的沙夏近日受訪，他認為對方至少應要在英超射入20球：「如果福仔不能於聯賽射入超過20球，那他絕對沒有任何藉口可以為自己開脫。他目前明顯是蘇斯克查在前線的重心，他亦將會是很多賽事的正選。他是非常出色的球員，亦有能力為為金靴得主，他控球在腳時令人難以預測其下一步。」

事實上福仔今季有個好開始，在聯賽首戰面對車路士即梅開二度，助球隊以4：0大炒對手。（Goal.com）

[Busconcamp]

馬古尼=VVD　摩連奴：曼聯遲簽咗1年！


曼聯於英超新季首仗，主場4:0大數車路士，新後防領袖哈利馬古尼表現一流，睇到佢已迅即成為紅魔鬼後防大佬。前曼聯領隊莫連奴盛讚馬古尼穩如磐石，指執行副會長艾活華特若肯早1年買佢，紅魔上季就唔會有個災難性開季。利物浦名宿桑拿士認為，馬古尼就係曼聯嘅華基爾雲迪積克，唔通曼聯真如哥迪奧拿所言，今季有力爭標？

曼聯新季第一場表現一流，錄得7次解圍、4次攔截、2次阻擋射門，全為全場最高，傳球成功率高達86%，帶領曼聯完勝車路士4球。馬古尼率領嘅後防令曼聯煥然一新，球隊於呢名英格蘭國腳中堅加持下，無論防守力、組織力大為提升，賽後被選為球賽最佳球員。

現時為電視台講波嘅摩連奴激讚馬古尼：「佢絕對值得被選為今仗最佳球員，佢喺後防穩如磐石。無論係戰術理解能力、個人性格、閱讀比賽能力都非常好，而且佢時刻保持警覺，並顯得信心十足。佢籍直係一流，佢令到其他隊友好有信心，有佢喺度唔使再怕輸死球。於馬古尼率領下，域陀連迪路夫都會踢得好咗。」

被問到於帶領曼聯期間，摩連奴想唔想同馬古尼合作，寸王就話：「佢去遲咗曼聯1年！」上個夏天摩連奴好希望球會放水，收購一個世界級中堅，但曼聯死得唔肯，寸王到12月就因成績唔好被炒，呢句說話明顯係寸艾活華特。

桑拿士亦大讚馬古尼：「VVD成功帶領利物浦升上另一層次，我認為馬古尼會對曼聯做番相同嘅嘢。曼聯呢個買人的確買得好，8000萬鎊亦物有所值。我都唔明曼城點解唔買佢。」

[Busconcamp]

普巴：我落場會盡力　但唔知踢幾耐



曼聯首場大勝而回，轉會唔成嘅保羅普巴交出兩個助攻，係贏波功臣之一，不過贏波並未能令佢安靜落嚟，普巴表示，為曼聯上陣仍會盡全力，但將來仍然唔確定。

普巴接受法國傳媒時表示：「我落場時一定會盡力，因為我鍾意踢波，呢個亦係我工作。但總會有唔同嘅謠言，我認為將來嘅事會證明一切，我嘅將來仍然唔確定。」

到咗呢個地步，普巴仍然覺得自己要接受新挑戰，之前傳過佢轉會皇馬或祖記，全部未能成事，但佢似乎仲未放棄離隊嘅意頭，真係好硬頸。

[Busconcamp]

【紅魔救星】哥帥怕咗馬古尼：曼聯可爭標



哈利馬古尼今夏以8000萬鎊轉會曼聯，取代VVD封全球最高身價後衞，英超處子戰更錄得一流數據，被選為全場最佳球員，馬古尼即刻被捧到天咁高，曼聯名宿加利尼維利仲寸曼城，話曼城有隊長高柏尼離隊，唔明點解「藍月亮」唔引入馬古尼做接班人。

早前哥迪奧拿就承認，曼城的確希望簽入馬古尼，但因為佢身價太高，曼城負擔唔起：「馬古尼係個頂級守衞，曼城的確係對佢有意思，但卻馬古尼卻太貴，曼聯有呢筆錢，所以恭喜曼聯。馬古尼實力一流，俄羅斯世界盃佢已踢得好好，佢強壯、快速、年輕，質素有目共睹。紅魔有佢壓陣，或者新季就唔係只得曼城同利物浦爭標。」

[Busconcamp]

曼聯郁手　貶A山落預備組再外借



智利前鋒阿歷斯山齊士(A山)今夏美洲國家盃表現醒神，可惜返到曼聯都係冇運行。A山因傷錯過聯賽首仗對車路士大捷，周二返回訓練場復操，但球隊已經唔再需要佢，英國《太陽報》報道，領隊蘇斯克查打算安排佢踢預備組，甚至於國際轉會窗關閉前將佢外借，消息指意甲羅馬願接收。

30歲嘅A山在美洲國家盃上陣6場入兩球，協助智利打入4強，卻因傷錯過英超首仗，曼聯在A山缺陣下大炒車路士4比0，全隊都有好表現，其中攻擊線上拉舒福特、安東尼馬迪爾、連格，以至後備上陣嘅丹尼爾占士同格連活特都大獲好評，相信今季將獲重用。

錯過首仗大勝嘅A山，在曼聯再難尋一席位，報道指由於A山薪酬太高，周薪高達50.5萬鎊(約480萬港元)，遠高於其他隊友，對球隊造成負面影響，蘇斯克查今季大搞年輕化，無意將A山納入計劃中，打算先將佢安排去預備組，等機會將佢送走。

消息指意甲羅馬有意借用，但唔希望支付太高薪酬，曼聯方面願意代羅馬出糧，在今夏國際轉會窗關閉前將A山外借到意甲，等機會脫手。

[Busconcamp]

曼聯搶贏利物浦簽蘇斯克查師弟



英超曼聯近年成績長期畀宿敵利物浦食住，身為「紅魔鬼」擁躉肯定谷到一肚氣。不過，今日喺英國就傳嚟一個可以開心番一陣嘅好消息，就係曼聯成功搶贏「紅軍」，簽得一個年僅14歲嘅挪威天才中場漢臣阿魯恩，佢會喺出年8月加盟，轉會費高達9萬鎊。

效力挪超特林素嘅漢臣阿魯恩，2017年去過利物浦同愛華頓試腳同參觀，直到今年一月開始同曼聯傾，5月甚至嚟過卡寧頓訓練中心參觀，據聞漢臣阿魯恩最終選擇投效曼聯，係因為見同鄉前輩蘇斯克查喺奧脫福領軍成績好，同時自己又係曼聯粉絲，加上最重要一點，佢同蘇斯克查仲要係用同一經理人蘇巴簡，所以依家落實投「紅魔」，絕對順理成章。

司職進攻中場嘅漢臣阿魯恩，被視為特林素天才新星，佢同時已經入選咗挪威U15國家隊，之前對馬其頓已經取得個人國際賽首個入波。至於點解佢要出年8月22日先可以正式加盟曼聯？原來係要跟隨國際足協對青年球員跨國轉會嘅限制，要等佢夠16歲先可以出國。

值得一提，曼聯今次除咗由特林素簽入漢臣阿魯恩之外，佢哋同時會借出19歲中場艾丹巴路畀特林素，直到今年12月，呢個亦係象徵兩會長期合作計劃正式啟動。

[Busconcamp]

為福仔定英超目標　蘇帥要佢入幾多粒？



經過1個失望嘅英超賽季，曼聯主帥蘇斯克查今季不成功變成仁，紅魔鬼食粥食飯，好大程度要睇拉舒福特有咩表現。據英媒報道，蘇帥剛同福仔一對一傾咗大約半個鐘，期間為佢訂立本季英超入球目標：20球。

拉舒福特自升上曼聯一隊後，的確曾經有好表現，但就始終無法保持穩定入球率。雖然摩連奴不時將佢擺去邊線、影響其入球率，但福仔由始至終都未去到頂級射手嘅層次，亦都係事實。

蘇斯克查踢前鋒出身，自接掌曼聯之後就決定用佢做球隊頭號射手，不時改變其踢法同射術。據《太陽報》報道，於開季前蘇帥同福仔單對單會面，結果非常正面。蘇帥希望福仔於新季，唔好好似以前咁不時去邊線攞波，要更多時候出現於對手兩個中堅之間、更加接近龍門附近爭取射門。佢更為福仔訂立射入20個聯賽入球嘅目標，如果做到，曼聯要入頭4唔難。但事實上，福仔自升上一隊之後，1季從來冇射入多過14球。

[Busconcamp]

【東體爭議】吃不到的葡萄？里奧怒插戴巴拿



曼聯喺今夏轉會窗，曾經同阿根廷前鋒保羅戴巴拿無限接近，祖雲達斯已經同意放人，可惜保羅戴巴拿最後因為薪酬問題拒絕加盟。雖然事件已經告一段落，不過曼聯名宿里奧費迪南仲係耿耿於懷，日前更公開炮轟保羅戴巴拿「冇資格踢曼聯」！

里奧費迪南表示：「呢幾年都有好多球員拒絕曼聯，佢哋選擇去其他球會，但我真係唔知戴巴拿邊度嚟嘅膽量去拒絕曼聯，佢只係祖雲達斯後備咋！可能戴巴拿覺得參加歐聯，就算做球會後備都好過嚟曼聯比賽，如果係咁我會好開心佢最後冇加盟，因為佢呢啲心態冇資格踢曼聯。」

如果保羅戴巴拿選擇加盟曼聯，毫無疑問會成為「紅魔鬼」王牌兼核心，相信佢嘅個人發展會提升一個層次，不過呢位阿根廷國腳仲係得25歲，留喺祖記仍然有機會發圍，事實上佢上季踢過30場意甲同9場歐聯，並唔係冇得踢嘅大後備。人各有志，里奧呢番言論反而有啲吃不到的葡萄嘅酸味。

[Busconcamp]

傳山齊士復操即與格連活特爆爭執　轉會窗前或被外借羅馬



效力曼聯的智利球星山齊士，傷癒後回歸曼聯重投訓練。不過，山齊士歸隊不久，便傳出與陣中新星格連活特訓練時發生爭執。根據英國《太陽報》的報道透露，曼聯希望在轉會窗關閉前將他外借，否則將他貶至預備組。

智利球星山齊士早前代表國家盃出戰美洲盃時，不慎觸傷大腿，使他錯過所有季前熱身賽的賽事。山齊士傷癒回歸曼聯大軍，為新球季爭取球隊中一席位作好準備。

山齊士歸隊不久便傳出與隊友不和的消息，根據英國傳媒《太陽報》的報道指，山齊士在練習中被小將格連活特（Mason Greenwood）踢跌，二人隨即發生爭執。年僅17歲的格連活特深受蘇斯克查的賞識，在英超首仗中亦有後備入替，可見蘇斯克查對他的重用程度。

《太陽報》亦透露曼聯的計劃，有指曼聯不願意承擔山齊士高達50萬英鎊的周薪，所以希望將山齊士外借至羅馬。不過，該意甲球隊拒絕支付他高昂的薪金，曼聯即使需要支付他部分薪金亦在所不計。若果山齊士未能在今個轉會窗離隊，他或被貶落預備組。

不過，曼聯主帥蘇斯克查的說法與《太陽報》大相逕庭，他在早前再度強調，山齊士是他心目中的大軍一員，等待他重拾狀態便可讓他上場，「山齊士已歸隊訓練，因為受傷的關係，使他的狀態落後其他球員近一個月。不過，我相信他會視盧卡古的離隊是機會之一，而我亦預計他留在陣中，並為球隊帶來一定的入球數字。」

[Busconcamp]

雲佩斯無後悔離開阿仙奴投曼聯

雲佩斯在2012年離開效力多年的阿仙奴，轉投英超勁敵曼聯，他之後與兵工廠球迷決裂，不過這個荷蘭前鋒表示沒有感到後悔。

雲佩斯效力阿仙奴長達8年，之後轉投曼聯當季即取得英超冠軍，而倒戈兵工廠也確實令他感覺複雜：「 你做了決定便會發生那樣的事。生活總是伴隨選擇，要像個男人一樣去面對。不要太上心，不要看得太重，這是我的人生，有些人會高興，有些人不會。首次倒戈阿仙奴是在曼聯主場，我3分鐘便取得入球，那實在來得太快，令我百感交集。」

「阿仙奴給了年青的我機會去踢英超，對他們來說那是場貴價的賭博，我也抓緊了機會。我效力了足足8年，曾有過不少偉大的時刻，我仍對此感到自豪。我曾可以去意大利或西班牙，不過我不太感興趣，選擇了在阿仙奴續約，我對此沒有後悔，正如選擇加盟曼聯一樣。」（Goal.com）

[Busconcamp]

山齊士準備轉會返意甲

山齊士在曼聯失去位置，現在有不少意甲球隊想斟介他返回意大利搵食。

山齊士不想再留在曼聯浪費時間，他已經準備好離隊，重返意甲聯賽。

AC米蘭、拿玻里及祖雲達斯都有興趣引入他，羅馬也傳過想借走這位智利球星，現時仍然在等待曼聯和各球會商討可能性。(Goal.com)

[Busconcamp]

數據話你知　普巴勁過葡國林伯

英超轉會窗上星期關閉之前，一直盛傳曼聯好可能簽入士砵亭中場波基斯費南迪斯，結果未能成事，令紅魔球迷大失望。

據悉，曼聯之所以放棄收購呢位「葡萄牙林柏特」，並非因為價錢問題，而係因為佢有一個「致命傷」，就係傳球成功率太低。

根據英國《每日郵報》爆料，曼聯球探詳細研究波基斯費南迪斯表現之後，認為佢唔符合領隊蘇斯克查嘅戰術要求，特別係佢上季傳球成功率只有75.1%。

反觀，上季表現備受批評嘅曼聯中場保羅普巴，傳球成功率有82.8%，曼城中場奇雲迪布尼嘅傳球成功率亦有82%。

蘇斯克查要求球員有卓越傳控能力，以波基斯費南迪斯嘅傳球成功率，由佢擔任中場指揮官，恐怕未發動攻勢，已經自己先傳失波。

[Busconcamp]

係愛呀！馬古尼推咗曼城肥約去曼聯

曼聯新兵中堅哈利馬古尼首場聯賽就用出色表現贏得各界讚賞，能夠有好演出，除咗話佢本身好波之外，其實極有可能係因為佢對「紅魔鬼」充滿「愛」呀！事關根據《每日郵報》所講，呢位前李斯特城球星係推咗一份曼城肥約，而選擇投效曼聯，家陣佢份人工，相比起曼城開嗰份約，係少咗接近9萬鎊周薪，你都咪話唔大犧牲呀！

根據報道，曼城係開出咗一份周薪高達27.8萬鎊嘅合約畀馬古尼，不過最終一來曼城嫌佢轉會費太貴，二來係馬古尼本身都選擇去曼聯，所以佢最終同「紅魔鬼」簽咗份19萬鎊周薪合約。另外，有傳馬古尼加盟曼聯只係兩周，但佢嘅領導能力同感染力，已經贏得隊友認同，當正佢大哥一樣，希望馬古尼嚟緊真係會愈踢愈好啦！

[Busconcamp]

普巴轉會暫緩　最快半年後去皇馬

法國傳媒《Le10Sport》報道，皇馬已放棄今夏向曼聯挖角保羅普巴，該法國中場將可專心為曼聯比賽，不過只係將轉會時間推遲，皇馬最快會於明年1月冬季轉會窗重開時，完成普巴轉會事宜。

報道指，由於英超轉會窗已關閉，加上普巴於英超開季首仗有好表現，因此曼聯決定絕不放人，但只係暫時性，因為皇馬準備於下個轉會窗出手，亦即明年1月繼續普巴嘅轉會談判。

事實上普巴本人亦無法確定自己去向，聯賽首仗大勝車路士後，普巴接受訪問時表示自己仍會盡力為曼聯比賽，但對於自己將來，其答案係「不確定」，可見佢無意長期為曼聯效力，始終希望去皇馬「接受新挑戰」。

現時曼聯陣中將會有幾個月安寧，但唔會維持好耐，可能只可以維持半年，到明年1月皇馬重啟轉會談判，到時普巴好可能會離隊，到時曼聯亦會加快斟介葡萄牙中場波基斯費南迪斯(波費)步伐，以呢位中場大師代替普巴。

[Busconcamp]

意甲隊搶住要　A山睇嚟走硬

早前報道智利前鋒阿歷斯山齊士在曼聯失去位置，領隊蘇斯克查將佢貶落預備隊，近日有關A山去向消息滿天飛，《每日郵報》報道，多支意甲球會都對A山表示興趣，計有羅馬、祖記、拿玻里及AC米蘭，突然變搶手貨。

報道指，A山多年前曾效力烏甸尼斯，意甲球隊對呢位30歲前鋒唔陌生，其中A山經理人曾與祖記接觸，羅馬表態願意接收，但要曼聯負擔部份薪酬，另外拿玻里及AC米蘭均對A山有興趣。

A山本人亦唔希望在曼聯預備隊浪費時間，佢會加盟一支幫到佢提升狀態嘅球隊，目標係明年美洲國家盃協助智利再奪冠。

[Busconcamp]

曼聯防線重建最後一擊　雙倍人工氹猛將



曼聯今個夏天全面重建防線，動用1億3,000萬英鎊簽入中堅哈利馬古尼同右閘雲比沙卡，35萬鎊周薪續約門神迪基亞亦都好事近，據英國《每日郵報》報道，曼聯決定提早同瑞典中堅域陀連迪路夫續約，人工會有目前75,000鎊增加1倍至15萬鎊，新約總值接近5,000萬鎊。

域陀連迪路夫上季坐穩正選位置，領隊蘇斯克查視佢為哈利馬古尼最佳拍擋，由於佢同曼聯合約只剩2年，所以「紅魔鬼」決定提早續約將佢綁死，據報新合約長達6年(到2025年)，未計獎金下人工已經達4,680萬鎊，意味25歲嘅域陀連迪路夫足球生涯黃金期都會喺曼聯度過。

哈利馬古尼(26歲)、域陀連迪路夫(25歲)、勞基梳爾(24歲)同雲比沙卡(21歲)呢條曼聯正選防線，全部都正值當打之齡，曼聯成功留住呢班主力嘅話，未來6年嘅後防都可以安枕無憂啦！

[Busconcamp]

曼聯新援新花名　全部都係英雄！



曼聯首仗大勝，證明今季冇入錯貨，3位新加盟球員都有好表現，並迅速融入球隊，同隊友打成一片，小將連格為3位新隊友改晒花名，分別係野獸、閃電俠同蜘蛛俠，全部都係超級英雄！

3位新兵嘅花名係，哈利馬古尼叫做野獸，呢個名唔只連格咁叫佢，保羅普巴都係咁叫佢，認為佢好強壯，步大力雄。

丹尼爾占士就係閃電俠，因為佢速度高，後備上陣僅7分鐘就有士哥，追平現任領隊蘇斯克查96年首次為曼聯上陣7分鐘就入波嘅紀錄。

雲比沙卡就係蜘蛛俠，原因係佢手長腳長，速度同防守力都好驚人，所以咁叫佢。

[Busconcamp]

巴里斯達指普巴可以成為最佳中場



保羅普巴在曼聯新季首場比賽有好演出，巴里斯達說這位球星仍然可以進步，成為世上最佳中場。

26歲的普巴一直被傳出會離隊，但是直到現在仍然留隊，並且在上場聯賽4：0炒車路士時貢獻兩球助攻。

巴里斯達指普巴上場的組織力高超，傳送予拉舒福特及丹尼爾占士的助攻都很美妙：「這才是我們想見到的普巴，這種天份是世界上最佳，最少是最佳之一。蘇斯克查一直想留用普巴，因為他就是一位世界級球員。」(Goal.com)

[Busconcamp]

狼隊對曼聯 賽前分析，小心被狼咬傷！

這個星期，曼聯會作客對陣上季BIG6剋星狼隊。蘇帥上季走馬上任，先後在足總杯及英超聯賽對陣狼隊，皆以2：1慘遭狼隊擊敗。

來到新賽季，狼隊野心勃勃，誓要打入前六位置。先後簽下上季借將占美利斯，前鋒古度尼，及借入皇馬年輕後衛華利祖。在原有班底下，在注入新血，讓原本實力已經不俗的狼隊，提升不少。

周中，狼隊更以4：0大勝，順利晉級歐聯第三輪入圍賽。此場比賽，狼隊更收起大部分主力，為了留力對陣曼聯。

狼隊進攻時跑動積極，前鋒門前搶點能力強，中場更有尼維斯及莫天奴坐鎮，隨時可以傳出助攻，又可以自己起腳射球。防守時，後防補位默契好，保利、隊長高迪夠穩定，絕對令其他球隊難以占上風。

而曼聯方面，上周亦以4：0大勝車仔。曼聯今季引入了後衛雲拜沙卡及麥佳亞，令後防實力提升不少，上場對陣車仔，麥佳亞更完全力壓阿巴咸。曼聯後防少了上季手抖腳震的感覺，因此亦釋放了中前場球員的壓力。

雖然上場大勝車仔，狀態不俗，但是也不是沒有隱憂的。上半場車仔有更大機會先入一至兩球，可惜擊中門柱。曼聯實屬較幸運的一方。而造就這樣的情形，也因前場球員失球太多所致。一味求快的進攻，讓曼聯一度失去控球權。

比較好的一方面是，曼聯的兩位年輕前鋒，華舒福及馬斯亞共取得3個入球，也釋放了他們的壓力。中場方面，普巴再次向世人證明其世界級中場的表現。分別助攻華舒福及占士入球。只要他表現好，曼聯應該會有不錯的表現。麥湯表現不俗，正選應該沒問題。佩利亞上場有助攻，而占士後備入替有入球，令蘇帥增添了不少煩惱。 而中場方面還有馬達、馬迪及費特可供選擇。

如果蘇帥採取積極進攻，那占士或是一個更好的選擇，讓出右路給他和雲拜沙卡應該是一個有效的進攻套路。
但考慮到狼隊跑動積極，蘇帥可能排出三防中陣型，馬迪及費特可能獲得出場的機會。而連加特的對位替補就是馬達。

筆者認為蘇帥應該會採取積極進攻，畢竟上季曼聯先守後攻的策略明顯失敗。今季有了穩定的後防，相信蘇帥可以更放心的讓前場球員進攻。

這場作客狼隊，絕對不能忽視狼隊的實力，曼聯應該要加以提防，避免再被狼咬。

陣容分析：

門將：迪基亞
後防：雲拜沙卡、連迪路夫、麥佳亞、梳爾
中場：麥湯、普巴、連加特、占士
前鋒：華舒福、馬斯亞

[Busconcamp]

曼聯防線終極試煉！狼隊神鋒狂踩馬古尼

曼聯周一(19號)深夜英超作客狼隊，將會係「最貴中堅」哈利馬古尼嘅終極試煉！呢位英格蘭國腳喺開咧戰表現突出，一眾曼聯球迷大讚佢「貴得有道理」，不過狼隊前鋒迪亞高祖達賽前就挑機，話哈利馬古尼唔及佢3個中堅隊友咁可靠，即係嚟到狼隊都唔使旨意做正選啦！

葡萄牙前鋒迪亞高祖達上季成功上位，其中一場代表作就係主場對李斯特城連中三元，帶領狼隊贏4比3，呢場波哈利馬古尼踢得非常狼狽，下半場早段更加傷出埋，當時連曼聯球迷都向佢抽水：「李斯特城為馬古尼叫價7,500萬鎊？認真架？」

迪亞高祖達即將再戰哈利馬古尼，佢賽前被問到點睇呢位最貴中堅，祖達就話：「我知道馬古尼能力好高，不過我好熟悉我嘅隊友(韋利保利、高亞迪、賴恩賓納特)，我認為佢哋比哈利馬古尼更加可靠，依家個轉會市場已經離晒地，對手身價幾多唔關我事。」

[Busconcamp]

山神加盟無限接近！國米全面移植曼聯鋒線

意大利《天空體育》報道，國際米蘭已經同智利前鋒阿歷斯山齊士(A山)達成轉會協議，呢支意甲勁旅嘅代表同埋A山經理人，即時飛去曼徹斯特同曼聯商討轉會細節，國米提出借用1季後加入買斷條款，相信「紅魔鬼」放人機會極高。

A山喺曼聯擺明不受重用，日前雖然拒絕加盟羅馬，不過國際米蘭教練干地就成功遊說佢加盟，而且A山更加答應減薪嚟促成轉會。國米原本首選目標係羅馬前鋒迪斯高，但隨住迪斯高同羅馬續約，國米就轉移目標，如果借用A山有乜差錯，自由身嘅西班牙前鋒洛蘭迪就係國米「最後一着」。