曼聯躉紅魔鬼地帶[VOL.94]~Closed~

[Busconcamp]

曼聯傾掂數破紀錄8000萬鎊買馬古尼

紅魔早在12個月前已希望收購馬古尼，而整個夏天一直為此轉會努力的他們，終以最高後衛的轉會費與李城傾妥，打破雲迪積克以7,500萬鎊轉投利物浦的舊紀錄。

自小已是曼聯球迷的馬古尼已離開在周五友賽阿特蘭大的李城大軍，前往奧脫福報到，可望趕及在8月11日的英超開咧戰上陣對車路士。

出身自錫菲聯的馬古尼在2014年以300萬鎊加盟侯城，3年間表現出色再以1,700萬鎊轉投李城，短短幾年間身價翻了多倍。(Goal.com)

[Busconcamp]

作者: DevilElvis

前線戴巴拿+文迪都好，有個新景象

士巴拿未傾掂數,
終於成功80m入咗馬咕哩

馬咕喱同雲比絕對可以搞好穿窿既後防

[Busconcamp]

皇馬購超新星　普巴99.999%留曼聯！

早前有傳祖雲達斯放棄收購保羅普巴，呢名曼聯巨星如果希望離隊，只有皇馬可以出手拯救。但西班牙傳媒表示，連銀河艦隊都對普巴失去興趣，並已同阿積士傾掂數，中場超新星雲迪碧克將於日內上艦。

普巴成個夏天都等緊離開曼聯，佢已講到明希望離隊尋求新挑戰，其經理人拉奧拿亦提過，正為普巴轉會而努力。但曼聯極希望普巴可以留隊，故定出超高價1.5億甚至1.8億鎊，首先已嚇怕祖記，而皇馬領隊施丹雖然好鍾意普巴，但因為價錢太高，一直同曼聯傾唔埋欄。

據西班牙馬卡報報道，皇馬已同阿積士達成協議，將以5000萬至6000萬歐元購入雲迪碧克，呢名荷蘭國腳將簽約5至6年。阿積士上季勇奪荷蘭國內雙冠王，更打入歐聯4強，雲迪碧克就係當中主力。今年22歲嘅雲迪碧克，上季於各項賽事攻入17球並有13次助攻，堅有卡士。若雲迪碧克堅上艦，普巴就肯定過唔到皇馬，來季九成九留於曼聯。

[Busconcamp]

傳國米為盧卡古作最後一bid

【Now Sports-體育】意大利傳媒指，國際米蘭將於周一向曼聯提出羅致盧卡古的最後條件，若加碼仍未得要領就打退堂鼓。

據《晚郵報》指，國際米蘭高層已為遲遲未與曼聯就盧卡古（Romelu Lukaku）的轉會費達成共識，而感到不耐煩，打算在下周一作最後出價，而轉會費由據報6000萬歐元提升至7000萬歐元，即使未必達到曼聯心目中價位，之後亦不會再加碼，

盧卡古今夏成為國際米蘭的頭號增兵目標，但國米跟紅魔一直未能就轉會費達成共識，有指國米死敵祖雲達斯最近出手，希望以前鋒保羅戴巴拿或翼鋒杜格拉斯哥斯達交換該比利時國腳。

曼聯將於周六與AC米蘭進行友賽，盧卡古卻沒列入大軍名單。這位比利時鋒將在個人社交網絡Twitter公開隊友在訓練期間最高速度的數據，並證明自己是紅魔隊內第2快的成員。

[Busconcamp]

13分鐘
R10
曼聯 1:0 A米

25分鐘
馬迪嘆慢板被搶波
1:1

60分鐘
L2改變方向
1:2

63分鐘
雙方輪換

71分鐘
M11>L14窄位
2:2

FT...2:2
互射12碼
5:4(A米第5輪射失)

[Busconcamp]

福仔Solo靚波　唔夠曼聯隊友烏龍搶鏡



國冠盃曼聯鬥AC米蘭，領隊蘇斯克查幾乎已夫添應戰，球隊發揮唔曳，當中福仔上晒力，上半場個人表演，由左路扭到入禁區中路勁射搞掂，魔迷肯定滿意。不過球隊尼曼查馬迪同域陀連迪路夫犯錯倒落後1:2，不過連格扳平踢成2:2平手，最後射12碼砌低「紅黑兵團」。

2名有離心嘅主力保羅普巴及盧卡古，今仗連後備都冇，其中普巴上場於挪威鬥基斯迪辛德表現出色，但今仗號稱有背傷已缺陣，難免令人聯想到佢係咪因為離隊在即已被收起。面對AC米蘭，曼聯狀態、技術係高些少，福仔更搞到對手防線風聲鶴唳，一次反擊佢於左路近邊線攞到波，之後接連扭過2名敵圍、去到12碼附近起腳射遠柱中柱彈入打開紀錄。

之後尼曼查馬迪於己方防守中路發夢被搶走皮球，最後畀蘇素禁區外射靚波扳平。換邊後AC米蘭右路發難急勁波傳中，連迪路夫一跣直入網窩，曼聯落後1:2。不過曼稍後扳平，連格接應隊友直線、禁區內起左腳窄角度抽入，法定時間打成2:2平手，最終紅魔射贏12碼。

[Busconcamp]

曼聯新隊長揭盎　球迷對蘇B決定好失望

曼聯上季隊長路爾斯華倫西亞離隊後，新隊長人選眾說紛紜，有傳聞話扭計想走嘅法國中場保羅普巴都係候選人之一。周六(4號)友賽AC米蘭後，曼聯領隊蘇斯克查親口宣布新隊長，就係英格蘭老將艾舒利楊格！

對AC米蘭一仗，西班牙門將迪基亞擔任隊長，即使艾舒利楊格半場仕替都冇改變，對於呢個隊長人選，蘇斯克查解釋：「迪基亞當然係其中一個(隊長)人選，不過如果艾舒利楊格正選上陣，佢(楊格)就會戴隊長臂章。」再被追問係咪代表艾舒利楊格正式成為曼聯隊長，蘇斯克查表示：「你可以咁講！」

艾舒利楊格同迪基亞都係2011年加盟，屬於曼聯目前效力時間最耐球員之一(基斯史摩寧喺2010年加入)。

不過，曼聯球迷對於表現急速下滑嘅艾舒利楊格做隊長就非常憤怒，大批球迷網上炮轟，球迷除咗唔想見到佢落場之外，佢喺曼聯嘅日子亦進入最後倒數，反而迪基亞唔單止係必然正選，而且預期未來幾年都會留低，畀佢做隊長可以保持球會穩定性。

[Busconcamp]

【一槌定音】普巴去留？蘇斯克查4個字回應

曼聯中場保羅普巴去留問題，糾纏咗成個暑假之後，隨住英超轉會窗即將完結，終於去到決定性時刻，傳聞該法國中場罷踢曼聯最後1場熱身賽對AC米蘭，賽後蘇斯克查被問到保羅普巴嘅情況，「蘇B」就話：「保羅普巴並冇受傷，佢只係有啲唔舒服(背部)，呢個時刻我係唔會冒險，預期佢呢個星期初會復操。」

最關鍵嘅問題，保羅普巴會唔會留隊？蘇斯克查就直接回應：「無庸置疑」。

事實上，曼聯如果放保羅普巴離隊，必定要先物色替補人選，但係英超轉會窗仲有幾日就完，意味曼聯唔夠時間買人，所以保羅普巴幾乎可以話係鐵定留隊。

[Busconcamp]

艾拉望曼迷撐普巴：他不感被愛

對於普巴不時傳出離隊消息，艾拉指或與他感自己不獲球迷支持有關：「我不知道普巴的前途如何，我只知他在祖雲達斯時能感受到球迷對他的支持，而在曼聯則不然。我們不應忘記球員的本質，就是踢得差要批評，但相反當他踢得好時不應視若無睹。我跟普巴說他可以做任何他想做的事，但如果影響了他場上表現則要想清楚，不要鬥氣。」

外間盛傳普巴將會加盟皇家馬德里，而亦有消息指祖雲達斯希望將他回購。（Goal.com）

[Busconcamp]

蘇斯克查確認　馬古尼即將投曼聯

曼聯領隊蘇斯克查表示，李斯特城中堅哈利馬古尼即將「入魔」，現雙方只餘些少手續要辦，辦妥後該名英格蘭守將，就會正式成為曼聯球員。

曼聯為了解決長久積落的後防問題，今夏斥巨資8000萬鎊，收購李城中堅哈利馬古尼，交易一旦達成，哈利馬古尼將成全球最高身價後衞。蘇斯克查表示：「希望盡快完成交易細節，之後就可以向外宣布他正式加盟。」

不少魔迷都希望，哈利馬古尼加盟後，可於聯賽首仗對車路士正選上陣，蘇帥表示：「他於今夏踢了幾場賽事，我要細心考察他的狀態，之後才可作出判斷。」(goal.com)

[Busconcamp]

曼聯放棄收購保羅戴巴拿

近盛英國球壇熱話，非曼聯用盧卡古交換祖雲達斯保羅戴巴拿莫屬，全球曼聯粉絲都認定呢單係「超筍」交易，無不歡喜若狂，可惜一切美好憧憬原來只係夢一場，英國《BBC》等各大媒體報道，曼聯因為未能滿足保羅戴巴拿嘅薪酬要求，加上懷疑呢位阿根廷球星加盟嘅決心，所以決定放棄收購行動。

據報保羅戴巴拿要求周薪35萬鎊，另加1,200萬鎊簽字費同1,500萬鎊經理人佣金，而曼聯本身已經孭住多張巨額合約，難以再滿足佢開出嘅條件。另外，曼聯相信保羅戴巴拿根本唔想離開祖雲達斯，未有展示出希望加盟曼聯嘅誠意，唯有終止收購行動。

保羅戴巴拿加盟告吹，亦意味盧卡古嘅前途再現疑問，意大利傳媒指國際米蘭仍然希望簽入呢位比利時前鋒，將會再次提高開價向曼聯提出收購。

[Busconcamp]

奇蹟來季會降臨曼聯嗎？

曾幾何時，曼聯及阿仙奴是英超兩大巨頭，可惜時移勢易，早幾季開始，兩隊開始沒落，上季更落得第五與第六名。今季兩隊仍然沒有放棄，堅持改革，希望可以重奪冠軍，但不要怪我潑冷水，現階段的曼聯及阿仙奴要爬上第一名？等奇蹟吧。

一眾紅魔迷在來季寄予厚望的，不是哪一位大球星，而是領隊蘇斯克查會如何重新打造曼聯。這位前紅魔成員在上季暫代領隊初時，確曾展現出一剎那的光輝，打出曼聯久違了的俐落、漂亮足球，可惜在季尾卻敗仗連連，彷彿變回摩連奴時期，任人進攻的消極打法。

不過大家還是對他抱有希望，就當上季臨時被任命，執手尾都執唔切，經過一個暑假，蘇斯克查是時候重整架構，為紅魔找出一個最佳打法，聽說會是壓迫式踢法。不知道曼聯這些年真是因為打法問題，還是領隊一職受了詛咒，邊個教都死呢？

幼魔有待成熟

要成為英超冠軍，需要各方面配合，至少要有一個好領隊，及一隊成熟健全的人腳。後者方面，曼聯有嗎？至少今季沒有。隊中其實不乏頂級實力球星，如保羅普巴、盧卡古、阿歷斯山齊士、桑馬達，但無一個生性，無一個可以打出身價，以往都是依靠一眾幼魔如拉舒福特、連格、安東尼馬迪爾、艾歷拜利等打出驚喜。

即使今年曼聯收購了右閘雲比沙卡及翼鋒丹尼爾占士，但兩人年紀都只是21歲，亦非甚麼頂級大球星。看來曼聯已擺明會花時間好好培育一隊新紅魔，今季必定是摸索打法的階段，待幼魔成長並建立出默契與打法，之後一定會是曼聯的復興時代。

首四輪預測

8月11日曼聯的新一季英超首戰便會主場迎戰車路士，根據往績，兩者近四次交手三次總入球都少過三球，這次相信亦會出現這樣的戰果，因為曼聯一直都是攻擊力弱，沒有一個致命的前線得分手，依靠的只是拉舒福特或安東尼馬迪爾的神來之筆，除非在開季前真可把盧卡古換來戴巴拿；而車路士失去了夏薩特而又不可添新兵的情況下，進攻力必然大減，看來這場大戰也是一球定輸贏，而我相信曼聯可以主場之利，挫下軍心動搖的車路士。

之後三場比賽，分別是作客對狼隊、主場對水晶宮及作客對修咸頓。近三次面對狼隊，紅魔只得一和兩負，從未贏過，看來狼隊對於這幫幼魔，甚有辦法，加上曼聯遲遲未找到屬於自己的路向，相信這回曼聯作客狼隊，會接受新球季的第一場敗仗；至於主場對水晶宮及作客對修咸頓，相信曼聯可以擊敗這兩支慣性的手下敗將，在首四輪的比賽取得三勝一負的好開始，但要得到冠軍，還是需要時日待幼魔成熟。

[Busconcamp]

蘇斯克查：普巴依然想為曼聯效力

普巴今夏轉會轉聞沒完沒了，他早前對外公開承認希望離開曼聯，其經理人拉奧拿亦表示，正為普巴「脫魔」而努力，並盛傳祖雲達斯和皇馬都有意將他收歸旗下。不過近日傳出皇馬將收購阿積士中場雲迪碧克，普巴要離隊將非常困難。

被記者問到普巴現時是否希望效力曼聯，蘇斯克查表示：「當然，對此我毫無疑問。國冠盃對AC米蘭他未能上陣，是由於他有些微背傷，但這並不是大問題，相信下周初段他就可以復操。」(goal.com)

[Busconcamp]

迪巴拿拒成「魔」 國米再Bid盧卡古



【Now Sports-體育】英國傳媒廣泛報道，祖雲達斯前鋒迪巴拿拒絕加盟曼聯，令交換射手盧卡古的轉會告吹，國際米蘭看準機會，再度出手求購盧卡古。

曼聯跟祖雲達斯已經就盧卡古（Romelu Lukaku）交換迪巴拿達成協議，但迪巴拿要求的年薪高達100萬歐元，紅魔未能滿足他的要求，所以這名阿根廷國腳拒絕加盟，同時令盧卡古未能改投祖記。

盧卡古向來是國際米蘭今夏的頭號增兵目標，只是6000萬歐元的出價被曼聯拒絕，如今藍黑兵團把握「曼祖」交易胎死腹中的機會，再次出手，但由於財力有限，未必可以達到紅魔要求的8500萬歐元。

至於迪巴拿不肯來投，曼聯領隊蘇斯克查未有太失望，因為他只希望招攬願意為成為球會長期計劃的球員，而不是只向錢看的球星。不過，轉會告吹後，紅魔難免被一眾Haters在網上瘋狂嘲笑。

[Busconcamp]

丹尼爾占士喜助曼聯贏AC米蘭



今場雙方入球梅花間竹，曼聯由拉舒福特入波14分鐘領先，卻被AC米蘭蘇素入球追平，再有連迪路夫擺烏龍落後1：2，72分鐘靠連格追平2：2。

兩隊最後射12碼分高下，曼聯以5：4贏出，負責主射最後一球的占士賽後非常高興。他說：「太神奇了，由落後到反勝，是完全不同的測試。能夠在卡迪夫城球場，感覺實在太好了。」(Goal.com)

[Busconcamp]

尹佩斯：曼聯需要給予蘇帥時間



尹佩斯認為，曼聯於費格遜離開之後轉變太快，不少忠旨和費格遜時代背道而馳，令曼聯上下無所適從，造成球隊和成功漸行漸遠。另外，球迷和球評家對曼聯要求太高，雖然紅魔曾捧走歐霸盃及英聯盃，但球隊未能奪得英超冠軍，就飽受批評。

另外，球隊亦應給予蘇斯克查多點時間：「看看曼城和利物浦，他們都不是每個球季可以奪得冠軍。英超是全球最難踢的聯賽，擁有太多可以問鼎冠軍的球隊。最重要的是可讓領隊有時間去改造、建設球隊，曼聯無論何時都應該打進攻足球，故只要給水蘇帥時間，曼聯是有機會成功的。」(goal.com)

[Busconcamp]

馬迪相信普巴會留在曼聯

保羅普巴一直傳出離開曼聯，但是隊友尼曼查馬迪卻相信他一定會留隊。

馬迪相信普巴會留在曼聯，新一季繼續合作，而不會見到他離開紅魔鬼轉去其他球隊。

馬迪說普巴對於曼聯來說是重要成員，不想見到他離開：「我們會注意事態，他是曼聯球員，如果他留隊大家都會高興。我暫時未見到他會離開，但足球世界是一切事情都有可能。」(Goal.com)

[Busconcamp]

馬古尼落實8000萬鎊投紅魔



這位打破雲迪積克轉會費紀錄的後衛說︰「很高興可加盟這間偉大球會，我很享受在李斯特城的日子，感謝那裡的每一人，但當曼聯來邀請你時，這是難得的機會。」



「與領隊蘇斯克查見面後，我對他的計劃感到興奮，很明顯他在建立一支爭奪冠軍的球隊，我很期待與新隊友合作。」

「蘇B」則說︰「他是現今世上最佳中堅之一，很高興得到他的加盟。他有很好的閱讀球賽能力，體格也很好，懂得面對壓力，可以預期他在球場內外均很適合我們。」(Goal.com)

[Busconcamp]

曼聯有7個中堅　大清洗呢2個最危！

曼聯高價簽入哈利馬古尼後，中堅位置突然出現人滿之患，包括哈利馬古尼、域陀連迪路夫、菲爾鍾斯、艾歷拜利、基斯史摩寧、馬高斯盧祖同杜安薛比7大中堅，清洗部份冗員勢在必行，究竟邊個最大機會被踢走呢？

哈利馬古尼必定係防線核心，佢哋拍擋最大機會係瑞典國腳域陀連迪路夫，但係其餘5人嘅位置都唔太穩陣。新人杜安薛比被外借嘅機會好大，而只剩1年合約嘅艾歷拜利，本來係被賣走頭號人選，但佢早前重傷長抖，差唔多肯定會焗住留隊，所以菲爾鍾斯、基斯史摩寧同馬高斯盧祖可能會至少走1個。

英國《每日郵報》報道，愛華頓對菲爾鍾斯同基斯史摩寧好有興趣，佢哋上季借用嘅葛特蘇馬被車路士回收後，仍然物色緊替補人選，曼聯呢兩位英格蘭中堅就正合馬高施華心水，依家就睇「紅魔鬼」有咩決定啦！

[Busconcamp]

入魔第一日　馬古尼已開始寸利物浦！



曼聯剛以8000萬鎊天價，購入李斯特城中堅哈利馬古尼，壓倒華基爾雲迪積克成全球最高身價後衞。馬古尼表示甫入魔就非常識做，第一時間暗寸利物浦，令曼聯球迷非常高興，話佢已經晉升紅魔傳奇！

馬古尼對於能加盟曼聯勁開心，佢話：「好榮幸加盟一支偉大球會。我喺李斯特城非常開心，多謝球迷以及球會內所有人兩年來嘅支持同照顧。但當得到曼聯垂青，根本就冇可能拒絕呢個大好機會。」

之後佢於自家社交網向李城球迷道別時，附上一張勁有意思嘅配圖，入面馬古尼剛入完波叉住腰個樣勁得戚，再細睇個背景原來係晏菲路球場嚟。上季李斯特城聯賽作客利物浦，雖然當時紅軍憑沙迪奧文尼打開紀錄，但隨後馬古尼建功追平，令紅軍痛失2分。最後利物浦僅以1分之差不敵曼城，未能打破宿命奪得英超冠軍，馬古尼呢腳對曼聯球迷嚟講非常重要，難怪魔迷話佢揀相揀得好好啦。

[Busconcamp]

終極一買　曼聯半價搶熱刺艾歷臣！



繼丹尼爾占士、雲比沙卡、哈利馬古尼之後，曼聯今個夏天仲未買完，轉會窗關閉之前，仲可能以超低價搞掂基斯甸艾歷臣！艾歷臣早前表明，希望可以過檔皇馬，可惜銀河艦隊對佢冇興趣，所以仲係未走得甩。英國《每日郵報》報道，曼聯希望買埋艾歷臣；而因為艾歷臣只剩1年合約，如果依家唔賣，下個夏天就要畀佢免費離隊，曼聯希望呢用呢點，以半價引入呢名丹麥好波之人。

雖然艾歷臣成名已久，但只係得27歲，未來仲有大把貢獻，曼聯對佢有興趣非常合理。據英國傳媒報道，熱刺認為艾歷臣值1.3億鎊，但因為最大潛藏買家皇馬遲遲冇出手，所以艾歷臣要值呢個數都好難。據知曼聯方面希望以大約6000萬鎊，希望買入艾歷臣；如果熱刺呢刻唔放人、到1月先放嘅話，價錢只會更低。

曼聯中場大將保羅普巴，依然有機會離開，但唔好以為周四英國轉會窗完咗，普巴就會繼續留喺曼聯，因為西班牙、意大利等地嘅轉會窗，會遲3周先完結，故開咗咧都或者會隨時走。曼聯當然要做足準備，如果艾歷臣真係日內入魔，即表示普巴大有機會走人。

[Busconcamp]

網上瘋傳！曼聯賣普巴　即簽尼馬

信唔信尼馬會加盟英超曼聯？西班牙雜誌《Don Balón》網頁版星期日(4日)大字標題報道，話「尼馬得米：3000萬年薪簽4年（而且唔係巴塞）」，文章指呢位巴西國腳就快確定去向，新東家或者係從來冇人諗過嘅曼聯，成件事未來幾日最關鍵咁講。

《Don Balón》嘅記者Marcos Rodríguez話尼馬離開巴黎聖日耳門勢在必行，但係基於經濟原因，返巴塞並唔容易。皇家馬德里的確係另一個選擇，會長皮里茲今夏想簽尼馬係人都知，問題係尼馬本人唔想為咁，入咗巴塞黑名單，所以更喜歡加盟曼聯。

Marcos又指「曼聯顯然無法承受皇馬追纏保羅普巴嘅壓力」，如果將佢賣走，到時就可以有一大筆資金到手收購尼馬。佢仲聲稱曼聯準備開出4年合約，年薪3000萬歐元畀尼馬，又會向聖日耳門支付2.1億歐元轉會費。

[Busconcamp]

馬古尼阿媽開心分享：阿仔夢想成真



哈利馬古尼入魔，搖身一變做咗全球最高身價後衞，光宗耀祖，咁值得高興嘅事，佢父母當然要開心分享，馬古尼阿媽就喺個人社交網站帖文，同大家分享喜悅，仲話阿仔自小便鍾意曼聯，如今係夢想成真。

佢阿媽留言話：「阿仔自小便夢想加盟曼聯，當有一日瞓醒時，此事竟然真的發生了，真是夢想成真，我以阿仔為榮。」

曼聯球迷都作出回應，紛紛恭喜佢阿媽，並恭喜晒馬古尼全家添喎。

[Busconcamp]

比利時玩到唔願走　盧卡古同曼聯反面



日前返咗祖家比利時，仲走咗去跟母會安德列治操練嘅曼聯前鋒盧卡古，估唔到去到周二都係冇歸隊，似乎玩到唔願走。根據《每日鏡報》報道，「紅魔鬼」打算向佢作出處分，要佢罰款40萬鎊喎！

曼聯大軍周一全隊放假，盧卡古喺冇通知球隊情況下，私自走返去比利時安德列治同青年隊跟操。本來你放假，然後自發性加操，曼聯都未必話你，但去到星期二，「紅魔鬼」開操，你都唔見影，就梗係大問題啦！更麻煩一樣，係呢位「新魔獸」呢兩日着住套安德列治訓練服，係牌子JOMA，但考慮到曼聯主要贊助商係三間牌，你話曼聯點同贊助商交待先？

《每日報報》仲話，曼聯已經正式要求盧卡古為未有歸隊提交解釋，而罰款40萬鎊係球隊對個人罰款最高上限，可以見到曼聯高層係非常不滿。呢位比利時殺手究竟去向係點？依家都未有定案，究竟佢英國時間周三肯歸隊未？大家繼續留意報道啦！

[Busconcamp]

加盟打比郡為返曼聯　朗尼着32號有段古



朗尼尋日宣布明年1月加盟打比郡，喺打比郡嘅身份係球員兼教練，背後原來仲有其他，佢前隊友費南迪斯爆料話，朗尼嘅終極目標係執教曼聯，依家為未來鋪路。

據英媒消息，朗尼今次加盟打比郡年薪為550萬鎊，遠高過喺華盛頓嘅222萬鎊，而且揀咗32號球衣，原來又有故仔。目前喺打比郡裡面，7、12、13、15及18都係無人着，但朗尼偏偏要着32號，原來打比郡贊助商係32Red，係一間博彩公司，有消息話朗尼嘅人工，其實主要由32Red畀，睇嚟都係一個宣傳手法。現年33歲嘅朗尼同華盛頓聯賽仲有超過1年半合約，佢會明年1月先至正式番英倫。