第三五五話:

1. 突然跳去荊州, 嗰度咁早識驚曹操, 唔似噃~

2. 火哥要同卧龍『講數』, 卧龍好明顯睇穿哂大耳係咩嘅人; 引伸落去, 劉皇叔要同自己嘅野心, 名聲, 卧龍, 劉表, 計一計數~

3. 咁之後果尐咩劉表留而不用, 咩三顧草蘆, 再之後嘅棄荊避曹, 全部都唔係咁發生;

4. 更唔會係不是人嘅故事~

5. 最期待七奇嘅真面目, 同睇佢點娶老婆~

第三五六話:

1. 最有腦嘅個走咗, 袁家內鬥, 上有人要拉倒袁紹, 下有二子雙爭, 兵敗如山倒~

2. 揭人陰私者不詳, 雞肋自我膨脹過頭, 嫌命長~

3. 玩繼承而兄弟雙殘, 雞肋好玩呢味, 可能二公子未必, 不過前者投靠公子植志在玩嘢, 咁二公子好難唔奉陪落去~

4. 咁之後好明顯亦有人有樣學樣, 用同一條橋, 將荊州劉氏玩殘~

5. 陳某最後又玩史詩式電影分鏡, 無對白, 在下有種電影教父心臟病死嗰幕嘅感覺。

agree red 字point

但就係 sleep 太耐要發揮下, 5係會悶死隻雄雞

睇完44~呂布/孫策死左之後~再有鐘意既角色~楊修~like~b
係咪鬼隱左除庶啦~?都講到劉備去新野啦喎~

賞花之人
龐德出場（又係殺手？）

馬超很久不見，今次又出場賞血花？

張遼果陣好似講過龐德好似佢

火哥潛水潛咁耐終於有得出鏡

大師兄死果幕我覺得處理得唔錯 不過個格局好似爭少少
不過無計 始終係原創人物
由手機版發出

好腐的發言

　　外傳小說「袁方」已出。內容未睇，卻發現封面錯體了。上下册封面的反光位，互相對調了(從左手掌可看出)。

邊一回出ga?

最新一回
357

謝
好耐無見三爺了
咁快已經鋪二爺vs龐德....(不過果次係二爺屈機...)
陳某你幾時先畫到呀...
仲有三爺=馬超, 呂布第二唔係浪得虛名
而且仲要一樣鐘意玩血花...

驅虎滅狼
久違的許定再一次出場
今次睇下郭嘉點除虫除到變碎石啦

唔知許定幾時俾人搞掂呢？

立即上演老四VS公子

外傳小說「殘兵」

我覺得大師兄咁死真係處理得唔係咁好
作為8奇之一兼最多戲份的原創角色, 咁樣俾人一下刺殺成功, 完全冇鋪排冇過程冇得番身.....
最慘係佢鬥智係未輸得晒的

睇哂袁方小說...
當中加左好多漫畫無既野..好似一開始8奇點相見..
一見面發生左D咩等等...點解叫8奇
楊清細個同袁方既事...
孔茶係一個點既女子..
OVERALL呢本唔錯...睇到有D 心UP

睇左有一批既觀點係
袁方有幾大死証
冇歷史撐腰
開頭慘被打臉(呂布的犧牲者)
實績例子唔夠震撼
好似老二開頭招青州兵,老三敗呂布,老四打陶謙,老五下江東,老六連環計(老七婊郭嘉呢個就唔算係既)
袁方真係冇野記得...咪虎牢關冼左自己人一鑊
為左表示袁方幾把炮,但係就用黑頁來講,但係係冇咩成績之下就真係得個講字...
甚至果堆計成功左...但係對曹方好似冇咩事咁...

袁方算係一個悲情角色,初登場就用佢突顯呂布
虎牢關算係頭廿集最好表現,但一對比起師弟們就弱好多
人地陳宮一老鬥四少,仲要係呂布比司馬懿昆左出來先中伏
而且陳宮人地雖然打輸既多,但係D成績係睇到

呂布死左之後老實講曹袁之戰失色好多
袁方撐唔起
張遼又神過頭
而家比較好睇應該係司馬懿vs郭嘉呢條線

人地凌操用兩期,至少震撼過袁方44期
好難怪唔草草了事就算

在下又唔認為袁方設定係咁失敗, 係開頭畀陳某用嚟襯托小強、皇叔同埋燎原火, 而虎牢關凈後見到佢嘅私心同埋奸險。

在下覺得官渡嘅手法同以前嘅徐州或者下邳之戰好唔同; 如果以之前嘅寫法去睇呢幾期, 難免有落差。

但係自從消滅咗公孫瓚之後, 好明顯陳某想抬袁大師兄做官渡嘅主線, 官渡開頭埋伏二奇, 中期壓制賈詡兵力, 都唔少嘢; 老老實實, 文顏兩位大將失敗之後如果無咗袁方, 袁紹軍真係會兵敗如山倒, 佢帶班士氣低落, 拉雜成軍嘅少數兵力, 都可以一戰以勝追擊嘅曹操軍, 仲可以好快恢復, 反過嚟主導翻個戰事, 圍住曹操嚟打; 如果係泛泛之輩, 唔洗諗~ 所以話袁方唔得, 有尐唔公平 -- 袁方輸在佢無個咁正嘅team, 在下講過佢一身要吓吓睇住哂前後方, 兩邊都無個可以嚮能力同信賴度夠頂住咁多嘢嘅幫手, 更死在佢左右手中間仲有件無間道添; 反而曹操個team係佢一生事業中最強嗰個, 後方能夠源源送上兵力同補給, 更可以震住皇室同埋朝廷, 南面有賈詡頂住成日打佢主意嘅孫家, 大本營有郭嘉同佢睇哂成個場, 打得嘅真係可以以一擋百, 上下一心。

如果陳某盡哂力都托唔起個角式, 好可惜。

張遼係咪咁神? 耍帥係第一, 不過嚮亂葬崗、袁方反擊戰同埋烏巢, 佢同張郃打都分唔到勝負噃~

恕在下諗多咗, 以袁方集八奇八怪之材, 再加埋佢對曹操玩影武者嘅心得, 點都凝住佢其實仲未死~ 當然長江後浪推前浪, 可以搵個人一邊玩到孫權轉轉轉, 另外又玩到二公子要親征, 破城之後仲嚮三國史上少有咁講到明佢屠埋城~就算唔係袁大師兄翻生, 遼東公孫呢個角式睇嚟會好有趣~ (離咗題添)

但要題就係袁方所謂做左既野...對曹軍既傷害真係好少
以保皇黨搞曹方,但係曹操一野誅殺之後,對曹操既影響真係唔見得有幾大,最多咪黑頁話名聲低...
搞店2-4奇+司馬懿,但係隔兩期又返返來,好似乜事都冇咁
至於死左顏文都未必會兵敗如山倒,始終人數係有限制
況且袁家智者其實唔少,但係官渡好明顯低能化..全部人無論你咩派都係比人袁方舞
要威威對付郭嘉,但係結果就係下一期郭嘉無事退卻
內憂外患想一齊搞店,你未搞店一方先你都死啦...
你有張良計,咁郭嘉緊係有過牆梯,曹操果邊二五仔絕對唔少得過袁方,只係袁方係死係二五仔之手咁解
感覺袁方就係個講字有7成,影響得3成,佢個設定係強,但係畫出來就表現唔到幾強...

好明顯張遼係呂布下既遣物
張郃唔係弱角來bor
況且亂葬岡講明火哥同張遼無心戀戰,烏巢都係一字記之曰:拖
就算曹方出邊隻我諗都未必同張郃分到勝負

官渡完左好快會講南下,如果袁方真係公孫果part佢應該會更影薄

屍都比師兄弟燒埋啦仲點未死.........
如果無左果幾頁啪啪啪放火既話 話未死的確可以了解

咁陳某要跟翻歷史係曹操贏, 但係對手又唔可以太弱, 攪到變成咁, 好似兩面唔係人~總之, 如果以下邳咁去比官渡, 落差好明顯。如果畫出到曹操打完官渡元氣有幾大傷, 咁又唔同, 但係#358已經過咗呢度~

都話在下可能諗得多咗好多 -- 問題係, 袁方如果真係遼東公孫有關係(未必係佢本人), 咁佢(地)都忍咗好多年咯 -- 曹操死咗, 曹丕又摺埋, 連曹叡都去咗見佢兩位, 實質軍國大權又落咗去二公子派系手上, 先至嚟攪事?! 在下寫嘅話可能係袁氏反曹勢力一直暗地裡做嘢, 係因為某尐原因, 去到嗰陣先咁大劑 -- 點之畀二公子一舖清枱~

攪掂袁氏尐手尾故佢都有排, 又唔可以唔顧埋孫劉嘅發展(七奇!!!) 要睇南下, 在下要多注意身體唔好有意外先得~

---

#358

同火鳳嘅臭蟲好唔同, 正史話賈逵係曹魏嘅大忠臣而名流後世, 呢幾期有得發揮下。

死火.............

我估唔到張大人係乜水添~

張既?

可能係D官來
到時會揭曉

我最初估張郃，因為有把劍掛身
但係文官來的，到底係邊位?
不會是山無綾 義父吧?

我都估唔到....orz
唯有重打三國志8XD