至於劇情，點解宜家咁多人屌呢？

因為Joel喺父親節被人打爆頭？

其實，唔係話主要角色唔可以死，而係佢哋嘅死有冇咩價值？

大家不妨參考下其他遊戲。

Metal Gear 第三集入面，The Boss嘅死亡係會令個故事劇情嘅格局同情感升華。

FInal Fantasy VII入面，Aerith嘅死亡係鞏固一眾主角嘅信念同鬥志。

回想當年Last Of Us 出第一集，成功建立咗Joel個父親形象，深受愛戴。

結果幾年後出第二集，佢即刻就被人打死，而且死得毫無意義。

Naughty Dog只不過係利用Joel嘅死亡，推動Ellie嘅復仇之旅。

但係當玩家打到結局，係缺乏舖墊嘅情況下，Ellie突然就咁放過仇人。

甚至玩家係無得選擇，結局Ellie就咁就由得殺父仇人坐船走。

喂！你有冇諗起過第一集結局，Joel為咗Ellie不惜犧牲一切，放棄人類嘅前途，寧願唔要疫苗，都只係想要返個女。

結果第二集呢？

Ellie對Joel嘅感情本來應該係刻骨銘心嘅，但係當Ellie已經殺咗咁多人，咁多怪物，滿手鮮血嘅時候。

點解最終又竟然可以對住殺父仇人，突然放下屠刀呢？呢個設計真係符合人性咩？

如果你話十年廿年後，Ellie選擇原諒敵人。

我相信大家一定唔會好似宜家咁嬲。

但係宜家咁嘅結局，你又叫玩家情何以堪？

好啦！當宜家大家屌曬鬼，結果Naughty Dog啲高層仲會串柒柒，話你哋其實歧視女性丶黑人丶孕婦，之前又試過喺社交媒體，公開叫玩家唔鍾意就咪撚玩。

Naughty Dog呢種態度又算係點呢？

其實我自己就唔介意Last Of Us嘅劇情，因為佢本來就唔符合我對好遊戲嘅要求。

但係，我絕對能夠理解大家嘅憤怒同沮喪。

當你真係好愛一個故事，你自然會為劇中人物感到不值。

點解作者仲要打壓受眾嘅情感呢？
由手機版發出

你鐘意辛苦建立出黎既父女情？
整死Joel分隔佢地太普通，應該黎一個斷指再放下結他，由根本精神層面上拆散佢地
輕描淡寫插條刺留個遺憾係fans身上

覺得操控地型同策略之鬼既神槍手Tommy大叔好型？
先打爆佢個頭嚇你一下

突然發現佢未死，終於唔係你死我死大家死，好開心？
How about 整到佢心智崩壞，
唔只，就算其他冇死到既角色都要一律bad end

以為等咗咁耐仇人自己送上門，終於可以開始復仇劇？
唔比你入高潮位，先拖你一下戲，小小地10個鐘左右差唔多
仲要咁多角色唔全裸就係要故意迫你睇仇人做愛
人設亦都好重既故意成分，有咁男男得咁男男

辛辛苦苦搞咁多野救到Yara？
我要你感受下前功盡廢既滋味

以為拖完終於可以開始做你想做既野？
不如我調轉要你用仇人黎暴打自己

以為最多只係報仇唔成我就會放過你？
比你係一間溫馨小屋入面享受下做loser自己呃自己既失落感

已經好勊覺得點解隻game仲未完？
都未夠慘，迫你連最後唯一既家都冇埋，重新上路之後再根本冇理由之下再放走你既仇人