劉鑾雄與王穎妤曾苦戀6年 @ Neo Entertainment TREND

Busconcamp · 12-02-03, 11:21 PM

唔係呀化...

王穎妤接受訪問時詳述...

Samuel · 12-02-03, 11:25 PM

你而家先知佢地有拍拖?

t-cup · 12-02-03, 11:30 PM

好討厭 >.<
同我喜歡個女仔個名相似... 整到個名 cheap 晒 >.< >.< >.<

Busconcamp · 12-02-03, 11:37 PM

引用:

Originally posted by Samuel :
你而家先知佢地有拍拖?

乜你有親眼見過咩?
以前都係報章雜誌係咁傳姐~
依家係佢親身接受訪問...又點同得架...

又講到劉鑾雄點樣點樣劇烈追求佢...
向佢求婚云云...

岸邊露伴 · 12-02-03, 11:55 PM

空穴來風，未必無因，
唔係o下o下要親眼睇見先相信得ga，(強辯者ge歪理)
否則係傳都傳過靚d架啦，
成日話傳媒唔可信，
係負面報導都一律斷定唔可信，
咁呢單咪又中lor…

Busconcamp · 12-02-03, 11:59 PM

引用:

Originally posted by 岸邊露伴 :
空穴來風，未必無因，
唔係o下o下要親眼睇見先相信得ga，
否則係傳都傳過靚d架啦，
成日話傳媒唔可信，
係負面報導都一律斷定唔可信，
咁呢單咪又中lor…

親眼見既就唔係信定唔信...
而係變成事實...

碧咸23 · 12-03-03, 12:05 AM

今朝條女接受查小欣訪問果陣講到大劉點樣溝佢、又話自己最後接受唔到佢去玩女又點點點、講到自己好勁好叻但係又好慘咁、仲喊苦喊忽...講到尾咪又係駛人d $$....頂佢唔順、轉台!

岸邊露伴 · 12-03-03, 12:06 AM

引用:

Originally posted by Busconcamp :

親眼見既就唔係信定唔信...
而係變成事實...

人地話知但你質疑人係咪見到嘛…:@_@":

StevenLeong · 12-03-03, 12:07 AM

一個王見秋似樣到咁ge女人

Busconcamp · 12-03-03, 12:20 AM

引用:

Originally posted by 岸邊露伴 :
人地話知但你質疑人係咪見到嘛…:@_@":

咁報紙雜誌成日都話亞A同亞B...亞B又同亞c...D...E...一齊架喇~
全部都可以歸於[空月來風,未必無因]喎~
"劉王關係"係傳左幾年,我有睇報紙,都可以話[知]~
但呢種[知]...並非代表事實,咁[知]咩先~~~

栗子貓 · 12-03-03, 12:31 AM

好似好耐架啦

cinimod · 12-03-03, 01:55 AM

基本上，直d講，俾L君用錢買番尼玩既，同砵蘭街d阿姐無乜分別。

不過佢都算係體現L君口味開始轉變既開始既代表人物，自佢起L君開始由專玩明星變成乜都玩下

街車王 · 12-03-03, 11:27 AM

引用:

Originally posted by cinimod :
基本上，直d講，俾L君用錢買番尼玩既，同砵蘭街d阿姐無乜分別。

不過佢都算係體現L君口味開始轉變既開始既代表人物，自佢起L君開始由專玩明星變成乜都玩下

不過L君d口味都轉得好極端下wo
由選美冠軍一野換件

有錢佬真係高深

岸邊露伴 · 12-03-03, 11:37 AM

引用:

Originally posted by Busconcamp :

咁報紙雜誌成日都話亞A同亞B...亞B又同亞c...D...E...一齊架喇~
全部都可以歸於[空月來風,未必無因]喎~
"劉王關係"係傳左幾年,我有睇報紙,都可以話[知]~
但呢種[知]...並非代表事實,咁[知]咩先~~~

舉個明顯d ge例子，
許志安同鄭秀雯成日俾報紙雜誌傳係拍拖，
相信係人都o係報紙雜誌睇過，
但佢地從來冇親口承認過，
咁依照你講法呢個都唔係事實，
你有權唔承認係事實，
但事實上係咪事實呢，
相信好多人會判斷到。

cinimod · 12-03-03, 12:31 PM

引用:

Originally posted by 街車王 :

不過L君d口味都轉得好極端下wo
由選美冠軍一野換件

有錢佬真係高深

可能對得靚女多都要轉下口味，呢d感覺真係唔係一般人可以感受到

其實我都好服佢，玩之餘一樣事業有成，唔似得d 2世祖(e.g.岳少)顧住玩，事業一塌胡塗。抵佢玩得高興既！

岸邊露伴 · 12-03-03, 01:37 PM

拒絕五次求婚　曾仰藥入院
王穎妤愛大劉六年心靈重創

王穎妤日前接受電台訪問時，哭訴她與富商劉鑾雄的一段六年情，透露相戀其間大劉曾五次向她求婚，但遭她拒絕。王穎妤又指自己曾為大劉而自尋短見，一次過吞食八十粒安眠藥，但大劉只到醫院探望她五分鐘，令她心靈受重創。

王穎妤日前接受商台查小欣的《茶煲的查篤》訪問，大談與富商劉鑾雄的一段六年感情，該訪問昨日在節目中播出，現節錄如下：（查小欣：查　王穎妤：王）
查：你曾經為左呢段愛情同爸爸（王見秋）關係搞得非常差？
王：當初 ge 追求，完全係劉生主動，我 o係初期係拒絕左佢 ga ，但無論點都好，感情 ge 野好難講，佢係一個好 charming ge 人，咁我覺得好多野都令到我好感動，但係大家一齊 ge 時間當然有開心同唔開心，其實大家一齊左五至六年 ge 時間。
查：你帶左幾份剪報，呢個對你黎講好有紀念價值？

語帶哽咽：
分開對我講係一個痛苦選擇
王：呢 d 廣告曾經 o係我地分開 ge 階段，劉生 o係報紙上刊登畀我睇。（語帶哽咽）無論流過幾多淚，甚至乎犧牲左幾多、付出左幾多，只係我、佢，同埋我地 d 屋企人先至知道。其實我同劉生之間 ge 感情，帶畀我同我屋企人好多痛苦，當然亦有開心 ge 時間，但作為佢身邊 ge 女朋友，我忍受左好多，當然唔係淨係痛楚啦，佢都好清楚知道，所以到最後我係接受唔到繼續咁生活落去，而導致大家要分開。到最後 ge 階段，我承認係我提出要分開，對我黎講都係一個好痛苦 ge 選擇。 o係最後階段，我承認劉生好有誠意，好多次向我認錯，甚至乎希望挽留呢一段感情。但到最後都係接受唔到，因為我唔想我或者我屋企人繼續唔開心。
我唔知我當時 ge 選擇係錯定 o岩，分手之後，劉生有好多次要求同我結婚。佢到最後作出過唔止一次 ge 求婚，而係四至五次，無論係佢自己向我求婚，或係佢屋企黎代佢求婚，甚至乎委託一位兩方面都尊重 ge 老人家鄭裕彤先生黎代佢作出呢個要求，可能好多人 o係果一刻都會好感動。

激動痛哭：
我 ge 付出金錢補償唔到
王： o係後期佢親自送花、送左好多禮物，好多唔同 ge 求婚環節裡面，好多名貴紅寶石出現、幾百萬美金 ge 藍寶石呀，好多首飾同承諾，但係我本人好尊重愛情，我同劉生咁多年 ge 關係，從來冇牽涉到金錢上或者係任何禮物去導致我地一齊。（激動地哭訴） o係我決定左我唔可以接受佢求婚 ge 時候，所有呢 d 幾百萬藍寶石、鑽石，都歸還畀佢。好多人都覺得點解要畀番呢 d 野佢 je ？因為到最後我一定要嫁佢先可以要，但係我唔想再糾纏不清落去，劉生好清楚知道我 ge 真誠、付出，係任何金錢補償唔到所受 ge 傷害。
查：為了愛情，你曾經自尋短見？
王：冇人會知道 o係我同劉生一齊 ge 時候，曾經去到唔開心 ge 地步，食過八十粒安眠藥，係由我最好 ge 朋友送我入醫院，當時唔係劉生黎到醫院見我，而係我爸爸媽媽黎負責同我簽果張紙，叫醫生救我，我老年 ge 爸爸媽媽伏 o係我身邊，喊左成日。

吞安眠藥：
只係黎醫院望左我五分鐘
王：但到最後我認為我心愛 ge 人去左邊度呢？原來只係 o係醫院望左我五分鐘就走，根本外界冇人知道呢 d 野。又有幾多人知道我同劉生 ge 感情之中，令到我同我父親、母親 ge 關係破裂，甚至乎有一年半時間，我冇同過佢地講過野。
我同劉生相處左好幾年，起初當然會好開心，但到後期某 d 野我接受唔到，我都想有自己 ge 空間，我唔想日日同佢嗌交，所以到最後我想搬出黎住，唔係話唔想同劉生住，而唔想繼續成日有個摩擦。作為一個女仔，我都要有自己 ge 空間，嗌交 ge 時間我都可以去避難，有自己呢個地方， o係果個環境下，我買左呢層樓，而我對層樓都有付出過 ge 。至於點牽涉到我爸爸媽媽在內呢？其實 o係買左層樓冇幾耐之後，我爸爸發覺自己患左病 … …

查：你爸爸王見秋患有癌病？
王：我知道左呢件事好震驚，好唔開心，尤其係 o係果段時間，我同爸爸媽媽為左感情問題已經冇來往，果時覺得好內疚，覺得點解 o係果年半、兩年時間冇返屋企睇我父母，冇去照顧佢。爸爸好好彩，做完手術之後好番，醫生同我地講佢好需要屋企人支持，因為當時兄弟姊妹都搬左出黎住，我好希望可以趁果段時間照顧番爸爸，果時又換新樓，可以等佢轉環境，又近我返工，所以我要求爸爸媽媽同我住，我叫左佢地好多次，我爸爸係唔想搬過黎，因為佢覺得我已經選擇同乜野人一齊，亦唔想干涉我，但係我三番四次要求下，佢地終於搬地黎同我住。

獲父諒解：
父親節我選擇陪劉生
王：爸爸完成左化療後，佢唔想煩住我，亦都想搬走，我當然唔想啦！我覺得感情付出左好多，真係好多時間冇陪爸爸媽媽，甚至乎父親節當日（哽咽）我都選擇去陪劉生，但佢從來都冇介懷過。劉生都清楚我爸爸 o係某 d 方面唔接受佢，根本上係好少見面，除非一年兩餐飯，都係我好刻意去安排，食完大家講句 bye bye 就算啦。
到最後我同劉生 ge 感情破裂之後，無論佢嘗試左幾多次去挽留，但 o係果一刻我已經決定左唔想再繼續。無論佢作出幾多承諾，無論佢會對我點樣好，我自己都有陰影，因為我經歷過幾年時間，我唔係唔相信劉生，可能我對自己冇信心，我覺得就算結左婚大家都唔開心。
但係我都有 d 欣賞佢冇放棄過，有兩個月時間佢日日打電話追求，大部份時間都會上黎我屋企，寫字樓搵我，帶埋佢媽媽，咁最後我都接受唔到。因為我只係覺得好混亂，我記得有一次佢上黎我屋企，因為我話唔同佢結婚。

寄語大劉：
做唔成夫妻我都覺得好可惜
我好記得我爸爸同佢講左一番話（哭著說）：「阿 Joe ，我個女為你付出咁多年，當然今時今日係話乜都會為佢做，但係我作為佢爸爸，只希望唔好只用口去講呢 d 說話，而係用實際 ge 行動去表示真心愛我個女。」佢講呢番說話 ge 時候，我媽媽不停喊。跟住之後，無論劉生鍾意定唔鍾意，佢一聽完就走啦！
作為我父親，佢用眼睇左咁多年，佢只係畀左個提議畀我，就係自己用眼去睇，唔係人地用口講就代表佢會咁做，令我好深深感受到我應唔應該接受劉生 ge 求婚！我諗咁多年付出，到最後都冇結果，所以我好相信離開 ge 選擇係 o岩 ge 。
我亦都想同劉生講一句話，我地今時今日做唔成夫妻，我都覺得好可惜，但係我希望 o係不久將來，佢可以體諒我當時拒絕佢求婚，我都希望將來大家可以做番朋友。

岸邊露伴 · 12-03-03, 02:00 PM

鐵漢柔情肉麻情信曝光

DC 97 · 12-03-03, 02:40 PM

肥仔JOE係大劉？？

岸邊露伴 · 12-03-03, 02:43 PM

引用:

Originally posted by 小心2 :
肥仔JOE係大劉？？

寄語大劉：
做唔成夫妻我都覺得好可惜
我好記得我爸爸同佢講左一番話（哭著說）：「阿 Joe ，我個女為你付出咁多年，當然今時今日係話乜都會為佢做，但係我作為佢爸爸，只希望唔好只用口去講呢 d 說話，而係用實際 ge 行動去表示真心愛我個女。」佢講呢番說話 ge 時候，我媽媽不停喊。跟住之後，無論劉生鍾意定唔鍾意，佢一聽完就走啦 ……………

cinimod · 12-05-03, 04:15 PM

今日份份報紙都賣L君玩踢爆，真係峰迴路轉！

Busconcamp · 12-05-03, 09:21 PM

引用:

Originally posted by cinimod :
今日份份報紙都賣L君玩踢爆，真係峰迴路轉！

男主角一向敢言,重話只係爆左5%料~
自去年"老千商人"事件後,另一件娛
圈事件又黎料,真係好戲在後頭...

Astaroth · 12-05-03, 09:37 PM

佢地兩父女都咁難頂....

12-02-03, 11:21 PM	#1
Busconcamp The One 紅魔鬼閃耀GAF 註冊日期: Jan 2003 文章: 75,714	劉鑾雄與王穎妤曾苦戀6年唔係呀化... 王穎妤接受訪問時詳述... __________________ 避免"殘酷一BAN"...請謹慎出POST~ 偶體內流住GAF既血曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 此篇文章於 12-02-03 11:38 PM 被 Busconcamp 編輯。

12-02-03, 11:30 PM	#3
t-cup Moderator CD-ROM 註冊日期: Dec 2001 文章: 17,046 4511 1485 9506 tcuphk2 tcuphk	好討厭 >.< 同我喜歡個女仔個名相似... 整到個名 cheap 晒 >.< >.< >.< __________________ とびだせどうぶつの森夢番地: 3500-0401-8131 UNICEF, help the children in needs 3DS: 4511-1485-9506, XBOX360: tcuphk, PS3: tcuphk2, PSVITA: tcuphk

12-02-03, 11:55 PM	#5
岸邊露伴 God of Gamer 註冊日期: Nov 2003 文章: 9,402	空穴來風，未必無因，唔係o下o下要親眼睇見先相信得ga，(強辯者ge歪理) 否則係傳都傳過靚d架啦，成日話傳媒唔可信，係負面報導都一律斷定唔可信，咁呢單咪又中lor… __________________ 【廿三論壇】史上最強最型最靚最正得閒就黎玩下啦~ 純粹只係吹吹水既一個自己友既論壇架咋~~ 　　　　　　　　　　　　　　　　(廣告) 此篇文章於 12-02-03 11:57 PM 被岸邊露伴編輯。

12-03-03, 12:05 AM	#7
碧咸23 Banned GAF足球隊碧咸23號註冊日期: Feb 2003 文章: 4,657	今朝條女接受查小欣訪問果陣講到大劉點樣溝佢、又話自己最後接受唔到佢去玩女又點點點、講到自己好勁好叻但係又好慘咁、仲喊苦喊忽...講到尾咪又係駛人d $$....頂佢唔順、轉台! 此篇文章於 12-03-03 12:23 AM 被碧咸23 編輯。

12-03-03, 02:40 PM	#18
DC 97 The One 註冊日期: Jun 2003 文章: 21,734 3334-6659-7010 DC97	肥仔JOE係大劉？？ __________________ PS Vita Acc: dc97psv Xboxlive Acc: dc97sing PS3 Acc: dc97

12-02-03, 11:25 PM	#2
Samuel God of Gamer 我想... 註冊日期: Jan 2002 文章: 13,422 samuel0929	你而家先知佢地有拍拖?

12-03-03, 12:07 AM	#9
StevenLeong God of Gamer 註冊日期: Jan 2002 文章: 6,294	一個王見秋似樣到咁ge女人

12-03-03, 12:31 AM	#11
栗子貓 Game Master 註冊日期: Jan 2003 文章: 2,736	好似好耐架啦

12-03-03, 01:55 AM	#12
cinimod God of Gamer 註冊日期: Dec 2001 文章: 5,206	基本上，直d講，俾L君用錢買番尼玩既，同砵蘭街d阿姐無乜分別。不過佢都算係體現L君口味開始轉變既開始既代表人物，自佢起L君開始由專玩明星變成乜都玩下

12-03-03, 01:37 PM	#16
岸邊露伴 God of Gamer 註冊日期: Nov 2003 文章: 9,402	拒絕五次求婚　曾仰藥入院王穎妤愛大劉六年心靈重創王穎妤日前接受電台訪問時，哭訴她與富商劉鑾雄的一段六年情，透露相戀其間大劉曾五次向她求婚，但遭她拒絕。王穎妤又指自己曾為大劉而自尋短見，一次過吞食八十粒安眠藥，但大劉只到醫院探望她五分鐘，令她心靈受重創。王穎妤日前接受商台查小欣的《茶煲的查篤》訪問，大談與富商劉鑾雄的一段六年感情，該訪問昨日在節目中播出，現節錄如下：（查小欣：查　王穎妤：王）查：你曾經為左呢段愛情同爸爸（王見秋）關係搞得非常差？王：當初 ge 追求，完全係劉生主動，我 o係初期係拒絕左佢 ga ，但無論點都好，感情 ge 野好難講，佢係一個好 charming ge 人，咁我覺得好多野都令到我好感動，但係大家一齊 ge 時間當然有開心同唔開心，其實大家一齊左五至六年 ge 時間。查：你帶左幾份剪報，呢個對你黎講好有紀念價值？語帶哽咽：分開對我講係一個痛苦選擇王：呢 d 廣告曾經 o係我地分開 ge 階段，劉生 o係報紙上刊登畀我睇。（語帶哽咽）無論流過幾多淚，甚至乎犧牲左幾多、付出左幾多，只係我、佢，同埋我地 d 屋企人先至知道。其實我同劉生之間 ge 感情，帶畀我同我屋企人好多痛苦，當然亦有開心 ge 時間，但作為佢身邊 ge 女朋友，我忍受左好多，當然唔係淨係痛楚啦，佢都好清楚知道，所以到最後我係接受唔到繼續咁生活落去，而導致大家要分開。到最後 ge 階段，我承認係我提出要分開，對我黎講都係一個好痛苦 ge 選擇。 o係最後階段，我承認劉生好有誠意，好多次向我認錯，甚至乎希望挽留呢一段感情。但到最後都係接受唔到，因為我唔想我或者我屋企人繼續唔開心。我唔知我當時 ge 選擇係錯定 o岩，分手之後，劉生有好多次要求同我結婚。佢到最後作出過唔止一次 ge 求婚，而係四至五次，無論係佢自己向我求婚，或係佢屋企黎代佢求婚，甚至乎委託一位兩方面都尊重 ge 老人家鄭裕彤先生黎代佢作出呢個要求，可能好多人 o係果一刻都會好感動。激動痛哭：我 ge 付出金錢補償唔到王： o係後期佢親自送花、送左好多禮物，好多唔同 ge 求婚環節裡面，好多名貴紅寶石出現、幾百萬美金 ge 藍寶石呀，好多首飾同承諾，但係我本人好尊重愛情，我同劉生咁多年 ge 關係，從來冇牽涉到金錢上或者係任何禮物去導致我地一齊。（激動地哭訴） o係我決定左我唔可以接受佢求婚 ge 時候，所有呢 d 幾百萬藍寶石、鑽石，都歸還畀佢。好多人都覺得點解要畀番呢 d 野佢 je ？因為到最後我一定要嫁佢先可以要，但係我唔想再糾纏不清落去，劉生好清楚知道我 ge 真誠、付出，係任何金錢補償唔到所受 ge 傷害。查：為了愛情，你曾經自尋短見？王：冇人會知道 o係我同劉生一齊 ge 時候，曾經去到唔開心 ge 地步，食過八十粒安眠藥，係由我最好 ge 朋友送我入醫院，當時唔係劉生黎到醫院見我，而係我爸爸媽媽黎負責同我簽果張紙，叫醫生救我，我老年 ge 爸爸媽媽伏 o係我身邊，喊左成日。吞安眠藥：只係黎醫院望左我五分鐘王：但到最後我認為我心愛 ge 人去左邊度呢？原來只係 o係醫院望左我五分鐘就走，根本外界冇人知道呢 d 野。又有幾多人知道我同劉生 ge 感情之中，令到我同我父親、母親 ge 關係破裂，甚至乎有一年半時間，我冇同過佢地講過野。我同劉生相處左好幾年，起初當然會好開心，但到後期某 d 野我接受唔到，我都想有自己 ge 空間，我唔想日日同佢嗌交，所以到最後我想搬出黎住，唔係話唔想同劉生住，而唔想繼續成日有個摩擦。作為一個女仔，我都要有自己 ge 空間，嗌交 ge 時間我都可以去避難，有自己呢個地方， o係果個環境下，我買左呢層樓，而我對層樓都有付出過 ge 。至於點牽涉到我爸爸媽媽在內呢？其實 o係買左層樓冇幾耐之後，我爸爸發覺自己患左病 … … 查：你爸爸王見秋患有癌病？王：我知道左呢件事好震驚，好唔開心，尤其係 o係果段時間，我同爸爸媽媽為左感情問題已經冇來往，果時覺得好內疚，覺得點解 o係果年半、兩年時間冇返屋企睇我父母，冇去照顧佢。爸爸好好彩，做完手術之後好番，醫生同我地講佢好需要屋企人支持，因為當時兄弟姊妹都搬左出黎住，我好希望可以趁果段時間照顧番爸爸，果時又換新樓，可以等佢轉環境，又近我返工，所以我要求爸爸媽媽同我住，我叫左佢地好多次，我爸爸係唔想搬過黎，因為佢覺得我已經選擇同乜野人一齊，亦唔想干涉我，但係我三番四次要求下，佢地終於搬地黎同我住。獲父諒解：父親節我選擇陪劉生王：爸爸完成左化療後，佢唔想煩住我，亦都想搬走，我當然唔想啦！我覺得感情付出左好多，真係好多時間冇陪爸爸媽媽，甚至乎父親節當日（哽咽）我都選擇去陪劉生，但佢從來都冇介懷過。劉生都清楚我爸爸 o係某 d 方面唔接受佢，根本上係好少見面，除非一年兩餐飯，都係我好刻意去安排，食完大家講句 bye bye 就算啦。到最後我同劉生 ge 感情破裂之後，無論佢嘗試左幾多次去挽留，但 o係果一刻我已經決定左唔想再繼續。無論佢作出幾多承諾，無論佢會對我點樣好，我自己都有陰影，因為我經歷過幾年時間，我唔係唔相信劉生，可能我對自己冇信心，我覺得就算結左婚大家都唔開心。但係我都有 d 欣賞佢冇放棄過，有兩個月時間佢日日打電話追求，大部份時間都會上黎我屋企，寫字樓搵我，帶埋佢媽媽，咁最後我都接受唔到。因為我只係覺得好混亂，我記得有一次佢上黎我屋企，因為我話唔同佢結婚。寄語大劉：做唔成夫妻我都覺得好可惜我好記得我爸爸同佢講左一番話（哭著說）：「阿 Joe ，我個女為你付出咁多年，當然今時今日係話乜都會為佢做，但係我作為佢爸爸，只希望唔好只用口去講呢 d 說話，而係用實際 ge 行動去表示真心愛我個女。」佢講呢番說話 ge 時候，我媽媽不停喊。跟住之後，無論劉生鍾意定唔鍾意，佢一聽完就走啦！作為我父親，佢用眼睇左咁多年，佢只係畀左個提議畀我，就係自己用眼去睇，唔係人地用口講就代表佢會咁做，令我好深深感受到我應唔應該接受劉生 ge 求婚！我諗咁多年付出，到最後都冇結果，所以我好相信離開 ge 選擇係 o岩 ge 。我亦都想同劉生講一句話，我地今時今日做唔成夫妻，我都覺得好可惜，但係我希望 o係不久將來，佢可以體諒我當時拒絕佢求婚，我都希望將來大家可以做番朋友。

12-03-03, 02:00 PM	#17
岸邊露伴 God of Gamer 註冊日期: Nov 2003 文章: 9,402	鐵漢柔情肉麻情信曝光

12-05-03, 04:15 PM	#20
cinimod God of Gamer 註冊日期: Dec 2001 文章: 5,206	今日份份報紙都賣L君玩踢爆，真係峰迴路轉！

12-05-03, 09:37 PM	#22
Astaroth Moderator 上善若水註冊日期: Mar 2002 文章: 20,858 Astaroth_Tsz	佢地兩父女都咁難頂.... __________________ ■ ■ ■ ■ ■ ■ ● ■ ■ ■ ■ 學海無涯,回頭是岸

主題工具
顯示可列印版本郵寄本頁給好友
顯示模式
平板模式切換到混合模式切換到樹形模式