1
2 3 4 5 6 7 11
...
最後
大情大性武大帝 03:47 PM 02-24-15
兒時卡通結局之迷?
大家記唔記得,細個睇過既卡通片,最記得其實反而係好多都無睇過結局?有時係本身唔知幾點做,總之星期六下午,睇下又無太追,總之有就睇,無就算,有時你唔得閒睇,有時無線做做下突然變左第二套(其實無線好唔尊重小朋友。)
而家大左,有無諗住睇番結局,或者連名都唔記得?
我都有幾套的:
魔神英雄傳
當年係在暑假做的,但長到過晒暑假都未完,而我又返下午班,所以無線連續幾個暑假做,都無睇到結局…
魔動王
開創左最長出動時間,最型音樂,但我知記得左點解睇唔到結局
機動戰士再起風雲
即是「z高達」,都係無睇到結局,當年無線係放在六點做的(好似),每日一都趕返屋企睇,但好多時都趕唔切,返到去已經係片尾,加上睇唔明,當時唔明點解聯垹對自護,會變左奧干,有馬沙但無阿寶……主要都係睇唔到之後經典既「人類總要犯同樣既錯」…
聖鬥士聖矢
其實係咪未完架?當時唔知打到海鬥就完左,我只記得,阿典那被困在一條柱內,聖矢一等人,要打爆條柱,但點打都唔爆,最後聖矢整個人衝過去,終於大爆條柱,果個係咪結局?
我要衝線
即是「無人可以晌我前面架!」果套,又係睇幾集又無睇…結局係點架?
功夫貓黨
貓做主角,日本江戶時代但好先進的,當時我算鍾意睇的,但好係做兩做做左另一套無睇…
外星小美兒
完全唔知係咪果套,有兩邊劇情,一邊係講小細既人(?),另一邊就有病既女仔,個阿媽好惡既,而好小既人就成日坐一隻貓頭鷹,飛去探果個女仔………………
漂零燕
又係睇到阿燕由山區去到城市就無睇………
四驅小子
即是有架四驅車叫「地平線」,架地平線係可以贏真車的………結局係咪贏冠軍?
天眼急先鋒
靜係知個主角集手有舊發光既野………完…
六神合體
最鍾意既合體畫面之一,但諗諗唔知結局係點…
十六合一?
唔記得左幾多合一(或者正式既名),只記得好多架野合埋一隻,同埋做到中間地球係爆炸無左的…最後就唔知…
百獸王?
即是有五隻老虎合體一隻的,只記得玩具係好靚!
Unknown
諗左咁耐,最勁都係這套,因為連名都唔知。
劇情係咁的,話說,有個女仔,爸爸在南非開鑽石礦的,送左個女在英國的貴族學校讀書的,個女仔未黎,全間學校已經好緊張,又點整點整,個女仔黎到,係住最靚既房,食野係最好…
做多幾集之後,就傳來,佢爸爸在南非有意外去左,所以個女仔就無錢交學費,就由全間學校最巴閉果個,就變左妹仔…
而對我黎講,個劇情最勁既係,當個女仔做左妹仔之後,有一日有d貴族之類既人黎學校參觀,而學校覺得全間學校無一個「擺得上抬」,所以叫番果個女仔黎,著番d靚衫,坐番去果佢原本最靚果間房,「扮」番比d貴族睇…真係幾人性…
有無人知結局係點(都係個爸爸無事…),同埋個名係乜?
其實仲有好多,但幾乎乜都唔記得…(但如果係咁既話,我咪就係套套都無睇結局?)
咁你地有無呢?
作者: 大情大性武大帝:
兒時卡通結局之迷?
Unknown
諗左咁耐,最勁都係這套,因為連名都唔知。
劇情係咁的,話說,有個女仔,爸爸在南非開鑽石礦的,送左個女在英國的貴族學校讀書的,個女仔未黎,全間學校已經好緊張,又點整點整,個女仔黎到,係住最靚既房,食野係最好…
做多幾集之後,就傳來,佢爸爸在南非有意外去左,所以個女仔就無錢交學費,就由全間學校最巴閉果個,就變左妹仔…
而對我黎講,個劇情最勁既係,當個女仔做左妹仔之後,有一日有d貴族之類既人黎學校參觀,而學校覺得全間學校無一個「擺得上抬」,所以叫番果個女仔黎,著番d靚衫,坐番去果佢原本最靚果間房,「扮」番比d貴族睇…真係幾人性…
有無人知結局係點(都係個爸爸無事…),同埋個名係乜?
其實仲有好多,但幾乎乜都唔記得…(但如果係咁既話,我咪就係套套都無睇結局?)
咁你地有無呢?
莎拉物語囉,妖
最後有個印度僕人黎搵佢,話佢老豆留左筆遺產比佢,佢咪做返有錢人離開間學校,個好衰O既校長同成日蝦佢個同學見佢做返有錢人就呆哂,最後成班老友送佢坐船走
我成日都覺得伏魔小王子系有結局既
兒到我都好像未出世............
作者: 魔璃:
我成日都覺得伏魔小王子系有結局既
我係早幾年先知呢個事實
....
當時女角變大個+裸體好震撼/
\
由手機版發出
jamsquare 04:28 PM 02-24-15
作者: 大情大性武大帝:
當年係在暑假做的,但長到過晒暑假都未完,而我又返下午班,所以無線連續幾個暑假做,都無睇到結局…
好同情你
朝早無番播?
作者: J+1:
我係早幾年先知呢個事實....
當時女角變大個+裸體好震撼/\
由手機版發出
依家諗下伏魔小王子跟本就系一套B級Cult片黎 ..
d囡集集都少布, 唔著都有, 大波, 勾男人
跟住成日有怪獸食人場面, 甩手甩腳, 女人爛面 .........
mikemike 04:33 PM 02-24-15
作者: 魔璃:
我成日都覺得伏魔小王子系有結局既
漫畫有
動畫無
搭單問:
其實勇者系列係未勇者王之後就無喇?
亞洲套神勇飛鷹俠有冇做晒全部105集?
聖鬥士聖矢<==之後咪冥界篇....
無記有播
你話達爾大冒險有冇可能根據漫畫重製番?
jamsquare 04:42 PM 02-24-15
蜜蜂仔最尾搵唔搵得番老母?
作者: クラウド:
聖鬥士聖矢<==之後咪冥界篇....
無記有播
依家播緊oh my god第二期, 打到泰坦添啦
超音戰士
亞視播過三次
三次都睇唔倒開頭最後一次先睇到結局
另,近年先知幾個主角設定未夠廿歲
作者: Leaf:
你話達爾大冒險有冇可能根據漫畫重製番?
依家成日食老本真係有可能
由手機版發出
作者: jamsquare:
蜜蜂仔最尾搵唔搵得番老母?
搵到
細個果陣動畫專門係下晝3點幾播
叫d學生除左錄低放學睇之外都唔知可以點
返上晝班咪有得睇
達爾大冒險播左幾次都係去到佢老豆果度就完鬼左勁嬲...
大情大性武大帝 05:00 PM 02-24-15
作者: Rance:
莎拉物語囉,妖
最後有個印度僕人黎搵佢,話佢老豆留左筆遺產比佢,佢咪做返有錢人離開間學校,個好衰O既校長同成日蝦佢個同學見佢做返有錢人就呆哂,最後成班老友送佢坐船走
多謝!!!真係一解迷團…,
作者: Leaf:
你話達爾大冒險有冇可能根據漫畫重製番?
達爾大冒險係咪即是DQ2?
作者: ayato:
達爾大冒險播左幾次都係去到佢老豆果度就完鬼左勁嬲...
因為動畫版真係拍到呢度嘛....
一提到無播結局就一定會有人誤會達爾大冒險同伏魔小王子呢兩套無播結局...
以前我仲系返上晝班小學
返屋企做哂功課就開始睇動
當時會追既系變形金剛隱者戰士同z gundam, 跟住夜晚睇南光太郎
作者: anyone:
細個果陣動畫專門係下晝3點幾播
叫d學生除左錄低放學睇之外都唔知可以點
三點幾既係重播, 新既響兒童節目同兒童節目後先播, 好多年都係咁喎
我中學都係龜宅部一放學就番屋企睇動
由手機版發出