網 友 列 《 四 葉 草 》 九 處 抄 《 Touch 》

[ULTRASEVEN]

網 友 列 《 四 葉 草 》 九 處 抄 《 Touch 》
梁 芷 珊 ： 我 同 TVB 共 同 創 作


改 編 自 才 女 梁 芷 珊 小 說 的 春 青 劇 《 當 四 葉 草 碰 上 劍 尖 時 》 推 出 以 來 頗 受 歡 迎 ， 不 過 一 直 有 人 指 該 劇 抄 襲 日 本 漫 畫 《 Touch 》 ， 近 日 更 有 網 友 列 舉 九 大 相 同 之 處 。 梁 芷 珊 一 直 對 抄 襲 之 說 避 而 不 談 ， 昨 日 終 首 度 在 網 頁 上 作 回 應 ， 聲 稱 《 四 葉 草 》 是 她 與 無 共 同 創 作 ， 絕 無 抄 襲 成 份 。


由 2R 成 員 黃 婉 伶 （ Race ） 、 李 逸 朗 和 黎 諾 懿 等 一 班 新 人 主 演 的 無 電 視 劇 《 當 四 葉 草 碰 上 劍 尖 時 》 ， 乃 是 由 才 女 梁 芷 珊 同 名 著 作 改 編 而 成 ， 播 映 以 來 雖 口 碑 不 俗 ， 但 卻 先 後 被 指 與 台 劇 《 流 星 花 園 》 和 日 本 漫 畫 《 Touch 》 十 分 相 似 ， 近 日 更 有 網 友 列 舉 出 《 四 葉 草 》 與 《 Touch 》 九 大 相 同 處 ， 直 指 梁 芷 珊 有 抄 襲 之 嫌 。

抗 拒 ？
梁 芷 珊 封 鎖 留 言 板
近 日 不 少 網 友 在 網 上 議 論 紛 紛 ， 指 梁 芷 珊 的 《 四 葉 草 》 跟 日 本 著 名 漫 畫 家 安 達 充 十 多 年 前 紅 遍 香 港 的 人 氣 作 品 《 Touch 》 十 分 近 似 ， 故 事 同 樣 講 述 一 對 孖 生 兄 弟 同 時 愛 上 女 主 角 ， 弟 弟 運 動 成 績 比 哥 哥 好 ， 但 女 主 角 卻 比 較 喜 歡 哥 哥 ， 及 後 弟 弟 死 於 車 禍 ， 令 哥 哥 積 極 發 憤 ， 就 連 女 主 角 Race 在 劇 中 的 名 字 Minami 也 跟 《 Touch 》 女 主 角 相 同 ， 中 文 名 字 亦 同 音 ， 分 別 為 南 南 及 嵐 嵐 。
但 自 抄 襲 之 說 傳 出 後 ， 梁 芷 珊 卻 一 直 沒 有 回 應 ， 有 網 友 到 其 個 人 網 頁 留 言 板 上 反 映 意 見 ， 但 相 關 留 言 卻 無 故 被 刪 除 ， 其 後 梁 芷 珊 在 網 上 回 應 了 一 句 「 Touch 是 甚 麼 ？ 」 後 ， 更 將 留 言 板 封 鎖 ， 令 所 有 支 持 和 不 支 持 她 的 人 都 無 法 再 留 言 。 有 網 友 及 後 在 其 他 網 頁 上 發 表 意 見 ， 指 梁 芷 珊 的 反 應 及 所 作 所 為 無 疑 有 「 鬼 拍 後 尾 枕 」 之 嫌 。 網 友 又 指 最 搞 笑 的 是 留 言 板 封 鎖 後 ， 雖 然 網 友 無 法 再 留 言 ， 但 板 上 卻 離 奇 地 出 現 了 連 串 讚 美 《 四 葉 草 》 的 話 。


堅 稱 ：
多 年 來 沒 看 過 Touch
由 於 涉 嫌 抄 襲 一 事 愈 鬧 愈 大 ， 一 直 對 此 事 避 而 不 談 的 梁 芷 珊 昨 日 終 在 其 個 人 網 頁 上 首 度 作 出 回 應 ， 梁 芷 珊 寫 道 ： 「 《 當 四 葉 草 碰 上 劍 尖 時 》 為 本 人 與 TVB 的 合 作 計 劃 ， 於 本 年 三 、 四 月 間 ， 我 與 監 製 及 編 劇 開 會 ， 並 作 資 料 搜 集 … … 我 們 最 初 坐 下 來 洽 談 合 作 時 ， 電 視 台 方 面 已 有 了 初 步 故 事 人 物 、 角 色 關 係 、 角 色 人 選 、 故 事 大 綱 等 ， 他 們 希 望 我 可 以 加 入 『 像 小 說 般 的 浪 漫 元 素 』 ， 由 我 想 出 『 愛 情 線 』 ─ ─ 即 四 葉 草 傳 說 如 何 與 各 主 角 的 感 情 關 係 連 結 等 … …
「 在 創 作 過 程 中 ， 雙 方 都 不 時 加 入 不 同 元 素 ， 或 改 動 部 份 原 本 構 思 ， 共 同 創 作 的 過 程 很 長 ， 經 過 無 數 次 開 會 、 research 、 訪 問 、 商 討 、 電 郵 及 電 話 來 往 等 ， 其 間 我 從 未 聽 過 《 Touch 》 漫 畫 ， 多 年 來 亦 沒 有 看 過 《 Touch 》 卡 通 片 ， 而 其 他 參 與 故 事 創 作 的 人 ， 亦 沒 有 在 創 作 過 程 中 提 及 關 於 《 Touch 》 的 情 節 。 」

矛 盾 ！
單 獨 創 作 忽 變 合 作
梁 芷 珊 續 寫 ： 「 我 於 創 作 《 四 葉 草 》 時 ， 對 Touch 一 無 所 知 ， 並 無 抄 襲 之 意 ， 希 望 大 家 見 諒 。 如 引 起 任 何 不 滿 ， 在 此 致 歉 。 多 謝 告 訴 我 有 關 此 事 的 朋 友 ， 日 後 我 創 作 時 會 更 加 小 心 ， 亦 會 多 留 意 各 種 讀 物 ， 以 免 引 起 類 似 今 次 事 件 … … 」
雖 然 梁 芷 珊 在 留 言 上 聲 稱 《 四 葉 草 》 乃 是 她 與 無 共 同 創 作 ， 但 有 網 友 表 示 梁 芷 珊 早 前 曾 強 調 此 作 品 是 其 創 作 ， 故 指 其 解 釋 無 疑 是 前 言 不 對 後 語 。 昨 日 記 者 致 電 向 《 四 葉 草 》 監 製 錢 國 偉 了 解 時 ， 錢 國 偉 亦 表 示 劇 情 是 無 線 與 梁 芷 珊 的 共 同 創 作 ， 他 說 ： 「 其 實 愛 情 故 事 十 個 當 中 起 碼 有 三 、 四 個 係 講 兄 弟 情 ， 如 有 雷 同 實 屬 巧 合 je ！ 」

[Kaiser]

抄左就認啦......

其實除左將棒球換做劍擊之外
我覺得四葉草個故事同Touch係一模一樣...

兄弟情都有好多種寫法啦
係咪一定要咁寫先.....=.=

[ULTRASEVEN]

其實連個劇名都有抄襲成份，
"當四葉草碰上劍尖時"同"TOUCH"都好似，
碰上 > 接觸…

[★☆無 敵☆★]

呢D咪所謂"才女"lu,係度呃人水.....

[Hei Man]

呢套野做作到不知所謂...

唔知點解咁鬼多人(尤其係女仔)集集追...

[Jamie]

抄名呢下子的確好令人滴汗... 其實之前都比我提出左哪 ^^

[龍寶寶]

我好out,從來都未睇過四葉草:@_@":

[663]

who's 才 女 梁 芷 珊 ??

[龍寶寶]

Originally posted by 663 :
who's 才 女 梁 芷 珊 ??

梁芷珊

[神秘過客]

點解叫佢做才女?

[c_fu]

雖然我無睇哩套劇,
但睇番報紙講,
好似又太多地方相似wor

[ヴィタさんさんKS☀]

乜套野有人睇架咩?? /\?

抄...算啦,知道左又點

一個人有料無料明眼人一睇知啦

[Terry仔]

大佬啊!天下文章都係抄嫁啦!
如果要話邊個抄邊個,數到死都未數完.
雖然 套劇係好差(我覺得),不過都唔可以話抄.

[kaworu]

Originally posted by Terry仔 :
大佬啊!天下文章都係抄嫁啦!
如果要話邊個抄邊個,數到死都未數完.
雖然 套劇係好差(我覺得),不過都唔可以話抄.

agree
不過都可以改少少變自己野架
&then 唔好咁主要咁抄死一套

[kaworu]

[663]

我無睇過果套劇
但如果有人講晒上圖9點出黎
我會諗都唔洗諗就話Touch囉
如果真係有人抄晒﹐我只可以話抄得好蠢囉
因為果個就係Touch既大綱﹐甘樣抄出黎一定有人知架啦

BTW 我從來唔覺梁芷珊係才女﹐反而覺得拒無乜料。

[Ricky-S]

四葉草我無睇過唔知= =

[Jamie]

Originally posted by Terry仔 :
大佬啊!天下文章都係抄嫁啦!
如果要話邊個抄邊個,數到死都未數完.
雖然 套劇係好差(我覺得),不過都唔可以話抄.

只係佢抄得特別無品, 將人地條主線抄做自己套劇個主線...
抄得咁明顯比人發現到, 唔係套套劇都會咁
好似衝上雲霄其實個IDEA好明顯地係來自GOOD LUCK, 但睇落唔會好似四葉草咁不斷媽"又係抄啦"
可以話係高手同低手之分別咯

[cinimod]

Originally posted by Jamie :
...好似衝上雲霄其實個IDEA好明顯地係來自GOOD LUCK,....

點解已經話左衝上雲霄係拍先既，仲要話抄good luck呢？係咪只要係日劇就一定會俾人抄？

BTW，我覺得係一開始梁女士可能以為呢套野對像係d十幾歲既小朋友，諗住Touch heat已經係好耐之前，都無乜靚仔會睇過，諗住偷下雞啦.....

[藍忍一號]

佢都叫才女?
咁我都係才女啦

[阿高]

Originally posted by 藍忍一號 :
佢都叫才女?
咁我都係才女啦

出得書既就話才女
till

[ULTRASEVEN]

Originally posted by 妖子 :
呢套野做作到不知所謂...

唔知點解咁鬼多人(尤其係女仔)集集追...

可能係錯覺je，
套劇平均只得十幾點收視…

[Bleed Saga]

好雷同下

[JEREMY]

Originally posted by Bleed Saga :
好雷同下

巧合je
(如有巧合．實屬雷同 )

[majicman]

純睇Race ga ja!!