曼聯躉紅魔鬼地帶[VOL.95]各項賽事三連勝,入球眾數,重上正軌？

[Busconcamp]

#轉會消息

多蒙特體育總監佐爾克對辛祖傳聞表示：「我們過去確實與曼聯有聯絡。對於辛祖轉會一事，多蒙特要告知大家的都已經說了。情況於未來三天都不會改變。」

言下之意，多蒙特仍然企硬一億二千萬歐元要價，即使轉會窗完結在即，一毫子都不會減。

[Busconcamp]

馬達於聯賽盃對白禮頓嘅入球，係達叔自加盟曼聯以來第50球入球，亦係目前陣中曼聯球員入球累積數量第三名，僅次於馬斯亞及拉舒福特！

[Busconcamp]

馬達談到雲迪碧克的助攻：「這是一個非常聰明的助攻。他是一個很聰明的球員。我很喜歡跟他拍檔，因為他往往能夠找到很少的傳球空間，而且我喜歡他對足球的理解，包括二過一小組入涉、傳球及保持傳球速度而造成入球等等⋯ 你可見他永遠也在對的位置接應，他能輕鬆地用後腳傳球給我，我可直接用右腳射門入球。」

[Busconcamp]

蘇斯克查回應摩連奴的禁區曲線言論：「（就禁區的面積而言）我並沒有認真考慮這個問題，我相信對於記者媒體而言應該較為重要吧，因為我們也需要一點娛樂性的元素。摩帥在過往不時於球場上及記者會上為我們留下深刻精彩的片段。但作為一個射手，我個人其實並不太在意禁區有多大⋯當我在禁區內時，我就是要起腳射門入球⋯我們正處於不尋常的時刻，所以也有時候是需要一點樂趣的。那應該只是一些無心或隨意的評論。在我而言，摩帥是一個非常有魅力的教練及領隊，而我也享受於媒體中與他交談，亦享受看著他。他是一個喜歡勝利的人，但我就不是那些喜歡跟他玩智力遊戲的人。我完全尊重他作為教練以及他對足球的所有貢獻及成就。」

[Busconcamp]

蘇斯克查對於佩利亞外借拉素表示： 「拉素是一支大球會。佩利亞需要穩定的上陣時間。他上季有一個不錯的開局，亦踢了很多比賽。你可以看到他增強了自信心，球技亦有進步。但當我們簽下了般奴，他的位置就被取代了，因為般奴的影響力實在太大。我們認為這(租借) 是對佩利亞最好的選擇。」

[Busconcamp]

馬達於9月為曼聯上陣2場聯賽盃，結果交出2入球及1助攻，球隊亦順利晉級8強，同時達叔自己亦成為聯賽盃賽會選為此2場賽事的MOTM，理所當然成為曼聯9月最佳球員

[Busconcamp]

21歲的達洛治今天較早時間到達卡靈頓，與一眾隊友道別，逗留了約三十分鐘便離開。預計今天內便會飛抵米蘭完成體檢及簽約。

[Busconcamp]

歐聯分組賽抽籤完成後，曼聯10月即迎來2場分組賽，分別作客PSG同主場對萊比錫，仲要夾住場聯賽對車路士。

[Busconcamp]

奧脫福大屠殺　摩連奴破倒戈魔咒



英超Big 6大戰，曼聯後防主力喺主場接連出醜，雖然開波1分鐘先打開紀錄，但畀熱刺上半場連入4球反超前。曼聯仲有安東尼馬迪爾被罰出場，少打一人下，下半場再輸多兩粒，熱刺作客大炒6比1，領隊摩連奴自上季季中接手熱刺後，領軍4次鬥英超舊東家只得1和3負，今場贏波終打破倒戈魔咒。

開波30秒曼聯第一個攻勢已經獲得12碼，安東尼馬迪爾接應傳波於禁區被熱刺後衞達雲臣山齊士踢跌，球證直指12碼，波基斯費南迪斯一射中鵠，紅魔鬼先開紀錄。不過曼聯領先唔夠3分鐘就被追平，熱刺左路界外球開入曼聯禁區內，哈利馬古尼諗住頭槌回畀門將迪基亞點知唔夠力，搞到門前一片混亂，艾歷拜利同哈利馬古尼遲遲未能解圍，畀熱刺前鋒拉美拿搶甩，尼當比利後上快射破網追成1比1。

哈利馬古尼喺3分鐘後又出錯，佢喺中線附近推跌熱刺前鋒哈利卡尼，「哈神」一起身就快開罰球，曼聯成條防線先至如夢初醒，但今場復出嘅孫興民已經快速接應推入禁區，射破迪基亞五指關，開賽只係7分鐘，熱刺轉眼間反超前2比1。

28分鐘戰情又起變化，熱刺一次角球攻勢，安東尼馬迪爾同拉美拿互有推撞，馬迪爾忍唔住打咗拉美拿塊臉一下，球證安東尼泰萊直接畀紅牌趕馬迪爾出場，但慢鏡睇到拉美拿係先出手一個。少踢1人嘅曼聯於30分鐘後防又犯錯，艾歷拜利接應短龍門球後，喺自己禁區傳波畀熱刺球員逼甩，哈利卡尼射成3比1。

曼聯兵敗如山倒，37分鐘熱刺奧里亞右路交波穿過哈利馬古尼大細龍門入禁區，孫興民接應又射穿迪基亞大細龍門，梅開二度助熱刺遙遙領先到4比1，亦係曼聯英超史上首次半場畀對手入4球。

下半場甫開戰，熱刺又搵到曼聯缺口，50分鐘喺中場幾吓第一時間交波，再交畀殺入禁區嘅奧里亞後上射入成5比1。77分鐘再輸一個12碼，保羅普巴禁區內踢跌賓戴維斯，哈利卡尼操刀無甩拖，助熱刺6比1大炒曼聯。翻查紀錄，「寸王」自上季季中接手熱刺後，領軍4次鬥英超舊東家，包括曼聯及車路士只得1和3負，今次大炒紅魔終於吐氣揚眉。

[Busconcamp]

曼聯恐慌性收購　瘋狂連簽4星救亡



曼聯經歷英超1比6輸畀熱刺嘅恥辱性敗仗後，周一(5日)轉會死線日即爆「恐慌性收購」，一口氣宣布簽入4位球星，包括烏拉圭前鋒卡雲尼、巴西左閘阿歷士迪尼斯、科特迪瓦新星迪亞路查奧爾同烏拉圭新人柏利斯迪利，其中33歲老將卡雲尼據報更會著起曼聯傳奇7號波衫。

曼聯今個夏天買人唔多順利，查頓辛祖、基亞利殊等主要目標都搞唔掂，只係4,000萬鎊簽入荷蘭中場雲迪碧克，不過自1比6慘敗發生後，曼聯立即「的起心肝」連買4人。最矚目嘅新兵係烏拉圭前鋒卡雲尼，呢位老將同巴黎聖日耳門約滿後處於自由身狀態，今次簽約曼聯2年，周薪高達20萬英鎊。呢位前意甲同法甲神射手簽約後表示：「曼聯係世界最偉大球會之一，能夠為佢哋效力係一種榮耀，我休戰期間一直好努力練習，希望盡快為球隊上陣。」據報卡雲尼將會著起佐治貝斯、簡東拿、碧咸、C朗拿度等傳奇用過嘅7號波衫。

[Busconcamp]

真相！曼聯陷死亡之組堅有「人為因素」



英超勁旅曼聯今屆強勢再戰歐聯，粉絲梗係寄以厚望，不過抽籤結果真係「未如理想」，喺H組同巴黎聖日耳門(PSG)、RB萊比錫及巴沙克舒希同組。PSG係上屆歐聯亞軍、RB萊比錫就係上屆4強份子，呢一組被公認係今屆「死亡之組」。

抽籤結果出現後，大批曼聯球迷網上炮轟歐洲足協「造假」，尤其見到同屬第2檔次嘅曼城同車路士，「只係」抽入波圖同西維爾做種子隊嘅組別，令唔少曼迷遷怒負責抽籤嘅兩位前車路士球星杜奧巴同馬隆達。雖然幾乎每次大賽抽籤後，都有造假嘅陰謀論出現，但其實歐聯抽籤的確受「人為因素」影響，除咗球迷非常熟悉嘅「同國迴避」條例外，原來仲有一個「轉播潛規則」要遵守！

歐洲足協抽籤規例列明，佢哋應轉播商要求，如果同一地區有多過1支代表球隊參賽，球隊會被安排分開喺兩個賽日比賽，尤其係受歡迎嘅球會，盡可能唔會同一時間出賽，以免影響電視台收視。

以今屆為例，曼聯就「被配對」同利物浦分開踢，當利物浦被抽入位於「紅區」(A-D組)嘅D組，曼聯就只能夠去「藍區」(E-H組)，所以當第2檔次抽到曼聯嗰陣，明明當時係有C組(波圖)同H組(巴黎聖日耳門)兩個空檔，但曼聯因為要避開利物浦所在「紅區」，所以會直接進入H組，而C組就由同車路士配對嘅曼城進入。

電視台嘅「配對」係根據球會受歡迎程度同觀眾數量，好似西甲係由皇家馬德里同巴塞隆拿為一組、德甲拜仁慕尼黑同多蒙特一組、意甲係祖雲達斯同國際米蘭一組。英超點解唔係由「冠亞軍」利物浦同曼城一組？怪就怪曼聯太受歡迎啦！

[Busconcamp]

曼聯後欄失火　最有潛質新星被撬走



曼聯近日諸事不順，斟查頓辛祖觸礁，歐聯抽籤跌入「死亡H組」，估唔到近日仲「後欄失火」，被曼聯隊內視為新希望嘅17歲愛爾蘭學徒索托納(Deji Sotona)宣布離隊，並隨即改投法甲球會尼斯。

其實曼聯青訓系統不時培訓出好球員，現役嘅拉舒福特同格連活特都唔錯，至於呢位索托納年僅17歲，可打前鋒及翼鋒，被隊內視為明日新星，事關佢喺一系列測試中都造出時速22.9英里/36.85公里嘅驚人速度，係曼聯球會內部速度最快嘅球員。

咁好嘅球員曼聯都留唔住，原因係索托納覺得，繼續留喺曼聯唔會有上陣機會，因此拒絕曼聯出嘅3年職業合約，早啲離隊早啲出道。

最後索托納揀咗尼斯，該隊主帥正是與蘇斯克查同年代嘅死對頭之一、前阿仙奴球場韋拉，尼斯近日已官宣索托納加盟消息，今季睇法甲尼斯，有機會見到佢。

[Busconcamp]

曼聯英超最大敗 蘇B：最糟的一天



【Now Sports】曼聯在奧脫福被前帥摩連奴帶領的熱刺大炒6:1，平了球隊在英超最大敗的不名譽紀錄，領隊蘇斯克查坦言尷尬，願為此承擔責任。

曼聯以1:6被熱刺大炒，是該隊在英超歷來第4次輸5球，之前一次已追溯到2011年在曼徹斯特打吡負曼城。領隊蘇斯克查賽後說：「這是非常尷尬，所有球員都受傷害，作為領隊的我也受傷害。這是我最糟的一天。」 「我高舉雙手，願為此負上責任。我在曼聯輸過0:5，又輸過1:6，我們曾經大敗，之後總是反撲。」

雖然如此，他仍然樂觀面對未來：「我承諾會盡一切努力撥亂反正，我們知對手可以有多出色，但今天是我們犯錯，面對一支出色的球隊犯太多錯誤，就會受到懲罰。」

蘇B說是最糟的一天並不為過，撇開最大敗，這亦是曼聯史上第5次開季兩場主場英超連敗，對上一次是1986年，是費格遜還未上任的時候。此外，連帶今仗，紅魔歷來只有3次英超單場失6球。

[Busconcamp]

曼聯簽阿麥賣史摩寧

【Now Sports】曼聯在周一轉會市場關閉前密密出手，羅致阿特蘭大翼鋒阿麥查奧爾，但這名18歲小將將於1月才加盟。

阿麥查奧爾（Amad Traore）的轉會費為1900萬鎊，另加根據表現的1810萬鎊。曼聯表示於2016年已經開始留意這名科特迪瓦球員，所以就算他上季在阿特蘭大僅上陣3場，仍然出手收購。

另外，30歲中堅史摩寧終於如願離開曼聯，以1800萬鎊加盟上季以外借身份效力的羅馬。這名英格蘭國腳於紅魔的10年生涯中，上陣323場，取得18球，合共贏得2次英超、1次英足盃、1次英聯盃、1次歐霸盃。 報道指，史摩寧今次的轉會差點就未能成事，因為羅馬在意甲轉會窗關閉前僅60秒，才向意大利足總遞交全部所需文件。

[Busconcamp]

卡雲尼1+1投曼聯：渴望體驗奧脫福



【Now Sports】曼聯周一宣佈簽入自由身射手卡雲尼。

卡雲尼（Edinson Cavani）跟曼聯簽下1年合約，另外有續簽1年的選項，據知周薪為20萬鎊。「曼聯是世界上最偉大的球會之一，來到這裡是我的榮幸。我在沒有比賽時仍然非常努力，渴望為球會競爭。」

「職業生涯當中，我曾在最熱情的球迷面前踢球，我知道於曼徹斯特也會一樣。我急不及待地想體驗奧脫福的氣氛。我期待著繼續把自己的小故事寫進足球這本書，所以我的專注永遠都放在工作之上。」

33歲的卡雲尼曾效力巴勒莫、拿玻里等球會，合共上陣556場轟入341球，他於巴黎聖日耳門效力的時間最長，披甲301場，以200球成為PSG史上入球王，今夏約滿離隊。

[Busconcamp]

迪利斯入「魔」：我的榮耀



【Now Sports】曼聯周一宣佈由波圖羅致左閘迪利斯，據知轉會費為1500萬歐元，另加300萬歐元流動條款。

迪利斯（Alex Telles）簽約曼聯4年，另外有加簽1年的條款，「能夠加入一間如此具威望的球會是我的榮耀，你必須努力才可以達到這個成就。我可以保證將會盡力取得成功。我在波圖贏得很多獎盃，我想在曼聯繼續下去。」

領隊蘇斯克查則表示：「他是一名我們留意已久的球員，他近年的表現正是我們所尋找的。他是一名戰士及勝利者，將可以為球隊帶來決心及競爭。」

27歲的迪利斯於巴甲出道，2013年入選巴甲年度最佳11人，翌年登陸歐洲球壇加盟加拉塔沙雷，曾於2015/16球季外借至國際米蘭。2016年，迪利斯加盟波圖，贏得2次葡超冠軍。

[Busconcamp]

高爾：卡雲尼可當新伊巴

【Now Sports】曼聯名宿高爾認為，新兵卡雲尼可以成為紅魔的另一位伊巴謙莫域。

卡雲尼（Edinson Cavani）以33歲高齡加盟曼聯，高爾（Andy Cole）對他投以信心一票：「我希望他能像伊巴謙莫域一樣成功。我和伊巴相處了一段時間，他對自己充滿信心，同時能夠帶動整支球隊。」 高爾承認曼聯最需要的是中堅，但同樣需要卡雲尼這樣的高效射手，「我看過他在巴黎聖日耳門的比賽，他攻入很多高質素入球，這正是曼聯所需要的，曼聯一向喜歡可以破門的人。」 「馬斯亞還是個嬰兒，仍在學習踢9號位。我們都知道他是一名多麼優秀的球員，但另一方面，他有點不穩定。很多曼聯球迷都希望看到他每個星期都能夠交足功課。」高爾補充。

[Busconcamp]

曼聯青年軍傳加盟愉園 一度放棄足球做地盤工



【體路專訊】港超聯榜末球會愉園昨日（4日）宣布簽入一名外援球員。雖然會方並沒公布確實人選，但原來有足球中介公司早在3個月前已經爆出，曼聯青訓產品查理史葛（Charlie Scott）已與愉園簽約。現年23歲的史葛年內曾接受英國傳媒訪問，提及當年離開曼聯後一度沉淪，更試過放棄足球轉做地盤工。

愉園昨日在社交網站發文，談及在應付復賽期間已為來季做準備，並已為新外援申請工作證。愉園指新援已經到港並正接受隔離，待隔離完畢就會公開新援身分。不過愉園在發文同時貼出新援的剪影，配以曼聯主場奧脫福球場的看台作背景，並寫下「#圖有玄機」，令球迷猜想新援與曼聯有關。

不過愉園新援身分原來早在3個月前已經曝光。外國足球中介公司433 Football Management 7月已經公布，曼聯青訓產品、出任中場的查理史葛（Charlie Scott）已經與愉園簽約加盟。這名23歲球員在青年軍時代曾與現時曼聯主力拉舒福特及麥湯文尼等做隊友，兩年前被曼聯外借到蘇超球隊咸美頓半季後被放棄。史葛隨後轉投英格蘭第五級聯賽球隊Altrincham F.C.，亦曾效力第八級聯賽的Newcastle Town F.C.。

史葛今年曾接受英媒《太陽報》訪問，透露自己被曼聯放棄後一度沉淪，抑鬱之餘更染上酒癮賭癮：「即使人們不是真的這樣想也好，我總覺得外界把自己與失敗劃上等號，一直被這想法纏繞着。」幸好史葛其後獲拉舒福特等好友開解，去年底開始到地盤工作兼繼續追尋足球夢。

[Busconcamp]

迪比利拒絕曼聯　真相原來係咁



曼聯在轉會死線日連簽4人，但都冇巴塞隆拿嘅奧士文尼迪比利，交易在最後一刻剎停嘅主要原因，出在該23歲法國前鋒身上，消息指曼聯未有就正選位置給出承諾，導致迪比利轉軚拒絕，令轉會流產。

在曼聯斟介查頓辛祖觸礁後，奧士文尼迪比利成為另一目標，報道指雙方近日已斟妥個人條件，曼聯願意支付迪比利在巴塞嘅薪資，並同意先借後買，巴塞更將轉會價減到6000萬鎊，可以話係大平賣。

交易去到臨門一腳撻Q，原來又係迪比利扭計，由於曼聯未有承諾給出一個正選位置，迪比利於是拒絕轉會，最終交易告吹，曼聯最後簽入卡雲尼，但巴塞就要繼續留住迪比利，無法簽入荷蘭國腳迪比。

[Busconcamp]

最後機會！英超球會仲有10日掃貨？



歐洲轉會市場已經完結，不過對於一眾英超球會嚟講，如果覺得陣容未算齊整，其實仍然有10日時間可以「撥亂反正」！疫情影響下嘅新轉會窗，英超球會嘅「歐洲窗口」喺10月5日完結，但原本仲有一個「英國窗口」喺10月16日先至結束，呢個「加時轉會窗」容許英超球會同英冠或以下級別球會進行交易(英超同英超球會之間禁止交易)。

有阿士東維拉買奧尼屈堅斯嘅成功例子，相信唔少英超球會都對「英冠兵」增加信心，事實上目前有多位英冠球員受到豪門賞識，最受歡迎當然係「諾域治3寶」貝安迪亞、簡威爾同麥斯艾朗斯，20歲右閘麥斯艾朗斯之前受到拜仁慕尼黑同巴塞隆拿斟介，轉投豪門係遲早問題。

另外，般尼茅夫中場大衛布魯克斯同前鋒約舒亞京治、賓福特翼鋒賓華馬、屈福特前鋒迪尼等都屬「英超級」球員，未來10日仍然有機會畀英超球會收購。

[Busconcamp]

活華特已聯絡普捷天奴　蘇斯克查危殆



曼聯經歷主場1比6大敗於熱刺之後，領隊蘇斯克查嘅命運似乎出現變化，英國傳媒報道，會方高層活華特與無業狀態嘅普捷天奴取得聯絡，此動作意味蘇帥情況危殆，假如曼聯嚟緊嘅魔鬼賽程有乜冬瓜豆腐，就會隨時換人。

今夏轉會窗關閉前，曼聯一口氣簽入4名球員，雖然未必係蘇斯克查心儀球員，但曼聯已再無藉口，英國《鏡報》報道，曼聯大敗後，管理層對蘇斯克查領軍手法有所懷疑，事實上熱刺在比賽尾段已手下留情，球證亦鬆手，否則曼聯會輸得更慘。

經過一輪恐慌性收購行動，今個國際賽空檔將會係蘇斯克查最後機會，一般估計，曼聯管理層已啟動B計劃，假如球隊在10月中聯賽重開及歐聯分組賽開戰無法取得令人滿意成績，普捷天奴將會隨時頂上。

[Busconcamp]

【有片】真隊長！馬古尼撐拉美拿唔使紅牌



曼聯上場聯賽主場1比6慘負熱刺，前鋒安東尼馬迪爾早段被逐係關鍵，呢次事件亦引起極大爭議，安東尼馬迪爾報復性打拉美拿，食紅牌係罪有應得，但唔少球迷認為拉美拿先開肘打人，絕對值得一齊食紅牌。勢估唔到，成個過程企埋一邊食花生嘅曼聯隊長哈利馬古尼，堅係覺得球證判決合理，真正做到「幫理不幫親」。

即睇【馬古尼福仔場上對話】：https://bit.ly/3nx7nPF　

近日網上瘋傳「紅牌事件」嘅收音影片，當球證趕安東尼馬迪爾出場後，拉舒福特即刻質問球證：「(拉美拿)嗰肘冇事？」球證隨即向拉美拿出示黃牌，拉舒福特再狙擊：「點解？(打人動作)根本就一樣！」呢個時間馬古尼突然搶答：「(拉美拿)呢一下唔係暴力行為，佢哋已經Check過。」仲未死心嘅拉舒福特再話：「拉美拿開肘打佢(馬迪爾)呀！」馬古尼亦嬲嬲地回應：「佢哋Check過，唔係呀！」

[Busconcamp]

羅美路冇得踢又冇得離隊　愛妻大控訴



曼聯門將羅美路今季由2號再退一步變成3號門將，上陣機會渺茫，佢一度求去希望轉會去愛華頓或其他球隊，卒之等到轉會窗關閉都唔成事，羅美路都冇嘢好講，但佢老婆就戥老公唔抵，喺網上留言控訴。

羅妻在網上留言話：「羅美路為球會歇盡所能，對上一個獎盃都係由佢舉起，佢幫曼聯4次打入決賽或4強，但依家就要長坐冷板，佢哋應該留機會畀羅美路，畀佢走啦，尊重下啦。」

羅美路2015年加盟曼聯後，一直係迪基亞嘅副手，亦係盃賽門將，但今季多咗甸恩軒達臣，羅美路再無上陣機會，但又無法離隊，真係灰。

[Busconcamp]

因一件事！卡雲尼自爆幾乎返鄉下耕田



烏拉圭前鋒卡雲尼喺轉會窗關閉前，最後時刻加盟曼聯，獲得20萬鎊周薪，仲可以着「傳奇7號」球衣，但原來佢成「魔」之前，因為發生一件事，幾乎要掛靴返鄉下耕田。

卡雲尼話：「當女友確診新冠肺炎之後，我曾經考慮結束球員生涯，因為家人健康永遠都係排第一，我全家同女友都受到新冠肺炎影響，幸好我哋康復得好快，所以來到曼聯。我真係諗過唔再踢波，返回鄉下過住田園生活。」

不過，卡雲尼認為好多事情係命運嘅安排，最後都係決定重返球場，並對於可以着到曼聯7號，感到非常榮幸。

[Busconcamp]

曼聯簽卡雲尼冇錯　最錯係畀佢着7號



曼聯喺轉會窗關閉前最後一刻，簽入烏拉圭著名射手卡雲尼，紅魔鬼球迷都好期待呢位神鋒演出。不過，曼聯似乎對佢太有信心，宣布將帶有魔咒嘅「傳奇7號」球衣交畀卡雲尼。眾所周知，自從C朗離隊之後，7號繼承人都冇乜好結果，曼聯今次真係害人害己。

C朗2009年離開曼聯後，名宿奧雲接過「傳奇7號」，佢當年並唔係正選，各項賽事上陣52場入17球，已經有交代。

之後右閘路爾斯華倫西亞恃住當選球隊2011/12年球季最佳球員聲威，改着7號，但之後表現走晒樣，只係着1季就改着番25號。

其後曼聯3位7號仔迪馬利亞、迪比、阿歷斯山齊士情況更加慘淡，同樣由事業高峰急插水。「後C朗時代」曼聯7號球員合共上陣222場，只入34球，卡雲尼今次着咗7號，莫非前途真係似咁。



「後C朗時代」曼聯7號球員

奧雲上陣52場入17球

路爾斯華倫西亞上陣40場入1球*

迪馬利亞上陣32場入4球

迪比上陣53場入7球

阿歷斯山齊士上陣45場入5球

*只着1季