[美劇] Disney+ 消息討論區（請守劇透手則）— 將軍第九話

[呂鳳仙]

唯一串聯

應該到DS2嘅關聯都係本魔法書，可能SW用天才波都搞出幻想世界，宜家學識埋禁忌魔法就搞出平行世界，令DS要出手糾正佢，白Vision睇怕係去出家一排就會返嚟同SW團聚。

蜘蛛仔3我都唔期望了，可能八爪魚博士、電人、綠魔又係啲(壞)人有相似劇情，根本同上2輯蜘蛛仔電影冇關，更唔期望3堂蜘蛛仔同堂，就算會真係同堂都唔期望係同一角色

[420secured]

btw 睇番Doctor Strange 1

「We harness energy drawn from other dimensions of the Multiverse to cast spells, to conjure shields and weapons, to make magic」- Ancient One

即係本身MCU設定用得Magic就係有 Multiverse

依家Wanda正式成為傳說中會毀滅世界的Scarlet Witch + 手持Darkhold努力學習/入魔 + 傷痛會讓佢暴走，呢個大方向真係唔洗有奸角都已經係一套電影的大橋

[Eking]

....

WV做完....要等FW了, 不過講左咁耐D人係咁吹套野係開放X-MEN, 最終係乜都冇....講真而家明證言順講WANDA能力係MAGIC, 覺得變種人可能同F4有關係多D, MCU始終同漫畫唔同, 要睇編劇點寫~

覺得MCU Multiverse唔係好似之前SPIDERMAN咁另一個地球概念, 而係好似DS1咁另一個空間, 例如魔鬼, 天使, 或者吸血鬼

[肉羊哩咖]

WV 總結：中上

好：

• 創新：除咗尾之外，都叫做唔跟「公式」玩，到處「審」啲謎，「懷舊」喜劇可惜唔係全世界都識。
• 演員：兩位主角，尤其 Elizabeth Olsen 演唔同角式，真係好戲，連 Paul Bettany 嚮之前啲片，得罪講句無乜突出嘅，呢度都好發揮。Kathryn Hahn 極搶戲，連閒嘅 Randall Park 同 Kat Dennings 都唔錯。
• 主角：其實一直唔係咁（識）欣賞 Wanda 同 Vision 呢一對，連重睇 A:IW 都飛佢哋開頭嗰段 -- 直到隊長出場，呢度令本人改觀咗好多，尤其對 Wanda 寫得好細。

唔係咁好：
主要都係劇情方面 --

• 節奏：去到第三話先嚟爆，都係嗰句，開頭如果一次畀三話好啲；最後有啲地方有灌水之嫌；慢得滯。
• 甩漏：有唔少嘢提咗無咗件事，搞到唔少嘢唔通 -- 好似嗰位失咗踪嘅「証人」，第二話嗰個「養蜂人」，第一話出場嗰位老闆等等，你可以拗話係小節，但係夾埋下面啲嘢，個問題放大咗。
• 誤導：唔好講戲外同咱們 fans 啲「一廂情願」嘢，留咗好多彩蛋，仲有啲「廣告」～好多無發揮落去，結果令人好失望，本人情願啲編劇用其他嘢代替好過。如果佢夠胆嘅，呢部可以真係開到 Phase 4，不過暫時睇，都係未夠力。
• 犯駁：搞出咁大件事，連對受害人道個歉都冇，唔好話要「有誠意」嗰隻喇；另一邊，既然一個無咁強大嘅人都聞到陣除嚟到，反而另一個已出咗場嘅大人物居然連影到無。

------------

F&WS 3 月 19 號上。

[Eking]

想問下, F&W係幾多集?

[王小虎]

6集，每集一個鐘。Kelvin Feige話每套MCU劇都係大約或少於6個鐘內容，但每套劇集數同長短可自由，容易控制budget同質素。

講開budget，曾傳聞話WandaVision每集25 mil，遠超Mandalorian每集15 mil，有冇覺得唔知啲錢洗咗去邊？

[Eking]

人身上....XD

[呂鳳仙]

作者: 王小虎

6集，每集一個鐘。Kelvin Feige話每套MCU劇都係大約或少於6個鐘內容，但每套劇集數同長短可自由，容易控制budget同質素。

講開budget，曾傳聞話WandaVision每集25 mil，遠超Mandalorian每集15 mil，有冇覺得唔知啲錢洗咗去邊？

曼達洛人睇製作特輯講，試驗性質採用全景LED螢幕舖滿成個片廠+最新unreal引擎畫出啲星球表面嘅山山水水大草原。
監製happy仲話呢種拍攝技術減少好多後製成本，唔駛特登打燈set鏡頭(背景畫面跟住鏡頭移動)，演員又終於知道身處環境狀況，唔駛對住藍幕做戲，代入感大增。

好似話收得日後會建議迪迪尼更加多使用呢種技術

WV應該仲用緊之前MCU電影嘅拍法？
家庭戲用實景拍攝+打鬥就藍幕吊威也？
仲有西景鎮不停變換時代場景個啲特技可能都駛唔少錢⋯⋯
（其實我唔知，未揾到WV製作特輯睇）

[肉羊哩咖]

數則：

1. 回上，WV 製作特輯今個星期五上；之前 Marvel 個你管都有啲料漏過好少好少出嚟；而第 8 話某一場，正正係之前某話個廠景嚟。

2. 筆蓆呢家嘢，睇後面邊個係老細就知～ 以 Kevin Feige 個往績紀錄，照理好有權。Marvel Studio 噉嘅筆蓆當然有人都好想要～ 講緊滴住嚟旗下某子公司～

3. 呢兩日滴住嚟有股東大會，宣稱 D+ 訂戶人數已經過億。

4. 當中有兩位股東「上台」發言：一位問 Gina 事件，有冇「黑名單」同埋係咪「選擇情執法」；另一位直頭問會唔會炒 KK。CEO Bob Chapek 打「官腔」一一「洒走」。個人諗，就算 Chapek 真係幾唔老嚟 KK 都好，都唔會公開噉樣數佢，啲股價有咩依郁佢唔好話唔身㾗。
https://deadline.com/2021/03/disney-...us-1234710139/

5. 講開 Mando 啲特技，可以睇第二季個製作特輯，絕對唔止 LCD 背景咁簡單；另，有啲好以平平無奇，好似某話撈起隻船嗰度，原來大有文章：
https://www.youtube.com/watch?v=2Wmocp4iHvA

[王小虎]

Budget同出嚟的效果睇唔到，睇翻Doctor Strange，啲CG構圖真係好癲，咁先係魔法囉。Doctor Strange玩魔法係不斷玩新招，同一個玩法好少出現多於兩次，玩inception，玩teleport，比tenet更早玩時間倒流，玩cloak of leviation，又好睇又好笑，但WV的魔法就係不斷對掌，射死光... 劇情喺一直舖排下原來咩都係假的，Ralph "Boner"...，成套劇就係最尾一場打鬥，都係要咁悶唔怪得人比成季最低分的一集。

聽講每套劇的budget大約100-150mil，Doctor Strange都好似係165mil，好多phase 1戲都係大約150mil。

[Eking]

其實又唔覺得怪, WANDA其實未正式學魔法 (冇理由九頭蛇九有人教佢?), 基本佢只係靠自己/力量本質去用, 佢自己都唔知略樣用到好似DS咁....

[肉羊哩咖]

幕後 showrunner 同導演解咗部份未解嘅謎／甩漏：

包好先⋯⋯個頻道講明係戲透～

但仲有啲要靠腦補／斷估／下一部電影。

[Dangerous-boy]

對《汪達幻視》結局不滿意？導演坦言：疫情讓劇情發生變化！

[鐵之侍]

作者: Dangerous-boy

對《汪達幻視》結局不滿意？導演坦言：疫情讓劇情發生變化！

真的有人直接寄信罵導演「還未從ironman3 的滿大人得到教訓嗎？！」，結果本人就是這是ironman3中他最喜歡的情節(即是他是故意這樣做)


Xxyyxxx真是馬上想爆粗口

[肉羊哩咖]

唔好勞氣～ 睇咗算，佢之後電影補完返都算，唔係 -- 可以點？（唉）睇咗製作特輯，唔似 The Mando 咁有咩好特別嘅嘢，係第一話真係有現場觀眾睇即場演出！導演係演處境喜劇童星出身，整呢套劇好有心，由場景到特技到音樂同場景都係認真致意嘅心態，唔係玩「解構」。

另： 有評論睇咗 F&WS 第一話，話動作連場，起碼預期都會 OK -- 掛？

[王小虎]

好似現場藝術咁，連觀眾啲櫈都係舊，好似叫觀眾著老西戲服扮六十年代人，燈光、攝影器材用舊式或扮舊式，做返舊時感覺，我覺得好執著，同套Mank有得比吓，Mank的拍法都係明顯用舊式電影拍法。

有啲拍攝場地係Disney的，但有啲唔係而係華納的Warner Ranch或其他，要比租的，所以話要短時間內完成，佢話要一日內拍完最後一幕，但同時因為魔法要換唔同時代的佈景。
https://dapsmagic.com/2021/01/the-hi...f-wandavision/

好多都唔係綠佈景前拍，甚至打鬥都係外景，兩隻吊臂吊起兩個人，出嚟效果係好啲（好多其他電視劇拍出嚟會覺得假少少，例如CW啲劇）。

Falcon都有講佢哋成隊工作人員去捷克拍外景，又係好燒錢。

[C.Ryo]

睇咗Wanda making, 見到係幾有心拍，可惜結果個尾平平似乎令之前啲心機有啲白費咗，又冇播番之前話有嘅deleted scene, 都冇得平反㗎啦，let it go, let it go〜

等睇HeHe算啦

[肉羊哩咖]

多咀：副導教啲觀眾要做反應，睇個款前一兩排似預留咗畀「特別人仕」（老臨？），導演仲問過 Dick van Dyke 本人，佢當年點拍啲劇做參考；配色仲要求調到當時期嘅電視觀眾睇到嘅效果，轉黑白唔係咁簡單，特技指導要做嘅第一樣嘢：為咗 Vision 個頭黑白畫睇出嚟似返原色，拍嗰陣個用嘅係一種特別嘅藍色～

最衰係一粒老鼠屎～

[肉羊哩咖]

樓上老細一講，走去睇多次 DS，個「香港」景，效果正過 Tenet，開頭有度仲有 200q1: A Space Odyssey 嘅味； 不過有少少嫌拖，講打天才波，呢度講得好啲。

傳 F&WS 一話要成 250M 之譜。

[肉羊哩咖]

F&WS 最終預告，參上！

[肉羊哩咖]

唔記得咗美國行緊夏令時間，冇咁準時睇～

開頭動作比 WV 最後場大戰精彩，有返 CA2/3 啲格局，後面半粒鐘慢返，主要交待返兩位主角嘅生活事，WS嗰度幾慘吓，同埋舖排主要奸角。有兩個幾大嘅客串出場。呢個幾緊接 Endgame 嘅故仔，原本用嚟打頭炮應該係噉。未睇晒好難畀分，作為 MCU 迷呢個應該收貨。

[王小虎]

時間都係WV先，同埋Vision條屍點處理係逼切啲。Blip好多現實問題要慢啲浮面，好多人失業，經濟唔好，對照現今世界都有相似。唔肯定Flag Smasher係咪影射Antifa，都有可能。

開頭十分鐘真係勁。

[C.Ryo]

開波爆谷好味過WV, 入正場就玩番build up characters路線，似乎內容應該會比WV豐富咁

[鐵之侍]

比起旺達幻視這方真是真正大製作，初段已是電影級數了


5年的消失期真是帶來很多麻煩，看到獵鷹和冬兵因為過去帶來的痛苦也是傷感


果然政府做事就是厚顏無恥

[肉羊哩咖]

• 老細應該記得，呢套原本係接 Black Widow 電影，亦係 MCU D＋ 系嘅頭炮，個型格似足；MCU咁大，講嘅嘢可以好多瓣數，所以轉 WV 做開頭無話唔得，只係想像一下，如果照住原案咁安排，而個頭係呢話咁，電影級數嘅動作，可能會悅目啲咁啫。
  
• Falcon 直入直出直昇機，好似成為招牌～
  
• 話事話，無交待清楚開頭班壞人背後個目的係乜，純粹為錢？
  
• 今話成粒鐘咁滯，一啲唔覺得長。
  
• 文戲係慢，但好鬼感性，尤其 Bucky 嗰段。
  
• 搵命摶，拯救世界原來係無錢收，只係有餐食有瓦遮頭，都幾唔抵～
  
• 今話都仲可以，之後拜託拜託，唔好再玩咁多年齡嘅笑話。