《全民造星》系列討論區

[IDGAF]

作者: 昏迷童子Sleepy

你指佢定全員?......

睇真d佢地個channel logo又仲係原本果個......
咁即係點......
點都好...肯定0既係今次實驗完全失敗......

P.S. 係咪quote錯文......

覺得評判對EP 9的入圍者都有少少過譽咗,
不過,節目旁述都補充咗其實當時個節目一直錄咗12個鐘去到凌晨3點幾,
可能評判同導師被之前一堆低水平表演疲勞轟炸完,
見到一班合格線以上的表演者就癲到要玩搶人才…
豹哥有少少失態,但真人Show嚟講係必需的。

係臨訓無check quote錯文已更正,thx~!

[昏迷童子Sleepy]

大起大落......
今晚全軍覆沒......
導師衝出黎救人都救唔番......

[昏迷童子Sleepy]

之前冇睇資料...原來今次有殖民星住民黎參戰......

之前救人不成之後又俾人質疑賽制......
結果今晚出個等足十幾個鐘依然保持高汁演出......

靠樣果三個全部fail......
木村同馬拉AK都仲叫有得響復活區等下......
淨番果個真係除個樣外冇瓣掂...收工......

P.S.
呢一代參賽者似乎真係唔多識JPOP係乜......
見到木村叫佢唱LA LA LA LOVE SONG......
究竟佢知唔知其實LA LA LA LOVE SONG主唱唔係木村......

[IDGAF]

近幾集d參賽者咩事?
又阿哥窒息死、阿爸變植物人咁,
鬥身世慘大會…

以前睇美版The Voice d參賽者都好興同評判講屋企有末期病人,
希望佢睇到自己係舞台發光發亮乜乜咁,
咁評判比佢入咗到個節目邊拍邊播出街個病人好多時都走咗,
之後個參賽者又無咗光環咁好快比淘汰,
所以賣慘呢招唔用好過用。

[IDGAF]

下集60強正式誕生~!

今屆少咗人三紅直接出局,
個復活區咁多人可以玩多輪比賽。

今集最尾介紹果位86號 "粗"Lewis個樣好鬼似"力王"樊少皇…

[昏迷童子Sleepy]

作者: IDGAF

近幾集d參賽者咩事?
又阿哥窒息死、阿爸變植物人咁,
鬥身世慘大會…

以前睇美版The Voice d參賽者都好興同評判講屋企有末期病人,
希望佢睇到自己係舞台發光發亮乜乜咁,
咁評判比佢入咗到個節目邊拍邊播出街個病人好多時都走咗,
之後個參賽者又無咗光環咁好快比淘汰,
所以賣慘呢招唔用好過用。

所以可否理解為招海外參賽者結果連呢d惡習都招埋番黎?(誤)......

上季有夜露死苦Sica...今季連殺陣都出埋......
尾二定尾三()果件串到...講到想衝出去打班評判咁款......

另...今日係第幾個小心地滑......
唔好話評判...本童子都開始審美疲勞......

[昏迷童子Sleepy]

本童子當日其實更加期待0既造星4B團 A.K.A. DOLLAR(仮)......結果要咁先有機會睇......

[昏迷童子Sleepy]

Round2又做乜事......
有親大熱門在陣果隊都仆......

尾場出呢D......
而家搞到王鋒好似勁賤精咁款......

[昏迷童子Sleepy]

40強確定......
例牌又係一大班觀眾媽叉0既時間......

阿澤咁就出局...同時亦都等同一手推王鋒落地獄......
咁...照本童子睇可以叫WinWin買定香檳都得喇......

今round藍組狂搵外援......
C all Star兄弟相殘......

[昏迷童子Sleepy]

待救不如自救......

全民造星5｜王鋒出Post解釋改舞步原因　為魯莽致歉但否認跣阿澤
撰文：金秀玲
出版：2023-06-14 20:20
更新：2023-06-14 21:14

《全民造星5》中，王鋒被阿澤指控擅改舞步的風波，發酵近一星期，成為眾矢之的的王鋒一直未有為事件解畫及拆彈，而今日（14/6）下午他終於撰長文道歉及解釋事件，否認要「跣」或「害」阿澤，並否認前兩日播出的「鬆一口氣房」解釋片段係補拍。

《全民造星5》上周三播出的一集，Dance Battle環節後，紅組「蕾安多芬」B組的參賽者阿澤指控藍組「Fung莎星辰」A組的王鋒，明明原本夾好了一些動作，但王鋒臨時變陣令他不懂反應，由於兩人本身分屬好友，網民即鬧爆王鋒為爭勝出賣兄弟，更為他改了花名「王鋒尾後針」。

該集播出以來，王鋒未有現身解畫，網民於是繼續鬧，至前晚（12/6）阿澤被淘汰，節目組亦播出了王鋒的解釋片段，他說：「可能我今Round第一次做隊長，嗰一下自己覺得身負重任，所以喺同佢一段舞臨時改動少少舞步，我之後Keep住有同佢講返對唔住，呢度都想同阿澤講多次對唔住。」不過，網民就指王鋒身穿的服裝、髮型與Dance Battle不一樣，質疑ViuTV近日為「補飛」才找王鋒補拍。

到今日（14/6），王鋒終於在IG上水，貼上多張黑白表演相，並撰長文回應事件。他先向各位致歉，指知道這星期有很多不同的聲音，亦影響了不少單位，他解釋：「我必須承認因自己的衝動，在表演中下錯了判斷。以下的文字不是想要狡辯，我只希望讓大家知道當時的情況或我的想法。是次dance battle的freestyle部分，作為隊長並專長跳舞及freestyle 的我，自己也是臨時即興，一心希望能為團隊挽回多一些機會，而且以為它是freestyle 部分的最後一下動作，所以當刻才不以為然。我並非有想『跣』/『害』對方的想法，但因我的魯莽影響到別人，我難辭其咎。」

他透露在排練及踩台綵排時，夾好的動作都頻頻意外失敗，加上他身體抱恙，所以當初在構思動作時，他曾主動向排舞師及其他藍組紅組隊員疑問過該動作，並建議作出改動，但他未能提出更好的解決方案，所以他為事件發生感到責無旁貸。

至於被大眾爭論是「補拍」的解釋片，王鋒就否認是補拍，指節目未播出前已經錄好。他說：「是節目未播出，比賽去到一半時拍的。而當日事後即接自選環節，導師即場抽牌決定出場次序，當時我們指定dance battle比賽一完結，工作人員已立刻叫我們洗頭換裝。一來自己思緒未沉澱，二來要抵住指定失利的壓力即時調整心態準備自選項目。但可以說的是，我下台後回準備室當刻已message對方交代致歉，當日我們也在break time再度溝通，及後亦數次單獨及群體聚會，每次我都帶歉意，亦有親自為自己的衝動莽撞道歉。」

至於為何遲遲才解釋，王鋒表示自己不擅表達自己，並就此致歉，他又提到：「事情發酵至此，我衷心希望事件不要牽連到任何不相關的單位，包括導師、其他參賽者、支持者。未來的路，我會繼續努力，虛心學習。謝謝大家。」不少人留言安慰及打氣，如藍組導師韋羅莎、藍組客席導師梁釗峰、COLLAR的Marf（邱彥筒）等，而當時跟他對戰的「蕾安多芬」B組組員的Kingston都有留言說：「加油↖(^ω^)↗❤️」James亦有Like Post，不過暫時未見阿澤Like。



原文網址: 全民造星5｜王鋒出Post解釋改舞步原因　為魯莽致歉但否認跣阿澤 | 香港01 https://www.hk01.com/article/908882?...edium=referral

[IDGAF]

第一輪最後兩位參賽者都犀利了,
等足30個鐘都仲有咁好表現,
下次,造星不如唔好放飯玩埋饑饉三十籌款幫助埋非洲饑民…

32號亨仔呢種身形算係大隻定係胖虎/技安已經唔係好識分,不過佢一開聲果種反差的確幾吸引到觀眾注意先,出場前仲刻意剪輯到會唱得好衰咁,明顯係幫緊佢。

[IDGAF]

作者: 昏迷童子Sleepy

待救不如自救......

王鋒已經做埋Jay Fung MV尋找隱世巨聲男主角啦,
日後應該會好似以前捧阿Jer、Anson Lo果條路線咁,
即係個比賽唔駛贏,但繼續捧到紅為止。

其實睇個節目阿澤無乜明星相,佢當時評判未公佈賽果講返個事實出嚟,
反而變咗佢小氣想報復咁,應該公佈完輸咗先即場講,
呢個節目傳統係有得轉軚同收返盞燈的。

[IDGAF]

作者: 昏迷童子Sleepy

40強確定......
例牌又係一大班觀眾媽叉0既時間......

阿澤咁就出局...同時亦都等同一手推王鋒落地獄......
咁...照本童子睇可以叫WinWin買定香檳都得喇......

今round藍組狂搵外援......
C all Star兄弟相殘......

第二輪60變40強的對決係好睇的,
但有乜理由一集內foul晒一班個性幾強、觀眾已經認到樣記到花名的選手先?
即係"女性化舞蹈"的阿O、"天然呆"的白水、跳舞同王鋒一樣咁勁的阿澤、"造星一重讀生"Moley、"粗"Lewis、"木村"Andy,
仲有最最最多人關注的"Dee哥2.0"Aaron,無理由係60強走呢班人。

搞到宜家60去40強無乜對決的感覺,因為部份參賽者的存在感太低,
都已經講唔出佢哋第一輪表現過乜了…

暫時覺得比較有印象的係:
01 王鋒、02 Nathan、03 Snoopy、05 James、06 Taco、09 香胤宅、18 Owen、25 Lucas、32 亨仔、52 Ash、58 Lubia、69 Stick、70 Maico、79 Kakit、82 Mark、99 KC。
玩多幾集,淘汰多幾個,又可以組一隊新MIRROR出嚟。

今季DANCE BATTLE係好睇的,但暫時合唱好似仲未掂,只係合格水平,
即係個別唱歌勁都救唔返失誤果幾位唱得差的部份咁。

[yuhchan5]

其實今季水平幾好，但overall個樣都係差D....

[IDGAF]

作者: yuhchan5

其實今季水平幾好，但overall個樣都係差D....

重睇返就好覺,
純以樣嚟講第一屆班造星囝囝水平最高,
即使落選果堆個樣都好過之後第二、三屆出道做歌手、藝人果班,
不過,好多之後都只係接到d娛樂主持、廣告工作,無成為一粒星…
但唱歌嚟講暫時覺得第二屆表現最穩定。

[IDGAF]

EP24,
82號Mark Chan獨白把聲好強尼大佬,
佢本身鬍鬚佬造型係《造星》已經罕有類別嚟,
今次個表演造型仲露埋胸毛,陣男人味好出,
唔知宜家係呢個男人都化重妝的世代有無市場?

爭論果度,45號Adam Sang個樣表現到好似一個好小氣的肥婆係度發忟憎咁,
特別係同場有兩位肥仔Mark Chan、53號樂樂係度,
就覺得佢個樣好唔討好。

計樣同表演水平,有乜理由係淘汰Lucas呀?
佢得罪導師定人緣好差?
要淘汰的話應該係同隊的阿生及希晉吧?
覺得呢兩位存在感好低又無乜亮點囉。

另外,導師Rosa長期表現到似一個有抑鬱症的阿媽咁咩事呢?
好似Jay Fung搞個唱唔係度,無咗老公主持大局咁款…

[昏迷童子Sleepy]

俾你提番阿JER先醒起......
而家個樣係咪似響度鋪排開敗部復活戰......

[IDGAF]

作者: 昏迷童子Sleepy

俾你提番阿JER先醒起......
而家個樣係咪似響度鋪排開敗部復活戰......

《造星5》開播前翻睇返當年唔係集集睇的《造星1》,
會覺得阿Jer個後台應該好強,明明第一輪比賽已經被淘汰咗,
唔記得有人退賽定多咗好似5個後補,花姐覺得佢唱得就直入第二輪,
之後都係玩唔到入十強,但到總決賽當晚仍然以特別演出/介紹形式現場表現。

到MIRROR成軍時,普遍觀眾都唔覺得佢係《造星1》12強人選嚟,
但反而出完團歌,早期單飛名單又有佢份,
姜濤、Ian拎比賽冠軍、亞軍有單飛發展機會唔奇,
但就連季軍Lokman當時都未有單飛機會的情況下,
居然先捧阿Jer專唱抒情歌,Anson Lo專攻跳唱,
當時其他《造星1》10強成員都係做緊730時段主持仔同做下其他節目嘉賓咋。

到宜家又有新歌《JM單身9》出,
娛樂圈真係要靠夠有人緣先玩到落去。

其實睇返《造星1》最穩定係Jeremy,
只係當時佢造型娘太MK,
未行暗黑妖精王子路線,
睇佢個人MV造型唔差過K-Pop果班都係靠化濃妝的男團,
同埋佢係真人秀都講咗自己大陸出生,之後嚟香港生活鐘意K-Pop等,
感覺比較融入到香港生活咁。

反而姜濤成日用埋d強國用詞,
例如用第幾胎去形容自己的音樂作品,好似娘娘地,
覺得佢行緊劉德華果種偶像路線,正向但係老土,個人唔太受落。

[IDGAF]

EP25
班評判的取向真係好難觸摸,
評語上又「錦繡多味魚」,
好似係負面評價,但又比5禮藍燈比Fung莎星辰D組…?!

[IDGAF]

EP 26
紅組 C 自選項目 《蕾安多芬刷新世界》改編版柴灣角街的確係正喎,
唔差過原版。

但係最後又淘汰咗"Energy" 05 James…

47 David把聲OK,
但係個造型好有問題,留鬚但係無男人味,
似學生青春期啱啱生鬚未剃咁,
明明髮量正常,但長期戴冷帽有種化療病人feel。

[IDGAF]

EP 27
本身有聽過Sam Smith, Kim Petras原版的Unholy,
今次造星加咗折骨舞同埋重金屬音樂元素之後,
成個表演好邪教現場feel~!定講家暴?

[昏迷童子Sleepy]

作者: IDGAF

EP 26
紅組 C 自選項目 《蕾安多芬刷新世界》改編版柴灣角街的確係正喎,
唔差過原版。

但係最後又淘汰咗"Energy" 05 James…

47 David把聲OK,
但係個造型好有問題,留鬚但係無男人味,
似學生青春期啱啱生鬚未剃咁,
明明髮量正常,但長期戴冷帽有種化療病人feel。

幾乎出事......
好彩C組真係冇Hip Hop底...所以堅唔知咩野係Producer Tag......

全民造星5｜Tsoul領軍《柴灣角街》被原創批不尊重　極速拆彈和解

撰文：鄧穎琪出版：2023-06-20 20:45更新：2023-06-20 20:45讚好550000

《全民造星5》昨晚第一節中，紅組「蕾安多芬」C組，由Tsoul隊長率領Stick、Owen Lai、Meow、Kingston和James取得四連勝！他們憑改編TomFatKi（光頭幫）《柴灣角街》改編而成的自選表演項目《蕾安多芬刷新世界》，成功撼贏另一組大熱，「Fung莎星辰」B組Kakit、Dai Bon、Ash、Lyman的雌雄同體舞《B.A.D.》。不過有份參與《柴灣角街》製作的Billy Choi，睇完直播就一度出Story話他們唔尊重，最後Tsoul極速回應，成功拆彈化解公關災難，就連導師陳蕾同陳健安（On仔）都幫口。

《柴灣角街》是TomFatKi（光頭幫）去年推出的作品，Billy Choi、東成、Akiko亦一起作曲填詞及合唱，並由東成和李一丁擔任Producer。昨日C組表演時，劈頭就有一句「Tsoul on the beat」，結果原唱之一的TomFatKi成員肥仔就出Story寫「Tsoul on the beat 」Billy Choi亦寫下：「邊個整Beat都未知 唉 好頭痛 尊重啦」，因為在Rap文化中，這句是Credit製作人的Producer Tag，網民質疑評判會否憑這一句以為是Tsoul組原創歌才畀燈他們，又想睇Tsoul如何回應，召喚他上水解畫。

結果Tsoul極速撰文解畫，以防釀成新一波公關災難，他首先感謝TomFatKi的福正答應讓團隊改編《柴灣角街》參賽，解釋：「『Tsoul on the beat』呢句，由我哋其中一位組員錄製的adlib，當時甚至到剛剛我哋都係並不知情=Producer Tag，亦算係小弟孤陋寡聞（因為我哋都不是專業的Rapper），而呢句Tag係單純一句以助表演氣氛的開場白。身為隊長嘅我唔知呢個有關嘅知識，令今次誤會發生感到非常抱歉」Tsoul反應算快，極速拆彈解釋不知道「on the beat」一句是Producer Tag，並為自己的不足道歉。（Instagram：t__soul）

他指自己不希望跟原創者有任何誤會，所以必須澄清，並強調很尊重任何表演藝術者，以及再次向TomFatKi團隊及觀眾致歉。Tsoul的極速回應和謙虛態度獲Akiko、東成、福正等轉發，眾人亦表示理解，更鼓勵他們繼續努力。福正說：「今次嘅小小風波 冇事～繼續努力」而Billy Choi亦把原本的限時動態刪除，再出新Story說：「不知者不罪」表示原諒。

至於「蕾安多芬」的導師陳蕾、On仔都有轉發Tsoul的道歉文，On仔說：「我好記得當時Tsoul有喺台上面講原創同改編嘅比重，我哋都非常尊重每位創作者。」而陳蕾則補充：「好記得錄影當日其實有評判想先搞清楚呢首係咪原創歌然後再作點評，Tsoul亦即刻回答呢首係TomFatKi嘅歌」大部分網民似乎都諒解Tsoul對Rap文化不理解，表示情有可原。

其實「Producer Tag」是由美國Hip Hop文化傳入，製作人做歌時會把自己的名字或代表性標語嵌入歌曲Beat之中，讓人一聽就知認得出是他的作品，以香港為例，「SILVERSTRIKE 'bout to light it up」、「JNY on the beat」等都是近年比較常聽到的Producer Tag，行外人可能未必知道。

原文網址: 全民造星5｜Tsoul領軍《柴灣角街》被原創批不尊重　極速拆彈和解 | 香港01 https://www.hk01.com/article/910963?...edium=referral

[IDGAF]

作者: 昏迷童子Sleepy

幾乎出事......
好彩C組真係冇Hip Hop底...所以堅唔知咩野係Producer Tag......

《全民造星》好睇的地方係觀眾永遠有花生食。

睇Viu1的報導,睇嚟無論贏輸名次都係棒呢班囝囝~!

另外,個節目雖然淘汰咗86號 "粗Lewis同12號 Tomy,
但仍然見到佢哋繼續係幕後幫手做音樂編輯等工作,係咪foul錯咗?!

[IDGAF]

EP 29,
https://kingmaker.viu.tv/contestant

20強入面,
13 Tiger Foo、14 阿霆、46 希晉、74 阿生,
呢幾位有咩突出表現值得留低…?

被淘汰果幾位真係輸年紀大同海外參賽者住宿費成本貴?

[昏迷童子Sleepy]

都係果句......
係咪又有人退賽要急搞敗部復活戰呀......
20-->10照講係個人戰咁計都用唔盡6日喎好似......a