中國隊之我見

[t-cup]

好似話過想打一篇關於中國隊o既意見, 即管打o下...

其實要計中國隊, 只能夠算上是一隊守強於攻的球隊, 好明顯當對手實力有所不及 (好似拉夫 泰國隊), 要佢強攻實在是難為了~~ 原因可能因為大部份球員位置感太強.. 而且走動好少, 令到人地圍實禁區死守時, 破關乏力! 而且球員o既腳下功夫真係有待改善, 此終都係好易甩波.. 而且經常誤傳.. 誤傳就最慘, 當 11 個人一條心進攻, 突然又要轉防守, 會令到球隊好混亂~~

十強賽以來, 中國隊 最殺食本錢可以話兩翼側擊, 大家可能發覺右邊控球指數應該高過左路.. 我覺得左路 馬明宇 速度真係太慢, 中國隊 冇個人突破能力, 所以兩邊餵波已經係不二之選, 但左翼位速度慢, 令到攻擊點多數集中係 李霄鵬 同 孫繼海 果邊, 要守都易好多! 當然 吳承瑛 真係一個好勤力o既球員, 係我比較欣賞的其一球員, 但一個打晒進攻防守, 的確辛苦~~

講講三線,

後防:
范志毅 當然唔算上係頂級中堅, 但係佢o向中國隊後防線指導作用~~ 而且有個老大哥企o向後場, 前面進攻都放心o的~~ 至於 李偉峰 就頭上功夫一流, 李偉峰 掃而 范志毅 執溜, 包抄, 至令到中國隊o既後防算是隱陣~~ 但速度就唔及, 由對 烏拉圭 一仗可以睇到當對手加快節奏, 後防就有少少招架不力, 當然中場o既幫助係需要, 也不能強求, 兩位中堅的了~~ 至於右閘同左閘.. 孫繼海 算是有實力的了, 好多球波都見佢老路蹤橫.. 我覺得幾好~ 至於左閘, 只要 吳承瑛 能攻能守, 問題也不大

中場:
中場真係好多問題, 最大問題係機動力不足, 每次中國隊反攻果陣, 永遠都會出現 3 打 5 o既情況, 點解? 因為中場o的人唔知走晒去邊.. 李霄鵬 果邊, 好似比較企得後, 而且少o左o的速度引開人, 令到右邊, 每次見到鏡頭係 孫繼海 好定咁兩個假腳之後俾右, 好少走動, 剩係放直線至走.. 咁點打呢? 馬明宇 唔使講, 之前已話佢冇速度.. 而且佢少走動, 反擊又不能跟上速度.. 每次佢囉波, 我都會話 "哈~ 又失波", 之後就見佢一係俾人搶, 一係自己交後~~ 好少用自己技術 + 速度去放甩o的人 (但氣力真係好大問題).. 中間兩個, 李鐵 係工兵型球員, 創造力唔強, 但佢全場奔跑, 破壞, 實屬一個防守中場, 但佢做得防守, 又太多時間控波, 而且佢經常交失, 一係放到老遠, 一係送o左俾人, 我想佢要增強係閱讀球賽同埋傳o既功夫! 至於 祁宏, 唔知點解 亞記 班講波佬會話佢係中場大腦... 我真係覺得佢並非一個大腦, 只係一個影子前鋒, 我覺得你叫佢控同傳, 可能佢會辛苦, 但如果後上, 即係前鋒俾後叫佢食, 或者兩邊側擊叫佢入禁區去射, 我覺得佢絕對可以交足功課, 但叫佢控, 之後望, 俾波.. 咁就實在太過辛苦了~~ 此終沒有一個中場大腦, 成隊波進攻好亂, 冇個核心可以去調節節奏, 形成大家睇落.. 中場組織策劃... 好亂~

前鋒:
其實前鋒不錯的了, 但埋門最後一腳都要改善~ 當然.. 射門技術不是一朝一夕可以鍛鍊的, 最重要, 前鋒不能發揮水平, 多多少少都因為中國隊o既中場線支援不足, 如果好似 泰國 果場輸了後, 傾力反攻, 入球是會有的! 其實中國前鋒打得好辛苦, 囉住個波, 後面又冇人幫, 前邊又對住三個, 擺個 朗拿度 落去都死啦~ 又或者實在睇得少前鋒發揮, 所以真係不能評論前鋒怎麼樣?!

好啦~~ 打得好長, 講住咁多先! 希望大家想寫就寫, 多點交流~

[t-cup]

之前曾o向其他 forum post 的 中國隊評論文章 (不過冇人回.. 頂 )
(對當日來港賀歲的中國隊評論):

個人親身去睇, 開頭其實兩隊都想幫, 但睇完半場後, 我落力為 港聯 打氣, 因為 中國 自己唔爭氣!

至於 中國 表現, 我冇感失望, 因為睇十強賽, 班波根本就係咁... 中前場機動力不足, 走位少! 有 赫海東/楊晨, 只係有選擇俾班中場放狗~ 而家冇o左兩個前鋒, 迫住中場左傳右傳, 冇得放狗... 我有感覺似當年 快譯通, o的波唔夠入肉! 中國 條中場線冇天才球員, 我指全部工兵型多! 根本冇一個似分波o既人, 冇致命直線!

班波冇乜叻, 叻搶囉! 但後防根本不穩 (個代教練話穩! 梗係, 你睇人地對方o的 class 先得, 歐偉倫 + 基夫, 老實講, 港聯 中場支援太慢, 如果有當年 山度士 咁, o下o下高波, 直線放俾 基夫, 飛仔倫 走, 我怕 中國 分分鐘輸多幾粒, 只係 港聯 條中場攔截型多咋), 有幾球走甩 基夫, 歐偉倫, 都好大威脅, 只係因為 飛仔 同 基夫 要走一段路程至起到腳, 所以冇力.. 如果佢地可以企定定起腳, 分分鐘 江津 要執幾次波!

最大問題, 俾 港聯 追番之後, 球員更急! 我估佢係有輕敵, 諗住半場入你一, 兩粒, 半場慢慢打! 點知入唔到之餘, 又失去人心 (球迷柴台 ), 令到班友開始急! 之後入o左波, 成隊波可以話定o左少少, 點知好衰唔衰, 又俾 仙奴 銅頭一頂搞掂 (仙奴 唔係好叫高, 都走甩俾佢頂入! 條後防真係麻麻)! 中國 就更加急, 好多波都雜亂冇章, 無目標咁... 港聯 擺明要守你, 你都強攻唔到 港聯, 已經注定有輸波o既禍根!

我見有o的好日唔o黎, 見 中國 o黎至睇波o既 中國球迷 好慘! 佢地囉支國旗o黎, 但冇機會用 (只入了一球, 其餘時間悶場多), 更加慘係有大部份 西看台 o既球迷都柴 中國 台, 見 港聯 打得好, 大拍果o的棒棒, 未完場佢地都走人! 香港球迷最好就係, 好果隊就會支持邊隊, 國家隊打到一 pat 屎就柴你.. 怕乜?

[chunyu]

同意 , 中場真係冇一個可以做進攻重心o既球員.........
睇佢 對 烏拉圭 真係組織唔到一d 有效o既攻勢 , 防守 冇乜點去做一d 人釘人防守 , 幾次d 後衛有多少亂.......搵唔到自己要mark 邊個.........

成隊波個默契唔係咁夠 , 呢方面有必要加強返.......
幾次傳波都係要等d 隊友走位 , 慢同埋 容易交失~~~

[烈火戰車]

還有班球員個個走晒去拍廣告,拍劇,,當正大明星咁...有D球員態度橇張,...
技術又唔係真係好勁,又想學人碧咸果D咁拍下廣告,.
到時踢世界杯,一球波都入唔到之餘,仲要比人數..到時呢班球員俾全中國十幾億人鬧,,我就偷笑.....米路有可能被驅逐出境TIM........
(以上意見,有一半屬說笑成分,請不要過度認真看待)

[老野一個]

講得arm
攻人o個陣都唔知搞乜鬼前場成日得3,4 個人,其他人宿晒去後面睇風景
傳兩下波又失波
冇強隊風範,踢法沈悶

楊晨最強

[t-cup]

隊波.. 真係唔掂.. 琴日都係靠人地冇體力, 至搶番~~

但下半場一出頭 10 分鐘, 都搶得唔錯! 我諗 祁宏, 馬明宇 真係好沉 (狀態唔好), 我諗真係要諗諗換o的有態有活力o既球員 (最多下半場至換番佢地摶殺)

[中華牌]

about 賀歲杯
如果港聯箭頭換左係 "佩敵里" + "湯美"
中國隊一早玩完

[老野一個]

湯美?
一早離開香港搵食LA

[烈火戰車]

Originally posted by 老野一個 :
湯美?
一早離開香港搵食LA

tommy page?