Games Animation Forum

返回   Games Animation Forum > 娛樂興趣區 > 體育版 > 球會討論區

回覆
 
主題工具 顯示模式
舊 01-09-20, 01:30 PM   #701
蛋撻王子
God of Gamer
功德完滿
 
註冊日期: Mar 2007
文章: 11,661
《半程總結 比上不足 比下有餘 林伯特的第一份英超冬季成績表》



無論干地、沙利以至到依加林伯特,都會有一份半程總結去回顧一下佢地所帶領既車路士喺開季至今,球隊喺成績、戰術以及球員配置上既變化,而以林伯特哩位少帥只有一季執教打比郡既經驗黎講,能夠帶領車路士喺今季咁嚴峻既環境底下能夠得到依一刻既形勢黎講,絕對可以話係合格有餘。

由傳出林伯特接手車路士直到官宣既一刻,其實時間係非常之短,自英冠附加賽打比郡失利鐵定未能晉身英超過後,時任主帥林伯特其實喺果刻都經已拒絕執教藍軍,但奈何沙利選擇賠錢回歸意大利執掌祖雲達斯,間接迫使身只有一季英冠經驗既林伯特需要立即重返史丹福橋救駕,但無論對球會、球迷定係對林伯特自己本身,今次既執教唔單純係新挑戰咁簡單,仲有好多車路士長遠已久所累積既深層次問題需要面對,再加上夏薩特既離隊以及轉會禁令既限制,基本上今次既挑戰亦係過往前所未見。

而隨林伯特回歸既教練團亦係過往曾於車路士任職的,分別係副手摩利斯Jody Morris以及體能教練Chris Jone,前者過往曾擔任藍軍青年梯隊主教練,論臨場經驗可以話比起林伯特更豐富,後者同時亦將車路士U23梯隊中將教練Joe Edwards提升至一隊協助,再加上先後有名宿馬基列尼及艾殊利高爾回歸加入青年梯隊,以及施治於管理層中擔任要職,車路士成個內幕班底基本上都係以年青以及名宿作為骨幹,亦睇得到林伯特希望教練團中多名曾於青年軍幫過手既教練能夠協助年青球員於一隊中成長。

受制於轉會禁令所影響再加上夏薩特既離隊,林伯特只能運用隊中現有球員重新建立過另一套戰術體系,倚重兩位於英冠回歸既前場球員艾巴咸同愛將蒙特作為進攻核心,再有其他球員圍繞配合,而季初轉會窗完結前賣走同為歐冠功臣既大衛雷斯,顯然係為左釋出無人能夠100%擔任正選既信息,林伯特季初至今先後運用過好幾套陣式作賽,分別係4231、433以及343,各有優劣,而戰術結構黎講都係繼續以重傳控作核心。

除左由前場開始迫搶之外,林伯特亦著重隊中球員靈活多變既走位,球員之間既位置能夠隨時改變,亦希望以小組式傳送能夠兩三腳就打入對手核心區域,而年輕球員各自於季初小爆發,將車路士既聯賽排名推高,不過球隊始終欠缺穩定性,控制體力流放方面既處理亦唔係好,好多時下半場球員就出現莫氣,加上後防球員各自失誤,令車路士出現不失球既場次愈見愈少。

比上不足比下有餘,以歐聯分組賽出線以及英超排名黎講林伯特絕對係合格有餘,但個別場次既醜態以及後場經常失波既問題令球迷留下唔少壞印象,不過至少見得到如果繼續依照哩個方針行落去,其實未來既車路士仍然值得一眾車迷們期望,再加上冬季轉會窗解禁既契機,如果能夠再喺個別位置上作出補強,有效地改善上半季所面對既問題,相信季尾既成績係可以再進一步。

Fanpiece - 藍獅: https://football.fanpiece.com/bluexl...feature=scroll

我本來都話就算降班都唔割
依家比林伯帶到入前四
可以入到歐聯16
其實真係超晒標

當然球迷一定想球隊成績更加好
但我到呢刻黎講已經收晒貨
就算未來半季表現唔對板都覺得大家應該要多多接受同支持

林伯既青春風暴已經比其他隊伍拆解左
之後真係要真功夫應戰


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-09-20, 03:43 PM   #702
lwl
God of Gamer
 
註冊日期: Feb 2006
文章: 6,016
PSN  IDlwlworld
XBox Live GamertagLWLWORLD
支持林8 ~!
唔想見到林8 比人炒


__________________
Chelsea
lwl 目前離線   回覆時引用此篇文章
舊 01-10-20, 01:18 PM   #703
蛋撻王子
God of Gamer
功德完滿
 
註冊日期: Mar 2007
文章: 11,661
《由當日球壇後防超新星 變成今日藍軍邊緣人 - 基斯甸臣》



曾經可時基斯甸臣都算係一位球壇中最具潛力既年青後衛之一,主要因為佢喺早年外借到德甲慕遜加柏果兩季都有著相當亮眼既表現,可惜時而世易,基斯甸臣近年黎都比到人停滯不前既感覺,無論喺沙利定係依加林伯特手中都交唔出令人說服既表現,似乎丹麥人喺史丹福橋既生涯都已經進入倒數階段。

基斯甸臣出身自家鄉丹麥班霸邦比,早於14歲就加入藍軍青訓體系之中,而喺應屆相同年齡層既隊友之中有蘇蘭基、艾巴咸、路夫斯捷克等人,依加望番轉頭睇,其實哩屆既青訓質素可以話相當之高。直到球員18歲果時,車路士決定將基斯甸臣送到德國,與慕遜加柏簽定為期兩年既外借合約,希望丹麥人能夠喺合適環境以及保持一定既競爭壓力機會底下一步止成長,而最終得出既效果亦相當理想,球員在德甲發揮亦相當得宜,更成為球壇其中一位後防潛力新星。

經歷兩季既借用期,基斯甸臣喺累積唔少經驗後重返藍橋,而主帥亦由當日離開時既摩連奴變為干地,意大利人季前經已向外界表示哩位後防既青訓產品會係球隊未來既寶貴資產,無論任何列強出價球會亦不應該作出出售決定。無疑基斯甸臣既回歸亦為外借中「出租車」既年青球員發出一個正面信息,只要達到一定程度既進步以及提升,車路士定必會唯才是用,再加上當時干地亦有給予年青球員上陣機會,能夠善用自家青訓資源對球會黎講絕對係無往而不利。

基斯甸臣可以話係自泰利後首批能夠由年青軍打上一隊而能夠企穩於後備席等機會既球員,但依加喺林伯特既「青春風暴」中反而得唔到太多機會,其實都相當矛盾,上季喺沙利執教時其實丹麥人都唔係得到太多上陣機會,主要都係只能夠喺歐霸盃戰線中上陣,而今季季初亦只係受惠於魯迪加同蘇馬相繼受傷下至得到上陣機會,去到近日佢地復出之後基斯甸臣就只能於本土盃賽中上場,淪為隊中既第四中堅。

而好大程度不受重用既原因係因為基斯甸臣既打法同能力,丹麥人特性上偏好於係「包位」既中堅,姐係好多時面對住對手時會不斷向後縮,睇準時機先會落腳,但魯迪加、蘇馬以及湯姆利無論係「標同包」都可以,再加上基斯甸臣身形上實在過於單薄,相比另外三位又黑又硬既堅時佢既缺點就更為明顯,令佢喺場上基本上係比對手襟住黎砌,而過往佢既強項喺用波方面,其他隊友亦有相同功能,甚至比基斯甸臣既長傳火喉更為精準,令佢已經無左當日既優勢。

如今淪為隊中邊緣人其實都無可厚非,亦無人估到當日球會選擇留基斯甸臣而賣走艾基,今日會掉番轉頭傳回購返後者而賣走丹麥人,有傳意甲AC米蘭想以先借後買方式將哩位小將收歸旗下,與其繼續喺冷板凳上磋跎歲月,的確不如出走睇下能唔能夠闖出一片天,至少對於基斯甸臣黎講可能並唔係能力問題,而係佢喺現階段唔適合依加喺車路士。

意甲、德甲或會係佢較為理想既下一站...

Fanpiece- 藍獅: https://football.fanpiece.com/bluexl...-c1366614.html


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-12-20, 11:11 AM   #704
蛋撻王子
God of Gamer
功德完滿
 
註冊日期: Mar 2007
文章: 11,661
車路士 3-0 般尼
赫臣·奧多爾射入人生首個英超入球



佐真奴射入十二碼為球隊領先


球隊連續兩仗主場失分,今仗若不取勝前四位置備受威脅。後防問題仍令人擔憂,但進攻方面的確可見下了苦功,左中右三路盡用而且傳球也較前精準,結果上半場已領先兩球,結果也大勝而回。

林柏特作出了若干調動,以基斯甸遜、巴克利及赫臣·奧多爾任正選。上半場初段雙方攻勢不多。車路士一如近期表現,在主場攻勢不多。

反而 18 分鐘藍軍差點先失一球。般尼中堅美爾接應罰球頭鎚二傳,隊友軒迪歷衝前頂入。幸好 VAR 判決越位在先入球不算。史丹福橋舒一口氣。

反而 34 分鐘一次反擊令車路士得以領先。今仗球隊盡用球場闊度,經兩度轉方向後,韋利安在左路切入禁區,被勞頓出腳勾跌。雖然韋利安腳下球似有點離腳,但仍獲球證及 VAR 判處十二碼,並由佐真奴一射入網領先一球!

車路士後防問題仍然令人不安。35 分鐘客軍麥尼爾傳中,美爾近門頭鎚僅被巴克利在白界綫前護空門解圍不遠,客軍前鋒活特再近門補一腳,又被阿斯比列葛達在柱邊擋出。車路士門前可謂驚險萬分。



譚美·阿伯拉罕射入今季聯賽第 13 個入球

不過藍軍捱過般尼的一輪猛攻,又憑一次反擊再下一城。38 分鐘列斯·占士與赫臣·奧多爾一次撞牆後右路推進。主場球迷以為皮球將越過底綫出界時小將竟出盡全力趕至並準確地交出傳中球,譚美·阿伯拉罕一跳一頂,皮球彈地入網!球隊少有地在主場上半場取得兩球優勢。

下半場雙方未有換人,車路士早段已作出主動,並迅速獲得回報。列斯·占士切入中路交至左邊的阿斯比列葛達。隊長一扣後右腳吊入禁區,小禁區頂的阿伯拉罕漏過,遠柱赫臣·奧多爾及時衝前撞射入網!這是他為車路士取得的首個英超入球!可喜可賀!



赫臣·奧多爾取得職業生涯首個英超入球

得勢不饒人,57 分鐘巴克利中路突破推過對方兩名球員後交直綫入禁區,韋利安接應後被艾朗·連儂撞跌,但球證沒有表示。

至此藍軍已牢牢掌握球賽節奏,小將們也愈踢愈放。79 分鐘赫臣·奧多爾右路快放至接近底綫再地波傳中至小禁區頂,美臣·蒙特近門撞射,卻竟被客軍門將普比擋出。尾段般尼似已放棄,車路士則維持控球為主。

雖然曼聯今晚大勝諾域治,但車路士今場大勝令藍軍仍保持五分差距離。更重要的是球隊今仗踢起來輕鬆自如,雖未至於水銀瀉地但也游刄有餘而且把握力有所提升。希望球隊能穩定地維持這水平便可令車迷放心。

今仗最佳球員:列斯·占士
多番上前助攻而且走位十分靈活,在進攻方面作出不少威脅。此此外赫臣·奧多爾的表現也十分活躍。

正選陣容:
車路士:基柏|阿斯比列葛達|湯武利|基斯甸遜|列斯·占士|巴克利|佐真奴|美臣·蒙特|赫臣·奧多爾|韋利安|譚美·阿伯拉罕
般尼:普比|美爾|達哥斯基|查理·泰萊|勞頓|麥尼爾|韋斯活特|確克艾朗·連儂|軒迪歷|基斯·活特

車路士新聞網: https://www.macchelsea.com/?p=11636

想講韋利安個下真係有少少借勢
但你話插水又未算
因為都真係有接觸
但好明顯已經早左腳軟等你黎

我覺得巴克利個下護空門同var判對方無效真係好關鍵...
雖然話3:0但其實真係好多運氣成份係到
車仔真係要繼續進步先得

我見林伯賽後話對比賽滿意
但我硬係覺得呢場爭d野咁

不過贏到就好
繼續展望將來


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-12-20, 11:16 AM   #705
蛋撻王子
God of Gamer
功德完滿
 
註冊日期: Mar 2007
文章: 11,661
《沒有簡迪卻因禍得福? 「救心」陣容換來罕有主場勝仗 車路士大勝血洗般尼》



相信唔少車路球迷見到沉晚場波既出場陣容時,係絕對聯想唔到同大勝係會有關係,而最終以3-0可以話輕取般尼,令一眾車迷大跌眼鏡,喺積分榜上繼續追趕身前既李斯特城同曼城。而今場波所謂既「救心」陣容,就係林伯特派出一條相當性感既中場線,但反而因為簡迪缺陣下出現意外既效果,可以話係因禍得福。

林伯特喺今場賽事安排左唔少換人調動,獲賽前記者會確定不會出售既基斯甸臣罕有獲得正選機會,伙拍魯迪加為雙中堅,而繼續安排隊長艾斯派古達頂替左閘位置,原來既右閘就由尼爾斯占士接上,而簡迪於賽前操練受傷未能趕及復出,調動下林伯特並未有安排高華錫作正選,反而用左同樣久未露面既巴克利,連同蒙特同佐真奴合組性感中場線,以中場防守力黎講哩個組合可以話係陣中最弱,而前線方面佩利錫亦受傷需要休養數星期,位置上安排左奧岱伙拍韋利安同艾巴咸作攻堅,哩個出場陣容可以話相當驚喜,加上近排車路士喺主場經常送分,難免令一眾車迷睇高般尼一線。

今場波既陣式上其實係以4231同4141之間互換,由於般尼並未能夠為藍軍作出太多威脅,令車路士大部份時間都壓得好上,亦驅使巴克利經常可以向前同蒙特位置並排,而今場波英格蘭人既表現亦出奇地好,除左有一下護空門之外,喺球隊中場由守轉攻既串聯,以及交波時機同決定方面都好過之前好多,至少無太多多餘動作,表現值得一讚,而今場波喺轉守為攻既轉換方面亦做得好好,由後場開始以短傳及走位經過幾腳之後就已經運到對手半場,而尤其右邊姐係奧岱同尼爾斯占士果邊最生猛,戰術上編定後者好多時都有隊友交波比佢喺右路出波,而質素亦相當具威脅,再加上佢有能力自己推入禁區作射門,就算未有壓上時亦能靠於中路打一個類似半防中既角色搶波,相信占士會未來既定位同職責會更多元化。

而韋利安博得到果球十二碼亦好醒目,眼見對手飛身攔截時立即出腳踢走個波,中腳之下十二碼一定走唔甩,再加上般尼球員好似傷多過踢,明明個個都大份過車路士文弱書生既身形,但一係就比人撞爆鼻一係就比波省頭一係就中腳踩親,可能今場波真係車路士大運。至於今場波基斯甸臣既表現亦都唔錯,初時以為佢面對住大佢一個碼既活特會比人襟住砌,點知除左有下擒到對手頂比較失禮之外,其餘啲爭頂同位置感都幾好,無乜太多甩漏出現。

至於最後想講下簡迪,對於法國人不在陣之下而球隊獲得大勝,暫時未能判斷係對手問題多,還是球隊喺簡迪缺陣之下中場運作暢順為多,當然,並唔係想表達簡迪唔重要,以球員質素喺每支列強黎講都係一名不可多得既球員,不過佢喺同林伯特既戰術相容性方面仲係有啲固有問題未解決,哩度就要睇下之後球隊喺陣容補強或者傷兵復出,就好似路夫斯捷克咁出番黎會唔會喺簡迪既定位上尋找到新方向。

Fanpiece - 藍獅: https://football.fanpiece.com/bluexl...-c1366750.html


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-16-20, 01:18 PM   #706
蛋撻王子
God of Gamer
功德完滿
 
註冊日期: Mar 2007
文章: 11,661
《艾基回歸藍軍無望?淺談林伯特選擇相信基斯甸臣的背後》



其實早排先出過一篇有關基斯甸臣既文章《由當日球壇後防超新星 變成今日藍軍邊緣人 - 基斯甸臣》,不過林伯特喺上場對般尼前既記招經已否認有關轉會傳言,並指出球員會繼續留隊,隨即亦喺般尼既賽事中以正選上陣,表現都相當搶鏡,而以依加車路士既防線黎講已經有四位中堅人選,喺無人離隊之下係咪意味住舊將艾基回歸無望?而林伯特喺今個轉會窗又盤算緊啲咩呢?

艾基為車路士青訓球員,外型上有啲似同為荷蘭藉既前輩古列治,一直喺藍軍青年梯隊有著唔錯既表現,而同期隊友之中亦有路夫斯捷克、蘇蘭基等人,以哩屆青訓質素黎講都算得上星光熠熠,而哩位荷蘭小將喺正式晉身一隊之前先後外借到雷丁、屈福特和般尼茅夫,以效力後兩間球會既表現黎講亦証明左艾基絕對係有能力於英超立足,球會隨即回收並正式進入一隊名單。

雖然身型上球員未必佔優,不過以後衛黎講艾基既速度同爆發力算係數一數二,同時亦具備轉身快以及一定靈活性,加上能夠於後場引球推進同有用波能力,而除左打中堅之外都可以勝任左閘、左翼衛同防中,最重要既係艾基擁有年輕球員所缺少既穩定性,自不能於干地手中得一席位而轉投般尼茅夫後,一直都係球隊常任正選,即使賽事頻繁但對於當時只有22歲既艾基黎講表現並無太大走樣,反而喺接連比賽中得到唔少經驗推動佢進步,令佢哩兩年幾以黎經已成為在其中一位列強們都虎視眈眈既後防目標。

外界指當日艾基離隊轉投般茅時,合約中擁有一條價值4000萬鎊既優先回購條款,而有關條款最後既行使期亦會係今個冬季轉會窗,意味住車路士如果唔諗住喺今個月啟動條款的話,之後時間就唔可能再用哩個價錢將艾基帶回史丹福橋,但以林伯特目前取態,似乎佢係會繼續保留陣中現有既中堅人手,按近日記者會所表逹既睇法,推斷主要原因係林伯特唔希望因為某幾場既缺失而咁快放棄某部份年輕球員,佢唔想見到「迪布尼事件」再發生,亦姐係話佢至少會用一季時間比哩班「青春風暴」去表現自己。

不過在於球迷們取態,艾基外闖學有所按道理定必想佢回歸,再加上回購條即將到期,為免蘇州過後無艇搭顯然希望球會出手,而在於林伯特角度,如果後場陣容完整下再多一員的話上陣時間就必定會再度攤分,所以取決於究竟會唔會有球員離開,喺林伯特經已確定基斯甸臣會留隊後,只有左閘馬高斯阿朗素或艾馬臣其中一人離隊至會有空間同理據回購艾基,有傳前者為馬體會及國米目標,喺連帶關係下就睇下哩單交易會唔會做得成喇。

Fanpiece - 藍獅: https://football.fanpiece.com/bluexl...feature=scroll
Playasia - Buy Games & Codes for PS4, PS3, Xbox 360, Xbox One, Wii U and PC / Mac.

__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-16-20, 01:26 PM   #707
蛋撻王子
God of Gamer
功德完滿
 
註冊日期: Mar 2007
文章: 11,661
《尋找簡迪的使用手冊》



簡迪過往都比到人一種根心蒂固既典型防中風格,直到上季沙利短暫執掌車路士既時候一改作風,嘗試解放法國人喺前場助攻既能力,而今季到林伯特接手後亦貫徹哩個方向去實行,不過外界一如以往地覺得簡迪應該去返熟悉既防中位置,依加佢喺隊中既處境令人感覺到有啲不倫不類,究竟如何喺車路士發揮得到簡迪既最大效能?一齊探討一下。

簡迪由李斯特城加盟車路士至今,四年半時間經已經歷三任領隊所執教,而佢亦遙身一變成為一位世界級中場球員,喺干地手下,簡迪喺343陣式與當時仲喺史丹福橋既馬迪合組雙中場,主要兼顧中後場區域負責防守掃蕩,而進攻部份就交比馬迪或者法比加斯,以簡迪配合三中堅陣式作防反得出既戰術效果亦相當理想,最終令球隊成為應屆英超冠軍。

而沙利上季上任後,除左喺陣式上由三中堅改為佢最熟練既433之外,亦為左貫徹佢既戰術風格而喺意大利帶黎舊部佐真奴,後者喺沙利手中主要擔當墜後中場角式,負責攻守轉換、控制節奏以及策動攻勢,而另外兩名中場球員需要配合佐真奴,同時需要具備個人推進能力,而喺簡迪同佐真奴既位置重疊底下,加上車路士中場具備推進能力既球員實在唔多,簡迪無疑會係改變位置既合適人選。

論能力,巴克利喺推進方面絕對喺簡迪之下,而法比加斯亦唔係打開哩家波既球員,所以在於沙利既角度如果要維持433陣式作球隊大方向,簡迪就有必要一改過往既作風,成為前場與後場之間連接既橋樑,亦能透過佢喺覆蓋上作前場第一點防守,加強前線即時反擊能力,適當時期時亦會前插入禁區接應,將簡迪既跑動同覆蓋面既優勢發揮得淋漓盡致。

但針無兩頭利,簡迪始終半途出家,依加先黎開發佢喺進攻方面既能力當然係遲,而佢所做到既效果亦都唔能夠一下子做得好,走位配合係有,不過接應完拎住個波走去邊個位,出唔出到波,出個波去邊,又會係另一個問題,尤其係面對住需要破密集既對手時,簡迪所顯現既弊病就更加之大,好多時都係塞到個位但無乜效果,主要都係短傳接應咁上下。

再加上法國人近年透支都大,一啲長年類月積聚落黎既傷患亦開始爆發,林伯特其實係有必要錫住用,再唔能夠下下子咁長時間比佢應付日接日既賽事。不過對於開發佢進攻方面既能力,個人認為的確令簡迪成為一位更全能既中場球員,而更能善用發揮得到佢既個人跑動及推進能力,而如果路夫斯捷克復出的話,相信林伯特對於簡迪既運用就能夠更多變化,對住較強既球隊時能夠以法國人作防中為佐真奴輪換,而喺進攻上需要多一個切入點時亦能換上簡迪,令林伯特喺調動上再多一個手段。

簡迪既運用始終都係無確實既答案,哩個問題可能就連簡迪自己都解釋唔到...

Fanpiece - 藍獅: https://football.fanpiece.com/bluexl...-c1367108.html


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-19-20, 02:30 PM   #708
lwl
God of Gamer
 
註冊日期: Feb 2006
文章: 6,016
PSN  IDlwlworld
XBox Live GamertagLWLWORLD
捱夜睇
踢得好垃圾
keep 波散步,比人極易回防
又做唔到波,攻勢單調,最尾輸比補時比人入波
抵輸


__________________
Chelsea
lwl 目前離線   回覆時引用此篇文章
舊 01-19-20, 02:32 PM   #709
DC 97
The One
 
註冊日期: Jun 2003
文章: 21,690
Nintendo Switch ID3334-6659-7010
PSN  IDDC97
今季阿仙奴、車路士、曼聯、熱刺鬥得好勁(鬥垃圾@@)


__________________
PS Vita Acc: dc97psv
Xboxlive Acc: dc97sing
PS3 Acc: dc97
DC 97 目前離線   回覆時引用此篇文章
舊 01-20-20, 09:21 AM   #710
蛋撻王子
God of Gamer
功德完滿
 
註冊日期: Mar 2007
文章: 11,661
引用:
作者: lwl 查看文章
捱夜睇
踢得好垃圾
keep 波散步,比人極易回防
又做唔到波,攻勢單調,最尾輸比補時比人入波
抵輸
捱夜睇+1
去到個個時間見到輸角球

已經知輸左


救到一下出黎
心諗唔係掛 仲有一分嗎

結果


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-20-20, 09:26 AM   #711
蛋撻王子
God of Gamer
功德完滿
 
註冊日期: Mar 2007
文章: 11,661
紐卡素 1-0 車路士
對下游球隊久攻不下,然後晚節不保,似乎成為球隊的模式。



韋利安浪費全場最佳機會,間接令球隊落敗

賽前電視台訪問,紐卡素領隊布魯士已表明他們「不可能太進取」而會專注防守。然而就戰況來看卻並非一面倒。車路士無力破陣的缺點仍然嚴重,結果久攻不下竟晚節不保全失三分。

早段車路士一如預料推前進攻,但主隊防守緊密,即使左閘威廉斯 11 分鐘已受傷離場,但仍並未給與客軍太多機會。反而首次具威脅的埋門由「喜鵲」作出。22 分鐘右閘卡拉夫後上至前場再大腳傳中,前鋒祖連頓小禁區頂頭鎚攻門,基柏反應已遲了半秒,幸好皮球中楣彈出,再由列斯·占士白界綫前大腳解圍。

相反車路士攻勢在對方聯防下寥寥可數。28 分主隊再次快速反擊,由今仗復出的聖麥斯曼在左路含梅疾走意圖從車路士防綫中強行突破,但魯迪加老路縱橫及時出腳成功攔截。

33 分鐘韋利安左路傳中,譚美·阿伯拉罕巧妙地側身腳外檔撞射近柱中柱彈出,亦被判越位在先。一分鐘後占士右路交直綫向前,干堤突然高速由右路禁區角斜綫切入近門勁射,主隊門將杜巴夫卡擋出。雖未取得入球,但藍軍總算取回球賽主導權。

42 分鐘艾美朗回防在禁區頂勾跌佐真奴,車路士取得罰球。美臣·蒙特射中人牆,接下來的角球也被輕易解圍。補時階段韋利安交直綫,再擔任左閘的阿斯比列葛達推進施射被擋出至禁區頂,韋利安再補射又被擋,干堤再補射也無法穿越密集防守。補時五分鐘藍軍小組在禁區頂互傳後韋利安再射不果。上半場雙方互無紀錄。



列斯·占士表現不俗,卻受傷離場
中場休息時負責評論的前車路士右閘米芝洛批評車路士球員踢法不夠直接而互傳太多,讓對方易於防守。因此下半場開局情況依舊,車路士球員勤力有餘卻銳利不足。53 分鐘難得的三打二攻勢,蒙特交斜綫至禁區頂,完全無人看管的韋利安左腳熨遠柱竟完全不中目標。相反主隊舒維推至離門 25 碼遠射也難不到基柏。

68 分鐘林柏特作出第一個調動,以巴克利入替表現平平的蒙特,但占士也因傷離場由艾馬遜入替。79 分鐘車路士差點打開紀錄。佐真奴三閘綫吊入禁區,轉打右閘的阿斯比列葛達頭鎚二傳至小禁區頂,阿伯拉罕飛腳接應,門將未能完全清除來球,皮球彈地至遠柱在白界綫前僅被列治護空門解圍!這也是阿伯拉罕的最後貢獻,因百舒亞爾進場入替。

83 分鐘韋利安右路快放後傳中,主隊解圍不遠,艾馬遜後上勁射僅被費南迪斯擋出底綫。一分鐘後艾馬遜在禁區內被勾跌,卻被球證指為插水而領黃牌。86 分鐘赫臣·奧多爾開出左路角球,輾轉傳入禁區,巴克利近門施射又被擋出。車路士始終難以找到突破點。

反而差點失球。88 分鐘艾米朗交入禁區頂,祖連頓第一時間勁射幸好斜出。尾段主隊更加把禁區塞得滿滿。補時階段赫臣·奧多爾唯有禁區外試射但僅告高出。

補時最後半分鐘紐卡素搏得左路角球,韋利安解圍不遠,歐麥斯曼大腳交至小禁區頂笠過魯迪加,被希頓突破越位衝前頂入。車路士全失三分。

一月增兵的首要任務已很明顯。在進攻方面的突破力以及把握力嚴重不足。面對這種明顯穩守的對手,更不容出現像韋利安這樣浪費入球良機的情況。而林柏特仍然只換人不換陣的保守調動也或是久攻不下的因素。早前網主提到球會往往談判太慢而令增兵往往待至轉會窗關閉前一刻才完成,唯有在現時陣容中找突破,否則遠水不能救近火。但問題已非一朝一夕,有何新思維唯有希望林柏特和摩理士盡快發掘吧。

今仗最佳球員:干堤
其實全隊球員均表現平庸,只是干堤在攻守兩方面均有建樹貢獻稍大而已。

正選陣容:
紐卡素:杜巴夫卡|費南迪斯|拿修斯|奇勒|卡拉夫|威廉斯|希頓|舒維|艾米朗|聖麥斯曼|祖連頓
車路士:基柏|阿斯比列葛達|湯武利|基斯甸遜|列斯·占士|干堤|佐真奴|美臣·蒙特|赫臣·奧多爾|韋利安|譚美·阿伯拉罕

車路士新聞網: https://www.macchelsea.com/?p=11654


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-21-20, 12:21 AM   #712
蛋撻王子
God of Gamer
功德完滿
 
註冊日期: Mar 2007
文章: 11,661
《臨天光瀨尿 完場前遭喜鵲絕殺 車路士咎由自取式痛失三分》



沉晚英超可以話上演左一晚讓四大戰,多支前列球隊相繼失分各執一分,而尾場既車路士更遭到紐卡素絕殺連一分都無,實在難免令一眾捱夜睇波既車迷氣憤,三分全失後雖然尚未動遙第四位置,但藍軍已經被身後既曼聯逐步拉近距離,而身前既三支球隊亦愈拉愈遠。

車路士作客黎到聖占士公園球場,其實向來喺哩度既往績都相當一般,林伯特排出一個433既陣容應戰,魯迪加繼續伙拍基斯甸臣合作中堅位置,左右兩閘亦係艾斯派古達同尼爾斯占士,中場方面傷癒復出既簡迪亦馬上成為正選,同佐真奴以及蒙特合組三中場,而前場方面亦繼續係艾巴咸、韋利安同奧岱作攻堅。而單睇哩個出場陣容時經已有個疑問,何解高華錫連續兩場後備而反而剛復出既簡迪咁快急於作正選?

車路士喺今場波既表現其實稱唔得上係「老鼠拉龜」,紐卡素並非嚴密防守到滴水不漏,反而係藍軍自己把握唔到一次又一次既機會,上半場車路士的確喺控制球速方面略為偏慢,佐真奴亦多次揮手示意隊友要提升換邊傳球速度,節奏過慢根本難以拉出空間製造攻勢,兩邊路亦難以over load作人數優勢,而今場波亦過份集中於傳中,少左兩邊翼各自拉邊互傳,令艾巴咸好多時要喺禁區一對三甚至更多去爭頂,老實講以佢能力都做到好幾下埋門都經已算係咁。

而紐卡素亦透過好幾下半場死球高波吊入禁區製造唔少具威脅既攻門,車路士球員論身體質素拍埋去對手度基本上都爭成幾個碼,比人圍夾之下紐卡素根本上下下都成功頂到波。而下半場調整後林伯特嘗試要求球隊提升速度,亦開始製造更多更貼肉既攻勢,但奈何一一都係差半步之距將個波送入網中,而三個換人之中球迷較斟酌於巴舒亞伊哩個調動,個人認為如果場上既艾巴咸婁次欠運的話,亦理應換走作新嘗試。

不過以賽後分析黎睇今場波既433陣容人腳,其實簡迪同蒙特互調位置可能會更合適,簡迪明顯同右邊奧岱以及尼爾斯占士唔夾,如果安排蒙特打番右邊拍佢兩個夾慣夾熟,而簡迪亦可以去番同韋利安打同一邊作推進,效果可能會更理想,而占士受傷後奧岱亦隨即打番左邊而韋利安調返右,明顯林伯特係清楚知道奧岱拍占士以及韋利安拍簡迪哩兩對組合。

不過最摸不著頭腦既係高華錫經已兩場後備而且無出個場,究竟有小傷而無法上陣,還是林伯特想喺場上作出一啲難以睇到既新嘗試?實在無法得知,而黎緊下場波將會迎戰同樣狀態不穩既阿仙奴,能唔能夠喺主場全取三分?而距離轉會窗完結前仲有大約兩個星期,又會唔會有新面孔帶到比大家?就要繼續睇落去...

Fanpiece - 藍獅: https://football.fanpiece.com/bluexl...feature=scroll


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-22-20, 09:22 AM   #713
蛋撻王子
God of Gamer
功德完滿
 
註冊日期: Mar 2007
文章: 11,661
《青春風暴已到「撞牆期」 林伯特應如何帶領車路士走出困境?》



可能有人會對車路士需要走出困境哩個形容有啲保留,畢竟藍軍依加哩一刻喺聯賽榜上既排名依然身處前四之中,但唔能夠否認既係即使有魯迪加復出,車路士防線依然繼續出現失波情況,再加上前線欠缺穩定入球輸出,令全隊都處於攻不銳守不穩既狀態,如果唔係身後其他對同樣不穩失分,相信藍軍早以排除於前列之外,林伯特該如何帶領車路士走出依加既困境?

由開季至今,林伯特主要源用於沙利以及干地既戰術怖置作大方向指標,而內容上就加以微調細執,例如喺季初加強左前線以及側擊球員既三人小組互傳以及傳球速度,球速上比起上季沙利執教時節奏更明快,希望透過速度拉開空間避免出現老鼠拉龜情況,的確收到唔錯效果;而即使運用干地所用打開既三後衛陣式時,亦加強左右中堅於中場位置既覆蓋面,令唔少波喺對手禁區閂番出黎既時候都能夠第一時間再次獲得控球權,當然仲有其他被林伯特加以改善既細位未能一一盡錄,不過睇到林伯特的確喺戰術怖置上係花左唔少心思。

而人腳上林伯特除左繼續保留一班老臣子就好似艾斯派古達同韋利安之外,亦起用多位年輕球員更將佢地提升至戰術核心地位,艾巴咸以及蒙特哩對組合可以話係林伯特手中最重要既兩位球員,前者作第一支點角色在前場開路,嘗試搶第一點為球隊在前場爭取優勢,而後者除左為艾巴咸提供身後支援作輔鋒角色外,亦會經常到邊線協助韋利安及佩利錫,配合兩者進行小組式推進,同時亦需要連接中後場串聯,兩位球員喺林伯特既戰術體系當中基本上係不可或缺。

奈何年輕球員好多時順風順水既時候都能打出一段亮眼既表現,而一股衝勁亦會令佢地喺喺比賽既體能流放方面難以收放,同時一跌入低潮既時候亦難免顯得急進,喺比賽中既判斷以及思路難免受到影響,欠缺輸出穩定性,亦令車路士前線開始出現啞火。而中場組合方面,林伯特為左加強上季沙利戰術中對於禁區頂區域既攻力支援,位置上蒙特佔一席位之下,難免只能簡迪、高華錫以及佐真奴三人之中取其二,但喺組合上依然未能發揮得到最大效果。

除左係因為林伯特對於蒙特過份依賴之外,佢對簡迪既運用亦都非常執著,尤其係近哩兩場波法國人即使上場受傷缺陣黎到今次復出亦馬上得到正選一席,反觀高華錫就連續兩次後備連上陣時間都無,同時林伯特對於簡迪喺場上既運用亦處於膠著位置,面對於需破密集既對手時出簡迪實在難免令佢既功能同位置顯得相當尷尬,再加上哩位世界盃冠軍核心成員今季經歷唔少傷患,理應要多加休息唔能夠長時間比佢應付日接日既賽事,林伯特理應攤分番多啲上陣時間比高華錫先更為合適。

而後場方面唔想花太多篇幅去講,「死症」問題除左買人之外短期內都唔會做到啲咩改變,即使回購艾基亦未必能夠即時作出明顯提升,而市場上可提備更有質素既選擇亦唔多,所以球迷著眼點並無需注視於收購後衛之上,倒不如專心一意搞好個中前場提升一下個入球數字仲好,前場既後備球員無法為球隊於後備上陣時達到變奏效果,除左因為個別球員能力外,林伯特所安排球員上陣既時間同次數亦係值得斟酌既地方,就好似柏度咁,好多時可以嘗試比佢上陣操番好個態既時間又唔用,寧願唔換人用死一班同一班正選打到尾,到真正要用柏度既時候球員個態明顯未得,但狀態同上陣時間有絕對掛勾,再加普利錫經常受傷,其實係有必要操好柏度佢,而唔係等到臨時臨急先推球員出黎之後無表現時就話佢無貨交,實在有啲本末倒置。

而同時林伯特喺中場同後場既核心位置人選組合依然未確定,開季至今都已經經過半季時間,但中堅組合依然經常變換,魯迪加鐵膽走唔甩,但佢個正選拍檔就仍然未定,就好似季初至今一直長居後備席上既基斯甸臣係去到近日轉會窗開番有傳AC米蘭想要佢,林伯特先開始拎番佢出黎用連續兩場正選,而將蘇馬放回後備席上,雖然每位中堅都各自有唔同問題,但長時間喺組合上既變換尤其係中堅哩啲球隊核心位置難免更容易出現不穩,而中場位置亦係出現同樣情況。

林伯特的確想利用一班年輕小將作核心班底推動佢地進步,但有時候亦要避免執迷不悟忽略左球隊既平衡,唔少有經驗既球員都能夠以以老帶嫰既方式帶領小將成長,過度揠苗助長無論對個別球員同球隊都有著不良影響。理性地講以林伯特既經驗同能力能夠帶領到依加哩隊車路士有依一刻高度同成績並非容易既事,但如果佢係希望能夠再為車路士作出進一步提升的話,除左買人之外其實喺好多戰術內容以及用人調配上都可再作改善,而同時加以活用換人名額避免浪費,讓一眾後備席球員除左操好個態之外亦能同場上較為重心既球員夾多啲時間,都絕對可以為球隊帶黎正面幫助。

Fanpiece - 藍獅: https://football.fanpiece.com/bluexl...feature=scroll

我只能說覺得林伯都幾難做


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-23-20, 09:03 AM   #714
蛋撻王子
God of Gamer
功德完滿
 
註冊日期: Mar 2007
文章: 11,661
史丹福橋看台的恥笑聲,承載著車迷對大衛雷斯的複雜感情



 一個一個的經典鏡頭,令球迷愛不釋手,突如其來的驚天罰球,每每為球隊笑到最後。曾經讓每個車路士球迷都愛過的他,現在卻在史丹福橋任由嬉笑,一張紅牌,換來看台上觀眾一陣陣恥笑聲,把6年來的感動都拋到腦梢後。

他就是大衛雷斯,讓藍血球迷又愛又恨的那個人。



本週史丹褔橋一役領紅提前休息,讓阿仙奴在比賽早段踢少一人,這名倒戈相向的大將,一度讓新球會被舊東家威脅萬分。但觀乎網絡風向,大眾劍峰傾向痛訴作出自殺回傳的梅斯達菲,少有直接指責捨身阻止阿巴咸單刀的雷斯。梅毒害了雷斯吃紅牌,就是這起事件的主流結論。

  不過,史丹褔橋台上看官的感受,跟遠在香港的我們可是差天共地。他們不在意敵隊成員的腦筋短路,卻為雷斯在自家主場被球證驅逐而興奮不已。這個待了6年的家,這批支持了自己6年的球迷,今天用一片恥笑聲來迎接自己。

  要經歷幾個讓人心傷的鏡頭,才能走完由愛變恨的過程。



 一段巴黎出走史,成為球迷對雷斯的第一筆恨。頂著當時的史上最貴後衛之名,在歐聯十六強回到這個讓自己名成利就的家,頭槌入波後在一邊看台前狂奔,違反了賽前說進球不慶祝的諾言。那個畫面,至今在車路士球迷心中,依然是一根刺。

  幾年過去,今季壓住轉會死線再度離隊,乃是車迷對他的第二筆恨。這回出走的目的地,不是其他球隊,而是鬥足多年的市內死敵,大衛雷斯再一次讓車迷心碎一地,。



  前後3年車路士生涯,藍色球衣為雷斯帶來榮譽,讓這名來自巴西的小子站足英超,說是一代藍軍名將也不為過。但有苦難說,有多少個足球員能夠像托迪一般,自知年紀老邁不復當年勇,但依然想跟母隊同生同死,以沒有穿過其他球衣為榮。林伯特季前坦承相對,表示雷斯在自己手下不會是常任主力,球隊要專注培訓新星,讓雷斯再一次起了離心。

  人生本來就是一趟追尋目標的旅途,一對老拍檔君子坦盪盪,雷斯也不留戀甚麽了,接過阿仙奴一通電話就移情別戀,即使是僅僅£8M的賤價轉會費也沒所謂,反正有波踢就ok。



  穿上紅白襯球衣,這個雷斯怎麽看都帶點陌生。對車迷來說,這更是一個叛逆的代表。似乎「藍血忠臣」這四個字,以後再難與大衛雷斯連上關係了。

  所謂人情世故,都不過稀虛浮華。思歪能夠理解車迷對雷斯的複雜情感,但留不住逝去了的感情,實在讓人感到惋惜。





Fanpiece - 思歪: https://football.fanpiece.com/cystad...-c1367628.html

老老實實以前曾經諗過印佢波衫
Playasia - Buy Games & Codes for PS4, PS3, Xbox 360, Xbox One, Wii U and PC / Mac.

__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-23-20, 09:06 AM   #715
蛋撻王子
God of Gamer
功德完滿
 
註冊日期: Mar 2007
文章: 11,661
時代變 我再變 萬能隊長艾斯派古達

車路士今季經歷換血,不少年輕小將抬頭,佔據前中後的主力位置。如前線的艾巴咸、赫臣奧度爾;中場的蒙特、防線上的杜姆尼、列斯占士等。不過,隊中仍有不少老大哥發揮著關鍵作用,例如本文的主角,隊長艾斯派古達。



自加盟車路士後,艾斯派古達可是踢全了防線上的各個位置,因應教練的風格、要求,艾斯派古達的位置和踢法都不斷改變、進步。在迪馬堤奧、賓尼迪斯一朝,艾斯派古達是一名朝氣勃勃的右閘,在右路不停地奔跑,助攻助守;在摩連奴麾下,他改任左閘,在右閘伊雲奴域瘋狂壓上下,AZP就是留後的角色,以他出色的防守技藝為球隊防線把守最後一關。在干地領導下,AZP搖身一變成為球隊的右中堅,以他出色的位置感和單防能力為右翼衛的摩西斯補漏填位,是3-4-3陣式中關鍵的一員。



在每一任教練的領導下,AZP都有著明顯的改變,在現今的足球世代,要求兩閘壓上助攻,對閘位的傳中、疊瓦參與進攻的要求很高。利物浦的阿諾特和羅拔臣;李城的列卡度佩雷拉和捷維爾,都是全能型閘位的樣板。車路士的領隊林柏特亦順應大勢,要求隊中的二閘參與進攻的工作。在季初,「純防型」的AZP似是不太適應林柏特要求兩閘齊飛的戰術,踢得患得患失。但是在苦練和適應後,AZP終於在進攻的參與度上,有著明顯的進步。

從車路士的比賽中可見,AZP的現位、入楔的時機和以往的大不同。在季初,他多是「循例」地出現在疊瓦的位置上,一腳毫無準繩度的落底傳中,終結了球隊的進攻,成為「進攻黑洞」。但在林柏特的點撥後,AZP的疊瓦不再是這麼「例牌」,而是懂得走進一些守衛的盲眼位,再和右路(有時候是左路)的韋利安或是奧度爾作出配合;或是傳中急勁的地波;又或是自己起腳攻門,瓣數多了很多。遠的不說,在對陣阿仙奴的比賽中,這名藍軍隊長在右路多次和奧度爾的撞牆、傳球、走位,完全打散了兵工廠左路的防守,他的出現和走位亦為奧度爾拉開對手,製造出突破的空間和機會,讓這名小將完全把沙加輾壓,未能在領先一球後再下一城,實只屬艾巴咸等中前場球員把握力的問題。在比賽的末段,AZP亦在一次短角球攻勢中在近門攻入一球,是這名防守大鎖,在進攻端上進步的證明。



在今季27場比賽中,艾斯派古達已交出三球三助攻的成績,他的傳中不論是在左路還是右路,準繩度都提高了不少,雖未及列斯占士的強,但對這名老隊長來說,已是一大長足的進步。藍軍的右路有著這兩名實力閘位球員,實是非常幸福的煩惱。不斷改變、不變進步,這就是車路士的隊長,敬業樂業的艾斯派古達。

Fanpiece - 評球品足小球僮: https://football.fanpiece.com/little...-c1367599.html

同意艾斯比利古達係車仔防守方面既貢獻
但佢實在係隊長方面無乜太大感覺/作用

下任隊長睇好係佐真奴做


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-23-20, 01:15 PM   #716
蛋撻王子
God of Gamer
功德完滿
 
註冊日期: Mar 2007
文章: 11,661
《尋找殺手本能前鋒 借用卡雲尼會係車路士前線解決方案?》



距離轉會窗結束仲有唔夠十日時間,而提早解除轉會禁令既車路士至今仍然未有宣佈任何一單收購消息,近日外界焦點轉向於巴黎聖日門前鋒卡雲尼身上,由早前傳出藍軍希望以資金收購到今日改成為以借用身份先作補強,再加上林伯特於對阿仙奴既賽後記者會並無否認其消息,似乎經已確實卡雲尼會係車路士既補強目標之一,但烏拉圭人能否解決藍軍前線攻力不足哩個問題,就相當值得斟酌。

其實由開季至今半季時間,都睇得出車路士係有為前鋒補強既需要,陣中適合林伯特戰術體系既箭頭就只有艾巴咸一個,而另外兩名前鋒基奧特同巴舒亞伊各自都因為能力同風格問題,難以得到林伯特所信賴,所以過多場次都一直由艾巴咸擔正,難免會令哩位年輕小將出現體能流放過多以及傷患等問題。適逢球會上訴成功提早結束轉會禁令既限制,其實正正係一個好時機比球隊為前線補強以解決攻力不足既問題,

而卡雲尼今季喺巴黎聖日門得唔到太多上陣機會,但主要問題除左係哩支法甲班霸季初以借用形式簽入國際米蘭前隊長伊卡迪之外,最重要係卡雲尼一直受到斷斷續續既傷患所困擾,令佢經已成為隊中既高薪後備,亦令巴黎聖日門有意喺佢完約之前將放走哩位烏拉圭前鋒。當然,並唔否認卡雲尼都算係一個世界級射手,但今年經已三十有二既佢其實近年黎都受唔少傷患困擾,競技狀態難免點都會受到影響,黎到英超仲有幾多機會踢又會係另一個問題。

即使係以借用身份加盟,但其實如果係用唔著都係白比人工,仲要講緊卡雲尼份人工並唔係平據報都要成三十六萬英鎊,再加上未計租借費等費用,其實哩單交易都存在唔少風險,同埋其實藍軍早幾年都經已中過一次伏,講緊既就係由另一支法甲前班霸既摩納哥借入佢地既隊長法卡奧,基本上都唔能夠幫助球隊之餘坐仲多過踢,而同樣地法卡奧同卡雲尼除左都係黎自法甲之外,佢地兩位當日都仲係喺當打之年既時候其實都經已係藍軍既收購潛在目標 (法卡奧於馬體會 卡雲尼於拿玻里既年代)。

就算係借用都好,與其得物而無所用去收購一啲黃昏老將,倒不如真金白銀比多少少去買一啲真係啱自己用既仲好,至少用得其所啲錢並唔係白比,貪字得個貧呀。

Fanpiece - 藍獅: https://football.fanpiece.com/bluexl...-c1367653.html

球員計其實我唔太鐘意卡雲尼
而論能力計係咪真係可以借番黎半季交到功課
我都有D保留
不過岩岩呢場艾巴咸小傷
就要睇林伯信唔信任巴舒亞伊了

應該轉會窗前都無英超賽事了?


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-24-20, 08:56 AM   #717
蛋撻王子
God of Gamer
功德完滿
 
註冊日期: Mar 2007
文章: 11,661
【光陰難買】昔日杜奧巴好拍檔 現已被投閒置散

數到對上十多年在世界球壇上曇花一現的國家隊,可能其中一隊會是科特迪瓦。他們在2006-2014年連續三屆打入世界盃決賽周,當時陣中坐擁杜奧巴 (Didier Drogba)、耶耶托利 (Yaya Touré)、高路托利 (Kolo Touré)、伊保爾 (Emmanuel Eboué)、索高拿 (Didier Zokora)、迪奧堤 (Cheick Tioté)、謝雲奴 (Gervinho) 和沙路文卡奴 (Salomon Kalou) 等人。不過,他們始終無法突破分組賽的關口。轉眼間,這裡大部分球員都已退役了,現時還在歐洲球壇效力的就只有後兩者。當中,謝雲奴仍然是帕爾馬的主力球員之一,但另一位當年科特迪瓦的攻擊鐵三角之一沙路文卡奴的處境則是另一個故事。



沙路文卡奴在2006年夏天加盟車路士,除了得以在更高水平的聯賽效力外,還藉此入選國家隊。多年來,他和杜奧巴一直在球會和國家隊合作無間,是當年車路士盛世時的其中一位綠葉球員之一。雖然及後由於球會重整旗鼓,他不獲續約,但他仍然留在歐洲,轉戰法甲的里爾和現時的哈化柏林。不過歲月催人老,沙路文卡奴的重要性和競技水平一年比一年下降。上季,他全季在哈化柏林上陣30場 (27次正選3次後備),攻入8個入球和取得2個助攻,但來到今季,截至第18輪聯賽,他只曾上陣147分鐘 (1次正選4次後備),攻入1球。在匈牙利主帥戴達 (Pál Dárdai) 季前離開後,無論是克羅地亞教頭哥域 (Ante Čović),還是現時的奇連士文 (Jürgen Klinsmann) 都對沙路文卡奴投閒置散,他對上一次上陣已要數到兩個月前對多蒙特的賽事了。



沙路文卡奴的合約將會在今年夏天屆滿,已經34歲的他相信不會獲球會留用,而他的下一站又會何去何從,還是選擇掛靴?



Fanpiece - 華拉堤踢法似我: https://football.fanpiece.com/footba...-c1367683.html

真係唔係個個人既星途都咁順利....


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-24-20, 12:58 PM   #718
蛋撻王子
God of Gamer
功德完滿
 
註冊日期: Mar 2007
文章: 11,661
干地借走左摩西斯
依家既國米真係成隊英超兵

半年後國米有優先購買權


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-29-20, 09:10 AM   #719
蛋撻王子
God of Gamer
功德完滿
 
註冊日期: Mar 2007
文章: 11,661
侯城 1-2 車路士



百舒亞爾難得正選自然抓緊機會先入一球

經過近期對紐卡素和阿仙奴兩場令人失望的球賽,今仗轉戰足總盃作客英冠球隊侯城可是一次忘記不快的機會。然而對手屬較低一組別並不代表容易應付。車路士也要食盡驚風散才得以一球僅勝。

陣容上表現被林柏特點名批評的門將基柏可趁盃賽留在倫敦;譚美·阿伯拉罕上仗受傷讓百舒亞爾有表現的機會。此外林柏特雖派出部分近日較少上陣的球員如湯武利和蘇馬、柏度與巴克利等,但青年軍如林迪和比利·基摩等只列後備,可見他對足總盃的重視程度。

主隊開賽較為主動,但先開紀錄的卻是穿上作客白色球衣的車路士。僅六分鐘作出的快速反擊,阿斯比列葛達右路快放至禁區邊大腳傳至遠柱,美臣·蒙特接應一扣一射被擋至禁區頂,百舒亞爾後上補射,皮球射中對方後衞泰法素利改變方向入網。車路士先拔頭籌。

比利時射手矢志向領隊證明自己,在前綫繼續努力。14 分鐘他接應柏度直綫推入禁區窄角度左腳熨射,僅被對方擋出。兩分鐘後巴克利也衝前 12 碼點撞射,主隊門將朗治及時出迎解圍。

然而球隊創造力不足的問題仍然明顯。雖然林柏特在中場已排出高華錫、巴克利和美臣·蒙特三人而棄用防守中場,射門機會也不算少,但把握力弱確是令人煩惱。33 分鐘美臣·蒙特在小禁區邊單刀施射但竟仍射中門將。反之侯城前綫的寶雲及韋基斯等快速球員製造不少麻煩,37 分鐘前者禁區頂轉身抽射,幸好威脅不大被卡巴尼路沒收。

39 分鐘柏度邊綫交出 30 碼直綫,阿斯比列葛達前綫傳中至近柱,巴克利近門撞射被擋出。補時階段馬高斯·阿朗素左路傳中,阿斯比列葛達竟由中路突入禁區連隨起腳射近柱僅被擋出。上半場主導戰局但仍只領先一球。



湯武利下半場頭鎚建功

下半場主隊侯城自然發動猛攻。上半場造成不少威脅的寶雲先逼使高華錫攔截領黃牌,再右路快放令馬高斯·阿朗素僅能逼得他射中網側。只領先一球實在難以令林柏特感到安心。尤其令人充滿期望的赫臣·奧多爾如同隱形。

尤其 50 分鐘後主隊發動連串攻勢令車路士禁區非常緊張。54 分鐘寶雲在右路背向龍門把隊友長傳一挑再 180º 轉身控定再推,實在令人嘆為觀止;隨後主隊也連續搏到多次角球。整整超過五分鐘車路士完全被逼留在自己半場動彈不得。

59 分鐘寶雲在中路三閘綫接應隊友長傳,突然加速推過馬高斯·阿朗素至蛾眉月頂施射僅告高出。這名 23 歲英格蘭翼鋒實非池中物,難怪上季獲選入 FIFA 19 英冠全年最佳陣容。

不過堅毅捱過對方一輪強攻的車路士終於獲得回報。63 分鐘蘇馬竟從後場交出超過 40 碼的直綫至前綫,美臣·蒙特正全速接應推進被對方中堅李凱勾跌令後者領黃牌。更重要的是一分鐘後巴克利開出罰球,遠柱湯武利一跳一頂應聲入網!球隊取得重要的燕梳球。

林柏特立刻以韋利安和比利·基摩入替毫無表現的赫臣·奧多爾與多次被對方後衞「招咪」的蒙特。巴西翼鋒甫入場即在蛾眉月後踭交予老拍檔柏度,可惜西班牙翼鋒左腳射門貼柱斜出。

射入第二球後主隊似已洩氣,讓車路士得以重新主導戰局。73 分鐘車路士右路角球開至遠柱,湯武利近門勁射被擋再補射,可惜未能梅開二度。一分鐘後巴克利右路交予柏度推入禁區引門將出迎再笠射,同樣只中網側。

78 分鐘馬高斯·阿朗素在禁區頂不必要地犯規。主隊後備入替的哥錫基主射,竟省中高華錫改變方向,卡巴尼路無從挽救。原本似乎穩健的戰局又緊張起來。

尾段戰況更為緊張。84 分鐘馬高斯·阿朗素禁區頂找到空位左腳熨遠柱僅僅被擋高出;兩分鐘後主隊把握車路士中場誤傳作出二打二反擊,剛射入罰球的哥錫基禁區頂左腳熨近柱但僅僅高出。88 分鐘侯城角球,遠柱的泰法素利竟無人看管讓他從容跳頂,幸好他完全不中目標。

補時階段小將林迪入替柏度。94 分鐘主隊並再搏得角球,幸好仍能大腳解圍。結果有驚無險順利晉級第五圈。

球隊今仗表現不算精彩,創造力與把握力不足的問題仍然明顯,但總算全隊上下努力有嘉。而從後防綫發動攻勢可能是林柏特賽前部署。但回到聯賽往後連續三場硬仗,先作客李斯特城,再主場迎戰曼聯和熱刺,之後便有拜仁慕尼黑來襲。今仗獲勝不需重賽可能已是萬幸,但表現不快速提升後果堪虞。

今仗最佳球員:湯武利
除射入一球外,在後場也多次作出關鍵攔截,更差點梅開二度。蘇馬的防守也頗為穩健。

正選陣容:
侯城:朗治|李凱|貝基|泰法素利|麥堅時|靴比·簡尼|達施華勞比斯|亨尼文|寶雲|韋基斯|伊夫斯
車路士:卡巴尼路|阿斯比列葛達|蘇馬|湯武利|馬高斯·阿朗素|高華錫|巴克利|美臣·蒙特|柏度|赫臣·奧多爾|百舒亞爾

車路士新聞網: https://www.macchelsea.com/?p=11686


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-29-20, 09:12 AM   #720
蛋撻王子
God of Gamer
功德完滿
 
註冊日期: Mar 2007
文章: 11,661
普利錫《GQ》雜誌專訪
從訪問看來普利錫也是乖孩子一名



普利錫今季加盟表現對辦,希望早日傷癒

今天美國版《GQ》雜誌網站刊出普利錫專訪,讓車迷瞭解這位 21 歲「美國隊長」在史丹福橋的生活以及他隨和的性格。(GQ:記者;普:普利錫)

GQ:你可否介紹一下你在比賽日一般是怎樣過的?

普:唔,這視乎比賽時間,因為有時我們在正午或下午三時甚至更晚進行比賽。以一般三時開賽來說,通常上午都是自由時間,我會在 9:30 左右吃早餐。最近我喜歡吃牛油果多士,有時會加上炒蛋。然後我會回房休息一會,接着便會歸隊作輕鬆操練和開會,開賽前三小時用膳。有時會再開一次會、做些賽前準備,然後便出賽了。

GQ:為甚麼在開賽前三小時用膳?

普:這是策略上的決定。你出賽時不會想感到太飽。這給與你足夠的時間去感到那能量並準備好出賽。開賽時我有時會吃點小食去增加一點糖分,但僅此而已。

球賽後,我們在更衣室會有很多不同種類的食物作補充。大約 6:00 左右我會正式吃晚餐。但那真的視乎比賽時間而定。

GQ:這些膳食是否都是球會廚師製作的?

普:是呀,我們在隨軍廚師到我們下榻的酒店為我們預備一切。我自己也有一位廚師為我準備晚餐。他的食物很美味,尤其是肉丸意粉。

GQ:你自己的煮食技巧如何?

普:還可以的,但我不常煮食,因為我寧願讓廚師發揮。但我想如果我有需要,我也會煮得不錯的。

GQ:好的,如果你放假要回娘家而要負責一道菜,你會做些甚麼?

普:我會簡簡單單的做些炸玉米餅 (tacos)。人人都愛吃炸玉米餅,因此我通常選擇它。

GQ:你的工作需要經常外遊,那你怎樣安排你的睡眠?你會午睡嗎?

普:對我來說,我更重視睡覺的時間以確保在訓練前有最少八小時睡眠。多數如果我能做到,我不會小睡。但有時操練較艱辛便會合起雙眼休息一會,但不會很久。

GQ:放假時這生活模式會否改變很大?

普:不會太大。我可能會多睡一兩小時。有時在一場大戰後會多吃一點慰勞自己,因我在球賽中已耗盡體力。但大多數時候我較喜歡簡單和健康的膳食。

GQ:對於專業足球員來說,舉重和耐久力訓練的比重是怎樣的?

普:有些球員會較着重舉重訓練。這很個人化的。明顯地每兩三天便有一場球賽,我們不太可能每天都去作舉重訓練,這對我們不是最好的做法。但我可能一星期到健身室兩次去做上下身的鍜練。每次分幾個小節。我們不會在健身室做死自己,因我們的運動不需這樣。

車路士新聞網: https://www.macchelsea.com/?p=11709


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 01-31-20, 08:59 AM   #721
蛋撻王子
God of Gamer
功德完滿
 
註冊日期: Mar 2007
文章: 11,661
《又要打甩轉會禁令 但喺轉會窗又唔買人 車路士高層哩招究竟係咩玩法?》



距離轉會窗結束仲有唔夠足兩日時間,各支球隊都為補強作最後衝刺,但早前經已打甩轉會禁令既車路士至今依然一單Deal都未傾得成,仍然為前鋒位置費煞思量,如果最終一單收購都無做到的話,咁球會其實無必要就轉會禁令期作出無謂既上訴,橫掂你都唔諗住買人,車路士高層今個轉會窗其實做過啲乜?

開季果刻,車路士球迷一早已疊埋心水諗住球會起用青訓,加上受到轉會禁令既影響,其實一早都預左今季球隊拎到前六都收貨有突,而歐聯戰線就行到幾遠得幾遠,較意外既係林伯特與一眾小將喺上半季打出過一段唔錯既成績,當然過程中亦存中好多不穩定性,不過其他球隊喺同樣情況下令藍軍至今仍然處於排名榜第四位,以成績上黎睇咁緊係收貨啦。

而球會亦一直就轉會禁令提出上訴,最終亦得嘗所願喺一月前成功提前結束有關禁令,亦令唔少球迷憧憬球隊會為個別位置補強而增強板凳質素,希望能夠喺下半季賽事仍然保持競爭力,外界主要都認為藍軍至少要分別為前場同後場各自添加一位新球員,主要係因為車路士喺上半季既賽事失波並唔少,後場球員過多個人失誤,再加上前線過份依賴正選果班球員,一去到佢地欠缺狀態或啞火之時球隊就無法維持穩定輸出,有必要補充其位置。

但林伯特早已就後場球員拉上大閘,佢對於隊中現有既四位球員魯迪加、蘇馬、基斯甸臣以及湯姆利都表示滿意,似乎能夠行使回購令既艾基並唔符合林伯特既引援標準,而由於距離轉會窗完結時間臨近,令外界既目光重新聚焦於前線上,根據親車路士記者Matt Law所報導,藍軍首選依然係引入巴黎聖日門前鋒卡雲尼,但球員一心一意希望加盟馬體會,而車路士次選方案就係AC米蘭既比亞迪克亦將投哈化柏林,至於第三方案就係租用皇馬既祖域。

但以依加既進度再加埋車路士高層以往既作風,其實好大機會係會一單都傾唔成,足足一個月都依然一單Dealeal都傾唔成,想買果啲到依加都要同其他球會競爭,基本上出手亦唔會夠人地高,而球員亦會覺得車路士根本無誠意去邀請佢地加盟,如果咁的話早前其實都無需要為轉會禁令期限而作出上訴,因為今個轉會窗根本上都用唔著,有同無對車路士既處境都無任何改變。

兩個字足以形容,失敗....

Fanpiece - 藍獅: https://football.fanpiece.com/bluexl...-c1368031.html


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 02-01-20, 09:33 PM   #722
蛋撻王子
God of Gamer
功德完滿
 
註冊日期: Mar 2007
文章: 11,661
卡巴尼路救得太靚
有驚喜

簡迪BB滿場飛

但快D入波啦
好唔穩陣真係
每次車仔下半場都弱D


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 02-01-20, 10:01 PM   #723
蛋撻王子
God of Gamer
功德完滿
 
註冊日期: Mar 2007
文章: 11,661
1:2我以為輸硬了
點知魯迪加神頂又變番2:2

加油呀車仔


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 02-01-20, 10:37 PM   #724
蛋撻王子
God of Gamer
功德完滿
 
註冊日期: Mar 2007
文章: 11,661
2:2只能收貨
邊有人會估到魯迪加入兩球

頭先其實以為會輸的了


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
舊 02-03-20, 11:20 PM   #725
蛋撻王子
God of Gamer
功德完滿
 
註冊日期: Mar 2007
文章: 11,661
李斯特城 2-2 車路士
魯迪加兩個入球意料不到之餘也令人紓一口氣



魯迪加梅開二度助球隊先領先後扳平

轉會窗的失望不難發現反映在球員身上。全場球員表現勤力有餘但全無霸氣,明顯是信心不足的癥狀。林柏特作出的陣容調動不難預計也算合理,但世事充滿諷刺,正是其中一項調動直接引致失球。幸而球員的努力最後取得一分也非壞事。

陣容方面林柏特作出兩項重要調動。一如所料卡巴尼路取代基柏擔任正選門將,而柏度亦少有地在聯賽正選上陣,取代韋利安的正選位置司職左翼鋒,赫臣·奧多爾則移往右路。李斯特城則原以尼迪迪任正選防守中場,但他在熱身時受傷而以年輕球員查道利代替。

開賽五分鐘柏度左路橫傳至蛾眉月,赫臣·奧多爾後上無人看管,但似乎起腳前地面輕微一滑令他踢空氣而錯失良機。九分鐘列斯·占士接應罰球攻勢右路傳至小禁區被對方先解圍。11 分鐘赫臣·奧多爾右路切入禁區頂再在敵衞人群中交斜綫予美臣·蒙特,但他射門竟一飛衝天,雖然被判越位在先。早段車路士反客為主,但可能忌於對方著名的快速反擊,表現未算十分突出。

17 分鐘車路士連續浪費兩次黃金機會。阿斯比列葛達傳中至小禁區內,但僅僅在阿伯拉罕身後因此未能施射;一分鐘後占士右路落底傳中,阿伯拉罕門前一滑失機。20 分鐘阿伯拉罕推入禁區轉身之時主隊中堅蘇恩古的膝頭似乎把他踢跌,但 VAR 表示未有犯規動作。

車路士久攻不下,主隊開始進攻,25 分鐘更差點一擊即中。車路士球員似乎欠缺集中,讓佩雷斯在右路胸口一控交入禁區由華迪單刀施射,卡巴尼路及時擋出而倖免一難!

32 分鐘柏度轉戰右路,在禁區頂對方密集看守下把球一挑作笠射,舒米高僅僅以指尖托出;一分鐘後主隊麥迪遜左路傳中,班尼斯禁區頂左腳熨射但高出。戰局至此陷入膠着狀態。37 分鐘李斯特城右路角球開至遠柱,盛傳是車路士今夏重點收購目標的左閘哲維爾左腳熨遠柱但高出。

車路士也不示弱,上半場尾段連番進攻。39 分鐘占士再右路傳中入小禁區,伊雲斯及時解圍;一分鐘後這赫臣·奧多爾乘對方誤傳右路傳至遠柱,對方右閘佩雷拉門前滑倒,可惜皮球落在蒙特身後令他射門軟弱無力,被伊雲斯及時解圍。

補時階段蒙特左路推進交橫予阿伯拉罕再交予右路無人看管的赫臣·奧多爾,但年輕翼鋒操之過急大腳施射飛上觀眾席;一分鐘後李斯特城左路角球開至遠柱,查道理頭鎚頂近柱但不中目標。雙方攻勢不少但表現未算銳利,0-0 是合理戰果。



列斯·占士助攻助守表現俱佳,但首個失球有部分責任

上半場苦戰未果,想不到下半場不足兩分鐘已打開紀錄。美臣·蒙特開出角球,魯迪加銅頭一搖皮球近柱應聲入網!卡斯柏·舒米高無從挽救!

但今季車迷早已習慣領先不代表一切。果然 54 分鐘被主隊扳平,雖然入球有極大運氣成分。班尼斯左路進襲高速扣過上半場表現甚佳的占士後殺入禁區連隨施射省中基斯甸遜改變方向,令卡巴尼路只能目送皮球入網。

得勢否饒人,主隊反擊仍然具威脅。57 分鐘麥迪遜中場推進逼使佐真奴出腳攔截而領他今季第 11 面黃牌。日後若再領黃牌則需停賽兩場。相反 61 分鐘麥迪遜則從後剷跌列斯·占士也領黃牌。

原本不算猛烈的主隊攻勢卻因卡巴尼路的低級錯誤而再下一城。65 分鐘主隊全無威脅的傳球溜至右路禁區外,卡巴尼路在完全沒有威脅下竟輕出禁區之外,被迪拉文斯大腳傳至遠柱,再由哲維爾射入近柱空門。

但球隊仍未放棄。71 分鐘與第一球同一組合再建一功!蒙特開出左路角球至遠柱,魯迪加跳頂再次鶴立雞群,皮球曲墜笠過舒米高遠柱入網!主隊門將難掩失望之情。

這時韋利安入替柏度,高華錫也取代領有黃牌的佐真奴作最後一搏。但後者甫進場便因攔截對方進攻中場佩雷斯領黃牌,並且在禁區頂危險位置輸罰球。麥迪遜主射省中人牆彈出底綫;接下來的角球竟無人看管主隊中堅伊雲斯,幸好他頭鎚無靈完全不中目標。

主隊 80 分鐘的攻勢同樣具威脅。華迪右路快速推進至禁區邊橫傳至十二碼點,車路士後衞竟無人追及,但佩雷斯單刀熨射僅僅左邊柱出底綫。這三分鐘林柏特可標一身冷汗。

主隊可能眼見 83 分鐘林柏特以巴克利入替帶傷上陣的阿伯拉罕的求和格局而全力搶攻。補時階段班尼斯左路傳中,皮球省中魯迪加在身後的手掌,當然不會判十二碼。結果雙方各得一分。

作客今季強勢的李斯特城取得一分應該收貨。固然卡巴尼路的失誤令人咋舌而且代價極大,但今仗首個失球卻只輸在欠運。上半場前綫多次錯失入球良機也是一直存在的問題。只是欠缺增援下未來一個月面對三條戰綫而且接下來連續三場硬仗 (曼聯、熱刺、拜仁慕尼黑),是對林柏特和小將的重大考驗之餘,也是極佳的學習機會。至於門將的問題相信令林柏特費煞思量。

今仗最佳球員:魯迪加
竟然連入兩球助球隊先領先後扳平,兩個失球也非他能挽救。列斯·占士的表現亦十分悅目,可惜一次失位造成球隊首個失球。

正選陣容:
李斯特城:舒米高|佩雷拉|伊雲斯|蘇恩古|哲維爾|查道利|佩雷斯|迪利文斯|麥迪遜|班尼斯|華迪
車路士:卡巴尼路|列斯·占士|基斯甸遜|魯迪加|阿斯比列葛達|干堤|佐真奴|美臣·蒙特|赫臣·奧多爾|柏度|譚美·阿伯拉罕

Fanpiece - 車路士新聞網: https://www.macchelsea.com/?p=11723

雖然我自己身邊有朋友好唔鐘意巴克利
但我自己都對今次換入巴克利唔係好滿意
點解係換入巴克利而唔係換入巴舒亞伊(?)


__________________
FGO ID: 881784125
ImasSS 高峯のあ様担当 ID: 345727131
GBF 新手上路 ID: 8721103
艦これ 單冠灣泊地 社畜提督
Fantasy Premium League
千年王子 花騎團長 城殿
蛋撻王子 目前離線   回覆時引用此篇文章
回覆

主題工具
顯示模式

論壇跳轉

相似的主題
主題 主題作者 版面 回覆 最後發表
車路士球迷會Vol.33 ﹝~ 請移至Vol.34 繼續討論 ~﹞ 柴崎幸 球會討論區 1000 01-04-16 08:08 AM
車路士球迷會Vol.32﹝~ 請移至Vol.33 討論~﹞ 柴崎幸 球會討論區 1007 03-12-15 03:37 PM
車路士球迷會Vol.26 ﹝~ 請移至 Vol.27 繼續討論!~﹞ 柴崎幸 球會討論區 1000 11-03-12 10:54 AM
車路士球迷會Vol.23 ﹝~ 請移至Vol.24 討論~﹞ 柴崎幸 球會討論區 999 04-12-12 01:48 PM
車路士球迷會Vol.24 ﹝~ 備用 ~﹞ 柴崎幸 球會討論區 2 04-11-12 07:08 AM


現在的時間是 08:00 AM


手機版 | APP版
Powered by vBulletin® 版本 3.8.3
版權所有 ©2000 - 2020,Jelsoft Enterprises Ltd. map
Games Animation Forum