Games Animation Forum

返回   Games Animation Forum > 娛樂興趣區 > 體育版 > 球會討論區

回覆
 
主題工具 顯示模式
舊 01-05-20, 12:34 AM   #201
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯肯賣普巴啦!向皇馬開出終極條件

曼聯中場保羅普巴離隊消息又有新發展,根據英國《太陽報》爆料,紅魔鬼已經對呢位法國國腳失去耐性,願意將佢出售畀皇馬,而且肯「減價」送走佢,只要皇馬支付1億鎊轉會費,再加中場卻奧斯,就會畀普巴上「艦」。

保羅普巴日前又再受傷,復出無期,加上佢嘅經理人拉奧拿同曼聯鬧翻,進一步增加普巴離隊嘅可能性,最大機會仍然係去「銀河艦隊」皇馬。

盛傳曼聯之前將普巴標價為1.5億至1.6億鎊,令皇馬卻步,但基於現時情況有變,曼聯願意讓步,只收1億鎊轉會費,但要求皇馬送埋卻奧斯。

事實上,曼聯早於2014年已經想簽卻奧斯,呢位德國國腳最終選擇加盟皇馬,由於卻奧斯當年轉會費只係2400萬鎊,加上皇馬中場新星費達歷高華維迪崛起,令卻奧斯重要性下降,就算依家真係送畀曼聯,損失都唔大,曼聯提出呢個交易條件,令成事機會大增。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 01-07-20 02:36 PM 被 Busconcamp 編輯。
Busconcamp 目前離線   回覆時引用此篇文章
舊 01-05-20, 12:37 AM   #202
Busconcamp
The One
紅魔鬼閃耀GAF
 
註冊日期: Jan 2003
文章: 75,709
英超最強新人王!曼聯加入爭奪戰

曼聯領隊蘇斯克查一直想簽入進攻型中場,提升攻力,除咗睇中熱刺嘅基斯甸艾歷臣、李斯特城嘅占士麥迪臣之外,依家又有新目標,就係諾域治天才新星簡威爾。

呢位21歲英格蘭小國腳今季首度參加英超,表現一鳴驚人,21次上陣入6球,包括對車路士、曼城、阿仙奴,都取得入球,簡直係「豪門殺手」,據悉曼城同熱刺都有興趣簽入佢。

諾域治現時排包尾,好大機會降班,一班主力可能已經準備搵定後路,以免下季要去踢英冠,曼聯可望趁機收購簡威爾,英國傳媒估計佢身價只係3000萬鎊,又真係幾抵玩。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 01-07-20 02:36 PM 被 Busconcamp 編輯。
Busconcamp 目前離線   回覆時引用此篇文章
舊 01-05-20, 12:41 AM   #203
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【阿King】答我呀!點解連格仲可以踢正選

曼聯0:2不敵阿仙奴,領隊蘇斯克查可以話係咎由自取,因為佢派出「零先生」連格做正選,呢位英格蘭中場貫徹「零貢獻」作風,結果踢到58分鐘就被換走。

其實連格廢都已經唔係今時今日嘅事,佢對上1次喺英超助攻,已經係2018年12月28日對哈特斯菲爾德,最近1次喺英超入波,更加要數到2018年12月22日對卡迪夫城。

換言之,連格連續橫跨兩年喺英超0入波0助攻,佢今場對阿仙奴,有31次觸球,26次傳球成功,1次射門,剷波、搶截、解圍都係0次,但犯規同失誤就分別有3次同2次,可以話係成事不足、敗事有餘,被評為全場最低5.7分。

最諷刺係蘇斯克查偏偏安排佢出任「靈魂10號位置」,前英格蘭主帥艾拿戴斯認為踢呢個位置嘅球員,一季起碼要入10球及6至8次助攻,先至算合格,搵連格踢呢個位,等於踢少1人,曼聯冇乜理由唔衰。

其實曼聯陣中不乏可以勝任10號位嘅球員,包括桑馬達,呢位西班牙中場傳射能力俱佳,而且大賽經驗豐富,絕對有能力擔當進攻策劃者角色,但蘇斯克查卻將佢投閒置散,搵連格擔正,實在係自殺式排陣,曼聯想復興,第一步必須踢走連格。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 01-07-20 02:36 PM 被 Busconcamp 編輯。
Busconcamp 目前離線   回覆時引用此篇文章
舊 01-05-20, 11:17 PM   #204
Busconcamp
The One
紅魔鬼閃耀GAF
 
註冊日期: Jan 2003
文章: 75,709
國米加入爭普巴 肯放一人即成事

英超曼聯嘅麻煩中場保羅普巴,究竟喺一月轉會窗係咪離隊,一直惹嚟各界關注,根據最新消息,除咗皇馬同祖雲達斯對呢位法國中場有興趣外,依家連意甲「一哥」國際米蘭都想加入戰團,事關國米主帥干地想同呢位舊部下再合作。據知,曼聯對同國米交易唔係冇興趣,但大前題係呢個交易要加入球員交換,如果國米肯放阿根廷射手拿達路馬天尼斯畀「紅魔鬼」,再加埋差價補錢,曼聯有望答允交易呀!

根據英國《每日鏡報》所講,干地因為以前教祖記嗰陣,曾經同普巴合作,對於呢位法國世界盃冠軍中場能力非常認可,而干地亦希望能夠再同普巴合作。至於對曼聯而言,放走普巴根本完全唔係問題,尤其早前《曼徹斯特晚報》先做咗個民意調查,結果顯示接近7成球迷都同意普巴走人。

據知,曼聯認為普巴家陣大約值1.5億鎊,而「紅魔鬼」希望可以將拿達路馬天尼斯加入交易中,估計呢位阿根廷前鋒依家值8,000萬鎊左右,只要「藍黑兵團」肯放人,再補番大約7,000萬鎊,交易就可成事。介紹番幾句,喺阿根廷國家隊前線同美斯做拍檔嘅拿達路馬天尼斯,今季喺意甲入咗8球,喺隊中只係僅次入咗12球嘅盧卡古,但只得22歲嘅佢,絕對係潛力無限。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 01-07-20 02:37 PM 被 Busconcamp 編輯。
Busconcamp 目前離線   回覆時引用此篇文章
舊 01-07-20, 02:40 PM   #205
Busconcamp
The One
紅魔鬼閃耀GAF
 
註冊日期: Jan 2003
文章: 75,709
魔鬼連線!連格拍吸血經理人同曼聯宣戰



作反喇!由曼聯自家培訓嘅英格蘭國腳連格,雖然喺2019年度過咗一個0入球0助攻球季,不過今季依然得到領隊蘇斯克查給予唔少落場機會,真係羨煞幾多「紅魔鬼」隊中具潛質新人。只係,唔知係咪聽得多自己成為咗曼聯嚟緊收購新兵嘅交易籌碼傳聞,今日有英媒報道,話「連美斯」已經決定泊吸血經理人拉奧拿個碼頭,實行魔鬼連線齊齊搵食,似係向「紅魔鬼」高層宣戰,睇嚟連格喺奧脫福嘅日子已經正式倒數!

27歲嘅連格,早幾年由新人身份冒起,慢慢得到重用,仲憑住穩定表現,曾經入選埋英格蘭國家隊,似係前途無限。不過,喺2019年連格好似突然迷失,成年都冇喺英超入波同交出助攻,就連國家隊揀人都冇佢份。早前,有消息話「紅魔鬼」打算收購李斯特城中場占士麥迪臣,竟然係用現金加連格去交易,聽到你都咪話唔灰心。

根據《每日郵報》所講,本身係2021年先合約到期、兼有1年優先續約權嘅連格,近排走咗去同拉奧拿傾合作,打算搵呢位外號「吸血經理人」做自己經理人,處理工作同轉會事務。要知道拉奧拿近半年因為搞保羅普巴去留問題,以及早前幫曼聯目標艾寧夏蘭特轉咗去多蒙特之後,已經正式同曼聯鬧翻,依家連格搵拉奧拿幫手,即係擺明預咗同「紅魔鬼」反面啦!

事實上,拉奧拿之所以肯畀連格埋堆,皆因佢一直想拓展自己喺英格蘭嘅市場,消息話佢相信簽入連格將會為佢向呢個方向踏出一大步。查實拉奧拿本身都係好多英超外援經理人,就連伊巴謙莫域、米希達利恩、盧卡古同保羅普巴,都係經拉奧拿安排轉會曼聯,不過簽番個英格蘭本土兵,總算係幫佢開拓到多一瓣生意,呢次「魔鬼連線」合作,拉奧拿點計都係有贏冇輸。唯一係一眾曼聯迷聽到,肯定會更加憎恨拉奧拿同連格,希望佢哋早走早着囉!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-07-20, 02:46 PM   #206
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯鎖定雷霆救兵 竟然係摩連奴棄將



曼聯今季陣容單薄,尤其中場線喺保羅普巴同麥湯米尼養傷之下,蘇斯克查調兵更加捉襟見肘,今個月買中場似乎係當務之急。據《曼徹斯特晚報》消息,近期喺熱刺失寵嘅哈利雲克斯已經成為曼聯獵物。

哈利雲克斯係熱刺前領隊普捷天奴愛將,不過自從摩連奴上任之後,近9場聯賽佢只有3場擔任正選,「寸王」更加鍾意體力化、防守力強嘅艾歷迪亞、穆沙施素高同尼當比利。報道指哈利雲克斯覺得自己唔適應摩連奴嘅戰術,所以唔排除轉會尋求新發展。

不過,哈利雲克斯係為23歲嘅年輕英格蘭球員,同熱刺合約又去到2024年,熱刺向曼聯索取嘅轉會費肯定唔會低,「紅魔鬼」呢次收購將係極大賭博。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-07-20, 02:47 PM   #207
Busconcamp
The One
紅魔鬼閃耀GAF
 
註冊日期: Jan 2003
文章: 75,709
皇馬再斟普巴 曼聯任揀4大球星



保羅普巴「受傷」復出無期,真正原因你懂的,既然普巴無法上陣,曼聯都要諗計解決呢件事,英國《太陽報》報道,皇馬近日再斟普巴,打算用錢加4大球星任何1人,希望促成呢宗拖延多時嘅世紀交易。

連同今個冬季轉會窗,皇馬過去3個轉會窗斟介該位法國中場,普巴去年夏天亦表態希望接受新挑戰,一直拖到依家,皇馬同曼聯兩間會仲未斟掂,今次又有最新報價。

曼聯出售普巴嘅叫價為1.6億鎊(約16億港元),皇馬唔願意支付太多現金,因此提出以旗下球星代替部份款項,現向曼聯提供4位球星任揀,包括加里夫巴利、卻奧斯、莫迪歷及艾斯高。

4位球星身價各有不同,身價最高係加里夫巴利,但佢周薪高達60萬鎊,艾斯高睇落最唔值錢,而佢周薪只須20萬鎊,有好有唔好,只等曼聯作出選擇。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-07-20, 03:07 PM   #208
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯大諗頭!連格+錢收購李城10號



曼聯今季其中1個死穴係欠缺1位「10號仔」中場,領隊蘇斯克查用連格踢呢個核心位置,更加係敗筆之中嘅敗筆,有大量紅魔球迷要求賣走呢位超過1年英超冇入波冇助攻嘅「隱形人」。

根據英國《每日郵報》爆料,曼聯會方已經諗到一條絕橋,就係用連格再加4500萬鎊現金,收購李斯特城中場占士麥迪臣,既可以踢走個廢人,又可以獲得猛將,一石二鳥。

蘇斯克查早於今季開鑼前,已經對占士麥迪臣有興趣,呢位23歲英格蘭國腳亦冇令人失望,今季英超上陣20場入6球及3次助攻,盡顯10號仔功架,李斯特城可以位居英超第2位,佢功不可沒。

曼聯對占士麥迪臣趨之若鶩,早前已經傳出願意用15萬鎊周薪吸引佢加盟,問題係李城怕影響今季成績,絕對唔想1月放走呢位大將。

不過,等到今季結束後,曼聯或可以簽入占士麥迪臣,畢竟紅魔鬼今季都試過以8000萬鎊向李斯特城收購中堅哈利馬古尼,講到尾都係曼聯願意付出幾大代價。

估計占士麥迪臣現時身價達8500萬鎊以上,曼聯想用連格再加4500萬鎊收購佢,即係代表連格都值4000萬鎊,但李斯特城是否都係咁諗先?


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:09 PM   #209
Busconcamp
The One
紅魔鬼閃耀GAF
 
註冊日期: Jan 2003
文章: 75,709
半場吞3蛋 曼市打吡紅魔慘敗



英聯盃4強首回合曼市打吡曼聯對曼城,紅魔鬼奧脫福主場踢唔出氣勢,上半場落後3球劣勢下靠拉舒福特破蛋,以1比3敗陣,踏入2020年3戰未嚐一勝,至於曼城先勝一仗,次回合返主場只要打穩陣波,晉級在望。

聖誕新年快車過後,今戰雙方均作出輪換,個別主力休息,曼城今仗反客為主,17分鐘率先攻門,貝拿度施華右路引球切入中路,在禁區頂離門20碼起左腳勁射遠柱上角入網,憑一記世界波先開紀錄。

33分鐘曼城擴大比數,貝拿度施華交靚直線,域陀連迪路夫瞓盡攔截落空,馬列斯成功入楔單刀扭過埋迪基亞送入空門,曼城贏到2比0;39分鐘,奇雲迪布尼左路殺入禁區,窄位起腳迪基亞撲出,皮球反彈安達斯彭利拿入網擺烏龍,曼城運都贏埋,半場領先3比0。曼聯自1997年5月對米杜士堡後,23年來第1次喺奧脫福半場失3球,又寫一項恥辱紀錄。

3球落後嘅曼聯仍未放棄,下半場70分鐘一次快攻,拉舒福特接應連格傳送,右路單刀埋門破蛋追成1比3完場,曼城首回合領先3比1,次回合回師主場相當好踢,曼聯要翻身除非有奇迹出現。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:13 PM   #210
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【工廠仔】曼聯最痛!蘇斯克查吊命之謎



曼聯喺英聯盃被曼城技術性擊倒,近3場比賽1和2負再陷低谷,雷同嘅情況今季一而再咁重演。最神奇嘅係,「紅魔鬼」今季雖然4次經歷3場或以上不勝走勢,但至今仍然未試過連續2場輸波,而且低潮之後往往會出現「小陽春」。上年10月4場不勝之後立即打出3連勝,11月底至12月初3場不勝後,再用一波3連勝回應,可惜曼聯今季亦係「贏不過3」,呢2場3連勝已經係曼聯今季最佳紀錄。

輸畀曼城之後,網上有又大批曼迷要求蘇斯克查下台,希望曼聯盡快請普捷天奴上任,不過曼聯高層向來都唔係「當機立斷」嘅管理層,蘇斯克查每次陷入炒魷邊緣,總係能夠出現短期反彈「吊命」,令到猶豫不決嘅曼聯高層「炒唔落手」。正正就係呢個失望-希望-失望-希望嘅循環,令紅魔鬼陷入無間地獄,曼聯最痛莫過於此。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:16 PM   #211
Busconcamp
The One
紅魔鬼閃耀GAF
 
註冊日期: Jan 2003
文章: 75,709
艾舒利楊格失蹤 準備轉會國際米蘭



曼聯喺英聯盃不敵曼城一仗,已經傷愈嘅老將艾舒利楊格未有進入大軍名單,據英國《曼徹斯特晚報》爆料,艾舒利楊格冇份參賽嘅原因,好可能係同意甲勁旅國際米蘭斟介有關,消息指呢位34歲老將有望今個月轉去意甲跟干地搵食。

艾舒利楊格同曼聯嘅合約到季尾就完結,球會早就打算畀佢約滿走人,依家佢嘅左閘替補位置都畀小將班頓威廉斯搶埋,離隊絕對唔出奇,不過想簽佢嘅竟然係意甲榜首國際米蘭就較令人意外。報道指國際米蘭希望今個月就要人,由於楊格嘅合約就快完結,相信只係極低轉會費就可以成事。

如果艾舒利楊格真係過國際米蘭,佢就會同盧卡古、阿歷斯山齊士兩位前曼聯隊友再合作。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:26 PM   #212
Busconcamp
The One
紅魔鬼閃耀GAF
 
註冊日期: Jan 2003
文章: 75,709
英超3豪門鬥搶 邊個新星咁巴閉



英國《天空體育》報道,英超3豪門曼聯、車路士同阿仙奴齊齊睇中法甲里爾嘅法國20歲中場保巴卡尼蘇馬爾,預計會於1月轉會窗關閉前完成交易,到時就會知佢去邊隊。

保巴卡尼蘇馬爾出身於巴黎聖日耳門,年紀輕輕已經成為里爾主力,今季上半季上陣23場,里爾希望佢踢埋1月26日對巴黎聖日耳門之後才放人,轉會費則未有透露。

蘇馬爾近年經常係轉會市場焦點,之前傳過熱刺同皇馬想買佢,依家輪到英超3豪門,究竟佢去邊隊好快就知。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:31 PM   #213
Busconcamp
The One
紅魔鬼閃耀GAF
 
註冊日期: Jan 2003
文章: 75,709
估唔到!拉奧拿同連格終於為曼聯做好事



咪再鬧喇!無論係吸血經理人拉奧拿,定係近排突然搵拉奧拿做經理人嘅曼聯內奸連格,當佢兩個正式結盟,都唔一定係做對唔住「紅魔鬼」嘅事。至少今次呢個消息,唔少曼聯迷都會開心,就係拉奧拿走去主動聯絡意甲老牌勁旅AC米蘭,問佢哋有冇意思用4,000萬鎊接收連格喎!

意大利著名足球記者查高邦尼喺社交網爆料:「拉奧拿嘅新官戶連格,喺過去幾小時被推薦咗去AC米蘭!」27歲嘅連格,係曼聯青訓產品,曾入選英格蘭國家隊出戰2018世界盃,不過上年佢經歷低迷一年,全年喺英超錄得0入球0助攻。依家同「紅魔鬼」合約淨番1年半嘅佢,暫時仲未同球會傾續約,如果依家離隊等曼聯收番筆轉會費,相信「紅魔鬼」管理層都會滿意收貨。

事實上,早排就有傳過曼聯想用佢加錢去收購李斯特城中場占士麥迪臣,當時連格嘅估價就係4,000萬鎊,不過呢個數對財政狀況普通嘅AC嚟講,應該嫌貴。只係,以拉奧拿同AC米蘭關係,「紅黑兵團」包括伊巴謙莫域、阿利斯奧羅馬洛尼、門將基安盧基當拿隆馬同蘇索又都係「肥佬經理人」旗下球員,點計都應該易話為,萬事有商量。睇嚟連格加盟AC不是夢,「肥佬」拉奧拿今次有望為曼聯做番次好事喎!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:35 PM   #214
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曾獲莫耶斯招手 法比加斯幾投曼聯

現效力摩納哥的法比加斯近日受訪,承認自己在2013年與莫耶斯多次商討加盟曼聯之事,但最終未有成事:「我也不會說真的接近加盟曼聯,但我與莫耶斯確曾交談過幾次。」未有成事原因似乎是「錢作怪」,據報曼聯當時只願為該西班牙球星付出25萬鎊,最終他在2014年重返英超轉投車路士。

法比加斯在終在2014年至2019年間效力車路士,更為球隊贏得2次聯賽冠軍。(Goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:37 PM   #215
Busconcamp
The One
紅魔鬼閃耀GAF
 
註冊日期: Jan 2003
文章: 75,709
祖記睇中曼聯爆炸頭 重金挖角



曼聯20歲荷蘭爆炸頭鍾塔西(tahith chong),效力2季只係上陣11場,只係紅魔路人甲,但近日有消息指意甲班霸祖雲達斯睇中佢,開出35000鎊周薪及200萬鎊簽字費,希望佢今夏過檔,一場爆炸頭爭奪戰亦告展開。

鍾塔西因為爆炸頭形象令球迷記得佢,但佢加盟曼聯後基本上係冇得出,而佢亦實在唔爭氣,今屆歐霸分組賽作客艾斯坦拿,面對空門嘅佢竟然炒波底世紀Miss,試問蘇斯克查仲點敢出佢?

英國《太陽報》報道,鍾塔西與曼聯尚餘半年約,今夏將可回復自由身,然而佢同曼聯嘅續約談膠着,曼聯希望同佢續約5年,但條件就無法同祖記相比,相信爆炸頭唔係傻嘅,佢自然會知點揀。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:44 PM   #216
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯大鑊 馬古尼重傷抖成個月



曼聯8000萬鎊中堅哈利馬古尼上仗對曼城缺陣,結果慘敗1比3,賽後再傳出壞消息,馬古尼臀部肌肉撕裂,將會缺陣1個月,曼聯嚟緊幾場有排捱。

馬古尼於上仗足總盃對狼隊受傷,上場英聯盃4強首回合對曼城已經冇出,依家傳出佢臀部肌肉撕裂要抖成個月,將會錯過多場比賽,包括聯賽對諾域治、足總盃重賽對狼隊、聯賽對利物浦、聯賽對般尼、英聯盃4強次回合對曼城。

馬古尼缺陣之下,曼聯防線可用人腳唔多,嚟緊要繼續起用域陀連迪路夫拍住菲爾鍾斯呢對災難級組合,各位紅魔擁躉要有心理準備。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:47 PM   #217
Busconcamp
The One
紅魔鬼閃耀GAF
 
註冊日期: Jan 2003
文章: 75,709
蘇帥出招 !艾舒利楊格堅要「脫魔」



34歲老將艾舒利楊格要「脫魔」已經愈吹愈勁,據《鏡報》引述意大利媒體的消息,他已經與國際米蘭達成轉會協議,合約為期18個月,不過,曼聯對這位隊長仍未想放手,有意出新合約希望楊格續留。

據《天空體育》消息,即使曼聯對楊格離開持開放態度,但已開出條件希望這位經驗老將可以留隊多一年。主帥蘇斯克查本周初亦曾講過會為艾舒利楊格的未來研究,並暗示想他留隊。不過,已經效力了9年的艾舒利楊格很有決心要離隊,據悉已經拒絕了曼聯的新約,並希望可以在數星期內離開。

雖然目前仍等待轉會窗重開,早前有消息話曼聯已同意艾舒利楊格與紅魔至今年六月的合約完結後放人,國米原意為楊格支付轉會費,但因為曼聯目前仍未搵到代替楊格的人選。

艾舒利楊格代表球會出戰261次,包括周二對曼城一戰;而他於2011年由阿士東維拉轉會入魔,並曾協助曼聯捧走英超、足總盃及英聯盃。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:51 PM   #218
Busconcamp
The One
紅魔鬼閃耀GAF
 
註冊日期: Jan 2003
文章: 75,709
費查要求曼聯信任蘇斯克查



曼聯改革困難重重,既有踢法問題,又有球員鬧轉會,戰績起伏很大。

上場聯賽盃4強主場1:3輸給曼城,蘇斯克查承認這是球隊近期最差的一仗。然而,費查卻說球會應該繼續信任蘇斯克查:「可能這個過程非常痛苦,但是我們仍然要相信這個過程。曼聯今季最大問題是少了普巴,創造能力下跌。」(Goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 04:56 PM   #219
Busconcamp
The One
紅魔鬼閃耀GAF
 
註冊日期: Jan 2003
文章: 75,709
馬古尼繼續抖缺陣英超鬥諾域治



馬古尼在上周末作客狼隊的足總盃受傷,雖然他忍痛踢足全場,但周二主場不敵曼城1︰3的聯賽盃4強首回合便要缺陣,改由菲爾鍾斯踢正選。

「蘇B」坦言馬古尼在周六一戰亦很大機會倦勤︰「我們不肯定,但將不需養傷很久,只是周末比賽難望他上陣。」

而自11月後首度踢正選的菲爾鍾斯完場後亦拐著離場,對此蘇斯克查說︰「他只是抽筋,這是他近期首場踢足90分鐘的賽事,但他亦應付了。」(Goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 05:02 PM   #220
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯收回波夫域積遜救後防!

【Now Sports-體育】曼聯後防傷兵嚴重,令球會決定收回外借至燦美爾的小將波夫域積遜。

去夏重金收購的曼聯後防重心哈利馬古尼周三因臀部肌肉撕裂,成為最新加入紅魔傷兵名單的成員,令可用的後防球員買少見少。有見及此,曼聯周四決定從英甲球會燦美爾手上收回小將波夫域積遜(Cameron Borthwick-Jackson)。 燦美爾周四發表聲明,「曼聯周四決定收回波夫域積遜,我們多謝他在球會效力時所作出的貢獻,希望他有一個美好的未來。」

波夫域積遜本季只曾為燦美爾上陣5場,相信曼聯收回他只作增加兵源之用。 但就算曼聯後防傷兵問題嚴重,仍有球員希望在1月轉會窗中離隊,34歲的艾殊利楊格(Ashley Young)將於今夏約滿曼聯,據意大利《天空體育》報道,這名英格蘭籍球員拒絕了紅魔提供的1年合同,令他1月離隊的機會大增,報道同時指出國際米蘭教練干地對楊格有興趣,前者在車路士執教時已很留意楊格,並願意為他提供1年半的合同,從而加強球隊實力。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-10-20, 05:07 PM   #221
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【東體爭議】曼聯靠麥湯米尼死得啦!

英格蘭中場新星麥湯馬米尼被視為曼聯今季表現最出色一員,尤其近排佢因傷缺陣,近令「紅魔鬼」戰績下滑,攻守都出現不穩情況。正當大家都吹捧麥湯米尼係曼聯未來希望,近日曼聯名將保羅柏加就出嚟大唱反調,話麥湯米尼只係現代版沙維治,難登大雅之堂,仲話如果曼聯中場要靠麥湯米尼,呢隊曼聯真係死得啦!



23歲嘅麥湯米尼係曼聯今季表現最穩定同搶鏡一員,開季至今踢咗21場,但由於早場喺拆禮物日贏紐卡素場波膝部受傷,一直休戰至今,而「紅魔鬼」喺佢缺陣之下,連輸畀曼城同阿仙奴,足總盃都只係打和狼隊。

從表面睇,「麥湯」對曼聯嚟講真係好重要,不過曾經幫曼聯贏過兩次英超嘅名將保羅柏加就絕對唔認同,形容佢同早年嘅曼聯青訓產品沙維治一樣,技術唔差,但從未代表過曼聯一隊出戰,最慘係踢波唔用腦:「麥湯米尼就係依家曼聯面對最大問題嘅好例子,佢只係識跑嚟跑去追住人踢,根本係現代版沙維治,但我哋需要嘅唔止係咁。如果有人話曼聯十家好懷念麥湯米尼,呢啲人肯定唔係真正曼聯球迷。佢之所以受傷,係因為佢想踢人,然後整傷自己。如果有人認為曼聯係咁踢波,咁佢哋一定未經歷過曼聯嘅好光陰。」

呢位前英格蘭國腳右閘之後繼續開火:「每次只要蘇斯克查睇吓條中場線,我會好奇怪點解佢仲未變光頭,皆因佢會發現,自己諗到腦痲痺都喺曼聯搵唔到個真正中場。無論每次佢派邊個落場,都唔可以肯定運作得到。如果你係踢前鋒,你都唔知係咪真係有波會交到畀你。如果你踢後衞,你會知道對方個波會直接踢落嚟後場。依家曼聯個中場就係問題,根本完全發揮唔到作用。」

保羅柏加之後建議領隊蘇斯克查應該搵多個夠級數助教幫吓自己,至於一月增兵,佢話:「其實唔一定係買最頂級球星嚟解決問題,更何況頂級球星依家都唔肯嚟曼聯啦!我哋可以檢討吓戰術運用,問題係咩戰術都好,都要你班球員明白同執行到,依家問題係曼聯都唔夠好嘅球員去執行戰術。」柏加強調依家問題都唔係蘇斯克查解決得到,事關最大問題係曼聯根本唔夠好球員咁話!各位「紅魔鬼」球迷,堅灰喎!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-13-20, 02:03 PM   #222
Busconcamp
The One
紅魔鬼閃耀GAF
 
註冊日期: Jan 2003
文章: 75,709
堅唔堅 曼聯向PSG神鋒報價



冬季轉會窗期間真係咩傳聞都有,西班牙及英國傳媒報道,巴黎聖日耳門希望喺冬窗期間出售32歲烏拉圭前鋒卡雲尼,結果吸引多間歐洲豪門報價,包括曼聯。

PSG自從借入莫路伊卡迪之後,卡雲尼已變成邊緣人,可有可無,加上傷病影響,卡雲尼上半季只曾4次正選上陣,至今僅入5球。

由於卡雲尼合約將於今夏屆滿,PSG希望喺冬窗將佢出售,可以收番少少轉會費,吸引曼聯、阿仙奴、國際米蘭報價,3隊之中,曼聯係最缺前鋒嘅一隊,卡雲尼踢曼聯都唔錯。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-13-20, 03:09 PM   #223
Busconcamp
The One
紅魔鬼閃耀GAF
 
註冊日期: Jan 2003
文章: 75,709
波蘭前鋒高質!曼聯6.1億搶拿玻里孖九



繼熱刺出手收購AC米蘭射手比亞迪克之後,曼聯亦計劃簽另一位波蘭前鋒米利克,而且出價高達6000萬鎊(約6.1億港元),剎時之間波蘭籍鋒將成為市場搶手貨。

25歲嘅米利克2016年夏天由阿積士加盟拿玻里,由於頭兩季受嚴重傷患影響,上陣機會唔多,直至上季開始終於大爆發,為拿玻里各項賽事上陣47場入20球。

身穿99號球衣嘅米利克今季表現更勝國家隊隊友比亞迪克,喺意甲及歐聯合共上陣12次入10球,入球率極高。

拿玻里今季經歷過「兵變」,導致教練安察洛堤被炒,內部笠笠亂,唔少主力都有意離隊。

曼聯今季放走盧古卡後,一直缺乏1位正前鋒人選,身高1米86嘅米利克頭頂腳踢,樣樣都掂,加上正值當打,如果可以用6000萬鎊買到佢,就真係抵到爛。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-13-20, 03:41 PM   #224
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【東體爭議】迪基亞回塘 曼聯應重用軒仔



曼聯近年後防線表現備受批評,即使今季以天價簽入中堅哈利馬古尼,亦唔見大改善,甚至連一向穩健嘅門將迪基亞水準都走下坡,上月對住當時包尾嘅屈福特,竟然「派膠」連累球隊輸波。

所以有輿論認為呢位29歲西班牙國腳已經回塘,甚至有傳曼聯領隊蘇斯克查有意收回外借畀錫菲聯嘅甸恩軒達臣,取代迪基亞把關。

迪基亞已經效力曼聯9季,4年前幾乎轉投皇馬,隨住成魔時間愈嚟愈耐,加上曼聯近年成績欠佳,令佢意興闌珊,今季幾經波折之下先至續約,但留住佢嘅人,留唔住佢嘅心,「迪迪仔」鬥心明顯不復當年。

因此,蘇斯克查想用甸恩軒達臣取代迪基亞,其實有道理,首先呢位22歲英格蘭小國腳比迪基亞年輕7年,仲有大把進步空間,亦符合年輕化方針。

其次,甸恩軒達臣未經歷過費格遜執教時期,捧盃捧到手軟嘅年代,佢對爭冠嘅饑渴感,一定強過迪基亞。

第三,迪基亞已經佔據曼聯正選門將9季,如果甸恩軒達臣可以取代佢,實屬難得嘅成就,相信佢到時會更加有榮譽感,專心為曼聯賣命。

事實上,甸恩軒達臣今季表現更勝迪基亞,英超上陣20場有7場保持不失球,迪基亞上陣21場只有3場不失球。

甸恩軒達臣撲球成功率有75.53%,亦高過迪基亞嘅68.75%,的確有足夠實力取代後者。

曼聯可以趁迪基亞現時仍然值錢,將佢出售,然後重用甸恩軒達臣,仲可以用賣走迪基亞嘅轉會費簽入新兵,一舉多得。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 01-13-20, 03:43 PM   #225
Busconcamp
The One
紅魔鬼閃耀GAF
 
註冊日期: Jan 2003
文章: 75,709
馬古尼好有魔性!請纓帶傷上陣



曼聯天價中堅哈利馬古尼喺早前英足盃對狼隊一役受傷,原本需要抖1個月,但呢位26歲英格蘭國腳唔理傷勢,要求領隊蘇斯克查畀佢繼續上陣搏殺。

其實哈利馬古尼喺對狼隊嘅上半場,已經受傷,但都堅持比賽至完場,依家又話願意帶傷上陣,真係充滿魔性。英國《太陽報》亦大讚哈利馬古尼好有專業精神,同保羅普巴截然不同。

不過,蘇斯克查未必會冒險畀哈利馬古尼帶傷上陣,佢好可能提拔19歲小將伯納德上一隊,以備不時之需。

伯納德曾於今屆歐霸盃作客艾斯坦拿上陣,但卻擺烏龍,連累球隊輸波。賽後蘇斯克查都有親自安慰佢,並表示仍然對伯納德充滿信心。曼聯今輪英超主場對手只係包尾嘅諾域治,伯納德可能有機會表演。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
回覆

主題工具
顯示模式

論壇跳轉

相似的主題
主題 主題作者 版面 回覆 最後發表
曼聯躉紅魔鬼地帶[VOL.94]~Closed~ Busconcamp 球會討論區 1001 10-24-19 11:56 AM
曼聯躉紅魔鬼地帶 [VOL.85]~CLOSED~ Busconcamp 球會討論區 1020 04-10-14 09:28 AM
曼聯躉紅魔鬼地帶 [VOL.83] ~~~CLOSED~~~ Busconcamp 球會討論區 1000 11-25-13 01:33 AM
曼聯躉紅魔鬼地帶 VOL.81 ~~~CLOSED~~~ Busconcamp 球會討論區 1001 07-12-13 03:15 AM
曼聯躉紅魔鬼地帶 VOL.73 ~~~CLOSED~~~ Busconcamp 球會討論區 1040 03-05-12 02:03 AM


現在的時間是 03:40 PM


手機版 | APP版
Powered by vBulletin® 版本 3.8.3
版權所有 ©2000 - 2024,Jelsoft Enterprises Ltd. map
Games Animation Forum