Apple TV+ 消息討論區 （請守劇透手則）— (逢週五）Masters of Air 終了

[Heaven]

大製作 係幾吸引成個怪獸宇宙

[wing]

作者: Heaven

大製作 係幾吸引成個怪獸宇宙

好有興趣..........演員都熟口面。

[肉羊哩咖]

Masters of the Air 1 月 26



講二戰期間，駐英國嘅第八美陸軍航空軍 USAAF ，駕 B-17 對納粹德國進行轟炸嘅故事。好多星！又係 BoB 同 The Pacific 嘅行政監制，單係啲轟炸機群啲合照，靚過相。似乎會講埋由黑人組成嘅 P-51 中隊，佢哋出名在有佢護航，冇失過一架轟炸機。軍事歷史迷走唔甩。

死！又要畀訂費⋯⋯

[肉羊哩咖]

套 Monarch 上咗兩話，第一話仲要係免費，不過咁，有評論睇咗頭 8 話，如果期待怪獸互片嘅話會好失望，唔係無怪獸出，只係呢度人先至係主角。

[wing]

作者: 肉羊哩咖

套 Monarch 上咗兩話，第一話仲要係免費，不過咁，有評論睇咗頭 8 話，如果期待怪獸互片嘅話會好失望，唔係無怪獸出，只係呢度人先至係主角。

睇左頭2話，怪獸出得少但其實幾好睇，啲人的劇情好過幾套電影好多，唔算太悶。雖然㗎仔搭上黑妹係比較難頂。好似edge runner咁整個美少女hacker唔得咩?

老豆一腳踏兩船唔知有冇咩特別意義。

[肉羊哩咖]

Masters of the Air 睇咗頭二話，戰爭場面幾好但唔多，因為由機組人員視角去睇，臨場感一流，畀啲子彈炮打到兵兵呯呯聲，一係就一嘢成架機冚包散，畀你返到基地，成架機變咗做瑞士芝士咁，唔刺激都好驚。兩位上尉担晒正，但係 Austin Butler 據聞啱啱扮完貓王，把聲仲未轉得返，睇第一話好明顯。

[肉羊哩咖]

Masters of the Air 第三話：大半嘅時間係講一個相當著名嘅長距離轟炸任務，繼續由機組人員視點出發，故仔唔再係緊張，直頭係恐怖片，因事關下一秒無先兆之下，隨機成架機冚包散。亦開始講到好彩被擊落唔死得嘅，個命運會係點。

[肉羊哩咖]

Masters of Air E04: 今話大跌 watt，靜場唔緊要，但係好重要嘅戰鬥場面，居然以對白交得，希望下一回補返。

[肉羊哩咖]

今話比上一話好好多！有靜嘅時刻，戰鬥場面恐怖到，有啲超現實。

過咗一半，暫時未及黃金標準嘅 Band of Brothers，人物係就投入度好夠，但係前者有起有伏，有令人振奮嘅時刻，有啲位又令人嘆息，呢套實在太黑太陰沉，因為題材係咁，無乜計。

[肉羊哩咖]

第六話亦係靜嘅一話，唔係太差，講三條線入面各個角式嘅遭遇同成長。唯一不滿嘅係，第三話講開班友無咗尾嘅？！

睇埋今個月應該又咳得轉去滴住嚟。反正 ATV+ 真係好貴下，未有銀買 Apple 嘢免費睇。

[肉羊哩咖]

Masters of the Air 第七話，除咗探討戰俘嘅生涯之外，仲有仍然有仲戰鬥緊嘅人心嘅感受。空戰場面短但係浩大，叫做有啲正面嘅嘢平衡吓；下一話會講多啲歷史著名嘅 P-51 戰隊，期待。

[肉羊哩咖]

Masters of the Air 第九話：有好多感動位，主角們嘅遭遇都吸引，講好多近代戰爭片都無乜提到嘅方面，可惜上一話帶出嘅新人物，比較有趣嗰啲都好快路人化。

總括嚟講，如果對二戰呢歐洲戰略轟炸方面有興趣 嘅，會叫做可以，尤其係機員嘅生涯，但係視野太窄，想睇刺激動作冒險嘅，會極之失望，完全唔及前兩套嘅精彩，人物嘅刻劃又唔及，好可能大部份時間主角群都係在捱打嘅狀態～

史實拋書包隨後。