Lost Bullet 係套法國電影,講男主角係個地下改車高手,因為一次事件,為求洗脫嫌疑,要搵返留咗某部車上嘅子彈。警匪動作片格,唔好期待係 Fast and Furious,雖然都有飛車場面,但係唔誇張。打鬥場面,中間差館嗰場特別出式。除咗咁冇乜特別。總結:中挺。 https://www.netflix.com/title/81108579
同 X-Men First Class 一樣,呢季《雨傘學院》都連埋歷史事件做劇情嘅一部份,就係總統甘乃迺遇刺事件。純粹拋書包,無透,不喜可以唔睇,無人迫你。
甘乃迺第一任嘅時候,正直美蘇冷戰高峰期,61年先有 CIA 策劃進攻古巴,謀求推翻親蘇嘅卡斯特羅,以失敗收場嘅「入侵豬玀灣」事件;同年再有柏林危機 -- 蘇聯要脅西方各國從西柏林撤軍;再有62年幾乎爆發全面核戰嘅古巴飛彈危機(按:史實比套電影《驚天13日》"13 Days" 更驚險,一方面美國有段時間真係想打有核武嘅古巴,另一方面有隻蘇聯潛艇因為無法同總部聯絡,緊張得滯幾乎發射核彈);雖然最後都一一擺平,但美國國內鷹派覺得佢對紅色勢力太軟弱。
63年度11月22號,總統一行人去咗德州達拉斯市,為佢連任做勢。同日坐住部開篷車行到去 Dealey Plaza 嘅時候,突然遇到鎗擊,驗屍報告講佢前後中兩鎗身亡。同日拉到個疑犯,亦係唯一疑犯 Lee Harvey Oswald,有目擊者指佢嚮佢打工嘅德州課本大樓,開鎗行刺總統。兩日後佢畀警方押解時,嚮警署停車場畀個夜總會老闆 Jack Ruby,近距離用鎗即場打死。
當年無咁多電視戶外直播,亦無人人有部手機,但係唔少圍觀嘅人都有拍照同拍片,其中一條由 Abraham Zapruder 拍嘅片,係著名嘅 Zapruder Film (有興趣搵搵),距離最近,紀錄咗甘乃迺中鎗嗰廿幾秒嘅事,研究人仕認出邊啲人拍咗片,可惜無咁近,亦仲有部份拍片嘅人唔知道佢哋嘅身份,呢啲「不明人仕」亦無行出嚟提供佢哋啲片。
Crused,跟據 Frank Miller 畫嘅同名漫畫改篇,講嘅係英國傳說阿瑟王嘅故仔,真係唔知玩過幾多次。共十話每話 45 分鐘度。結果,中間。
好:(全部?)英國實景拍攝,幾靚;今次由湖中妖女(Lady of the Lake)個角度出發,算新,而嗰陣講古英格蘭仲有好多傳說生物種族並存,魔法仲有人識用嘅世界(死幾乎撈亂咗《七大罪》),宗教政治種族著墨多;幾個自然同超自然勢力爭把權力之劍(唔知點解死都唔叫 Excalibur),有啲 GoT 嘅味道。後半無論劇力同幾場大戰都好睇。演啲奸角真係奸到痺,可能好睇過啲主角(都叫好?)。你挨得到最後嘅,會 unlock 原來當中隱藏咗好多係阿瑟王傳奇入面嘅人物~~~
The Biggest WTF Moments From You Season 1
Right we all know the story. Boy meets girl. Boy falls in love with girl. Boy stalks girl, steals her diary, clones her phone, kills her friend... okay, maybe we don't know it that well. https://www.youtube.com/watch?v=b08pqu5vh3U
Umbrella Academy S2 講多樣嘢,學 John Campea 話齋,而家好嘅片集係嚮一季入面完咗開咗頭嘅故仔,跟住畀你知開下一季嘅情節。UA兩季都做到,Lucifer S3同 S4 都做到,The Old Guard 一樣;唔係咁好嘅好似 Cursed 咁,故仔未講晒,你留個「懸崖」但唔係高潮,點搞?
The Speed Cubers 係原創紀錄片,講一個澳洲男仔,同一個有自閉症嘅韓裔美國少年,一個曾經盡攬扭計骰世界紀錄,但係逐漸畀另一個一一打破。你以為佢哋一時諭亮實係無謁傾,點知破紀錄嗰個當正前者係英雄咁拜,另一個每次被超越都親自去支持佢,焦點係舊年2019年墨爾本個世界錦標賽,兩個唔分國藉界限嘅友情好感人,唔知有意定無義,反映出近收尾有幾個鏡頭,有某個國家慌死人唔知咁,非常之難睇。