曼聯躉紅魔鬼地帶[VOL.96]21日內7場地獄賽程展開

[Busconcamp]

普巴轟入世界波！曼聯平三冠王時代紀錄



曼聯銳不可當，喺周四(21日)凌晨英超又贏1場，作客以2比1反勝富咸，重上榜首之位。保羅普巴大踢身價波，射入1球世界波，成為紅魔鬼贏波功臣。曼聯全取3分之餘，仲追平球隊喺1999年「三冠王時代」創下嘅連續17場聯賽作客不敗紀錄，有王者再臨之勢。

曼聯今場對住降班區嘅富咸，當然被睇高一線，但贏波過程並唔輕鬆，紅魔鬼開波5分鐘就失守，富咸前鋒盧卡文突破越位，單刀射入成1比0。

不過，曼聯身為作客「反勝王」，並非浪得虛名，隨後控制大局，般奴費南迪斯喺禁區頂勁射，可惜中柱彈出。踢到21分鐘，呢位葡萄牙國腳左路傳中，富咸門將艾路拿撲出不遠，卡雲尼「執雞」補射入網，扳平1比1，佢仲成為曼聯史上第1位，頭4個英超入球都係來自作客賽事嘅球員。

曼聯攻勢陸續有來，包括般奴費南迪斯射門被艾路拿飛身撲出，哈利馬古尼有2次頭槌攻門，唔中目標。去到65分鐘，保羅普巴由右路帶波入中路，離門20碼勁射入網，亦係呢位法國國腳近6年首次喺禁區外用左腳入波。

曼聯贏波之後，以2分優勢領先曼城同李斯特城，做英超一哥。

[Busconcamp]

曼聯睇中朗斯中堅　提出「雙贏」收購方案



曼聯一直有意簽入中堅，英國《每日郵報》爆料，指紅魔鬼睇中法甲球隊朗斯中堅法根度麥甸拿，計劃今個月以1,100萬鎊收購呢位21歲阿根廷國腳，再將佢借畀朗斯踢埋今季餘下賽事，增加朗斯放人嘅機會。

法根度麥甸拿上年夏天由阿甲球隊泰拿尼斯，轉投朗斯，當時轉會費只係270萬鎊。法根度麥甸拿登陸法甲後，表現出色，更晉身阿根廷大國腳。

呢位新星技術非常全面，可以勝任中堅同左閘，亦係一大賣點。據悉，已經有數支英超球隊有意簽佢，曼聯提出「買完即外借」，朗斯有錢收，仲可以繼續用法根度麥甸拿多半季，無疑好吸引。

不過，有傳法根度麥甸拿比較想去西甲搵食，目標係加盟皇馬，「銀河艦隊」中堅華拉尼2011年正係由朗斯轉投皇馬。同埋法根度麥甸拿睇完同胞馬高斯盧祖失意於曼聯，即將黯然離開，可能未必想成「魔」。

[Busconcamp]

超越前3任　卡雲尼成C朗後最佳曼聯7號



自C朗拿度離隊後，曼聯「傳奇7號」變成「7號魔咒」，呢個困局有機會被卡雲尼打破！尋晚英超對富咸，卡雲尼為曼聯攻入1球，加盟半季為曼聯攻入4球，原來呢個入球已經超越咗前3任7號球員，成為C朗後最佳7號。

卡雲尼下個月就滿34歲，今季曼聯簽佢返嚟，好多人都嫌佢已經老化，作用不大，卡雲尼則以入球數字嚟向批評者打面，佢喺英超上陣12場射入4球，所有賽事17場入5球，今季10月底首次上陣，11月初作客愛華頓已經交出入球，之後作客修咸頓攻入扳平及反超前入球，當時累積3球，已經追平3位前任7號迪比、迪馬利亞及阿歷斯山齊士。

修咸頓一仗之後，卡雲尼因為社交網發表歧視言論被罰停賽3場，坐完波監復出嘅卡雲尼今場入波，「7號魔咒」喺佢身上無效。仲係曼聯史上首位頭4個英超入球都係來自作客賽事嘅球員。

[Busconcamp]

盧祖搵到新球會　將加盟小保加



曼聯領隊蘇斯克查早前表示，隊內2位阿根廷球員馬高斯盧祖、羅美路唔會續約，可以同其他球會傾轉會事宜，其中後衞馬高斯盧祖已經有着落，將會重返阿根廷，加盟小保加。

英國《每日郵報》指馬高斯盧祖已經接受小保加開出嘅合約條件，依家只係等小保加同曼聯傾掂轉會費，就可以成事簽約。

由於馬高斯盧祖今夏就約滿，加上紅魔鬼一早已經放棄佢，預料僅會收取小額轉會費，甚至畀佢自由身離隊都唔出奇。

30歲嘅馬高斯盧祖2014年由士砵亭加盟曼聯，但近年受傷患困擾，加上表現欠佳，上陣機會非常少，並曾於上年1月被外借去阿根廷母會學生隊，依家又可以返回祖國踢波。

[Busconcamp]

健康嘅拜利係陣中最強中堅 - 今場拜利繼續做鐵衛，攔截，包抄，封阻樣樣齊，而且最緊要係好似開始轉運喇，今場再一次健康踢完全場而且92分鐘嘅差啲烏龍球幸運地成為角球


拜利對富咸數據:
72次傳球成功
95%傳球成功率
6次奪回球權
5次失去控權
3次攔截成功
3次頭搥解圍
1次封阻射門
1次被侵犯
1次犯規

[Busconcamp]

今場對富咸收起福仔，俾馬仔正選踢左翼，點知同梳爾有著災難性嘅合作，最少3次雙方因誤會而將球權直接送俾對手

[Busconcamp]

繼續球場鬼見愁，俾費特纏住都幾難甩到身，爛打到爆，不過今場做多咗傳送工作就顯出弱點，真係要改善下

不過版主睇唔明開波初段費特禁區入面"食"位但被人踢跌果球點解唔係12碼

費特對富咸數據:
55次傳球成功
83%傳球成功率
2次創造機會
8次奪回球權
16次失去控權
4次傳球被封阻
3次攔截成功
2次犯規
1次射門
0次中框

[Busconcamp]

蘇斯克查被問及為曼聯再次成為奪冠分子是他擔任領隊的首要任務時表示：「我們現在身處的位置球隊上下都有功勞。我們已經進入了賽季中段，我們現處榜首，但每隊分數差距很小，因此我們知道表現一旦走樣你便會跌下來。我們只需要保持穩定即可。」

「留在這位置是一個挑戰，這是我們期待的挑戰，專注於每場比賽去建立陣容，並希望最終能舉起獎盃。現時是可以談論將球隊該身處甚麼位置的時候。我們的重點是將目光放在下一場比賽並提高士氣。」

「我不認為目前球員隨著排名而有不同心態。我不認為這真的影響他們的想法。這個賽季的領先優勢已經改變了很多次。唯一重要的是最終是誰在榜首，而這不是我們目前正在討論的事情。我們只需要保持自己的狀態，保持自己的隊形，每個人都為球賽準備好。」

[Busconcamp]

蘇斯克查盛讚卡雲尼:「這是他作為正中鋒的典型入球，那就是他所做的。如果你只注意著他，如果有一部攝影機只跟著他，你會發現他的走位是不可思議及神奇的，我們要習慣更多派他上賽，可惜的是他下半場的頭鎚被門將精彩的撲救了。在前線有不同選擇是一件非常好的事。」

[Busconcamp]

蘇斯克查對於普巴的表現表示:「他真的回來了，他狀態很好，他可以在中路組織，也可以拉邊，這是普巴的特點，他現在正處於最好的比賽狀態。雖然開賽早段便得到黃牌，但他仍然努力防守，下半場有一下攔截令我擔心他會被趕出場，除此之外他的表現真的很好。」

[Busconcamp]

曼聯傳奇7號之一嘅C朗拿度日前替祖雲達斯於意大利盃入波擊敗拿坡里捧盃外，更以760球官方確認比賽入球成為歷史上入球最多嘅職業足球員，當中有118球係替曼聯攻入嘅

[Busconcamp]

#轉會消息

拜仁慕尼黑CEO路明尼加確認拜仁對RB萊比錫中堅烏帕米簡奴充滿興趣，置於球會收購名單首位，並且已與其經理人接觸。除了拜仁外，尚有數家英超球會及PSG對他有興趣。現時球員尚未對轉投哪隊作出決定，而由於解約條款所限，烏帕米簡奴的身價只是四千二百五十萬歐元。

[Busconcamp]

普巴:「這是一場艱苦的比賽，我們知道作客這裡是很困難，他們不會放棄，會壓迫，在後場保持緊密。 我們先失球落後，並且知道那將變得更困難，我們必須反擊。 我們需要這次勝利，而且會很難做到。」

「我射得很漂亮，沒想到我的左腳能做出這樣。你知道，如果不嘗試，將不知道會發生什麼，我真的很高興射入了。這是一個漂亮的入球，一個美麗的勝利。 這是最重要的。」

「我喜歡獲勝，這一切都與勝利有關。當我勝利時，我很快樂；當我在球場上時，我很快樂。 今天我們贏了，所以我很高興。 如果我們今天輸了，我會再次生氣，這就是我。」

「這是英超，所以總是很困難。 這永遠都不是一件容易的事，我們知道有很多球隊分數追趕著我們，所以我們必須爭勝。」

[Busconcamp]

[多奇出品] - 曼聯作客對富咸賽後檢討



曼聯今場驚濤駭浪地作客以2:1擊敗富咸，球隊又一次喺先失球底下反勝，以下係筆者對球隊進攻方面嘅睇法：

一、卡雲尼、普巴挺身而出，分擔般奴嘅入球重任。今場富咸成功趁曼聯未企穩陣腳嘅時候，憑洛文嘅單刀波領先一球，令曼聯陷入苦戰。當時係極需要其他球員挺身而出，分擔入球責任。因為今季全隊入波最多嗰兩位球員般奴同福仔，前者俾對手睇實，後者就喺後備席。好彩卡雲尼喺21分鐘趁對方門將艾希奧拿接應般奴左邊傳中波時甩手執雞補中，追成1:1平手。然後再憑普巴喺下半場右路禁區頂一腳遠射入網以2:1反勝。反勝固然重要，但最高興係可以見到其他球員都可以入波，唔係只係靠般奴同福仔，依個係球迷最想見到。喺數據上可以見到卡雲尼有兩次攻門，兩次都中目標，1個入波，1個頭搥攻門僅僅俾艾希奧拿擋出，而防守方面都有7次奪回控球權。普巴就雖然上半場輸嗰球單刀波佢係睇漏咗洛文，但佢冇因為依個失誤而變得意志消沉，反而係愈踢愈有。從數據上睇到普巴佢有1腳射門，就係遠射破網嗰球，而喺防守方面佢有13次奪回控球權，咁顯示出佢除咗入波外，係防守方面亦都作出好大貢獻。

二、馬斯亞、格連活特表現低沉，分擔唔到前線工作。馬斯亞同格連活特已經係盡佢哋所能去做駁腳組織攻勢，但始終貢獻有限。睇番數據佢哋總共有68次傳送，傳球成功率有85%，但佢哋製造機會同黃金機會嘅次數合共係0，而佢哋合共起咗4次腳，有1次係中目標，可惜唔能夠轉化成入球。馬斯亞同格連活特個問題唔係佢哋無技術、無射門觸覺，而係太過專注令自己已經擅長嘅技術點樣再進步。例如：馬斯亞要帶順個波，然後拐向右邊射門。而格連活特就要帶順個波，然後做插花拐左或拐右射門。由於佢哋太過倚賴自己獨門絕招，所以令到對方後衛有所防備。對方知道佢哋單對單過人能力強，咪搵兩個後衛睇住佢哋又或者係打密集防守，再唔係就用身型優勢令佢哋失去控球權。對方後衛係早早準備好點對付佢哋，就好似拳擊比賽對手知道你最致命嗰一擊永遠都係出左鈎拳，俾人睇穿咗就好難以同樣招式去擊倒對手，仲可以會俾對手作出反擊。再睇番馬斯亞同格連活特最近入嘅波，前者係用唔係佢擅長嘅頭搥，後者就接應地波後一控一射。要喺英超依個咁高水平嘅比賽，衝破自己界限雖然唔容易，但亦係必需要學嘅嘢。



三、般奴中場命脈，助攻助守。根據統計數字，般奴射門次數4次，1次中柱，1次中目標。製造機會方面，佢2次製造黃金機會，2次製造機會，1球屬半助攻，佢喺進攻方面非常出色。而佢喺防守上亦都好落力，有14次防守攔截，雖然成功率唔算高，但睇到佢喺每場比賽都相當落力。不過，般奴已經有4張黃牌，作為球迷嘅你哋想唔想佢拎多張黃牌，然後停賽一場，俾佢休息吓呢？

最後，筆者都想解釋自己對上一篇「般奴最近表現回落是疲態還是與隊友間的合作問題」嘅用意，首先筆者寫依篇文完全冇怪責般奴嘅意思，只係自己擔心般奴太過盡力同承擔太多責任會影響佢嘅發揮同對球會唔健康。另外，自己亦都對班年輕球員唔可以分擔般奴嘅責任反而加重佢負擔表示可惜，同埋筆者唔係因為曼聯賽和利物浦而寫，就算係之前球隊連勝時已經想寫。只係筆者作標題作得差，所以先有咁嘅誤會，我建議大家可以睇睇內文，就可以了解我寫依篇文嘅用意

[Busconcamp]

憑藉卡雲尼及普巴於作客富咸比賽中分別取得入球取勝，曼聯平了自己以及英超聯賽的作客連續不敗紀錄。

曼聯這次於富咸主場卡雲農舍以2-1反勝，是球隊於頂級聯賽中保持連續第17場作客不敗，與當年費爵爺帶領的經典曼聯三冠王隊看齊，那時候的紀錄是於1998年12月至1999年9月期間創下的。

某程度上，球隊現在的紀錄相比當時更為令人印象深刻，因為於這17場的不敗比賽中，球隊的紀錄有13場勝仗，對比當年的9場勝仗已更多。而球隊於下週末到倫敦作客阿仙奴，將有機會打破這個紀錄。

[Busconcamp]

曼聯傳奇射手，現任打比郡主帥朗尼評論現時的曼聯：「這是幾年來第一次讓曼聯感到他們可以贏得聯賽冠軍，我相信他們可以。六個星期前，我對曼聯的教練說，我覺得曼聯會贏得聯賽冠軍，今天我仍然有這感覺。當我看著他們時，會使我興奮。般奴和卡雲尼的取勝心態提供了很大幫助，而普巴將發揮重要作用。具有獲勝心態的球員可以減輕普巴的壓力，因此他可以在球場上表現自己。 他們是非常有才華的球員，並且在球賽中定了很好的計劃。 我認為他們值得擊敗利物浦，拉舒福特應多把握傳球機會。」

[Busconcamp]

唔經唔覺，般奴已經代表曼聯上陣50場，而且對球隊帶嚟極大嘅衝擊，雖然征戰連場已開始出現疲態，今仗賽事亦未算最好嘅發揮但仍然係球隊進攻上最具威脅嘅球員

般奴對富咸數據:
89分鐘上陣時間
54次傳球成功
78%傳球成功率
2次創造機會
2次創造重大機會
4次奪回球權
23次失去控權
1次傳球被封
1次被侵犯
1次越位
4次射門
1次中框
1次中柱

[Busconcamp]

蘇斯克查更新球隊傷情：「連迪洛夫可隨時候命。對富咸的賽事我派出拜利，因此他多了4天時間讓他的背傷休息。我們會作出輪換但我會選擇一隊我認為有信心取勝的陣容出戰。」

另外麥隊，梳爾及般奴因上場對富咸沒有領黃而避開了5黃1停賽下，目前已將停賽的門檻由5黃增至10黃。

[Busconcamp]

在曼聯與利物浦的足總盃比賽前，蘇斯克查回應了高普關於曼聯‘泊大巴’的言論：「每當我們拿到球時，我們都會進攻，（次數）太多了。（在進攻中）我們不停的把球交還給對方，那對我們來說是個挑戰。我們向前的速度太快了，那種認為我們沒有進攻的想法我不能理解。」

「他們有5個中場球員在那裡，而且還有一位很有能力的門將。當你回看比賽，我想這是一場兩支球隊都踢得不錯的比賽，我們面對的是一支頂級的利物浦。」

「我們的球員們渴望出現在防守球員的身後，這是我們想要踢出快速進攻的一種方式。不是你每一次都要有快速的進攻，但是在比賽中你需要作出決定。」

[Busconcamp]

卡雲尼談及自己的入球慶祝姿勢：「這是一個漫長的故事，與我國烏拉圭的歷史以及土著居民Charrúas有關。我給女兒的名字也是與他們有關。」

「因此，我入球後擺出射箭的姿勢包含了我女兒的名字和我們國家的土著。正如你所說這具有特殊的含義，拜利曾經提點我要做這個動作，而我也確保自己每次慶祝入球後都要擺出射箭姿勢。」

[Busconcamp]

K11賽前小分析: 英超雖然於榜首位置，但失分上已落後曼城，故曼聯應以英超為主力而今仗應作出輪換。對手利物浦更是不濟，剛於英超敗給般尼後已落後榜首曼聯6分，2月將有歐聯淘汰賽階段重開，故領隊高普將要作出取捨讓主力球員休息與否。曼聯方面，軒達臣有望首次代表球隊出戰雙紅會，而後防可能會繼續用麥佳亞顆拍連迪洛夫，左右閘則可以杜安沙比及泰利斯上陣。防中可能會以上仗休息的麥湯文尼及馬迪作防守及節奏控制，再以馬達及雲迪碧克拍檔組織攻勢，配合前場的的馬福。利物浦方面，英超及歐聯相對足總盃重要，故今仗高普應會給主力休息而派出奧歷基，南野拓實及張伯倫等等，而老將占士米拿也應會出場以老帶新。雖說雙紅會但今仗可能是看板凳能力的時刻。

2020/21 英格蘭足總盃第四圈 - 曼聯 VS 利物浦
比賽日期: 1月24日 ( 1月25日凌晨 )
比賽時間: 01:00

預計陣容:
軒達臣
杜安沙比 連迪洛夫 麥佳亞 泰利斯
麥湯文尼 馬迪 雲迪碧克
馬達
馬斯亞 拉舒福特

[Busconcamp]

英足盃｜費查回歸執正中場防守 普巴得益進步神速


自從費查出任一隊教練後，保羅普巴的防守數據全面提升。

自從月初於英聯盃0:2不敵曼城之後，曼聯就於各項賽事保持4場不敗，最重要的是這4場賽事紅魔只失1球，可見球隊的防守力得到大大提升。據英國傳媒每日郵報指，曼聯近期防守表現之所以有改善，原來與月初被提拔上一隊教練的前紅魔中場費查有關，球員時代出任防守中場的費查更令到保羅普巴的防守數據有極大進步。

季初一度因為表現不佳而失去正選席位的普巴，最近狀態全面回勇，此前面對般尼以及富咸也取得入球，協助紅魔全取三分保住榜首優勢。報道指，費查被提拔上一隊教練支援領隊蘇斯克查後，前者非常受紅魔眾將歡迎，就連普巴亦熱衷與費查合作，至於費查就改善了普巴在防守上的一些問題，而且得出一個不錯的結果。

自從費查於今月4日擔任一線隊教練後，球隊一共進行了5場賽事，據每日郵報統計出的數據，5位紅魔中場普巴、般奴費南迪斯、費特洛迪古斯、尼曼查馬迪以及麥湯米尼當中，普巴的傳球以及攔截次數也是5人當中最高，其中攔截多達6次。就連搶斷次數普巴也有7次，只是僅次於費特的8次，可見自從費查回歸以來，普巴的防守能力得到顯著的提升。

近5場曼聯中場數據
保羅普巴
上陣時間：270分鐘

傳球次數：203次

搶回球權：26次

搶斷：7次

攔截：6次

般奴費南迪斯
上陣時間：267分鐘

傳球次數：165次

搶回球權：12次

搶斷：2次

攔截：4次

費特洛迪古斯
上陣時間：180分鐘

傳球次數：109次

搶回球權：17次

搶斷：8次

攔截：6次

尼曼查馬迪
上陣時間：91分鐘

傳球次數：70次

搶回球權12次

搶斷：1次

攔截：2次

麥湯米尼
上陣時間：96分鐘

傳球次數：40次

搶回球權：7次

搶斷：5次

攔截：0次

[Busconcamp]

全能戰力普巴醒覺　全靠費查特訓



曼聯近期表現突出，法國中場保羅普巴嘅「醒覺」絕對係主要原因，呢位世界冠軍球員向來被指踢波懶懶閒，但近期唔單止施展佢嘅進攻天賦，就連防守都非常出色，真正成為中場嘅「全能戰士」，而呢次轉變有個關鍵因素──費查回歸。

蘇格蘭中場費查被視為曼聯近年其中一位最實而不華嘅中場，佢早前獲蘇斯克查邀請加入教練團，據報獲得球員一致歡迎，而費查其中一個重點任務，就係改善球隊防守能力，當中又以保羅普巴嘅改造效果最為明顯。

自費查重返曼聯任教練後，「紅魔鬼」踢過5場比賽，保羅普巴一共錄得26次重奪控球權、203次傳送同6次搶截，3項數字都係曼聯隊中之冠，仲有7次正面搶截成功，只係僅次於費特洛迪古斯(8次)排第2位，可見保羅普巴嘅防守表現係得到極大提升。

[Busconcamp]

其實數據又唔等於一切嘅，絕對同意好多嘢反映唔到係數字上！但係亦都唔能夠否定數據嘅重要性。

普巴今夏離隊都可以話係公開的秘密，足球世界離離合合真係好平常事，今時今日又有幾多個球員仲做到One Club Man呢

不過走人之前，希望普巴表現應有水準，每場保持穩定發揮，叫肥佬經理人平時無乜嘢出少句聲，幫曼聯捧番一個半個盃...咁曼迷又點會嬲得你落啊

[Busconcamp]

曼聯新星冇得踢　將外借去西甲



曼聯上年10月向烏拉圭球隊彭拿路簽入翼鋒法根度柏利斯查，但呢位19歲新星至今仍然未為一隊上陣，據悉紅魔鬼已決定今個月將佢外借去西甲，汲取比賽經驗。

曼聯當時用1,000萬歐元收購法根度柏利斯查，但佢成「魔」之後，只能踢青年軍賽事，雖然呢位烏拉圭小將曾經入選對巴沙克舒希、巴黎聖日耳門嘅歐聯大軍名單，但並冇上陣，早前更不幸確診新冠肺炎。

前排已經傳出曼聯想將法根度柏利斯查外借去出，佢嘅經理人依家終於證實呢個消息，仲話目的地係西班牙，但並冇透露會外借去邊支球隊。