我果時仲係要跟父母去街的單純細路邊識分黃金同信和點去…
我相信當時家父都係去開黃金買電腦嘢見到個封面設計幾靚先買嚟睇吧?

如果我細個果時有手機可能都咗圍政總示威了,當年的細路天真好多…

講真，當年黃金版個紙皮封面真係一流，唔講唔知係翻版。
我記得當年應該係由 TV 錄過黎吧？但點解會有 LD 版既封面呢？好神奇。

當年就算有手機你都上唔到網吧？頂多比你收到 ICQ 同 MSN ...

我估應該係出咗LD版先有黃金版吧?

圖方面,
印象中當年仲有影視店可以租LD碟返屋企睇,
(之後用VHS錄起的習慣… )
佢個封面圖都係日版LD咁款的,
同埋果時仲有好多印刷品單張、目錄書仔去宣傳各種影視產品,
可能係果度拎圖吧?

如果宜家拎隻LD碟比宜家的小朋友睇,
我估佢哋最多識問:「叔叔點解你隻黑膠碟係銀色的?」…甚至唔知係乜嚟。

以前LD好似無字幕的,得雙語配音,(好似有樣嘢叫字幕機,但無接觸過)
所以Disney果堆90年代名作一係聽廣東話,一係聽英文,
又因為原本英文版歌曲好聽太多,所以我當時錄的VHS版全部都係英語版,
睇得多連英文科考試都高分過中文科…意外的收穫。

庵野同 Gainax 嘅恩怨歷史，同作品衍生出嚟嘅各種分析、解構、評論、 等等等等簡直恆河沙數，本人無謂獻醜畀動畫組班老細笑。

唔好意思，Gamespot 講嘅，你聽日語嘅大部份完全無感，亦漏咗新加入嘅內容。（有舊版 VCD 為証！ ）

「黃金版」用 LD 版嘅封面
http://www.pustan.com/ld/japan/nge0_2.html

記得當時有講過話經費問題
後半cut咗好多cost
所以TV版唯有左堆右砌咗個結局出嚟..


但又因為咁出咗好多喺過往動畫無出現過成為今時今日嘅經典手法..

亦有人話無晒橋，不過無錢似啲，因為 GAINIX 製作出名認真 — 啫係膠片浪費情度極大，呢個問題早嚮 《冒險海》時代出現。

https://zh.wikipedia.org/wiki/%E9%A3...B7%94%E5%B3%B0

GAINAX另一套舊作Gunbuster,
最尾段玩全黑白畫面咪仲經典,
呢套作品,我係因為有玩機戰,
及遊戲雜誌介紹先識買返DVD版嚟睇,
好似又係製作上出了問題,錯有錯著的結果嚟。

不過,Gunbuster 2就怪怪地咁,唔知Netflix會唔會播埋其他GAINAX作品呢?

超想睇返天元突破 紅蓮螺巖(天元突破グレンラガン),
呢套好似無出港版碟吧? (應該有出台灣版)

https://zh.wikipedia.org/wiki/%E5%A4...9E%BA%E5%B7%96

EVA 居然無得單撈，可惡！

睇住舊嘢 Knights of Sidonia 先，因為七月三號會下架。

——————
高橋洋子訪問（日語苦手聽唔明）：

上次Netflix香港好快手上咗Venom,
估唔到今次Spider-Man: Into the Spider-Verse(蜘蛛俠：跳入蜘蛛宇宙)都一樣咁快上咗架~!!!
(iTunes賣的4K版先減得$20,賣緊$138)

蜘蛛俠：跳入蜘蛛宇宙
https://www.netflix.com/hk/title/81002747

另外,宇多田光 Laughter in the Dark 巡迴演唱會 2018都上咗架,
睇資料Netflix版有提供埋中、日、英字幕,
反而我睇iTunes賣的版本得HD畫質、日語+英文字幕的($188)

https://www.netflix.com/hk/title/81092491

咁正！！！？
講講都讚好睇，估唔到咁快有。
由手機版發出

日動嗰邊唔見有講，Knights of Sidonia シドニアの騎士 2014年日本TV作品，共兩季，每季十二話。本來唔留意，係近來有堆 你管頻道講日動太空科幻片提到呢部，仲話小島秀夫都讚佢啲場面正，加上話七月三號後落架，所以落疊。

故仔係講超未來，地球同太陽系畀謎之怪獸「奇居子」破壞，人類用世代太空船，其中一隻艘就係 Sidonia，一路搵新嘅星球住，又一路遇到怪獸，有個少年谷風長道長期住嚮「地底」，一路凑大佢嘅爺爺死咗，佢上「地面」搵食時，誤打誤撞變成機人駕駛員嘅故仔。

套片係虛淵部戈C9同一間製作搞，全 CG 動畫，背影同設定相當仔細，故仔都好多元吓，戰鬥唔多但幾精彩；不過啲人物設定太求其，缺咗好多陰影，好平板，好多人物，尤其兩位女主腳，搞咗好耐都分唔到邊個打邊個。動作，尤其第一季尾嗰場，係幾精彩，但犯咗好多同期 CG 機人戰鬥嘅毛病—機設睇唔清，戰鬥鏡頭用得好亂，又快到唔知咩事。開頭故仔有啲亂，放咗好多時間去啲領當嘅角式度。

我都係netflix睇, 睇完幾鐘意. 可惜netflix只有第一季.

八月要開一個月Netflix 睇拳願阿修羅同AV 帝王

終於有套蜘蛛人b
由手機版發出

呢度有齊兩季，而家睇到二季第三話。

呢邊有胸襟明，睇完先去睇花粉胸

oh, 點解會咁......

雖然上網實搵得到. 不過我都係鐘意netflix嚮廳電視開黎睇, D字幕又四四正正

唉大家咁話，之前呻過呢邊魯魯抽得第一季，好吊癮。（雖然早就睇咗 CCTVB）

7 Seeds 第一部共12話上咗，追埋啲 Sidonia 再講。

排球少年又係一季

希望遅D有埋jo jo第五部


Sent from my iPhone using Gaforum

Knights of Sidonia 第二季完食，呢季啲戰鬥場面仲好睇過上一季，而人物設定執好咗， 分鏡都好咗，個調子無咁灰，睇返轉頭之後部 戈C9 唔技術層面嘅問題。

不過啲節奏就好有問題，明明今季有個大目標，點知中段走去大玩後宮育成（「我突然間好想同你做下光合作用」～ 嘔！） ，結果去到大結局都未到；而好多武器之類嘅嘢，就為咗方便劇情需要就突然爆出嚟。尾耳嗰話玩「進擊的巨人」點知又斷咗，有個「新角式」鍾意由喉管走出嚟，認真惡趣味。

而故仔應該仲未完，有好多條線未收，連「最後大波」都未打，據維基記載，動畫版真係得兩季咁大把，呢類中挺嘅作品，被斬就可惜咗少少。

溫提： Stranger Things S3 星期四上，睇咗唔記得，睇呢個雞精版重溫下先

唔覺唔覺， 六月廿六開始，轉咗新logo:



—————

大導演 Paul Thomas Anderson ( Phantom Thread, There Will Be Blood, Boogie Night )，同 Radiohead 嘅 Thom Yorke 合作，做咗一個音樂短片 Anima，長度十五分鐘都冇。當中全冇對白，凈係用歌曲串連舞蹈。影像特別，歌詞有啲嘢講，長度又唔會悶親。唔錯。

本身唔算好迷EVA. 多年後重睇一次套完結篇劇場版, 都係睇唔明


HK新發現:
涼宮春日的憂鬱
涼宮春日的消失
我的朋友很少
狼與辛香料
Another
未來日記
魔王勇者
Hellsing

今年會上，好多人期待嘅大作 －－ The Witcher 真人版，終於有 －－ 正式 poster 喇～～～



不過未有期咁啫～ 仲有其他劇照：
https://twitter.com/IGN/status/1145708912366297088