第一
...
3 4 5 6 7 8 9
10
PC電腦遊戲討論版 >DCS World |數碼戰鬥模擬世界 - F-4E 5 月 21 正式登場
而家嗰度開晒拖,好在西奈個地圖仲有得賣~
而家因為呢件嘢出咗會好唔得閒,都係由廠商自己噏返有啲乜先,詳細之後再講:
VIDEO
今日較早時出咗個修補檔,執返部份出咗問題, 尤其係 VOIP 同 SSS,最新公測版係 DCS 2.9.0.47168
HeatBlur 個 F-4E 舊年講話今年出,一直未有聲氣,今日突然話開始接受預訂。齋架機就特價盛惠 US$59.99,可以買兩套雙人拍住飛,又可以加錢買 t-shirt,同埋黑膠原聲大碟,等總共四個套裝。預計今個冬季 — 啫係今年 12 月去到 出年 3 月尾前上架。只可以去 HeatBlur 度預訂,亦無得用 DCS Miles~~~
HTTPS://store.heatblur.com
VIDEO
而家連 ED 個正式網店都可以預訂 F-4E,不過就無咗啲 T-shirt 同黑膠呢啲特別版咁啫。
新公測版予定廿號出, 阿帕奇上面終於有火控雷達(FCR)用喇!不過未完成嘅。不過似唔會有 F-4E 出 。
又嚟特價,由即日做到出年七號。
VIDEO
一如舊年,今年又有新預告片,最注目嘅係終於有伊拉克地圖,不過係先做北部,之後再整埋南邊,想玩海灣戰爭嘅要有耐性~ 二則係「好多人想要」嘅 Full-Fi 版嘅 MiG-29,公怖咗由第三廠出,雖然只係 A 型,不過好過無。
片入面有唔少零戰,不過唔好期待有得揸,而公怖咗嘅 J-8 II,影都無。
當然聽住先好喇,啲期嘅嘢講唔埋,又話舊年出 F-4E,點知無預告過嘅,AH-64D(終於)有 FCR 玩,幽靈 II 連影都未有⋯⋯
近排啲客戶通訊提到,一直分開公測版同「穩定」版,實情全世界都飛前者,唔只搶先玩到新模組,新功能修正都「快人一步」,咁再分嚟都無乜謂,好快(下一版?)將唔在分,又啱,要死機彈出 Windows 係咪公測都係咁上下㗎喇~~~
另, ED 亦公怖咗,「未來」會新設 save game 功能,等啲無乜時間嘅玩家可以停一停個任務,遲啲再玩過,唔知佢會點搞,係,個戰場可以存檔,但係啲操作好支棍同「油門」點記住先?飛緊 9G 走緊佬,要 save 低,會唔會遲下再玩返唔記得咗原本拉緊棍,又唔記得咗當時開到行個 AB 㗎?!等佢出咗先再講。
而 Heatblur 個 F-4E 出咗「本」玩家手冊,可以網上睇,亦有 PDF 版可供下載:
https://f4.manuals.heatblur.se/intro/introduction.html
出得 manual,照例亦「好快」有得玩。
又嚟特價,由今個月 7 號做到 18 號~ 啫係期間又無 F-4E 出喇~
VIDEO
啫係 F-4E 要月尾左右 。
今期有兩項公怖:
更正返先:年頭講會出嘅 HiFi MiG-29A,其實係 ED 咱家製作,根據出口版整,個飛行模型用返 FM3 嗰個 PFM,最大分別之一係個駕駛艙可以用滑鼠操作,慳咁多工夫,斷估佢一兩年內出到喇掛~ 本人鍾意呢架多過 Su-27,期待。
另一個係提咗成年幾會出嘅係阿富汗,首先出嘅係地圖嘅西半 part,東部(連首都喀布爾)會之後先補完,又係沙漠?呢個要諗過先。
阿富汗地圖(有網民笑指係半富汗 Halfghanistan,原因係開始只有西半 part),開始接受預訂,似乎 Steam 版都有,預計今年六月上架 — 喎。聽住先。
VIDEO
阿富汗自古以來係另一個兵家必爭嘅地方,片入面好多 A-10、阿柏奇, 同埋未出嘅支魯干直升機~
當「全人類」等緊隻 F-4E 同 「半富汗」,期待呢家嘢,當然係長等長有,對幫助長高,有功有勞~ 以下兩件嘢都係「就快有」,未有期:
1. 係之前噏過, Obrx 第一個合作出嘅地圖 Kola 半島,又有啲嘢畀人睇,仲講咗個範圍包括挪威、瑞典、芬蘭同當然 Kola 半島嘅北部。本人極之期待。
2. OH-58 Kiowa 公怖咗條片,畀晒個駕駛艙你睇。仲透露,唔會有early access 半成品,亦唔會有預訂,一出就玩得,包括可以去前面拎支 M4 卡賓鎗向側面掃射~ 可以話係 DCS 首創。雖然 Polychop 之前架羚羊就有好有唔好,OH-58 佢哋放咗好多心血落去搞,而近年啲表演又畀到人信心,本人唔玩多人連線嘅,都覺得呢架機幾過癮~
【突發】支魯干直升機接受預訂,特惠美金 48.99,話就話 6 月 26 號上架 。
VIDEO