[365] Chris分享寫真

[chrischun]

iPhone 6 plus/645 Pro MKIII

[chrischun]

iPhone 6 plus/645 Pro MKIII

[chrischun]

Nokia Lumia 1020

[chrischun]

iPhone 6 plus/645 Pro MKIII

[chrischun]

iPhone 6 plus/645 Pro MKIII

[chrischun]

iPhone 6 plus/645 Pro MKIII

[chrischun]

iPhone 6 plus/645 Pro MKIII

[chrischun]

iPhone 6 plus/645 Pro MKIII

[chrischun]

iPhone 6 plus/645 Pro MKIII

[chrischun]

iPhone 6 plus/645 Pro MKIII

[chrischun]

有留意我TOPIC既朋友都知道,我近半年都大多數用645 Pro MkIII,無乜加D新既攝影APP入嚟個TOPIC到,

原因係一般既拍攝用645 Pro已經足夠,不過早前我係出差做野時,當晚既星空超正,無奈645 Pro慢快門最多都係1/2,

根本無可能去拍攝下來,係當時我已經定下要搵多一個APP可以頂替645 Pro,不過有用開645 Pro既朋友都知道,

645 Pro其實已經係一個好強大既智能手機APP,要搵一個可以頂替645 Pro既攝影APP真係唔簡單,好彩既就係只要搵645 Pro基礎下,

再加上原來645 Pro無既功能既APP就可以,講就咁講,叫你去搵就真係大鑊,要強大過645 Pro既APP,真係搵到我頭都痛,好彩皇天不負攝影人,

終於搵到一個強大過645 Pro既APP,嚟個APP叫做(ProCam)38元,ProCam除了有齊645 Pro既功能外,仲多左延遲攝影,

慢速快門,夜間模式,連拍模式及4K影片模式(註:1)而且係ProCam既TIF格式比645 Pro仲要大,

645 Pro既TIF出來係22MB左右,而ProCam出來既TIF係去到30MB左右,

而我亦比較喜歡ProCam一個比較貼心既功能(網格及攝影格式)(註:2),

係645 Pro要叫出嚟兩樣功能出來係好煩,要出出入入設定先可以開關,而反觀ProCam就一個制攪掂曬,方便簡單,

而我最需要既慢速快門亦比我想像中強大好多(註3)

註1:要用得到ProCam 4K拍攝影片,最基本係要部手機有4K功能

註2:網格分別有四種比大家選擇,而格式分別係(1:1)(4:3)(3:2)(16:9)四種

註3:ProCam既慢快門有五個選擇,分別係4sec/8sec/15sec/30sec及Bulb,而最精彩既係仲有選擇(動態模糊/光線軌跡/低光源)既模式比大家選擇拍攝既主題

[chrischun]

用開iphone玩攝影既朋友都知道,iphone廣角只有大約29mm,有時候想再多D廣角諗起真係R曬頭,小弟我一直等緊Zeiss High-Quality鏡頭,

無奈我等得,D美景無咁既時間去等,係智能手機鏡頭有五個係香港比較有名既品牌(Zeiss,Moment,iPro,bitplay,Ztylus)

後兩者唔講,因為係比較廢既,大家唔好浪費錢去買嚟兩個品牌,而Zeiss未出,所以無得講,iPro亦係唔錯既選擇,無奈係香港好難有現貨買,

最後只有Monent嚟個品牌,其實選擇嚟個品牌只有一個原因,就係出來既相片素質真係一流,嚟支18mm鏡頭真係唔係講笑,

出來效果我都比佢嚇一跳,日後有機會小弟就會出相片比大家睇睇,今次主要唔係講支鏡頭,因為支鏡頭已經係世界出曬名,

好多專業攝影師都係用嚟支18mm做事既,所以小弟就廢事浪費大家既時間講支已經出曬名既鏡頭....





今次主角其實係Moment case,嚟個Case直頭係攝影既Pandora,點解咁講,因為佢自己既軟件已經係支持TIFF導出(註:1)

而645 Pro及Procam當然都無問題,不過有一點要留意,用第三方攝影APP,快門制係形同虛設,快門制只支持Monent APP,

所以大家要留意嚟一點,反觀小弟我點解又要買個Case比支鏡頭用,其實如果只買支鏡頭一樣可以上到去機身到,

不過小弟睇個張3M貼紙好似好流下,廢事用用下跌左個鏡頭就唔太好呀,所以比多幾佰蚊買個安心好過,

當然有好亦有壞,唔會只講好既野,嚟個Caes最大問題係無得上腳架,又要另外加野先可以上到去腳架到,不過嚟一點我唔怪開發者,

因為Moment APP係無慢快門模式,所以佢地諗唔到都唔奇,只係一個成900蚊攝影用既Caes連腳架都上唔到,就真係唔知講乜好

係下次小弟會親手去試Procam及Moment嚟兩個APP到底對支鏡頭有乜分別,到時候就知道

註1:導出格式分別係TIF(約30.2MB)

註2:唔好問我價錢,頂樓有價錢比大家睇

註3:所有鏡頭都係無鏡頭蓋跟,原裝鏡頭蓋多謝78蚊

[chrischun]

作為一個支持硬件既Moment App,只可以話不過不失,又或者係小弟用開都係專業智能手機攝影軟件,

所以比較乏味,Moment固定按制有五個選擇,分別係TIFF,時間制,網格,閃光燈,鏡頭選擇,Case,

而虛擬動作按制分別Exposure,Focus,Temperature(註1),另外長按對焦制就係鎖定AF,

係畫面連續按兩下就會叫出分開曝光及AF既設定,因為小弟都係第一次用,所以嚟三張相片都炒左對焦,

因為剛開始用時都攪錯對焦動作,不過作為試拍,是是但但吧,總結一個免費既APP已經交到功課(註2)

所有照片係加上Moment wide lens(18mm)去拍攝







註1:要叫出Exposure,Focus,Temperature嚟三個虛擬制,手指動作係長按畫面拉上或下就可以叫出,當叫出後手指左右拉就係加減值

註2:係無Moment鏡頭下,鏡頭選擇及Case按制係形同虛設,不過一個唔洗錢可以出到TIFF既APP,你仲想點

[chrischun]

經過兩日既試拍,支Moment wide lens(18mm)基本上無投訴,亦明白點解咁多攝影師者選擇嚟支鏡頭,
而對我來講,只可以講相逄恨晚.....

今次既試拍係用ProCam,其實ProCam比645 Pro簡單易用好多,因為645 Pro真係一個太專業既攝影APP,

對於一些新接觸手機攝影既朋友,可以話過於復雜,當然要簡簡單單亦可以,但係要簡單洗乜用645 Pro,

所以ProCam正係一個學習手機攝影唔錯既APP,雖然係咁講,但唔等於ProCam係次一級既手機攝影APP,

要玩盡ProCam唔係大家想像咁簡單,工慾善其事,必先利其器,要清楚知道每一個攝影APP既長短處,

對於拍攝不同主題一定有幫助

所有照片都係ProCam APP加上Moment wide lens拍攝

[chrischun]

平常我只會POST照片係GAF,好少分享文字上既POST,其實小弟我係幾個不同攝影網站都係有文宇留言,原因就係攝影上有太多專業上用既名稱,

而GAF主要係CGA怕大家唔明我講乜,所以無任何既文字信息係GAF,加上自己好明白攝影係一條不歸路,所用既精神,時間,金錢係無法想像,

近嚟一年小弟都係用手機拍攝,亦係嚟個原因,所以開始POST文字上既信息比大家去睇睇,要明白手機攝影其實和相機攝影係同一道理,

到最後都係控制手機背後果位最重要,我亦試過用400蚊既平價手機去拍攝,效果一樣咁出色,嚟句說話可以說明比大家知道,攝影唔係在於係用乜野器材,

係在於大家有無心去學習攝影....

[chrischun]

係今後開始POST小弟所用過既軟及硬件比大家參考,未來我會在新POST留言我所用既新APP

862樓:Moment 18mm超廣角鏡頭999港幣(其實Moment出左三支鏡頭都係999港幣),Moment case全黑799港幣,木紋case 899

1:Camera+(ios)相機連後期APP/約25元港幣

2:645 Pro MkIII(ios)專業相機APP/約28元港幣

3:Camera FV-5(Android)專業相機APP/免費
VSCO Cam(ios/Android)手機後期APP/免費

4:Mix濾鏡大師(ios/Android)手機後期APP/免費

5:POCO(ios/Android)相機及後期APP/免費

6:Muse Mage(ios)拍攝視頻,相機,後期APP/28元港幣

7:Foto Meter Pro(ios)測光錶APP/8元港幣

8:ProShot(Windows Phone/Android/ios)專業相機APP/約23元港幣

9:ProCam (ios/android)專業相機APP/約38元港幣

10:Moment(ios)相機APP/免費

[chrischun]

如果Camera+已經滿足唔到你對智能手機攝影既樂趣(註1),另一個APP可以比較合適你,今次推介既係645 Pro MkIII(28蚊港幣),

嚟個APP既功能基本上同單反差唔多,把原有IOS拍攝出來既照片約2MB JPG格式提升到22MB TIF格式(註2),對於懂得後期既朋友,

TIF可以話係在手機攝影中既樂土,而小弟我親手試過導入Lightroom及Photoshop係無問題既,所以大家可以唔洗擔心導入及導出既問題,

係645 Pro MkIII介面,你會見到好多按鍵及一個轉盤,無睇錯係一個可以控制M,S,A,ISO既轉盤,

而按鍵方面係有AE,WB,AF鎖定,測光,閃光燈,DISP,拍攝既格式,Filter等等(註3)

註1:好多朋友一直覺得手機攝影係一個唔專業既攝影,只係一種錯覺,其實越簡單既野,反而越見真章

註2:導出格式分別係HI-Quality JPEG,MAX-Quality JPEG及TIFF

註3:有關645 Pro MkIII所有既設定真的有如一部單反一樣,設定太多不能一一盡錄出來

[chrischun]

叫得智能手機攝影,點可以無Android,其實Android都有幾個唔錯既專業攝影APK,最重要既係免費,

嚟幾個APK都可以係Play Store下載,當然叫你地每個下載試下係浪費大家既時間,今次就直接介紹最強攝影APK,Camera FV-5,

這款軟件堪稱Android系統中最好用的拍攝類軟件之一,其強大功能可直接同IOS既645 Pro MKIII比較,小弟在這簡單介紹下,

WB,AF鎖定,ISO,EV值,測光等等(註1),當然嚟D只係碎料,最強大既係可以把原有Android拍攝出來既照片約2.8MB JPG格式提升到14.5MB PNG格式(註2),

懂得PNG既朋友都知道PNG可以在後期下發揮多大既魔力(註3),另外對於唔識Lightroom及Photoshop既朋友,唔洗擔心,

另一個可以配合Camera FV-5使用既手機後期軟件VSCO Cam一樣可以令你拍攝既作品加添不同效果(註4及5)


註1:有關Camera FV-5所有既設定真的有如一部單反一樣,設定太多不能一一盡錄出來

註2:導出格式分別係JPEG(約4.6MB),及PNG(約14.5MB)

註3:小弟我親手試過導入Lightroom及Photoshop係無問題既,都係個句,慢慢享受

註4:手機後期軟件有如恆河沙,其實國內亦有MIX濾鏡大師一樣簡單好用,等有機會再分享不同手機後期軟件比大家

註5:VSCO Cam來自色彩軟件開發商VSCO，該公司為Adobe Lightroom和蘋果Aperture開發的著名色彩插件VSCO Film

[chrischun]

估計係我宜家用過既手機後期軟件最強大之一,(Mix濾鏡大師)唔係講笑,菜鳥都可以變大師,點解咁講,

嚟個軟件既Filter係全世界每一個人都可以自己寫,自己做完Filter後可以發佈官網去比所有MIX用戶在Filter Plaza下載(註1),

當然怕煩既話,只係用MIX內核Filter已經係可以變化超多不同效果,一個全世界高手幫你更新Filter既手機後期軟件,

仲洗乜諗咁多,唔用就真係對唔住你部手機呀(註2)......

註1:如果你有下載Filter,會見到每個Filter既參數比你去參考

註2:ios及Android版本都係免費既

[chrischun]

POCO相機使用簡單且尊重攝影人的拍攝習慣:選擇鏡頭——拍照——美化照片——分享,

而然在恆河沙數既攝影APP當中點解我會推介POCO,原因好簡單(免費),雖然好多攝影APP都做到多重曝光,

但係比較出名既Hipstamatic就要你得花8蚊雞去購買一個內置多重曝光軟件包(註1),感覺有點坑爹

入返正題,POCO除左雙重曝光外,另有移軸及四格LOMO,未用過POCO既朋友第一次用既時候,先不好著急,

係設定內先改變啟動時馬上開啟鏡頭及自動保存原圖(註2),係我之前都講過由拍照到分享都可以係手機到做出來,

但如果你係一個後期狂人,基本上POCO一樣可以滿足你既慾望,係POCO拍攝出來既照片都係DNG格式,對於一個會後期既你,

仲點可以找到籍口,可以玩得咁多趣味既APP,仲諗咁多.......

註1:Hipstamatic最多可以拍攝四重曝光

註2:如果不關閉自動保存原圖,POCO內拍攝所有格式照片都會另外保存原圖,如拍攝雙重曝光,再加上POCO美化,一共有四張照片出現

照片係在家小試POCO既雙重曝光功能,并無構圖及美感可言,不喜勿插

[chrischun]

今次介紹既係比較頗具“魔性”攝影既APP,Muse Mage(極拍)(註1及2),可以說是見過同類APP中最全面,不僅配備了10種濾鏡、15種鏡頭變換，同時自帶美膚以及“替換色彩”,“藍幕”等新穎功能，更關鍵的是這些功能都是可以運用在視頻拍攝當中,另一個強大既功能可以令不配備光學設備的手機得到類似OIS技術,Muse Mage利用自身其算法所達到的效果等同五軸光學穩定器功能,不管是照片還是視頻，所呈現的專業效果都十分明顯
MuseMage包含了五個功能模卡，其中包括“手動模式”、“魔法色彩”、“視頻”、“照片”和“定格動畫”

在“手動模式”中《MuseMage》提供了使用者對ISO以及快門速度的手動調節功能,根據不同環境可以進行快門和ISO的手動調節,達到用戶所需求的效果,令手機也可以拍攝出專業級的照片。

“魔法色彩”功能是最有特色,該功能提供可說是市面上大部分拍攝軟件所不具備的，簡單來講就是可以通過功能選擇來進行“藍幕去背效果”、“顏色替換”和“單色保留”，這些功能也許部分圖片拍攝軟件可以達到，但是在(MuseMage)中，視頻的拍攝也可以使用。

“顏色替換”同“藍幕”的使用方法相似，也是通過顏色的選取，對其進行手動的顏色調整，根據所選顏色的不同手動調節色彩選擇範圍，更精確的達到對想進行調整的部分的選擇，，這個功能著實的豐富了整個攝像過程中的趣味性。

“單色保留”功能，相信大家並不會陌生，也就是將拍照主體中的某一種顏色進行保留，而其他顏色都進行灰度處理，現在大家都可以簡單拍攝同樣風格的視頻短片增加文藝氣息。

除了以上幾種特色功能以外，(MuseMage)的“延時拍攝”可以將長時間拍攝的畫面以最高320倍速的效果呈現最終成片，簡單操作無需剪輯

最後，介紹下“定格動畫”功能，(MuseMage)可以在逐幀的殘影表現中是最人性化，可以根據上一幀的位置進行下一幀的拍攝對比，使得動畫效果更流暢，同時，在完成定格動畫後，還可以自行選擇每秒傳輸幀數的速率，根據不同時長短片選擇最合適的FPS。

註1:Muse Mage(28元港幣)可以係App Store下載,比較遺憾既係宜家只有IOS版本

註2:Muse Mage既拍攝照片功能一樣咁強大

[chrischun]

Foto Meter Pro介面採仿傳統測光錶所設計。提供ISO25-6400、光圈F0.95-F1000參數選擇，設有入射式/反射式測光模式，內建的定時器也可輔助長時間曝光計算所需的拍攝參數,僅提供iOS用戶下載.....
小弟親自試過Foto Meter Pro及傳統測光錶同步測試,出來既數據係一樣既,但大家在用Foto Meter Pro前最好先把聲音關閉,因為每轉一次光圈及ISO值轉盤時都嘈到拆天咁,轉盤聲音真係大聲到你唔信,當然對於宜家數碼及智能手機既年代測光錶係有點多餘(註1),但對於商業及傳統菲林既測光,測光錶就是拍出正確曝光既利器

註1:就算係宜家數碼年代,真正既商業攝影師都有測光錶係身,始終專業既測光錶係無得代替

[chrischun]

一直都好想試下平價國產智能手機攝影可以去到幾盡,剛好要出部用來打電話,今次就用嚟部400蚊人仔

既國產智能手機試下,今次既主角就係華為榮耀4,,嚟部華為榮耀4連網上都無詳細介紹,只知道前置鏡頭

200萬,後置鏡頭800萬,光圈好似係F2.0(係好似,唔一定係),當然咁既價錢唔好要求咁多,基本上拍得到

已經偷笑,萬萬諗唔到,嚟一次拍攝出來效果都可以見得下人

華為榮耀4/Camera FV-5

[chrischun]

Nokia Lumia 1020，當我們還在把千萬像素視為旗艦級別的時候，

這枚高達4100像素Pureviwe Zeiss無疑視為旗艦級別既專業手機相機中既表表姐，

加上內置Lumia Camera(早期名字叫Nokia Pro Cam),令到每張照片高達41MP像素(註1),

估計都無邊幾部手機相機可以媲美Nokia Lumia 1020專業攝影功能

註1:導出格式分別係Pro Highres jpg約10.5MP,jpg約5MP及DNG約41MB

[chrischun]

Nokia Lumia 1020畫質雖然好，但配套的“諾基亞專業拍攝”app每次重新啟動都會自動將原先的設定歸零,

考慮到手機攝影開開關關很頻繁，這種重設動作就變得繁瑣起來,今次就介紹Windows Phone一個專業攝影App比大家,

ProShot最新版本(註1及2)已經可以支持34MP(7712X4352)9:16或38MP(7136X5360)4:3既DNG格式,

係ProShot介面,你除了會見到AF鎖定外,還有一排按鍵及一個轉盤,按鍵方面分別有濾鏡,

調整對比,飽和,清晰度,輸出尺寸,ISO,閃光燈,快門,白平衡,在按鍵最底既設定分別有網格,

水平儀,直方圖,高光顯示,轉盤功能分別有自動,P,M,C1,C2,HDR

註1:有關ProShot所有既設定真的有如一部單反一樣,設定太多不能一一盡錄出來

註2:ProShot最新版本定價為23元港幣,可在於Windows Phone市集購買