（搵唔到之前有，舖住先） APV 而家好似例牌每季都整個跟得好貼嘅動畫， 上季有 Vinland Saga，今季係「pet」。
講有班有心靈能力，可以睇到人嘅記憶，甚至改變記憶，或者令人心理崩潰嘅人，通稱 crusher，佢哋替「公司」做嘢，多數係控制或者「處理」公司入面會出事嘅僱員。佢哋嘅存在係極秘密。去到2月10號為止，上咗6話咁啫。題材相當暗，啲能力者個個都有不幸嘅童年，用咗頭兩話時間去解釋主角嘅能力點操作，去到第四話似進入話題。啲追逐同鬥智鬥力幾好睇
去到第九話，雖然比之前快咗，但仲嫌好慢，開始幾邊互相計算，以為老謀深算嗰個係主角，點知資料話係佢個「拍檔」先係，今話開始明點解，不過要睇佢係咪玩埋啲老梗。暫時無之前套 Babylon 咁難頂，雖然啲日本人噏普通話好梗耳，後者開頭係咁講日本法律真係非常趕客。