某大學的事有看新聞都知，比較留意到一個字眼叫"上莊"?

在這裡找到一些解釋
http://evchk.wikia.com/wiki/%E5%A4%A...A1%93%E8%AA%9E
莊︰即校內的組織、學會等內閣的別稱。
上莊︰擔任校內學生組織（學生會、學會）幹事。亦可指上一屆的學生組織幹事。
莊友／莊員︰校內學生組織（學生會、學會）幹事。
莊務︰學會事務。
招莊︰當學會或組織的幹事任期即將屆滿，學會或組織便要招請下一屆幹事。
傾莊︰有興趣做下一屆幹事的同學，會聚首商討學會的未來目標方向及活動等。
轉莊︰指學會的新舊幹事交接。
落莊︰指學會的舊幹事卸任。

不過我要的不是這樣，是問這個"莊"是怎樣來，即字源，點解要用這個字去形容這種事/行為，睇見解釋就有種江湖味，個人想法，不喜自插

"莊"家? a
即係學會的渣FIT人

我都認為個字係由黑社會引入嚟

因為個職銜要夠霸氣

莊 -> "打six" -> 話事?

http://zh.wikipedia.org/wiki/%E9%A6%...96%87%E5%8C%96


香港大專院校學生文化


社團

• 莊 - 某社團
• 上(發陽上聲)莊 - 擔任某社團的幹事
• 上(發陽去聲)莊 - 某社團的前幹事
• 揸莊 - 擔任某社團的會長
• 落莊 - 社團幹事的卸任
• 缺莊 - 該社團不夠人做幹事
• 下莊 - 下一屆的幹事
• 冧莊 - 連任幹事（通常是因為無下一屆幹事接任）
• soc房／莊房 - 社團的辦公/開會地點，但一般都是和其他社團共用
• 莊員／莊友 - 一起上莊的同屆幹事
• cam／con　－ 諮詢大會，部份大學稱campaign，部份大學稱consultation，是上莊前向選民諮詢意見而召開的會議。
• mock cam／mock con - 模擬諮詢大會，通常是正式cam／con前舉行的模擬會議，多邀請歷屆幹事出席提供意見，不一定需要舉辦。
• polling - 投票，大部份學生組織幹事都需要經過投票產生，這段期間候選幹事會有不同的拉票攻勢
• AGM - 年度會員大會Annual General Meeting，也就是學生組織一年一度的會員大會，通常亦是舊莊落莊，新莊上莊的交接之時。會議上會檢討去屆的表現。

http://cusp.hk/?paged=26
莊的二三四五六七事

Posted on July 30, 2012
文：Jaco

莊【zong1】校內的組織、學會等內閣。
上莊
擔任學生組織幹事。亦可指上一屆的學生組織幹事。
莊員
學生組織內共事的幹事。
莊務
學生組織的事務。
傾莊
有興趣做下一屆幹事的同學，聚首商討學會的未來目標方向的活動。
頹莊
莊務很少、不用花很多心血即可勝任的學生組織。
Chur莊
與頹莊相反，需多很多時間心機精力去完全莊務的學生組織。
坎莊
同時有兩個或以上的內閣競選的場面。
孖莊
個人同時擔任兩個學生組織的幹事。
……
＊＊＊
講起大學.文化，又點可以唔提莊嘅文化呢？大學五件事都有教，無上過莊唔叫讀過大學，一齊共事過嘅莊員先至係大學三/四年出生入死.老友，所以大把 freshmen一入到嚟就通街搵自己想上嘅莊，好似怕蝕底咁。但係，係現時.大學入面讀三／四年，又係唔係一定要搵一兩年出嚟上下莊Chur下自己呢？ 一切都要由「如何組成一支莊」這問題說起。
係中大入面，通常上一支莊的過程都係傾莊、成莊、宣傳、諮詢、選舉，選舉中過半數.就會開始佢嘅莊期，通常都能成功當選。到左9月，又開始幫下莊搞 傾莊，跟住就係不斷咁loop落去，成件事根本就好機械化。咁或者你又會問，點解會咁多人走去上莊呀？無可厚非，大學嘅生活相對地比較自由，而好多人係中 學時期都未搞過啲咩大茶飯，咁啱大學又有個機會，咪膽粗粗上莊玩下囉。同埋我入到大學，又唔會見嚟見去都係果班人，又想係大學生涯中搵返啲寄託，咪上莊識 下朋友囉。仲有喎，人人都上莊，你唔係唔上呀嘛？當然，小弟係呢度唔係叫大家係咪都狗衝去上莊，只不過係想道出而家大學生上莊嘅通病姐。
通病1：不合理地頹
每一個學生組織嘅成立以及營運至今，都有佢嘅宗旨同埋目的。就算係頹到極點嘅莊，都有一定嘅野做。好多人上莊就係為左呃宿分、結識異性、砌靚自己份 CV，無諗過真正為呢支莊而付出。可能你會話，上莊負到佢最基本的責任咪得囉，駛咩咁Chur自己呀！但係你要記住，你上得呢支莊，唔單單要為左自己而負 責，仲要為所有會員而負責。
無錯，你只要滿足一支莊嘅最低要求，無人可以話你唔負責任，但係咁樣俾一支莊處於低度運作嘅狀態，過多幾年，頹風不斷，只會令到果支莊一直咁頹落 去，萬劫不復。咁你又會問，頹又有咩唔好呢？如果一支莊係頹到一個地步，已經好多年都只係保持最低度的運作，咁即使有個好想搞返起呢支莊嘅人加入都好，都 會因為頹嘅風氣而搞唔起佢，完全發揮唔到果支莊本身嘅功能。
另外，一支莊係一個內閣，係一個整體，作為果支莊嘅一份子，亦都好應該對其他莊員負起一定嘅責任。係上莊嘅時候，莊員同莊員之間應該互相傾清楚每個人所負擔嘅工作量，如果你.莊員肯幫你分擔多啲工作量，頹都係無問題嘅。都係果句啦，唔好俾支莊嘅士氣同理念沉沒。
通病2：盲目跟隨
其實即使係同一支莊，每年搞嘅活動都可以好唔同。我都唔係好明點解大把莊年年搞嚟搞去都係果三四樣活動，仲要內容同rundown除左日期同負責人之外幾乎同上莊一樣，諮詢.時候俾人問起點解咁plan份yearplan，只會話：我地都係參考上莊果份……
我唔係話上莊份year plan唔好，亦都唔係話唔可以跟前人嘅政策去做，而係想講清楚，你一定要有一個能夠獨立分析事情好壞嘅心。如果上莊啲政策係好嘅，今年再搞多次絕對唔係 問題；但係如果係無理.，你就無理由照跟啦。舉個例，大部分嘅莊會搞三次傾莊，只需要出席其中嘅兩次（當中必需包括最後一次），咁就可以好神奇咁上左莊。 咁傾莊會做啲乜呢？破冰遊戲、莊員自我介紹、簡介下有咩活動要搞……佢地頹搞傾莊，內容又唔討論理念，咁點樣叫人地抱住團火上莊喎。聰明嘅你，都應該知道 搞傾莊要搞得深入啲，傾多啲支莊嘅理念，等你嘅下莊清楚明白到佢地嘅目標。
通病3：老鬼／上莊嘅影響
上莊前有一個必經.階段：諮詢。通常夜晚7點開始，歷時6至10個鍾不等，有.仲會諮詢到第二朝，堪稱上莊最辛苦的環節。期間好多老鬼都會返左嚟問 你問題，上至天文，下至地理，乜都問一餐，而問題主要分兩類。第一類係理念類，顧名思義，老鬼們會針對你嘅上莊理念、莊名、活動的詳情去問一啲以「點解」 開頭.問題。其實此類問題嘅本質唔差，只不過老鬼有時會好hard sell佢自己果套思想，而果種思想又未必係咭啱囉。第二類係雞蛋裡挑骨頭類，問題千奇百怪，會問你記唔記得其他莊員嘅電話同生日呀，知唔知中大邊度有廁 所呀，校巴時間表呀，捉你錯字呀，根本就係無野搞搵野嚟搞，嘥你時間，無聊至極。係身心都極疲累嘅狀況下，你嘅意志就會好動搖，咁你判斷力又再低一兩成， 好容易順應左老鬼的意志。
基本上嚟講，我都唔明點解一支莊諮詢嘅時候會俾咁多野束縳住。諮詢嘅原意就係俾會員一個機會，向莊員詢問來年有關year plan或其他範疇上.問題，而莊員向會員解答。所以你只要本著一套你深思熟慮過後，認為啱既價值觀，以及搞呢啲活動嘅宗旨，基本上無問題會難到你。至於 老鬼／上莊對你嘅「干涉」，如果你係有能力去獨立思考同埋判斷的話，呢個對你嚟講絕對唔係一個問題。
一字記之曰：心
講到底，一支莊搞得好唔好，唔係睇頹唔頹、Chur唔Chur，而係睇班莊員有無心。有心就自然會有目標，而目標背後亦會有相關.理念，再加埋班莊員嘅互相信任同照顧，諗多D唔同嘅可能，一支好嘅莊就可以樣形成啦！

我比較想知點解"莊"既量詞係"支"?"樁"?

你地所講的就是合理解釋,共有2個,但來源不明,都是聽回來的

1."莊"即是主人(叫OC或EX-CO,睇邊間U), "閒"就是參與者(MEMBERS)

2.現在一般是用"莊"表示STUDENT SOCIETY, 但"莊"可能是來自"樁",表示OC或EX-CO是 SOCIETY的中流砥柱,所以現在"莊"量詞是"支"

好複雜!
反而查EX-CO就有Executive Committee出黎，睇英文沒有甚麼特別，但用中文就唔同晒，果然呢尐字眼係係一種組織體制下為了地位排列而演變出來

影視處有果張指引就好了

竟然唔係賭場?

以前大學果陣我都有呢個疑問. 不過無考究

sounds odd