2020 年你最喜愛嘅電影

[肉羊哩咖]

除咗戲院上唬，可以包埋串流平台上，同電視電影。不過公映/上架必定嚮 2020 年內

幾乎唔想搞，因為真係好屈悶，幾乎要嚮 Bad Boys for Life 同 Sonic 之中㨂個做第一～

排名不分先後：

1. Bad Boys for Life：你見個正牌阿公都做得動作片，動作亮麗又夠好笑，又好有交棒嘅味道，劇情都叫 -- OK 嘅，今年算係咁㗎啦（原本諗住）～

2. Sonic：完全打破 game 電影唔掂嘅咀咒（咳，咁比卡超點先？），齋睇占爺復活已經值回票價，輕輕鬆鬆又滿足到啲 fans，唔錯。

3. Da 5 Bloods（Netflix）：大導演 Spike Lee 力作，集戰爭片、家庭倫理片、傷㾗片、奪寶片同社會議題片於一身，有導演啲一貫嘅政治訊息，再加啲電影迷都鍾意嘅玩嘢。一班「老嘢」故然好戲，再加上已故嘅 Chadwick Boseman 神一般嘅存在，配角得嚟但極之担戲。

4. The Old Guards（Netflix）：今年比較出色嘅動作片（Tenet 對唔住），故仔轉折，節奏掌握好得嚟唔會悶，可惜好多配角個「身世」有趣但未夠交待足，奸角太平面，期待有續集。

5. The Vast of Night （APV）：極小本製作，再加埋新米導演，個頭開得麻麻，但一入正題，玩到懷舊兼有 Twilight Zone 嘅味道。

6. The Invisible Man：一套小本嘅驚慄片，睇女主角 Elizabeth Moss 對住空氣做戲，都掂嘅，你就知有幾得。故仔個結局幾令人回咪。

7. Trial of the Chicago Seven （Netflix）：另一套精彩嘅攞獎片，法庭戲，Aaron Sokins 嘅劇本，有追開 The West Wing 嘅就知掂，佢好少做導演，呢套見到功力；某程度上好貼近今年嘅事（其實部戲籌拍咗好耐），但實情比部戲仲離譜；演員位位好戲，尤其係 Sacha Baron Cohen 咁「正經」做戲都得，亦無諗過個法官先係最乞人憎嘅奸角。

8. Borat The Subsequent Movie （APV）：講開 Cohen 唔能夠唔包埋呢套「神秘」電影，女主角反而仲搶，題材更富爭議性，係好笑，Cohen 繼續「搵命博」，但隔幾十年後睇返，如果仲係咁好笑就幾弊～

9. Soul（D＋）：最好嘅留到最後～ 導演啲往績好識撳啲人個淚穴，好在呢套唔會；視覺效果無械可擊，故仔發人深省，演出又有火花，配樂又一流。點頂？

有好多好戲未有機緣睇到，好似 Anotony Hopkins 套講老人失憶套片咁。今年全無 MCU 戲，希望出年好啲～

[DevilElvis]

最喜愛

鬼滅之刃 無限列車篇

天能