曼聯躉紅魔鬼地帶[VOL.95]各項賽事三連勝,入球眾數,重上正軌？

[Busconcamp]

曼聯同利物浦搶人　掀迪姆華拿爭奪戰



今個球季仲未結束，不過一眾豪門都已經為夏季增兵做準備，喺德甲大放異彩嘅RB萊比錫前鋒迪姆華拿，盛傳係利物浦嘅頭號獵物，多個媒體都指利物浦將喺夏天啟動該德國國腳嘅5,000萬鎊買斷條款。不過，英國《標準晚報》最新消息，話曼聯亦已準備加入戰團，同利物浦搶人！

曼聯1月借用恩哈路應急，今夏再買前鋒係事在必行，《標準晚報》爆料曼聯用兩大目標，一個係里昂前鋒穆沙迪比利，另一個就係迪姆華拿。據報里昂為穆沙迪比利索價8,400萬鎊，相比之下，今季為RB萊比錫喪入27球嘅迪姆華拿明顯更加划算。

雖然迪姆華拿曾經表示心儀利物浦，不過「紅軍」目前已經有穆罕默德沙拿、沙迪奧文尼同羅拔圖法明奴三大前鋒，引入迪姆華拿好可能要先有「變動」，反而曼聯可以保證王牌前鋒位置，或者係「紅魔鬼」乘虛而入嘅最好機會。

[Busconcamp]

曼聯落重本搶人　辛祖身價拍住普巴



曼聯4年前以當時世界紀錄轉會費8900萬鎊由祖雲達斯重召保羅普巴，今夏紅魔鬼簽新人王查頓辛祖時，有機會打破呢項球會紀錄。英國傳媒報道，曼聯喺辛祖爭奪戰上處於領先位置，但肯定代表不菲，辛祖轉會費勢必超越8900萬鎊。

英國《電訊報》報道，查頓辛祖今夏勢必離開多蒙特，歐洲各大豪門都想簽佢，單在英超就有曼聯、利物浦及車路士出手爭奪，消息指暫時以曼聯優先，但肯定好貴。

蘇斯克查一早睇中辛祖，視佢為年輕化重點球員，準備安排佢出現右翼位置，另外《天空體育》報道，曼聯能否搶到辛祖仲有一個條件，就係必須取得歐聯參賽資格，另外紅魔鬼亦要開出高薪，估計辛祖周薪不少於20萬鎊。

[Busconcamp]

舒米高讚蘇斯克查夠謹慎



這位前丹麥門神表示：「蘇斯克查不說現在追求歐聯或不設實際的目標，他強調的是逐場踢好，他的計劃是建立一支較年輕的隊伍，以準備下一季。事實上蘇斯克查正在這樣做，他納入18、19、20歲的球員，給予他們上陣機會。」舒米高補充：「當然，蘇斯克查想踢歐聯，但我不覺得他可以在訪問中隨便說，因為這是個重大任務，有很多勁旅。」(Goal.com)

[Busconcamp]

朗尼倒戈戰難當驅魔人

(星島日報報道)打比郡射手朗尼將於今晚英格蘭足總盃十六強，主場倒戈曼聯。然而，此子向來鬥紅魔表現欠佳，球隊近期後防又欠隱，今仗還遇上盃賽特別醒神的魔童格連活特，今仗恐無力抵擋舊會大勝晉級。

　　朗尼曾效力曼聯十三季，故直言今仗意義重大：「我仍然心愛曼聯，但無疑希望己隊晉級。」這名三十四歲射手一月加盟打比郡以來，各賽事入四球，惟職業生涯不同戰線六鬥紅魔全敗，加上球隊近六仗英冠失十球，今仗縱有地利，但恐怕無力越級挑戰。

　　長江後浪推前浪，曼聯十八歲射手格連活特今季表現出色，尤其是在三項盃賽合共收錄六入球四助攻。主帥蘇斯克查矢言：「朗尼加盟時只得十八歲，但已有成年人體格，格連活特仍有很大進步空間。」紅魔近三次盃賽作客兩勝一和，今仗有力大勝晉級。

[Busconcamp]

朗尼倒戈感觸：這次希望曼聯輸

【Now Sports-體育】英冠球隊打比郡將於明日英格蘭足總盃16強對曼聯，倒戈的朗尼表示有機會伏「魔」贏波，明言想曼聯輸。

一代曼聯名將朗尼（Wayne Rooney）目前效力英冠球隊打比郡，周四英足盃16強主場對紅魔將倒戈相向，他表示球隊有機會爆冷晉級，「我在曼聯的日子很美好，贏過歐聯、英超等等，但也遇到過低潮，難免時常會緬懷一番。不過，這次我希望他們輸，讓我們得以晉級。」朗尼說時難免感觸。

周四將與前隊友、現任曼聯領隊蘇斯克查相遇，朗尼坦言是個大挑戰，對手必然是熱門贏波的一方，「但我們要把握機會，繼續晉級之路。」 朗尼唯一一次英足盃冠軍來自2016年，當時他和領隊雲高爾一起高舉獎盃。他自1月加盟打比郡以來從未缺席任何比賽，當日知道要與曼聯對壘時，他心想：「我們有機會晉級！曼聯雖然逐漸上力，但始終不在最佳狀態。」

[Busconcamp]

朗尼從未破「魔」門 ：入波會慶祝



【Now Sports-體育】打比郡球星朗尼過去從未曾攻破曼聯大門，坦言周四若倒戈入波，必然會慶祝。

周四英格蘭足總盃16強將上演朗尼（Wayne Rooney）倒戈對曼聯的大戰，這名打比郡老將過去從未破過曼聯大門，說的是4次效力愛華頓的時候。他賽前坦言如果這次能夠破門，一定會大事慶祝。

朗尼賽前受訪時被問到會否為入球慶祝時說：「當然會！我現在是打比郡的球員，當然想為球隊贏波。等到這場比賽過後，我再恢復曼聯球迷的身份，為他們打氣。」 曼聯上下都是自己的前隊友，這位前隊長坦言很期待與他們重聚，「蘇斯克查是球隊領隊，卡域克（曼聯助教）等隊友也在陣，能夠在比賽中遇上他們，是很美好的事情。」

[Busconcamp]

朗尼2度射門被封　新援起孖助曼聯闖8強



英足盃16強壓軸好戲，英冠打比郡主場迎戰曼聯，焦點人物前紅魔隊長朗尼領軍倒戈，結果2次射門均被門將羅美路擋出，曼聯最終憑勞基梳爾開紀錄，以及來自中超嘅恩哈路梅開二度，以3比0贏波晉級8強。賽後朗尼與曼聯職球員逐一擁抱，盡顯領袖風範，蘇斯克查指出，若干年後朗尼將會成為曼聯領隊。

儘管朗尼對曼聯充滿感情，但落場無父子，開賽17分鐘朗尼向曼聯施襲，左路離門20碼直射罰球，彎過人牆直飛近柱，被羅美路及時擋出。

曼聯實力較高，33分鐘一次連環攻勢打破僵局，連格及波基斯費南迪斯射門被對方後衞擋出後，勞基梳爾射個彈地波，笠過一眾後衞後再笠過對方門將手頂入網，41分鐘勞基梳爾左路交出助攻，新援恩哈路在3名後衞包圍下在僅有空位射死角入網，曼聯領先2比0完半場。

下半場70分鐘，恩哈路同桑馬達做3角傳送，恩哈路12碼點勁射被擋出，皮球反彈回來，佢凌空射個掛網波成3比0奠定勝局，恩哈路個人梅開二度。戰至完場補時90+1，朗尼仍未放棄，另一次罰球直射有力度有角度，但再被羅美路飛身救出，令今次朗尼倒戈戰無法攻破母會大門。

[Busconcamp]

恩哈路起孖 曼聯3蛋贈打比郡入8強



【Now Sports-體育】恩哈路梅開二度，協助曼聯周四以3:0大勝主隊打比郡，在英足盃昂首入8強，將與諾域治爭入4強。

一如上周歐霸盃，曼聯再次以般奴費蘭迪斯夥拍恩哈路（Odion Ighalo）掛帥，主隊在早段佔得上風。10分鐘，薛比利禁區頂施射貼柱出界，8分鐘後，倒戈的焦點人物朗尼主射自由球，被羅美路擋出底線。 曼聯在中段開始搶回不少攻勢，32分鐘，恩哈路入楔窄位施射被門將擋出後，曼聯的努力終在1分鐘後得到回報，球員在一次攻勢中連環施射，然後由梳爾球不著地射彈地波收死門將，曼聯領先1:0。

第2次為曼聯正選上陣的恩哈路，於41分鐘入楔禁區後於人叢中不慌不忙射成2:0。 易邊後4分鐘，韋漢接應保利傳中頂球出界。70分鐘，恩哈路接應右路傳中後施射被擋出後，皮球又落在其腳下，他順勢抽射成3:0。完場前1分鐘，他近門失機錯過連中三元機會。及至補時，朗尼主射自由又被羅美路托出底線，破蛋乏力。

[Busconcamp]

肥安領紅被罰8000鎊

【Now Sports-體育】愛華頓主帥安察洛堤對曼聯一役行為不檢，最終被英格蘭足總判罰8000鎊，但就沒有被罰禁賽。

英格蘭足總發聲明交代了愛華頓領隊安察洛堤（Carlo Ancelotti）的罰則：「安察洛堤因在2020年3月1日星期日對曼聯的英超聯賽比賽中，違反足總條例第E3條而被罰款8000鎊。

愛華頓主帥（安察洛堤）承認自己在比賽結束時，在球場上的說話和/或行為構成了不當行為，並接受了罰款。」 愛華頓周日主場1:1賽和曼聯一役，卡法路雲下半場補時階段的入球被VAR判為無效，安察洛堤顯得十分不滿，完場後更立即走進場內與球證Chris Kavanagh理論，鏡頭拍攝到安察洛堤大聲說「我需要解釋」，在球證3次要求其離場不果後，最終向他出示紅牌。

英國傳媒指出，安察洛堤本可被足總判罰禁賽3場，基於他於賽後表示沒有對球證不敬，而球證Chris Kavanagh予足總的報告亦提及到這點，故英足總今次對安帥從輕發落。

[Busconcamp]

操練時受傷　曼市打吡紅魔可能冇佢



曼聯對打比郡嘅英足盃賽事，隊長哈利馬古尼未被列入大軍名單，原因係日前操練時足踝受傷，甚至影響到周日英超曼市打吡對曼城，到時都可能唔踢得。

周四(5日)係哈利馬古尼及費特洛迪古斯嘅27歲生日，2人同年同月同日生，曼聯官方社交網出帖為2人祝賀，但同日舉行嘅英足盃，哈利馬古尼就未能上陣，佢喺個人社交網留言：「受傷缺陣實在好失望，我會努力盡快康復，祝大家好運。」

領隊蘇斯克查擔心哈利馬古尼無法趕及參加打吡戰，佢話：「我同佢傾過，要佢繼續練習，但之後佢足踝受傷，希望佢好好休息，但我唔肯定佢能否在曼城上陣。」

曼聯現時排英超第5，落後第4嘅車路士3分，爭取歐聯席位，嚟緊每場波都要搶分，如果該位全球最高身價後衞缺陣，搶分機會自然大減。

[Busconcamp]

普巴即將復操　準備火併寸王



曼聯中場保羅普巴同寸王摩連奴有好深牙齒印，呢件事天下皆知，嚟緊本月中英超曼聯作客熱刺，養傷多時嘅普巴將有機會復出，再戰由寸王領軍嘅熱刺。蘇斯克查透露，普巴已經傷愈，下周將會全面復操，而按時間推算，佢復出首仗就係對熱刺。

英國《ESPN》報道，自去年聖誕檔期至今養傷嘅普巴，一直留在杜拜體育中心進行康復訓練，佢喺今個星期已返回曼聯基地，並得到隊醫許可，將參加球隊訓練。

普巴原預算在下場聯賽曼市打吡對曼城復出，不過可能太趕，為安全計留待本月中對熱刺時復出較穩陣，到時佢將與波基斯費南迪斯組成無敵中場組合，向寸王宣戰。

[Busconcamp]

羅美路神救朗尼罰球 魔迷唔like

【Now Sports-體育】曼聯門將羅美路勇救朗尼的靚罰球，不少球迷開玩笑稱寧願讓朗尼入波。

英格蘭足總盃16強，曼聯以3:0淘汰打比郡，倒戈的名宿朗尼（Wayne Rooney）在比賽中兩次主射自由球，包括補時一記精彩施射，可惜都被勇猛的羅美路飛身撲出，不少曼聯球迷戲言羅美路太殘忍，既然已經肯定晉級，何妨讓對方入1球？「即使我是曼聯迷，也希望能進入網中。」網友寫道。

羅美路的神救連朗尼的兒子Kai也站起抱頭，可見角度有多刁鑽。 曼聯領隊蘇斯克查則透露球隊上下都很愛朗尼，「人人都愛他，所有球迷都記得他為曼聯所做的一切。」他還稱讚昔日的隊友寶刀未老，「他表現很好，證明自己的級數。」 完場後，曼聯球迷也向朗尼送上掌聲，朗尼也走近鼓掌致謝，足證他在紅魔球迷心中的地位。

[Busconcamp]

恩哈路：人人信任我



【Now Sports-體育】能夠首次為曼聯梅開二度固然可喜，更令恩哈路高興想必是得到各方面的信任。

「我感到開心，我想恭賀球隊經歷了一場艱難的比賽。」恩哈路（Odion Ighalo）周四在英足盃16強賽梅開二度，協助曼聯作客大勝打比郡3:0入8強後說：「只要隊友信任我、波士信任我而球迷信任我，就只需要繼續下去。我不在乎任何人所說。」 雖然他在比賽末段錯失連中三元的機會，然而不覺可惜。「我有另一次入球機會，但沒有『食得正』，最重要是球隊獲勝。我們想繼續這個勢頭，確保美滿結束今個球季。」

連帶這場大勝，曼聯已連續9場不敗。 領隊蘇斯克查賽後自然讚賞這名鋒將：「當你得到射手，你總想他們開心並具信心。他來投，而我們仍然有一些傷兵，得到奧恩安（恩哈路）實在是好。」

[Busconcamp]

曼聯官宣　同隱藏球員續約1年



每隊波都總會有啲唔起眼球員，曼聯都有，佢就係37歲3號門將李爾格蘭，自2018年由史篤城轉會曼聯以來，過去2年僅上陣2場，但咁嘅出勤率佢仍然獲會方續約1年，直至2021年6月。

李爾格蘭其實後備嘅後備，曼聯門將正選有迪基亞，副選有羅美路，佢真係冇乜機會落場，仲有外借到錫菲聯嘅甸恩軒達臣，若然來季歸隊，曼聯將會有4個門將，到時點安排就要睇蘇斯克查嘅諗法。

蘇斯克查接手曼聯後銳意年輕化，因此37歲嘅李爾格蘭能夠續約，都算係新聞，官網亦同佢做咗個訪問，佢話：「我鍾意曼聯，佢哋想我留低，我好快就作出決定，我希望一邊參與球隊工作，一邊睇住球隊成長，球隊播下種子將於來季收成，能親歷其境實在太美妙。」

[Busconcamp]

蘇B報喜　福仔4月復出



曼聯主帥蘇斯克查喺周中英足盃出戰打比郡之前，同「魔粉」宣布一個好消息，就係前鋒拉舒福特快將復出。

「蘇B」出席英足盃記招上，透露「福仔」背部嘅掃描結果令人鼓舞，進度良好，仲話有機會於4月復出，堅係開心。「福仔」今季腳風超順，單係聯賽就入咗14球，不過1月中英足盃對狼隊背部受傷，有傳可能要提早收咧，加上安東尼馬迪爾、恩哈路等前鋒冇料到，令「蘇B」頭都痕埋，依家「福仔」趕及季尾復出，絕對有助佢哋爭取下屆歐聯入場券。

[Busconcamp]

入魔後繼續爆　恩哈路變咗蘇B至愛



曼聯在英足盃大勝打比郡，恩哈路繼歐霸為紅魔射入加盟後首個入球之後，愈踢愈順，今仗更加為球隊梅開二度，入魔後再獻上另一個第一次。

這位尼日利亞球員自從由中超到曼聯後，已經射入3球，蘇斯克查對佢讚不絕口：「恩哈路係另一風格嘅射手，佢每次落場都把握到機會，佢為我哋帶來生機。」

至於恩哈路首次為曼聯入兩球當然開心，而能夠得到球隊與各方面的信任，令他更興奮：「只要隊友信我、球隊信我，球迷都信我，我唔會在乎其他人點講。」這位30歲的前鋒在尾段錯失了連中三元的機會，他沒有感到可惜：「的確係一個入球機會，但射得唔正，最重要都係贏波，希望我哋保持呢個氣勢，直到季尾。」

[Busconcamp]

【英超】曼聯決戰曼城關鍵一員　波基斯費南迪斯勢成紅魔新領袖



曼聯今輪英超將於主場與曼城合演「曼市打吡」，「紅魔」波基斯費南迪斯自1月加盟後，成功帶領這支英超傳統強隊逼近歐聯席位，今仗發揮如何勢必影響大局。

讓曼聯走出低迷，「B費」定有過人之處，英國傳媒近日報道他一些場外事件，指他有機成為「紅魔」的新一代領袖。

費南迪斯1月加盟至今，「紅魔」只曾在英聯賽盃對曼城輸過，但他本人未在大軍名單。他為曼聯於各項比賽上陣7場，錄得3個入球、兩次助攻，「紅魔」戰績4勝3和。雖然在爭身位方面仍略見「輸蝕」，但這是可透過訓練加強的能力，曼聯一直欠缺的創造力及控制力，都因為這名葡萄牙國腳有大大改善，現時於曼聯成為人氣最高的球星實在自然不過。

費南迪斯以5500萬歐元由士砵亭轉投曼聯，由轉會第一刻就已經十分認真，《泰晤士報》近日報道，指這名葡萄牙中場於簽約當日，完成了體測、影宣傳照片等轉會手續之後就向領隊蘇斯克查問可否現在就去練習。這名曾效力森多利亞、烏甸尼斯的中場在新隊友，其後就跟體能教練到球場操練，只為盡快認識球會運作。

報道又指費南迪斯在首次與隊友操練時，不停要求隊友傳球給他，「Give me the ball」一句不絕於耳，認真一面感染了「紅魔」眾將。

有曼聯職員向英國傳媒透露，只要25歲的費南迪斯見到哪一點認為出了問題，就會直接提出，而且「賽前賽後一日都不接受訪問，為免打亂他復原的流程」亦讓曼聯教練團留下好印象。

費南迪斯的態度亦獲得蘇帥大讚：「費南迪斯是以領袖身分來到曼聯，他是個勝利者，不會妥協在99%。他在士砵亭時時已經是個滿有信心、表現出色的小伙子。這就是波基斯費南迪斯，他容許做自己，所有人都應該是這樣。」保羅普巴被傳離隊勢在必行，如果傳聞屬實，「紅魔」在未來一定會更仰仗費南迪斯的領導才能。

曼聯可否繼續保持與前四之間的距離，今仗鬥曼城將要看費南迪斯會有什麼發揮。

[Busconcamp]

【曼市打吡】攞1分?波費：唔係咁都滿意吖

啱啱加盟曼聯嘅葡萄牙中場波基斯費南迪斯，的確令紅魔有番啲生氣，呢排球隊表現可謂重上軌道，起碼畀人鬧少咗，而佢喺更衣室已經慢慢成為咗領軍人物，佢對隊友都好有要求，好似早排作客愛華頓打和1比1，佢好唔滿意，嚟緊嘅曼市打吡要做得更好。

波費自從加盟曼聯已經入咗三球，佢冇因為自己嘅入球而高興，反而對上仗聯賽打和愛華頓，佢對隊友嘅態度有啲唔滿意：「呢場打和，我哋應該要嬲，因為我哋需要做得更好。」波費就用呢句說話再鼓勵隊友，今晚對曼城希望攞到3分；事實上，佢加盟之後紅魔未輸過，今晚睇下佢哋掂唔掂啦！

[Busconcamp]

哥帥：冇諗過曼城同曼聯有如此差距

自哥帥上任以來，曼城表現明顯拋離同市宿敵曼聯。不過，今季雙方也未算十分理想，曼城衛冕英超夢應會被利物浦敲碎，至於曼聯則暫於英超排第7。

說到近年兩隊的差距，哥帥對《每日郵報》說：「我從沒想過這3、4年我們跟曼聯的差距是這樣。我沒質疑過曼聯的實力，也十分欣賞他們的教頭（蘇斯克查），他在球隊十分出色。曼聯努力取得進步，以追上在他們之上的球隊，但曼城也想進步。」

兩隊將在英超上演「曼巿打吡」，曼城會作客曼聯。(Goal.com)

[Busconcamp]

30分鐘
F18被踢跌,獲判罰球,
M9一跑動...F18隨即的高波吊入禁區,
M9接應後射近柱...皮球在艾達臣手底下入網
1:0

[Busconcamp]

【特稿】波基斯費南迪斯12碼秘技解構



曼聯新兵波基斯費南迪斯加盟後表現出色，至今已經入過3球，當中有2球係12碼。呢位葡萄牙國腳射12碼嗰陣相當趣怪，臨射一刻會突然跳起，原來據英超「12碼之王」拿鐵斯嘅解構，「波費」臨射波之前彈呢一下相當有意義，亦係佢絕少宴客嘅關鍵。

修咸頓名將拿鐵斯嘅職業生涯，49次操刀12碼只係射失過1次，由佢嚟分析就夠晒權威，拿鐵斯向《The Athletic》透露：「關鍵在於未到射出嗰一刻，都要隱藏你嘅(射邊面)決定。當我助跑到一半嗰陣，如果見到龍門身體移動，就可以及時修正。」拿鐵斯表示呢下彈跳，一來可以作為偽裝動作，二來可以換取更多時間去睇龍門移動。

拿鐵斯表示，當今英超有2個12碼高手都係用呢一招，除「波費」之外就係車路士中場佐真奴費路，兩人職業生涯都只係射失過1次12碼。拿鐵斯仲話「射中間」並唔係一個好嘅方法，數據顯示「波費」歷來21次主射12碼，13次射右邊同8次射左邊，證明佢堅係先觀察，再選擇射相反方向。

[Busconcamp]

球壇吸血鬼再現！曼聯門將被禁賽



足球壇再有咬人事件！英格蘭足總今日宣布英甲伯頓門將基蘭奧哈拉（Kieran O'Hara）因在比賽中咬對方球員，被判禁賽6場及罰款2500英鎊，呢位曼聯外借門將，今季已經為伯頓出場33次，球會唔作任何評論。

事發係伯頓上周六與彼德堡嘅比賽中，基蘭奧哈拉係一次對方準備開角球時，突然咬向對方後衞斯莫迪斯手臂，當時球證未有睇到，後來足總賽後再向奧哈拉提出指控。

英格蘭足總發出聲明公布，話委員會對基蘭奧哈拉禁賽6場，即時生效，直至4月佢都唔可以再出場，而且要罰款2500英鎊，之前奧哈拉否認自己嘅暴力行為，但呢個指控已經証明一切，而球會伯頓則表示唔會作出評論。

呢位愛爾蘭門將係曼聯青訓出身，2014年轉為職業球員，並升上曼聯U23，一直被外借，今季結束之後，佢亦會由伯頓回歸曼聯，但相信都會繼續被外借。

今次事件即令人想起烏拉圭名將「哨牙蘇」蘇亞雷斯，佢可以話係球壇「吸血鬼始祖」，最經典一幕就係2014年世界盃「舊病復發」咬傷意大利的基亞連尼，最終被國際足協禁賽9場兼且要接受治療。

[Busconcamp]

78分鐘

B3,M39入替M9,W53

88分鐘
I25入替F18

[Busconcamp]

https://streamvi.com/watch/1583691819

96分鐘
I25中場力壓對方單擋後腳傳F17,
後者將皮球踢前...球被門將截獲,
艾達臣隨即用手大力斜線拋出龍門球,
卻誤將皮球掟落中圈前既無人地帶,
M39衝前...一腳笠入空門
2:0完場！


聯賽雙殺同市球隊

I25多次用身位保護皮球

[DevilElvis]

三殺曼城