[美劇] 有無人睇Netflix?

[肉羊哩咖]

搵唔到日動漫區個貼，放住嚮度先～

始終偏愛宮崎啲講飛行嘅作品，浪漫之餘，仲畀到人一種開闊嘅感覺，《風起了》（風立ちぬ）同佢一貫架空作品好唔同，幾乎係套傳記式作品，唔止大部份角式係歷史上真人其人，連啲飛機都係 -- 片入面架 Junkers G.38 真係有部咁嘅機，而日本三菱真係又生產過呢部機，不過造形設定就 -- 好有宮崎特式。 故仔另一條主線係主角個愛情故事。淡但係細膩又好感人吓，原本以為斷咗，中段入返嚟，好配合返主角事業與夢想嘅掙扎；最後留低遺撼同無奈。

庵野個配音技巧真係唔好提～ 動畫係繼續咁正，但係啲構圖水準有啲唔穩定；總結：中上。

拋書包

片入面提到另一架三菱出品嘅「一式陸攻」轟炸機（美軍稱為 Betty），正如片入面講，對翼入面油箱佔太大，而又唔係自動封口（其實零戰個油箱都係咁），中咗彈好易著火玩完，美軍又叫呢部機做「飛行打火機」，一點就著。