[西片] 英語片綜合區（戲院上限定）

[肉羊哩咖]

作者: C.Ryo

The Creator - SiFi 之 We are family

比予期好睇，世界觀幾好，AI機人同亞洲聯盟變成受害一方， 老美反而係邪惡軸心，啲科技物件載具等等啲設計幾正，由其成日有啲繁體中文字mix日文嘅markings幾吸睛，CG亦有水準，
Hans Zimmer配樂又依舊高水平，主角John David Washington （單數華盛頓呀仔）+ 老婆Gemma Chan + 小妹子Alphie 個主線寫得幾好，幾位亦演得唔錯，結尾算令到觀眾投入到角色們嘅情感，算係近年比較好嘅一套科幻片

積積埋埋好多嘢打，講咗呢個先：

好：以捌仟万製作費，有咁嘅視覺特技效果，打鬥場面一流，令到好多貴佢兩三倍嘅片非常難憾；配樂有幾正唔重複，要重點講嘅係個主角細路搶戲搶到無朋友。估唔到有笑位，其中兩個都係同動物有關～～～

唔係咁好：呢度其實可以寫過萬字，長話短說，世界觀設定唔合理到暈，同時兩面都犯咗對配角殘忍，而對對主角極之仁慈，係咁畀位放生佢哋～～～ 個人以為，啲 AI 去到呢個地步，起碼一鎗一件絕對唔係難事，人類就算出術都未必嬴到，有啲搵戲嚟做嘅感覺。

總結：畫面同內容甚有宗教意味，整體中挺又唔係太爛；結果係美國票房仆到直，唔知同啲口碑有冇關係 -- 嗱，唔好呻荷里活只得間大酒店無新意，有新嘢啲人都唔企出嚟撑，講乜？！

[肉羊哩咖]

作者: C.Ryo

A Haunting in Venice - 恐怖過the nun

呢套今集又算終章？ 退休白頭神探被老友利用而再度揸案，今次mix 咗鬼片原素，效果唔錯，啲jump scare仲好過the nun 2
楊紫琼個神婆只係客串性角色，不過好得

呢套整體上好過系列嘅上兩部 — 套尼羅河悶到嘔，覺得亦好過套 The Creator；劇情變返傳統推理片走法，無話無喇喇變 CG 「觀光片」或者動作追逐片；特色係鬼異氣氛一流，個大宅陰陰森森，又間唔中影下外面行雷閃電，雖然知道王道嘅探偵片都係「事在人為」，但作為「新元素」夠引人睇。老細讚咗嘅唔重複，大探偵位演員摸熟晒個角式，發揮自然有台型，啲鬍又整得至靚今次；神婆嗰兩位助手反而幾礙眼吓。唔緊要，唔知點樣個負責揀角嗰位導演，咁識揀埋啲咁好樣嘅熟女，要特別提一下。

漏提一樣，嚮 MI:7 入面，有條發生咗好重要嘅事件嘅橋樑， 呢度都有出現，留意。

[王小虎]

The Creator，其實佢講話AI唔想打美國，所以AI雖然係強勢，但有咗Nomad之後美軍先贏返。AI都有講就算破壞咗Nomad，贏咗場仗，但結果咩都唔會變，因為佢哋冇諗過要統治世界，唔係Terminator。

某程度似講緊911之後，小布殊屈Iraq有大殺傷力武器，就打咗場仗。咁戲裡面亦冇講邊個射最初的核彈，雖然美軍單方面話係AI做，咁布殊都可以話乜就乜，阿蓋特亦唔等於所有中東人咁解。

美軍一直知佢老婆的身份，不過要揾佢真身，所以做假影片，其實係想追蹤男主角，因為知佢想見佢。第二目標都係毀滅個武器。

[肉羊哩咖]

補充：船度講，其實核爆係人為意外嚟，美帝監粗搵借口屈啫～

[肉羊哩咖]

講返句公道話：The Creator 導演 Gareth Edwards 係 Rogue One - A Star Wars Story 個元導演，有日 KK 目訓醒，突然發覺套戲唔對路，Gareth Edwards 不幸被炒，搵過第二個導演重拍～ 所啲傳宣片同照好多都無嚮正式出街度見到。

Gareth Edwards 未有份接 Star Wars 之前，拍過一啲獨立製作，擅長用蔗渣嘅價錢，搞出燒鵝級嘅視覺特技，仲執導過 2014 年版嘅戈師奶。The Creator 絕對係呢個項目嘅招牌作。

不過票房真係 -- 搞乜？！

[肉羊哩咖]

The Blackberry 故仔就係講開發 Blackberry 手機公司 Research In Motion 嘅發跡，以至末落失敗史，三位主角都寫得幾深入，尤其兩位原創工程師，一莊一諧，意外地非常搞笑，反而第三主角個商家佬，反而無咁吸引。套戲啲高潮位都係講兩位主角，尤其白頭嗰個，點用技術解決挑戰，而獲得成功。寫週圍嘅角式唔多，講到後期公司文化嘅轉變，以至因為囂張自大而失敗收場（唔算劇透掛？），反而寫得無咁深入。手法好似啲偽紀錄片咁，特別多大頭鏡表現主角嘅心理同反應。

總結：留返串流上面「免費」睇無損失。

[wing]

作者: 肉羊哩咖

The Blackberry 故仔就係講開發 Blackberry 手機公司 Research In Motion 嘅發跡，以至末落失敗史，三位主角都寫得幾深入，尤其兩位原創工程師，一莊一諧，意外地非常搞笑，反而第三主角個商家佬，反而無咁吸引。套戲啲高潮位都係講兩位主角，尤其白頭嗰個，點用技術解決挑戰，而獲得成功。寫週圍嘅角式唔多，講到後期公司文化嘅轉變，以至因為囂張自大而失敗收場（唔算劇透掛？），反而寫得無咁深入。手法好似啲偽紀錄片咁，特別多大頭鏡表現主角嘅心理同反應。

總結：留返串流上面「免費」睇無損失。

花無百日紅，Blackberry 都曾經風光過。

[肉羊哩咖]

無錯 ，可以話係歷史下一個大過客。

補充，成套片加拿底片嚟，見好多 nerd 次文化，同點用現成嘢，「變到」啲高科技出嚟，如果對後世有咩影響，可以話早期入面員工嘅「做嘢」環境同態度，今日好多大科技公司都承傳咗。

片入面一樣嘢由頭到尾重複強調唔好嘅，不過唔方便透露，留返各位發掘。

[王小虎]

睇咗花月殺手，可能比三個半鐘嚇親，少人睇到呢，又可能等幾個星期就有得喺Apple +睇。套戲唔悶，不過我覺得啦，我都係鐘意Gangs of New York多啲，熱血啲掛。唔劇透啦，幾個主角都做得好好，又係Oscar 大熱，今年都應該幾激烈，幾個大導演都有戲上。

[C.Ryo]

花月之外都睇咗以下老美作品，排名有分先後
1. Taylor Swift: The Eras Tour - 史上最高水準之演唱會電影
本身唔算Taylor忠粉，睇完呢套Concert Movie直接被佢表現圈粉了，佢歌唱力正值巔峰期，埸show舞台performance同場景設計亦一流，啲camera takes嘅取景同edit亦好到位，要show佢型又得show佢大頭又靚show佢舞態又清晰，近乎無可挑剔，真係需要揾間聲畫都靚嘅影院去好好享受，我去咗Airside 最新嘅LUXE院，個觀影感係好好
聽日二刷IMAX

2. Five Nights at Freddy's - Pixel Game 之改編再改編
知佢係由game改編但無玩過，睇完唔走去挑骨的話觀感比下面套Exocrist好，鬼片加機器人偶加ptsd算有新意啲，氣氛係比較玩野味重啲但啲jump scare位比較唔大路咁，係可以一看

3. The Exorcist: Believer - 拆招牌之作
呢套睇完覺得完全係水準以下，揾番第一集阿媽同阿女客串都無補於事，新一代女兒們被上身嘅表現完全無新意， 驅魔過程亦平平無奇，無驚嚇性又無緊張感，串流都可以慳番級別

[肉羊哩咖]

搵唔到有開到樓⋯⋯放住呢度先：

Wonker - Willy Wonker and the Chocolate Factory 前傳。講主人公點創業。

以下係日版主題曲：


十二月頭上。

[C.Ryo]

今星期上睇咗呢兩套

The Hunger Games: The Ballad of Songbirds & Snake - Snow 成魔之路

Anti Utopia 最成功系列要玩番前傳，係由原作小說新編章改編，聽講都無乜大改動，咁套戲啲頭重尾輕人物心路歷程等等問題要歸咎原作者； 套戲文戲為主，Hunger Game 只在前半亦設定上係較舊年代，殺戮比較原始，重點落係學院Snow同貢品黑雪公主條分叉的感情線度，不過呢兩位都交足戲，女主真唱多首片中歌曲，充分表現佢原本做歌劇嘅實力，好鬼有charm，男主亦靚仔得黎亦正亦邪都得，各種心理狀態表現都做到，睇佢點由仲有憐憫之心嘅小伙子黑化變成自私惡魔都ok好睇嘅，不過真係唔好帶舊幾集固有觀感入場會好啲，補完下Snow呢個角色係唔錯


Thanksgiving - Black Friday 復仇記
呢套係黑色幽默血腥爽片，甩頭出腸大餐(?)乜都齊，呢類片今年都幾多(計埋有鬼怪原素果啲)，呢套算係最好果套，其他戲好多都揸流灘，呢套正在導演設計啲重口味扺死玩法係落足心機，驚嚇效果唔錯，頂得嘅可以一看

[王小虎]

拿破侖，都係睇戰爭場面，講劇力冇乜，有啲似睇佢舊時有套Kingdom of Heaven咁，不過不失，緊湊啲。不過Ridley Scott 85了，又係睇一套少一套。又係Apple +會上，可以等吓。

[王小虎]

作者: 王小虎

美軍一直知佢老婆的身份，不過要揾佢真身，所以做假影片，其實係想追蹤男主角，因為知佢想見佢。第二目標都係毀滅個武器。

嗰日下午有人來整嘢，坐喺度睇史上最大騙案講Iraq Invasion，講當年話有影片講Iraq殺死嬰兒，仲有少女去國會作證，事後證實個少女係大使女兒比的係假口供。

其實Hollywood一直咬住呢件事唔放，講副總統的Vice（Christian Bale扮肥嗰套），講英國女特工揭露真相被告判國的Official Secrets（Keira Knightley），華氏911，Oliver Stone套W.。

[肉羊哩咖]

睇咗「神秘電影」Next Goal Wins，由真人真事改編：講嘅係本世紀初，畀澳洲隊嚮世界杯數足 31 比 零嘅美屬薩摩亞足球隊；痛定思痛，跟住「請」咗由 Michael Fassbender 演嘅教練執返隊波嘅故仔。由 Taika Waititi 導演。如果諗住睇波嘅會幾失望，因為除嘅啲訓練蒙太奇之外，比賽就老梗事旦到不堪，主要人物關係係個教練同「女主角」，好在唔係近年流行嘅「左膠」式訓話文宣，但又寫得唔夠細緻。主要都係睇笑料，大部份都係 Tiaka Waitit 式 gag，如果唔鍾意 Thor 4 啲笑料嘅就爭啲，不過有啲真係全場笑出聲。

總結：中上。

[C.Ryo]

Wonker - 甜茶飲到你糖尿

睇完IMAX版，0 IMAX比例畫面，套片就正常大路輕鬆又帶温情嘅合家歡片，笑點比較mad向，甜荼做呢個儍中帶醒嘅新版Wonker幾討好，主演們自唱啲歌唱就一般但唔算太歌劇風，出現客串那個巨星(?)有驚喜，算係今年尾最佳家庭娛樂電影

[C.Ryo]

RENAISSANCE: A film by Beyoncé - 阿姐抒發巡迴演出感受式自傳

香港今日先上，睇完覺得Taylor嗰套好睇好多，呢套節奏好差，近乎每隻歌都要打斷下去加下BTS或阿姐同隨團家人點點滴滴，睇一兩隻歌興奮一陣立刻過你冷河，睇live感全無； 又tour中歌似乎cut走不少夾唔跟原本run down，啲慢歌幾乎無曬，cut淨啲全部又係好相近嘅up beat bom bom bom，選曲唔夠真正live中咁多樣性，拍攝精彩度亦及不上Taylor果套，佢唱功好都睇到有點悶

如果你係佢忠粉可以熟悉佢所有歌的話，呢套應該會啱你睇，你可以認識佢舞台後嘅另一面； 如果好似我咁以為會似Taylor果套咁近乎原live全上的話，入場係會失望嘅

睇完要上你管睇番啲fans cam補返數

後記：
睇完fans cam應該有8成歌淨，大致上跟run down去，又真係cut走啲慢歌咁上下

[肉羊哩咖]

Argylle -- 好玩，好笑，刺激，有好多特工片梗，故仔扭到暈（要小心唔好透）；首先唔好以為係 Henry Cravil 嘅戲，佢出場時間好有限公司，反而極搶鏡生鬼嘅 Sam Rockwell 同 Bruce Howard 為主。啲動作前者担好多，後者第三幕仲有「好特別」嘅演出（令人諗起曾路得）。除咗後面拖得太過，而個結局唔係咁好，令人諗起某套經典港產片個結尾（有三部曲嗰套）。而太多 CG 太假，有啲情節實在唔合理，不過唔好太認真就算。

字幕中段仲有片，唔好咁早走住，睇咗唔知係啲乜嚟，

[C.Ryo]

Poor Things 異世界科學怪人

香港一路未上，喺日本睇咗，睇完明解Barbie點解失落各樣奥斯卡提明，基本走向都係女主由白紙進化番做人嘅過程，不過呢套更爆美術更好對現實批判更到位，Emma個角色演技又更多發揮，期待呢套Oscar大豐收

spolier

設定上將科學怪人條橋再扭下，女主一開波自殺比綠魔攞一屍兩命做實驗，將BB個腦換去啊媽身體，成品就變成成人身體腦未發育嘅人，故事就跟著女主點高速意識成長入世而走。

Emma演活各個年紀性格行為改變，一絲不掛到啪啪啪都演晒比你睇，攞最佳女主應該走唔甩

[肉羊哩咖]

Super Bowl 仲有 兩套新予告片。

Wicked，《綠野仙蹤》前傳，歌唱劇搬上銀幕，分兩 part，好大陣 Cats 陣臭味：

（頭五秒已經知出事）

另一套係《龍卷風暴》翻拍/續集，都係興趣缺缺：

[肉羊哩咖]

The Fall Guy 出咗第二條予告，好似呢套戲之前無舖過：




論過癮程度，第二條予告就爭啲，雖呢類小人物「茄哩啡」戲唔少，啲場面有睇頭而 Ryan Gosling 近年越嚟越得。

[C.Ryo]

Arthur the king 鐵人狗狗
真人真事改編，主角係有成19年經驗嘅鐵人耐力賽老手，但從未入到三甲；原因都係果啲self ego太大令佢時常錯判，直到一次同Simu Liu組隊kayaking時錯判走入泥沼，Simu post呢個臭事上lG獲得咗勁多like之後Markie Mark嘅比賽生涯就停止咗

幾年後佢老婆support佢再次参賽，睇下佢再揾番Simu組隊同揾sponser等經歷，再去正式比賽，比賽期間佢喺一個休息站比咗啲肉丸隻浪浪狗狗食，神奇地喺幾十公里外另一休息站再見番，跟住狗狗就跟足佢哋走之後旅程，成個經歷都拍得ok好睇，狗狗都演得好好，件事都感人，可以入場一看