[美劇] 電視科幻片簡介 （真人版限定）

[肉羊哩咖]

樓上提過嘅 Babylon 5，宣怖重新製作，由元創作人 J.M. Straczynski 任行政監製兼編劇，不過今次由 WB 轉咗去 CW⋯⋯好令人担心～～～～～
https://www.hollywoodreporter.com/tv...cw-1235021237/

[肉羊哩咖]

The Orville 終於追完，兩季共 22 話。設定你將 TNG 啲嘢代入去就明，加多啲男女關係，處境喜劇就係 The Orville。第一季乜都有啲，唔係太認真，第二季將之前嘅故仔延續，又嚴肅好多，多咗好多動作場面；演員部份出色，尤其整呢套出嚟兼男主角 Seth MacFarlane，莊諧並重。特技以電視劇嚟講，相當唔錯，當然唔可以同 D＋啲嘢嚟比。有人將呢部同 Star Trek: Discovery 比較，話呢套個精神上更接近 TNG，故事合理之餘，人物有血有肉唔係神人。第三季出年轉去 Hulu 播，期待。

留意到，Jon Favreau 導演首話，又担任「顧問」一職，唔～

[肉羊哩咖]

作者: 肉羊哩咖

Resident Alien 講一個外星人因為意外困咗落地球，混入一個小鎮。外星人由 Alan Turdyk (Firefly, DollHouse, Transformers, Rogue One 等等）飾演，第一季今年一月開播，啱啱完晒全十話；留咗尾，而下一季已批，期待。

S2 咗一半啦，完咗再講。

[Heaven]

halo 真人版劇集3月24日Paramount+首播, 睇Trailer又制作得幾好, 不過亞洲地區無得join Paramount+ 無得睇

[肉羊哩咖]

作者: Heaven

halo 真人版劇集3月24日Paramount+首播, 睇Trailer又制作得幾好

有評論睇咗頭兩話，反應都唔錯。

[王小虎]

其實點解唔可以拍返game嗰啲故事？

[肉羊哩咖]

更唔明點解 Microsoft 噉都批～ 聞說之前好多拍攝計劃都被佢否决～

[動漫遊戲迷]

作者: 王小虎

其實點解唔可以拍返game嗰啲故事？

如果劇集版與遊戲版屬相同世界/時空，那麼是補述士官長的性格及露出廬山真面目，畢竟士官長在遊戲版倒沒有凸出性格、心態等心理因素，也可避免如直接改編遊戲版內容失敗而產生風險。

[肉羊哩咖]

利申：無睇，因為無打過隻 game。睇啲評論片，踩到好行，幾乎去到 CW 套蝙蝠女嘅地步。

都係唔明，好似唔少改篇漫畫嘅噉啫，可以「搬字過紙」，唔洗大改都得。

[肉羊哩咖]

Orville S3，6月2 上


睇個款似繼續 S2 嘅套路，唔知會唔會上埋 STAR，放住先。

[肉羊哩咖]

Orville S3 E01 繼續上季尾嘅餘波，主題又黑又嚴肅，新角式幾吃重，除咗少數無乜義意嘅情節，劇本寫得節奏恰當又唔拖。

替「史箂姆」星人 Yaphit 配音嘅諧星 Norm MacDonald 去年拍完後逝世，今話獻畀佢。

[肉羊哩咖]

-- del --

[肉羊哩咖]

Orville S3，全 10 話。近年最似經典 Star Trek 嘅電視劇集，今季改咗個名叫 New Horizon，但係預期中嘅去新地方探索嘅故仔，幾乎全數落空，有啲失望，大部份嘅故仔同上兩季啲情節有關連。但係好嘅編劇令到套劇非常出色。頭一話黑得嚟令人思考，有唔少話數講性別有關嘅議題，唔係個個啱，好在又唔會太過賣藥，亦唔會兩邊都各打八十板。有話講時間旅行嘅，係好發人深省。講動作場面今季絕大部都精彩，尤其第九話簡直刺激，當中某角嘅故仔，完全意料之外但好深刻。季尾出奇地相當平淡，有啲笑位，又大部份啲線似乎收結，令本人覺得今季係 last 嘅傳聞係真嘅～～～

除咗第二話比較弱，整體係極好，可惜今季短得滯，又無乜人提。D+ 有得睇。