曼聯躉紅魔鬼地帶[VOL.95]各項賽事三連勝,入球眾數,重上正軌？

[Busconcamp]

冇天理！「隱形人」連格有得加薪續約



近年表現最差、最乞人憎球員，一定非連格莫屬，呢位27歲英格蘭國腳身為進攻中場，但2019年從未為曼聯喺英超入波或者助攻，猶如「隱形人」。

最令人髮指係曼聯仍然準備同連格續約，仲會大幅加佢50%人工至15萬鎊(約150萬港元)周薪。

被網民寸為「連美斯」嘅連格上場英超對屈福特，單刀射高，成為輸波罪人之一，呢種情況已非第一次，根據Opta統計，連格已經連續1500分鐘未喺英超入波或助攻。

連格對上1次喺英超助攻，已經係2018年12月28日對哈特斯菲爾德，而最近1次喺英超入波，更加要數到2018年12月22日對卡迪夫城。

至於連格今季唯一入球係11月尾歐霸盃作客對艾斯坦拿射入，但曼聯該場最終都係輸波，亦係今屆歐霸盃至今唯一敗仗，就算佢入波都係「黑腳」。

連格屬於曼聯青訓產品，會方似乎特別關照「親生仔」，即使連格2021年夏天先至約滿，但英國《每日星報》及《ESPN》都指紅魔鬼已決定同佢續約，並由現時10萬鎊周薪，增加至15萬鎊(約150萬港元)周薪，呢個數額比熱刺中場基斯甸艾歷臣現時人工多近一倍，更加突顯曼聯薪酬制度嘅荒謬。

[Busconcamp]

官宣！文迪蘇傑去卡塔爾落班



之前曾經同曼聯扯上關係嘅克羅地亞名將前鋒文迪蘇傑，今日落實加盟卡塔爾球隊艾哈杜爾，同佢前祖雲達斯隊友貝拿迪亞再度合作。消息指，文迪蘇傑今次由祖記過檔嘅轉會費只係500萬歐元，年薪係750萬歐元，雙方簽約一年半。

文迪蘇傑家陣雖然已經33歲，但勝在大賽經驗豐富，仍然有上佳戰鬥力。之前踢過拜仁、祖記同馬體會等大球會，先後贏過17項錦標，同時又曾率領克羅地亞勇奪世界盃亞軍，只係今季佢喺祖記新帥沙利手下，完全唔受重用，先焗住離隊。

[Busconcamp]

【東體爭議】蘇B話普巴係全球最好中場



英超聖誕新年快車展開，曼聯會喺周五凌晨主場迎戰紐卡素。「紅魔鬼」領隊蘇斯克查喺賽前記招講到，佢哋陣內有個全球最佳中場回歸，隨時會正選上陣，不過「魔迷」近幾年睇住班波表現反反覆覆，想搵個世界頂級球星都冇，究竟「蘇B」你講緊邊位呀？

唔使估喇，原來「蘇B」口中嘅全球最佳中場，咪就係一向麻煩多多，上陣後備登場交咗幾球較具威脅傳送嘅保羅普巴囉！查實普巴嚟緊一月會唔會被賣走都未知，不過「蘇B」就懶得理，一於繼續吹捧咗先，仲提到可能畀佢今場復任正選：「我哋仲要睇吓佢上場踢完嘅感覺，上場佢後備上陣表現好好，真係特別好。我當然希望佢擔正，因為佢可以令球隊變得更好。佢可以踢中場任何位置，係個完美嘅全能中場。佢可以由好深嘅位置作出精準長傳，能夠令全隊表現提升，就好似上周末一樣。」

查實「蘇B」記唔記得佢哋上場輸咗畀屈福特，就算當時有普巴後備入場，都係追唔番：「佢可以根據比賽調整自己角色，呢個就係擁有普巴嘅美妙之處。佢係全世界最好嘅全能中場，可以完美出任任何位置，好高興佢回歸。」唔知有幾多「魔迷」感覺想嘔呢？

[Busconcamp]

曼聯天價搶麥迪臣　李城可以企到幾硬？



去到12月尾，曼聯只係排緊英超第8，1月買人似乎事在必行。據英媒《每日星報》報道，紅魔鬼視李斯特城攻擊中場占士麥迪臣係頭號收購目標，球隊會嘗試於1月利誘李城放人，如果狐狸唔肯賣，都會於下年夏天繼續斟介。據知曼聯會出價8000萬鎊---同剛過去夏天曼聯買入李城後防大將哈利馬古尼一樣。

曼聯18戰6勝7和5負僅得25分，目前已落後第4位車路士7分，如果要搶前四位置，1月必須買入強援增強實力。領隊蘇斯克查擺明鍾意年輕英藉球員，23歲嘅占士麥迪臣完全合乎標準，呢名英格蘭新晉國腳本季於各項賽事上陣20場、射入8球並錄得3次助攻，蘇帥睇見佢已流晒口水。

曼聯雖然成績一般，但銀彈依然充足，雖然1月要搶麥迪臣機會甚微，但紅魔鬼一樣會照提出收購。李斯特城領隊羅渣士表明，唔會考慮於1月放走任何球員；若曼聯1月未能成功簽入，到下年暑假一樣會對麥迪臣咬住唔放。《每日星報》表示，就算麥迪臣好快會同李城續約，但曼聯一樣有信心於今季尾，用超豐厚合約利誘麥迪臣加盟。

[Busconcamp]

3箭頭爆發　曼聯反勝喜鵲兼復仇



在拆禮物日擁有80%勝出率嘅曼聯保持優良傳統，主場先落後之下以4比1反勝紐卡素，前鋒3箭頭大爆發，安東尼馬迪爾梅開二度，格連活特及拉舒福特各建一功，兼一雪首循環落敗之辱。

曼聯初段未入局，被紐卡素反客為主，17分鐘一次攻勢，馬菲朗達夫策動攻勢，引球至禁區頂送高波入禁區內嘅祖連頓，後者控定回傳番畀殺至12碼點嘅馬菲朗達夫，繼首循環入波後，再一腳射瓜曼聯領先1比0。

不過曼聯失波後反而全隊醒晒，24分鐘一次攻勢，勞基梳爾左路傳中，安達斯彭利拿造波，安東尼馬迪爾見機近門前衝射，皮球急勁對方門前無法硬接，最終雖然擋到，但皮球仍然入網，曼聯扳平1比1。

36分鐘，紐卡素後防誤傳失誤，被格連活特衝前搶得先機，並快速起腳射破紐卡素大門，曼聯領先2比1，41分鐘拉舒福特門前接應雲比沙加傳中球門前頂入，半場領先3比1。

下半場曼聯繼續攻，51分鐘，安東尼馬迪爾單刀埋門，趁對方門將出迎輕力一挑入網，曼聯贏4比1完場。

[Busconcamp]

曼聯賤價搶艾歷臣　摩連奴：已有定案！



1月轉會市場即將重開，熱刺中場基斯甸艾歷臣再次成為焦點人物，呢位丹麥國腳同球會合約季尾就完結，1月就可以自由同任何球會傾轉會。西班牙媒體《El Desmarque》爆料，曼聯總裁伍德沃德日內就會向熱刺正式開價2,050萬鎊收購基斯甸艾歷臣！

熱刺周日(29號)作客2比2逼和諾域治，基斯甸艾歷臣射入一個精彩罰球，佢亦當選為賽事最佳球員，領隊摩連奴賽前透露驚人消息，指艾歷臣已經有決定：「我唯一可以講嘅，就係我知道艾歷臣未來會點，但關於佢嘅未來唔應該由我宣布。當佢覺得係時候，佢就會自己講。」摩連奴賽後再被追問，佢就話：「我唔會透露我同艾歷臣之間嘅對話，我只可以講佢一直努力為熱刺貢獻，我戥佢今場拎最佳球員開心。」

《El Desmarque》消息指出，熱刺為免季尾人財兩失，1月放人機會極高，佢哋本來索價4,000萬鎊，不過隨住皇家馬德里、巴塞隆拿同祖雲達斯嘅收購熱情冷卻，呢場爭奪戰亦變成曼聯獨腳戲。眾所周知進攻中場係「紅魔鬼」最弱一環，連格表現令球迷失望，如果可以成功用超低價2,050萬鎊逼熱刺賣基斯甸艾歷臣，絕對係曼聯最佳新年禮物。

[Busconcamp]

【賽後解碼】普巴復出傷呢件　曼聯真慘



曼聯喺拆禮物日成功「拆紐」拎3分，不過賽後就出現超驚嚇畫面，今場半場期間被換出嘅中場麥湯米尼，原來右腳膝頭受傷，領隊蘇斯克查透露呢位蘇格蘭國腳傷及韌帶，賽後亦被影到右膝被重重包紮兼要拎拐杖，相信要休息一段時間。

麥湯米尼今場開波23秒拎黃牌，成為近13年英超最快攞牌球員，但佢並冇驚死，冇耐又同馬菲朗達夫埋牙相撞，懷疑就係呢一下令佢受傷，不過麥湯米尼仍然頂晒成個上半場，蘇斯克查賽後表示：「麥湯米尼膝頭韌帶受傷，暫時唔知道情況有幾壞，呢個細路有最強大戰意，佢好可能缺席下場對般尼，我哋都見過佢神速康復嘅場面。」

現年23歲嘅麥沙米尼係曼聯中場線必然正選，甚至係蘇斯克查第1個會排入正選名單嘅球員，佢嘅活動能力同防守能力都係「紅魔鬼」陣中絕無僅有，莫講話尼曼查馬迪跟唔上佢，就算保羅普巴復任正選，曼聯中場線冇咗佢，運作亦必定大打折扣，蘇B求神拜佛都希望麥湯米尼要大步檻過。

[Busconcamp]

「明叔」有嘢講　奧雲指出馬迪爾問題



「曼聯明叔」奧雲，近年做講波佬風評麻麻，唔少當地球迷都覺佢廢話唔少，就睇吓呢段，各位魔迷啱唔啱睇喇。奧雲認為前鋒安東尼馬迪爾穩定性奇差，若球隊有理想發揮的話，佢可以踢到曉飛；但如曼聯控制唔到比賽場面，馬迪爾就肯定隱形，作用或衰過格連活特。

馬迪爾一向被視為勁有潛質，但3400萬鎊加盟曼聯之後，就始終上唔到一線，發展始終都係浮浮沉沉，完全畀唔到球迷可以擔大任嘅感覺。奧雲表示：「曼聯剛反勝紐卡素，球隊表現唔錯，如果往後真係打番出水準，馬迪爾會有唔錯發揮，穩定性亦都會較高。但如果當日曼聯處於下風，處處受制於對手的話，你會諗拉舒福特可以做到啲嘢，又或者格連活特都有嘢睇，但馬迪爾就唔使諗，肯定會隱形。」

[Busconcamp]

蘇斯克查又心雄：曼聯可爭前4



拆禮物日曼聯贏波，車路士輸波，令曼聯距離前4只差4分，呢個時候蘇斯克查又心雄，佢話曼聯仍然有機會打入前4，只要球隊保持穩定表現。

曼聯無錯上場係大炒紐卡素，但唔好忘記之前一場輸畀屈福特，而且紅魔鬼今季經常遇弱遇弱，對下游球隊成日失分先係致命傷，蘇斯克查指出：「只要我哋保持穩定演出，爭奪前4唔係冇可能，或者唔係等到最後一輪，我哋已經確定前4席位。」

蘇B續稱：「我之前講過，呢支曼聯明年會更強，但我仍然期待今年能有所表現，我哋必須令對手覺得對住我哋好難打。」

[Busconcamp]

曼聯2蛋贈般尼　距離前4只差1分



英超周日(29日)凌晨尾場，曼聯作客憑安東尼馬迪爾及拉舒福特各建一功，贏般尼2比0，紅魔贏波後以31分殺上第5，僅落後第4車路士1分但多踢1場，只要繼續保持贏波，曼聯進佔前4重奪歐聯席位不是夢。

乘接拆禮物日大勝紐卡素餘勢出擊，曼聯今仗作出4個位置輪換，近兩仗復出嘅保羅普巴被收起，甚至未列入出場名單，但都夠踢。上半場一輪混戰後，44分鐘打破僵局，安達斯彭利拿右路沿邊線突破後傳中，安東尼馬迪爾接應殺入禁區輕鬆射成1比0。

下半場般尼發動猛攻，曼聯後防都頂得住，一直去到90+5，般尼圍攻不果被曼聯打反擊，丹尼爾占士引球反擊傳交拉舒福特單刀埋門，福仔扭過尼克普比射空門，再喺杜韋麥尼爾回防前落地，假裝左腳射波，其實係用右腳一篤入網，取得2比0燕梳球獲勝。

由於同日熱刺和波錯失進佔前4機會，曼聯現得31分進佔第5，比熱刺及狼隊多1分，距離第4位嘅車路士亦僅1分之遙。

[Busconcamp]

【賽後解碼】曼聯黃金雙槍　復興最強火力



曼聯喺12月份表現穩步上揚，9場比賽拎到6勝2和1負成績，當中拉舒福特同安東尼馬迪爾嘅爆發係重要原因，對般尼各入1粒後，兩位射手今個月合共入咗11球，今季各項賽事入球數都達到雙位數字，不約而同挑戰個人最多入球球季，絕對係曼聯一大喜訊。

拉舒福特踢左翼、安東尼馬迪爾做箭頭，呢個陣型決定後兩人表現如魚得水，拉舒福特今季英超入球(12球)同總入球(16球)都已經係個人新高；季初因傷缺陣8個星期嘅安東尼馬迪爾，今季踢19場賽事就達到雙位數入波(10球)，如果之後冇乜大傷，要打破自己英超首季入17球嘅紀錄並冇難度。

正常情況之下，拉舒福特同安東尼馬迪爾今季總入球數應該突破20球大關，仲記唔記得曼聯對上一次單季有2人達20+入球係幾時？原來已經係2010/11球季，當年曼聯有貝碧托夫(21球)同查維亞靴南迪斯(20球)數胡，嗰年佢哋做英超冠軍兼殺入歐聯決賽。曼聯復興之路，拉舒福特同安東尼馬迪爾呢個「黃金雙槍」非常重要。

[Busconcamp]

【東體爭議】保羅普巴被消失　離隊訊號！



曼聯喺周日(29號)英超作客2比0擊敗般尼，不過傷愈嘅法國中場保羅普巴離奇冇份入選賽事大名單，就引起球迷好大猜疑，唔少網民認為係佢1月離隊嘅最大訊號，曼聯名宿史高斯亦相信保羅普巴今次被Out，似係另有內情。

保羅普巴足踝傷愈後，對上兩場聯賽都有後備上陣，但喺麥湯米尼受傷之下，保羅普巴反而連後備都冇份，就令球迷非常驚訝，蘇斯克查開波前就解釋：「佢之前傷咗一段時間，最近已經踢咗2場，所以我哋覺得今場再畀佢參與唔係一個正確決定。」

保羅普巴對上2場只係踢咗26分鐘同45分鐘，蘇斯克查嘅解釋似乎唔係好多球迷Buy，名宿史高斯都話：「保羅普巴如果唔係受傷就一定會踢，呢個係唯一解釋，蘇斯克查會向公眾粉飾呢件事，但我哋唔會知道普巴真係受傷，定係心態(轉會)上唔適合上陣。」有傳保羅普巴要求1月轉會，祖雲達斯同皇家馬德里都係熱門買家。

[Busconcamp]

史高斯：曼聯三叉戟　唔差得過埃及文明



曼聯今輪聯賽又試贏波，作客2:0殺敗般尼，聖誕快車賽期連攞6分，已經殺到上聯賽第5，同第4車路士只差1分。曼聯2連勝，拉舒福特同安東尼馬迪爾夾埋轟入5粒，堅係狀態大勇。曼聯名宿史高斯話，福仔同馬仔夾埋丹尼爾占士，呢條三叉戟鋒線，同英超或歐洲所有鋒線比都唔輸蝕，換句話講史高斯認為佢哋3個，同利物浦埃及文明、又或者巴塞美斯、蘇亞雷斯同基沙文係相同等級。

近季一直浮浮沉沉嘅馬迪爾，早前復出之後終於打出最高水準，近期入球頻頻，福仔更已射入12個英超入球，屬該名年輕射手出道以來最佳球季。丹尼爾占士本季初加盟以後，於邊線有極大貢獻，史高斯就狂讚呢條鋒線有料到：「只要你仔細睇，曼聯現時三叉戟，實力唔差得過英超或歐洲任何鋒線。當馬迪爾攞住個波殺埋對手度、當福仔又向你正面攻擊，丹尼爾占士一樣咁犀利，佢哋好有威力，再加埋格連活特，曼聯攻擊線好有前途。另係保羅普巴比較令人擔心，當佢心情好，有正確作戰態度，係全球最佳中場，但就係唔穩定。」

睇番英超數據，曼聯三叉戟本季迄今合共取得22個英超入球，比埃及文明嘅23球只少1球，但同巴塞3創俠嘅30球仲有段距離。曼聯3子把握力係唔曳，但經驗、造波、鋪橋搭路嘅功架始終有所不及。不過佢哋分別只得24（馬迪爾）同22歲（拉舒福特及占士），未來仲有大把進步空間。

[Busconcamp]

表演時間！曼聯下月3線作戰5鬥強隊



曼聯今季遇強愈強，遇弱愈弱，紅魔鬼嚟緊2020年1月，肯定有大把機會「鋤強扶弱」，因為佢哋下月本土賽事3線作客，將會5次鬥勁旅。

首先，曼聯將於英超作客阿仙奴，雖然兵工廠今季成績唔算係「強隊」，但爛船始終有三斤釘，加上請到阿迪達回巢執教，可望重返強隊行列，紅魔鬼梗係唔會放過佢哋。

跟住曼聯將於英足盃第3圈作客狼隊，曼聯上季被狼隊食住，但今時唔同往日，紅魔鬼依家遇強愈強，正好把握機會報仇。

另外，曼聯仲會喺英超作客利物浦，以及英聯盃4強兩回合鬥曼城，其他人眼中可能係「地獄賽程」，但以曼聯今季「反傳統」風格，話唔定可以贏晒。

除咗呢5場大戰，曼聯仲會對住諾域治同般尼，反而可能最難踢。

曼聯2020年1月賽程

02/01/2020 英超 作客Vs阿仙奴

05/01/2020 英足盃 作客Vs狼隊

08/01/2020 英聯盃 主場Vs曼城

11/01/2020 英超 主場Vs諾域治

20/01/2020 英超 作客Vs利物浦

23/01/2020 英超 主場Vs般尼

30/01/2020 英聯盃 作客Vs曼城


曼聯今季英超對Big6球隊

11/08/2019 主場勝車路士4:0(1:0)

14/09/2019 主場勝李斯特城1:0(1:0)

01/10/2019 主場和阿仙奴1:1(1:0)

20/10/2019 主場和利物浦1:1(1:0)

05/12/2019 主場勝熱刺2:1(1:1)

08/12/2019 作客勝曼城2:1(2:0)

[Busconcamp]

蘇斯克查維護迪基亞



屈福特在下半場連入兩球，主場擊敗曼聯，也是球隊今季第2場聯賽勝仗。

迪基亞犯錯失波，不過蘇斯克查表示體諒：「這只是原因之一，一球是犯錯，一球是12碼，之後迪基亞已經不再犯錯。我們每天努力練習，就是為了不再犯錯。」（Goal.com）

[Busconcamp]

蘇斯克查︰曼聯不能抄襲曼城風格



曼聯在剛剛的比賽中以4：1後上反勝紐卡素，這是球隊本季其中一場最具說服力的演出，馬迪爾、拉舒福特及格連活特是役都有入球。

蘇斯克查喜歡見到球隊演出充滿鬥志：「很高興見到球隊失波也沒有垂頭喪氣，而是拿起鬥志面對困境。現階段我們不能踢出曼城的風格，但曼聯仍然可以表現活力及無私的態度，這是我們現在的一套。」（Goal.com）

[Busconcamp]

艾歷拜利周一復操復出在望



艾歷拜利在7月國冠盃對熱刺一仗膝部受傷需接受手術，之後便一直缺陣至今，在2019年只為紅魔上陣了7次。

幸好他在周一已正式復出球隊操練，這對近期傷兵不少的曼聯絕對是好消息，除了中場保羅普巴在上仗對般尼缺陣外，中場麥湯米尼、守將艾舒利楊格及杜安薛比同樣正在養傷，而曼聯在1月有多達7場比賽需要應付，包括1月1日作客阿仙奴的大戰。(Goal.com)

[Busconcamp]

彭利拿估計蘇斯克查會長留曼聯



蘇斯克查早前一度傳出因為戰績問題可能要下台，但是球隊接連擊敗強敵，為他賺回應有口碑。

彭利拿表示，蘇斯克查應該可以長留曼聯：「曼聯現在踢法更有耐性，大家願意為隊友奔跑，我們的反擊踢法正是曼聯特色之一。一切都靠蘇斯克查訓練出來，相信他會留隊一段長時間。」（Goal.com）

[Busconcamp]

盧卡古：成「魔」使我堅強

【NowSports-體育】今季轉投國際米蘭重新出發的盧卡古，在干地麾下如魚得水，重現新魔獸的強勁表現，他指過往在曼聯的日子令他成長不少。

2017年夏天，盧卡古（Romelu Lukaku）以7500萬鎊由愛華頓加盟曼聯，但成魔之路並不平坦，雖取得歐霸盃冠軍，但無法重奪英超，上陣96場射入42球，最終離隊。 對於在紅魔面對不少批評，盧卡古說：「我不會因此（效力曼聯）感到消極。我在曼聯做好了心理建設，在作為球員與作為人這兩方面都有進步。」他感恩在曼聯的日子成長不少，「我準備了很多，在腦海之中，每次比賽都很冷靜。」

盧卡古自言現時在國米，很多時候都想起在曼聯學到的一切，「不論體育或非體育的情況，我在曼聯都學到很多。我是一個很容易因為事情發展不順利而憤怒的人，但在效力完曼聯之後，成為了一個更加堅強的球員。」

[Busconcamp]

拉奧拿爆夏蘭特拒投曼聯：因時機未到



外間有消息指曼聯在最後階段「收手」，才最終造就多蒙特以2000萬歐元簽入夏蘭特，但拉奧拿卻否認了此說法。拉奧拿道：「一直以來跟夏蘭特接觸最多的就是曼聯。每間有興趣的球會都與他本人談過，而曼聯接觸的機會最多，當然也因為蘇斯克查的關係。很明顯他認為現在這（加盟曼聯）不是對他最好的選擇，當中完全沒有對曼聯或蘇斯克查不敬的意思。如果他想去曼聯，我們絕對會尊重他的意願，但他確是不想。」

拉奧拿又指曼聯出手絕對不低，但夏蘭特目前並不太在乎經濟因素，「當你只是19歲，或者你不會太傾向到英超效力。曼聯的出手絕對不低。不過這並非關乎錢，就是球員本人認為在這個時間點多蒙特是更好的選擇。」（Goal.com）

[Busconcamp]

曼聯失賀蘭 魔迷嬲爆：活華特下台！

【Now Sports-體育】曼聯在當紅射手賀蘭爭奪戰中大熱倒灶，一眾魔迷非常氣憤，要求副會長活華特引咎辭職。

曼聯原本有極大機會簽入薩爾斯堡的賀蘭（Erling Braut Haaland），領隊蘇斯克查除了曾執教這位超新星之外，早前亦特地飛去跟對方會面，一度有傳賀蘭已首肯加盟紅魔。 不過，多蒙特在周日宣佈以2000萬歐元搶人成功，跟賀蘭簽約至2024年。

魔迷都歸咎於主理轉會事宜的活華特（Ed Woodward）再次辦事不力，再次出現#Woodwardout（活華特下台）的hashtag。有人說：「活華特再一次未能羅致領隊想要的人。」也有人說：「活華特真的很丟臉，再一次搞砸了。」

英國《太陽報》爆料，指曼聯的確領先今次轉會戰，但賀蘭經理人拉奧拿要求於合約上加入方便球員之後離隊的條款，所以雙方未能達成共識，活華特最終決定退出。

[Busconcamp]

摩佬好友：艾歷臣肯定免費離隊



【Now Sports-體育】熱刺領隊摩連奴好友兼記者Eladio Parames爆料，指中場基斯甸艾歷臣肯定在季後離隊。

70歲的Eladio Parames跟摩連奴由細玩到大，更曾一起於葡超賓菲加工作，現時前者於葡萄牙報章《Record》撰寫專欄。 Eladio最近於專欄透露，「或許我們可以看到摩連奴的魔法，如何處理基斯甸艾歷臣（Christian Eriksen）在熱刺的最後數個月。艾歷臣基本上肯定會免費離隊。」

艾歷臣在明年夏天便跟熱刺約滿，一直不肯續約，盛傳曼聯、皇家馬德里都有意在季後免費簽人，當中以紅魔獲得心頭好的機會最大。 這名27歲丹麥國腳因為合約問題，在摩連奴麾下只曾6次在英超後備披甲。摩佬早前就他的情況表示：「我們會保秘，我會跟班主分享，但只得我們二人知道。」

[Busconcamp]

阿仙奴挫曼聯 阿迪達開齋贏波

阿仙奴在周三元旦日快車大戰，主場憑著前鋒比比及後衛柏柏斯達夫普路斯上半場各入一球，以2︰0擊敗曼聯，協助新帥阿迪達取得上任後首場勝仗。

上仗主場反輸予車路士的兵工廠，今仗踢得積極，開賽僅8分鐘便由前鋒比比接應傳中近門抽入，領先1︰0。

完半場前比比開出角球，前鋒拍檔拿卡錫迪近柱一批逼使門將迪基亞把皮球拍到門前，柏柏斯達夫普路斯即時執雞抽入，拉開到2︰0。

雖然曼聯下半場力圖反撲取得不少攻勢，但中場安達斯彭利拿殺入禁區勁射於網側出界，最終阿仙奴贏2︰0完場。(Goal.com)

[Busconcamp]

蘇B認優勝劣敗 普巴多唞4周

【Now Sports-體育】曼聯不敵阿仙奴，領隊蘇斯克查承認發揮不如對手，而被問到法國中場普巴的狀況時，他表示可能需要動刀，或須多休戰3至4周。

蘇斯克查在球隊以0:2受挫於阿仙奴，近5次作客老對手輸4次後，承認人家較出色：「己隊在開賽後頭5或6分鐘表現合理，然後對手表現實在出色，他們比我方搶眼。我們在上半場節奏太慢，也許是疲勞所致；到下半場，我們予對手施壓，但未能取得入球。」 「我們一直努力，但質素不夠好。」

普巴因足踝傷避戰，被問到法國人何時可復出時，蘇B謂：「可能是3或4星期，我不知道，他被建議接受手術，可能會照做。」 轉會窗重開，談到1月可會增兵時，他說：「加入1或2名球員是好，但視乎我們認為適合的人是否可供收購。」

[Busconcamp]

尹佩斯勸拉舒福特：咪抄C朗

拉舒福特本季於曼聯發光發熱，表現極其出色入球頻頻，於各項賽事上陣26次射入16球，踢出為曼聯上陣以後最出色球季。領隊蘇斯克查認為福仔未來會成頂級球星，更一度公開表示，在他的身上看到C朗影子。

但尹佩斯忠和師弟要做自己：「我見過太多太多的球員，希望抄襲成名球星，但全部到最後都不成功。你可以從某位球員身上，學習一點技巧或優點，但千萬不要全方位抄襲。就等於以前我曾和柏金同隊，他各方面都十分完美，但我沒有可能和他一樣，因為我們是兩個人。但我可以細心留意他的表現，並從中偷師。」(goal.com)