Games Animation Forum

返回   Games Animation Forum > 娛樂興趣區 > 體育版 > 球會討論區

回覆
 
主題工具 顯示模式
舊 02-23-20, 11:13 PM   #326
Busconcamp
The One
紅魔鬼閃耀GAF
 
註冊日期: Jan 2003
文章: 75,709
同上半初段一樣,
自殺式防守,
VAR核實手臂先碰球,
才入球作廢


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-23-20, 11:20 PM   #327
Busconcamp
The One
紅魔鬼閃耀GAF
 
註冊日期: Jan 2003
文章: 75,709
58分鐘
L23+J21撞牆配合
波費直線M9
攪一輪後皮球窄位的過賓科
2:0


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 02-23-20 11:23 PM 被 Busconcamp 編輯。
Busconcamp 目前離線   回覆時引用此篇文章
舊 02-23-20, 11:35 PM   #328
Busconcamp
The One
紅魔鬼閃耀GAF
 
註冊日期: Jan 2003
文章: 75,709
74分鐘
波費横傳格連活特
3:0

F18...2助攻,1入球

78分鐘
I25,M39,C44
入替
M9,F17,G26


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 02-23-20 11:41 PM 被 Busconcamp 編輯。
Busconcamp 目前離線   回覆時引用此篇文章
舊 02-23-20, 11:59 PM   #329
digiharuka
God of Gamer
 
註冊日期: Mar 2005
文章: 6,928
PSN  IDdigi_haruka
第二球如果是車仔, 肯定吹了M9隻手越位 w

C44 呢, 連同之前幾次後備出來感覺是, 好唔適應英超? 信心不夠拿波帶波走位企位全都好似仍是B軍咁, 定還是真想走hea 踢?
digiharuka 目前離線   回覆時引用此篇文章
舊 02-27-20, 02:17 PM   #330
Busconcamp
The One
紅魔鬼閃耀GAF
 
註冊日期: Jan 2003
文章: 75,709
打劫曼聯上晒癮 國米再搶紅魔主力!



自干地上任成國際米蘭領隊後,呢名前車路士主帥對英超球員情有獨鍾,已先後買入盧卡古同基斯甸艾歷臣,另外又借入阿歷斯山齊士及艾舒利楊格,4個英超球員3個來自曼聯,似乎對紅魔球星特別有興趣。據英國《鏡報》報道,國米今夏勢必再吼英超兵,其中曼聯射手安東尼馬迪爾,就成為國米嘅獵物!

國米早前注入中國資金後就大搞,上個夏天請到干地執教,可能因為英超球員好使好用,執行能力又強,所以干地現時陣中,已有4位英超球員,其中3個前紅魔都受到干地重用,盧卡古更成國米當家射手,本季於各項賽事已射入22球,干地食髓知味再撬紅魔兵都合情合理。

據《鏡報》報道,國米陣中阿根廷射手拿達路馬天尼斯,今夏極可能被巴塞買走,以代替年紀唔細嘅蘇亞雷斯,一旦馬天尼斯離隊,國米就會力斟射手替補,當中馬迪爾同阿仙奴前鋒奧巴美揚,都係干地心頭好。馬迪爾於15年加盟曼聯後,一直未去到巨星位置,所以受到唔少批評,國米於意甲有力挑戰祖雲達斯霸權,對馬迪爾絕對有吸引力,曼聯或者會繼上個夏天被搶去盧卡古後,又畀國米打劫多個主力。

國米除鍾意馬迪爾同奧巴美揚外,亦對RB萊比錫嘅迪姆華拿有興趣,但其實干地最想買到嘅,係巴塞射手基沙文,相信會搵拿達路馬天尼斯同巴塞交涉。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 02:18 PM   #331
Busconcamp
The One
紅魔鬼閃耀GAF
 
註冊日期: Jan 2003
文章: 75,709
費南迪斯入波劏屈仔 曼聯爭車仔3分咋!



波基斯費南迪斯係有料到,射入加盟後首個曼聯入球,帶領紅魔今輪英超主場3:0殺敗屈福特,報番首循環一敗之辱。呢位被領隊蘇斯克查,喻為係新史高斯嘅新兵演出搶鏡,上半場博得12碼親自主射打開紀錄,換邊後又為格連活特送上助攻。有咗費南迪斯,睇嚟魔迷都可以忘記保羅普巴。

今仗曼聯繼續有拉舒福特、普巴缺陣,領隊蘇斯克查打4231陣式,安東尼迪爾打箭頭,費南迪斯就踢攻中,丹尼爾占士同格連活特於2邊側擊。一開波曼聯就嚇球迷一驚,哈利馬古尼同尼曼查馬迪誤會,好彩迪尼於門前未能起腳。17分鐘雲比沙卡近門一射,可惜未能命中目標。曼聯中場馬迪跟手又於中場甩轆,畀杜哥利長驅直進、左腳勁射近柱,迪基亞飛身擋出底線。

完半場前3分鐘,曼聯終開紀錄,丹尼爾占士直線靚質,費南迪斯引球殺入禁區,畀賓場科士打拉跌,球證直指12碼點,費南迪斯操自操刀,一個小跳步令賓科士打跌倒後再起腳搞掂,射入加盟以來首個入球,睇到呢位球星卡士。完半場前馬迪爾把握對手犯錯交畀費南迪斯,呢名葡萄牙國腳右腳一篤唔中龍,半場曼聯領先1粒。

換邊後6分鐘,杜哥利壓落底線地波傳中,好彩有勞基梳爾門前解圍。跟手右路角球開出,迪尼混戰中射入,但因奇治戴臣首先手臂掂到個波,VAR Check完推翻入球,屈福特慘食詐胡。58分鐘曼聯拉開比數,馬迪爾靚時間入楔左腳窄位抽射被擋出,之後佢攞番個波再用右腳射入,主隊領先到2:0。之後輪到格連活特發威,佢於中場附近扭過對手大步推進後分波,費南迪斯畀番個波佢,格連活特左腳大腳抽入到3:0。其後新前鋒恩哈路後備入替,一次扭過賓科士打再窄位起左腳射空門,可惜被敵衞救空門,最終曼聯贏3:0完場,聯賽2連勝後升到第5位,比第4車路士僅差3分。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 02:19 PM   #332
Busconcamp
The One
紅魔鬼閃耀GAF
 
註冊日期: Jan 2003
文章: 75,709
蘇斯克查:佢令曼聯全隊變強



曼聯今場英超大勝屈福特3比0,新援波基斯費南迪斯上佳演出非常關鍵,領隊蘇斯克查賽後大讚呢位「新林柏特」,認為「波費」加盟後令所有人都提升,令球隊變強,嚟緊爭奪歐聯資格各場大戰,更有把握。

蘇斯克查表示:「今場係好精彩嘅勝仗,我哋喺英超2連勝,2場都冇失波,仲有好多值得慶祝嘅入球。」講到「波費」,蘇帥讚不絕口:「佢比預計嘅更快,佢嘅加盟令我興奮,有佢在陣令所有人有好大提升。」

蘇帥又提到小將格連活特:「足球最重要係入波,格連活特能夠做到呢一點,我認為佢已經成長為一名合格嘅球員,仲會繼續進步。」


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 02:20 PM   #333
Busconcamp
The One
紅魔鬼閃耀GAF
 
註冊日期: Jan 2003
文章: 75,709
華朗+史高斯 波費:我要踢歐聯



曼聯新加盟葡萄牙中場波基斯費南迪斯今輪英超表現出色,交出1入球1助攻協助紅魔大勝屈福特3比0,佢喺賽後豪言要幫曼聯取得來屆歐聯資格,領隊蘇斯克查則以華朗加史高斯來形容呢位新援。

英國《衛報》報道,波費今仗光芒四射,完上半場前博得12碼再自己操刀射入,原來係曼聯歷來首位憑12碼在英超開齋嘅紅魔成員,其後佢再送助攻畀格連活特入波,賽後接受訪問時表示:「這是我想做,亦是我需要做的。」

該25歲中場其後許下豪言,要為曼聯取得歐聯資格:「所有人都知道曼聯希望參加歐聯,我來到這裏爭取贏波,去完成目標,今個賽日是所有球員想要的,我能夠入波、能夠贏波感到幸運,我更希望能夠幫助安東尼馬迪爾取得更多入球。」

領隊蘇斯克查最初安排佢著18號球衣,就係寄望佢能夠擔演昔日紅魔中場史高斯角色,但今仗發現佢有另一種特質,蘇斯克查表示:「佢擁有史高斯嘅質素,但同時有一點華朗嘅氣質,令全體球員提升。」

英國《太陽報》報道,波基斯費南迪斯崛起,保羅普巴在隊中再無位置,曼聯將按照計劃,今夏把該法國中場出售。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 02:24 PM   #334
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯中超射手失機 球迷:滾回中國!



曼聯於冬窗期間簽入2個球員,但球迷反應一天一地,葡萄牙中場波基斯費南迪斯表現大獲好評,讚到上天,但來自中超嘅恩哈路不但加盟初期要隔離檢疫14日,今仗大勝屈福特3比0,佢只係臨尾出嚟踢咗一陣,球迷都鬧佢叫佢返大陸,真係唔公平!

波費今仗1入球1助攻,表現突出,但恩哈路完場前10分鐘、曼聯遙遙領先3比0之後才後備上陣,本來佢都有表現機會,可惜佢唔爭氣呢!84分鐘,對方回傳失誤,恩哈路獲得單刀機會,佢扭過對方門將窄位起腳,但被對方後衞及時趕到護空門,錯失入波機會。

單刀唔入,其實對戰局影響不大,不過曼聯球迷非常苛刻,在曼聯官方社交網留言:「將病毒帶回中國吧!」「本來係4比0,結果畀恩哈路搞彎晒。」佢嘅遭遇,令人想起盧卡古。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:14 PM   #335
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯利物浦聯手 誓搶阿仙奴助攻王!



阿仙奴「助攻王」布卡約沙卡,今輪英超對愛華頓再一次顯示身價,臨危受命後備入場,為尼基迪亞貢獻美妙助攻為球隊扳平,成兵工廠砌低拖肥糖嘅一大功臣。沙卡本季於各項賽事26次出場已造出10次助攻,前途無可限量,據英國傳媒報道,因佢只剩番18個月合約,利物浦同曼聯都希望於夏天出手搶人!

因為哥拉辛拿斯同基蘭泰亞尼本季不時受傷,新帥阿迪達遂改造沙卡打翼衞,呢名18歲翼鋒表現一流,近3場對紐卡素、奧林比亞高斯同愛華頓都送上助攻,為尼高拉斯比比、拿卡錫迪同尼基迪亞鋪橋搭路入波。本季沙卡已貢獻10個助攻,成陣中助攻次數最多球員,佢係英超助攻最多嘅年輕球員,而環顧歐洲5大聯賽,只有查頓辛祖助攻次數比佢更多。

沙卡到下季季尾就完約,現時佢周薪只有3000鎊,難怪眾多歐洲勁旅,當中包括利物浦同曼聯都對佢虎視眈眈。阿迪達大讚呢位年輕翼鋒係出色球員,佢依家最需要做嘅就係,同沙卡盡快續約,若沙卡好似當日辛祖一樣,離開曼城轉投多蒙特後成為巨星仲身價過億鎊,阿仙奴就喊得一句句!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:18 PM   #336
Busconcamp
The One
紅魔鬼閃耀GAF
 
註冊日期: Jan 2003
文章: 75,709
前輩過料 馬迪爾上位做世界級射手



英超曼聯近排戰績回升,主要原因自然係射手安東尼馬迪爾終於搵番射門鞋,連續3場入波,喺佢拍檔拉舒福特缺陣之下擔起大旗。事實上,24歲嘅馬迪爾加盟以來,一直都被寄予厚望,但始終未能將潛質盡情發揮,身為佢球會同國家隊前輩嘅退役法國名將沙夏就畀咗意見,話只要馬迪爾做到呢兩點,必定可以成為世界級射手。

馬迪爾喺2020年頭6戰只入1球,但近排終於搵番入波觸角,事實上,沙夏都大讚呢位後輩係擁有成為頂級射手嘅一切元素。對於馬迪爾間中畀球迷批評態度欠佳,沙夏就戥呢位法國後輩唔抵:「馬迪爾間中被批評態度唔好,但好多時係啲人錯誤解讀事情,呢個亦係整個業界嘅情況問題。我以前都做過受害者,佢哋求其揸住一點就話你唔夠上心,之後就話你因為咁所以唔可以不斷入波。」

沙夏今次明顯勁幫法國自己友:「同樣嘅批評都有出現喺保羅普巴身上,你喺呢行就要預咗有呢種情況。」之後沙夏就教精馬迪爾點樣去做世界級射手:「馬迪爾係個天才球員,擁有成為世界級球員嘅一切元素。佢可以入波,又識得組織攻勢,佢依家只需要更專注,就一定會踢得好。佢要改善嘅唔係要踢得好睇,而係要做一個殺手,我見佢間中都可以做到。佢一定要學識把握機會,埋門一刻更加決斷。」


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:20 PM   #337
Busconcamp
The One
紅魔鬼閃耀GAF
 
註冊日期: Jan 2003
文章: 75,709
史摩寧MK恩啱用 羅馬有借無還



今季意甲有好多英超元素,除咗國際米蘭畀人叫英超米蘭之外,羅馬亦有基斯史摩寧及米希達利恩兩位英超借將,該隊主帥方辛加表示,兩位借將都適合羅馬,希望兩人正式轉會。

由曼聯外借嘅基斯史摩寧,今季成為羅馬常規主力,上陣26場交出2入球1助攻,作為中堅係非常唔錯,加辛加表示:「史摩寧表現出色同專業,意甲好啱佢,希望佢可以留隊,但我唔知曼聯想法如何。」

米希達利恩來自阿仙奴,今季雖然受傷病影響上陣機會唔多,但總計都上陣15場入5球2助攻,方辛加稱:「佢喺球隊作用舉足輕重,我都想佢留隊。」


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:21 PM   #338
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯阿仙奴搶簽法國世盃冠軍名將



英超褪色勁旅曼聯同阿仙奴嚟緊又有大戰?不過今次唔係喺球場之上,而係喺轉會市場上。根據英國傳媒報道,「紅魔鬼」同「兵工廠」都睇中咗意甲班霸祖雲達斯嘅法國中場馬度迪,有意喺今夏收歸旗下,至於「祖記」因為陣內中場人才勁多,都唔介意呢位32歲中場離隊,最好賣到唔錯價錢,主帥沙利仲更開心。

法國國腳馬度迪技術好兼大賽經驗足,曾經幫祖雲達斯贏過2次意甲,亦為巴黎聖日耳門4度稱霸法甲,兼且係法國2018世盃冠軍成員之一。今季依然係「祖記」主力嘅佢,本身同球會係今夏約滿,不過球隊唔想季尾人財兩空,早前成功行使合約條款,幫佢續約一年到2021夏天,只係如有合適報價,一般相信「祖記」都樂意畀佢走人。

根據英國《太陽報》報道,曼聯領隊蘇斯克查因為預計嚟緊會賣走保羅普巴,同時尼曼查馬迪亦係今夏約滿隨時走人,因此為中場補充人腳係佢主要任務,而馬度迪呢種即戰力強兼經驗豐富球員自然最合心水,尤其係佢可以出任防守中場,正係「紅魔鬼」最需要。

「兵工廠」方面,主帥阿迪達近排引領球隊走出低谷,戰績回升,亦有望令球會管理層開水喉增兵,增加佢哋爭入前四,未來重返頂級強隊行列籌碼。當然,呢兩支英超老牌強隊要買到馬度迪,仲要面對來自法甲里昂嘅競爭,事關呢支老牌勁旅舊年夏天曾經接近簽入馬度迪,相信嚟緊都有可能出手再搶人。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:29 PM   #339
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【歐霸盃】等睇曼聯打爆布魯日



首回合曼聯作客逼和布魯日1比1,帶着1個作客入球返回奧脫福,今場形勢大好你急我唔急,最重要是紅魔鬼傷疲盡起,連今季表現神勇的中場麥湯米尼都及時傷愈回歸,強陣兼主場穩陣啦。

反觀布魯日真的很麻煩,首回合射入1球的MVP前鋒艾曼紐丹尼斯,因為上場比甲受傷沒隨軍,他會與隊長中場魯特禾馬同時缺陣,再加上哥倫比亞中場艾華利斯巴蘭達又停賽,殘陣之下隨時大敗。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:30 PM   #340
Busconcamp
The One
紅魔鬼閃耀GAF
 
註冊日期: Jan 2003
文章: 75,709
拿玻里史上「士哥王」 唔使錢任搶!



意甲勁旅拿玻里喺歐聯16強首回合1比1打和巴塞隆拿,比利時前鋒梅頓斯再有入球,係佢今屆歐聯第6個入波,包括分組賽主客場兩度攻陷利物浦大門。今場入波之後,梅頓斯歷來為拿玻里累積121個入波,追平斯洛伐克球星咸錫紀錄,並列拿玻里史上No.1士哥王,而更加刺激嘅係,佢喺今個球季完結後可以自由身轉會!

拿玻里嘅奪冠次數雖然唔能夠同各地班霸相比,不過歷史上都有唔少天王巨星效力過,最有代表性當然係阿根廷球王馬納當拿,佢喺拿玻里入嘅115球,今季較早前已被梅頓斯超越,而喺拿玻里嘅史上「士哥王」榜入面,亦不乏卡雲尼、希古恩、加拉卡同艾達芬尼等名將(見表)。

雖然已經32歲,但梅頓斯仍然保持高水平表現,由於佢嘅合約到季尾完結,呢位老將要求將320萬鎊年薪提升到630萬鎊,令到續約談判破裂,據報車路士、曼聯、阿仙奴同國際米蘭都準備接受呢位「免費神兵」。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:32 PM   #341
Busconcamp
The One
紅魔鬼閃耀GAF
 
註冊日期: Jan 2003
文章: 75,709
魔迷最期待畫面 睇吓蘇B點講佢2個



今輪英超大發神威,主場3:0大勝屈福特,中場新王波基斯費南迪斯送上1入球、1助攻,成為最有價值球員,保羅普巴再跳草裙舞都冇有怕啦。今場領隊蘇斯克查,用費南迪斯、費特洛迪古斯同尼曼查馬迪組成3人中場,連格同安達斯彭利拿不單冇正選,仲連後備都冇份做,對曼聯球迷嚟講,絕對係件好事。

曼聯本季低迷,但幾名年輕球員都有唔錯演出,當中包括麥湯米尼,呢位蘇格蘭國腳剛啱傷愈復出,今仗後備出場,未來會取代馬迪打正選;另外費特經過適應期後,已逐漸打出水準,相信未來出場次數會有保證,再加埋攻中鐵膽費南迪斯,曼聯3人中場正選基本上已經成型,咁連格同彭利拿點算呀?

睇番今場後備名單,2位仁兄連後備都冇份做,賽後曼聯官網頻道MUTV問蘇斯克查,點解佢2個唔見影,蘇B回答簡單直接:「當中場競爭愈來愈大,水準自不然雖然提高。」蘇B講到咁白,即係直認連格同彭利拿根本唔夠班,相信魔迷於短時間內,都唔使再喺英超見到佢2位老哥。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:33 PM   #342
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯新星一腳爆紅 新細哨嚟啦!



曼聯今季爆出唔少新星,格連活特、班頓威廉斯都喺一隊企穩陣腳,下一個上位新星好可能就係17歲嘅中場麥比利(Hannibal Mejbri)!

呢位法國超新星上年夏天先至由摩納哥轉投曼聯,雖然年紀輕輕,但曼聯已經要用到420萬鎊轉會費將佢收購,潛力相當優厚。呢位攻擊型中場今季主力踢U18賽事,所以曝光率唔算高,不過佢喺名將畢特重點栽培下,今季已經有6次助攻,最近一場對打比郡嘅U18賽事,麥比利就以一腳No-Look超精準長傳震撼球迷,迅即受到曼迷熱捧。

呢條熱爆影片入面,麥比利喺中場線拎波後,喺對手衝去攔截前,施展「望右交左」嘅神級長傳,個波直接穿過打比郡防線,交到深入腹地嘅隊友腳下。雖然只係輕描淡寫一腳,但影片就喺Reddit引嚟曼迷「狂J」,紛紛留言話:「呢個係我哋嘅朗拿甸奴」、「好期待佢為曼聯一隊上陣」、「呢啲先係No-Look,法明奴嗰啲學嘢啦」.......


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-27-20, 03:35 PM   #343
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯賣迪基亞?可能係好主意!



曼聯幾經艱苦之下,今季季初成功游說門將迪基亞續約到2023年,不過英國《每日郵報》爆料,話曼聯竟然計劃喺今個夏天賣走呢位西班牙鋼門,將所得資金投放喺其他位置增兵上,聽落好似匪夷所思,但亦可能會係一個好主意。

報道指曼聯有感迪基亞近年表現未見特別突出,喺外借錫菲聯嘅甸恩軒達臣日漸成熟下,下季曼聯大有機會收番嚟自己用,由佢同阿根廷門將羅美路競逐正選。甸恩軒達臣嘅錫菲聯今季只係失過25球,係僅次利物浦後失波第2少球隊,只得22歲嘅甸恩軒達臣無疑有極優厚發展潛力。

如果曼聯放走29歲嘅迪基亞,預料會賣到一個極好價錢,祖雲達斯同巴黎聖日耳門一直對迪基亞虎視眈眈,估計轉會費至少6,000萬鎊,加上迪基亞續約後周薪高達37.5萬鎊,如果甸恩軒達臣順利接班,「紅魔鬼」慳呢筆錢絕對好使好用。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-28-20, 05:58 AM   #344
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼 Vs 布
22分鐘,J21盪射,對方中堅竟門將上身,飛身式用手救球,球證直指12碼點兼出示紅牌
https://streamja.com/vMLp
F18跳射破網
1:0

2:0來自波費禁區前致命傳送吊入,M8底線接應橫傳,I25輕鬆射入

對方後防球員遲遲唔清波,回後時被F18截得皮球,隨即送入禁區,F17再回傳禁區頂M39撞射...3:0

L14快放橫傳F17...4:0

補時C44禁區回後F17撞射入網,
費特2球1助攻
5:0完場

兩回合總比數6:1


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 02-28-20 12:55 PM 被 Busconcamp 編輯。
Busconcamp 目前離線   回覆時引用此篇文章
舊 02-29-20, 12:18 AM   #345
Busconcamp
The One
紅魔鬼閃耀GAF
 
註冊日期: Jan 2003
文章: 75,709
畀網友叫佢快啲走 呢個曼聯中場咁回應



英超曼聯近排戰績回升,唔少球迷都認為新兵波基斯費南迪斯帶畀中場線新衝擊,絕對係一大關鍵。至於近排逐漸被打入冷宮嘅巴西中場安達斯彭利拿,日前喺社交網竟然收到網友留言叫佢搵路走,唔想佢喺度佗衰家,不過呢位曼聯青訓產品就洩氣,仲型爆回應要留喺曼聯爭位。

現年24歲嘅安達斯彭利拿,2011年已經加入「紅魔鬼」,可惜係佢即使能夠進入一隊,但一直都企唔穩正選。今季佢各項賽事為曼聯上陣35場,都只係錄得1入球同4助攻,相比起「波費」上場對屈福特已經有1入球1助攻,真係差啲囉!

彭利拿喺上周對屈福特場英超,連後備名單都冇,有曼聯迷就喺社交網留言:「老友,你搵間新球會算啦!」慘被球迷奚落,但彭利拿都冇洩氣,只係回應:「我會留低,爭番我個位,係我喺曼聯嘅位置。」無論你撐唔撐彭利拿,至少佢都算有志氣,希望佢真係踢番爭氣波,幫到「紅魔鬼」攞到好成績啦!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-29-20, 12:20 AM   #346
Busconcamp
The One
紅魔鬼閃耀GAF
 
註冊日期: Jan 2003
文章: 75,709
祖記想5000萬鎊加藍斯換普巴



祖記一直想買入普巴,他們有意用藍斯加錢換人,季後開始收購。

普巴一直都想離隊,雖然皇馬對於他有意思,只是他始終都是傾向回歸祖記。(Goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 02-29-20, 12:23 AM   #347
Busconcamp
The One
紅魔鬼閃耀GAF
 
註冊日期: Jan 2003
文章: 75,709
魔性重現 曼聯大炒10人布魯日

歐霸盃32強次回合周五(28日)凌晨上演,重頭戲英超曼聯主場迎戰比甲1哥布魯日,出現懸殊賽果,憑波基斯費南迪斯開紀錄、恩哈路開齋入波,仲有費特洛迪古斯2射1傳,曼聯大勝大部份時間10人應戰嘅布魯日5比0,兩回合合計贏6比1晉級。

曼聯今仗順風順水,22分鐘客隊後衞西蒙迪利用手擋丹尼爾占士射門,領紅牌兼罰12碼,波基斯費南迪斯操刀領先1比0,34分鐘波費造波,桑馬達右路底線傳中,恩哈路近門撞射成2比0,取得加盟後首個入球。

41分鐘,又係波費搶到個波,費特洛迪古斯參與進攻,麥湯米尼禁區頂撞射成3比0完半場。

下半場曼聯繼續進攻,82分鐘費特洛迪古斯接應連格左路底線傳中,近門撞射成4比0,補時90+3費特洛迪古斯接應鍾塔西左路傳中,禁區頂撞射破網,個人梅開二度,協助曼聯贏5比0完場。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 02-29-20 12:28 AM 被 Busconcamp 編輯。
Busconcamp 目前離線   回覆時引用此篇文章
舊 02-29-20, 12:31 AM   #348
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯出3倍價錢搶夏蘭特 因為1件事失敗

今個冬窗最大懸案,就係多蒙特搶贏曼聯,簽入艾寧夏蘭特,明明夏蘭特心繫曼聯,紅魔高層更親自飛去奧地利搶人,最後都失敗咗,英國傳媒努力搵出原因,發現原來曼聯曾經出3倍價錢搶人,失敗原因,係無法接受一項吸血條款。

英國《每日郵報》報道,多蒙特以1700萬鎊簽入艾寧夏蘭特,加盟個多月上陣8場攻入12球,曼聯球迷猛咁喊揼。原來當日多蒙特簽約前,曼聯曾開出3倍價錢,以5000萬鎊搶人。

大家都知,曼聯最終都簽唔到夏蘭特,失敗原因係曼聯拒絕夏蘭特經理人拉奧拿堅持加入解約金同未來轉會分成嘅吸血條款。不過正所謂早簽早享受,簽到夏蘭特嘅話,咩條款都抵啦。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 03-02-20 02:11 PM 被 Busconcamp 編輯。
Busconcamp 目前離線   回覆時引用此篇文章
舊 02-29-20, 12:34 AM   #349
Busconcamp
The One
紅魔鬼閃耀GAF
 
註冊日期: Jan 2003
文章: 75,709
巴塞曼聯聘約都唔理 迪姆華拿利字當頭

邊個咁大膽?連巴塞隆拿同曼聯開價斟介都唔理?講緊係效力德甲勁選RB萊比錫嘅德國土炮射手迪姆華拿!

根據英國《每日鏡報》報道,包括巴塞同曼聯兩支西英勁旅都已經正式提出斟介,但呢位射手都繼續使出拖字訣,皆因佢仲想等佢心目中最想加盟球會,即係英超利物浦,事關佢想跟名帥高普搵食喎!

德英傳媒上星期都有報道,話迪姆華拿同萊比錫份合約有條買斷條款,只係相對唔算貴嘅5,100萬鎊,但呢個價只要一過咗今年4月就會大幅調升,換句話講,真係有買趁早。

消息一出,據聞巴塞同曼聯都已經正式提出收購,事關兩會都希望喺今夏執番靚條鋒線,只係迪姆華拿睇過菲臘比古天奴過檔巴塞之後冇運行,好似有陰影;而曼聯就已經唔再係歐聯一線,所以佢都有所嫌棄。講到底,呢位23歲射手都係想等埋利物浦係咪會趕喺最後一刻向佢開出合約,確保自己唔好上錯車。

當然,迪姆華拿都有擔心,去到「紅軍」有冇得踢正選,事關利物浦條「埃及文明」鋒線近季真係無堅不摧。

不過,始終穆罕默德沙拿同沙迪奧文尼今年都28歲,羅拔圖法明奴去到10月仲29歲添,「紅軍」主帥高普都深知,要為鋒線年輕化開始行動,所以真係買佢都絕對唔出奇。仲有一點,原來迪姆華拿個紅理人卡爾軒斯科士打,以前球員時代踢過史特加同馬賽,同高普原來都係老友,就更令呢單交易有機會成真。

講番迪姆華拿,今季喺德甲上陣23場入咗21球,喺歐聯都有4球進帳,包括上星期對熱刺一箭定江山,已經被視為歐洲球壇最頂級射手之一,難怪咁受歐洲頂級球會歡迎,呢場射手爭奪戰,睇嚟4月底會有答案喇!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 03-02-20 02:11 PM 被 Busconcamp 編輯。
Busconcamp 目前離線   回覆時引用此篇文章
舊 02-29-20, 12:37 AM   #350
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【人物誌】入魔後開齋 恩哈路入球滿有淚水




曼聯大勝布魯日贏得歐霸生死戰,風光背後內有感人故事,前鋒恩哈路為紅魔射入加盟後首個入球,他即跪地並高舉雙臂,指向天上,把這個入球獻給剛去世的姐姐。

恩哈路入球後非常高興,拉起了自己的球衣,露出了裡面的特製的T恤,上面印着他姐姐的相片,還寫着「12-12-2019」。他的姐姐去年在加拿大家中暈倒後去世,年僅34歲,姐姐突然離世令恩哈路非常傷心。而他的姐姐自小跟恩哈路一樣支持曼聯,「姐姐是曼聯的粉絲,曼聯的比賽陪伴着我們成長,她的丈夫是車路士球迷,其兒女則分別支持曼城及利物浦,但她一直對紅魔都一心一意。」

今次能夠為曼聯取得入球,恩哈路自言是夢想成真,他補充姐姐一直都希望自己可以加盟曼聯,她曾到英國睇紅魔對屈福特的比賽,當時說過希望弟弟都可以穿起曼聯球衣,而這場波恩哈路「帶着姐姐」在奧脫福一齊落場,更取得入球,都算為亡姐實現遺願。

恩哈路今仗射門3次,2次射正,還為隊友助攻製造兩次威脅埋門,表現非常搶眼。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 03-02-20 02:10 PM 被 Busconcamp 編輯。
Busconcamp 目前離線   回覆時引用此篇文章
回覆

主題工具
顯示模式

論壇跳轉

相似的主題
主題 主題作者 版面 回覆 最後發表
曼聯躉紅魔鬼地帶[VOL.94]~Closed~ Busconcamp 球會討論區 1001 10-24-19 11:56 AM
曼聯躉紅魔鬼地帶 [VOL.85]~CLOSED~ Busconcamp 球會討論區 1020 04-10-14 09:28 AM
曼聯躉紅魔鬼地帶 [VOL.83] ~~~CLOSED~~~ Busconcamp 球會討論區 1000 11-25-13 01:33 AM
曼聯躉紅魔鬼地帶 VOL.81 ~~~CLOSED~~~ Busconcamp 球會討論區 1001 07-12-13 03:15 AM
曼聯躉紅魔鬼地帶 VOL.73 ~~~CLOSED~~~ Busconcamp 球會討論區 1040 03-05-12 02:03 AM


現在的時間是 05:55 AM


手機版 | APP版
Powered by vBulletin® 版本 3.8.3
版權所有 ©2000 - 2024,Jelsoft Enterprises Ltd. map
Games Animation Forum