02-17-11, 12:52 AM | #1 |
Senior Gamer
註冊日期: Oct 2010
文章: 107
|
Comic World 31同人誌即賣會感想
同人誌即賣會Comic World今次係第三十一屆、在剛剛的星期日(2月13日)舉辦完畢。當日天氣又寒又凍又落雨、其實我都真係起初都唔多想晨咁早起身、但係每屆都去的話都已變成習慣了、結果在德福食完早餐後就到場買飛呢! 場刊之外仲有個月曆送。 今次排隊方面算係真係德政了、唔駛在場外冒住風吹雨打可以在室內坐慢慢等。場內都有不少國內的同好一齊排隊呢、當然在等的一兩個小時入面、多數人都係閒聊、打機、玩電腦、card game等等、當然亦有不少入場者已聚精會神地睇住本場刊準備吼實心頭好到時入場購買。等我打開本場刊先、估唔到今次小弟的看板娘MARY CHAN係入面都有對白講下噃。 (MARY姐一路眠緊一路流住口水講關於違禁東西的對白、哈哈、唔知當時佢係諗緊乜呢?........) 去到約十一點九到終於可分批入場、小弟都係在等候區坐了兩個小時到就入到場內呢、今次算快啦、至少之前有得坐低嘛。 今次分了地下及三樓兩個同人漫畫的展覽及發售廳。地下的一層係賣男性向市場的同人漫畫之場所。 除了檔口外還有一些賣動漫Figure、日本同人商品等等的大檔口呢。 而三樓就是賣女性向市場的同人漫畫之場所。 當然每次去到都一家會拜會Lapus同人團體的Chiya大師呢、油畫風的同人本子都很受讀者歡迎啦。 女性向的本子小弟較少睇、始終小弟都係男子。故此難以詳述當日三樓的同人本子。不過當日人流計就三樓多過地下、而且頗迫有點兒焗促、購買的人以女性佔多數、相比而言一樓人流冇咁厲害、反而購買的人之中的男女比例冇太大明顯分別、等別係一些一般向的同人漫畫都受男女歡迎。 而在一樓亦有不同的展覽、如之前的動漫人物實體化比賽的作品及一些本地創作等等。 當然亦有全球同人畫展呢... 當然畫展內的圖畫係世界各地的同人畫師的作品、為了尊重版權小弟就冇影下其他的作品、不過本地外地的作品都真係好出色、小弟都觀賞良久才離開。不過入面一些作品就現在公開出來都冇乜所謂呢...因為係用<共享創意 署名-非商業性 3.0 香港 授權條款>發放。...係小弟的參加的作品呢、雖然多張都未能成為封面但希望大家都喜歡啦。 當日場內有很多不同種類的同人精品及漫畫、題材廣泛亦有唔少係近期大熱的動漫作品的同人作。在排隊方面有唔少的檔口都大排長龍呢... 如ColorprisM及Snow Factory之檔口見到的Q版畫風確是得意及柔和、萌系畫風中亦帶了浪漫感。 而FINGER AND FISH同人團的作品也排了不少FANS、以柔和風的東方本子為主呢。 當然一些大的同人團體如黑蛛白蛛等等都係每次的熱門檔口。 當然以當日排隊人數的鼎盛程度而言、風林火山團體的本子確是排足幾十人輪侯、小弟當然係買唔到佢地的本子 相信當日有入過去地下一層的朋友都會見到呢個牌。呢個牌都係5點先至可以放得影得到...之前係排緊隊的人拿住的... (在此鳴謝以上的團體容許拍攝檔內物品呢^_^) 當然其他的同人檔口都好多野賣、冇乜可能影得哂呢、而場內亦有好多表演、歌舞、攪笑短劇為主、台上表演者非常用功及見得到練習有素、而且見得到他們表演時的落力及心思、如果冇下過苦功或沒有表演的熱愛的話絕對冇可能做得到、在此真係值得為他們的努力拍掌鼓勵。 當然個日行到下午五點、行到腳都軟。買的物品亦比上幾次多... 在ColorprisM買的Q版杯子及杯墊等等、特別係個杯墊色彩熱鬧 在White Canvas買到的門牌、對初音作品喜歡的人而言都會覺得得意呢 今年亦興一些自畫的Folder插畫等等、左面的初音東洋風Folder亦有另一番綺麗感 之前的FINGER AND FISH本子亦都買下了... 風林火山本子賣哂、只好得到這個月曆呢 而內地同人團體右手定則的兔年同人繪本就夠應節了、由多位畫師完成的畫集各有不同風格、特別喜歡封面的一張呢、創作上花了不少心思... 總括而言今次活動分兩層頗能分隔人流、相比而言以往較用一個大HALL為好、最緊要就係開場前的排隊人龍可以在室內等候、的確是德政來。在室外好天曬落雨淋確是苦了排隊人士、特別在夏天、希望下次的活動亦可採用今次的方法呢。 最後一題、下次CW又分兩天、仲要分兩個HALL、未知到時的熱鬧程度會如何呢?這點小弟都難以下定論呢... |
02-21-11, 10:00 AM | #2 |
Crazy Gamer
單細胞
註冊日期: Oct 2005
文章: 1,174
jos_lau joslau
|
買好多o野 @@
我淨係買o左呢o的 有o的唔係CWHK買 另外....九展大部份地方都好暗 冇大閃大光圈好難影cosplayer.... 搞到完全無影過cosplayer 點解o的cosplayer會o係o的咁影o既地方影相....俾人影出o黎都唔靚啦 |
02-28-11, 09:03 PM | #3 |
Senior Gamer
註冊日期: Oct 2010
文章: 107
|
|
|
相似的主題 | ||||
主題 | 主題作者 | 版面 | 回覆 | 最後發表 |
[分享][貼圖] Comic World 24的Cosplay照片 (共223張) - Part 1 | riceking | Cosplay同人MIX討論區 | 4 | 08-29-07 01:02 AM |
[分享][貼圖] Comic World 24的Cosplay照片 (共223張) - Part 3 | riceking | Cosplay同人MIX討論區 | 3 | 08-28-07 10:29 AM |
[分享][貼圖] Comic World 24的Cosplay照片 (共223張) - Part 2 | riceking | Cosplay同人MIX討論區 | 3 | 08-28-07 10:28 AM |
[分享] Comic World 23的Cosplay照片 (共237張) | riceking | Cosplay同人MIX討論區 | 17 | 03-13-07 07:08 AM |
Comic World香港17詳情: | S.T.A.R.S. | Cosplay同人MIX討論區 | 52 | 02-13-04 11:11 AM |