人蠢=唔配有愛情?

[ChunChiG]

作者: 麥C

唔係配唔配問題
樓主你話自己朋友都唔多的話
咁樓主你唔好諗拍拖住
你去建立返個社交圈子識多d人先

我都係咁話
首要係要埋堆
等d朋友幫樓主洗洗"灰"

配唔配個D
係多餘ge 諗法

任何人都可以有愛情
只係樓主未遇到0岩個個je

[Designer]

命裡有時終須有，命裡無時莫強求 有啲人唔結婚輕鬆又快樂，有啲人結咗婚壓力大辛苦，即是隨遇而安囉

作者: Home

我指既蠢既意思係腦筋思考比較慢,反應同學習能力比一般人差,直接D講就係智商較低...

我就係果種人...一直只靠「勤力」兩字生存,做簡單既工作...
响人地眼中,人地既對我既評價正面既就勤力,聽話;
負面既就蠢鈍,完全唔駛變通...

出街果陣我見到唔少情侶一齊我非常羨慕,希望有一日好似佢地咁
曾經有嘗試過改變自己, 訓練溝通技巧來結識異性,但效果麻麻
(個腦跟唔上,唔好話一般交談,就連稍為複雜既句子都要諗一陣先講到出...仲要斷斷續續咁)

唔好話女朋友,連普通朋友都唔多個...
一直都想辦法改變自己...但越係諗辦法就越諗越灰,連自信都無埋...
唔通蠢人就有拖拍=「你都係算吧啦」,拍咩拖吖,一個人過世啦...?

[真!DC]

作者: Middle

唔係架，而家有好多人都怕做怕學唔肯捱，
基本上我都算係其中一份子

有時女仔唔怕你窮，
就只怕你無志氣

我就係果d但求有份工餓唔死,
唔想高職(職位越高, 責任越大)ge人

[Home]

作者: 斯羅少尉

其實樓主都同小弟差唔多....
你首先要隱短揚長....建立自信先
你至碼識話你夠勤力呀, 我感覺得你對自己仲有點肯定......
只係守株待兔同埋灰都冇用
一般女人鐘意有自信....唔係要[臭]事事問,要人照顧既小朋友
THAT'S ALL FROM MY BOSS.....加油

唔知道左邊段時間開始
我覺得寧願比人鬧我懶都好過比人讚我勤力

作者: 九里貓

你睇下新界d牛都好勤力,聽話.
得勤力冇用的,轉數唔夠快都係唔掂

開頭出來做野都抱住「天生我才必有用」既精神做人
但後來覺得你果段說話講得一D都無錯
曾經都有同事話我咁勤力係無用...

作者: Deviantnip

優點呢D野
好多時唔係自己覺得
而係其他人眼中睇到的

起碼你肯正視自己
唔會好似D人唔識又扮叻個種

同埋.你想過搵辦法改變.咁你有無實踐過任何方法?

我反而羨慕果種唔識又响度扮叻果種人
可能因為要維持自信既方式掛,最起碼睇起上來無咁頹...
我都有諗過如何多D溝通,但因為腦筋慢既關係咁係講講下「Dead Air」就「九唔搭八」,
比人既印象既一個智力障礙既形象...

可能其他人覺得我無乜溝通上既問題
可能因為响 Forum 上並唔需要响一般面對面溝通上既即問即答既反應掛...
我回親文都需要諗好耐先得...

事實上唔知點解,我硬係想諗野正面D,令自己自信D就越諗越頹

[雷火武]

如果你平時有時間既話
不如買D書睇下.
我前排都買左D書係講同人溝通方面既野
或者你買D自己有興趣既書都好

我覺得睇多D書會對你有幫助

[綾小路雷太]

樓主
識多ｄ朋友，見多ｄ世面
認清自己長短處，諗諗自己想要乜同埋自己容易吸引邊類型既人
慢慢你就會到步架啦

定ｄ黎喎，你至少有憂慮，只要不過份，過會成為你向前走的原動力

加油好了

ｐｓ想識多ｄ人，下次黎情版聚咪得囉

[藍莓咖啡]

我都曾經睇過一大堆教人點同人相處的書
係幾有用的 所以我都建議樓主去圖書館借就好

有時唔好不斷諗住自己點差或者要點樣進步
試下得閒玩下d智力遊戲 例如數獨、方塊遊戲等等
不但可以抒緩一下 仲可以增強思考技能
如果覺得難的就一直玩最簡單的級數玩到升級為止
市面有好多遊戲可供選擇 總有一款適合樓主

[半熟蕃茄]

其實蠢．．．都無乜大不了(程度又有深淺，係霍金面前，我相信好多人都叫蠢吧)
我覺得有應付到日常生活的智力已經足夠
另外有人話呢d又可叫純真．．．都好大吸引力(雖然係女仔黎講會大好多)
如果對象都係純純的，會變成安全感(起碼一腳兩三船機會少好多吧)
朋友方面，用心去比人見到你肯真心幫人，做好自己本份，我相信唔會無朋友的（最緊要志同道合，不要刻意搵酒肉朋友）

[Home]

作者: frankieccc

其實蠢．．．都無乜大不了(程度又有深淺，係霍金面前，我相信好多人都叫蠢吧)
我覺得有應付到日常生活的智力已經足夠
另外有人話呢d又可叫純真．．．都好大吸引力(雖然係女仔黎講會大好多)
如果對象都係純純的，會變成安全感(起碼一腳兩三船機會少好多吧)
朋友方面，用心去比人見到你肯真心幫人，做好自己本份，我相信唔會無朋友的（最緊要志同道合，不要刻意搵酒肉朋友）

純真得人鍾意?
如果係女仔我都咁認為
男仔?
唔比人愚弄,欺騙同恥笑已經可以劏雞還神
我始終覺得蠢女好過蠢男...


睇書練習同人相處方面
我之前都間唔中有睇
都算有 D 幫助,但就諗野越諗越偏激, 變得好似個憤青咁

[Middle]

作者: Home

睇書練習同人相處方面
我之前都間唔中有睇
都算有 D 幫助,但就諗野越諗越偏激, 變得好似個憤青咁

覺得真係試下識多d 唔同o既朋友、令眼界思想更廣闊，
明白有時一鑽左牛角尖就好難返轉頭，
但決心原來亦相當重要，下決心要自己變好係變好o既首要一步。
之前講志氣，其實又唔係真係要係d 咩成就，
但始終俾自己有一個目標去慢慢同不斷達成，
除左心態會無咁灰之外，個人望落都醒神吸引d