[PS4] The Last of Us Part II︱已售

[leungky1]

作者: Sito

進一步打壓玩家評分？

啲利益媒體見班玩家炒唔到佢地
就幼稚地標籤之前開局俾低分嘅人都係「瘋狂」同「不負責任」了
諷刺嘅係對馬戰鬼同紙片瑪利歐嘅討論都好健康

呢隻野，Game of the Year時再見了
由手機版發出

[ben_fung924]

買左返黎仲未開始打~想問普通版果code彈藥升級同訓練手冊對裡面有冇影響(因想衝白金)

[hlcw99]

作者: ben_fung924

買左返黎仲未開始打~想問普通版果code彈藥升級同訓練手冊對裡面有冇影響(因想衝白金)

冇影響, 個CODE好似只係一開始就俾左第1本訓練手冊

另外, 白金唔難, 但應該點都要打2周......

[豪傑公子]

對馬戰鬼開箱影片（冇post錯板）:
https://m.youtube.com/watch?v=KX7bpDH6QwU

[風間鈴木仁]

https://www.hkgnews.com/47693/

雖然《The Last of Us Part 2》銷量狂升但總監表示：我不在乎儘管《The Last of Us Part 2》已經成為了SONY歷史上銷售最快的第一方獨占遊戲作品，不過遊戲總監Neil Druckmann在接受采訪時表示，他並不在於遊戲的銷量：“我不在乎（I don’ t care）。

[大懶財]

作者: 豪傑公子

對馬戰鬼開箱影片（冇post錯板）:
https://m.youtube.com/watch?v=KX7bpDH6QwU

有個評論
10/10/10/10 - ign


笑左

[billlam]

斷斷續續打咗三個禮拜終於有時間爆機了, 由當初話有劇透開始我就唔再睇相關既POST同資訊, 目的就係想用自己第一身角度感受隻GAME, 到爆機後睇返啲評論, 當中劇情鋪排嘅缺點都已有公論, 而就咁睇極負面既意見還係主流, 當然對劇情好惡與否相當個人, 但當中有部分意見真係接近無的放矢, 充滿偏見(居然可以鬧JESSE同ELLIE講笑係歧視亞洲人同雙重標準...)

所以都忍唔住想分享下自己睇法.

首先我個人仲係堅持遊戲就一定親身玩過先評比較可靠, 唔係話資格論物物物, 而係遊戲當中嘅互動性, 對你嘅代入感係有極強嘅影響. 道理好似我細膽唔敢打恐怖GAME要上網睇人打, 但其實我只能片面地感受隻GAME既恐怖精髓一樣吧?

整體黎講, 我整合外界咁多人唔滿意個劇情, 主因相信都係投入唔到, 一方面我會歸咎係依家多左人睇左當打左而影響體驗, 另一個主因都只能話係由於今集決定探討復仇為題材, 而以咁沉重嘅主題為主軸, 但當中係鋪排呢種復仇張力時又著墨唔夠, 的確太容易令人係正反衝突中迷失. 而另一點係ELLIE轉ABBY線時過份突兀, 要人一下只抽離一個熟悉嘅角色再投入另一個全新角色, 感覺奇怪亦可話係必然.

雖然係存在住咁明顯嘅問題, 但要講到隻game完全係垃圾, 劇情鋪排一文不值, 設定完全唔合理, 咁以我個人感受而言又絕對唔係. 首先無可否認, 劇本本身有一個完整結構, 當中亦有細節交代人物故事發展, 再論畫面︑戰鬥系統︑場景設計︑交代手法等, 都可話係ND歷年來最成熟既頂級作品. 由當中戰鬥系統嘅改進, 新增嘅場景敵人, 到加入以往缺乏嘅BOSS戰, 都令人係故事同遊玩之中取得一個令人滿意嘅平衡. 唔會話係驚天動地嘅改進, 但當中所花既心思, 應值得肯定.

再講LOU之所以成功, 有賴於細膩既人物刻畫︑故事鋪排, 令玩家能完全沉醉於角色之中, 一齊經歷一個故事. 而依啲表現手法, 多數只會出現在獨立小品製作中. 如出現在AAA制作中, 難免畀人一種驚為天人嘅感覺, 而LOU2亦有承繼依份感覺, 所以在依層意義下, 在AAA大作範疇下取得高評分, 其實我可以理解, 唔一定話係做假~


我就試下就著SJW同劇情呢兩個最有爭議性嘅主題分享下我自己嘅感受, 當係負評中另一個角度睇呢隻GAME


SJW


可能我對SJW呢個議題過份無知都未定, 但我總覺好多話隻GAME係為SJW服務既評論其實都無足夠論據既, 我本身就對SJW議題無特別認知, 係網上睇過下啲基本資料後, 我自己會定義SJW為係指一些過分提倡平權, 對少數族裔或非主流少眾身份認同過份敏感既人.

而由呢個角度出發, 我又真係唔係好感受到遊戲內容過分強調SJW, 首先如果強調SJW, 啲少數族裔應該唔會咁易死㗎, 但故事中既少數族裔都一樣係咁死. 如果話鼓吹女性獨立自主, 唔需要男人支持, 咁猩猩女ABBY應該傾向唔會對OWEN念念不忘, 又妒忌大肚MEL咁婆媽啦? 我理解SJW應唔會容忍描寫弱勢一方做啲負面嘢? 但今集故事主旨係復仇, 殺人就一定啦, 有時重要殺啲投咗降既人, 咁又好似唔太正面?

我就認為可能要分開Social Justice (SJ-相對正面) 同Social Justice Warrior (SJW-相對負面)

LOU2係選角上明顯係有強調多元性既Social Justice, 但又未去到SJW. 其實如此選角又的而且確令人印象深刻, 符合LOU係表達方面尋求突破既傳統. 反正係著重真實同殘酷現實既背景下, 主角是否美型我個人就唔會太注重了~

咁再睇選角偏重女性, 係咪令到人物設計好違和同不合情理. 首先設定上ABBY係ELLIE嘅一個鏡像, 係故事衝突嘅來源, ELLIE身為女性咁ABBY設定上係女都可以話順利成章, 而ELLIE同ABBY係咪一定要設定到咁男性向呢? 嗱我就咁睇, 由第1集DLC中已為ELLIE係同性戀埋咗伏筆, 佢變得男性向都係可以預期的, 而ABBY係回憶中都有交代佢本身係一個正常青春期少女, 最後為報父仇唔要愛情而改造自己成隻猩猩咁, 咁其實都幾有戲劇效果同可歌可泣~
再講, 如果係設定ABBY係男性嘅話, 咁OWEN同MEL嘅關係又要設定成咩性別好呢? 最後可能都要畀人鬧SJW?

而YARA同LEV兩姐妹, 係設定為喚醒ABBY良知既存在, 角色設定上其實只要能比人一種需要保護既感覺就足以滿足劇情了(其實咁應該都要比真SJW鬧性別種族定型啦?), LEV係咩性別, 因咩事剃光頭同畀人追殺, 其實說得通就可以了, 對我而言故事中依部分劇情都足夠合理的.

講到尾, 由始至終我都很少受角色既性別︑種族︑性取向等特徵困擾, 反正故事講既係人性, 我著重既係角色性格行為要有合理既設定︑解釋同鋪排. 當你無先入為認定每個角色背後都代表某種平權, 咁其實好多角色行為都唔代表的咩~

如果要話角色困擾到我的話, 都只係在兩主角對決時感到過痛苦難過唔舒服, 一方面我相信因我身為男性, 係傳統意識形態下我唔想打爆女人, 但最重要係我已對ELLIE同ABBY角色投入左感情, 完全唔想見到佢地互相殘殺, 但這係關乎劇情編排, 而我亦相信編劇係有目的咁要你感覺如此. 當然技巧上可以做好啲, 少啲令人反感. 但最終結局我係相當認同的~ 依個會轉頭再講.


劇情

我見好多人都話比ND欺騙入場, 但我記得由第一個trailer開始, ELLIE唱嗰首歌啲歌詞入面, 都已表明當明知係錯都要復仇咁上下, 之後啲文宣好似都係咁樣宣傳? 到遊戲真係出嗰時封面都係表明要殺人全家, 咁都會誤會劇情會跟上一集?

無論點~ 先講下我對劇情主題嘅理解. 由標題畫面開始, 會見到一隻船浮喺水面上, 到你爆機後你會見到潮水退去望到遠方嘅風景. 我諗依個已好明顯咁説明左主題 - 潮水隱喻為仇恨, 當潮水高漲時, 你只盲目地只能看到眼前嘅水, 而望唔到前路. 到你跟主角們經歷一切, 致令潮水退去時, 你才豁然開朗看到美好.

由此路進, 兩個主角ELLIE同ABBY開始時內心都係充滿仇恨, 從而激發故事. 而故事目並唔係要講誰對誰錯, 只係藉著復仇依個行為表明一個無奈循環, 唯有放棄仇恨才能找到救贖.


咁了解左故事大綱同主調, 就要睇返主要人物推展係咪配合到劇情發展啦

JOEL

我個人覺得JOEL係今集劇情安排可謂恰到好處, 為發展主題, 就要引發ELLIE內心最深既仇恨, JOE可謂必須死. 由安排ABBY同JOE相遇, 到ABBY兇殘咁下殺手救過佢一命既JOEL(呼應返主題潮漲時的盲目), 全程可為一氣呵成又能緊扣故事推演. 到之後回憶片段中出現既JOEL都為佢個角色再次升華. 所以我完全唔認為JOEL嘅死係有人話咁無意義.


ELLIE

我認為ELLIE既故事線係今集既敗筆, 由其係遊戲上半部時, 我好多時都唔能夠切實咁感覺到ELLIE心中既仇恨, 只簡單咁用JOEL既死去支撐依份恨意, 如故事早期都可以加多一些遊戲下半部出現既惡夢flashback, 暗示ELLIE內心重大困擾, 甚至可以描繪ELLIE有啲精神失常, 咁佢在劇情中明明應該收手但都堅持要搵ABBY時, 就有說服力好多了~

當然咁又唔代表係描寫ELLIE角色方面完全無下過功夫, 由回憶描繪中可見, ELLIE同JOEL嘅關係, 有著微妙嘅變化而有所隔膜. 相信一方面係ELLIE到了青春反叛期, 一方係摸索自身性取向方面的尷尬. 而JOEL顯示出嚟嘅包容, 同不斷希望接觸同理解(如教彈結他), 令雙方關係更為立體 ,的確有著畫龍點睛既作用.

而故事亦有交代ELLIE知自己間接係FIREFLIES解散嘅原兇, 都知因此助長WLF等組織既發展(結果又因此有戰爭). 在遷怒於JOEL唔比自己決擇嘅憤怒背後, ELLIE當然知道係因為JOEL愛自己, 到故事最後由回憶中既JOEL再親口講多次... 嘩~ 如你能投入劇情, 你冇可能唔感動掛~

而ELLIE對其他角的表演可為中規中矩, 基本都係情理之中, 至於有話最終放ABBY走意義不明, 我留係講結局再講.


ABBY

除咗一開始突然轉到ABBY線要啲時間適應之外, 其實我最鍾意就係ABBY呢條故事線, 因為全新角色,背景又簡單直接, 好快就可投入佢個經歷入面, 呢個故事線中有新角色︑新場景︑新敵人︑又有BOSS戰,玩起上嚟其實相當有新鮮感. 你可好明確咁期待故事發展最終點收科. 而ABBY本身嘅性格同其他隊友嘅關係, 基本上都清清楚楚, 簡單易明, 唔會好似ELLIE咁多內心包袱矛盾. 對YARA同LEV的情感發展單純及容易得多. 而ABBY身為ELLIE衝突既對象, 到故事尾互相傷害時我其實希望用過場動畫帶過. 但如以遊玩性黎講, 同ELLIE對戰其實某程度上算係突破嘅...



結局

講結局之前, 我其實成日諗個源起, 為物係要玩復仇依個主題?
JOEL為愛可狠下殺手, 因愛之名可做最邪惡嘅事, 大家眼中既HAPPY ENDING, 其實可以係建基於其他人既痛苦上面. 最終立場或許都無關宏旨, 因為每個人都有佢所愛惜既人, 愛恨本為一體, 最終都只是個解不開開既輪迴.

而係復仇輪迴當中, ABBY因有著既新同伴及抱有回歸FIREFLIES重建未來既希冀而脫離輪迴, ELLIE能最終回想返JOEL的愛而放棄恨. 兩人都曾被潮水淹沒, 直到各自都失去大部分寶貴嘅人同事後, 潮水終於退卻, 在清晰嘅視線野中重新出發...

依個就係我理解既LOU2~


再講多少少, 其實到JJ BB時我會覺得如果就咁完就真係幾無聊. 結果好彩真係另有發展黎ROUNDUP返個故事. ELLIE恐慌症發作, 同佢筆記詩詞中, 都表明佢重未放得低, 條頸好似比無形既繩吊住. 由此反映佢精神層面既唔穩定. ELLIE自己都唔知可以點, DINA既包容都無補於事. ELLIE可能直覺咁認為ABBY重在生係原因之一, 佢潛意識或許相信JOEL都想ELLIE幫佢報仇.

到ELLIE筋疲力盡咁揾到ABBY, 而ABBY都亦唔係當年既猩猩王了, 復仇又好像變得冇必要. 但ELLIE潛意識鬼魂般既JOEL又在腦中閃過, ELLIE又本能地自覺要復仇了.

去到依到, 如你同我一樣係最後關頭心裡有求神拜佛希望ELLIE放手如同當初ABBY可殺ELLIE時一樣. 咁LOU2算係成功了, 如不就當係失敗吧~

最後ELLIE失去手指, 唔可能再如當初咁彈結他, 失去佢對JOEL既聯繫. 依個可能就係清醒嘅代價? 失去對舊愛既連繫, 或許亦能減少心中嘅恨吧~

[歌絲˙暮斯]

Deleted

[X&Y]

其實依家只剩下主流大MEDIA同ND自己先會將所有唔鍾意隻game既人都燒/屈晒落SJW議題度
(如Forbes 厘兩日講對馬島玩家評價極好評篇文都仲係講緊玩家差評tlou2只有單一原因:SJW)

SJW要素只係背景原因(Anita Sarkeesian同Neil D.既好友關係, 同NEIL D多次支持Anita Sarkeesian既言論)
同佢地自tlou1後多次公開批判遊戲父權問題同女性角色設計
最多係厘d背景原因令到我地諗joel 會唔會係因為咁先至死得同第一集既佢咁唔一致同咁肉酸

edited, 其餘個D唔講了del算, 只講SJW, 不過我相信大家評價差都唔係因為SJW而係好多其他原因

[DevilElvis]

劇情就係咁垃圾講完，寫論文唔代表你講得好好聽。

從由第一集冇Boss戰？你自己打多次先啦

[歌絲˙暮斯]

又唔係要食過屎先知屎臭既。完



講 Lev 我諗起 Catherine 都有個人妖 Erica

設定上佢係 Trans，原名叫 Eric

劇情上其實係無直接表達佢係 trans

全部只係用對白黎暗示佢原本係男人

雖然我都唔太明點解要咁玩呢個設定，但起碼我唔會覺得唐突

一來 Altus 呢 team 人一直都中意玩呢 d 野

二來 Catherine 本身個 tone 係黑色幽默

三來 呢隻 game 堅係探討男女愛情&婚姻呢 d 主題

Lev 點解要咁玩，對個劇情&世界觀有乜作用，我就堅唔明囉
由手機版發出

[真!DC]

冇玩第二集
不過第一集算叫有boss戰feel既都係得狙擊手，肥仔感染者初登場同peter
其他高潮位戰都係打一堆卒
由手機版發出

[billlam]

作者: DevilElvis

劇情就係咁垃圾講完，寫論文唔代表你講得好好聽。

從由第一集冇Boss戰？你自己打多次先啦

自問語言能力有限, 不知不覺寫咁多係因為真的感到隻GAME劇情上係有啲內涵, 唔係一文不值
當然依啲只係我個人觀點, 純粹個人抒發分享

LOU既BOSS戰比較像中埸小BOSS水平, 2真係加左一個獨立設計既RAT KING.
總體都可話加強左BOSS戰既質同量吧~

[billlam]

作者: 歌絲˙暮斯

又唔係要食過屎先知屎臭既。完



講 Lev 我諗起 Catherine 都有個人妖 Erica

設定上佢係 Trans，原名叫 Eric

劇情上其實係無直接表達佢係 trans

全部只係用對白黎暗示佢原本係男人

雖然我都唔太明點解要咁玩呢個設定，但起碼我唔會覺得唐突

一來 Altus 呢 team 人一直都中意玩呢 d 野

二來 Catherine 本身個 tone 係黑色幽默

三來 呢隻 game 堅係探討男女愛情&婚姻呢 d 主題

Lev 點解要咁玩，對個劇情&世界觀有乜作用，我就堅唔明囉
由手機版發出

其實又係觀點與角度, 你覺唐突但我又真係無感~
重點係編劇上可吾可以自圓其說, NEIL佢鍾意多元無問題, 合理就可以了. 正如我上面講過, 至少我無係GAME入面因此而覺得突兀.

當然要玩啲咁沉重嘅主題(係表達技巧上又有明顯瑕疵), 再加上非主流既選角, 係難啲入口. 但又話說回頭, 無NEIL佢呢啲咁嘅人, 一開始就唔會有LOU吧?

再講, 其實我都討厭SJW, 睇Stand-Up Comedy都成日笑9佢地, 但我又唔會將所平權既嘢都當成負面. 但無計, 依家潮流風氣都係奇奇怪怪, 成日非黑即白~

[Marco]

我只係覺得，一隻以劇本driven嘅遊戲，劇整寫得凌亂或者唔合理，就算GAMEPLAY幾好都無用
或者作為GAMEPLAY，遊戲本身有佢嘅價值喺度，但故事不論發展，節奏，角色刻劃，設定等都存在好多嚴重嘅問題
我自己就覺得同其他Youtuber嘅感覺一樣，作為遊戲或者獨立睇遊戲本身嘅可玩性佢或者OK
但對於經歷過第一集嘅朋友嚟講，要接受第2集咁嘅轉折劇情，真係慘過食屎
至於JOEL嘅死，我真心接受唔到喬爾夫球囉
唔係話唔可以死，但係作為主角，咁樣死係咪有啲講唔通？

不過我都明白嘅，當FF15都俾人捧為神作嘅時候⋯⋯

[GP03D]

其實重點係NEIL既反應,如果唔係唔會咁炎上

我都覺係故事表達得順係冇問題,主角死冇問題,但係JOEL2兄弟冇啦啦入個密室自報名字真係完全講唔通...
....
最尾ELLIE唔殺又係搞笑,要唔殺都講佢見到猩猩已經就死,得到報應,救左中性童走左就算,已家手指都比人咬埋跟住唔殺,真係講到過左火...

GAMEPLAY方面我覺得第1集唔錯既,但係第2集係完全一樣,竟然完全冇新野....好失望,仲要冇ONLINE...唔收貨

[歌絲˙暮斯]

作者: billlam

其實又係觀點與角度, 你覺唐突但我又真係無感~
重點係編劇上可吾可以自圓其說, NEIL佢鍾意多元無問題, 合理就可以了. 正如我上面講過, 至少我無係GAME入面因此而覺得突兀.

當然要玩啲咁沉重嘅主題(係表達技巧上又有明顯瑕疵), 再加上非主流既選角, 係難啲入口. 但又話說回頭, 無NEIL佢呢啲咁嘅人, 一開始就唔會有LOU吧?

再講, 其實我都討厭SJW, 睇Stand-Up Comedy都成日笑9佢地, 但我又唔會將所平權既嘢都當成負面. 但無計, 依家潮流風氣都係奇奇怪怪, 成日非黑即白~

咁你可唔可以解釋下，Lev 呢個雌雄同體 twist 對隻 game 既劇情、世界觀、Manny Druckmann 想表達既野有乜幫助或作用？

>>無NEIL佢呢啲咁嘅人, 一開始就唔會有LOU吧?

Last of us 原先既劇情 Manny Druckmann 係寫 Joel 同 Tess 互片，即係好似 2 咁，之後俾其他 staff 改成我地玩到既 Last of us。

然後佢逼走唔岩 key 既人，坐正就做到 1 既 DLC 同 Uncharted 4 咁既死樣。

1 既成功只係偶爾。
由手機版發出

[billlam]

作者: 歌絲˙暮斯

咁你可唔可以解釋下，Lev 呢個雌雄同體 twist 對隻 game 既劇情、世界觀、Manny Druckmann 想表達既野有乜幫助或作用？

其實根本唔需要我去解釋, 因角色點設計, 劇本點寫, 係導演編劇等開發者既事.
我身為玩家都只可去感受同分析. 正如我之前所講, NEIL鍾意點都好, 個故事出到嚟要有鋪排, 要有交代, 發展要合乎邏輯. 我對呢方面係抱著正面感覺嘅.

LEV係跨性別又如何? 我覺佢係喺故事中想當討好(強悍, 幽默, 有道德感), 令ABBY劇情線生色不少啊. 我又想反問, 咁到底LEV個設定對劇情及世界觀又有幾唔夾呢?

當然再進一步, 你話如果ABBY LEV等角色設定大眾化一啲, 令人更容易接受, 可能會更好.
咁依個係開發方嘅決定, 係好係壞都要由佢哋自己承擔. (我只可以話, 當題材已經咁黑暗,可以犯錯既空間其實已經好少...)
我諗角色設定合唔合理, 同你鍾唔鍾意個角色, 係兩樣嘢嚟. 我個人真係唔認同喺角色設計上出咗大問題

作者: 歌絲˙暮斯

Last of us 原先既劇情 Manny Druckmann 係寫 Joel 同 Tess 互片，即係好似 2 咁，之後俾其他 staff 改成我地玩到既 Last of us。

然後佢逼走唔岩 key 既人，坐正就做到 1 既 DLC 同 Uncharted 4 咁既死樣。

1 既成功只係偶爾。
由手機版發出

其實我都好好奇依啲說法係真定係流傳? 我WIKI都只見到1個結局原本係近似復仇(2主題既來源?). 未有真確定論我就唔估啦, 但你話NEIL受ANITA SARKEESIAN影響, 由1 DLC受好評而令2變成咁, 我係同意既. 但又係我之前既論調, 2係技巧同主題拿捏出問題, 而唔係好多人所話劇情發展完全唔合邏輯咁.

其實所有既成功都可以係偶爾, 但我會認為LOU2係有充分繼承1既DNA既, 而今集最大爭議係要表達恨而唔係愛咁解~


PS. 見你話ND係因NEIL先搞到咁重畫面無內涵, 其實ND身為SONY ICE TEAM核心成員, 重圖像技術就一定啦. 而由我所見, 反而係有NEIL開始(即LOU), ND先加重左人文同細緻既人物刻劃係GAME入面, 而且間接咁影響左SONY第一二方遊戲工作室往後設計既風格.

[jeffyen83]

孤芳自賞既人,通常都胸無點墨

[神名レオ]

謝樓上師兄四字成語
孤芳自賞，漢語成語，指自命清高，自我欣賞的人。
也指脫離群眾，自以為了不起。出自宋.張孝祥的《念奴嬌·過洞庭》。

講返隻game,好後悔一出即買
好後悔信網上啲打手話啲劇透係假
搞到遊玩過程中花式吃屎
沿途不停殺戮，不論男女大肚婆狗狗黑人白人黃種人
玩法單一，冇不殺選擇，全程殺殺殺唔係推唔到劇情
好嗱最後見到應該要殺嘅人，反而冇得殺
搞到爆機個刻，心情好似失戀咁樣
跟住行各大forum,見到仲有一堆人幫隻game洗白
例如：隻game唔好理劇情，根本神作
例如：你唔了解制作人嘅高深劇本，
再用千字文去講一啲根本隻game冇表達嘅腦補內容

搞到心情唔止失戀咁簡單，爭啲懷疑由細到大所學嘅道德論理喺咪全部都係錯
真係少啲意志都唔掂....
（好彩呢家玩緊對馬，成個人開心晒）

[X&Y]

咁Neil Druckmann 係有係個堆全部單一論調既媒體度講左N咁多個ellie同abby 點解咁點解咁既理由
但大部份佢腦補, game入面完全無線索

可能會有人睇晒所有親SIE既MEDIA既Neil D. 訪問腦補解說
而又完全無睇過劇透同玩家既劇透/非劇透討論, 跟住先去玩,
夾埋堆腦補解說入左腦其實可以話大部份情節突然合邏輯架
不過Joel 個part 點腦補都唔合邏輯

[maskrider]

退唔到錢嘅我用緩慢速度開始玩下佢，開到最低難度玩完就算，點知兩嘢就開始用大猩猩。。。

[歌絲˙暮斯]

唔知係咪發覺話「 gameplay 好玩」都兜唔返，護航仔開始用「述事手法差」黎兜

即係故事無問題丫，只係兩邊 timeline 亂插姐，只係一開頭整死 Joel 就令你唔開心姐

我想講呢，呢舊係屎，就點整都係屎

Ellie Abby 兩邊分開玩係屎

Ellie 地圖 double 玩夠你十個鐘，都係屎

甚至乎 Abby 部分齋睇完全唔洗玩，都係一舊屎
由手機版發出

[X&Y]

其實佢地述事都唔覺有問題
成個7月堆大media 一味係咁推崇隻game 極之有深度
一堆訪談係咁解話點解咁做
同埋倒返轉罵係批評既人膚淺唔識理解
令到我會諗寫game 評個啲一早收晒PR 既腦補解說先可以幾乎清一色10/10

[亍 ◣]

原來2000人製作....

https://www.ptt.cc/bbs/C_Chat/M.1595945699.A.AE7.html