[HKTV]有無人睇香港電視?

[12號四分衛]

本來好有興趣買選戰 Blu ray ，但見今集 Ending 兒戲地文字交代 同 已經第二擭 借行凶過橋然後當無事發生 , 都係睇定d ...

仲有個人覺得神曲呢家野，出得多會失效 ga

[Kinny Riddle]

現實世界嘅「振民黨」或者都會有一兩個張癸龍呢類身在曹營嘅人（至少早排喺FB嘅「公務員支持真普選」專頁曾經見過有「振民黨」黨員匿名拍自己嘅黨員卡去支持真普選）

但就諗極都唔覺得呢個現實版「振民黨」會出一個韋文軒咁嘅「叛徒」出嚟，重要係曾經做過行政會議要職。仲要走去娶「民自黨」創黨主席個女做老婆。可能故事入面嘅「民自黨」已經成為「建制」一部分，冇以前咁「親疏有別」。

（美國呢D民主國家就家常便飯，阿諾舒華辛力加係共和黨人，而老婆就係民主黨甘迺迪家族嘅大小姐）

我覺得韋文軒與其影射香港某政治人物，佢似馬来西亞反對派領袖安華多D。安華曾經係執政聯盟嘅政治新星，最高官位為副首相，之後同金融風暴後同執政聯盟反面，仲要被屈坐埋監。出獄後將反對黨派團結，08同13年大選將執政聯盟殺個片甲不留。如果執政聯盟唔係喺點票時出古惑，而家嘅馬来西亞首相可能係佢。韋文軒只係差在冇比人屈坐監。

現實會唔會有暗中幫韋文軒同葉晴嘅富豪卓天凡？唔知道，但我係相信好似佢咁被「阿爺」睇到實，身不由已想幫都唔比幫嘅有錢佬確實係存在。冇講香港，就算西歐嘅民主國家都會有唔少呢種人。

[C.Ryo]

婆媽劇十二

婆媽劇十二

大妹又要比二奶再搶走老公
瀟灑哥南下又打露營黨一把，二妺引郎入室，豹婆婆好爆
Hill同伊莎碑娜車上車輪戰又比二妹見到，二妹酒醉自己送上門比瀟灑

[kev00269270]

選戰

除左最後果十幾秒,都算幾好

不過最後都係變左外國模式既兩個大黨對決...
會唔會快D
香港應該頭2-3屆都仲會係(表面上)無黨派人士爭機會比較大

葉晴好似對佢老公點選特首一D都唔知...
然後咁性格應該輸硬...

來生不做人,TVB模式啟動,可以準備放棄

[KENSNAKE]

選戰 傻左？會唔會跳得太快，用一段文字去交代劇情？
咁同tbb成班人圍埋講劇情有乜分別？
明明節奏都幾好突然破壞佢……

[someday]

來生個頭本來開得好好, 講細個鄉間嘅事, 同兩姊妹嘅成長, 仲有分隔兩地嘅歷史文化同心態差異而造成嘅矛盾同衝突, 加上之前講埋佢地阿爸媽俾人批鬥而死嘅往事等, 講出左呢幾十年黎歷史嘅種種因素點樣殘害左幾代人。
配上主題曲講兩姊妹其實心底入面仍然好在意對方, 但就係因為各種各樣嘅矛盾而起爭執。

細妹雖然落到香港, 有機會受到好嘅教育同文化薰陶, 但由於要寄人籬下, 同埋無家人支持同教導, 造就左佢果種倔強、凡事只可以靠自己、高傲、求勝心強、對其他失敗者或者其他人缺乏同情心嘅性格。大妹雖然被迫留係鄉間, 無機會受好的教育, 又要照顧中風後嘅阿媽 (而被迫放棄落香港嘅機會同一段可能嘅感情), 但從中亦成就左佢果種關心其他人同愛護家人嘅品格 (例如儘管同細妹有爭執, 佢仍會留下細妹小時嘅畫冊, 多年後買房屋時亦考慮到細妹小時嘅願望而作決定)。

呢套初初嘅劇味甚至比選戰仲要好, 始終描寫 "人" 嘅故事會較生活化同容易有共鳴。而頭幾集著墨於描寫兩姊妹間嘅矛盾 (文化, 社會背景, 往事, 性格上) 係好好睇的, 無奈後期變左不停寫嘅乜野三角戀, 爭仔, 婚外情等等…真係好敗筆。

希望之後嘅走向唔好走火入魔, 成為另一套警界線吧。

[assy]

開頭開得幾好
中間開始已經無乜講大陸同香港人有咩分別...
包二奶、三角戀大部份講呢d
以為會講下住香港有幾差但完全無
係黎左個大陸上司但又無咩變化
希望到最尾會講返點解唔做香港人

[KTN]

港視警界線都係好頭衰尾
諗緊會唔會三連響都係咁(警/來/選)
中後睇到大家聲

套飄就最穩陣,睇左咁多集都好唔錯

[kin~kin]

作者: KENSNAKE

選戰 傻左？會唔會跳得太快，用一段文字去交代劇情？
咁同tbb成班人圍埋講劇情有乜分別？
明明節奏都幾好突然破壞佢……

呢段的確處理得非常差, 就咁用幾隻字交代d 咁重要0既情節, 擺到明係編劇唔夠力...
而且即使用段字就交代左, 都係唔make sense, 佢代表少壯派去選, 都唔代表今時今日個少壯派會支持/俾提名票佢(少壯派個領頭人有黑材料俾人威脅)...可能之後劇情會開始交代掛~

另一方面, 我覺得套劇對張癸龍呢個角色0既處理同描繪做得相當差, 人人對佢0既評價都好高, 講到佢好醒, 但實際上劇情0既發展根本睇唔到呢d野, 只係睇到佢不斷犯錯, 例如走去搵黑社會講數錄人音, 走去找宋漫山晦氣等等...呢d咁0既行為簡直係低能, 特別係後者, 現實生活佢做埋d咁0既野實會俾人拍到片, 到時仲大鑊

最後, 宋主席塊抹布真係好神, 應該係多啦A夢d法寶黎....

雖然都係有d唔對路0既位, 但整體都依然好好睇, 會繼續追...
佢地講到韋文軒咁神, 反而會對前傳有d期望...

[ALEX CHOW]

作者: KTN

港視警界線都係好頭衰尾
諗緊會唔會三連響都係咁(警/來/選)
中後睇到大家聲

套飄就最穩陣,睇左咁多集都好唔錯

飄會暫停一段時間

今集挑戰你哋睇左未

[拉辛斯基]

作者: HONDA

飄會暫停一段時間

今集挑戰你哋睇左未

火山好睇過黑洞


來生: 估唔到 美行 拍7年拖都未

[martinyau1979]

魔b爸b 係未做到60集完?
上網睇好似未完哂, 好似播到2012年, 漫畫都未完, 其實點解播播下停哂, 套嘢都幾好睇

[BOYBOYBOY]

作者: 拉辛斯基

火山好睇過黑洞


來生: 估唔到 美行 拍7年拖都未

呢個唔明?

[ALEX CHOW]

作者: 拉辛斯基

火山好睇過黑洞


來生: 估唔到 美行 拍7年拖都未

黑洞喺宇宙先有架喎

[qhxu]

作者: martinyau1979

魔b爸b 係未做到60集完?
上網睇好似未完哂, 好似播到2012年, 漫畫都未完, 其實點解播播下停哂, 套嘢都幾好睇

腰斬
少年jump既野冇人氣/賺唔到大錢，動畫就係咁先架啦
呢套野既銷量唔夠格令上面既人挖錢拍百幾集拍到結尾

[martinyau1979]

作者: qhxu

腰斬
少年jump既野冇人氣/賺唔到大錢，動畫就係咁先架啦
呢套野既銷量唔夠格令上面既人挖錢拍百幾集拍到結尾

呢套嘢幾好睇架wo, 咁都無人氣, 慘...................

唔通pretty cure 呢d 垃圾先有人睇

[KENSNAKE]

作者: martinyau1979

呢套嘢幾好睇架wo, 咁都無人氣, 慘...................

唔通pretty cure 呢d 垃圾先有人睇

pretty cure 有錢賺又唔駛俾版權.

[KENSNAKE]

作者: kin~kin

呢段的確處理得非常差, 就咁用幾隻字交代d 咁重要0既情節, 擺到明係編劇唔夠力...
而且即使用段字就交代左, 都係唔make sense, 佢代表少壯派去選, 都唔代表今時今日個少壯派會支持/俾提名票佢(少壯派個領頭人有黑材料俾人威脅)...可能之後劇情會開始交代掛~

另一方面, 我覺得套劇對張癸龍呢個角色0既處理同描繪做得相當差, 人人對佢0既評價都好高, 講到佢好醒, 但實際上劇情0既發展根本睇唔到呢d野, 只係睇到佢不斷犯錯, 例如走去搵黑社會講數錄人音, 走去找宋漫山晦氣等等...呢d咁0既行為簡直係低能, 特別係後者, 現實生活佢做埋d咁0既野實會俾人拍到片, 到時仲大鑊

最後, 宋主席塊抹布真係好神, 應該係多啦A夢d法寶黎....

雖然都係有d唔對路0既位, 但整體都依然好好睇, 會繼續追...
佢地講到韋文軒咁神, 反而會對前傳有d期望...

張癸龍 頭幾集計算好似好勁.其實只係設局裝到葉晴.

之後一次又一次都係自爆,劣勢中過關冇一次係用佢自己方法.劇情中睇唔到佢有過人之處.(係攪女多...)

宋漫山對張癸龍評價好正確.有小聰明的人一個.

[KTN]

因為係耶__? a

作者: 拉辛斯基

>SKIP<
來生: 估唔到 美行 拍7年拖都未

[kin~kin]

作者: KENSNAKE

張癸龍 頭幾集計算好似好勁.其實只係設局裝到葉晴.

之後一次又一次都係自爆,劣勢中過關冇一次係用佢自己方法.劇情中睇唔到佢有過人之處.(係攪女多...)

宋漫山對張癸龍評價好正確.有小聰明的人一個.

最惡攪其實就係宋漫山, 雖然佢睇死張癸龍, 但係當係佢坐正去選時其實佢第一時間想拉攏張癸龍的...只不過係唔成功咁解....

[qhxu]

過埋今日新一年，港視都唔搞D咩誇年特備節目

[W!LL]

作者: qhxu

過埋今日新一年，港視都唔搞D咩誇年特備節目

係咪好多男女主角級嘅藝員都完左約?
無錄影廠, 出去租場又俾show錢藝員

[IDGAF]

來生不做香港人 第14集
調景嶺篇,細妹阿嬸姣婆蓮呢個角色真係好得~!
"Pancy姐姐"演得好有個性,佢係大婆台只被安排做"放飯ICU"呢類兒童節目真係好浪費…

[KENSNAKE]

姣婆蓮可以演到咁討人厭係一種才能.
細妹寄人籬下係咪小時候俾姣婆蓮鬧得多有童年陰影.

[KENSNAKE]

來生要做香港人#15

一貫咸濕老闆劇情
十萬蚊去留學諗住讀幾耐
細妹未免太利害，冇人冇物冇地方住偷完錢冇俾人追數仲去到留學。

hill少粉紅色真係好核突