曼聯躉紅魔鬼地帶[VOL.98]

[Busconcamp]

瀟灑哥貝碧托夫憶述當年加盟曼聯的情況說：「當時費格遜爵士在駕駛而我坐在車箱後座，我的經理人接到電話說是曼城來電，曼城想羅致我。那是很突然又奇怪，但我斬釘截鐵的回覆我的經理人說不，我是要去曼聯的。」

「這是一個真實的故事，而同時帶點驚訝以及有趣，而最後我選擇曼聯，因為曼聯的所有東西，包括其歷史、（當時的）現役球員、甚至曼聯的會徽，這對我而言（選擇加盟曼聯）是個很容易的決定。」

[Busconcamp]

C7回歸,首場即梅開二度
F18曲墜靚波
連皇入球

FT:
曼4:1紐

[Busconcamp]

2021/22 英格蘭超級足球聯賽第四周 - 曼聯 VS 紐卡素
全場完，曼聯4:1紐卡素

上半場6分鐘對手左路試圖突破射門但射斜出界，曼聯亦有幾次嘗試攻門，依靠普巴及般奴嘅傳送製造機會於禁區內攻門，但威脅唔大，10分鐘C朗左路帶波扭過對手後落底線窄角度射斜出界。其後曼聯有幾次角球攻勢頗為有威脅，尤其陣中華拉尼、麥佳亞兩名中堅嘅頭鎚能力唔錯，其中19分鐘華拉尼頭鎚頂中可惜僅僅頂斜出界。31分鐘辛祖接應般奴橫傳中路但控得唔好被對手封阻成功。到補時46分鐘曼聯終於先開記錄，格連活特右邊輕輕一推後左腳勁射，對方門將未有接實之下由門前嘅C朗執雞射入，並以招牌式動作慶祝入球。

下半場55分鐘對手一次從右路後上切入禁區射破迪基亞十指關，追和比數至1比1。隨後紐卡素亦有繼續進攻，但曼聯係61分鐘再次領先至2比1，C朗左路後腳接應梳爾傳波後射門入網，第二次地標戰中梅開二度。比賽去到79分鐘，般奴接應普巴橫傳遠射入網再下一城至3比1，射得相當靚。尾段時間曼聯換入連加特及雲迪碧克，換出今場大有進步嘅辛祖等人，並係完場前91分鐘由連加特錦上添花至4比1。禁區內嘅馬斯亞漏俾連加特後第一時間起腳射入，最終曼聯以4比1大勝紐卡素。

[Busconcamp]

12年124日，C朗拿度再次為曼聯取得入球，第一球執雞表現到門前嘅觸覺，第二球接應梳爾傳送表現出技術。從來控嘅第一腳係最重要，順勢帶動個波向前就可以起腳射門，呢啲咪世界級囉
賽後實至名歸地成為MOTM

C朗拿度對紐卡素數據:
39次傳球成功
87%傳球成功率
1次創造機會
62次觸球
2次奪回球權
11次失去控權
3次傳球被封
6次攻門
2次中框
2入球
MOTM

[Busconcamp]

蘇斯克查談及球隊主射十二碼的問題：「我知道我要面對這個問題，我跟C朗和般奴他們二人討論過，我相信他們都擅長主射十二碼。他們會根據我們的討論和賽前的安排得出解決主射十二碼的答案。由誰主射最終將由我作出決定。當他們被要求主射十二碼時，他們只需一如既往的主持極刑。」

「我可委派C朗、般奴或拉舒福特主射十二碼，我信任我的球員於每次他們站出來射十二碼時都能射入。我們已經進行了對話，他們知道我的立場，他們知道如果我們獲得十二碼時，我將決定誰來主射。這不會造成問題。我們是為了一起取勝，這不是關於個人入球數字，這是作為團隊，所有決定都將是由我來作出。」

[Busconcamp]

雖然普巴踢防中總係令人戰戰兢兢，但同時間又為球隊貢獻2球助攻，令今季個人助攻數量達到7球

普巴對紐卡素數據:
90分鐘上陣時間
103次傳球成功
92%傳球成功率
3次創造機會
1次創造重大機會
125次觸球
6次奪回球權
14次失去控權
2次傳球被封
2次攔截成功
1次頭搥解圍
4次犯規
1次黃牌 ( 普巴無辜㗎 )
2助攻

[Busconcamp]

呢2年一直肩負起曼聯嘅進攻，响大師兄C朗回歸後終於可以放輕鬆一點。不過見到般奴今場有啲心急但仍然無阻般奴射出一球世界波嘅遠射，這就是般奴

般奴對紐卡素數據:
85分鐘上陣時間
46次傳球成功
82%傳球成功率
2次創造機會
1次創造重大機會
74次觸球
5次奪回球權
15次失去控權
5次傳球被封
2次攔截成功
1次犯規
1次被侵犯
5次攻門
1次中框
1入球

[Busconcamp]

最強7號！C朗相隔4507天再度幫曼聯進球　梅開二度率隊逆轉勝



已經36歲的Cristiano Ronaldo，也在今天完成重返老東家曼聯的首秀，他在上半場傷停補時階段，幫球隊先馳得點，下半場又在雙方平手時，率先進球突破僵局，C朗還是那個C朗，就算相隔12年後重披曼聯戰袍，依舊這樣無所不能。

C朗在上半場傷停補時2分鐘，看準隊友射門被對方門將撲出來的空檔，隨即「抓漏」起腳，幫助曼聯踢進本場第1球。下半場儘管被紐卡索追平，但比賽進行到第61分鐘，C朗再度接獲隊友傳球，精彩起左腳再度破門，讓曼聯以2比1超前，隨後全隊士氣大振再進2球，輕鬆以4比1擊敗對手。

這場全英超都在看的C朗首秀，僅花了47分鐘就有得分紀錄，這也是C朗生涯第200場單場雙響砲，也是他在英超的第86個進球。總計C朗在這場比賽踢滿全場，射門6次，2次射正，觸球62次，傳球45次成功39次，傳球成功率達到了87%。

值得一提的是，這是C朗時隔4507天再次為曼聯進球，上一次C羅為曼聯破門是在2009年5月10日，當時在英超第36輪曼聯主場2比0戰勝曼城，當時C羅直接以自由球破門。

[Busconcamp]

連皇用行動證明自己响球隊嘅價值，後備入替嘅短短時間用一避一射盡顯功架，幫球隊埋齋，呢球當然要多謝好友普巴嘅傳送同馬仔故意嘅閃避，令連皇能夠同C朗及般奴同樣出現响賽果表嘅入球球員名單上

連加特對紐卡素數據:
24分鐘上陣時間
9次傳球成功
90%傳球成功率
16次觸球
2次奪回球權
3次失去控權
1次傳球被封
1次越位
1次攻門
1次中框
1入球

*大家其實可以留意下，其實連加特嘅射門轉化成入球率好高㗎，即係一係唔射，一射就入你波果隻

[Busconcamp]

曼聯傳奇領隊費格遜對於C朗回歸表示：「我知道很多人為了C朗回歸都出了一分力，C朗真的希望回來。這很重要，我們處理得非常好。C朗確定回來的一刻當然很興奮，同時也鬆了一口氣，因為我無法想像他為曼城效力，我認為任何人(曼迷)也是。這就是為什麼我們要為了確保他能回來踏出一步。球會為這宗轉會和格拉沙家族商討後，作出了良好的跟進工作，轉會便完成了。」

「我和其他球迷一樣都很興奮。今天早上醒來便期待了一整天。我代表所有曼聯球迷表示這是美好的一天。」

[Busconcamp]

蘇帥於主場4-1擊敗紐卡素後就C朗的表現評論說：「C朗現在已經成為一個比他之前在這裡時更好、更全面的球員。有時候他可從邊路推進，然後切入並射門取得入球，你不會想像讓他作衝鋒車般壓陣吧。他的最厲害之處是他感受到比賽的形勢，深知道何時需要走進禁區、何時需要稍為墮後參與。這場比賽他處理得非常成熟而且簡單直接，他不會失去太多控球權，只有一次，但他的踢法是非常有效率。除非他表示需要退下火線，否則我不打算換出他，他需要比賽時間，真正的去比賽。他在祖雲達斯踢了幾場季前熱身賽的敗仗，以及參與葡萄牙國家隊的比賽而已，所以他需要有90分鐘的比賽（讓他寓賽於操）。」

[Busconcamp]

蘇斯克查讚揚卡雲尼讓出7 號球衣的舉動：「卡雲尼的表現值得讚揚，他上賽季踢得非常好。C朗與他交談後，便讓出他的球衣，表達了對C朗的尊重，而C朗與卡雲尼交談也表達了對卡雲尼的尊重。他們兩位都是頂級和專業的球員。」

[Busconcamp]

正當今場有C朗強勢回歸入波帶領球隊全取3分，其實後防嘅新援華拉尼亦協助防守令後場得以壓力大減，所失一球亦全是紐卡素真係做得漂亮。而華拉尼全場包抄，協防及攔截都做得好好

華拉尼對紐卡素數據:
51次傳球成功
91%傳球成功率
67次觸球
5次奪回球權
6次失去控權
2次攔截成功
2次頭搥解圍
2次攻門
0次中框
1次錯失重大機會

[Busconcamp]

C朗於擊敗紐卡素後在社交平台表示：「睽別多年，終於重回奧脫福，這場比賽讓我想起為甚麼奧脫福球場外號「夢劇場」。於我而言，奧脫福是一個神奇的地方，只有你有堅定的鬥志，那麼一切都有可能發生。」

「靠著隊友的支持，以及球迷們不離不棄的陪伴，我們將充滿自信地面對前方的挑戰，並將會在不遠的將來一起慶祝。」

「能夠再次成為紅魔鬼，我非常自豪。希望我的到來能幫助球隊更上一層樓。」

[Busconcamp]

即使平日對於連加特會開下玩笑，但不得不讚連加特的確係一個勵志故事(非抽水曲線)。曼聯青訓出生，兒時身型較為矮小，而技術又唔算好突出，但係慢慢踢到上一隊又受幾位前領隊包括雲高爾及摩連奴重用，更喜歡於大賽用上連加特，雖然以28歲之齡遇上低潮，更陷於離隊邊緣，上季外借希望證明自己，亦以表現證明自己實力。今季回到曼聯雖然已成邊緣球員，但明顯地落到場都會不遺餘力去比賽。終於俾連加特與兒時於青訓學院曾經學習嘅球會傳奇C朗同場比賽，更取得入球，的確真係好勵志

[Busconcamp]

般奴：「每個人都知道C朗為球會帶來了什麼，我們真的很高興擁有他。正如他所說，最重要的是團隊的結果，好的球員總是可以一起踢得很好 ; 好的球員總是可以一起比賽，能夠互相尊。現在便預測我們能走得多遠還是為時過早。我們必須持續，即管看看我們能走得多遠吧！」

[Busconcamp]

[多奇出品] - 曼聯主場對紐卡素賽後短評

今場C朗再次番嚟奧脫福嘅第一場比賽，球隊亦都以4:1大勝紐卡素嚟慶祝，以下係筆者為球員俾嘅一個分數同埋少少評語。



C朗拿度

評分：9

評語：縱使C朗第一次同隊友合作，默契有待建立，但佢能夠把握到兩次機會轉化成入球，依樣正正係球隊所缺乏。上半場一球執死雞，下半場一球半單刀，成功帶領球隊領先。除此之外，C朗亦都會主動入攝、走位和提醒隊友點走位。



般奴

評分：8

評語：下半場般奴禁區外遠射得手，令球隊可以拉開比數到3:1，奠定贏波嘅基礎。其餘時間般奴顯示出佢嘅鬥心，助攻助守，但球隊受制於紐卡素嘅密集防守，難以組織入肉嘅攻勢，而且佢亦都有兩次喺中後場失去控球權，俾對方打反擊。

格連活特

評分：7

評語：球隊所入嘅第一球，正正係格連活特一腳遠射，龍門擋出不遠，俾C朗執死雞射入。其餘時間受制於對手密集防守，起腳機會唔多，而佢亦嘗試斬波入禁區，可惜唔係省中對手就係差點尺寸。格連活特與C朗同場比賽時需要搵到自己嘅定位。

辛祖

評分：5

評語：辛祖明顯同隊友默契尚未建立，佢亦都發揮唔到自己單對單過人本領，同梳爾嘅合作亦都未能產生化學作用。辛祖需要急起直追，因為左、右路攻擊線位置競爭激烈，有連加特、馬斯亞、格連活特及養傷中嘅拉舒福特。



普巴

評分：7

評語：普巴踢防中明顯限制咗佢創造性，尤其當對方死守嘅時間，普巴只可以專注做簡單嘅傳送。不過，當紐卡素喺下半場逼住要進攻後，普巴就把握機會組織攻勢，最後貢獻出兩次助攻。而防守方面，睇得出佢係盡力做夾擊同攔截。

馬迪

評分：6

評語：馬迪憑住自己經驗作出有效嘅攔截同遮位，加上佢有身高優勢，對防守角球亦都有一定作用。可惜，速度慢係佢嘅弱點，尤其當球隊俾對手打反擊時，佢嘅回防速度往往跟唔到對手，令自己後防暴露空位。

梳爾

評分：7

評語：梳爾藉住一個反擊，盤球前進，然後交俾C朗一個直線單刀射入，充分睇到佢全面技術。除咗防守之餘，仲可以做埋助攻。可惜佢同辛祖嘅合作，未能擦出火花。梳爾好似唔係咁放心將個波傳俾佢。

麥佳亞

評分：6

評語：麥佳亞控制晒球隊嘅高空波，無論係防守角球抑或應付從對面而來。自從佢同華拉尼拍擋後，就好似有咗自己嘅定位，雖然速度慢嘅弱點仍然存在，但明顯地企位方面係淡定好多。



華拉尼

評分：7

評語：無論攔截、速度和頭搥都達到一定水平，加上佢經驗，似乎了解到麥佳亞嘅風格同優、缺點，從而對拍擋作出一點提示。可以睇到佢有作為後防精神領袖嘅特質，但佢同麥佳亞嘅默契仲可以建立得好啲。

雲拜沙卡

評分：6

評語：雲拜沙卡除咗努力防守之外，亦都不時後上助攻，但出波嘅質素有待提升。另外，佢阻止對方打反擊嘅效果亦都明顯，憑住佢嘅回防速度同準成嘅攔截，有效地打斷對方攻勢。

迪基亞

評分：6

評語：整體俾隊友感覺好穩陣，下半場迪基亞救咗球勁射，成功阻止對方反先，而失嘅一球佢亦都已經盡咗自己能力挽救。

後備入替



連加特

評分：7

評語：連加特後備入替後，令到左路攻擊線活躍咗好多，睇到佢同隊友間嘅配合同走位都好純熟，而佢射入嘅一球就係普巴、馬斯亞同佢嘅一個完美配合而造成，希望之後比賽佢有更多出場機會。

馬斯亞

評分：5

評語：佢同普巴、連加特合作制造嘅入球非常精彩。

雲迪碧克

評分：5

評語：期望佢有更多出場機會。

總結：C朗嘅回歸令到球隊攻擊力提升一個層次，特別係把握力同突破能力。不過，球員需要時間建立更好嘅默契。例如：格連活特少咗機會入禁區，佢應該點做從而可以繼續發揮自己把握力呢？辛祖又點樣融入球隊之餘，又保留到自己原有踢法呢？



防中方面嘅調整亦都需要，筆者留意普巴同馬迪速度唔算快，當遇到對方球員有速度同把握力時係咪繼續用依個組合呢？仲有球隊既然攻擊線已經咁強，防中人選係咪應該搵啲攔截力更強，傳球風格更踏實嘅球員呢？雲迪碧克係咪適當人選呢？

球隊能夠大勝，所以支持者都會開心嘅，希望球隊可以保持依股氣勢。

[Busconcamp]

曼聯歐聯分組賽作客對年青人22人大軍名單:

門將: 迪基亞/希頓/高華
後防: 達洛治/雲拜沙卡/麥佳亞/連迪洛夫/拜利/梳爾/華拉尼
中場: 費特/連加特/馬迪/馬達/雲迪碧克/普巴/般奴
前鋒: 格連活特/辛祖/馬斯亞/C朗拿度/艾蘭加

[Busconcamp]

K11賽前小分析: C朗完成完美的二次紅魔地標戰後，來到歐聯分組賽作客年青人的賽事，今場相對是分組賽中較易應付的一仗，所以亦是可以相對較多輪換的一仗，當中包括較為適合歐戰的連迪洛夫、雲迪碧克等等，好讓梳爾、普巴及華拉尼等等主力作出小輪換。而前場也較大可能繼續以格連活特、C朗及辛祖出擊，而卡雲尼有小傷也未能隨隊，不過馬斯亞及連加特等等也可以隨時候命。年青人方面，主場出擊面對曼聯，相信能取1分會是目標。

2021/22 歐聯分組賽 - 年青人 VS 曼聯
比賽日期: 9月14日 ( 9月15日凌晨 )
比賽時間: 00:45

預計陣容:
迪基亞
達洛特 連迪洛夫 麥佳亞 梳爾
雲迪碧克 費特
般奴
格連活特 C朗拿度 辛祖

[Busconcamp]

蘇斯克查更新卡雲尼情況：「在國際賽期間，他在我們的隊內比賽有一點碰撞而受傷了，他正努力康復回歸大隊。」

[Busconcamp]

蘇帥就格蘭表示球員們於上周五（對戰紐卡素的前夕）晚餐時都不吃甜點的言論表示：「格蘭明顯地在跟好友說笑而已，就算於C朗回歸之前，我們也不會吃一些垃圾食物的，這不是因為C朗而轉變的。」

[Busconcamp]

曾穿起曼聯7號球衣捧起英超冠軍的利物浦名宿奧雲評論C朗：「C朗是位超人，難道你認為不是嗎？你只想看到他，我不在乎你是否支持曼聯，但當他入球或接受採訪的時候，你會難以掩蓋自己的喜悅。在足球比賽裡能看到這樣的人真是太好了。」

[Busconcamp]

2021/22 歐聯分組賽 - 年青人 VS 曼聯
全場完，年青人2:1曼聯

上半場開波2分鐘對手搶截辛祖後進行快攻，一路帶波推入禁區邊位置起腳射斜出界，之後11分鐘又cup落底線橫傳中間，但無人接應之下出界。不過13分鐘曼聯憑住般奴及C朗呢對葡萄牙組合先開記錄，般奴係左路傳中劏穿防線，C朗跑至門前輕鬆撞射入網成1比0。隨後年青人企位顯然易見，由本身壓前變到慢慢縮後至中後場加強防守，有機會就進行快速反擊，可以見到梳爾、普巴等人一帶波過中場線就俾兩個人mark實。而本來右路係雲迪碧克及雲拜沙卡防守之下尚算穩陣，但34分鐘雲拜沙卡一次攔截踩中對方腳踝直接被罰紅牌離場，令曼聯係餘下比賽時間需要踢少一個應戰。曼聯立即換入達洛特補位換出辛祖，37分鐘對手右路抽射僅僅柱邊出界，半場完。

下半場曼聯換出表現OK嘅雲迪碧克換入華拉尼，53分鐘C朗接應般奴大腳長傳，帶波推入禁區後疑似被對手侵犯跌倒，但球證並無任何表示。隨後曼聯開始變陣踢3中堅陣式，推兩閘上前，前面留低C朗及般奴，不過65分鐘對手右路傳中，前鋒球員伸腳撞射入網追和至1比1。72分鐘曼聯換入連加特及馬迪，換出C朗及般奴。入波後嘅年青人繼續進攻並積極壓前，相反曼聯方面只能夠憑住連加特自己一個係前場進攻，其他球員則回後協防。變得十分保守嘅曼聯終於守到補時階段94分鐘失波，正所謂久守必失，連加特一次致命回傳變成對手嘅絕佳單刀機會射入，迪基亞都保你唔住...最終曼聯輸年青人1比2。

[Busconcamp]

蘇帥在歐聯首場分組賽1-2不敵年青人賽後表示：「我們需要12分才能晉級，我們需要贏得所有主場比賽，以及1場作客比賽。今晚是個錯失了的機會，當然地，但回想上季我們首兩仗擊敗了巴黎聖日耳門及萊比錫，當時所有人都認為我們已晉級了。所以我們仍有5場比賽，去爭取那10到12分。」

[Busconcamp]

這就是C朗，可惜......

C朗拿度對年青人數據:
72分鐘上陣時間
17次傳球成功
85%傳球成功率
29次觸球
2次奪回球權
6次失去控權
2次被侵犯
2次攻門
2次中框
1入球