Games Animation Forum

返回   Games Animation Forum > 娛樂興趣區 > 體育版 > 球會討論區

回覆
 
主題工具 顯示模式
舊 12-11-19, 03:36 PM   #126
Busconcamp
The One
紅魔鬼閃耀GAF
 
註冊日期: Jan 2003
文章: 75,709
重奪曼聯正選 連格:我回來了



連格本季出場時間大幅下跌,更失去正選位置,但於歐霸盃他取得久違入球後,之後對熱刺及曼城都有理想演出。連格道:「我感覺很好,那個熟悉的連格已回來了,我感覺狀態良好。我好喜歡為曼聯貢獻,我愛落場更贏波。」

「每個球員都有狀態高低起伏,你只要繼續努力,以及保持正面想法,你就會找回你自己。當然不能落場會令我不開心,但現在連格已經回來了。」(goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-11-19, 03:38 PM   #127
Busconcamp
The One
紅魔鬼閃耀GAF
 
註冊日期: Jan 2003
文章: 75,709
賀蘭掟樽洩憤 曼聯球探睇晒

【Now Sports-體育】薩爾斯堡前鋒賀蘭周二歐聯不敵利物浦時,擲水樽發洩悶氣,在場的曼聯球探應該也看在眼裡。

歐聯黑馬薩爾斯堡在周二分組賽主場0:2不敵衛冕的利物浦,只能降格轉戰歐霸盃。超級新星賀蘭(Erling Haaland)全場受制於紅軍防線表現一般,而看到紅軍前鋒沙拿窄角度射成2:0時,向場邊人士索取水樽,為的不是喝水,而是拿起水樽狠狠擲在地上,濺起水花。

這位19歲前鋒,賽前豪言球隊可以3:1打敗紅軍,而他包辦球隊3球,結果他上半場錯過黃金機會,到75分鐘就被換出場,表現與願望落差甚大。 據悉,曼聯派出球探保特親臨現場觀看賀蘭,相信對他有興趣,皆因此子不但步大力雄,而且十分有爭勝心,這些都是曼聯目前所缺乏的,但結果可能也把他發脾氣一事紀錄下來。

賀蘭今季迄今合共射入28球,光是歐聯就取得8個入波,對一名年輕球員而言實在是很難得的數據,難怪曼聯等一眾歐洲豪門都在緊密注視。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-11-19, 03:40 PM   #128
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯準備下季賣走保羅普巴



曼聯中場普巴一直吵鬧要離隊,球會現在有意季尾賣人,因為他們已經找到新對象去頂上,分別是阿積士中場雲迪碧克或者馬德里體育會的沙奧尼古斯。

皇家馬德里、巴塞隆拿及祖雲達斯都對於普巴有興趣,一旦曼聯放售,相信不愁找下家。(Goal.com)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-12-19, 08:38 AM   #129
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯老闆開水喉!冬季可簽3人



曼聯上場英超「曼市打吡」擊敗曼城後,紅魔鬼老闆格拉沙家族對賽果非常高興,唔止向領隊蘇斯克查大派定心丸,支持佢留任,更加準備於下月冬季轉會市場大開水喉增兵,批准蘇B最多可以簽入3人,將會主要集中收購中前場球員。

根據英國《每日郵報》爆料,曼聯勝出打吡戰後,球會聯席主席祖爾格拉沙約見蘇斯克查,高度評價佢嘅領軍能力,表明無意換帥,仲會投入資金買人。

祖爾格拉沙之所以咁興奮,除咗曼聯成績有改善之外,亦因為贏咗打吡戰,令批評格拉沙家族嘅聲音大為減少,老闆梗係開心,更加願意開水喉增兵提升實力。

據悉,格拉沙家族已經落「柯打」要求總裁伍德沃德全力配合蘇斯克查,進行買人工作。球會有3大人選,包括今屆歐聯入咗8球嘅薩爾斯堡射手夏蘭特、馬體會中場沙奧尼古斯、阿積士中場雲迪碧克。

曼聯一早想買夏蘭特,蘇斯克查執教莫迪時期,一手提拔夏蘭特,大家都係挪威人,如果蘇B開到聲,相信呢位19歲新星願意追隨恩師,估計夏蘭特達8600萬鎊。

至於馬體會中場沙奧尼古斯技術全面,比賽勤力跑動,攻守兼備,正係曼聯最需要嘅中場核心,特別係保羅普巴一直想離隊,簽入沙奧尼古斯足以代替呢位法國國腳。

不過,25歲嘅沙奧尼古斯同馬體會毀約金達1.5億歐元,想買佢並唔容易。

因此,曼聯亦有打算收購阿積士進攻中場雲迪碧克,呢位22歲荷蘭國腳係阿積士打入上屆歐聯4強嘅功臣,皇馬一直想收購佢。

隨住兩位阿積士隊友法蘭基迪莊、馬菲斯迪歷特今夏分別轉投巴塞隆拿同祖雲達斯,加上阿積士今屆歐聯分組賽出局,雲迪碧克都希望離隊,佢今季荷甲上陣14場入5球及4次助攻,身價達6500萬鎊。

曼聯要喺下月一次過買齊呢3人,的確非常困難,但只要簽到其中1人,都可以令球隊攻力大為增強,對爭入英超前4位非常有利。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-12-19, 09:17 AM   #130
Busconcamp
The One
紅魔鬼閃耀GAF
 
註冊日期: Jan 2003
文章: 75,709
福仔愈來愈勁 蘇B:真係好似C朗!



突然由谷底反彈,近2場聯賽連斬熱刺同曼城2大勁旅,拉舒福特先梅開二度,「曼市打吡」又攻入打開紀錄嘅1球,領隊蘇斯克查有乜辦法唔錫晒佢?被記者問到從福仔身上,見唔見到C朗影子,蘇帥講到眉飛色舞,話福仔唔只有影子,而係勁似C朗,希望未來福仔會好似C朗一樣,為曼聯帶來英超同歐聯冠軍。

「當你睇到福仔踢波,好容易就聯想到C朗。佢哋嘅技術、體形、態度同特性,所有嘢都極其相似。福仔好有天份,如果發展理想,佢大有可能成為頂級球星,就好似C朗一樣。福仔雖然入球唔算太多,但只要佢充滿信心,就總可以威脅對手後防,只要佢得到機會,就可以入波。」

連國家隊同其他盃賽,福仔近14次上陣射入13球,近期落場嘅表現堅愈來愈似C朗,無論係過人、射12碼、甚至射罰球嘅動作,都好似C朗上身一樣,魔迷當然希望福仔未來成就,真係可以媲美C朗。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-12-19, 09:18 AM   #131
Busconcamp
The One
紅魔鬼閃耀GAF
 
註冊日期: Jan 2003
文章: 75,709
格拉沙家族密會蘇B 兩承諾令魔迷興奮



上周連贏熱刺同曼城,大部份「紅魔迷」都相信,之前帥位不穩嘅領隊蘇斯克查依家應該可以放心啦!事實上,根據《每日郵報》報道,原來曼聯班主格拉沙家族已經密會咗「蘇B」,仲向佢作出咗兩大承諾,包括畀佢更多時間同更多資金增兵,總之今季就點都唔會炒,未來前景仲好樂觀添!

根據《每日郵報》所講,格拉沙家族已經親自同「蘇B」傾過,向佢強調高層對佢有絕對信心,會全力支持佢。格拉沙家族亦明白重建球隊需時,絕對唔會過份心急。此外,隨住球隊已經攀升上第5位,開始見到爭入前四嘅希望。據知,球會總監伍德沃德嚟緊會喺轉會市場給予「蘇B」全力支持,包括馬體會中場沙奧尼古斯、薩爾斯堡嘅射手夏蘭特,以及阿積士中場雲迪碧克等,都會爭取買入。總之,「蘇B」家陣要錢有錢,要時間有時間,「魔迷」等住你帶領球隊重建皇朝呀!


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-12-19, 09:22 AM   #132
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【特稿】連挫強敵!曼聯仲需唔需要普巴?



早前有傳若曼聯輸畀熱刺同曼城,領隊蘇斯克查將會被炒,但曼聯卻遇強愈強,先後2:1殺敗2大強敵,贏出曼市打吡1仗更係紅魔鬼本季,甚至係蘇帥3月坐正後踢得最好嘅一場。曼聯3箭頭愈踢愈好、麥湯米尼同費特洛迪古斯演出亦漸入佳境,唔少魔迷可能已經唔記得普巴存在。

普巴自10月頭對完阿仙奴後,就因傷未能上陣,期間紅魔鬼屢挫強敵,曾擊敗車路士、熱刺同曼城,利物浦今季唯一贏唔到嘅聯賽,就係喺奧脫福失分。但曼聯卻係羅賓漢劫富濟貧,近期就於錫菲聯同阿士東維拉身上跌分,期間失咗5球,實際演出令人不敢恭維。

曼聯依家再殺食嘅,就係打下風等反擊,福仔唔使再打箭頭後狀態愈來愈好,馬迪爾亦同丹尼爾占士愈來愈有默契,最令人意外嘅係連費特都打番起,對曼城一仗守到藍月亮一戙都冇,麥湯米尼更成中場最不可或缺嘅一員。

但一到主攻時候,曼聯因為中場創造力太低,進攻時雜亂無章,無論出桑馬達或者連格,都係毫無改善。曼聯打防反出色,連哥迪奧拿都話冇可能完全箝制福仔、馬迪爾同占士,但打陣地戰的話,曼聯戰鬥力就起碼減半。

曼聯仲係蛻變期,以現有人腳,最好就係借鏡利物浦,以鐵血中場輔助三叉戟攻堅。當然曼聯冇可能於短時間去到死敵嘅高度,但呢條路絕對係正確方向。普巴質素唔使懷疑,如果佢有心踢,更可以為曼聯提供靈光,以撕開對手密集防守。但普巴個心早已唔喺曼聯度,呢名麻煩友未來好可能繼續「好一場、衰幾場」,蘇帥應謹重考慮將佢高價賣走、以換取資金投資落中場,或者可以更快令曼聯戰鬥力進一步提升。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-12-19, 09:42 AM   #133
Busconcamp
The One
紅魔鬼閃耀GAF
 
註冊日期: Jan 2003
文章: 75,709
無敵曼聯有排J 新Big6小聯賽壓住利物浦



曼聯連續擊敗熱刺同曼城,表現驚人,無敵曼聯再度崛起,英國《泰晤士報》為今屆英超定義新Big6,指出曼聯係現時新Big6小聯賽嘅榜首勁旅,沉寂多時嘅曼迷今次有排J喇!

報道稱,傳統Big6係有阿仙奴,但新Big6就將阿仙奴剔除,補入異軍突起嘅李斯特城,然後將新Big6互相交手戰果成績計算小聯賽,並進行排名。

6支勁旅得出排名順序係曼聯、利物浦、李斯特城、曼城、熱刺及車路士,曼聯喺呢個小聯賽暫以5戰4勝1和得13分領先,利物浦同樣係4勝1和,但得失球唔級曼聯排第2,至於成績最弱係熱刺同車路士,同得1和3負僅得1分。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 12-12-19 09:49 AM 被 Busconcamp 編輯。
Busconcamp 目前離線   回覆時引用此篇文章
舊 12-12-19, 10:03 AM   #134
Busconcamp
The One
紅魔鬼閃耀GAF
 
註冊日期: Jan 2003
文章: 75,709
堅尼訓話 有個曼聯球員竟然癱喺度



蘇斯克查入主曼聯後,經常邀請球會名宿返嚟,向球員分享經驗,講吓當年曼聯啲威水史,近日蘇帥請嚟鐵血隊長堅尼向球員訓話,期間竟然有位球員癱喺度坐,非常之唔尊重。

英國《鏡報》報道,堅尼嘅風格相信係人都知,嚴格、火爆、硬朗,為咗贏波乜都做得出,曾經同門將舒米高互毆而毫不退讓,一個咁嘅人前來曼聯訓話,一班年輕人自然要耐心聆聽,不過居然有人不識抬舉。

報道指,堅尼訓話期間,有一位球員癱喺度坐,表現完全唔尊重,堅尼對該位球員表達不滿,至於有冇懲罰,報道就冇再提。一位知情人士爆料:「可以想像當時場面,有個球員癱喺度,堅尼睇見梗係眼火爆啦。」


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-12-19, 10:18 AM   #135
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【人物誌】般尼新星勢回奧脫福做新傑斯



歐洲轉會市場一月重開,積極增兵嘅英超老牌勁旅曼聯隨時會有一名舊將回歸,就係來自般尼嘅20歲新星杜韋麥尼爾。5年前畀「紅魔鬼」青年軍放棄嘅佢,估唔到近兩季喺般尼踢出一片天,可以兼任翼鋒同進攻中場嘅佢,一隻黃金左腳腳法勁純熟,無論盤球突破定畀致命直線都好出色。近日般尼領隊戴治都承認,杜韋麥尼爾嚟緊極有機會畀大球會買走,而有傳曼聯正係其中一個潛在買家,想將佢帶回奧脫福屋企!

杜韋麥尼爾本身係曼聯青訓成員,不過去到14歲就被踢走。之後佢去咗般尼嘅青訓繼續發展,仲喺2018年4月正式同般尼簽咗一紙正式職業球員合約,然後5月為球會首次喺英超披甲。跟住近呢兩季,杜韋麥尼爾更成為般尼必然正選之一,今季聯賽16輪場場擔正,交出1入球4助攻數據,表現出色。

根據英國《太陽報》報道,曼聯領隊蘇斯克查今季唔止一次要求派球探去睇呢名左腳仔表現,而水晶宮對佢有意。不過對於本身都喺大曼徹斯特郡出世嘅杜韋麥尼爾嚟講,能夠回歸曼聯相信亦會係一大心願。

當然,已經係英格蘭小國腳嘅杜韋麥尼爾,同威爾斯傳奇傑斯梗係有唔同,但至少純熟嘅左腳,同上佳突破及傳中能力,就都有幾分相似。如果「紅魔鬼」真係簽到佢返嚟,同丹尼爾占士一左一右雙翼齊飛,都應該幾好睇,幾值得期待。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-12-19, 12:46 PM   #136
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯2連勝後扑槌 簽兩中場放走普巴



曼聯連贏熱刺同曼城之後,自我感覺非常良好,兩場硬仗都冇保羅普巴在陣,球隊唔使再依賴呢件麻煩友,總於落決定將佢賣走。英國《每日郵報》報道,曼聯只要簽入兩位中場,就會放走普巴。

報道指,普巴與曼聯合約尚餘18個月,但普巴堅決唔肯續約,再過一季就可回復自由身,如果曼聯再唔放人就會人財兩失,因此近日會方終於正視問題。既然擊敗熱刺同曼城都唔使普巴,證明現有人腳都唔差,只要搵到合適替補,放走普巴都冇乜大不了。

頂替普巴人選有兩個,一個係阿積士荷蘭中場雲迪碧克,另一個係馬體會西班牙中場沙奧尼古斯,由於普巴身價甚高,賣走普巴再買番兩個中場,計落仲有賺添。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-13-19, 09:24 AM   #137
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【歐霸】福仔變C朗 曼聯崛起



今晚歐霸盃分組賽有場焦點大戰,曼聯主場擺擂台鬥阿爾克馬爾,紅魔連贏2場,有位功臣不可不提,這位仁兄就是「福仔」拉舒福特。

拉舒福特近期腳風順,不但梅開二度擊敗熱刺,令重返奧脫福的摩連奴失威,更於打吡戰射垮曼城先開紀錄,今季英超暫時累積10個入球。

「福仔」不但打救曼聯,亦打救帥位不穩的領隊蘇斯克查,就連蘇斯克查都說,看見拉舒福特就會想起C朗,指他們無論技術身形態度都相似。

今晚曼聯的對手阿爾克馬爾,近3仗歐霸喪入13球,火力強橫,出戰這支荷甲二哥,即管看看「福仔」會否再次C朗上身。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-13-19, 09:29 AM   #138
Busconcamp
The One
紅魔鬼閃耀GAF
 
註冊日期: Jan 2003
文章: 75,709
11分鐘轟4球 曼聯炒AZ魔性重現



歐霸盃分組賽煞科,在L組已穩奪出線權嘅曼聯同阿爾克馬爾最後一輪對壘,爭奪首名出線席位,結果紅魔鬼於下半場11分鐘內狂轟4球,主場以4比0大勝首名出線,其中小將格連活特個人梅開二度兼博得12碼,係曼聯爆發進攻浪潮嘅進攻核心,以今仗表現足以在隊中佔一席位。

曼聯連勝兩場英超硬仗過後,今仗派出輪換陣容,不過擔任箭頭嘅安東尼馬迪爾表現未見起色,浪費唔少機會,不過有其他隊友搭救,曼聯進攻浪潮於下半場53分鐘開始,尼曼查馬迪中路送直線入禁區,桑馬達左路接應橫傳,艾舒利楊格右路窄位射個掛網波,曼聯領先1比0。

5分鐘後,加特拿前場搶截對方腳下球,格連活特禁區娥眉月頂勁射死角入網,曼聯擴大優勢至2比0,格連活特殺得性起,62分鐘殺入禁區被佐迪卡斯撞跌博得12碼,桑馬達操刀破網贏到3比0。

格連活特意猶未盡,64分鐘接應桑馬達傳送,右路左腳射近柱建功,曼聯贏到4比0直至完場,強勢奪得首名資格。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-13-19, 09:37 AM   #139
Busconcamp
The One
紅魔鬼閃耀GAF
 
註冊日期: Jan 2003
文章: 75,709
曼聯最快有邊個?占士福仔之外仲有佢



「天下武功、唯快不破!」足球場都一樣,你夠快,自然入波過人都會格外得心應手。至於喺英超老牌勁旅曼聯入面,如果一講到快,大家一定會諗起「福仔」拉舒福特同丹尼爾占士,不過經過上星期場曼市打吡之後,大家以後一講起曼聯最快,就要加入埋以下呢個球員——連格!

英超今季打咗16輪,未計對曼城之戰,之前15場波嘅每場衝刺最快球員,有8次係「福仔」,其餘7次就係占士,冇其他人快得過佢兩個。只係,喺上輪嘅曼市打吡,根據Opta資料,全場錄得最快衝刺竟然唔係上述二人,而係錄得時速34.43公里嘅中場連格。

當然,睇番晒今季16場跑得最快球員,依然都係「福仔」。佢喺8月對水晶宮場波造出時速36.32公里;其次則係丹尼爾占士,佢喺對錫菲聯場波造出35.70公里,連格都仲未追得到。

今季曼聯英超每場最快

對手/球員/時速(公里)

車路士/丹尼爾占士/33.52

狼隊/拉舒福特/33.33

水晶宮/拉舒福特/36.32

修咸頓/丹尼爾占士/34.24

李斯特城/丹尼爾占士/35.04

韋斯咸/丹尼爾占士/33.81

阿仙奴/拉舒福特/35.53

紐卡素/丹尼爾占士/34.09

利物浦/拉舒福特/33.39

諾域治/拉舒福特/33.70

般尼茅夫/拉舒福特/33.67

白禮頓/拉舒福特/36.15

錫菲聯/丹尼爾占士/35.70

阿士東維拉/丹尼爾占士/35.08

熱刺/拉舒福特/34.39

曼城/連格/34.43


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-13-19, 09:45 AM   #140
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【歐霸總結】32強多地雷 曼聯阿仙奴睇路



歐霸盃分組賽結束,連同歐聯空降嘅8支小組第3名球隊,32強名單亦都全部出爐,英超球隊延續歐聯100%出線氣勢,阿仙奴、曼聯同狼隊都順利晉級,前兩者更加以首名出線,下周一(16號)抽籤會成為種子隊。不過32強抽籤仍然有唔少「地雷」,好似羅馬、利華古遜、薩克達等都唔係種子隊,一眾豪門都避之則吉。

種子隊●非種子隊

西維爾(A組首名)●尼科西亞(A組次名)

馬模(B組首名)●哥本哈根(B組次名)

巴素利(C組首名)●基達菲(C組次名)

寧斯(D組首名)●士砵亭(D組次名)

些路迪(E組首名)●克盧日(E組次名)

阿仙奴(F組首名)●法蘭克福(F組次名)

波圖(G組首名)●格拉斯哥流浪(G組次名)

愛斯賓奴(H組首名)●盧多格德斯(H組次名)

真特(I組首名)●禾夫斯堡(I組次名)

巴沙克舒希(J組首名)●羅馬(J組次名)

布拉加(K組首名)●狼隊(K組次名)

曼聯(L組首名)●阿爾克馬爾(L組次名)

阿積士(歐聯最佳第3名)●利華古遜(歐聯第3名)

薩爾斯堡(歐聯最佳第3名)●薩克達(歐聯第3名)

國際米蘭(歐聯最佳第3名)●奧林比亞高斯(歐聯第3名)

賓菲加(歐聯最佳第3名)●布魯日(歐聯第3名)


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-13-19, 09:56 AM   #141
Busconcamp
The One
紅魔鬼閃耀GAF
 
註冊日期: Jan 2003
文章: 75,709
兩德甲球會斟挪威新人王 同曼聯鬥搶



利物浦簽南野拓實,薩爾斯堡另一矚目球星、19歲挪威新人王夏蘭特動向仲有好多可能性,傳媒估計曼聯靠蘇斯克查同該球員關係,應該佔得先機,但另有消息指夏蘭特到訪兩間德國球會,睇嚟曼聯要簽到呢位新人王,蘇B要加把勁。

據報道,夏蘭特喺薩爾斯堡嘅違約金只係2000萬鎊(約2億港元),但由於佢愈嚟愈紅,仲有曼聯、祖雲達斯,再加兩支德甲球隊有機會加入爭奪行列,其最終轉會費相信唔會少。

當地時間周三,夏蘭特在經理人陪同下,到訪多蒙特及RB萊比錫訓練場,傳媒估計係同佢未來動向有關,一般預計夏蘭特於明年1月轉會窗必定轉會,問題係目的地未定。

歐聯利物浦對薩爾斯堡當晚,有多達40位球探現場觀看夏蘭特表現,不過要數最有機會簽到夏蘭特嘅球會,始終係曼聯,傳媒估計,主要原因領隊蘇斯克查係挪威人,由佢簽挪威神童,係好合理嘅事。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-13-19, 10:05 AM   #142
Busconcamp
The One
紅魔鬼閃耀GAF
 
註冊日期: Jan 2003
文章: 75,709
馬迪終於有得踢!可能係最後一戰



凌晨歐霸盃L組最後一場,主場對阿爾克馬爾,兩隊都已經取得出線權,曼聯和波更可以獲得小組首名,領隊蘇斯克查事先張揚會派副選出戰,包括起用已經缺陣2個月嘅尼曼查馬迪。

之前因傷倦勤嘅尼曼查馬迪,其實已經復操兩星期,但由於狀態欠佳,一直未有披甲,蘇斯克查表示今場係時候畀呢位31歲中場上陣「熱下身」,佢話:「馬迪已經傷愈,肯定會參賽,至於達洛治只係復操1日,仲未踢得,馬高斯盧祖、科素文沙下星期應該可以復操。保羅普巴仍然缺陣,希望佢今年內可以復出。」

尼曼查馬迪對上一次為曼聯上陣,係10月初歐霸盃對阿爾克馬爾,盛傳呢位塞爾維亞國腳將於下月轉會市場重開後離隊,相信餘上陣時間唔會多,隨時今場成為佢嘅告別戰都唔出奇。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-16-19, 08:28 PM   #143
Squall-Lucifer
God of Gamer
懶人一個
 
註冊日期: Oct 2008
文章: 10,585
歐霸32強抽中布魯日,先客後主


__________________
PSO2:CBT古參アークス,ソロアルティメットソダム100階クリア,憎悪に歪む原初の闇Aラング12回、Sラング1回クリアの經驗ある
神眼石グライアイの数:報酬7個+ドロップ物7個,合計14個
艦これ:2015年4月7日於佐伯灣上任,2016夏以來全船
16冬、17冬、17春、17秋、18冬、19冬、19春、19夏、19秋、20桃之節句、20夏、20秋冬、21春、21夏、21秋、22冬、22春、22夏秋、23春、23夏、24春:21甲提督
18年3月、11月、12月、19年3月、4月、6月、11月、12月、20年5月、7月、11月、12月、21年5月、6月、11月、12月、22年3月、6月、11月、12月、23年5月、6月戰果提督,新艦尚缺:N/A
Squall-Lucifer 目前離線   回覆時引用此篇文章
舊 12-30-19, 09:34 AM   #144
Busconcamp
The One
紅魔鬼閃耀GAF
 
註冊日期: Jan 2003
文章: 75,709
冬季最搶手係佢!三大豪門爭住要



唔少優秀球員將於明夏約滿,所屬球會如果未能留住佢哋,往往會提早割價求售,以免人財兩失。拿玻里前鋒梅頓斯正係其中之一,由於呢位32歲比利時國腳要求600萬歐元年薪,先至肯續約,但拿玻里滿足唔到佢,勢必下月出售佢,結果引來曼聯、國際米蘭、多蒙特爭奪。

拿玻里早前發生兵變,內部笠笠亂,梅頓斯認為會方必須加佢人工,先至願意留隊,據報佢要求續約2年,每年600萬歐元人工。

不過,拿玻里老闆迪羅倫迪斯有意改組球隊,解決內部混亂問題,無意重金留住梅頓斯,雙方談判已經破裂。

今季已經係梅頓斯效力拿玻里第7個球季,佢過去3季意甲表現大勇,總共入咗62球,所以唔少球會有興趣簽佢。其中曼聯一直想簽入前鋒,提升攻力,梅頓斯身價唔算貴,成為目標之一。

多蒙特擔心查頓辛祖可能離隊,所以想簽入梅頓斯以備不時之需,而國米教練干地亦物色緊新前鋒,除咗基奧特之外,梅頓斯都係佢考慮人選之一。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-30-19, 09:42 AM   #145
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【賽後解碼】曼聯、阿仙奴「細路」當家



曼聯同阿仙奴兩支今季沉淪嘅英超豪門,周五(13號)喺歐霸盃都成功拎到小組首名出線,而兩隊今場最注目嘅球員,都係只得18歲嘅「天才細路」──美臣格連活特以及布卡約沙卡,兩大新人王雖然年紀輕輕,但表現已經相當成熟,今季爭逐歐霸之路相信仍會扮演重要角色。

美臣格連活特今季英超經常後備上陣,歐霸盃分組賽就孭重飛,5場正選攻入4球,今場對阿爾克馬爾梅開二度,令佢成為曼聯史上最年輕歐洲賽入2球球員(18歲72日),領隊蘇斯克查賽後大讚:「我同朗尼等等頂尖前鋒合作過,但講到入球觸覺,格連活特係我見到最強球員之一,無論左腳右腳都冇問題,佢係所有後防嘅噩夢,如果練埋頭槌,就會成為最全面嘅前鋒。」

至於阿仙奴翼鋒布卡約沙卡,之前分組賽作客法蘭克福已經有1入波2助攻表現,今場作客標準列治雖然客串左翼衛(尾段仲做埋左閘),但仍然有1射1傳帶領阿仙奴追和2比2,今屆歐霸盃4次上陣有2入球及4次助攻,更加係「兵工廠」今季各項賽事嘅助攻王(6次)!

曼聯目前鋒線人手只係猛猛緊,安東尼馬迪爾出任箭頭評價亦係好壞參半,美臣格連活特累積經驗後,上陣時間只會不斷增長,就算1月買新前鋒都唔會有太大影響,蘇斯克查會繼續力捧呢位愛將。布卡約沙卡喺阿仙奴同樣前途光明,陣中只有尼高拉斯比比一個翼鋒屬「大哥」,加比爾馬天尼利、雷斯尼爾遜都係爭緊上位嘅新人,沙卡嘅機會肯定唔會少。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 12-30-19 10:14 AM 被 Busconcamp 編輯。
Busconcamp 目前離線   回覆時引用此篇文章
舊 12-30-19, 10:11 AM   #146
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【東體爭議】有羅美路係曼聯嘅幸運



曼聯周五(13號)歐霸盃主場4比0大破阿爾克馬爾,阿根廷門將羅美路寫下「紅魔鬼」生涯里昂,今場係佢第50次為曼聯上陣,作為2號門將嘅佢,50次上陣當中竟然有31場保持不失,合共只係失過24球,數字相當驚人。

貴為球壇班霸阿根廷嘅門將,過去4個幾球季各項賽事上陣50場,絕對係少得可憐,但羅美路一直甘於「阿二」角色,從來冇扭計或者埋怨,而曼聯每次用佢都可以得到穩定表現回報,試問有邊間球會有羅美路呢種「卡士」嘅2號門將?

32歲嘅羅美路同曼聯合約去到2021年,而且曼聯有權再延長多1年合約,有佢同迪基亞分擔把守大門嘅責任,「幸運」曼聯可以無後顧之憂。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363

此篇文章於 12-30-19 10:17 AM 被 Busconcamp 編輯。
Busconcamp 目前離線   回覆時引用此篇文章
舊 12-30-19, 10:19 AM   #147
Busconcamp
The One
紅魔鬼閃耀GAF
 
註冊日期: Jan 2003
文章: 75,709
講完福仔似C朗 蘇B又話青木似朗尼



曼聯喺歐霸盃大炒阿爾克馬爾,連同之前兩場英超硬仗連贏熱刺同曼城,紅魔鬼喺1周內3連勝,兩位天才前鋒拉舒福特同格連活特被捧到上天,蘇斯克查喺上兩場大讚「福仔」有C朗影子,今場「青木」起孖,又話佢似朗尼,總之就係勁。

蘇斯克查賽後大讚格連活特,佢話:「作為終結者,格連活特確係與眾不同,當佢喺禁區附近,你就會覺得佢會搵到機會,佢能夠創造空間,左右腳都純熟,我對佢非常滿意。」

佢又將佢同朗尼比較:「我見過幾位好似佢呢個年紀嘅好球員,我曾經與朗尼同隊,仲有我自己,都係與生俱來嘅終結者,佢係我見過其中一位最佳球員,我哋球會擅長培養呢類天才球員。」


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-30-19, 10:20 AM   #148
Busconcamp
The One
紅魔鬼閃耀GAF
 
註冊日期: Jan 2003
文章: 75,709
數據分析阿積士捧歐霸 曼聯第4



歐霸盃32強下周一先至抽籤,但有科學數據分析已經為現有32支淘汰賽球隊作出比較,從而搵出最有機會捧盃球隊,結果顯示,阿積士捧盃機會率有9%,係最大機會捧盃嘅球隊,至於無敵曼聯暫以8%排第4。

現時歐霸盃上16隊同下16隊強弱分明,32強抽籤可避免強隊過早碰頭,但由於從歐聯降格8隊中有唔少勁嘢,歐霸盃嘅形勢亦受影響,分析顯示,捧盃機會最大係歐聯降格打歐霸嘅阿積士,捧盃機會高率9%。

8%共有3隊,順序係利華古遜、薩爾斯堡同曼聯,利華同薩爾斯堡同樣係歐聯降格球隊,奪標機會自然較高,曼聯排第4,係歐霸分組賽出線捧盃機會最高球隊。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-30-19, 10:24 AM   #149
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【東體爭議】奧雲:延續球員生涯成魔冇錯



英格蘭一代射手奧雲雖然已經掛靴6年,但利物浦球迷仍然無法原諒佢10年前加盟死敵曼聯,斥責呢位叛逆可恥。不過,奧雲近日接受傳媒訪問時,表示並不後悔當年成魔,就算畀佢揀多1次,仍然會咁做。

現年40歲嘅奧雲屬於利物浦青訓產品,1998年世界盃16強,年僅18歲嘅「黃毛小子」以一人之力突破阿根廷防線射入,一戰成名,2001年更協助利物浦成為五冠王,自己亦獲得歐洲足球先生殊榮。

當全世界以為奧雲將成為紅軍傳奇人物,佢卻於2004年轉投皇馬,但令利迷最嬲係2009年佢竟然加盟曼聯。

奧雲講番呢件事,透露其實身不由己:「我本來打算離開皇馬後,重返利物浦,但事情出現變化,結果去咗紐卡素,至於2009年加盟曼聯,我並唔覺得羞恥,因為係當時最好嘅選擇,就算揀多1次,都會同曼聯簽約。其實無論加盟紐卡素、曼聯、史篤城,

都唔係我嘅夢想,我當時只係想延續球員生涯。」

雖然奧雲僅效力曼聯3季,但就捧過1次英超及1次英聯盃冠軍,被球迷寸係「曼聯名宿」,永遠都無法「洗白」。現今球壇之中,球員忠誠與個人利益,邊樣更重要,點都拗唔完,或者正如奧雲所講,問心無愧已經足夠。


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
舊 12-30-19, 10:25 AM   #150
Busconcamp
The One
紅魔鬼閃耀GAF
 
註冊日期: Jan 2003
文章: 75,709
【特稿】偉大!曼聯連續82年做同一件事



曼聯被譽為足球壇最重要球會之一,佢哋歷史同影響力自然非同凡響,相比起眾多嘅聯賽同歐洲賽事冠軍,曼聯有一件堅持咗82年嘅事更加值得稱頌,球會自1937年開始,每一場比賽嘅大軍名單都一定有自家青訓球員在列,周日(15號)主場對愛華頓將會係連續第4,000場,可以話係球壇最強「青訓帝國」。

「紅魔鬼」一直以青訓系統傑出見稱,自史葛鄧肯喺1937年派出一個冇任何青訓球員嘅陣容後,曼聯過去82年都有至少一個青訓產品出現喺比賽大軍名單,佐治貝斯、鄧肯愛華士、卜比查爾頓、傑斯、碧咸到依家嘅拉舒福特、麥湯米尼、美臣格連活特等等,通通都係呢個史無前例紀錄嘅參與者。

蘇斯克查對愛華頓前表示:「我哋為呢個紀錄感到光榮,呢個係曼聯嘅DNA,曼聯嘅成功係建基於自家青訓。」


__________________
避免"殘酷一BAN"...請謹慎出POST~
偶體內流住GAF
曼聯成功拿下頂級聯賽20冠軍!
流胃兄x民賤聯.無恥黨x禮義廉......
250311.3975.12363
Busconcamp 目前離線   回覆時引用此篇文章
回覆

主題工具
顯示模式

論壇跳轉

相似的主題
主題 主題作者 版面 回覆 最後發表
曼聯躉紅魔鬼地帶[VOL.94]~Closed~ Busconcamp 球會討論區 1001 10-24-19 11:56 AM
曼聯躉紅魔鬼地帶 [VOL.85]~CLOSED~ Busconcamp 球會討論區 1020 04-10-14 09:28 AM
曼聯躉紅魔鬼地帶 [VOL.83] ~~~CLOSED~~~ Busconcamp 球會討論區 1000 11-25-13 01:33 AM
曼聯躉紅魔鬼地帶 VOL.81 ~~~CLOSED~~~ Busconcamp 球會討論區 1001 07-12-13 03:15 AM
曼聯躉紅魔鬼地帶 VOL.73 ~~~CLOSED~~~ Busconcamp 球會討論區 1040 03-05-12 02:03 AM


現在的時間是 04:44 AM


手機版 | APP版
Powered by vBulletin® 版本 3.8.3
版權所有 ©2000 - 2024,Jelsoft Enterprises Ltd. map
Games Animation Forum