曼聯躉紅魔鬼地帶[VOL.95]各項賽事三連勝,入球眾數,重上正軌？

[Busconcamp]

莫耶斯葡萄：曼聯對我同蘇斯克查有別

【Now Sports】韋斯咸領隊莫耶斯周三作客倒戈曼聯，賽前情不自禁抱怨：「明顯就是厚此薄彼。」

2013年，蘇格蘭籍領隊莫耶斯（David Moyes）獲前帥費格遜欽點成為曼聯繼承者，簽下了6年合約，但短短10個月就在壓力下被炒。 當時，紅魔無緣爭奪英超冠軍，甚至失去了歐聯席位，球季未完傑斯就成為看守領隊，莫耶斯憶述那段痛苦回憶：「曼聯是一間優秀的球會，也是美好的地方，更是全球最偉大的球會，對我來說，它永遠是一個特別的地方，我期望重返那兒。」

「蘇斯克查開局不順，但與我不同的是，他有時間重建球隊，他把青年軍帶上一隊，這是曼聯的傳統，現在他們擁有一流的青年球員。」這位韋斯咸主帥看來仍然對當日失飯碗耿耿於懷。 韋斯咸數字上尚未上岸，但護級壓力實已不大，相反，前東家仍要為歐聯席位而奮鬥，莫耶斯會不會「鬆章」？

[Busconcamp]

一球世界波！曼聯要買意甲神鋒



曼聯「三叉戟」拉舒福特、安東尼馬迪爾、格連活特今季瘋狂入波，但紅魔鬼主帥蘇斯克查仍未滿足，計劃今夏再收購1位前鋒。意大利傳媒爆料，指曼聯有意簽入拖連奴射手比洛迪。

曼聯上年夏天已經睇中比洛迪，但拖連奴當時企硬，要求任何球隊必須支付1億歐元違約金，先至可以帶走呢位26歲意大利國腳，令紅魔鬼卻步。

不過，依家情況出現變化，因為比洛迪已經效力拖連奴5年，打算今季協助球隊護級之後，轉投大球會，令事業更上一層樓，所以一旦有豪門出手簽佢，佢一定會走人，拖連奴勉強留住佢亦冇用，最終可能需要減價，估計4000萬歐元有交易。

比洛迪至今為拖連奴上陣187次，總共射入92球，包括今季意甲上陣31場入16球，佢喺上場對熱拿亞，射入1球炮彈式世界波，技驚四座，難怪曼聯睇中佢。據悉，國際米蘭都想收購比洛迪，紅魔鬼要簽入佢，都唔容易。

[Busconcamp]

雙核嚟料　曼聯今晚英足盃再鍊車



今晚上演另一場英格蘭足總盃4強大戰，曼聯喺中立場溫布萊球場出戰車路士，「紅魔鬼」曼聯狀態大勇，近5場取得4勝1和，中場「雙核」波基斯費南迪斯同保羅普巴拍檔愈踢愈順，加上雙方今季3次交鋒，「紅魔鬼」全部勝出，明顯食住車仔。（無綫85台周一凌晨1時直播）

曼聯喺冬季轉會市場簽入葡萄牙國腳波基斯費南迪斯之後，中場組織力得到改善，加上另一位中場球星保羅普巴喺英超重開後復出，呢兩位猛將合作迅速擦出火花，帶動曼聯攻力大增，加上格連活特、拉舒福特等攻擊主力愈踢愈生猛，協助球隊近期經常取得大勝，當中對錫菲聯、白禮頓、般尼茅夫，以及阿士東維拉都贏3球或以上，明顯愈踢愈有信心。

蘇斯克查今季食住林柏特

「紅魔鬼」除咗近況大勇之外，對賽往績亦剋住車路士，今季英超首輪賽事就以4比0「拆車」，其後又喺英聯盃及聯賽次循環擊敗「藍戰士」，可見「紅魔鬼」主帥蘇斯克查對於拆「車」甚有心得，今場隨時再贏多一次。

另一邊廂，車路士喺英超重開後表現飄忽，近5場輸2仗，而且2場敗仗合共失咗6球，防線演出非常唔穩陣。車路士上場聯賽對住篤定降班嘅諾域治，結果只能憑33歲老將基奧特攻入全場唯一入球，小勝1比0，表現缺乏霸氣，喺其他球員包括巴克里、佐真奴費路都唔係踢得特別好之下，今場遇上實力更強嘅曼聯，恐怕都好難逃出「魔掌」。

[Busconcamp]

複製30年前捧盃夢 曼聯係英足盃真命天子？



列斯聯日前因為英冠2哥西布朗輸波，宣布相隔16年重返英超，周六（18日）又因為排第3嘅賓福特輸畀史篤城提早封王，係佢哋自1990年後再次捧走英格蘭次級聯賽冠軍，咁啱得咁蹺，當年贏得英格蘭頂級聯賽冠軍嘅就係今季英超盟主利物浦，估唔到兩軍今年竟然可以攜手複製30年前冠軍夢。老一輩球迷可能記得，當年英足盃係由處於被炒邊緣嘅費格遜帶領曼聯贏得冠軍，唔通曼聯會係今屆英足盃真命天子？

宿命嘅嘢係好玄妙，冥冥之中自有主宰，好難去解釋。利物浦今季首奪英超冠軍，亦係自1990年後再捧英格蘭頂級聯賽冠軍（英甲），當時紅軍雄霸英倫球壇，喺主帥杜格利殊帶領下，坐擁班尼斯、比士利、魯殊、侯頓等猛將，盛極一時，真係冇諗過下次聯賽封王要等30年。

至於當年列斯聯由老將史特根及已故威爾斯名宿史必壓陣，取得英乙錦標，獲得升班資格，更喺91/92球季贏得英超成立前、最後一季英格蘭頂級聯賽冠軍。

不得不提嘅，係當時浮浮沉沉嘅曼聯，嗰段時間完全唔夠利物浦揪，就算傳奇領隊費格遜接手都未即時反彈。但正正同樣喺1990年，費Sir面臨被炒嘅壓力下，憑住英足盃殺出一條血路，於決賽打到重賽終於擊敗水晶宮，係費Sir執教紅魔後首個錦標。

冇呢個英足盃冠軍，費Sir應該保唔住烏紗，亦冇之後嘅紅魔王朝，如今紅魔主帥蘇斯克查逐漸將球隊磨合成形，尤其係強援（波基斯費南迪斯）+青訓產品（拉舒福特）嘅配搭，頗有費Sir嘅影子，唔單止各項賽事連續19場未輸過，英足盃亦殺入4強，今晚（19日）深夜就會喺溫布萊球場同車路士爭入決賽，睇吓曼聯可唔可以爭口氣，同紅軍及列斯聯齊齊重溫30年奪冠美夢。

[Busconcamp]

[Busconcamp]

自己友撞自己友
E3M5頭撞頭
處理傷勢搞左超過5分鐘

上半補時
M9入替E3

補時失球
D1封位失誤

[Busconcamp]

W53自殺式交失
D1又發夢
下半一開波又失多球
0:2

[Busconcamp]

55分鐘
P6入替F17
G26入替J21

[Busconcamp]

M5 OG
0:3

全場頻自己交失波
落後2球之後
換人已經難改善
失信心情況更嚴重

78分鐘
I25入替R10
F24入替W29

[Busconcamp]

85分鐘
M9禁區被掃腳
12碼
F18
1:3

上半場排錯陣
下半場遲換人

[Busconcamp]

迪基亞2次犯錯！曼聯撞「車」出局



周一(20日)凌晨英格蘭足總盃4強，原本「魔性澎湃」嘅曼聯出現反高潮，防線狂出醜，其中門將迪基亞犯下2次低級錯誤，加上中堅哈利馬古尼擺烏龍，以1比3不敵車路士，無緣決賽，兼且19場不敗走勢斷纜。

曼聯臨完上半場出事，當時艾斯派古達右路傳中，基奧特近門輕輕一撞，迪基亞顯得措手不及，結果個波撞到隻手入網。

可能受呢1次失誤影響，下半場開波1分鐘，迪基亞信心完全崩潰，車仔中場美臣蒙特遠射，冇角度又冇力度，但迪基亞竟然變「牛油手」拍咗個波入網，非常肉酸。

曼聯另一位貴價防級大將哈利馬古尼亦失晒魂，將馬高斯阿朗素嘅傳中波，踢入自己龍門擺烏龍，再次陷迪基亞於不義。即使曼聯之後由波基斯費南迪斯射入12碼破蛋，但為時已晚。曼聯出局後，惟有專心爭聯賽前4位及歐霸盃。

車路士領隊林柏特今季頭3次對曼聯都輸波，今場終於打破宿命，車仔打入決賽後，將會同阿仙奴合演「倫敦打吡」爭奪冠軍。

[Busconcamp]

馬古尼又殺錯自己人　重創艾歷拜利



身為全球最高身價後衞嘅曼聯中堅哈利馬古尼，喺英足盃4強唔止擺烏龍，連累球隊1比3輸畀車路士，仲撞傷隊友艾歷拜利，導致呢位科特迪瓦球員面臨提早收咧，亦摧毀領隊蘇斯克查精心打造嘅3中堅陣式。

轉會費達8500萬鎊嘅哈利馬古尼今季由李斯特城加盟曼聯後，不時有蝦碌錯誤，包括對般尼茅夫，被場史坦尼斯拿斯羞辱式「通坑渠」推過，成失波罪人，早前對修咸頓，更於補時「嘜錯自己友」雲比沙卡，搞到被對手逼和2比2。

哈利馬古尼今場英足盃犯錯更加「起孖」，喺1次爭頂之中，撼爆艾歷拜利頭部，令到呢位防線拍檔，血流披面，一跌不起，醫軍入場後需要為佢戴頸箍及氧氣罩，跟住用擔架抬離場，可見情況非常嚴重。

艾歷拜利上半場已經有1次同對手葛特蘇馬相撞，搞到暈得一陣陣，之後再遭到哈利馬古尼「二次傷害」，令呢位養傷多時復出冇幾耐嘅「玻璃腳」可能缺陣今季餘下賽事。

曼聯領隊蘇斯克查今場排出3中堅陣式，原本尚算穩陣，但艾歷拜利傷出之後，防線明顯散晒，哈利馬古尼仲要擺烏龍，絕對係繼迪基亞之後，另一位輸波大罪人。

[Busconcamp]

2年7次大失誤！迪基亞紅魔生涯係時候結束



曼聯門將迪基亞喺英格蘭足總盃4強嚴重失誤，連累球隊輸波出局，呢位周薪達37.5萬鎊嘅紅魔鬼最高人工球員，薪酬同表現明顯唔對秤。

有統計發現呢位29歲西班牙國腳水準每況愈下，近2年犯下7次大失誤，所有好多球迷呼籲曼聯應該收回被外借去錫菲聯嘅鋼門甸恩軒達臣，取代迪基亞。

迪基亞喺2018年世界盃對葡萄牙，「牛油手」發作，將C朗嘅遠射漏入網，此自之後，信心大受打擊，好似撞咗邪，近2年英超就犯下7次大錯導致失波，屬於同期之中，犯錯最多嘅門將。

迪基亞今場將美臣蒙特嘅射門漏入網，同上月英超對熱刺所失1球，幾乎同出一徹，證明佢根本冇吸取教訓。曼聯死忠名宿加利尼維利都睇唔過眼，話：「如果1位球員狀態低迷6個月，仲可以話係短期波動，如果持續1年，就會令人擔心，如果持續2年，咁就真係講唔通。」

因此，輿論開始認為曼聯下季應該換「門」，最好收回甸恩軒達臣，呢位23歲英格蘭國腳近年被外借去錫菲聯，表現出色，錫菲聯今季英超36場失35球，少過前列球隊車路士、李斯特城、熱刺、狼隊，甸恩軒達臣功不可沒。

甸恩軒達臣年輕當打，人工連迪基亞四份一都冇，真係平靚正，同埋收回佢，亦唔需要轉會費，屆時出售埋迪基亞，仲可以收番一大筆轉會費，同慳到巨額人工，對曼聯絕對百利而無一害。

[Busconcamp]

【賽後解碼】曼聯疲兵殘陣！未開波已投降



曼聯今季頭3次對車路士，都成功贏波，但今場英足盃卻輸得好肉酸，除咗門將迪基亞犯錯之外，曼聯整體亦出現疲態，導致大崩塌。

其實睇下領隊蘇斯克查今場排出嘅正選陣容，已知紅魔鬼外強中乾，近期表現出色嘅安東尼馬迪爾、保羅普巴、格連活特今場都擔後備，並非因為輕敵，而係佢哋體能不足，蘇B被逼先收起佢哋。

賽後蘇斯克查亦表示，體力上的確比對手輸蝕：「臨完上半場失守，對我哋打擊好大，球員精神唔集中，令人失望，但亦要留意車路士比我哋多48小時休息，呢個係事實，唔係藉口。」

賽後蘇斯克查亦表示，體力上的確比對手輸蝕：「臨完上半場失守，對我哋打擊好大，球員精神唔集中，令人失望，但亦要留意車路士比我哋多48小時休息，呢個係事實，唔係藉口。」

曼聯之前可以保持19場不敗，好大程度上因為係蘇斯克查已經搵到最佳陣容，但同時亦太依賴同一班主力，加上英超復賽後，賽程緊密，難免令呢班人腳踢到殘，今場焗住更換陣容就出事。

不過，蘇斯克查已經冇時間再去諗今場波，跟住最重要係力爭打入英超前4位，曼聯餘下2場聯賽對手，分別係主場對韋斯咸、作客李斯特城。

[Busconcamp]

熱刺幫手炒狐狸　曼聯搶前4形勢大好

曼聯喺英足盃樣衰出局，不過佢哋離另一個更重要嘅目標又行近一大步，李斯特城周一(20日)凌晨英超作客吞熱刺3蛋，令曼聯爭入前4形勢大好，來季好大機會重返歐聯賽場。

熱刺本身亦要為歐霸資格而戰，主場出擊6分鐘就靠李城後防占士祖斯甸擺烏龍領先，哈利卡利完半場前再入2球，即使下半場再冇入球出現，熱刺仍輕鬆贏3比0。熱刺今場只有29.5%控球率，但最後竟然大勝一仗，領隊摩連奴嘅防反戰術再一次得到成功，呢位前曼聯主帥真係做到嘢。

呢個賽果對曼聯無疑係一大鼓舞，李斯特城依家雖然仍以62分排第4位，但同第5位嘅曼聯同分兼相同得失球差(+28)，而曼聯係踢少1場。曼聯喺周四(23日)凌晨主場對韋斯咸贏波或者和波，就可以殺入前4，煞科日作客李斯特城只要不敗就可以拎到歐聯資格。

[Busconcamp]

曼聯終極報價買辛祖！唔接受即反枱



曼聯力爭收購多蒙特翼鋒查頓辛祖，已經擾攘多時，根據英國《星報》爆料，紅魔鬼管理層已經失去耐性，並向多蒙特發出最後通牒，提出一口價8000萬鎊轉會費，如果呢間德甲球會唔接受，曼聯就會退出談判桌，放棄收購行動！

據悉，多蒙特要求1.1億鎊轉會費，但曼聯行政總裁伍德沃德認為價錢太高，最多只會畀8000萬鎊，如果多蒙特仍然拒絕，曼聯就唔會再傾，無謂再浪費時間，影響今夏增兵計劃。

至於主角查頓辛祖正在度假，佢早前被傳媒問到前途問題，呢位20歲英格蘭國腳就話：「我唔知道可以點講，將來嘅事永遠無法預料，所以會慢慢等，睇下會發生咩事。」似乎佢仍未排除轉會嘅可能性。

曼聯現時中前場人才濟濟，特別係18歲新星格連活特冒起，令領隊蘇斯克查有更多選擇，依家已經冇急切性要買查頓辛祖，所以曼聯唔會任由多蒙特索取高價。

[Busconcamp]

上季周薪得800鎊　曼聯喪加格連活特人工



曼聯今季最大發現絕對係前鋒小將格連活特，這位18歲前鋒獲領隊蘇斯克查重用，由做後備到近期獲得正選機會，佢就不斷用優異表現同入球回報支持者，英國傳媒報道曼聯事隔半季後準備再同佢續約，將會大幅加薪到周薪5萬鎊，係佢最初人工嘅62倍！

格連活特在曼聯青訓出身，上季在蘇斯克查領軍下4次上陣，今季開始獲得重用，成為角逐歐霸盃嘅主力，亦不時在英超後備上陣，近期英超復賽，曼聯中場擁有波基斯費南迪斯及保羅普巴雙核心，「雙槍將」格連活特成為三叉戟其中一員，拍住拉舒福特同安東尼馬迪爾喺前鋒線搵食。

球季仲未完結，格連活特今季已經上陣49場射入16球，躋身球隊一線位置，但佢人工仍然偏低，因此會方準備向佢大幅加薪，據報會由周薪2.5萬鎊加到5萬鎊。

英國傳媒翻查格連活特工資，2019年底之前，佢最初嘅工資只有周薪800鎊，但去年底續約時已大幅加人工至周薪2.5萬鎊，但佢表現實在太好，呢個人工已經無法反映佢嘅表現，因此下一份合約，佢嘅周薪將會加到5萬鎊，而且呢個數肯定唔係終點，只要佢繼續有好表現，曼聯絕對唔會虧待佢。

[Busconcamp]

第17球！格連活特追平3大傳奇紀錄



格連活特喺周四(23日)凌晨為曼聯射入1球，逼和韋斯咸1比1，呢個入球意義重大，因為呢位18歲小將今季各項賽事已經入咗17球，追平曼聯3位傳奇名宿傑特、佐治貝斯、朗尼，成為紅魔鬼史上單季入波最多嘅20歲以下球員之一。換言之，格連活特只要煞科戰對李斯特城，再入1球，就可以打破紀錄。

單計英超，格連活特亦有10球進帳，令佢成為英超史上單季入波達雙位數嘅第2年輕球員，僅次於1997/98年球季嘅奧雲。

如果以20歲以下球員計算，對上1位單季英超入波達雙位數嘅球員，已經係2012/13年球季嘅盧卡古。至於對上1位做到呢個成績嘅英格蘭本土球員，更加要數到2004/05年球季嘅朗尼。

另外，今場比賽亦係格連活特第50次為曼聯上陣，成為球隊史上第2年輕達到呢個數字嘅球員，僅次於傑斯。

[Busconcamp]

懦夫普巴驚食波餅　超低B手球累曼聯失分



英超前4位置爭逐進入最後一戰，曼聯周四(23號)凌晨主場迎戰韋斯咸只能踢成1比1平手，但由於原本第3位嘅車路士輸波，曼聯仍然可以升上第3位，煞科戰作客第5位嘅李斯特城只要不敗就可以確保前4位置。「紅魔鬼」本來可以有更大優勢，不過保羅普巴竟然因為驚食波餅，禁區內低B犯手球輸12碼，成為曼聯今場失分頭號罪人。

曼聯對住踢風流波嘅韋斯咸，雙方都互有攻守，完半場前韋斯咸喺禁區外拎到罰球，迪格蘭賴斯炮彈式勁射，人牆之一嘅保羅普巴竟然驚食波餅，舉起晒兩隻手將個波擋出，VAR檢視後即判罰12碼，韋斯咸由米查利安東尼奧操刀射入。曼聯換邊後由格連活特左腳射入追平，不過之後再冇入波，保羅普巴嘅懦夫行為成失分罪人。

賽後一眾曼聯名宿圍插保羅普巴，加利尼維利表示：「冇可能會咁做！如果真係驚死最多都係縮低個頭，點會舉高兩隻手嚟擋？」法國名將艾拉就話：「保羅普巴都知衰，就算佢會被省到流鼻血，都解釋唔到呢個行為。」

就連曼聯隊長哈利馬古尼賽後都話保羅普巴犯錯：「佢係應該用塊面硬食，保羅普巴已經同我哋道歉，佢知道錯。」不過領隊蘇斯克查就選擇力撐愛將：「普巴驚食波餅而舉高手，但你要知個波係以時速100公里飛埋嚟，用手擋係身體自然反應！」

[Busconcamp]

普巴犯手球輸12碼 對手都恥笑

【Now Sports】曼聯中場普巴周三對韋斯咸犯手球累輸12碼，動作連對手安東尼奧都忍不住取笑他。

正爭奪英超前4的曼聯，周三主場與韋斯咸打成1:1，完半場前普巴禁區內面對安東尼奧的遠射，竟然嚇得用手保護面部，導致犯手球被判12碼，結果安東尼奧親自操刀射入領先半場。

紅魔領隊蘇斯克查雖力撐普巴，然而隊長哈利麥佳亞坦言普巴「驚波」的動作太「軟弱」，表示應該用面去擋波，但舉手也是自然的保護動作，還透露對方賽後已經在更衣室向大家道歉。

更慘的是，安東尼奧下半場重開前，竟然在普巴面前跟隊友開玩笑，甚至重複他的舉手保護面部動作，普巴看在眼中十分不滿，露出敢怒不敢言表情。

相關片段： https://youtu.be/Sa52WFv9mrQ

[Busconcamp]

曼聯1：1博「鎚」殺上前4



【Now Sports】周三英超，曼聯主場雖僅以1:1逼和韋斯咸，但仍能殺入前4。

曼聯繼續以犯錯頻頻的迪基亞把關，中場普巴重返正選跟般奴費蘭迪斯、馬迪合作，三叉戟為馬斯亞、美臣格連活（Mason Greenwood）、華舒福。韋斯咸原陣出擊，以兩翼查洛保雲、科拿斯支援前鋒安東尼奧。

紅魔在上半場佔有優勢，但攻門威脅不大，反而鎚仔幫於尾段發力。補時2分鐘，中場迪勤懷斯主射罰球，省中普巴的手，球證重看VAR後判12碼，安東尼奧射入，韋斯咸半場領先1:0。 51分鐘，格連活跟馬斯亞做one-two後快腳射成1:1。

不過紅魔追平後未能再度製造出接近的埋門，兩軍最終握手言和。曼聯以63分終於躋身前4，把李斯特城踢至第5位，兩軍下場對撼。韋斯咸取1分，護級成功。

[Busconcamp]

曼聯和「李」得前4 蘇B：100%煥然一新

【Now Sports】曼聯於周三英超對韋斯咸取得1分，下周日在作客李斯特城的爭前4「決賽」，只要和波力足保前4，領隊蘇斯克查表明屆時會煥然一新。曼聯37戰得63分，以得失球差力壓同日輸波的車路士升上第3位，而比李斯特城多1分，只要下周日作客李城不敗，就不必理會車路士作客狼隊的成績，肯定得前4。

領隊蘇斯克查（Ole Gunnar Solskjaer）直言早前兼顧英足盃，如今到下周日才再戰，有足夠時間養精蓄銳：「在過去數個星期，我們沒有最好的復元時間，那是因為英足盃之故。那是好此，但現在有3天時間......，星期日前額外的一天休息，將使我們煥然一新。」

此外，中場普巴在這場周三英超因手球輸12碼，連累球隊主場僅以1:1賽和韋斯咸，蘇B賽後維護這名法國國腳。「他知道自己出事了，但當皮球以時速100公里飛來，這是自然動作。」

此外，射手美臣格連活在下半場為曼聯追成平手，今季於各項賽事轟入17球。中堅哈利麥佳亞盛讚：「這是一個美妙的入球。當他進入禁區後，可以自如地操縱雙腳，左右腳都有威脅。他是後衛的噩夢，我在訓練中早已知道。」左閘班頓威廉斯則認為：「格連活一直為球隊貢獻入球，他於前線非常有威脅。今場的入球，他跟馬斯亞的配合相當漂亮。」

英超前4爭奪位置

排名 球隊 賽 勝 和 負 得球 失球 積分

3 曼聯 37 17 12 8 64 36 63

4 車路士 37 19 6 12 67 54 63

5 李斯特城 37 18 8 11 67 39 62

[Busconcamp]

摩佬撐甸軒達臣頂替迪基亞

【Now Sports】前曼聯領隊摩連奴不贊同現帥蘇斯克查，認為迪基亞已開始走下坡，外借至錫菲聯的甸軒達臣才是紅魔目前門將的最佳選擇。

周日英足盃4強戰，迪基亞（David De Gea）兩度犯錯下令曼聯輸1:3，被車路士淘汰出局，不過這名29歲西班牙門將賽後續得到領隊蘇斯克查力撐，這位紅魔名宿表示：「無論如何我們都會團結一致，迪基亞的精神面貌能夠應付任何壓力，他知道如何調整以應付訓練和接下來的比賽。」

不過根據《曼徹斯特晚報》報道，曾經執教曼聯的熱刺領隊摩連奴（Jose Mourinho）認為迪基亞已不能勝任球隊的1號門將，並支持過去兩季在錫菲聯表現亮眼的甸軒達臣（Dean Henderson）歸隊頂替迪基亞，把守紅魔的最後一關。

據當地報章指出，甸軒達臣希望從蘇斯克查口中取得正選門將的承諾，否則不排除離隊他投，而車路士將會是他的潛在買家。 迪基亞無疑是曼聯近年的最佳門將，惟今季屢屢失誤，例如面對水晶宮、愛華頓及屈福特時，都因他的犯錯而直接導致失球，結果飽受外界抨擊。

[Busconcamp]

「冇競爭令迪基亞自滿」



迪基亞憑藉以往多年的穩定表現，穩坐「紅魔鬼」首席門將位置，然而近年亦偶有犯錯，包括最近球隊1：3不敵車路士，這位西班牙球星對失球都有責任。除了迪基亞外，其實曼聯仍有阿根廷國腳羅美路、被外借到錫菲聯並有不俗表現的甸恩軒達臣這些選擇。

恩斯表示：「任何門將的犯錯都會被放大，但我們看到迪基亞犯的是很初階、學生哥的錯誤，以他的薪金和水平，是不應該發生的。回望球季，有好幾次是這樣的了。我感覺迪基亞欠缺競爭感，也很自滿。羅美路久不久才有機會上陣，但甸恩軒達臣蓄勢待發，領隊需要製造一些挑戰及競爭。現時，迪基亞知道沒有人挑戰他。可能迪基亞簽下一大合約，因此他覺得任務完成，有點失去爭勝欲，他必須要戰鬥，證明自己。」(Goal.com)

[Busconcamp]

蘇斯克查：迪基亞知道自己應該救到嗰球



蘇斯克查表示：「當然大家都要以好表現去爭取球隊席位。迪基亞知道他應該可以救到第2球，但事情已經過去了，我們展望吧。門將比較難將功補過，不同踢出面的球員。迪基亞在今仗其餘時間有幾個好撲救，證明了自己，但他知道那球他應該救到的。」(Goal.com)